នៅក្នុងទិដ្ឋភាពប្រកួតប្រជែងនៃអាជីវកម្ម វិធីសាស្រ្ត ឬយុទ្ធសាស្ត្រទីផ្សារមានសារៈសំខាន់ណាស់សម្រាប់ការទាក់ទាញ និងរក្សាអតិថិជន។ ហើយនេះជាយុទ្ធសាស្ត្រសំខាន់ៗចំនួន 5 ដែលអាចឱ្យហាងអាហារចាប់យកចំណែកទីផ្សារបានមានដូចជា៖
- អភិវឌ្ឍផលិតផលថ្មីៗជានិច្ច
តាមរយៈការណែនាំជាបន្តបន្ទាប់នូវមុខម្ហូបថ្មីៗ ឬអាហារពិសេសតាមរដូវកាល ភោជនីយដ្ឋានអាចរក្សាអតិថិជននៅបន្តមក និងទាក់ទាញអ្នកដែលស្វែងរកអាហារថ្មីៗបានជាបន្តបន្ទាប់។
- ជាកន្លែងប្រារព្ធថ្ងៃសំខាន់
ហាងអាចចេញមុខម្ហូបថ្មីៗនៅថ្ងៃសំខាន់ៗដូចជា ថ្ងៃចូលឆ្នាំថ្មី ថ្ងៃបុណ្យនៃសេចក្ដីស្រលាញ់ សិទ្ធនារី …។ បន្ថែមពីលើនេះហាងជាកន្លែងប្រារព្ធថ្ងៃសំខាន់ដូចជា ថ្ងៃខួបកំណើត ខួបអាពាហ៍ពិពាហ៍ …។
- រីកចម្រើនជាលំដាប់តាមរយៈសមាជិកពិសេស
ភ្ញៀវដែលឧស្សាហ៍មកហាងអាចក្លាយជាសមាជិករបស់ហាង ហើយក៏អាចក្លាយជាអតិថិជនដ៏ស្មោះត្រង់ចំពោះម៉ាកគឺ “ការចុះឈ្មោះជាសមាជិក” យុទ្ធសាស្ត្រសំខាន់នេះនឹងធ្វើឱ្យអតិថិជនត្រលប់មកទិញម្តងទៀតដោយហាងផ្តល់ជូននូវអត្ថប្រយោជន៍ដូចជាប្រម៉ូសិន ឬរង្វាន់។
- ផលិតផលពិសេស
ការផ្តល់ម្ហូបពិសេស ដែលកំណត់ដោយភោជនីយដ្ឋានខុសពីគូប្រជែងអាចទាក់ទាញអតិថិជនឲ្យមកផងដែរ។
- បង្កើនមូលដ្ឋានអតិថិជនថ្មីតាមរយៈទីផ្សារអនឡាញ
ការប្រើប្រាស់បណ្តាញទីផ្សារឌីជីថលដូចជាបណ្ដាញសង្គមផ្សេងៗ Facebook TikTok Instargram និងការផ្សាយពាណិជ្ជកម្មតាមអ៊ីនធឺណិត អាចជួយភោជនីយដ្ឋានឈានដល់អតិថិជនថ្មី និងពង្រីកមូលដ្ឋានអតិថិជន។
