កាលពីពេលកន្លងទៅនេះ គំរូរថភ្លើង Maglev របស់ប្រទេសចិនបានធ្វើឱ្យមនុស្សជាច្រើនមានការភ្ញាក់ផ្អើលយ៉ាងខ្លាំងនូវបច្ចេកទេសកាន់តែវវិត្តនិ៍របស់ចិន ដោយរថភ្លើងនេះបានបំបែកកំណត់ត្រាក្នុងល្បឿន 1,000 គីឡូម៉ែត្រក្នុងមួយម៉ោង នៅអំឡុងពេលសាកល្បង នេះវាលឿនជាងយន្តហោះពាណិជ្ជកម្មភាគច្រើន។
រថភ្លើងល្បឿនលឿននេះប្រើមេដែកម៉ាញ៉េទិច ដូច្នេះវាមិនមានកង់ទេ តែវាអាចផ្លាស់ទីដោយការអណ្តែតពីលើផ្លូវដែកដោយមិនប៉ះ ឬត្រដុសនឹងផ្លូវដែកនោះទេ ដែលអនុញ្ញាតឱ្យវាផ្លាស់ទីបានយ៉ាងរលូន និងស្ងាត់ក្នុងល្បឿនយ៉ាងលឿន។
របកគំហើញនេះមិនមែនគ្រាន់តែអំពីរថភ្លើងប៉ុណ្ណោះទេ ប៉ុន្តែវាបានបង្ហាញពីរបៀបដែលមនុស្សអាចធ្វើដំណើរនៅផ្លូវគោកក្នុងល្បឿនយ៉ាងលឿននាពេលអនាគត។ ថែមពីនេះ វាក៏បានបង្ហាញទៅកាន់ពិភពលោកដែលថា ប្រទេសចិនកំពុងនាំមុខគេលើវិស័យផ្លូវដែក ក៏ដូចជាបច្ចេកវិទ្យាកាន់តែទំនើបរបស់ចិនផងដែរ។
