តើការងារអ្វីខ្លះដែលអាចធ្វើឲ្យអ្នករកប្រាក់ចំណូលបានពីវិស័យបច្ចេកវិទ្យា?

1199
Group of computer programmers working in the office. Focus is on blond woman showing something to her colleague on PC.

តើការងារអ្វីខ្លះដែលអាចធ្វើឲ្យអ្នករកប្រាក់ចំណូលបានពីវិស័យបច្ចេកវិទ្យា?

នៅក្នុងសតវត្សទី២១នេះជាយុគសម័យបច្ចេកវិទ្យាដែលមនុស្សរាល់គ្នាអាចធ្វើការទំនាក់ទំនង អាចផ្ដល់ពត៌មានឲ្យគ្នាទៅវិញទៅមកបានយ៉ាងឆាប់រហ័ស ជាពិសេសគឺអាចសិក្សារៀនសូត្រពីចម្ងាយដោយមិនចាំបាច់ទៅសាលាផ្ទាល់នោះទេ។ មិនត្រឹមតែអាចផ្ដល់ផលប្រយោជន៍តែប៉ុណ្ណឹងទេ តែវានៅអាចជួយឲ្យមនុស្សមានការងារធ្វើបានកាន់តែច្រើនទៀតផង សំខាន់ឲ្យតែអ្នកមានចំណេះនិង ជំនាញច្បាស់លាស់ទាក់ទងទៅនឹងប្រព័ន្ធឌីជីថលមួយនេះ។ហើយអ្នកក៏អាចក្លាយទៅជាចៅហ្វាយដោយខ្លួនឯងផងដែរ ដោយគ្រាន់តែមានកុំព្យូទ័រ មានអ៊ីនធើណេតគ្រប់គ្រាន់ និងមានជំនាញទំនាក់ទំនងល្អ គឺ អ្នកអាចចាប់ផ្ដើមធ្វើការងារនៅលើបណ្ដាញសង្គមនោះដោយខ្លួនឯងបានហើយ។ ដូចនេះដើម្បីចង់ដឹងច្បាស់ថាការងារអ្វីខ្លះដែលអ្នកអាចធ្វើ និងអាចរកប្រាក់ចំណូលពីប្រព័ន្ធឌីជីថលនោះបាន ពួកយើងនឹងលើកយកនូវការងារចំនួន៧មកបង្ហាញដូចខាងក្រោម៖

១​.  ធ្វើជា affiliate Marketer

Affiliate Marketing គឺជាការលក់តាមប្រព័ន្ធអនឡាញមួយដែលងាយស្រួលបំផុត ក្នុងការចាប់ផ្ដើមអាជីវកម្ម ដោយអ្នកមិនចាំបាច់បង្កើតផលិតផលឬសេវាកម្មណាមួយនោះទេ។ Affiliate Marketer អាចទទួលបានប្រាក់កម្រៃជើងសារ (​Commission) ពីការលក់ផលិតផលរបស់ក្រុមហ៊ុន ឬអាចទទួលបានប្រាក់ចំណូលពីវេទិកា (Platform) របស់ខ្លួនឯងនិងអាចទទួលបានកម្រៃពីច្រកផ្សព្វផ្សាយ (Channel) ផ្សេងៗទៀតដូចជា Alibaba, Amazon ឬ ebay ជាដើម។ ការងារដែល affiliate Marketer ត្រូវធ្វើនោះគឺត្រូវផ្សព្វផ្សាយ ជួយប្រូម៉ូតម៉ាកនិងផលិតផលឲ្យក្រុមហ៊ុននៅលើឆានែលរបស់ខ្លួនដើម្បីបង្កើនអ្នកទស្សនា និង ជួយស្វែងរកអតិថិជនឲ្យក្រុមហ៊ុន។

២. Chatbot Business

Chatbot គឺជា កម្មវិធីកុំព្យូទ័រមួយដែលត្រូវបានបង្កើតឡើងដើម្បីសន្ទនានិងធ្វើការឆ្លើយតបដោយស្វ័យប្រវត្តិជាមួយនឹងមនុស្សបានយ៉ាងល្អតាមរយៈការប្រើប្រាស់អ៊ីធើណេត។សព្វថ្ងៃនេះយើងឃើញថា Chatbot គឺជាជំនួយការដ៏ប្រសើរបំផុត ដែលអាចជួយសម្រួលការងាររបស់មនុស្សឲ្យកាន់តែមានភាពងាយស្រួល ដោយមិនចាំបាច់ចំណាយពេលច្រើន ឬពេញមួយថ្ងៃដើម្បីឆ្លើយតបសារចុះឡើងជាមួយនឹងអតិថិជននោះទេ។ ហើយការប្រើប្រាស់ Chatbot នេះដែរមិនត្រឹមតែមានភាពងាយស្រួល អស់លុយតិច និងរហ័សប៉ុណ្ណោះទេ វាថែមទាំងអាចជួយឲ្យក្រុមហ៊ុនអាចរកអតិថិជនបានកាន់តែច្រើន ជាពិសេសជួយបង្កើននូវទំនាក់ទំនងរវាងក្រុមហ៊ុននិងអតិថិជនឲ្យកាន់តែជិតស្និទ្ធគ្នាពីមួយថ្ងៃទៅមួយថ្ងៃ។ ដូចនេះបើសិនជាអ្នកមានចំណេះ ជំនាញផ្នែក Chatbot  វាគឺជាឱកាសមួយដែលអ្នកអាចរកប្រាក់ចំណូលបានច្រើនដោយបង្កើតវាហើយលក់វាទៅឲ្យក្រុមហ៊ុនណាដែលត្រូវការអ្នកឲ្យជួយ ព្រោះសព្វថ្ងៃនេះ គ្រប់ក្រុមហ៊ុនទាំងអស់សុទ្ធតែត្រូវការ Chatbot ដើម្បីជួយពង្រីកនិងពង្រឹងឲ្យអាជីវកម្មរបស់ពួកគេកាន់តែរីកចម្រើនឡើងៗ។

៣. ទីប្រឹក្សានៅលើបណ្ដាញសង្គម ( Social Media Consultant)

ដោយសារតែនាពេលបច្ចុប្បន្ននេះពួកយើងទាំងអស់គ្នាកំពុងតែស្ថិតនៅក្នុងយុគសម័យបច្ចេកវិទ្យា ទើបការធ្វើទីផ្សារនៅលើបណ្ដាញសង្គមគឺជាផ្នែកមួយដែលពេញនិយម និងមានអ្នកប្រើប្រាស់ច្រើនដើម្បី ធ្វើការផ្សព្វផ្សាយនូវអាជីវកម្ម ម៉ាកយីហោ ផលិតផល និងសេវាកម្មរបស់ខ្លួនឲ្យកាន់តែល្បីរន្ទឺជាងមុន។តែទោះបីជាយ៉ាងណាក៏ដោយ ក៏បច្ចុប្បន្ននៅតែត្រូវការអ្នកដែលឆ្លាតវៀងវៃខាងផ្នែកតិចណូឡូជី ជាពិសេសអ្នកជំនាញនៅលើបណ្ដាញសង្គម ដើម្បីផ្ដល់ជាគំនិតនិងដើម្បីជួយជម្រុញឲ្យធុរកិច្ចរបស់ខ្លួនកាន់តែទទួលបាននូវវឌ្ឍនភាពមួយដ៏អស្ចារ្យ។ដូចនេះ ប្រសិនបើអ្នកជាមនុស្សដែលសម្បូរគំនិតច្រើន ចូលចិត្តវិភាគពីបញ្ហា ពូកែវិភាគពីទិន្នន័យ និងខ្លាំងខាងរកនូវដំណោះស្រាយនៅលើបណ្ដាញសង្គម  អ្នកអាចប្រើប្រាស់ជំនាញផ្នែកនេះដើម្បីរកប្រាក់ចំណូល តាមរយៈការផ្ដល់នូវគំនិត មតិយោបល់ យុទ្ធសាស្ត្រ ឬទិចនិកណាដែលល្អៗទៅដល់ក្រុមហ៊ុន និងប្រាប់ពីវិធីសាស្ត្រក្នុងការប្រើប្រាស់វេទិកានៅលើបណ្ដាញសង្គមយ៉ាងណាឲ្យមានប្រសិទ្ធភាព ឲ្យមានអ្នកគាំទ្រ និងអ្នកទិញកាន់តែច្រើន ជាពិសេសគឺជួយឲ្យក្រុមហ៊ុនអាចបង្ហាញនូវផលិតផលឬសេវាកម្មរបស់ខ្លួនទៅឲ្យអតិថិជនគោលដៅបានឃើញយ៉ាងឆាប់រហ័ស។

Social, Social Network, Structure

៤. ជា YouTuber

​​​​​​​​​​​     ​​​      តើជាធម្មតាអ្នកតែងតែចូលមើលវីដេអូនៅក្នុង YouTube ប៉ុន្មានដង? តើអ្នកធ្លាប់គិតថា YouTube គឺជាវេទិកាមួយដែលអ្នកអាចមានឱកាសចាប់ផ្ដើមធ្វើអាជីវកម្មអនឡាញដែរឬអត់?

ក្រៅពីការធ្វើការងារឲ្យគេ អ្នកក៏អាចរកប្រាក់ចំណូលបានពីការធ្វើនូវវីដេអូដែលទាក់ទងទៅនឹងផ្នែកជាច្រើនដូចជា វីដេអូដែលនិយាយអំពីការសិក្សានូវជំនាញផ្សេងៗរួមមាន ជំនាញទីផ្សារ ទីផ្សារឌីជីថល ជំនាញធុរកិច្ច ឌីហ្សាញ និងផ្សេងៗទៀតនៅលើ YouTube ឬអ្នកអាចជួយផ្សព្វផ្សាយ និងនិយាយពីគុណភាព លក្ខណៈសម្បិត្ត និងរបៀបប្រើប្រាស់នៃផលិតផលរបស់ក្រុមហ៊ុនណាមួយនៅលើច្រកផ្សព្វផ្សាយ (Channel) របស់អ្នកក៏បាន។ និយាយរួមគឺអ្នកអាចធ្វើវីដេអូបែបណាក៏បានឲ្យតែផ្ដល់ជាអត្ថប្រយោជន៍ គំនិត ចំណេះដឹង បទពិសោធន៍ និងភាពសប្បាយរីករាយដល់អ្នកទស្សនា និងអាចទទួលបាននូវផលចំណេញមកវិញ។ ព្រោះជាធម្មតាមនុស្សតែងតែចូលYouTube ដើម្បីចុចមើលនូវវីដេអូ ឬបទចម្រៀងណាដែលពួកគេចង់មើល ចង់ស្ដាប់ទៅតាមចំណង់ចំណូលចិត្ត។ ដោយហេតុថា មនុស្សពុំសូវជាចូលចិត្តអាននូវពត៌មាន ឬអាននូវអត្ថបទច្រើននោះទេ ក៏ប៉ុន្តែពួកគេអាចប្ដូរពីការអានទៅជាការស្ដាប់ជាសម្លេង ឬមើលជាវីដេអូវិញ។ ដូចនេះបើសិនជាអ្នកចូលចិត្ត និងមានជំនាញខាងផ្នែកនេះ គឺអ្នកអាចរកប្រាក់បានយ៉ាងស្រួលតាមរយៈការធ្វើវិដេអូ ឬតាមរយៈការផ្សព្វផ្សាយនូវផលិតផលរបស់ក្រុមហ៊ុនណាមួយនៅលើច្រកផ្សព្វផ្សាយ(Channel)  យូធូបរបស់អ្នក។

៥. ចាប់ផ្ដើមសេវាកម្ម SEO

Search Engine Optimization (SEO) គឺជាដំណើរការមួយដែលជួយឲ្យគេហទំព័រ (Website) របស់អ្នកស្ថិតនៅក្នុងកម្រិតខ្ពស់ជាងគេ មានអ្នកចូលមើលច្រើន និងលោតចេញនៅលើអេក្រង់លើគេនៅពេលដែលមាននរណាម្នាក់ចង់ស្វែងរកពីពត៌មាន ឬុមាតិកាអ្វីមួយនៅក្នុង Google។ហើយអ្នកក៏អាចរកប្រាក់បានច្រើនពី SEO ប្រសិនបើអ្នកចេះពីតិចនិកនិងរបៀបធ្វើវា។

៦. បង្រៀនផ្នែកធុរកិច្ច (Business Coaching)

ប្រសិនបើអ្នកមានគំនិតល្អៗ និងមានជំនាញខាងធុរកិច្ចស្រាប់ អ្នកអាចរកលុយដោយខ្លួនឯងបានច្រើនតាមរយៈការបង្រៀន និងបណ្ដុះបណ្ដាលនូវជំនាញនេះ​ ហើយ អ្នកអាចបង្រៀនពួកគេបានតាមរយៈ Webinars, Podcasts ឬ វីដេអូឆាតតាម Skype ជាដើម។ ដើម្បីចាប់ផ្ដើមជាមួយនឹងការបង្រៀននៅលើបណ្ដាញសង្គមនេះបានអ្នកចាំបាច់ត្រូវតែមានជំនាញ មានបទពិសោធន៍ច្រើន និងឯកទេសខ្លាំងខាងផ្នែកធុរកិច្ច ហើយត្រូវចំណាយពេលរបស់អ្នក២ទៅ៣ម៉ោងដើម្បីបង្រៀនពួកគេ។ហើយប្រសិនជាងអ្នកអាចក្លាយជាអ្នកជំនាញផ្នែកនេះអ្នកនឹងងាយស្រួលក្នុងការរករកលុយ។

Image result for business coaching

៧. បង្កើតនូវផលិតផលឌីជីថល

ចំពោះផលិតផលឌីជីថលត្រង់ចំណុចនេះមិនមែនសំដៅទៅលើផលិតផលដែលមានរូបរាងអាចប៉ះបាន អាចញ៉ាំ អាចប្រើបានដូចផលិតផលដទៃនោះទេ តែវាជាផលិតផលមួយដែលស្ថិតនៅក្នុងទម្រង់ជា Software , PDF file ឬជា Online Course ជាដើម។ អ្នកអាចបង្កើតនូវផលិតផលទាំងនេះរួចលក់វានៅលើគេហទំព័ររបស់អ្នកបាន ដោយសរសេរពីមាតិកា ឬអត្ថបទណាដែលមានសារប្រយោជន៍ដល់មនុស្សរាល់គ្នា ជាពិសេសគឺអត្ថបទដែលទាក់ទងទៅនឹង ធុរកិច្ច ទីផ្សារ ឬសេដ្ឋកិច្ចជាដើម ហើយបើសិនជានរណាម្នាក់ចង់តាមដានរាល់អត្ថបទថ្មីៗដែលអ្នកបានសរសេរ គឺពួកគេត្រូវតែចុះឈ្មោះក្នុងគេងទំព័ររបស់អ្នកទើបអាចទទួលបានពត៌មាន និងអត្ថបទជារៀងរាល់ថ្ងៃបាន។

​   ​     ជារួមមកយើងឃើញថាការងារដែលយើអាចរកបានពីប្រព័ន្ធអេឡិចត្រូនិកនេះមិនមែនមានត្រឹមតែប៉ុន្មានចំណុច ប៉ុន្មានការងារនេះទេ គឺនៅមានច្រើនទៀត ដោយគ្រាន់តែថ្ងៃនេះយើងសូមលើកយកនូវការងារដែលសំខាន់ៗមួយចំនួនតែប៉ុណ្ណោះមកប្រាប់អ្នកទាំងអស់គ្នា។ ដូចនេះបើសិនជាអ្នកចង់បានការងារមួយដែលល្អ ការងារដែលអ្នកអាចធ្វើចៅហ្វាយលើខ្លួនឯងបាន គឺអ្នកត្រូវតែចំណាយពេលខិតខំស្រាវជ្រាវ រៀនពីជំនាញនោះឲ្យបានស៊ីជម្រៅ និងស្ទាត់ជំនាញទើបប្រសើរ។

Previous articleតើអ្នកត្រូវធ្វើបែបណាមុនពេលមកសម្ភាសន៍ការងារ??
Next articleគន្លឹះនៃភាពជោគជ័យរបស់ហាងកាហ្វេប្រោន
គឺជាអ្នកបង្កើត និងសរសេរមាតិកានៅក្នុងគេហទំព័រគំនិត ផ្នែកយុទ្ធសាស្ត្រទីផ្សារ ភាពជាអ្នកដឹកនាំ និងយុទ្ធសាស្ត្រអាជីវកម្ម។ កញ្ញាគឺជានិស្សិតនៃជំនាញទីផ្សារ ( Marketing) នៅសកលវិទ្យាល័យជាតិគ្រប់គ្រង ហើយក៏ជាគ្រូបង្រៀនភាសាអង់គ្លេសក្រៅម៉ោងផងដែរ។ កញ្ញាគឺជាមនុស្សដែលចូលចិត្ត យកឈ្នះលើខ្លួនឯង ជាមនុស្សដែលមានគោលដៅច្បាស់លាស់ ជាមនុស្សឯករាជ្យ និងជាមនុស្សរឹងមាំម្នាក់។ ពេលទំនេរកញ្ញាតែងតែយកសៀវភៅមកអានដើម្បីបង្កើនចំណេះដឹងឲ្យបានកាន់តែជ្រៅជ្រះ រីឯសៀវភៅដែលកញ្ញាចូលចិត្តអានមានដូចជា: សៀវភៅអាជីវកម្ម យុទ្ធសាស្ត្រទីផ្សារ និងសៀវភៅលើកទឹកចិត្តមនុស្សជាដើម។