មានដើមទុនក៏ដោយ ក៏ត្រូវមានកត្តាសំខាន់ 7 ទៀត ដើម្បីចាប់ផ្ដើមអាជីវកម្មបាន

220

លោកឃន ឈុនដារ៉ា ជាអគ្គនាយកក្រុមហ៊ុន KOI Thé Cambodia និងជាស្ថាបនិក Tube Café ដែលកំពុងមានការគាំទ្រខ្លាំងនាពេលបច្ចុប្បន្ន ជាពិសេសយុវជនកម្ពុជានៅរាជធានីភ្នំពេញ។

ជាក់ស្ដែងលោកឈុនដារ៉ា កើតនៅក្នុងត្រកូលអ្នកមានជីវភាពល្អ ព្រមទាំងមានឪពុកម្ដាយជាអ្នករកស៊ីស្រាប់ ដូច្នេះប្រសិនបើលោកចង់ចាប់ផ្ដើមអាជីវកម្ម គឺវាអាចងាយស្រួលច្រើន ព្រោះអាចយកដើមទុនពីឪពុកម្ដាយបាន ប៉ុន្តែទោះបីជាយ៉ាងនេះក្ដី ក៏លោកឈុនដារ៉ា បានបង្ហាញពីបទពិសោធន៍ផ្ទាល់ខ្លួនក្នុងការចាប់ផ្ដើមអាជីវកម្ម ដោយវាពឹងផ្អែកលើកត្តាជាច្រើនលើសពីលុយ ហើយទាមទារឱ្យយើងត្រូវតែមានដើម្បីអាចដំណើរការអាជីវកម្មមួយបានសម្រាប់ខ្លួនឯងបាន។

  1. ក្ដីស្រលាញ់ចង់ចាប់ផ្ដើមអាជីវកម្មលើផ្នែកណាមួយជាក់លាក់ ដោយជាក់ស្ដែងលោកបានចាប់អារម្មណ៍និងមានក្ដីស្រលាញ់ចង់ធ្វើអាជីវកម្មលើវិស័យតែកាហ្វេយ៉ាងខ្លាំងតាំងពីដើម ហើយក៏ចាប់ផ្ដើមបើកដំណើរការលើកដំបូងនៅពេលលោកមានអាយុ 24ឆ្នាំ
  2. ត្រូវតែចេះគ្រប់គ្រងហិរញ្ញវត្ថុផ្ទាល់ខ្លួន និងហិរញ្ញវត្ថុនៅក្នុងក្រុមហ៊ុនឱ្យបានល្អ ការពារកុំឱ្យមានការខ្ជះខ្ជាយច្រើនលើអ្វីដែលមិនចាំបាច់ ពីព្រោះកត្តាលុយនៅក្នុងការរកស៊ីវាក៏ជារឿងសំខាន់
  3. ស្គាល់ខ្លួនឯងច្បាស់ មានភាពក្លាហាន និងមានទំនុកចិត្តលើខ្លួនឯងឱ្យខ្លាំង
  4. កំណត់គោលដៅ និងទស្សនវិស័យ បេសកកម្មដែលខ្លួនចង់ឃើញនាពេលអនាគតឱ្យមានភាពជាក់លាក់ ព្រមទាំងរៀបចំផែនការមួយឱ្យច្បាស់លាស់ ហើយចងចាំក្នុងចិត្តថា អ្វីក៏យើងអាចធ្វើបាន នោះអ្នកនឹងធ្វើបាន និងមិនឆាប់បោះបង់
  5. ត្រៀមខ្លួនរួចជាស្រេចដើម្បីទទួលយកហានិភ័យនានាដែលនឹងអាចកើតមានឡើង
  6. បន្តការរៀនសូត្រទាំងក្នុងសាលា និងរៀនសូត្រពីបទពិសោធន៍របស់អ្នករកស៊ីជោគជ័យផ្សេងៗទៀតដើម្បីពង្រឹងសមត្ថភាពខ្លួនឯងឱ្យខ្លាំង
  7. ចេះស្រាវជ្រាវបន្ថែមទៀត ដើម្បីធ្វើឱ្យការសម្រេចចិត្តក្នុងការធ្វើអ្វីមួយឱ្យបានល្អ និងមានភាពត្រឹមត្រូវជាងមុនក្នុងធ្វើអាជីវកម្មឱ្យដំណើរការល្អ ហើយត្រូវនឹងតម្រូវការក្នុងទីផ្សារ