ផលិតភាពការងារមិនមែនជាការខំធ្វើការឱ្យកាន់តែហត់នោះទេ តែគឺជាការចេះចាត់ចែងធនធានដែលយើងមានឱ្យចំគោលដៅបំផុត។ ខាងក្រោមនេះ គឺជាយុទ្ធសាស្ត្រមាសទាំង ៥ ដែលនឹងជួយផ្លាស់ប្តូររបៀបធ្វើការរបស់អ្នក ឱ្យចំណេញពេល និងទទួលបានលទ្ធផលទ្វេដង
១. ច្បាប់ ២ នាទី៖ កុំចំណាយពេលកត់ត្រា ឬគិតច្រើនចំពោះកិច្ចការតូចតាច។ ប្រសិនបើកិច្ចការណាមួយចំណាយពេលតិចជាង ២ នាទី ចូរធ្វើវាភ្លាម។ ការទុកកិច្ចការទាំងនោះចោល ព្រោះវាអាចនឹងបង្កើតជាបន្ទុកផ្លូវចិត្តម្តងបន្តិចៗ និងធ្វើឱ្យបញ្ជីការងាររបស់អ្នកកាន់តែច្រើន។
២. កំណត់គោលដៅឱ្យច្បាស់៖ អ្នកគួរកំណត់ “គោលដៅធំៗចំនួន ១២” សម្រាប់ឆ្នាំនេះ ហើយរំលឹកខ្លួនឯងដោយការពិនិត្យមើលវាឱ្យបាន ៣ ដងក្នុងមួយថ្ងៃ។ បន្ទាប់មក ជារៀងរាល់ព្រឹក អ្នកត្រូវសម្រេចចិត្តជ្រើសរើស “កិច្ចការសំខាន់បំផុតចំនួន ៣” ដើម្បីធ្វើឱ្យរួចរាល់មុនគេ។ នៅពេលអ្នកមានភាពច្បាស់លាស់ពីអ្វីដែលត្រូវធ្វើ អ្នកនឹងអាចដើរទៅមុខបានយ៉ាងរហ័សបំផុត។
៣. សិល្បៈនៃការបដិសេធ និងកាត់បន្ថយ៖ អ្នកត្រូវហ៊ាននិយាយថា “ទេ” ចំពោះរាល់សំណើណាដែលមិនបំពេញឱ្យគោលដៅរបស់អ្នក ហើយឧស្សាហ៍ត្រួតពិនិត្យពេលវេលាជារៀងរាល់សប្តាហ៍ ដើម្បីកំណត់រកការងារណាដែលគួរលុបចោល ឬផ្ទេរឱ្យអ្នកផ្សេងធ្វើជំនួស។ ការធ្វើបែបនេះនឹងជួយឱ្យអ្នកមានពេលផ្ដោតទៅលើតែការងារដែលសំខាន់ពិតប្រាកដ។
៤. ការពារថាមពល ជាជាងការពារពេលវេលា៖ ពេលវេលាមិនមែនជាធនធានសំខាន់បំផុតទេ គឺ “ថាមពល” ទើបសំខាន់។ អ្នកត្រូវដឹងថាពេលណាដែលខួរក្បាលអ្នកធ្វើការបានល្អបំផុត ហើយប្រើប្រាស់ពេលវេលានោះសម្រាប់កិច្ចការដែលពិបាកបំផុតមុនឱ្យរួចរាល់។
៥. បង្កើតប្រព័ន្ធការងារសាមញ្ញ
-
ធ្វើការជាដុំ: ប្រមូលការងារស្រដៀងគ្នាធ្វើក្នុងពេលតែមួយ ដើម្បីកុំឱ្យបែកអារម្មណ៍។
-
កុំធ្វើរឿងដដែលៗ: បង្កើតជា “ពុម្ពគំរូ” (Template) សម្រាប់កិច្ចការដែលត្រូវធ្វើញឹកញាប់ ដើម្បីចំណេញពេល។
-
ច្បាប់ ១០-៨០-១០: ក្នុងការផ្ទេរការងារ ដោយអ្នកគ្រាន់តែចំណាយពេល ១០% ដំបូងដើម្បីដាក់ទិសដៅ បន្ទាប់មកឱ្យក្រុមការងារអនុវត្ត ៨០% និងបញ្ចប់ដោយការចំណាយពេល ១០% ចុងក្រោយរបស់អ្នក ដើម្បីត្រួតពិនិត្យ និងសម្រេចលទ្ធផល។
សរុបមក ផលិតភាពពិតប្រាកដមិនមែនស្ថិតលើការរវល់ពេញមួយថ្ងៃនោះទេ តែស្ថិតលើការធ្វើកិច្ចការដែលត្រឹមត្រូវ។ តាមរយៈការអនុវត្តច្បាប់សាមញ្ញៗដូចជា ការធ្វើកិច្ចការតូចភ្លាមៗ ការកំណត់អាទិភាពឱ្យច្បាស់ និងការប្រើប្រាស់ថាមពលឱ្យចំពេល អ្នកនឹងអាចគ្រប់គ្រងជីវិត និងការងារបានយ៉ាងមានប្រសិទ្ធភាព។
