រឿងពិត កាលពីឆ្នាំ 2023 បុរសម្នាក់ឈ្មោះ Brian Mwenda នៅប្រទេសកេនយ៉ា បានក្លែងខ្លួនធ្វើជាមេធាវីយកឈ្នះក្តីចំនួន 26 លើកដែលគាត់បានដោះស្រាយ ដោយមិនមានសញ្ញាបត្រច្បាប់ពិតប្រាកដ។ កាន់តែគួរឱ្យភ្ញាក់ផ្អើលទៀតនោះគឺ ការឈ្នះក្តីលើកទី27 គឺជារឿងក្តីរបស់ខ្លួនឯង នៅពេលដែលគាត់ត្រូវបានគេនាំខ្លួនទៅតុលាការ ពីបទក្លែងបន្លំជាមេធាវី ដោយគាត់បានការពារក្តីរបស់ខ្លួនឯង។
ប៉ុន្តែរបាយការណ៍អំពីគាត់ឈ្នះករណីទី 27 នេះគឺមិនទាន់មានការបញ្ជាក់ជាផ្លូវការពីប្រភពព័ត៌មានល្បីឈ្មោះដើម្បីបញ្ចាក់ថាគាត់បានការពារខ្លួនដោយជោគជ័យនៅក្នុងតុលាការនោះទេ។
ករណីនេះទទួលបានការចាប់អារម្មណ៍យ៉ាងខ្លាំងនៅក្នុងប្រទេសកេនយ៉ា ដោយមនុស្សមួយចំនួនបានសរសើរសមត្ថភាព និងជំនាញនៅក្នុងសវនាការរបស់គាត់។ យ៉ាងណាមិញ ចំពោះសកម្មភាពរបស់គាត់នេះគឺខុសច្បាប់ ដោយគាត់មិនបានដើរតាមលក្ខខណ្ឌដែលច្បាប់បានកំណត់ក្នុងការក្លាយខ្លួនជាមេធាវី។
