ក្រុមហ៊ុន លី ហួរ គ្រុប មានបេសកកម្ម ផ្តល់សេវាកម្មនិងផលិតផលល្អប្រសើរច្រើនប្រភេទដើម្បីឆ្លើយតបតម្រូវការចាំបាច់របស់អតិថិជន និងភាគីពាក់ព័ន្ធ ព្រមទាំងចូលរួមចំណែកអភិវឌ្ឍន៍សង្គមនិងសេដ្ឋកិច្ចកម្ពុជា។
ក្រុមហ៊ុន លី ហួរ គ្រុប មានបុត្រសម្ព័ន្ធ ដូចជា៖
- ក្រុមហ៊ុន លី ហួរ អ៊ិចឆេង ឯ.ក (LY HOUR EXCHANGE CO.,LTD.) ត្រូវបានបង្កើតឡើងក្នុងឆ្នាំ 1986 ព្រមទាំងរីកចម្រើនរហូតមកទល់សព្វថ្ងៃនេះដោយផ្អែកលើភាពស្មោះត្រង់ តម្លាភាព និងការគោរពឱ្យតម្លៃដល់អតិថិជន។
- លី ហួរ ផនសប ខូអិលធីឌី (LY HOUR PAWNSHOP CO.,LTD.) ជាក្រុមហ៊ុនផ្ដល់នូវអត្រាការប្រាក់ទាប និតិវិធីងាយស្រួល សេវាកម្មរហ័ស និងជឿទុកចិត្ត ដោយរក្សាការសម្ងាត់ជូនអតិថិជន ព្រមទាំងមានជម្រើសក្នុងការសងប្រាក់ដើម និងរក្សាថែទាំបានយ៉ាងល្អលើទ្រព្យសម្បត្តិដែលអតិថិជនបានបញ្ចាំ។
- បុរី វិមានភ្នំពេញ (BOREY VIMEAN PHNOM PENH) ជាគម្រោងអភិវឌ្ឍន៍លំនៅដ្ឋានរបស់លីហួរគ្រុប ដែលបង្កើតឡើងក្នុងឆ្នាំ 2011។
- គ្រឹះស្ថានមីក្រូហិរញ្ញវត្ថុ លី ហួរ ភីអិលស៊ី (LY HOUR MICROFINANCE INSTITUTION PLC.) ផ្ដល់ជូននូវសេវាកម្មឆាប់រហ័ស ផ្ដល់ជូនតាមតម្រូវការ មានរយៈពេលវែង ងាយស្រួលសម្រាប់អាជីវកម្ម ទុនបង្វិល និងឥណទានកសិកម្មតាមរដូវកាល។
- Tepi Agro Investment Co.,Ltd ត្រូវបានបង្កើតឡើងក្នុងឆ្នាំ 2011 ដើម្បីអភិវឌ្ឍន៍វិស័យកសិ-ឧស្សាហកម្ម។
- លី ហួរ លីស៊ីង ភីអិលស៊ី (LY HOUR LEASING PLC) ផ្ដល់សេវាកម្មបង់រំលស់រថយន្តថ្មី ម៉ូតូថ្មី និងមួយទឹកគ្រប់ប្រភេទ ព្រមទាំងមានសេវាកម្មថែទាំរថយន្តប្រចាំខែ។
- លី ហួរ ផេប្រូ ភីអិលស៊ី (LY HOUR PAY PRO PLC) ផ្ដល់សេវាកម្មចម្បង រួមមានវេលុយ ទូទាត់វិក័យប័ត្រ បើកប្រាក់បៀវត្សន៍ និងសេវាកម្មចំណាយផ្សេងៗយ៉ាងងាយស្រួល ហើយសុវត្ថិភាព។
- លី ហួរ អ៊ិនសួរេន ម.ក (LY HOUR INSURANCE PLC) ផ្ដល់នូវធានារ៉ាប់រងទ្រព្យសម្បត្តិ ធានារ៉ាប់រងវិស្វកម្ម ធានារ៉ាប់រងយានយន្ត ធានារ៉ាប់រងលើអត្ថប្រយោជន៍និយោជិត និងធានារ៉ាប់រងផ្សេងៗទៀតទៅតាមតម្រូវការ។
កត្តាដែលធ្វើឱ្យក្រុមហ៊ុន លី ហួរ គ្រុប មានភាពរីកចម្រើនជាបន្តបន្ទាប់បែបនេះ ដោយសារក្រុមហ៊ុនលី ហួរ គ្រុប មានគោលការណ៍គ្រឹះច្បាស់លាស់ ដោយរក្សាយ៉ាងណាឱ្យមានតម្លាភាព អនុវត្តន៍ឱ្យមានគោលការណ៍ត្រឹមត្រូវ ស្មើភាពគ្នារវាងប្រជាជននិងអតិថិជនជាដៃគូរបស់ក្រុមហ៊ុនលីហួរគ្រុបរយៈពេលវែង ហើយនេះជាការផ្ដល់នូវភាពរីកចម្រើនទាំងអស់គ្នា ដើម្បីផលប្រយោជន៍រួម ដែលក្រុមហ៊ុននេះផ្ដល់ជូន។ ហើយនេះ បើយោងតាមប្រសាសន៍ផ្ទាល់របស់លោកឧកញ៉ាលី ហួរ ប្រធានក្រុមប្រឹក្សាភិបាលនៃក្រុមហ៊ុនលី ហួរ គ្រុប។
