ប៉ុន្មានឆ្នាំចុងក្រោយនេះ យើងឃើញមានសន្ទុះរីកចម្រើនផ្នែកវិស័យអចលនទ្រព្យយ៉ាងខ្លាំងក្លា ជាពិសេសនៅក្នុងរាជធានីភ្នំពេញ និងខេត្តព្រះសីហនុ ដែលធ្វើឱ្យមានអ្នកវិនិយោគជាច្រើនចាប់អារម្មណ៍ខ្លាំងនៅលើវិស័យមួយនេះ។ កំណើនសេដ្ឋកិច្ច ស្ថិរភាពសង្គម ព្រមទាំងការបើកចំហរនៃការវិនិយោគបានធ្វើឱ្យអ្នកជំនាញភាគច្រើនមានសុទិដ្ឋិនិយមលើវិស័យដីធ្លីនៅក្នុងប្រទេសកម្ពុជា។
ទន្ទឹមនឹងការរីកចម្រើននេះ យើងឃើញមានមនុស្សកាន់តែច្រើនឡើងចាប់ផ្តើមប្រឡូកចូលធ្វើជាភ្នាក់ងារវិស័យអចលនទ្រព្យកាន់តែច្រើនឡើងៗ ដែលធ្វើឱ្យទីផ្សារក្រុមហ៊ុនអចលនទ្រព្យកាន់តែមានការប្រកួតប្រជែងដើម្បីទទួលបានទំនុកចិត្តនិងភាពជឿជាក់ពីសំណាក់អតិថិជន។
ទីផ្សារកាន់តែប្រកួតប្រជែង ធ្វើឱ្យកម្រិតគុណភាពនៃការបម្រើសេវាកម្មតម្រូវឲ្យមានកាន់តែខ្ពស់ផងដែរដែលហេតុផលនេះគឺជាហេតុផលចម្បងដែលក្រុមហ៊ុននីមួយៗខិតខំពង្រឹងសមត្ថភាពបុគ្គលិករបស់ខ្លួនដើម្បីយកឈ្នះនៅលើទីផ្សារ។
ក្នុងចំណោមក្រុមហ៊ុនអចលនទ្រព្យទាំងអស់ ក្រុមហ៊ុនCentury 21 ដែលជាក្រុមហ៊ុនអចលនទ្រព្យម៉ាកសញ្ញាធំជាងគេនៅលើពិភពលោក មានការិយាល័យជាងដប់នៅក្នុងប្រទេសកម្ពុជា និងជាង៧០០០លើពិភពលោក បាននឹងកំពុងដុតដៃដុតជើង បំពាក់បំប៉នសមត្ថភាពបុគ្គលិករបស់ខ្លួនជាប់ជានិច្ច ជាពិសេសគឺបានអញ្ចើញគ្រូដែលមានជំនាញ និងបទពិសោធន៍ជាច្រើនឆ្នាំពីសហរដ្ឋអារិច ជប៉ុន តៃវ៉ាន់ អូស្ត្រាលី និងចិនជាដើមមកបង្វឹកហាត់ភ្នាក់ងាររបស់ខ្លួនដើម្បីធ្វើជាអ្នកនាំមុខគេក្នុងទីផ្សារភ្នាក់ងារអចលនទ្រព្យ។
ជាក់ស្តែង កាលពីថ្ងៃទី០២-០៣ ខែមេសា ការិយាល័យកណ្តាលCentury 21 នៅប្រទេសកម្ពុជាបានអញ្ចើញ លោក Shen Wen Li ពីប្រទេសចិន ដែលជាអ្នកគ្រប់គ្រងជាន់ខ្ពស់នៅCentury 21 Xia Men ដោយលោកគ្រប់គ្រងការិយាល័យជាង១៨០ ការិយាល័យ និងភ្នាក់ងារជាង២០០០នាក់នៅប្រទេសចិនដើម្បីមកបំពាក់បំប៉នអគ្គនាយកប្រចាំការិយាល័យនីមួយៗក្នុងប្រទេសកម្ពុជា ព្រមទាំងភ្នាក់ងារអចលនទ្រព្យដែលជាសមាជិករបស់ Century 21។
គោលដៅដែល Century 21 Cambodia អញ្ចើញគ្រូដែលមានបទពិសោធន៍ជាច្រើនមកបណ្តុះបណ្តាលនិងចែករំលែកពីសំណាក់ប្រទេសដែលមានវិស័យអចលនទ្រព្យមានការអភិវឌ្ឍន៍ខ្ពស់គឺដើម្បីពង្រឹងសមត្ថភាពថ្នាក់ដឹកនាំ និងភ្នាក់ងារដើម្បីឈរជើងលេខ១នៅក្នុងប្រទេសកម្ពុជាលើវិស័យភ្នាក់ងារអចលនទ្រព្យ។
តើ Century 21 អាចនឹងឈរជើងនាំមុខគេនៅក្នុងប្រទេសកម្ពុជាបានដែរឬទេ? ចម្លើយនេះ គឺនឹងអាចទទួលបាននៅប៉ុន្មានឆ្នាំខាងមុខនេះ!
