ការយកឈ្នះលើខ្លួនឯង គឺជាទម្រង់នៃការតស៊ូដ៏សំខាន់បំផុតនៅក្នុងជីវិត។ មនុស្សជាច្រើនតែងតែគិតថា សត្រូវដ៏ធំបំផុតរបស់ពួកគេគឺស្ថិតនៅខាងក្រៅ ប៉ុន្តែតាមពិតទៅសត្រូវដែលរារាំងអ្នកពីភាពជោគជ័យ គឺជាទម្លាប់អាក្រក់ ភាពខ្ជិលច្រអូស និងការភ័យខ្លាចផ្ទាល់ខ្លួនរបស់ខ្លួន។ ដូចនេះការស្វែងយល់ពីមូលហេតុដែលអ្នកត្រូវយកឈ្នះលើខ្លួនឯង គឺសំខាន់ណាស់សម្រាប់ការសម្រេចគោលដៅធំៗ។
ខណៈការយកឈ្នះលើខ្លួនឯង គឺជាការអនុវត្តនូវវិន័យ លើការសម្រេចចិត្តប្រចាំថ្ងៃរបស់អ្នក។ នៅពេលអ្នកបង្ខំខ្លួនឯងឲ្យធ្វើអ្វីដែលពិបាក ឬមិនសប្បាយចិត្ត (ដូចជាការភ្ញាក់ពីគេងនៅពេលព្រឹក ការហាត់ប្រាណ ឬការសន្សំលុយ) អ្នកកំពុងពង្រឹងនៃភាពរឹងមាំផ្លូវចិត្តរបស់អ្នក។ ការធ្វើបែបនេះនាំឲ្យមានសេរីភាព និងទំនុកចិត្ត ពិតប្រាកដ។ អ្នកនឹងលែងរស់នៅក្រោមការកំណត់នៃអារម្មណ៍បណ្តោះអាសន្នទៀតហើយ តែអ្នកនឹងក្លាយជាម្ចាស់នៃការសម្រេចចិត្តរបស់អ្នក ដែលនេះជាជំហានតែមួយគត់ដែលនាំអ្នកទៅរកភាពរីកចម្រើន និងការសម្រេចគោលដៅធំៗក្នុងជីវិត។
សរុបមក ការយកឈ្នះលើខ្លួនឯងមិនមែនជាការដាក់ទណ្ឌកម្មនោះទេ តែជាការបង្ហាញពីការគោរពខ្លួនឯង។ ភាពរឹងមាំខាងក្នុងដែលអ្នកទទួលបានពីវិន័យនេះ គឺជាកម្លាំងដ៏សំខាន់បំផុតដែលជួយអ្នកឲ្យសម្រេចគោលដៅ និងកសាងជីវិតមួយដែលពោរពេញដោយអត្ថន័យ។
