ប្លែកអស្ចារ្យ! ណាត់ហ្គេតសាច់មាន់សុទ្ធ តែមិនសម្លាប់សត្វមាន់ធ្វើសាច់!

495

តើអ្នកធ្លាប់ញ៉ាំChicken Nugget (ប្រហិតសាច់មាន់បំពង)ដែរឬទេ? តើអ្នកជឿទេថា ឥឡូវនេះមានប្រហិតសាច់មាន់​សុទ្ធ (មិនមែនជាអាហារបួសកែច្នៃ) អាច​ផលិតឡើងបាន​ដោយមិនចាំបាច់សម្លាប់មាន់យកសាច់?

នេះគឺជារឿង​អស្ចារ្យមួយ​ដែល​បង្កើតឡើងដោយក្រុមហ៊ុន Eat Just ដែលជា​អាជីវកម្ម​បង្កើតថ្មី​មួយចេញពីសហរដ្ឋអាមេរិក ដោយផលិតសាច់មាន់ចេញពី​មន្ទីពិសោធន៍ ដោយមិនចាំបាច់ចិញ្ចឹម​សត្វមាន់​តាមបែបប្រពៃណីនោះទេ។ សាច់មានទាំងនោះ​គឺច្នៃ​ចេញពី​កោសិការមាន់​ណាមួយ​ដែលគេ​យកចេញពីមាន់រស់ ហើយ​ធ្វើ​ការចិញ្ចឹមវា​ក្នុង​មន្ទីរពិសោធន៍រហូតដល់វាអាច​រីកធំធាត់​ក្លាយទៅជាសាច់មាន់​បែបសាច់ចញ្ច្រាំ​ក្នុង​រយៈពេល​ប្រមាណ​១៤ថ្លៃ។

កាល​ពីចុងឆ្នាំ​២០២០ថ្មីៗនេះ ប្រទេស​សឹង្ហបុរីក្លាយជា​ប្រទេស​ទី១​ក្នុងពិភពលោក​ដែល​អនុញ្ញាតិ​ឱ្យចរាចរសាច់មាន់ផលិតចេញពីមន្ទីរពិសោធន៍​របស់ក្រុមហ៊ុន Eat Just ហើយ​ក្រុមហ៊ុន​នេះ​បាន​សាកល្បង​ផលិត​Nugget ពីសាច់មាន់​ចិញ្ចឹមចេញពីកោសិកាមាន់ដាក់លក់សាកល្បង​កាលពីថ្មីនេះក្នុងតម្លៃ​ប្រហែល២០ដុល្លារសហរដ្ឋអាមេរិច។

លោក Josh Tetrick អគ្គនាយក​របស់ក្រុមហ៊ុន Eat Justបានលើកឡើងថា នេះគឺជា​លើកដំបូងបង្អស់របស់ពិភពលោក ដែល​មនុស្ស​អាច​ញ៉ាំ​សាច់​សត្វ​ពិតឥតក្លែងក្លាយ ដោយ​មិនចាំបាច់ធ្វើការសម្លាប់ដើម្បីយកសាច់នោះទេ ក្នុង​តម្លៃ​សមរម្យ​មួយ។

កាលពីឆ្នាំ​២០១៣ ប៊ឺហ្គឺ​ដែល​ផលិតចេញពីមន្ទីរពិសោធន៍តាមបែបស្រដៀងគ្នា​ធ្លាប់​បានសាកល្បដំណើរការម្តងរួមកហើយ តែ​ក្នុងតម្លៃ​ដ៏ខ្ពស់​មួយ​ក្នុង​ការផលិត​គឺ​ប្រហែល​រាប់ពាន់ដុល្លារឯណោះ។ តែសម្រាប់Eat Just វិញ ដោយសារតែមានការគាំទ្រលើការវិនិយោគ​​មកពីក្រុមហ៊ុនធំៗនោះ បានធ្វើឱ្យតម្លៃ​នៃ​ការ​ផលិត​មាន​តម្លៃ​កាន់តែទាបទៅៗ ហើយ​គេរំពឹងថា នឹងកាន់តែធូរថ្លៃ​នាពេលខាងមុខ ហើយអាចជំនួស​ឱ្យ​ការប្រើប្រាស់​សាច់​ដែលបានមកពីការសម្លាប់សត្វនៅថ្ងៃ​អនាគត។

ប្រភព៖ Financial Time

Previous articleHBR…តើធ្វើយ៉ាងណាឲ្យ ការសម្រេចចិត្ត ជាក្រុម ទទួលបានផលល្អប្រសើរ?
Next article7-Eleven ចូលខ្មែរ នឹងធ្វើឱ្យហាងលក់ចាប់ហួយគ្រួសារ​ជួបហានិភ័យ?
លោក ហាក់គីមថុង គឺជា ស្ថាបនិក និងនាយក KUMNIT CREATIVE ដែលជា ស្ថាប័ន ផ្តល់សេវាកម្ម និងវគ្គសិក្សាយុទ្ធសាស្ត្រអាជីវកម្មសម័យទំនើប (Digital Marketing) ជាសហស្ថាបនិកគេហទំព័រគំនិត និង​ជា​ប្រធាន​ទីផ្សារ​របសក្រុមហ៊ុនអចលនទ្រព្យ​Century 21 Dream Property។ គាត់ មាន បទពិសោធន៍ការងារជាច្រើន ទាំង​ក្នុង​និង​ក្រៅប្រទេស​ទាក់ទង​ នឹង​វិស័យ​អចលនទ្រព្យ សិក្សា​​ស្រាវជ្រាវ​​ទីផ្សារ​ អាហារ​និង​ភោជនីយដ្ឋាន គ្រឿង​សម្អាង​ និង​ Retail ព្រមទាំង​​ជា​​អ្នក​ប្រឹក្សា​យុទ្ធសាស្ត្រ​អាជីវកម្ម​សម្រាប់​ក្រុមហ៊ុន​មួយចំនួន​ផងដែរ។  គាត់បានចុះកម្មសិក្សា នៅតាមបណ្តាក្រុមហ៊ុនផ្សេងៗ ទាំងក្នុង និងក្រៅប្រទេស ធ្លាប់ចូលរួមកម្មវិធីផ្លាស់ប្តូរវប្បធម៌ សិក្ខាសាលាធុរកិច្ច និង ធ្វើដំណើរ កម្សាន្ដ ទៅប្រទេស​ក្រៅជាច្រើន ដែលនេះសុទ្ធតែជាបទពិសោធ មួយដ៏ល្អសម្រាប់ចែករំលែក និងធ្វើការផ្សព្វផ្សាយបន្ត។