អអ្នកដឹងស្រាប់ហើយអតិថិជនគឺជាមនុស្សសំខាន់ណាស់ក្នុងការបង្កើតចំណូលឲ្យក្រុមហ៊ុន។ ពាក្យត្អូញត្អែរដែលកើតចេញពីបទពិសោធន៍មិនល្អរបស់ពួកគេជាមួយនឹងអាជីវកម្មរបស់យើងគឺជាប្រការដែលយើងត្រូវយកចិត្តទុកដាក់ជាទីបំផុត។ ប៉ុន្តែអតិថិជនម្នាក់ៗគឺខុសគ្នាហេតុនេះការកត់ចំណាំពីភាពខុសគ្នាទាំងនោះអាចឲ្យយើងងាយស្រួលក្នុងការដោះស្រាយបញ្ហាឲ្យគេបាន។ ខាងក្រោមនេះគឺជាប្រភេទនៃអតិថិជនដែលមានបញ្ហានិងប្រាប់ពីបញ្ហារបស់ពួកគេមកកាន់ក្រុមហ៊ុន៖
១. អតិថិជនដែលមានភាពទន់ភ្លន់ ៖ ពួកគេមិនងាយនឹងប្រាប់អ្នកឡើយពីអ្វីដែលគេមិនពេញចិត្ត។ ម្យ៉ាងទៀតគេក៏មិនចង់ធ្វើជាបន្ទុកដល់អ្នកដែរ។ នេះមិនមែនមានន័យថាអ្នកនឹងរួចខ្លួនបើអ្នកបានធ្វើឲ្យកើតមានកំហុសចំពោះក្រុមអតិថិជនប្រភេទនេះទេតែវាជាទំនួលខុសត្រូវរបស់អ្នកក្នុងការរកឲ្យឃើញពីឫសគល់នៃបញ្ហា។
២. អតិថិជនដែលពូកែនិយាយ ៖ អតិថិជនក្រុមនេះនឹងប្រាប់អ្នកមិនឲ្យសល់ឡើយពីអ្វីដែលគេមិនពេញចិត្ត។ ប៉ុន្តែពួកគេអាចនឹងធ្វើឲ្យប៉ះពាល់ផ្លូវចិត្តនិងអារម្មណ៍របស់អ្នកនិងក្រុមរបស់អ្នកជាខ្លាំងដែលនៅទីនេះហើយគឺទាមទារឲ្យមានការអត់ធ្មត់ខ្លាំងបំផុត។ អ្នកត្រូវតបប្រតិកម្មប្រកបដោយក្រមសីលធម៌បំផុតទៅកាន់ពួកគេ។ អ្នកមិនត្រូវភ្លេចសម្តែងកិរិយាគោរពចំពោះពួកគេឡើយ។
៣. អតិថិជនបែប High Roller ៖ គឺជាអតិថិជនដែលចំណាយប្រាក់យ៉ាងច្រើនមកកាន់ក្រុមហ៊ុនកាត VIP ជាដើមហើយថែមទាំងភ្ជាប់មកជាមួយដំណើរការប្រសើរជាងមុននោះនាំឲ្យពួកគេក៏មានការពេញចិត្តហើយ។
៤. អតិថិជនដែលមានភាពសាំញ៉ាំ ៖ អ្នកប្រហែលជាមានការពិបាកក្នុងការផ្គាប់ចិត្តអតិថិជនប្រភេទនេះ។ ពួកគេតែងតែទាក់ទងមកអ្នកគ្រប់ពេលដែលគេចង់។ ការអត់ធ្មត់ចំពោះអតិថិជនប្រភេទនេះគឺកាន់តែត្រូវទាមទារជាងអតិថិជនដែលពូកែនិយាយទៅទៀត។ ពួកគេនឹងមិនបណ្តោយឲ្យខ្លួនគេត្រូវខាតប្រយោជន៍ឡើយ។
៥. អតិថិជនដែលពិបាកផ្គាប់ ៖ អតិថិជនប្រភេទនេះគឺតែងតែមិនពេញចិត្តចំពោះអ្វីគ្រប់យ៉ាង។ ពួកគេអាចថាជាមនុស្សរំខានដែរព្រោះថាជួនកាលគេមិនបានទាមទារការទទួលខុសត្រូវឡើយតែគេបែរជាចង់បាននូវអ្វីដែលគេមិនគួរបានទៅវិញ។
