ក្រុមហ៊ុនធំៗជាច្រើនកំពុងបញ្ឈប់បុគ្គលិកទោះបីជាពួកគេរកចំណូលបានច្រើនក៏ដោយ។ ពួកគេនិយាយថាវាដោយសារតែ AI អាចធ្វើការងារបានលឿន និងចំណាយតិចជាង។ ដោយក្រុមហ៊ុនដូចជា Amazon, Microsoft និង Accenture បានកាត់បន្ថយបុគ្គលិកជាច្រើន ដោយអះអាងថា AI នឹងធ្វើឱ្យការងាររបស់ពួកគេកាន់តែមានប្រសិទ្ធភាព។
ទោះជាយ៉ាងណាក៏ដោយ អ្នកជំនាញព្រមានថា រឿងនេះអាចបង្កផលវិបាក។ ការសិក្សាមួយពីសកលវិទ្យាល័យ Massachusetts Institute of Technology (MIT) បានរកឃើញថា 95% នៃគម្រោង AI មិននាំមកនូវប្រាក់ចំណេញពិតប្រាកដនោះទេ។ បញ្ហាគឺថា ក្រុមហ៊ុនភាគច្រើនមិនទាន់ដឹងពីរបៀបប្រើប្រាស់សក្តានុពលរបស់ AI ឲ្យបានពេញលេញនៅឡើយទេ។
ជំនួសឲ្យការបណ្តេញបុគ្គលិកចេញ ក្រុមហ៊ុននានាគួរតែបង្ហាត់បុគ្គលិកអំពីការប្រើប្រាស់ AI ដោយភាពឆ្លាតវៃ និងមានភាពច្នៃប្រឌិត ដើម្បីជួយពួកបំពេញការងារកាន់តែមានប្រសិទ្ធភាពជាមុន។ ពីព្រោះថា ទោះបីជា AI ឆ្លាតខ្លាំងក៏ដោយ វានៅតែមិនអាចជំនួសមនុស្សដែលគិតប្រកបដោយភាពច្នៃប្រឌិត ដោះស្រាយបញ្ហា និងបង្កើតគំនិតថ្មីៗបានឡើយ។
