Home ហិរញ្ញវត្ថុ របៀបសន្សំប្រាក់ នៅពេលដែលប្រាក់ចំណូលរបស់អ្នកទាប និងគ្រប់គ្រាន់សម្រាប់តែការចំណាយរបស់អ្នក

របៀបសន្សំប្រាក់ នៅពេលដែលប្រាក់ចំណូលរបស់អ្នកទាប និងគ្រប់គ្រាន់សម្រាប់តែការចំណាយរបស់អ្នក

220
របៀបសន្សំប្រាក់ នៅពេលដែលប្រាក់ចំណូលរបស់អ្នកទាប និងគ្រប់គ្រាន់សម្រាប់តែការចំណាយរបស់អ្នក

តើខ្ញុំគួរសន្សំលុយដោយរបៀបណា បើសិនជាប្រាក់ខែដែលខ្ញុំទទួលបានមកហ្នឹងគ្រប់តែការចាយវាយ?

ស្ទើរតែគ្រប់ពេលទាំងអស់ ខ្ញុំតែងតែឮមនុស្សជុំវិញខ្លួនខ្ញុំនិយាយថា ពួកគាត់ពិតជាចង់ចាប់ផ្ដើមសន្សំលុយខ្លាំងណាស់ទុកគ្រាន់ទិញរបស់របសខ្លះពេលដែលមានការចាំបាច់ ប៉ុន្តែគាត់នៅតែមិនអាចសន្សំបាន ដោយសារតែប្រាក់ខែដែលបើកបានមកហ្នឹង គឺបានមួយគ្រប់ៗសម្រាប់ការចាយវាយប្រចាំថ្ងៃតែប៉ុណ្ណោះ ពោលគឺគ្រាន់តែថ្លៃទឹក ថ្លៃភ្លើង ថ្លៃបន្ទប់ជួល និងថ្លៃសាំងហ្នឹង បូកសរុបទៅ អស់ប្រហែលជាលើស50% នៃប្រាក់ខែដើមទៅហើយ។ ហើយជារៀងរាល់ខែក៏ពុំដែលឃើញលុយសល់អ្វីដែរ អ្នកខ្លះចុងខែសល់តែបំណុលជុំទិសក៏មាន ដោយសារតែចំណាយចាយត្រឹមឬលើសចំណូលដែលខ្លួនរកបាន។

 មែនទែនទៅតើយើងគួរធ្វើបែបណាទើបអាចដកលុយមួយចំនួនសម្រាប់សន្សំបានទៅ?

ខាងក្រោមនេះគឺជាគន្លឺះមួយចំនួនដែលអាចជួយអ្នកអាចសន្សំលុយបានខ្លះ បើទោះបីជាប្រាក់ខែរបស់អ្នកតិចក៏ដោយ៖

1. កាត់បន្ថយការចំណាយដ៏ច្រើនលើសលប់របស់អ្នក

This image has an empty alt attribute; its file name is closeup-shot-entrepreneur-working-from-home-his-personal-finances-savings-1024x683.jpg

ការព្យាយាមសន្សំលុយ ខណៈពេលដែលអ្នកទទួលបានប្រាក់ខែតិចឬល្មមសម្រាប់តែការចាយវាយប្រចាំថ្ងៃនេះ វាអាចជារឿងមួយដែលពិបាកសម្រាប់អ្នក ហើយពេលខ្លះទៀតនោះសូម្បីតែដកលុយសន្សំមួយដុល្លារឬពីរក្នុងមួយខែហ្នឹង ក៏សឹងតែមិនអាចផង។ ប៉ុន្តែអ្នកក៏នៅតែអាចសន្សំលុយបានមួយចំណែកដែរ ដោយកាត់បន្ថយការញ៉ាំបាយ ឬការទិញទឹកសុទ្ធនៅខាងក្រៅ ជំនួសឲ្យការញ៉ាំបាយនៅឯផ្ទះ ឬវេចបាយដាក់ទឹក យកមកញ៉ាំនៅកន្លែងធ្វើការ ហើយប្រសិនបើមានមិត្តភក្តិចង់បបួលអ្នកទៅដើរលេងឬទៅញ៉ាំអីនៅខាងក្រៅ ពេលខ្លះអ្នកក៏គួរតែរៀននិយាយបដិសេធខ្លះប្រសិនបើអ្នកចង់សល់លុយ ប៉ុន្តែមិនមែនមានន័យថាគ្រប់ពេលដែលគេបបួលអ្នកបដិសេធរហូតនោះទេ។

អ្នកឃើញទេ ប្រសិនបើអ្នកអាចធ្វើបែបនេះជារៀងរាល់ថ្ងៃ អ្នកក៏អាចសល់លុយខ្លះៗទុកសន្សំដែរ ពីព្រោះប្រសិនបើយើងគិតជាទឹកលុយដែលយើងត្រូវចំណាយតែទៅលើការញ៉ាំអាហារពេលព្រឹក និងពេលថ្ងៃនៅខាងក្រៅ ក៏អស់ប្រហែលជា 3$ ទៅ 4$ ដែរ។ ហើយ ប្រសិនជារបស់ណាដែលមិនចាំបាច់ក្នុងការចាយវាយទេ កុំទិញវានាំតែជាប់បំណុលច្រើនពេកអី អ្នកត្រូវប្រាប់ខ្លួនឯងថា “ទប់អារម្មណ៍ៗ កុំទិញ អស់លុយ”។

2. កំណត់គោលដៅសន្សំ

This image has an empty alt attribute; its file name is image.png

តើចំនួនទឹកប្រាក់ប៉ុន្មានដែលអ្នកចង់សន្សំឲ្យបាន? ហើយដើម្បីឲ្យការសន្សំរបស់អ្នកឆាប់ដល់ចំនួនទឹកប្រាក់ដែលអ្នកចង់បាននោះ អ្នកគួរតែរៀបចំចាត់ចែងដោយរបៀបណាខ្លះ?

ជាឧទាហរណ៍បញ្ជាក់៖ ប្រសិនបើ គោលដៅរបស់អ្នកគឺចង់សន្សំលុយឲ្យបាន$2,000 ក្នុងរយៈពេល១ឆ្នាំ។ ដូចនេះប្រាក់ខែរបស់អ្នកគួរតែ ស្ថិតនៅក្នុងចន្លោះ $300-$400 ព្រោះប្រសិនបើអ្នកចង់សន្សំលុយឲ្យបានខ្ទង់$2,000ក្នុង១ឆ្នាំ អ្នកត្រូវដកលុយប្រហែលជា $166.66 ក្នុងមួយខែសម្រាប់ការសន្សំ តែបើសិនជាគិតជាថ្ងៃវិញ គឺអ្នកត្រូវដកលុយ $6 ($5.965ដើម្បីសន្សំជារៀងរាល់ថ្ងៃ ហើយនៅសល់ប៉ុន្មានទៀត អ្នកអាចយកទៅចំណាយទៅលើការរស់នៅប្រចាំថ្ងៃរបស់អ្នក។

មួយឆ្នាំ : $2,000

មួយខែ : $166.66 ($167)

មួយសប្ដាហ៍ : $41.66

មួយថ្ងៃ : $5.95 = $6

ដូចនេះប្រសិនបើអ្នកចង់សល់លុយខ្លះ អ្នកត្រូវដឹងអំពីចំនួនលុយដែលអ្នកត្រូវចាយជារៀងរាល់ខែ ដើម្បីអាចដឹងពីចំនួនលុយដែលនៅសល់ និងអាចដកសន្សំបានខ្លះ។