មានមនុស្សមិនតិចទេដែរមិនទាន់យល់ច្បាស់ថាតើនៅពេលណាយើងត្រូវប្រើសញ្ញា “;” (Semicolon) និង “,”(Comma) នៅក្នុងភាសាអង់គ្លេស។ ថ្ងៃនេះ គេហទំព័រគំនិតនឹងធ្វើការបកស្រាយពន្យល់អំពីការប្រើប្រាស់សញ្ញាទាំងពីរនេះនៅក្នុងអក្សរសាស្ត្រអង់គ្លេស សម្រាប់ប្រិយមិត្តណាដែលមិនទាន់យល់អំពីច្បាប់ក្នុងការប្រើប្រាស់សញ្ញាទាំងពីរនេះ។
ជាធម្មតា “;” (Semicolon) និង “,”(Comma) ត្រូវបានគេប្រើសម្រាប់ភ្ជាប់ប្រយោគ ឬល្បះពីរ អោយក្លាយទៅជាប្រយោគ ឬល្បះតែមួយ។ ថ្វីត្បិតតែវាមានមុខងារដូចគ្នាក៏ពិតម៉ែន ប៉ុន្តែការប្រើប្រាស់សញ្ញាទាំងពីរនេះមានភាពខុសគ្នាបន្តិចបន្តួច។ ដូចនេះ ដើម្បីអោយអស់មន្ទិលសង្ស័យថាតើសញ្ញាទាំងពីរត្រូវប្រើយ៉ាងណានោះ សូមពិនិត្យមើលការពន្យល់ខាងក្រោម។
១-ការប្រើប្រាស់ “,”(Comma)
ដើម្បីធ្វើការភ្ជាប់ប្រយោគ ឬល្បះពីរ អោយក្លាយទៅជាប្រយោគ ឬល្បះតែមួយនោះ គេប្រើ “,”បន្ទាប់ពីប្រយោគដើម ដោយភ្ជាប់ជាមួយនឹងសន្ធានសព្ទ (Coordinating conjunctions)ដូចជា៖ and, but, for , or, nor ,so ,yet ។ សូមពិនិត្យមើលឧទាហរណ៍ខាងក្រោម៖
It rained heavily during the afternoon, but we managed to have our picnic anyway.
I am going home, and I intend to stay there.
They couldn’t make it to the summit and back before dark, so they decided to camp for the night.
២-ការប្រើប្រាស់ “;” (Semicolon)
ប្រើប្រាស់ “;” នៅពេលដែលអ្នកធ្វើការភ្ជាប់ប្រយោគ ឬល្បះពីរដោយមិនមានការប្រើប្រាស់ឈ្នាប់។ ឧទាហរណ៍៖
It rained heavily during the afternoon; we managed to have our picnic anyway.
I am going home; I intend to stay there.
They couldn’t make it to the summit and back before dark; they decided to camp for the night.
អ្នកក៏អាចប្រើប្រាស់ “;” នៅពេលដែលអ្នកធ្វើការច្របាច់ល្បះ ឬប្រយោគពីរ អោយទៅជាល្បះតែមួយដោយការប្រប្រាស់ឈ្នាប់ដូចជា however, moreover, therefore, consequently, otherwise, nevertheless, thus ។ល។ ឧទារណ៍៖
I am going home; moreover, I intend to stay there.
It rained heavily during the afternoon; however, we managed to have our picnic anyway.
They couldn’t make it to summit and back before dark; therefore, they decided to camp for the night.
ប្រភព៖ http://owl.english.purdue.edu/owl/resource/607/04/
