Tag: សេវាកម្ម

ចិនគឺជាប្រទេស​មួយដែល​ល្បីល្បាញខាងមានសេវាកម្មជួលមិត្តប្រុស ឬមិត្តស្រី ហើយនាពេលបច្ចុប្បន្ននេះ ក៏មានសេវាកម្ម​មួយប្រភេទទៀតគឺសេវាកម្មជួលឪពុកម្តាយសម្រាប់សិស្សណាដែលមិនហ៊ាន​ឱ្យឪពុកម្តាយខ្លួនពិតប្រាកដ​ទៅជួប​គ្រូ ឬ​ក៏សង្សាររបស់ខ្លួន។ ការផ្តល់សេវាកម្មជួល​ឪពុកម្តាយសុប្បនិមិត្តនេះវាជួយ​ឱ្យអ្នកជាវសេវា​នូវការជួយ​សម្រួលផ្លូវអារម្មណ៍​ ដូចជា​អារម្មណ៍ភ័យព្រួយ​អាច កើតមាន​ស្ថានភាពមិនល្អណាមួយកើតឡើងនៅពេលដែលជួបមនុស្សពិតរវាង​គ្រូ និងអាណាព្យាបាល ឬ​ជាមួយ​នឹង​សង្សារ បើមិនអាចជួយបានរហូត យ៉ាងហោចណាស់ក៏អាចជួយ​បណ្តោះអាសន្នដែរ។ ការផ្សាយពាណិជ្ជកម្មសេវាកម្មនេះគឺប្រើប្រាស់ការផ្សព្វផ្សាយបែបជាសំណួរ “តើអ្នកមានសង្សារដែលចង់ទៅជួប​ឪពុកម្តាយ​អ្នក តែអ្នកមិនចង់ឱ្យជួបដែរឬទេ?” ដើម្បីធ្វើការទាក់ទាញចំណាប់អារម្មណ៍អតិថិជន។សម្រាប់អ្នកចង់ជួលសេវានេះ គឺត្រូវការបង់ប្រាក់គិតជាម៉ោងដែលគិតជាមធ្យមប្រមាណ ៩ដុល្លារអាមេរិច​ក្នុងមួយម៉ោង។