YouTube សាកល្បងមុខងារថ្មីដែលប្រើ AI ដើម្បីជួយសង្ខេបខ្លឹមសារក្នុង Video

ថ្ងៃនេះ Google បានប្រកាសពីការចាប់ផ្តើមសាកល្បងមុខងារ AI ជំនាន់ថ្មីនៅលើកម្មវិធី YouTube ដែលនឹងផ្តល់អត្ថប្រយោជន៍ទាំងអ្នកបង្កើត និងអ្នកប្រើប្រាស់ទូទៅ។

លក្ខណៈពិសេសដំបូងគឺ “ការសង្ខេបមតិយោបល់ដែលដំណើរការដោយ AI”

AI នឹងចាត់ថ្នាក់មតិជាក្រុម ដោយផ្អែកលើខ្លឹមសារ។ YouTube ផ្តល់នូវឧទាហរណ៍នៃការប្រើប្រាស់មុខងារ AI នេះដើម្បីសង្ខេបមតិយោបល់នៅក្នុងវីដេអូជាមួយនឹងមតិយោបល់មួយចំនួនធំ។ មុខងារនេះនឹងជួយអ្នកបង្កើតឱ្យយល់ពីមតិកែលម្អរបស់អ្នកមើល និងកំណត់អ្វីដែលអ្នកមើលចូលចិត្ត និងមិនចូលចិត្តអំពីវីដេអូរបស់ពួកគេ។វាក៏អាចជួយអ្នកបង្កើតប្រើប្រាស់មតិកែលម្អរបស់អ្នកមើល ដើម្បីបង្កើតវីដេអូឲ្យរឹតតែល្អនាពេលអនាគតផងដែរ។

មុខងារទីពីរគឺ “Conversational AI Tools” ដែលជា AI chatbot ពិសេសសម្រាប់ YouTube

មុខងារនេះទំនងជាផ្តល់អត្ថប្រយោជន៍ដល់ទស្សនិកជនទូទៅ ដោយសារតែអ្នកមើលអាចជជែកជាមួយ YouTube AI ដើម្បីសួរសំណួរដូចជា៖

• សុំឱ្យ AI ណែនាំបញ្ហាគណិតវិទ្យាទាក់ទង​នឹងវីដេអូបង្រៀនគណិតវិទ្យា
• សុំឱ្យ AI ណែនាំវីដេអូផ្សេងៗដែលទាក់ទង​នឹងវីដេអូបច្ចុប្បន្ន
• សុំឱ្យ AI សង្ខេបខ្លឹមសារនៃវីដេអូ

មុខងារនេះនឹងធ្វើឱ្យកាន់តែងាយស្រួល និងលឿនសម្រាប់អ្នកមើលក្នុងការប្រមូលពត៌មានដែលពួលគេត្រូវការ។ ប៉ុន្តែមុខងារ AI ទាំងពីរនេះនៅស្ថិតក្នុងការសាកល្បង ហើយមានសម្រាប់តែអ្នកប្រើប្រាស់ YouTube Premium ប៉ុណ្ណោះ។

ប្រភព៖

https://support.google.com/youtube/thread/242690316/testing-new-experimental-generative-ai-features?fbclid=IwAR0cmlq0YRm5KdNlwMfkDj4hVzZ7EL_eK6H1XmDb3H4T4VZdtZj2j8DAP64