SoftBank កំពុងពិភាក្សាដើម្បីវិនិយោគរហូតដល់ 25 ពាន់លានដុល្លារនៅក្នុង OpenAI

SoftBank Group កំពុងស្ថិតក្នុងការពិភាក្សាដំបូងដើម្បីវិនិយោគចន្លោះពី 15 ពាន់លានដុល្លារទៅ 25 ពាន់លានដុល្លារនៅក្នុង OpenAI ដែលនឹងធ្វើឱ្យក្រុមហ៊ុននេះក្លាយជាអ្នកវិនិយោគដ៏ធំបំផុតរបស់ startup AI។ ការវិនិយោគដ៏មានសក្តានុពលនេះនឹងបន្ថែមលើទឹកប្រាក់ចំនួន 15 ពាន់លានដុល្លារដែល SoftBank បានប្តេជ្ញាចិត្តរួចហើយចំពោះគម្រោង Stargate ដែលជាក្រុមហ៊ុនបណ្តាក់ទុនរួមគ្នាដែលមានមូលដ្ឋាននៅរដ្ឋតិចសាស់ជាមួយ OpenAI ។

ការបណ្តាក់ទុននេះមានគោលបំណងបង្កើតមជ្ឈមណ្ឌលទិន្នន័យ និងហេដ្ឋារចនាសម្ព័ន្ធ AI ។ នាយកប្រតិបត្តិរបស់ SoftBank លោក Masayoshi Son និងនាយកប្រតិបត្តិ OpenAI លោក Sam Altman មានទំនាក់ទំនងជិតស្និទ្ធអស់រយៈពេលជាច្រើនឆ្នាំ ដោយបានចែករំលែកទស្សនៈវិស័យសម្រាប់ជំរុញការអភិវឌ្ឍន៍ AI ។ ក្រុមហ៊ុនទាំងពីរគ្រោងនឹងវិនិយោគដំបូងចំនួន 100 ពាន់លានដុល្លារនៅក្នុងគម្រោង Stargate ជាមួយនឹងលទ្ធភាពរហូតដល់ 500 ពាន់លានដុល្លារក្នុងរយៈពេល 4 ឆ្នាំ។

ទោះជាយ៉ាងណាក៏ដោយ ឧស្សាហកម្មបច្ចេកវិទ្យាមួយចំនួន រួមទាំង Elon Musk បានលើកឡើងពីការព្រួយបារម្ភអំពីកង្វះតម្លាភាពជុំវិញព័ត៌មានលម្អិតរបស់ Project Stargate និងការផ្តល់ហិរញ្ញប្បទានរបស់វា។ ជាពិសេស លោក Musk បានចោទសួរថាតើក្រុមហ៊ុនដែលពាក់ព័ន្ធនឹងការបណ្តាក់ទុនគម្រោង Stargate ពិតជាអាចអនុវត្តតាមការរួមចំណែកផ្នែកហិរញ្ញវត្ថុដែលបានសន្យារបស់ពួកគេដែរឬទេ។ ខណៈពេលដែល SoftBank និង OpenAI មិនបានធ្វើអត្ថាធិប្បាយជាសាធារណៈលើកិច្ចពិភាក្សាដែលកំពុងបន្ត ការពិភាក្សានេះបង្ហាញពីការផ្លាស់ប្តូរដ៏សំខាន់នៅក្នុងការវិនិយោគ AI ដោយ SoftBank អាចក្លាយជាតួអង្គសំខាន់ក្នុងការអភិវឌ្ឍន៍នាពេលអនាគតរបស់ OpenAI ។

ពាណិជ្ជកម្ម

ធនាគារកណ្តាលអាមេរិកនៅតែរក្សាអត្រាការប្រាក់ឱ្យនៅថេរ ស្របពេលមានការព្រួយបារម្ភអំពីអតិផរណា និងភាពមិនប្រាកដប្រជាផ្នែកសេដ្ឋកិច្ច

Sophorn Rithy

ធនាគារកណ្តាលអាមេរិកបានសម្រេចចិត្តរក្សាអត្រាការប្រាក់ឲ្យមានស្ថិរភាព ដោយរក្សាចន្លោះពី 4.25% ទៅ 4.5%។ សេដ្ឋកិច្ចសហរដ្ឋអាមេរិកកំពុងដំណើរការល្អ រីឯភាពអត់ការងារធ្វើនៅកម្រិតទាប ទោះជាយ៉ាងណាក៏ដោយអតិផរណា (ការកើនឡើងតម្លៃ) នៅតែខ្ពស់ជាងគោលដៅរបស់ Federal Reserve 2% តែFed នៅតែជ្រើសរើសរក្សាអត្រាការប្រាក់ដដែល។ ធនាគារកណ្តាលមិនបានផ្តល់ការណែនាំច្បាស់លាស់អំពីពេលណាដែលអាចនឹងកាត់បន្ថយអត្រាការប្រាក់បន្ថែមនៅពេលអនាគតនោះទេ ដោយលើកឡើងពីកង្វល់អតិផរណាដែលកំពុងបន្ត។

មន្ត្រីធនាគារកណ្តាលជឿថាអតិផរណានឹងបន្តថយចុះ ប៉ុន្តែពួកគេកំពុងរង់ចាំទិន្នន័យបន្ថែមទៀតដើម្បីបញ្ជាក់ពីនិន្នាការនេះ។ ខណៈពេលដែលសេដ្ឋកិច្ចនៅតែរីកចម្រើន និងភាពអត់ការងារធ្វើនៅតែមានកម្រិតទាប ធនាគារកណ្តាលកំពុងមានការប្រុងប្រយ័ត្នចំពោះកំណើនអតិផរណា។ ពួកគេកំពុងឈប់ធ្វើការផ្លាស់ប្តូរបន្ថែមទៀតចំពោះអត្រាមូលនិធិសហព័ន្ធ រហូតដល់ពួកគេមានភាពច្បាស់លាស់បន្ថែមទៀតអំពីអតិផរណា និងកត្តាសេដ្ឋកិច្ចផ្សេងទៀត។ វិធីសាស្រ្តប្រុងប្រយ័ត្ននេះអនុញ្ញាតឱ្យពួកគេវាយតម្លៃកាន់តែប្រសើរឡើងថាតើវាជាពេលវេលាត្រឹមត្រូវដែរឬទេ ដើម្បីកែសម្រួលអត្រាការប្រាក់ម្តងទៀត។

នៅឆ្នាំ 2024 ធនាគារកណ្តាលបានទម្លាក់អត្រាការប្រាក់ចំនួនបីដង។ ទោះជាយ៉ាងណាក៏ដោយ នៅតែមានការជជែកដេញដោលគ្នាក្នុងចំណោមមន្ត្រីរបស់ Fed ថាតើត្រូវការការកាត់បន្ថយអត្រាការប្រាក់បន្ថែមទៀតដែរឬទេ។ អ្នកខ្លះជឿថា Fed អាចនឹងកាត់បន្ថយអត្រាការប្រាក់នៅចុងឆ្នាំនេះ ប៉ុន្តែធនាគារកណ្តាលកំពុងរង់ចាំទិន្នន័យបន្ថែមទៀតដើម្បីធ្វើការសម្រេចចិត្ត។ យ៉ាងណាមិញ Fed ចង់ឃើញវឌ្ឍនភាពជាប់លាប់លើអតិផរណាមុនពេលបន្ធូរបន្ថយគោលនយោបាយបន្ថែមទៀត។

លើសពីនេះទៀត ភាពមិនច្បាស់លាស់ទាក់ទងនឹងផលប៉ះពាល់នៃគោលនយោបាយរបស់ប្រធានាធិបតី Trump ដូចជាវិធានការអន្តោប្រវេសន៍ និងពន្ធដែលកំពុងមានសក្តានុពល បានធ្វើឱ្យធនាគារកណ្តាលរឹតតែបន្ថែមការប្រុងប្រយ័ត្នថែមទៀតទៅលើអត្រាការប្រាក់នេះ។

ពាណិជ្ជកម្ម

ភាគហ៊ុនរបស់ក្រុមហ៊ុន Microsoft ធ្លាក់ចុះដោយសារតែប្រាក់ចំណូលដែលវាទទួលបានទាបជាងការរំពឹងទុក

Sophorn Rithy

ភាគហ៊ុនរបស់ក្រុមហ៊ុន Microsoft (MSFT) បានធ្លាក់ចុះជាង 5% នៅក្នុងការជួញដូរក្រៅម៉ោងទីផ្សារ បន្ទាប់ពីរបាយការណ៍ប្រាក់ចំណូលត្រីមាសទីពីរសារពើពន្ធរបស់ខ្លួន ដែលប្រាក់ចំណូល Intelligent Cloud អ្នកវិភាគបានទស្សន៍ទាយថា Microsoft នឹងរកប្រាក់បានពីអាជីវកម្មពពករបស់ខ្លួន ប៉ុន្តែប្រាក់ចំណូលពិតប្រាកដបានមកទាបជាងការរំពឹងទុក។

ក្រុមហ៊ុនបច្ចេកវិទ្យាយក្សនេះបានរាយការណ៍ពីការកើនឡើងប្រាក់ចំណូល 12% ពីមួយឆ្នាំទៅមួយឆ្នាំ ឈានដល់ 69.63 ពាន់លានដុល្លារ ដែលលើសពីការរំពឹងទុករបស់អ្នកវិភាគ។ ប្រាក់ចំណូលក៏បានកើនឡើងដល់ 24.11 ពាន់លានដុល្លារ ឬ 3.23 ដុល្លារក្នុងមួយហ៊ុន ធៀបនឹង 21.87 ពាន់លានដុល្លារ ឬ 2.93 ដុល្លារក្នុងមួយហ៊ុនកាលពីឆ្នាំមុន។ ទោះជាយ៉ាងណាក៏ដោយ ផ្នែក Intelligent Cloud របស់ Microsoft ដែលរួមមានវេទិកា Azure បានរាយការណ៍ថាមានប្រាក់ចំណូលចំនួន 25.54 ពាន់លានដុល្លារ ដោយបាត់ការព្យាករណ៍បន្តិចបន្តួចបើទោះបីជាមានការកើនឡើង 19% ពីមួយឆ្នាំទៅមួយឆ្នាំក៏ដោយ។ ប្រាក់ចំណូលសរុបរបស់ Azure សម្រាប់ត្រីមាសនេះឈានដល់ 41 ពាន់លានដុល្លារ។

ទោះបីជាយ៉ាងណាក៏ដោយ CFO របស់ Microsoft គឺ Amy Hood បានព្យាករណ៍ពីជួរដ៏រឹងមាំសម្រាប់ប្រាក់ចំណូល Intelligent Cloud នៅត្រីមាសបន្ទាប់គឺ 25.9 ពាន់លានដុល្លារទៅ 26.2 ពាន់លានដុល្លារ ដែលលើសពីការប៉ាន់ស្មានរបស់អ្នកវិភាគពីមុនចំនួន 25.76 ពាន់លានដុល្លារ។ នាយកប្រតិបត្តិ Satya Nadella បានគូសបញ្ជាក់ថា អត្រានៃការដំណើរការ AI របស់ Microsoft បានឈានដល់ 13 ពាន់លានដុល្លារ ជាមួយនឹងចំនួនអ្នកប្រើប្រាស់ប្រចាំថ្ងៃរបស់ Microsoft’s Copilot AI Assistant កើនឡើងទ្វេដង។

លទ្ធផលទាំងនេះកើតឡើងចំពេលមានការប្រកួតប្រជែងកាន់តែខ្លាំងឡើងពីក្រុមហ៊ុន AI ផ្សេងទៀត រួមទាំង DeepSeek ដែលជាក្រុមហ៊ុនចាប់ផ្តើមថ្មីរបស់ចិនដែលអះអាងថា បច្ចេកវិទ្យា AI របស់ចិននឹងដំណើរការដូចគ្នាទៅនឹងម៉ូដែល AI ពីក្រុមហ៊ុនធំៗរបស់សហរដ្ឋអាមេរិកដូចជា Microsoft ឬ OpenAI ប៉ុន្តែមានតម្លៃទាបជាងច្រើនក្នុងការប្រើប្រាស់។ នេះបានបង្កើនការព្រួយបារម្ភដ៏ក្រុមហ៊ុនបច្ចេកវិទ្យាអាមេរិកអាចនឹងប្រឈមមុខនឹងការប្រកួតប្រជែង ជាពិសេសនៅពេលនិយាយអំពីការផ្តល់បច្ចេកវិទ្យា AI ដែលមានគុណភាពខ្ពស់ក្នុងតម្លៃសមរម្យ។

ពាណិជ្ជកម្ម

DeepSeek ទើបតែចេញការបង្កើតរូបភាព Al ថ្មី ដោយអះអាងថាវាប្រសើរជាង AI របស់អាមេរិក

Sophorn Rithy

DeepSeek ដែលជាក្រុមហ៊ុន startup AI ឬក្រុមហ៊ុនធុរកិច្ចថ្មី AI របស់ចិន បានបង្ហាញនូវគំរូរូបភាពជំនាន់ចុងក្រោយរបស់ខ្លួន Janus-Pro-7B ដែលអះអាងថា វ៉ាដាច់ដៃគូប្រកួតប្រជែងធំៗដូចជា OpenAI’s DALL-E 3 និង Stability AI’s Stability Diffusion (សំដៅលើគំរូបង្កើតរូបភាពដែលបង្កើតឡើងដោយ Stability AI ជាក្រុមហ៊ុនផ្តោតលើបញ្ញាសិប្បនិម្មិត) ទាំងសមត្ថភាព និងគុណភាពរូបភាព។ ម៉ូដែលថ្មី Janus-Pro-7B គឺមានលក្ខណៈប្រសើរជាងកំណែមុនរបស់ DeepSeek ដោយវាបានបង្ហាញពីដំណើរការកាន់តែរលូនក្នុងការកែលម្អ ឬបង្កើតរូបភាពឱ្យកាន់តែមានប្រសិទ្ធភាព និងមានគុណភាពខ្ពស់បើប្រៀបធៀបទៅនឹងម៉ូដែលមុនៗ

Janus-Pro-7B មានប៉ារ៉ាម៉ែត្រចំនួន 7 ពាន់លាន ដែលអនុញ្ញាតឱ្យដំណើរការសិក្សាដ៏រឹងមាំ និងមានប្រសិទ្ធភាព។ ម៉ូដែលនេះត្រូវបានផ្តល់នូវការកែលម្អ និងលទ្ធផលដោយប្រើសំណុំទិន្នន័យដ៏ធំនៃ 72 លានរូបភាពសំយោគដែលមានគុណភាពខ្ពស់ ដែលអាចឱ្យវាបង្កើតរូបភាពគួរឱ្យទាក់ទាញ និងលម្អិត។

Janus-Pro-7B មាននៅលើ Hugging Face ដែលជាវេទិកាដែលរៀបចំម៉ូដែល AI ហើយវាបើកសម្រាប់ការប្រើប្រាស់ពាណិជ្ជកម្មក្រោមអាជ្ញាប័ណ្ណ MIT ។ បន្ថែមពីនេះ Janus-Pro-7B អាចប្រើប្រាស់បានដោយមិនគិតថ្លៃ ហើយអ្នកណាក៏អាចប្រើប្រាស់បាន ដូចជាម្ចាស់អាជីវកម្ម ឬអ្នកអភិវឌ្ឍន៍ អាចចូលប្រើវា ដោយបញ្ចូលវាទៅក្នុងកម្មវិធី ឬគម្រោងផ្ទាល់ខ្លួនរបស់ពួកគេ ដើម្បីឱ្យវាអាចប្រើគំរូដើម្បីបង្កើតរូបភាពសម្រាប់គោលបំណងផ្សេងៗរបស់អ្នកប្រើប្រាស់ ដូចជាការបង្កើតសិល្បៈ រចនាក្រាហ្វិក ឬបង្កើតកម្មវិធីដែលដំណើរការដោយ AI ផ្សេងទៀត។ វិធីសាស្រ្តរបស់ DeepSeek ចាត់តាំង Janus-Pro-7B ថាជាអ្នកប្រកួតប្រជែងដ៏រឹងមាំនៅក្នុងកន្លែងបង្កើតរូបភាព AI ដែលប្រកួតប្រជែងដោយផ្តល់នូវតុល្យភាពនៃការអនុវត្ត ភាពអាចប្រើប្រាស់បាន និងភាពងាយស្រួល។

ពាណិជ្ជកម្ម

រថយន្តអគ្គិសនីរបស់ប្រទេសចិនបានជំរុញពិភពលោកចូលទៅក្នុងយុគសម័យឈប់ពឹងផ្អែកលើឥន្ធនៈហ្វូស៊ីល

Sophorn Rithy

ប្រទេសចិនបានក្លាយជាប្រទេសនាំមុខគេលើទីផ្សាររថយន្តអគ្គិសនី (EV) ដោយជាង 50% នៃរថយន្តទាំងអស់ដែលបានលក់នៅក្នុងប្រទេសកាលពីឆ្នាំមុនគឺជារថយន្តអគ្គិសនី។ កំណើនគួរឱ្យកត់សម្គាល់នេះបានកំណត់ទីតាំងប្រទេសចិនជាទីផ្សារ EV ដ៏ធំបំផុតនៅលើពិភពលោកដែលមានចំនួនប្រហែល 80% នៃរថយន្ត EV ទាំងអស់ដែលបានលក់នៅទូទាំងពិភពលោក។ ភាពលេចធ្លោរបស់ប្រទេសនេះបានពង្រីកដល់ការផលិតថ្ម ដោយសារប្រទេសចិនគ្រប់គ្រង 75% នៃសមត្ថភាពផលិតកោសិកាថ្មរបស់ពិភពលោក ដែលអនុញ្ញាតឱ្យមានការអភិវឌ្ឍន៍យ៉ាងឆាប់រហ័ស និងការនាំចេញរថយន្ត EV ទូទាំងពិភពលោក។

ការកើនឡើងនៃការទទួលយករថយន្ត EV នេះបានធ្វើឱ្យគុណភាពខ្យល់កាន់តែប្រសើរឡើងយ៉ាងខ្លាំងនៅក្នុងទីក្រុងធំៗរបស់ចិន ដូចជាទីក្រុងស៊ាងហៃ និងក្វាងចូវ ដែលឆ្លុះបញ្ចាំងពីអត្ថប្រយោជន៍បរិស្ថាននៃការផ្លាស់ប្តូរទៅជាយានយន្តថាមពលពឹងផ្អែកលើអគ្គិសនីមិនបំពុលខ្យល់។ រដ្ឋាភិបាលចិនបានដើរតួនាទីយ៉ាងសំខាន់ ដោយបានបណ្តាក់ទុនជាង 200 ពាន់លានដុល្លារក្នុងទសវត្សរ៍ចុងក្រោយនេះ ដើម្បីឧបត្ថម្ភធនដល់ឧស្សាហកម្ម EV និងលើកកម្ពស់បច្ចេកវិទ្យាបៃតងដូចជា អាគុយ ទួរប៊ីនខ្យល់ និងបន្ទះស្រូបពន្លឺព្រះអាទិត្យ ដោយស្របតាមគោលដៅរបស់ខ្លួនក្នុងការសម្រេចបាននូវអព្យាក្រឹតភាពកាបូននៅឆ្នាំ 2060។

ក្រុមហ៊ុនផលិតរថយន្ត EV របស់ចិន ជាពិសេស BYD បានទទួលយកការរួមបញ្ចូលបញ្ឈរ ដោយគ្រប់គ្រងអ្វីគ្រប់យ៉ាងពីវត្ថុធាតុដើមរហូតដល់ការដឹកជញ្ជូន ដែលបង្កើនគុណភាព ប្រសិទ្ធភាព និងតម្លៃសមរម្យ។ ជាលទ្ធផល រថយន្ត EV របស់ចិនជាមធ្យមគឺពាក់កណ្តាលតម្លៃនៃរថយន្ត EV ដែលផលិតដោយបរទេស។ ក្រុមហ៊ុនផលិតរថយន្តដែលមានកេរ្តិ៍ដំណែលនៅក្នុងប្រទេសចិន ជាពិសេសអ្នកដែលពឹងផ្អែកលើម៉ាស៊ីនចំហេះខាងក្នុង (ICE) កំពុងជួបការលំបាក ដោយមានការបិទរោងចក្រ និងក្រុមហ៊ុនចែកចាយជាច្រើន។

ការកើនឡើងនៃឧស្សាហកម្ម EV របស់ប្រទេសចិនមិនត្រឹមតែផ្លាស់ប្តូរទីផ្សាររថយន្តក្នុងស្រុករបស់ខ្លួនប៉ុណ្ណោះទេ ប៉ុន្តែថែមទាំងផ្លាស់ប្តូរទិដ្ឋភាពរថយន្តពិភពលោក ជំរុញការច្នៃប្រឌិត និងការប្រកួតប្រជែងលើមាត្រដ្ឋានដែលមិនធ្លាប់មានពីមុនមក។

ពាណិជ្ជកម្ម

រឿង4 យ៉ាងដែលអ្នកមិនគួរភ្លេចនៅក្នុងជីវិតឡើយ

Sophorn Rithy

នៅក្នុងជីវិតរបស់មនុស្សគ្រប់រូបដែលមានភាពវឹកវរ វាងាយនឹងជាប់ក្នុងភាពចលាចល ហើយបុគ្គលមួយចំនួនបានមើលរំលងនូវរឿងមូលដ្ឋានដែលជាការផ្តល់តម្លៃមកកាន់ខ្លួនគេម្នាក់ៗ។ ខាងក្រោមនេះជារឿងសំខាន់ៗចំនួន 4 ដែលអ្នកមិនគួរភ្លេចក្នុងការរក្សាលំនឹងជីវិត និងមានន័យ៖

1. តម្លៃខ្លួនឯង៖ មិនថាមានរឿងអ្វីកើតឡើងទេ កុំភ្លេចគុណតម្លៃដែលខ្លួនមាន។ នៅក្នុងពិភពលោកដែលជំរុញគំនិតនៃភាពហុឺហារ ឬការរត់ដេញតាមស្តង់ដារសង្គមឥតឈប់ឈរតាមរយៈសមិទ្ធផល និងទ្រព្យសម្បត្ដិ វាងាយនឹងធ្វើឱ្យអ្នកបាត់បង់ការមើលឃើញថាខ្លួនអ្នកពិតជានរណា។ សូមចងចាំថាតម្លៃរបស់អ្នកមិនអាស្រ័យលើស្តង់ដារសង្គមខាងក្រៅដែលកំណត់នោះទេ ប៉ុន្តែបានមកពីខាងក្នុងតាមរយៈចិត្តគំនិតរបស់ខ្លួនអ្នកផ្ទាល់។

2. សុខភាព៖ សុខភាពគឺជាទ្រព្យសម្បត្តិដ៏អស្ចារ្យបំផុតដែលលុយមិនអាចទិញបាន ជីវិតអ្នកនឹងងាយស្រួលនៅពេលដែលអ្នកមានសុខភាពល្អ។ ប៉ុន្តែបើអ្នកគ្មានសុខភាពផ្លូវកាយ និងផ្លូវចិត្តទេ អ្វីផ្សេងទៀតមិនសំខាន់នោះទេ ព្រោះថាបើអ្នកមានសុខភាពទើបអាចសម្រេចកិច្ចការងារផ្សេងៗបានទៅតាមសេចក្តីប្រាថ្នារបស់អ្នក។ ដូចនេះ អ្នកត្រូវផ្តល់អាទិភាពដល់ការថែទាំខ្លួនឯង មិនថាតាមរយៈការហាត់ប្រាណ ការញ៉ាំអាហារដែលមានជីវជាតិ សម្រាកឱ្យបានគ្រប់គ្រាន់ និយាយជារួមគឺធ្វើយ៉ាងណាឱ្យរាងកាយ និងផ្លូវចិត្តរបស់អ្នកមានសុខភាពល្អ។

3. ទំនាក់ទំនង៖ កុំភ្លេចអំពីសារៈសំខាន់នៃទំនាក់ទំនងដ៏មានអត្ថន័យឱ្យសោះ មិនថាវាជាគ្រួសារ មិត្តភ័ក្តិ ឬដៃគូនោះទេ ការមានទំនាក់ទំនងទាំងនេះវាពិតជាបានបន្ថែមតម្លៃដែលមិនអាចកាត់ថ្លៃបានដល់ជីវិតរបស់អ្នក។ ដូចនេះ អ្នកត្រូវវិនិយោគទៅលើមនុស្សដែលនាំមកនូវភាពវិជ្ជមាន និងការគាំទ្រក្នុងជីវិតរបស់អ្នក ដែលធ្វើឱ្យអ្នកកាន់តែរីកចម្រើន។

4. ការដឹងគុណ និងសេចក្តីសប្បុរស៖ នៅក្នុងជីវិតដ៏មមាញឹករបស់មនុស្សយើង បុគ្គលមួយចំនួនអាចនឹងងាយស្រួលក្នុងការមើលរំលងនូវរឿងតូចតាច។ ដូចនេះហើយអ្នកត្រូវរំលឹងខ្លួនឯងត្រូវរៀនរីករាយចំពោះអ្វីអ្នកបានឆ្លងកាត់ ដែលវាផ្តល់នូវបទពិសោធន៍ជីវិត និងមេរៀនឱ្យអ្នកកាន់តែយល់ដឹងបន្ថែមពីរសជាតិជីវិតរបស់មនុស្សម្នាក់ៗ។ អ្វីដែលសំខាន់ទៀតនោះគឺ កុំភ្លេចដឹងគុណចំពោះអ្វីដែលអ្នកមាន កាលណាអ្នករីករាយចំពោះអ្វីដែលអ្នកមាន វានឹងធ្វើឱ្យអ្នកមានអារម្មណ៍ថាជីវិតរបស់អ្នកស្កប់ស្កល់ និងគ្រប់គ្រាន់។ ស្រដៀងគ្នានេះដែរ គឺអ្នកត្រូវមានសេចក្តីសប្បុរសទាំងចំពោះខ្លួនឯង និងអ្នកដទៃតាមរយៈការចែកចាយសេចក្តីអំណរ និងជួយអ្នកដទៃនៅពេលគេជួបនូវគ្រាអាស្នន។ល។

តាមរយៈការប្រកាន់ខ្ជាប់នូវសេចក្តីពិតទាំងបួននេះ អ្នកនឹងកសាងជីវិតដែលចាក់ឫសដោយសេចក្តីស្រឡាញ់ សុខភាព មានជីវិតមួយដែលអ្នករីករាយ ពេញចិត្ត និងស្កប់ស្កល់ចំពោះអ្វីដែលអ្នកមាន។

ពាណិជ្ជកម្ម

ពន្ធគយរបស់លោក Trump បង្កឱ្យមានវិបត្តិនៅក្នុងទំនាក់ទំនងរវាងសហរដ្ឋអាមេរិកនិងកូឡុំប៊ីជុំវិញជម្លោះជនចំណាកស្រុក

Sophorn Rithy

ថ្មីៗនេះ លោកប្រធានាធិបតី Donald Trump បានដាក់ពន្ធគយ និងទណ្ឌកម្មសំខាន់ៗលើប្រទេសកូឡុំប៊ី បន្ទាប់ពីប្រធានាធិបតីឆ្វេងនិយមរបស់ខ្លួន លោក Gustavo Petro បានបដិសេធការចុះចតយន្តហោះយោធាអាមេរិកពីរគ្រឿងដែលដឹកជនចំណាកស្រុកនិរទេស។ Trump បានប្រកាសពន្ធបន្ទាន់ 25% លើទំនិញកូឡុំប៊ីទាំងអស់ជាមួយនឹងការកើនឡើងដល់ 50% ក្នុងមួយសប្តាហ៍។ ការសម្រេចចិត្តនេះជះឥទ្ធិពលដល់ការនាំចេញសំខាន់ៗរបស់ប្រទេសកូឡុំប៊ី រួមមានប្រេង មាស កាហ្វេ និងផ្កា និងហានិភ័យដែលបំផ្លាញសេដ្ឋកិច្ចដ៏ផុយស្រួយរបស់ប្រទេសកូឡុំប៊ី។

ចំពោះការបដិសេធរបស់លោក Petro កើតចេញពីការព្រួយបារម្ភលើវិធីសាស្រ្តនិរទេសរបស់សហរដ្ឋអាមេរិក រួមទាំងការប្រើប្រាស់យន្តហោះយោធា និងជនចំណាកស្រុកដែលមកដល់ដោយមានការរឹតបន្តឹង។

ប្រទេសកូឡុំប៊ីបានសងសឹកយ៉ាងឆាប់រហ័ស ដោយដាក់ពន្ធ 25% លើការនាំចូលរបស់សហរដ្ឋអាមេរិក និងប្រកាសផែនការគាំទ្រជម្រើសក្នុងស្រុកចំពោះទំនិញរបស់សហរដ្ឋអាមេរិក។ សកម្មភាពទាំងនេះបានធ្វើឱ្យមានភាពតានតឹងដល់សម្ព័ន្ធភាពយូរអង្វែងរវាងប្រទេសទាំងពីរ។

វិធានការបន្ថែមរបស់លោក Trump គឺមានគោលបំណងធ្វើឲ្យស្ថានការណ៍កាន់តែខ្លាំងឡើង ដោយលោក Trump បានដាក់បម្រាមធ្វើដំណើរលើមន្ត្រីកូឡុំប៊ី ដកហូតទិដ្ឋាការសម្រាប់អ្នកគាំទ្រប្រធានាធិបតី Petro និងបានណែនាំការត្រួតពិនិត្យគយសម្រាប់ទំនិញ ព្រមទាំងជនជាតិកូឡុំប៊ីដែលចូលមកសហរដ្ឋអាមេរិក។ លើសពីនេះ ទណ្ឌកម្មហិរញ្ញវត្ថុត្រូវបានដាក់គោលដៅលើរដ្ឋាភិបាលរបស់ប្រទេសកូឡុំប៊ី ដែលនេះជាទម្រង់នៃការដាក់សម្ពាធផ្នែកសេដ្ឋកិច្ច។

ជាប្រវត្តិសាស្ត្រដែលកូឡុំប៊ីជាសម្ព័ន្ធមិត្តដ៏សំខាន់របស់សហរដ្ឋអាមេរិកក្នុងការប្រយុទ្ធប្រឆាំងនឹងការជួញដូរគ្រឿងញៀន។ ទោះបីជាយ៉ាងណាក៏ដោយ ដោយសារតែភាពតានតឹងនាពេលថ្មីៗនេះ ជាពិសេសជាមួយនឹងគោលនយោបាយរបស់ប្រធានាធិបតី Petro និងការសម្រេចចិត្តរបស់គាត់ក្នុងការបដិសេធការចុះចតយន្តហោះយោធារបស់សហរដ្ឋអាមេរិក កូឡុំប៊ីប្រថុយនឹងការបាត់បង់ឋានៈរបស់ខ្លួនជាដៃគូដែលគួរឱ្យទុកចិត្តនៅក្នុងកិច្ចខិតខំប្រឹងប្រែងនេះ។ នេះអាចប៉ះពាល់ដល់កិច្ចសហប្រតិបត្តិការ និងជំនួយដែលសហរដ្ឋអាមេរិកផ្តល់ក្នុងគំនិតផ្តួចផ្តើមប្រឆាំងគ្រឿងញៀន ដែលអាចធ្វើឲ្យកូឡុំប៊ីឯកោពីការគាំទ្ររបស់សហរដ្ឋអាមេរិកក្នុងសង្គ្រាមប្រឆាំងគ្រឿងញៀន។

វិបត្តិដែលកំពុងកើតឡើងនេះបង្ហាញពីការផ្លាស់ប្តូរយ៉ាងខ្លាំងនៅក្នុងទំនាក់ទំនងរវាងសហរដ្ឋអាមេរិក និងកូឡុំប៊ី ជាមួយនឹងភាពតានតឹងកើនឡើងជុំវិញសកម្មភាពរបស់ប្រធានាធិបតី Petro ។ បូករួមនឹងការប្រើប្រាស់ពន្ធគយយ៉ាងគឃ្លើនរបស់លោក Trump ជាអានុភាពមានន័យថាលោកកំពុងដាក់សម្ពាធសេដ្ឋកិច្ចដើម្បីបង្ខំប្រទេសកូឡុំប៊ី ឬប្រទេសណាមួយផ្សេងទៀតឱ្យគោរពតាមគោលនយោបាយរបស់សហរដ្ឋអាមេរិក។ តាមរយៈការដាក់ពន្ធខ្ពស់ (ពន្ធលើទំនិញនាំចូល) សហរដ្ឋអាមេរិកអាចធ្វើឱ្យទំនិញកូឡុំប៊ីមានតម្លៃថ្លៃជាងមុន ដែលអាចប៉ះពាល់ដល់សេដ្ឋកិច្ចរបស់ប្រទេសកូឡុំប៊ី។ ចំណាត់ការនេះគម្រាមកំហែងបំផ្លាញទំនាក់ទំនងសេដ្ឋកិច្ច និងភូមិសាស្ត្រនយោបាយរវាងប្រជាជាតិទាំងពីរ ដែលអាចធ្វើឱ្យមានអស្ថិរភាពដល់សម្ព័ន្ធភាព និងកិច្ចព្រមព្រៀងពាណិជ្ជកម្មយូរអង្វែង។

ពាណិជ្ជកម្ម

ជប៉ុនមានជណ្តើរយន្តខ្លីជាងគេបំផុតក្នុងពិភពលោកដែលមានរយៈចម្ងាយត្រឹមតែ 5 ជំហានប៉ុណ្ណោះ

Sophorn Rithy

ជណ្តើរយន្តខ្លីជាងគេបំផុតរបស់ពិភពលោក ដែលត្រូវបានគេស្គាល់ថា Puchicalator មានទីតាំងនៅផ្លូវក្រោមដីនៃហាង More’s Department Store ក្នុងទីក្រុង Kawasaki ប្រទេសជប៉ុន។

ក្នុងនោះដែលប្រវែងវាមានត្រឹមតែប្រាំជំហាន និងកម្ពស់ 83.4 សង់ទីម៉ែត្រ (2.7 ហ្វីត) វាទទួលបានកំណត់ត្រាពិភពលោក Guinness សម្រាប់ជណ្តើរយន្តខ្លីជាគេបំផុត។

ឥឡូវនេះវាជាកន្លែងដ៏ទាក់ទាញ ដែលជាជណ្តើរយន្តត្រូវបានសាងសង់ឡើងដើម្បីភ្ជាប់ហាងជាមួយនឹងមជ្ឈមណ្ឌលផ្សារទំនើបក្រោមដី។

ទោះជាយ៉ាងណាក៏ដោយ វាមានរយៈពេលខ្លីពេកក្នុងការទៅដល់មជ្ឈមណ្ឌលទិញទំនិញ ដូច្នេះហើយ វាមិនអាចបម្រើគោលបំណងដែលអាចភ្ជាប់ទៅដល់កន្លែងលក់ទំនិញក្រោមដីទេនោះទេ។

ពាណិជ្ជកម្ម

ការស្រាវជ្រាវបង្ហាញពីមូលហេតុដែលអ្នកមិនគួរមើលទូរស័ព្ទមុនពេលគេង

Sophorn Rithy

ការប្រើទូរស័ព្ទមុនពេលចូលគេងអាចជះឥទ្ធិពលអវិជ្ជមានដល់សុខភាព និងសុខុមាលភាពរបស់អ្នកម្តងបន្តិចៗ ដែលវានឹងធ្វើឱ្យសុខភាពរបស់អ្នកឌ្រុតឌ្រោមនៅពេលខាងមុខ។ ខាងក្រោមនេះគឺជាហេតុផលសំខាន់ៗចំនួន 5 ដែលអ្នកមិនគួរចុចទូរស័ព្ទមុនពេលចូលគេង៖

1. រំខានដល់គុណភាពនៃការគេង
អេក្រង់ទូរស័ព្ទបញ្ចេញពន្លឺពណ៌ខៀវ ដែលរារាំងការផលិតមេឡាតូនីន ដែលជាអរម៉ូនទទួលខុសត្រូវក្នុងការគ្រប់គ្រងលើការចូលដំណេក។ ប្រសិនបើគ្មានសារធាតុ melatonin គ្រប់គ្រាន់ទេ រាងកាយរបស់អ្នកពិបាកគេង គេងមិនលក់ ឬធ្វើឱ្យការគេងមិនស្កប់ស្កល់ ដែលធ្វើអោយអ្នកមានអារម្មណ៍មិនស្រឡះ អស់កម្លាំង និងល្ហិតល្ហៃនៅថ្ងៃបន្ទាប់។

2. បង្កើនភាពតានតឹង និងការថប់បារម្ភ
នៅពេលអ្នកមើលប្រព័ន្ធផ្សព្វផ្សាយសង្គម អ៊ីមែល ឬព័ត៌មានមុនពេលចូលគេង វានឹងអាចបង្ហាញអ្នកទៅនឹងខ្លឹមសារដែលអាចបណ្តាលឱ្យមានភាពតានតឹង ឬការថប់បារម្ភ ដូចជាដំណឹងដ៏ក្រៀមក្រំ ឬការបង្ហោះខ្លឹមសារអវិជ្ជមាននៅលើប្រព័ន្ធផ្សព្វផ្សាយសង្គម។ល។ កត្តាទំាងនេះនឹងធ្វើឱ្យអ្នកមានអារម្មណ៍មិនល្អ មិនតែប៉ុណ្ណោះវាក៏ធ្វើឱ្យអ្នកពិបាកក្នុងការដេក យូរៗទៅ ទម្លាប់នេះអាចរំខានដល់ដំណេករបស់អ្នក និងផ្តល់ផលអវិជ្ជមានដល់សុខុមាលភាពទូទៅរបស់អ្នក។

3. រំញោចខួរក្បាលខ្លាំងពេក
ការចុចមើលទូរស័ព្ទមុនពេលចូលគេងជំរុញខួរក្បាលរបស់អ្នកបន្តដំណើរការ នៅពេលដែលវាគួរតែសម្រាក។ ការធ្វើឱ្យខួរក្បាលរំញោចអត់ឈប់ឈរបែបនេះ វានឹងធ្វើឱ្យអ្នកពិបាកក្នុងការងងុយគេង ដោយសារតែខួរក្បាលរបស់អ្នកនៅតែដំណើរការព័ត៌មាន។ យូរៗទៅទម្លាប់នេះអាចធ្វើឲ្យពិបាកគេងលក់ ដែលនាំឲ្យមានបញ្ហាដូចជាការគេងមិនលក់ជាដើម។

4. បង្កើតទម្លាប់មិនល្អ
ការប្រើទូរសព្ទរបស់អ្នកនៅពេលយប់អាចនាំអ្នកទៅរកទម្លាប់អាក្រក់ ដែលធ្វើឲ្យពិបាកគេងលក់។ ការបង្កើតនូវទម្លាប់នេះជារឿយៗ នោះវានឹងធ្វើឱ្យអ្នកមានអារម្មណ៍ថា អ្នកមិនអាចសម្រាក ឬងងុយគេងដោយមិនមើលទូរសព្ទជាមុនបានឡើយ ដែលវាបានរារាំងអ្នកពីការសម្រាកឱ្យបានត្រឹមត្រូវ។

5. កាត់បន្ថយរយៈពេលនៃការគេង
មុនពេលចូលគេងអ្នកអាចគិតថា គ្រាន់តែមើលទូរស័ព្ទពីរបីនាទីប៉ុណ្ណោះ តែបន្ទាប់មកអ្នកនឹងបន្ថែមពេលវេលានៅលើអេក្រង់ទូរសព្ទបន្ថែមទៀត។ ការចំណាយពេលជាច្រើនម៉ោងក្នុងការមើលទូរស័ព្ទបែបនេះ វានឹងធ្វើឱ្យការចូលដំណេករបស់អ្នកពន្យាពេល ដែលធ្វើឱ្យការដេករបស់អ្នកមានរយៈពេលខ្លី និងដេកមិនបានគ្រប់គ្រាន់។

ដើម្បីបង្កើនគុណភាពនៃការគេង និងសុខភាពទូទៅ សូមបង្កើតទម្លាប់ពេលគេងដោយមិនប្រើទូរសព្ទ។ សម្រាក់ពីការមើលទូរស័ព្ទយ៉ាងហោចណាស់មួយម៉ោងមុនពេលចូលគេង ហើយជំនួសដោយការជ្រើសរើសសកម្មភាពស្ងប់ស្ងាត់ដូចជាការអានសៀវភៅ ឬសមាធិជាដើម។ ទម្លាប់សាមញ្ញនេះអាចជួយឱ្យអ្នកគេងលក់ស្រួល និងភ្ញាក់ពីដំណេកមានភាពស្រស់ស្រាយ។

ពាណិជ្ជកម្ម

តើមានអ្វីកើតឡើងបន្ទាប់ពីអាមេរិកចាកចេញពីអង្គការសុខភាពពិភពលោក?

Sophorn Rithy

ប្រសិនបើសហរដ្ឋអាមេរិកចាកចេញពីអង្គការសុខភាពពិភពលោក (WHO) វានឹងមានផលប៉ះពាល់យ៉ាងខ្លាំងដល់សុខភាពពិភពលោក និងទំនាក់ទំនងអន្តរជាតិ។ សហរដ្ឋអាមេរិកគឺជាអ្នករួមចំណែកផ្នែកហិរញ្ញវត្ថុដ៏សំខាន់ដល់ WHO ដោយផ្តល់ប្រហែល 15% នៃថវិការបស់ខ្លួន។ ការចាកចេញនេះអាចនាំឱ្យមានការថយចុះនៃមូលនិធិ ដែលជះឥទ្ធិពលយ៉ាងធ្ងន់ធ្ងរដល់សមត្ថភាពរបស់អង្គការក្នុងការអនុវត្តគំនិតផ្តួចផ្តើមសុខភាពសកល ដូចជាការការពារជំងឺ ការចាក់វ៉ាក់សាំង និងការឆ្លើយតបទៅនឹងជំងឺរាតត្បាត។

បើគ្មានសហរដ្ឋអាមេរិកទេ WHO ទំនងជាត្រូវពឹងផ្អែកលើប្រទេសសមាជិកផ្សេងទៀតសម្រាប់ការផ្តល់មូលនិធិ ដែលអាចផ្លាស់ប្តូររបៀបវារៈ និងអាទិភាពសុខភាពពិភពលោក។ ការអវត្ដមាននៃភាពជាអ្នកដឹកនាំ និងជាអ្នកផ្តល់នូវជំនួយក៏ធំរបស់សហរដ្ឋអាមេរិកក្នុងគំនិតផ្តួចផ្តើមផ្នែកសុខភាពសំខាន់ៗក៏នឹងបន្ថយឥទ្ធិពលក្នុងការរៀបចំគោលនយោបាយសុខភាពអន្តរជាតិផងដែរ។

លើសពីនេះទៀត ការចាកចេញពីអង្គការសុខភាពពិភពលោក អាចបំផ្លាញកិច្ចសហប្រតិបត្តិការជាសាកល ក្នុងអំឡុងពេលមានវិបត្តិសុខភាពជាសកល។ WHO ដើរតួនាទីសំខាន់ក្នុងការសម្របសម្រួលកិច្ចខិតខំប្រឹងប្រែងដើម្បីប្រយុទ្ធប្រឆាំងនឹងជំងឺដូចជា COVID-19, Ebola និងជំងឺស្វិតដៃជើង។ ការដកខ្លួនរបស់សហរដ្ឋអាមេរិកអាចបង្កើតបញ្ហាប្រឈមក្នុងការឆ្លើយតបទៅនឹងភាពអាសន្នផ្នែកសុខភាពពិភពលោកនាពេលអនាគត និងកំណត់ការចែករំលែកព័ត៌មាន ព្រមទាំងធនធាន។

ប្រសិនបើសហរដ្ឋអាមេរិកឈប់ជាផ្នែកមួយនៃអង្គការសុខភាពពិភពលោក ប្រទេសនេះនឹងចាំបាច់ត្រូវស្វែងរកវិធីផ្សេងទៀតដើម្បីធ្វើការជាមួយប្រទេសផ្សេងទៀតលើបញ្ហាសុខភាព។ នេះអាចបណ្តាលឱ្យមានបញ្ហានៅក្នុងទំនាក់ទំនងរបស់ខ្លួនជាមួយប្រទេសទាំងនោះ ព្រោះអាមេរិកនឹងមិនមានការពាក់ព័ន្ធយ៉ាងជិតស្និទ្ធនៅក្នុងកិច្ចខិតខំប្រឹងប្រែងផ្នែកសុខភាពពិភពលោកនោះទេ។ ជាលទ្ធផល សហរដ្ឋអាមេរិកអាចនឹងពិបាកក្នុងការឆ្លើយតបទៅនឹងបញ្ហាសុខភាពទូទាំងពិភពលោក ដូចជាជំងឺរាតត្បាត ដែលធ្វើឱ្យវាកាន់តែពិបាកក្នុងការធ្វើការរួមគ្នាជាមួយប្រទេសផ្សេងទៀតដើម្បីដោះស្រាយ។

ពាណិជ្ជកម្ម

ឥទ្ធិពលនៃ AIអាចវិនិច្ឆ័យជំងឺរលាកសួត កូវីដ-19 និងជំងឺសួតផ្សេងទៀតយ៉ាងមានប្រសិទ្ធភាពដល់ទៅ 96% ដោយប្រើអ៊ុលត្រាសោន

Sophorn Rithy

អ្នកស្រាវជ្រាវនៅសាកលវិទ្យាល័យ Charles Darwin បានបង្កើត”គំរូ AI កម្រិតខ្ពស់ដែលមានសមត្ថភាពធ្វើរោគវិនិច្ឆ័យជំងឺសួតជាមួយនឹងភាពត្រឹមត្រូវ 96.57% ដោយប្រើវីដេអូអ៊ុលត្រាសោន”។ ប្រព័ន្ធនេះមានឈ្មោះថា TD-CNNLSTM-LungNet រួមបញ្ចូលគ្នានូវបច្ចេកវិទ្យា AI ដ៏មានអានុភាពចំនួនពីរ ដើម្បីផ្តល់នូវការធ្វើរោគវិនិច្ឆ័យយ៉ាងជាក់លាក់។ បណ្តាញសរសៃប្រសាទ convolutional (CNN) រកឃើញគំរូកម្រិតភីកសែលដ៏ល្អនៅក្នុងរូបភាពអ៊ុលត្រាសោន។ វិធីសាស្រ្តកូនកាត់នេះអនុញ្ញាតឱ្យគំរូកំណត់អត្តសញ្ញាណស្ថានភាពសួតដូចជាជំងឺរលាកសួត កូវីដ-19 និងជំងឺផ្លូវដង្ហើមផ្សេងទៀតប្រកបដោយប្រសិទ្ធភាពគួរឱ្យកត់សម្គាល់។

AI នេះលេចធ្លោសម្រាប់សមត្ថភាពរបស់វាក្នុងការពន្យល់ពីការវិនិច្ឆ័យរបស់វា លើកកម្ពស់តម្លាភាព និងជួយអ្នកជំនាញផ្នែកវិទ្យុសកម្មក្នុងការយល់ដឹងពីការធ្វើរោគវិនិច្ឆ័យ។ ជាងនេះទៅទៀត វាមានសមត្ថភាពវិនិច្ឆ័យរាល់ជំងឺសួតនៃប្រភេទផ្សេងៗបានយ៉ាងមានប្រសិទ្ធភាពខ្ពស់រហូតទៅដល់ 96.51% ដោយសារវាដំណើរការទំនើបលើសពីឧបករណ៍មុនៗ។ វាសន្សំសំចៃពេលវេលា បង្កើនភាពត្រឹមត្រូវនៃការធ្វើរោគវិនិច្ឆ័យសម្រាប់វេជ្ជបណ្ឌិត និងទ្វេដង ជាងនេះទៅទៀតគេបានចាត់ទុកវាជាឧបករណ៍បណ្តុះបណ្តាល ដែលធ្វើឱ្យវាក្លាយជាទ្រព្យសម្បត្តិដ៏មានតម្លៃក្នុងការថែទាំសុខភាព។

របកគំហើញនេះបង្ហាញពីសក្តានុពលផ្លាស់ប្តូរនៃ AI ក្នុងការថែទាំសុខភាព។ តាមរយៈការកែលម្អល្បឿន និងភាពត្រឹមត្រូវនៃការវិនិច្ឆ័យ ម៉ូដែលនេះផ្តល់នូវការមើលឃើញនាពេលអនាគតដែល AI ដើរតួយ៉ាងសំខាន់ក្នុងការលើកកម្ពស់ការថែទាំអ្នកជំងឺ កាត់បន្ថយបន្ទុកការងារសម្រាប់បុគ្គលិកពេទ្យ និងដោះស្រាយបញ្ហាប្រឈមផ្នែកថែទាំសុខភាពជាសកលជាមួយនឹងដំណោះស្រាយបច្ចេកវិទ្យាទំនើប។

ពាណិជ្ជកម្ម

ប្រភពបាននិយាយថា ក្រុមហ៊ុន Mitsubishi Motors ពិចារណាមិនចូលរួមក្នុងការរួមបញ្ចូលគ្នាជាមួយ Nissan-Honda ដែលបានគ្រោងទុក

Sophorn Rithy

ប្រភពបាននិយាយថាក្រុមហ៊ុន Mitsubishi Motors កំពុងវាយតម្លៃថាតើត្រូវចូលរួមក្នុងការរួមបញ្ចូលគ្នាដែលបានគ្រោងទុករវាង Nissan និង Honda ដែរឬទេ។ Nissan និង Honda កំពុងពិភាក្សាគ្នាដើម្បីបង្កើតក្រុមរថយន្តធំជាងគេទីបីនៅទូទាំងពិភពលោក ប៉ុន្តែក្រុមហ៊ុន Mitsubishi ដែលជាដៃគូតូចជាងដែលមានភាគហ៊ុន 24% នៅក្នុង Nissan អាចនៅតែឯករាជ្យ។

ក្រុមហ៊ុន Mitsubishi Motors មានការព្រួយបារម្ភថា ដោយសារតែក្រុមហ៊ុននេះតូចជាង Nissan និង Honda ដោយ Mitsubishi យល់ឃើញថាគេប្រហែលជាមិនមានចំណែកក្នុងការគ្រប់គ្រងបានច្រើន ឬអាចធ្វើឱ្យពួកគេពិបាកធ្វើការសម្រេចចិត្តក្នុងរឿងសំខាន់ៗ។

សម្រាប់ពេលនេះ ក្រុមហ៊ុន Mitsubishi កំពុងផ្តោតលើការរីកលូតលាស់អាជីវកម្មរបស់ខ្លួននៅក្នុងតំបន់អាស៊ីអាគ្នេយ៍ ខណៈពេលដែលខ្លួនសម្រេចចិត្តថាតើត្រូវចូលរួមឬមិនចូលរួមក្នុងការរួមបញ្ចូលគ្នាជាមួយ Nissan និង Honda នាពេលអនាគត។ ពួកគេកំពុងចំណាយពេលដើម្បីស្វែងយល់ពីអ្វីដែលល្អបំផុតសម្រាប់ក្រុមហ៊ុន។

ភាគហ៊ុនរបស់ក្រុមហ៊ុន Mitsubishi Motors បានធ្លាក់ចុះជិត 4% បន្ទាប់ពីព័ត៌មាននេះ ដោយ Nissan និង Honda ក៏មានការខាតបង់បន្តិចបន្តួចផងដែរ។ ការពិភាក្សាបញ្ចូលគ្នារវាង Nissan និង Honda មានគោលបំណងបង្កើតក្រុមហ៊ុនកាន់កាប់ថ្មីមួយនៅឆ្នាំ 2026 ដោយរួមបញ្ចូលគ្នានូវធនធានរបស់ពួកគេដើម្បីផលិតរថយន្តចំនួន 7.4 លានគ្រឿងក្នុងមួយឆ្នាំ។

ពាណិជ្ជកម្ម

សេចក្តីជូនដំណឹងអំពីវិធានការបង្ការនិងការពារសុខភាពក្នុងឱកាសបុណ្យចូលឆ្នាំចិន និងវៀតណាម

Sophorn Rithy

យោងទៅតាមសេចក្តីជូនដំណឹងរបស់ក្រសួងសុខាភិបាល៖ បានក្រើនរំលឹកទៅដល់ប្រជាពលរដ្ឋថា ក្នុងឱកាសពិធីបុណ្យចូលឆ្នាំថ្មីប្រពៃណីចិន និងវៀតណាម បងប្អូនប្រជាពលរដ្ឋមួយចំនួនតែងមាន ការជួបជុំ គ្រួសារ បងប្អូន ញាត្តិមិត្ត រៀបចំធ្វើម្ហូបអាហារ និងធ្វើដំណើរកំសាន្តទៅតាមរមណីយដ្ឋាននានា។ ដើម្បីចូលរួម ការពារសុខភាពបុគ្គលខ្លួនផ្ទាល់ និងសមាជិកគ្រួសារ ជាពិសេស កុមារតូចៗ និងមនុស្សចាស់ ក្រសួងសុខាភិបាល នៃព្រះរាជាណាចក្រកម្ពុជា សូមធ្វើការណែនាំ ក្រើនរំលឹកដល់បងប្អូនប្រជាពលរដ្ឋទាំងអស់ ត្រូវយកចិត្តទុកដាក់ ការពារសុខភាព សុវត្ថិភាព ដោយត្រូវចូលរួមអនុវត្តវិធានការដូចខាងក្រោម៖

– ប្រកាន់ខ្ជាប់អនាម័យដោយត្រូវលាងដៃឱ្យបានញឹកញាប់ជាមួយសាប៊ូ និងទឹកស្អាត ឬអាល់កុល មុនចាប់កាន់អាហារ ឬប៉ះពាល់សត្វ ដូចជាបោចសម្អាត ឬសម្លាប់ លាងសម្អាតសាច់ និងវត្ថុផ្សេងៗ ដែលអាចជាប្រភពចម្លងមេរោគ

– ចុងភៅត្រូវទុកដាក់អាហារឆៅ និងឆ្អិនដាច់ដោយឡែកពីគ្នា សម្អាតសម្ភារប្រើប្រាស់សម្រាប់ ចម្អិន ម្ហូបអាហារឱ្យបានត្រឹមត្រូវ និងត្រូវចម្អិនម្ហូបអាហារឱ្យបានឆ្អិនល្អ ជាពិសេសសាច់សត្វ ស៊ុត និង អាហារសមុទ្រ។ នៅពេលបងប្អូនទិញម្ហូបអាហារដែលឆ្អិនស្រាប់នៅតាមផ្សារ ឬតាមដងផ្លូវត្រូវប្រាកដថា អាហារទាំងនោះឆ្អិនល្អ មានអនាម័យ និងមានសុវត្ថិភាព ដោយវេចខ្ចប់បានត្រឹមត្រូវ

– ត្រូវទុកដាក់ចំណីអាហារក្នុងសីតុណ្ហភាពមានសុវត្ថិភាព។ កុំរក្សាទុកអាហារក្នុងកន្លែងដែលមាន សីតុណ្ហភាពធម្មតាលើសពី ២ម៉ោង (បើសីតុណ្ហភាពត្រជាក់ត្រូវតិចជាង ៥អង្សាសេ និងបើក្តៅ គឺត្រូវលើសពី ៦០អង្សាសេ) ឬ ចម្អិនអាហារមួយពេលសម្រាប់តែមួយពេល ដោយមិនទុកអាហារ សេសសល់យូរដែលអាចផ្លូម ដែលបង្កឱ្យមានការរាករូស ឈឺពោះ ក្អួតជាដើម

– ត្រូវប្រើប្រាស់ទឹកស្អាត និងគ្រឿងផ្សំធ្វើម្ហូបមានគុណភាពល្អ ហើយមិនត្រូវប្រើប្រាស់សារធាតុគីមីបន្ថែម

– ទទួលទានចំណីអាហារ និងពិសាទឹកឆ្អិនដាំពុះ ដែលមានអនាម័យ និងសុវត្ថិភាពល្អ

– កុំប្រើប្រាស់ម្ហូបអាហារដែលរក្សាទុកហួសកាលកំណត់ប្រើប្រាស់

– មិនត្រូវទទួលទានស្រា ដែលគ្មានប្រភពផលិតច្បាស់លាស់ ឬយកមេតាណុលមកលាយជាមួយ ជាស្រា ស បង្កឱ្យមានការពុលរហូតដល់ស្លាប់បាត់បង់ជីវិត

– មិនត្រូវទទួលទានភេសជ្ជៈស្រវឹងលើសកម្រិត ដែលអាចបង្កអំពើហឹង្សា និងគ្រោះថ្នាក់ចរាចរណ៍ ជាយថាហេតុ

– នៅពេលក្អកកណ្តាស់ ត្រូវខ្ទប់មាត់ដោយពាក់ម៉ាស់ ឬប្រើកន្សែងដៃ ឬប្រើផ្នត់កែងដៃ និងមិនត្រូវខាកស្តោះ និងបន្ទោបង់ពាសវាលពាសកាល

– ត្រូវសម្រាន្តក្នុងមុង ស្លៀកពាក់ខោជើងវែង អាវដៃវែង ឱ្យបានជិត ដើម្បីបង្ការមូសខាំដែលអាចបង្កជា ជំងឺគ្រុនឈាម

– ត្រូវប្រកាន់ខ្ជាប់នូវទម្លាប់រស់នៅស្អាត ធ្វើអនាម័យផ្ទះសម្បែង ផ្ទះមានពន្លឺចេញចូល ទុកដាក់របស់របរ និងសម្លៀកបំពាក់ទាំងនៅក្នុង និងក្រៅផ្ទះឱ្យមានសណ្តាប់ធ្នាប់ លុបបំបាត់ព្រៃស៊ុបទ្រុបជុំវិញផ្ទះ ដើម្បីកាត់បន្ថយជម្រកមូស

– ពេលធ្វើដំណើរត្រូវគោរពច្បាប់ចរាចរឱ្យបានខ្ជាប់ខ្ជួន

– ត្រូវប្រុងប្រយ័ត្ន និងបង្ការអគ្គីភ័យនៅតាមផ្ទះសម្បែងរៀងខ្លួន

– ចៀសវាងការចូលរួមក្នុងទីប្រជុំជន ឬធ្វើដំណើរ ប្រសិនបើបងប្អូនប្រជាពលរដ្ឋមានអាការៈក្តៅខ្លួន ក្អក ឬពិបាកដកដង្ហើម ឬមានបញ្ហាសុខភាព ឬមានជំងឺ ឬសង្ស័យថាមានការឆ្លងជំងឺសូមប្រញាប់ទៅ ស្វែងរកការពិនិត្យពិគ្រោះនៅតាមមណ្ឌលសុខភាព និងមន្ទីរពេទ្យបង្អែក។

ពាណិជ្ជកម្ម

អង្គការសហប្រជាជាតិបញ្ជាក់ថា សហរដ្ឋអាមេរិកនឹងចាកចេញពីអង្គការសុខភាពពិភពលោកនៅឆ្នាំ2026

Sophorn Rithy

សហរដ្ឋអាមេរិកបានប្រកាសជាផ្លូវការនូវការសម្រេចចិត្តរបស់ខ្លួនក្នុងការដកខ្លួនចេញពីអង្គការសុខភាពពិភពលោក (WHO) ដោយការចាកចេញនេះនឹងចូលជាធរមាននៅថ្ងៃទី 22 ខែមករា ឆ្នាំ 2026។ នេះធ្វើឡើងបន្ទាប់ពីលិខិតផ្លូវការមួយផ្ញើដោយប្រធានាធិបតី Donald Trump លិខិតនេះបំពេញតាមការសន្យាយុទ្ធនាការរបស់លោកក្នុងការចាកចេញ។ លោក Trump ក៏បានបញ្ជាឱ្យបញ្ឈប់ការផ្តល់មូលនិធិ និងធនធានរបស់សហរដ្ឋអាមេរិកដល់ WHO ដែលបានទទួល 261 លានដុល្លារពីសហរដ្ឋអាមេរិកនៅចន្លោះឆ្នាំ 2024 និង 2025 ប្រហែល 18% នៃមូលនិធិសរុបរបស់ខ្លួន។

ការសម្រេចចិត្តនេះបានធ្វើឱ្យមានការព្រួយបារម្ភ ខណៈដែលសហរដ្ឋអាមេរិកគឺជាម្ចាស់ជំនួយដ៏ធំបំផុតរបស់អង្គការសុខភាពពិភពលោក ដោយបានគាំទ្រដល់គំនិតផ្តួចផ្តើមផ្នែកសុខភាពពិភពលោកដូចជាការប្រយុទ្ធប្រឆាំងនឹងជំងឺរាតត្បាត ជំងឺរបេង និងមេរោគអេដស៍/ជំងឺអេដស៍។ អ្នកជំនាញព្រមានថាការបាត់បង់ការរួមចំណែកផ្នែកហិរញ្ញវត្ថុដ៏សំខាន់បែបនេះនឹងធ្វើឱ្យសមត្ថភាពរបស់ WHO ចុះខ្សោយក្នុងការដោះស្រាយវិបត្តិសុខភាពសកល។ ចំណាត់ការនេះធ្វើឡើងបន្ទាប់ពីមានការរិះគន់ជាយូរមករបស់លោក Trump លើអង្គការសុខភាពពិភពលោក ដោយបានរិះគន់ថាបរាជ័យក្នុងការគ្រប់គ្រងជំងឺរាតត្បាត COVID-19 ឱ្យបានត្រឹមត្រូវ។

ទោះជាយ៉ាងណាក៏ដោយ អ្នកជំនាញផ្នែកច្បាប់អះអាងថា លោក Trump ប្រហែលជាត្រូវការការយល់ព្រមពីសភាដើម្បីដកខ្លួនចេញ ដោយសារសហរដ្ឋអាមេរិកបានចូលរួមជាមួយ WHO ក្នុងឆ្នាំ 1948 តាមរយៈច្បាប់សភា។ អ្នករិះគន់ចំពោះការសម្រេចចិត្តនេះ រួមទាំងអ្នកជំនាញផ្នែកសុខភាព បានសម្តែងការព្រួយបារម្ភអំពីផលប៉ះពាល់នៃបាត់បង់ជំនួយដ៏ធំនេះ ទៅលើសុខភាព និងសន្តិសុខពិភពលោក។

យ៉ាងណាមិញ WHO បានអំពាវនាវឱ្យសហរដ្ឋអាមេរិកពិចារណាឡើងវិញ ដោយសង្កត់ធ្ងន់លើតួនាទីសំខាន់របស់ខ្លួនក្នុងការការពារសុខភាពសាធារណៈនៅទូទាំងពិភពលោក។

ពាណិជ្ជកម្ម

ម៉ាស៊ីនបោះពុម្ពរបស់ COBOD អាចសាងសង់ផ្ទះឱ្យលេចចេញជារូបរាងបានដោយចំណាយពេលត្រឹមតែ 132 ថ្ងៃប៉ុណ្ណោះ

Sophorn Rithy

ម៉ាស៊ីនបោះពុម្ព BOD2 3D របស់ COBOD ត្រូវបានប្រើដើម្បីបញ្ចប់គម្រោងលំនៅដ្ឋានសង្គមដែលបោះពុម្ពជា 3D ដំបូងក្នុងរយៈពេលត្រឹមតែ 132 ថ្ងៃ។ នេះមានន័យថាផ្ទះនឹងត្រូវបានសាងសង់យ៉ាងពេញលេញ និងរួចរាល់ដោយចំណាយពេលត្រឹមតែ 132ថ្ងៃប៉ុណ្ណោះ រួចហើយមនុស្សអាចចូលទៅរស់នៅក្នុងផ្ទះនោះបាន។

លំនៅដ្ឋាននេះមានទីតាំងនៅទីក្រុង Dublin ប្រទេសអៀរឡង់ ‘Grange Close’ គឺជាគម្រោងលំនៅដ្ឋានសង្គមបីជាន់មានទំហំជាន់សរុប 330 m2 (3,552 ft2) មានអាផាតមិនចំនួន 3 ដែលមានទំហំ 110 m2 (1,184 ft2) ក្នុងមួយអាផាតមិន។

ដូចដែលបានរៀបរាប់ពីមុន គម្រោងទាំងមូលត្រូវបានបញ្ចប់ក្នុងរយៈពេលត្រឹមតែ 132 ថ្ងៃក្នុងការសាសង់។ បើប្រៀបធៀបទៅនឹងការសាងសង់ផ្ទះជាធម្មតាត្រូវចំណាយពេល 203 ថ្ងៃ។ នេះតំណាងឱ្យការកាត់បន្ថយរយៈពេលសាងសង់ 35% ជាមួយនឹងការសន្សំពេលវេលាប្រហែល 50% ក្នុងការសាងសង់លំនៅដ្ឋាន។

ពាណិជ្ជកម្ម

5 ប្រយោគដែលបុគ្គលជោគជ័យមិនយកមកប្រើប្រាស់

Sophorn Rithy

បុគ្គលជោគជ័យយល់ថាពាក្យសម្ដីរបស់ពួកគេនឹងបង្កើតផ្នត់គំនិត ទំនាក់ទំនង និងការរីកចម្រើន។ ដូចនេះពួកគេជៀសវាងឃ្លាដែលអាចកំណត់សក្តានុពល ឬបង្កើនភាពអវិជ្ជមានដែលធ្វើឱ្យប៉ះពាល់ទៅដល់គម្រោង ឬក្នុងកិច្ចការងារដែលគេគ្រោងនឹងធ្វើ។ ខាងក្រោមនេះគឺជាប្រយោគចំនួន 5 ដែលគេជៀងវាង និងមិនយកមកប្រើប្រាស់៖

1. ខ្ញុំមិនអាចធ្វើវាបានទេ
ជំនួសឱ្យការមិនហ៊ានទទួលយកការបរាជ័យ បុគ្គលជោគជ័យបានចាត់ទុកការបរាជ័យ ឬបញ្ហាប្រឈមជាឱកាសដើម្បីរីកចម្រើន និងរៀនសូត្របន្ថែម។ ពួកគេផ្តោតលើការស្វែងរកដំណោះស្រាយ ឬស្វែងរកជំនួយដើម្បីជំនះនូវរាល់ឧបសគ្គដែលមករារាំង។

2. នោះមិនមែនជាការងាររបស់ខ្ញុំទេ
មនុស្សជោគជ័យទទួលយកទំនួលខុសត្រូវ និងការធ្វើការងារជាក្រុម ទោះបីជាការងារនោះមិនមែនជាកាតព្វកិច្ចរបស់ពួកគេក៏ដោយ។ ពួកគេមើលឃើញថាការធ្វើអ្វីថ្មី ឬសាកល្បងនូវអ្វីដែលថ្មីគឺជាឱកាសមួយដើម្បីធ្វើឱ្យគេកាន់តែរីកចម្រើន។

3. ខ្ញុំដឹងរួចហើយ
ជាជាងការមិនទទួលយកចំណេះដឹងបន្ថែមពីអ្នកដទៃ ពួកគេនៅតែបើកចំហរក្នុងការរៀន បើទោះបីជាការផ្តល់នូវយោបល់ ឬការផ្តល់នូវចំណេះដែលគេធ្លាប់ដឹងមកហើយក៏ដោយ ក៏គេនៅតែបើកចិត្ត និងរៀនសូត្រពីអ្នកដទៃបន្ថែមទៀត។

4. វាយឺតពេលក្នុងការផ្លាស់ប្តូរ
បុគ្គលជោគជ័យបានយល់ឃើញថា មិនថារឿងអ្វី និងកិច្ចការ ឬផែនការក្នុងការចាប់ផ្តើមធ្វើអ្វីមួយនោះទេ គឺវាមិនយឺតពេលក្នុងការចាប់ផ្តើមឡើយ ព្រោះថាកាលណាអ្នកនៅមានជីវិតអ្នកនៅតែមានឱកាសក្នុងការផ្លាស់ប្តូរ និងចាប់ផ្តើមសារជាថ្មីជានិច្ច។

5. ខ្ញុំនឹងធ្វើវានៅពេលក្រោយ
បុគ្គលជោគជ័យឱ្យតម្លៃពេលវេលា និងធ្វើសកម្មភាពភ្លាមៗជៀសវាងការពន្យារពេលដែលធ្វើឱ្យកាន់តែខកខាន។ ពួកគេផ្តល់អាទិភាពដល់ការងារ និងអនុវត្តប្រកបដោយប្រសិទ្ធភាព ដោយដឹងថាសកម្មភាពនៃការពន្យារពេលអាចនាំឱ្យខាតបង់ ឬបាត់បង់នូវឱកាសល្អៗ។

តាមរយៈការជៀសវាងប្រយោគទាំងនេះ ពួកគេបានបណ្តុះផ្នត់គំនិតវិជ្ជមាន សកម្ម និងបើកចំហដែលធ្វើឱ្យកិច្ចការងាររបស់គេទទួលបានសមិទ្ធផលតាមការកំណត់ មិនតែប៉ុណ្ណោះវាគាំទ្រដល់ភាពជោគជ័យរយៈពេលវែងរបស់គេថែមទៀតផង។

ពាណិជ្ជកម្ម

ប្រទេសដែលមានជាងគេបំផុតទាំង 10 នៅលើពិភពលោកក្នុងឆ្នាំ 2025

Sophorn Rithy

នៅឆ្នាំ 2025 ទិដ្ឋភាពសេដ្ឋកិច្ចពិភពលោកត្រូវបានគេរំពឹងថានឹងបន្តវិវឌ្ឍ ដោយប្រទេសអ្នកមានបំផុតដែលជាប់ចំណាត់ថ្នាក់ដោយផលិតផលក្នុងស្រុកសរុបសម្រាប់មនុស្សម្នាក់ត្រូវបានកែសម្រួលសម្រាប់ភាពស្មើគ្នានៃអំណាចទិញ (PPP) ។ ទន្និន័យនេះផ្តល់នូវការយល់ដឹងកាន់តែទូលំទូលាយអំពីទ្រព្យសម្បត្តិរបស់ប្រទេសនីមួយៗដោយកត្តាតម្លៃនៃការរស់នៅ និងអត្រាអតិផរណា។ ខាងក្រោមនេះគឺជាប្រទេសទាំង10 ដែលមានជាក្នុងចំណោម 195ប្រទេស៖

1. ប្រទេសសិង្ហបុរី – $153,737 GDP per capita
ជាមជ្ឈមណ្ឌលហិរញ្ញវត្ថុសកល ភាពរុងរឿងរបស់ប្រទេសសិង្ហបុរីកើតចេញពីទីតាំងយុទ្ធសាស្ត្រ គោលនយោបាយដែលងាយស្រួលសម្រាប់អាជីវកម្ម និងឧស្សាហកម្មជឿនលឿនដូចជាហិរញ្ញវត្ថុ បច្ចេកវិទ្យា និងការផលិតជាដើម។

2. ប្រទេសលុចសំបួ – $151,146 GDP per capita
ប្រទេសលុចសំបួ មានការរីកចម្រើនលើវិស័យសេវាកម្មហិរញ្ញវត្ថុដ៏រឹងមាំរបស់ខ្លួន និងជាមជ្ឈមណ្ឌលវិនិយោគដ៏សំខាន់មួយនៅអឺរ៉ុប ដោយទទួលបានអត្ថប្រយោជន៍ពីស្ថិរភាពនយោបាយ និងបរិយាកាស បទប្បញ្ញត្តិអំណោយផល។

3. ប្រទេសអៀរឡង់ – $127,750 GDP per capita
សេដ្ឋកិច្ចរបស់ប្រទេសអៀរឡង់ត្រូវបានជំរុញដោយមជ្ឈមណ្ឌលសម្រាប់សាជីវកម្មពហុជាតិ ជាពិសេសនៅក្នុងវិស័យបច្ចេកវិទ្យា និងឱសថ ដែលទាក់ទាញការវិនិយោគពីបរទេសដោយសារតែពន្ធសាជីវកម្មទាប និងកម្លាំងពលកម្មជំនាញ។

4. ប្រទេសម៉ូណាកូ – $115,700 GDP per capita
ម៉ូណាកូគឺជាកន្លែងយកពន្ធជាមួយនឹងឧស្សាហកម្មទេសចរណ៍ដ៏ប្រណិត ទីផ្សារអចលនទ្រព្យដែលរីកចម្រើន និងសេវាកម្មលំដាប់ខ្ពស់ដែលបំពេញតម្រូវការសម្រាប់អ្នកមានបំផុត។

5. ប្រទេសកាតា – $115,075 GDP per capita
ទ្រព្យសម្បត្តិរបស់ប្រទេសកាតាបានមកពីទុនបំរុងឧស្ម័នធម្មជាតិដ៏ធំរបស់ខ្លួន ជាមួយនឹងការវិនិយោគលើហេដ្ឋារចនាសម្ព័ន្ធ ការថែទាំសុខភាព និងអាកាសចរណ៍ដែលធ្វើពិពិធកម្មសេដ្ឋកិច្ចរបស់ខ្លួន។

6. ប្រទេសLiechtenstein – $98,432 GDP per capita
Liechtenstein ដែលជាមូលដ្ឋានតូចមួយស្ថិតនៅលើភ្នំ Alps ដែលមានវិស័យហិរញ្ញវត្ថុដ៏រឹងមាំ។ Liechtenstein ទទួលបានអត្ថប្រយោជន៍ពីទំនាក់ទំនងជិតស្និទ្ធរបស់ខ្លួនជាមួយប្រទេសស្វីស និងមានឧស្សាហកម្មផលិតកម្ម។

7. ប្រទេសស្វីស – $95,836 GDP per capita
ប្រទេសនេះត្រូវបានគេស្គាល់សម្រាប់សេវាកម្មហិរញ្ញវត្ថុ ឱសថ និងការផលិតភាពជាក់លាក់របស់ខ្លួន ការនាំចេញគុណភាពខ្ពស់ និងស្ថិរភាពនយោបាយរបស់ប្រទេសស្វីសរួមចំណែកដល់ការកើនឡើងនូវសេដ្ឋកិច្ចនៅក្នុងប្រទេស។

8. ប្រទេសន័រវែស – $90,433 GDP per capita
ជាមួយនឹងធនធានធម្មជាតិដ៏សម្បូរបែបដូចជាប្រេង និងឧស្ម័ន ប្រទេសន័រវេសគ្រប់គ្រងទ្រព្យសម្បត្តិរបស់ខ្លួនតាមរយៈមូលនិធិទ្រព្យសម្បត្តិអធិបតេយ្យ និងសង្កត់ធ្ងន់លើនិរន្តរភាពនៅក្នុងសេដ្ឋកិច្ចរបស់ខ្លួន។

9. ប្រទេសSan Marino – $86,989 GDP per capita
ជាប្រទេសដែលមានសេដ្ឋកិច្ចតូចមួយ ប៉ុន្តែមានភាពរីកចម្រើន ទីក្រុង San Marino រីកចម្រើនលើសេវាកម្មហិរញ្ញវត្ថុ ទេសចរណ៍ និងការផលិត ដោយទទួលបានអត្ថប្រយោជន៍ពីអត្រាពន្ធទាប។

10. សហរដ្ឋអាមេរិក – $86,601 GDP per capita
សហរដ្ឋអាមេរិកនៅតែជាមហាអំណាចសេដ្ឋកិច្ចពិភពលោកជាមួយនឹងភាពខ្លាំងខាងបច្ចេកវិទ្យា ហិរញ្ញវត្ថុ ការថែទាំសុខភាព និងការកម្សាន្ត ដែលជំរុញដោយការច្នៃប្រឌិត និងសេដ្ឋកិច្ចចម្រុះ។

ប្រទេសទាំងនេះបង្ហាញពីរបៀបដែលគោលនយោបាយយុទ្ធសាស្ត្រ និងការគ្រប់គ្រងធនធានជំរុញឱ្យមានភាពជោគជ័យផ្នែកសេដ្ឋកិច្ច។

ពាណិជ្ជកម្ម

លោក ដូណាល់ ត្រាំ នឹងពិចារណាដំឡើងពន្ធ 10% លើប្រទេសចិន ចាប់ពីថ្ងៃទី1 កុម្ភៈ

Sophorn Rithy

ប្រធានាធិបតីអាមេរិក លោក Donald Trump បានប្រកាសថា រដ្ឋបាលរបស់លោកកំពុងពិចារណាលើពន្ធ 10% លើប្រទេសចិន ដែលច្បាប់នេះអាចចូលជាធរមាននៅដើមខែកុម្ភៈ។ លោក Trump បានពន្យល់ថា ពន្ធនេះកំពុងត្រូវបានពិចារណា ដោយសារតែចិនបានចោទប្រកាន់ថាបានបញ្ជូន fentanyl ទៅកាន់ម៉ិកស៊ិក និងកាណាដា។ ថែមពីនេះ លោក Trump បានស្នើសុំពន្ធ 25% លើប្រទេសម៉ិកស៊ិក និងកាណាដា ដោយលើកឡើងពីការដោះស្រាយសន្តិសុខតាមព្រំដែន និងអន្តោប្រវេសន៍របស់ពួកគេជាហេតុផល។ លោកបានអះអាងថា ប្រទេសទាំងនេះបានអនុញ្ញាតឱ្យមនុស្សមួយចំនួនធំឆ្លងព្រំដែនចូលសហរដ្ឋអាមេរិក ដែលលោកមើលឃើញថាជាការបរាជ័យក្នុងការគ្រប់គ្រងការធ្វើចំណាកស្រុកប្រកបដោយប្រសិទ្ធភាព។

ក្នុងអំឡុងពេលយុទ្ធនាការរបស់គាត់ លោក Trump បានពិភាក្សាអំពីលទ្ធភាពនៃការដំឡើងពន្ធកាន់តែខ្ពស់លើប្រទេសចិនរហូតដល់ 60% ប៉ុន្តែបានបដិសេធមិនធ្វើសេចក្តីប្រកាសបែបនេះបន្ទាប់ពីគាត់ចូលកាន់តំណែង។ ទោះជាយ៉ាងណាក៏ដោយ លោកបានអះអាងជាថ្មីនូវជំហររបស់គាត់ចំពោះប្រទេសចិន ដោយអំពាវនាវឱ្យមានការតម្លើងពន្ធបន្ថែម 10% នៅក្នុងការបង្ហោះ Truth Social កាលពីខែវិច្ឆិកាឆ្នាំមុន។

Trump បាននិយាយជាមួយប្រធានាធិបតីចិន Xi Jinping ភ្លាមៗមុនពេលឡើងកាន់តំណែងជាលើកទីពីររបស់គាត់ ជាមួយនឹងពាណិជ្ជកម្ម និងបញ្ហាដូចជាក្រុមហ៊ុនមេរបស់ fentanyl និង TikTok គឺ ByteDance កំពុងស្ថិតក្នុងរបៀបវារៈ។ លោក Trump បានការពារគោលនយោបាយពាណិជ្ជកម្មដ៏ឈ្លានពានរបស់គាត់ដោយបញ្ជាក់ពីផលប៉ះពាល់ហិរញ្ញវត្ថុនៃពន្ធគយរបស់គាត់លើប្រទេសចិន។ លោកបានអះអាងថា វិធានការទាំងនេះបាននាំមកនូវប្រាក់រាប់រយពាន់លានដុល្លារដល់សេដ្ឋកិច្ចសហរដ្ឋអាមេរិក ដែលជាអ្វីដែលលោកបានអះអាងថា ប្រទេសចិនមិនដែលបានចូលរួមចំណែកនៅមុនពេលលោកកាន់តំណែងជាប្រធានាធិបតីឡើយ។

លោក Trump កំពុងប្រកាន់គោលជំហរដ៏រឹងមាំរបស់លោកការក្នុងយកចិត្តទុកដាក់ចំពោះគោលនយោបាយពាណិជ្ជកម្ម ជាពិសេសប្រឆាំងនឹងប្រទេសចិន។ ខណៈពេលដែលគាត់មិនទាន់បានបញ្ចប់ ឬប្រកាសចំនួនពិតប្រាកដនៃពន្ធថ្មី (ពន្ធលើការនាំចូល) ក៏ដោយ ប៉ុន្តែគាត់កំពុងឱ្យមនុស្សគ្រប់គ្នាដឹងថាគាត់មានឆន្ទៈក្នុងការដាក់ពន្ធទាំងនោះ។ គោលដៅរបស់គាត់គឺដើម្បីការពារសេដ្ឋកិច្ចសហរដ្ឋអាមេរិក និងធានាឱ្យមានពាណិជ្ជកម្មដោយស្មើភាព។

ពាណិជ្ជកម្ម

ជប៉ុនផ្តល់ហិរញ្ញប្បទានឥតសំណង ៥,៤ លានដុល្លារអាមេរិក ដើម្បីគាំទ្រការអភិវឌ្ឍន៍សេដ្ឋកិច្ច និងសង្គមនៅកម្ពុជា

Sophorn Rithy

នៅថ្ងៃទី២៣ ខែមករា ឆ្នាំ២០២៥ ឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការ បរទេស និងសហប្រតិបត្តិការអន្តរជាតិ និងឯកឧត្តម UENO Atsushi ឯកអគ្គរាជទូតទូតវិសាមញ្ញ និង ពេញសមត្ថភាពនៃប្រទេសជប៉ុន ប្រចាំកម្ពុជា នឹងចុះហត្ថលេខាលើលិខិតប្តូរសារ និងឯកសារពាក់ព័ន្ធ ស្តីពីការផ្តល់ហិរញ្ញប្បទានឥតសំណងរបស់ជប៉ុន ដែលមានទឹកប្រាក់ចំនួន ៧៥០.០០០.០០០ យ៉េន (ប្រមាណ ៥,៤ លានដុល្លារអាមេរិក) សម្រាប់អនុវត្តគម្រោង «កម្មវិធីអភិវឌ្ឍន៍សេដ្ឋកិច្ច និងសង្គម»។

ហិរញ្ញប្បទានឥតសំណងនេះមានគោលបំណងគាំទ្រដល់ការបង្កើនសមត្ថភាពរបស់គណៈ កម្មាធិការជាតិរៀបចំការបោះឆ្នោតក្នុងការដំណើរការទិន្នន័យ ព្រមទាំងគូសបញ្ជាក់ពីការគាំទ្រឥត ងាករេរបស់ជប៉ុនចំពោះលទ្ធិប្រជាធិបតេយ្យនៅកម្ពុជា តាមរយៈធ្វើឱ្យប្រសើរឡើងនូវការរៀបចំ និង គ្រប់គ្រងដំណើរការបោះឆ្នោត៕

ពាណិជ្ជកម្ម

ឥណ្ឌូណេស៊ីបានពិន័យ Google 12.4 លានដុល្លារដោយការអនុវត្តន៍អាជីវកម្មមិនយុត្តិធម៌នៅក្នុងទីផ្សារ

Sophorn Rithy

ទីភ្នាក់ងារប្រឆាំងការទុកចិត្តរបស់ឥណ្ឌូនេស៊ី KPPU បានពិន័យ Google 202 ពាន់លានរូពៀ (ប្រហែល 12.4 លានដុល្លារ) សម្រាប់ការចោទប្រកាន់លើការអនុវត្តអាជីវកម្មមិនយុត្តិធម៌។ ទីភ្នាក់ងារនេះបានរកឃើញថា Google បានប្រើប្រាស់ទីតាំងទីផ្សារដ៏រឹងមាំរបស់ខ្លួនដើម្បីដាក់សម្ពាធដល់អ្នកបង្កើតកម្មវិធីដោយគ្មានការអនុញ្ញាត។ ថែមពីនេះ Google បានតម្រូវឱ្យអ្នកបង្កើតកម្មវិធីប្រើប្រាស់ប្រព័ន្ធទូទាត់ផ្ទាល់ខ្លួនរបស់ខ្លួន Google Pay Billing សម្រាប់ការទិញក្នុងកម្មវិធី ឬការជាវដែលបានធ្វើឡើងតាមរយៈកម្មវិធីរបស់ពួកគេ។ ប្រសិនបើអ្នកអភិវឌ្ឍន៍មិនបានគោរពតាមតម្រូវការនេះ ការជ្រើសរើសឧទាហរណ៍ ដើម្បីប្រើប្រព័ន្ធទូទាត់ប្រាក់ផ្សេង ឬថោកជាងនេះ Google បានព្រមានពួកគេថាកម្មវិធីរបស់ពួកគេអាចត្រូវបានយកចេញពី Google Play Store ។

តាមរយៈការអនុវត្តគោលការណ៍នេះ Google បានធ្វើឱ្យអ្នកអភិវឌ្ឍន៍គ្មានជម្រើសអ្វីក្រៅពីប្រើប្រព័ន្ធចេញវិក្កយបត្ររបស់ខ្លួន ប្រសិនបើពួកគេចង់ឱ្យកម្មវិធីរបស់ពួកគេនៅតែមាននៅលើ Play Store ដែលជាវេទិកាលេចធ្លោសម្រាប់ការចែកចាយកម្មវិធី។ ការអនុវត្តនេះត្រូវបានគេរិះគន់ថាជាការប្រឆាំងនឹងការប្រកួតប្រជែង ព្រោះវារឹតត្បិតសេរីភាពរបស់អ្នកអភិវឌ្ឍន៍ក្នុងការជ្រើសរើសប្រព័ន្ធទូទាត់ជំនួស ដែលអាចផ្តល់ថ្លៃសេវាទាប ឬលក្ខខណ្ឌប្រសើរជាងមុន។

KPPU ក៏បានកត់សម្គាល់ផងដែរថាការចេញវិក្កយបត្រ Google Pay បានគិតថ្លៃសេវាខ្ពស់រហូតដល់ 30% បើប្រៀបធៀបទៅនឹងប្រព័ន្ធទូទាត់ផ្សេងទៀត។

ការស៊ើបអង្កេតដែលត្រូវបានផ្តួចផ្តើមឡើងក្នុងខែកញ្ញា ឆ្នាំ 2022 បានចោទប្រកាន់ Google ថាបានប្រើប្រាស់មិនត្រឹមត្រូវនូវទីតាំងលេចធ្លោរបស់ខ្លួននៅក្នុងទីផ្សារកម្មវិធីរបស់ប្រទេសឥណ្ឌូនេស៊ី ដើម្បីអនុវត្តការអនុវត្តមិនយុត្តិធម៌។ ទោះបីជាមានការត្រួតពិនិត្យផ្នែកច្បាប់ក៏ដោយ ការចំណាយជាសកលនៅលើ Google Play និង App Store របស់ Apple បានឈានដល់ 127.3 ពាន់លានដុល្លារក្នុងឆ្នាំ 2024 ដែលឆ្លុះបញ្ចាំងពីកំណើនសេដ្ឋកិច្ចឌីជីថលជាបន្តបន្ទាប់។

ពាណិជ្ជកម្ម