Tesla និង BYD គឺជាក្រុមហ៊ុនរថយន្តអគ្គិសនីដល់ធំនៅក្នុងទីផ្សាររថយន្តអគ្គិសនី ដែលក្រុមហ៊ុននីមួយៗមានចំណុចខ្លាំងរៀងៗខ្លួន និងពិសេសរៀងៗខ្លួនមុនក្លាយជាក្រុមហ៊ុនដែលឈានមុខគេ។
- Tesla បានចាប់ផ្តើមនៅឆ្នាំ 2003 បានផ្លាស់ប្តូរពិភពរថយន្តជាមួយនឹងរថយន្តអគ្គិសនីដ៏ពេញនិយមដូចជា Model S និង Model 3 ។ វានាំមុខគេនៅសហរដ្ឋអាមេរិក និងអឺរ៉ុបជាមួយនឹងបច្ចេកវិទ្យាកម្រិតខ្ពស់បើកបរដោយខ្លួនឯង ជាមួយថ្មីម៉ូដែល 4680 និងមានបណ្តាញសាកថ្មទូទាំងពិភពលោក។ បច្ចប្បន្នតម្លៃសរុបនៃភាគហ៊ុននៃក្រុមហ៊ុននេះមានតម្លៃ 795 ពាន់លានដុល្លារ និងប្រាក់ចំណូល 97 ពាន់លានដុល្លារ ក្នុងមួយឆ្នាំ។
- រីឯ BYD ត្រូវបានបង្កើតឡើងក្នុងឆ្នាំ 1995 គឺជាក្រុមហ៊ុនផលិតរថយន្ត EV កំពូលនៅក្នុងប្រទេសចិន។ វាត្រូវបានគេស្គាល់ដោយសារបច្ចេកវិទ្យាថ្មខ្លាំង ជាពិសេស Blade Battery ដែលមានសុវត្ថិភាព និងប្រើប្រាស់បានយូរ។ BYD ផលិតរថយន្តអគ្គិសនីជាច្រើនប្រភេទដែលមានតម្លៃសមរម្យ ប៉ុន្តែមានរូបរាងប្រណិត និងទំនើបដូចជារថយន្ត sedans, SUVs និងសូម្បីតែរថយន្តក្រុង ដូច្នេះមនុស្សទូទៅអាចទិញ និងប្រើប្រាស់វាបាន។ បច្ចប្បន្នតម្លៃសរុបនៃភាគហ៊ុននៃក្រុមហ៊ុននេះមានតម្លៃ 146 ពាន់លានដុល្លារ និងប្រាក់ចំណូល 107 ពាន់លានដុល្លារ ក្នុងមួយឆ្នាំ។
