Home Tags ទូទៅ

Tag: ទូទៅ

៥​​ជំហាន​អ្នក​អាច​អនុវត្ត​ក្នុង​​ការ​រិះគន់​ដើម្បី​ស្ថាបនា

ការរិះគន់​ដើម្បី​ស្ថាបនា​គឺ​ជំនាញ​មួយ​យ៉ាងសំខាន់​ដើម្បី​ឲ្យ​អាជីវកម្ម​​ហើយ​ក៏​សំខាន់​ក្នុង​ជីវិត​ផងដែរ។ មនុស្ស​ភាគច្រើន​ត្រូវការ​មតិ​កែតម្រូវ​ដើម្បី​ធ្វើឲ្យ​ខ្លួនឯង​អភិវឌ្ឍ​ឲ្យ​បាន​កាន់តែ​ប្រសើរ​ជាងមុន​។ ប៉ុន្តែ​ប្រសិន​បើ​​ការរិះគន់​នោះ​មិនបាន​ប្រាប់​ឬ​បង្ហាញ​អាកប្បកិរិយា​​​ត្រឹមត្រូវ​នោះទេ ការរិះគន់​របស់អ្នក​នឹង​ក្លាយជា​ការរិះគន់​ក្នុង​ន័យ​ជាន់ពន្លិច​ទៅវិញ​​ដែលវា​មិន​ត្រឹមតែ​​គ្មានន័យ​អ្វី​នោះទេ​ វានាំឲ្យ​អ្នក​ដទៃ​ស្អប់​អ្នក​បាន​ទៀតផង​។ ដូចនេះ អ្នក​គួរ​ធ្វើយ៉ាងណា​សម្រាប់​ការរិះគន់​ដើម្បី​​ស្ថាបនា​របស់អ្នក​ឲ្យ​មានន័យ​? ជំហាន​ខាងក្រោម​នេះ​គឺ​បទពិសោធន៍​ដែល​ខ្ញុំ​តែងតែ​អនុវត្ត​៖ ជំហាន​ទី១ ជ្រើស​រើស​ពេលវេលា​ឲ្យ​បាន​ត្រឹមត្រូវ អ្នក​​មិន​គួរ​​រិះគន់​ភ្លាមៗ​នោះទេនៅពេល​ដែល​បុគ្គលិក​របស់អ្នក​កំពុងតែ​មាន​អារម្មណ៍​មិនល្អ​។ អ្នក​មិនគួរ​និយាយ​កំហុស​ដែល​គាត់​បាន​ប្រព្រឹត្ត​នៅ​ចំពោះ​មុខ​អ្នកដទៃ​ឡើយ។ ​ទង្វើ​​នេះ​អាចធ្វើឲ្យ​គាត់​បាក់ទឹកចិត្ត​និង​ខ្មាស​មិត្ត​រួមការងារ។ ​អ្នក​គួរតែ​រក​ពេលវេលា​ណា​ល្អ​និយាយ​ជាមួយ​គាត់តែ​ពីរអ្នក។ ​​មុនដំបូង​អ្នក​គួរ​ចេះលើក​ឡើង​ពី​ចំណុច​ល្អៗ​របស់គាត់​​សិន​ ​បន្ទាប់​មក​ប្រាប់​គាត់​អំពី​​អ្វី​ដែល​គាត់​គួរកែ​តម្រូវ​។ ជំហាន​ទី​២ ពិនិត្យ​ពាក្យ​សម្ដី​របស់អ្នក​ជាមុន​សិន​ មុន​នឹង​អ្នក​រិះគន់​អ្នក​ដទៃ អ្នក​​ត្រូវ​សួរ​ខ្លួនឯង​សិន​ថា​តើ​សម្ដី​របស់អ្នក​ថា​រិះគន់​​ក្នុងន័យ​ស្ថាបនា​ឬ​រិះគន់​អ្នក​ដទៃ​ដោយសារ​តែ​អ្នក​ធ្លាប់​មាន​​បញ្ហា​ជាមួយ​គាត់​ពី​មុនមក? ​ក្នុង​កន្លែង​ការងារ​អ្នក​ត្រូវ​បែងចែក​ឲ្យ​ច្បាស់​រវាង​រឿង​ការងារ​និង​រឿង​បុគ្គល។​ ការធ្វើ​ដូចនេះ​បុគ្គលិក​របស់អ្នក​នឹង​គោរព​អ្នក។ ជំហាន​ទី​៣ ប្រើប្រាស់​វិធី​អប់រំ នៅពេល​ដែល​បុគ្គលិក​គាត់​មាន​អារម្មណ៍​ភ័យខ្លាច​ចំពោះ​អ្វី​ដែល​អ្នកនិយាយនាំឲ្យ​សម្ដី​របស់អ្នក​មិន​អាច​ជ្រៀប​ចូល​ទៅក្នុង​ចិត្ត​គាត់​ឡើយ។ អ្នក​អាច​ព្យាយាម​សាកល្បង​ដោយ​ប្រាប់​គាត់​ពី​រឿង​អប់រំ​ខ្លី​ដែល​​ដូចឬស្រដៀង​​ទៅនឹង​កំហុស​គាត់​។​ ម្យ៉ាងទៀត​​ អ្នក​អាច​ប្រាប់​គាត់​ពី​ជីវិត​របស់​បុគ្គល​ដែល​ល្បីៗ​ដែលបាន​ឆ្លងកាត់​​កំហុស​ដូចគាត់​ដែរ​។ ជួនកាល​អ្នក​មិន​ចាំបាច់​និយាយ​ឲ្យ​ចំ​​កំហុស​របស់​គាត់​ទេ។ ជំហាន​ទី​៤​ ផ្តោត​ទៅលើ​សកម្មភាព...

របៀបដែលមនុស្សឆ្លាតទប់ទល់នឹងមនុស្សពិបាក

ដើម្បី​ទប់ទល់​នឹង​មនុស្ស​ប្រភេទ​ពិបាកគឺ​​គេ​ដឹង​ថា​តើកិច្ចការ​អ្វី​ខ្លះ​ដែល​គេ​​នឹង​កាត់ចោល​។ ចំណុច​សំខាន់​​ដែល​​អ្នក​ត្រូវ​​ចងចាំ​​​គឺ​​​អ្នក​​គួរតែ​​នៅ​ក្នុង​​ស្ថានភាព​​ដែល​​អ្នក​​អាច​​គ្រប់គ្រង​​បាន​តែ​ប៉ុណ្ណោះ​។ ការ​កំណត់​ព្រំដែន​ ៖ ជាទូទៅ​មនុស្ស​ពិបាក​តែងតែ​មិន​ពេញចិត្ត​នូវ​អ្វី​គ្រប់យ៉ាង​ហើយ​តែងតែ​និយាយ​អ្វីដដែលៗ​​ម្តង​ហើយ​ម្តងទៀត​។ ក្នុងករណីដែល​​​អ្នកធុញ​​នឹង​​ស្តាប់​ពាក្យ​ទាំងនោះ​អ្នក​​គួរតែ​​ចាកចេញ​​ប៉ុន្តែ​​​គេ​​​អាច​​មើល​មក​ថា​​​អ្នក​​ជា​​មនុស្ស​​​មិនសូវ​​​មាន​​​ភាព​​គួរសម​​​។​ ដូចនេះ​​ដើម្បី​ចៀសវាងបញ្ហា​បែបនេះអ្នក​​គួរ​សួរ​ពួកគេថា​គេ​មាន​គំនិត​​​ល្អៗ​យ៉ាងណា​ខ្លះ​ដែល​គេ​ចង់​ផ្តល់​ឲ្យ​អ្នក​​ពិត​ប្រាកដ។ ការចៀសវាង​ ៖ មនុស្ស​ប្រភេទ​ពិបាក​អាច​ធ្វើឲ្យ​អ្នក​ច្របូក​ច្របល់​​បាន​ព្រោះ​អាកប្ប​កិរិយា​មិន​សម​ហេតុផល​របស់​ពួកគេ​​។ ដូចនេះ​ជម្រើស​ដ៏ល្អ​នោះ​គឺ​ការ​មិនតបតនិង​ព្យាយាម​ចៀស​​ឲ្យ​ឆ្ងាយ​ពី​ពួកគេ។ ការបង្កើត​ព្រំដែន ​៖ មនុស្ស​​​ជាច្រើន​​គិតថា​​ការ​ដែល​​ធ្វើការ​​ឬ​​រស់នៅ​​ជាមួយ​​នរណា​​ម្នាក់​គឺ​ពិត​ជា​មាន​ភាព​រញ៉េ​រញ៉ៃ​និង​ស្មុគស្មាញ​ណាស់​​។ ប៉ុន្តែ​វា​មិនបានន័យ​ថា​អ្នក​ត្រូវ​ទ្រាំ​គ្រប់បែប​យ៉ាង​នោះទេ​​។ អ្នក​អាច​បង្កើត​ព្រំដែន​ប៉ុន្តែ​អ្នក​ត្រូវ​ធ្វើវា​ដោយ​មិន​ហួសហេតុ​ពេកទេ​​ព្រោះ​ការធ្វើ​បែបនេះ​អាច​ធ្វើឲ្យ​អ្នក​គ្រប់គ្រង​ភាព​ចលាចល​បាន​តែ​ក៏​អាច​​ធ្វើ​ឲ្យ​អ្នក​បាត់បង់​ទំនាក់ទំនង​ជាមួយ​មនុស្ស​ជិតខ្លួនដែរ​​។ កុំ​បង្ក​ឬ​បន្ត​ជម្លោះ​ ៖ មនុស្ស​ដែល​ឆ្លាត​ដឹង​ពី​សារៈសំខាន់​ក្នុង​ការ​​កឈ្នះ​នៅថ្ងៃ​មុខ​។ ដូចនេះ​​ហើយ​​នៅពេល​​ដែល​​អ្នក​​មិន​​ចង​​ខ្លួនឯង​ទៅនឹង​ជម្លោះ​អ្នក​អាច​មាន​សតិ​គ្រប់គ្រាន់​ក្នុង​ការ​រិះរក​វិធី​ដើម្បី​ឈ្នះ​ទៅ​ពេល​ខាងមុខ​ហើយ​ពេលនោះ​ហើយ​អ្នក​អាច​ត្រៀមខ្លួន​រួចរាល់។ ការផ្តោត​ទៅលើ​ដំណោះស្រាយ ៖ នៅពេល​អ្នក​ជួប​ជាមួយ​មនុស្ស​ដែល​មាន​កំហឹង​ច្រើន​និង​បង្ក​បញ្ហា​ច្រើន អ្នក​មិនគួរ​ប្រើពេល​នៅគិត​ហេតុផល​ដែល​ធ្វើឲ្យ​ពួកគេ​ជា​មនុស្ស​បែបនេះ​ទេ។...

មាន់ និងស៊ុតមាន់ តើមួយណាកើតមុន?

សំណួរនេះមើលទៅគឺពិតជាសំណួរមួយដ៏សែនសាមញ្ញ ប៉ុន្តែ ពិបាកនឹងផ្តល់ចម្លើយមួយឲ្យត្រឹមត្រូវឥតខ្ចោះណាស់។ ប្រសិនបើយើងយកសំណួរនេះទៅសួរ ប្រាកដជាមានមនុស្សមួយចំនួនគិតថា យើងមិនគ្រប់ទឹកផងក៏មិនដឹង។ ប៉ុន្តែ សំណួរ “មាន់ និងស៊ុតមាន់មួយណាកើតមុន” គឺជាសំណួរមួយដែលអ្នកវិទ្យាសាស្ត្របានព្យាយាមធ្វើការឆ្លើយជាយូរណាស់មកហើយ។ ដូចនេះ គេហទំព័រ«គំនិត»សូមលើកយកប្រធានបទនេះមកចែករំលែកមិត្តអ្នកអាន អំពីការរកឃើញចុងក្រោយបំផុតពីបញ្ហានេះរបស់អ្នកវិទ្យាសាស្ត្រ។ សំណួរទាក់ទងនឹងមាន់ និងស៊ុតមាន់ គឺមានលើកឡើងតាំងពីជំនាន់មុនគ្រឹស្គសករាជមកម្ល៉េះដោយអ្នកទស្សនវិទូដ៏ល្បីល្បាញម្នាក់ឈ្មោះអារីស្តូតដែលគាត់បានលើកឡើងថា “វាគួរតែមានបក្សីមួយដែលផ្តល់កំណើតដល់ស៊ុតសម្រាប់បក្សីណាដែលមានកំណើតចេញពីស៊ុត”។ មិនត្រឹមតែទស្សនវិទូអារីស្តូតនោះទេ មានមនុស្សជាច្រើនដែលបានធ្វើការឆ្លើយសំណួរនេះ តួរយ៉ាងអ្នករូបវិទូដ៏ល្បីល្បាញក្នុងសម័យបច្ចុប្បន្នបណ្ឌិត ’Stephen William Hawking ក៏បានចូលរួមចំណែកក្នុងការឆ្លើយនូវសំណួរខាងលើផងដែរ។...