5 កន្លែងលំហែអារម្មណ៍ចុងសប្ដាហ៍

សៅរ៍ អាទិត្យទៀតលូវហើយមានគម្រោងទៅណានៅ? បើអត់ទាន់មានទេមោះ! ក្រុមការងារទំនងតើមាន 5 កន្លែងសម្រាប់អ្នកទាំងអស់គ្នា៖

1. ភូមិរំដួល – Romdoul Village

នឹកធម្មជាតិ បន្លែបៃតងស្រស់ៗ តោះទៅភូមិរំដួល – Romdoul Village!

ភូមិរំដួល – Romdoul Village ជារមណីយដ្ឋានលក្ខណៈធម្មជាតិដែលមានបរិយាកាសបែបភូមិស្រុកស្រែចំការជាមួយខ្យល់អាកាសបរិសុទ្ធ។ នៅទីនេះអ្នកទាំងអស់គ្នាអាចទទួលទានអាហារបែបខ្មែរឆ្ងាញ់ៗដែលគេប្រើប្រាស់បន្លែដែលដាំនៅទីនោះផ្ទាល់តែម្ដង។ សក្ដិសមបំផុតសម្រាប់អ្នកចូលចិត្តធម្មជាតិៗបែបស្រុកស្រែ អ្នកចូលចិត្តញុំាម្ហូបខ្មែរឆ្ងាញ់ៗជាមួយបន្លែធម្មជាតិ និងអ្នកចង់កាត់បន្ថយភាពតានតឹងហើយបន្ធូរអារម្មណ៍ជាមួយទេសភាពដ៏ស្រស់ស្អាតអាចមកទីនេះបាន ៕

Facebook page: ភូមិរំដួល – Romdoul Village

ទីតាំង: ភូមិ កោះក្របី សង្កាត់ព្រែកថ្មី ខ័ណ្ឌ ច្បារអំពៅ រាជធានីភ្នំពេញ

ផែនទី Google Map: https://maps.app.goo.gl/xXKXN7iS3ZJVY2cXA

2. លំហែរ ៣៦

លំហែរ ៣៦ មានបរិយាកាសបរិសុទ្ធបែបធម្មជាតិៗ យាយទៅបរិយាយកាសនៅនឹងគឺថា Fresh សាហាវម៉ងហើយសំខាន់អត់ចាំបាច់ហត់ជិះទៅណាឆ្ងាយដល់កំពតអីណាទេគឺនៅភំ្នពេញយើងនឹង ។ ស្រូបយកខ្យល់អាកាសដ៏ស្រស់ស្រាយអមជាមួយនឹងទេសភាពបែបធម្មជាតិ ដ៏ស្រស់ត្រកាលនៅជាប់មាត់ទឹក សម្រាកម្សានជួបជុំជាលក្ខណៈ

គ្រួសារ មិត្តភក្តិ មនុស្សជាទីស្រលាញ់ ថតរូបស្អាតៗហើយមួយទៀតហើយពេលល្ងាចឡើងនៅកន្លែងនឹងទេសភាពព្រះអាទិត្យលិចស្អាត។ នៅលំហែរ ៣៦ នឹងហា៎សម្បូរម្ហូបឆ្ងាញ់ៗហាណា សំខាន់ធ្វើភ្លាមៗក្តៅៗហ៊ុយៗម៉ង ! ម្ហូបបែបខ្មែរក៏មានបែបថៃក៏មានដែរ ។

បើថាថ្ងៃចុងសប្តាហន៍អីនេះដឹងតែមានអតិថិជនពេញហើយចឹងមុននឹងមកកុំភ្លេច call មកកក់ទុកមុនផងដែរប្រយ័ត្នអត់មានកន្លែងអង្គុយណា៎ ។

ទីតាំង ជិះតាមផ្លូវ ហាណូយ ហួសGrand Phnom Penh 500M បត់ឆ្វេងតាមភូមិត្រពាំងរាំងថ្មី 1KM។

ចុចទីតាំង https://goo.gl/maps/Jtdmd9XQpqfth8XdA

3. ឌឹលេក-The Lake

The Lake ជាភោជនីយដ្ឋានបែបធម្មជាតិ ដែលអ្នកទាំងអស់គ្នាអាចមកលំហែអារម្មណ៍ញុំាអាហារ ស្ទូចត្រីជាមួយគ្រួសារឬមិត្តភក្តិបាន! នៅទីនេះត្រជាក់ភ្នែកមែនទែនជាមួយការដេគ័រនិងទេសភាពដ៏ស្រស់ស្អាតនៅលើផ្ទៃទឹក បើថតរូបដឹងតែអែមម៉ង។

ពេលល្ងាចអ្នកទាំងអស់គ្នាអាចអង្គុយមើលព្រះអាទិត្យលិចយ៉ាងស្រទន់ជាមួយបរិយាកាសបរិសុទ្ធ បើទេសភាពពេលរាត្រីក៏មិនចាញ់ពេលថ្ងៃគឺមានការបំភ្លឺភ្លើងពណ៌យ៉ាងទាក់ទាញ ជាមួយអំពូលតូចៗ មើលទៅរ៉ូមែនទិកម៉ង៕

Facebook: ឌឹលេក-The Lake

ទីតាំង: https://goo.gl/maps/w1EZmMArbNZFJoHW9

#ទំនងតើ #Tumnongta #Thelake

4. លំហែមាត់បឹង-Leisure Lake

លំហែរមាត់បឹង គឺជាកន្លែងសម្រាកកម្សាន្តបែបធម្មជាតិជាប់មាត់បឹងរំលេចទៅដោយទេសភាពដ៏ស្រស់ត្រកាលមានដើមឈើព័ទ្ធជុំវិញយ៉ាងខៀវស្រងាត់។ សក្ដិសមបំផុតសម្រាប់ការ ជួបជុំគ្រួសារ មិត្តភក្តិ មនុស្សជាទីស្រលាញ់នាពេលល្ងាចនិងថ្ងៃចុងសប្តាហ៍ ។

លក្ខណៈពិសេស៖

– កញ្ចុះនៅជាប់មាត់បឹងជាមួយនឹងទេសភាពបែបធម្មជាតិ

– មានកន្លែងសម្រាប់ស្ទួចត្រី

– ទេសភាពស្អាតខ្លាំងនៅពេលល្ងាចនឹងពេលយប់

– អង្គុយមើលទិដ្ឋភាពថ្ងៃលិចជាមួយគ្រួសារ មិត្តភក្តិ មនុស្សជាទីស្រលាញ់ម៉ាអេម !

– ជាពិសេសនៅយប់គឺថាទិដ្ឋភាពស្អាត

អូ ! មុនពេលទៅកុំភ្លេចឆាតឬក៏ខលទៅកក់ផងណា ប្រយ័ត្នអត់មានកន្លែងអង្គុយណា៎!