Home Tags Digital Marketing

Tag: Digital Marketing

អ្វីគួរដឹង មុនពេលចូលប្រឡូកក្នុងវិស័យទីផ្សារឌីជីថល

នៅក្នុងសម័យនេះ ជាសម័យមួយដែលមនុស្សពេញនិយមនឹងការធ្វើទីផ្សារឌីជីថល ព្រមទាំងមានមនុស្សជាច្រើន ជាពិសេសយុវជនក្នុងប្រទេសកម្ពុជា គឺកំពុងចាប់អារម្មណ៍នឹងវិស័យមួយនេះ ដូច្នេះហើយតាមរយៈការចែករំលែករបស់លោក មាស សកល ដែលជាអ្នកប្រឡូកក្នុងវិស័យនេះ តាំងពីឆ្នាំ2013 មកម្ល៉េះ ហើយបច្ចុប្បន្នក៏ជាសហស្ថាបនិកផ្នែក Media Buyer នៅ Prodigy Marketing និងជាCertified Digital Marketing Professional ថែមទាំងជា Facebook Media...

ការធ្វើទីផ្សារឌីជីថលកំពូលៗ ប្រចាំឆ្នាំ2021

ការធ្វើអាជីវកម្ម វាមិនងាយស្រួលដូចការគិតនោះឡើយ ពីព្រោះការធ្វើការអាជីវកម្មមួយបាន គឺទាមទារឱ្យមានធាតុផ្សំជាច្រើន ដោយក្នុងនោះក៏រួមមានការធ្វើយុទ្ធសាស្រ្តទីផ្សារផងដែរ។ អ្វីដែលកាន់តែសំខាន់នោះ នៅក្នុងយុគសម័យមួយនេះ ការធ្វើទីផ្សារតាមបែបឌីជីថល គឺកំពុងពេញនិយម។ តើការធ្វើទីផ្សារឌីជីថលមានសារៈសំខាន់អ្វីខ្លះ? សារៈសំខាន់រ រួមមាន៖ ទី1. ចំណេញធនធាន ទាំងការចំណាយលុយ កម្លាំងក្រុមការងារ និងពេលវេលា ទី2. ងាយស្រួលតាមដានស្ថានភាព និងវាស់វែងនៃលទ្ធផលបានលឿន ទី3. ធ្វើទីផ្សារត្រូវនឹងអតិថិជនគោលដៅបានលឿន ទី4. បង្កើតភាពងាយស្រួលក្នុងដំណើរការទិញរបស់អតិថិជនលើប្រព័ន្ធអនឡាញ ទី5. បង្កើនគុណភាពនៃការទំនាក់ទំនងជាមួយអតិថិជន ទី6. ធ្វើឱ្យយុទ្ធសាស្រ្ត និងអាជីវកម្មកាន់តែមានភាពរីកចម្រើន ប្រភេទនៃការធ្វើទីផ្សារឌីជីថលមានច្រើន ប៉ុន្តែមានតែ 4 ប្រភេទខាងក្រោមប៉ុណ្ណោះ...

ទម្រង់មាតិកា 4ប្រភេទ ល្អបំផុតសម្រាប់អាជីវកម្មខ្នាតតូច

ការបង្កើតមាតិកា​ឱ្យមានខ្លឹមសារដ៏ទាក់ទាញបំផុតប្រចាំឆ្នាំ 2021 គឺជាកត្តាចាំបាច់ដើម្បីធ្វើឱ្យអាជីវកម្មទទួលបានភាពជោគជ័យនៅលើប្រព័ន្ធអនឡាញ។ នៅក្នុងយុគសម័យនេះ ការបង្កើតមាតិកាដែលមានខ្លឹមសារទាក់ទាញ និងល្អបំផុត ជាការបន្ថែមគុណតម្លៃលើម៉ាកអាជីវកម្ម និងបង្កើនការលក់ ដូច្នេះម្ចាស់អាជីវកម្មខ្នាតតូចគ្រប់រូប គួរតែគិតផ្ដោតលើការបង្កើតមាតិកាដោយដាក់ក្តីស្រឡាញ់ ការយកចិត្តទុកដាក់ និងការច្នៃប្រឌិតឱ្យបានច្រើន។ ដំណាក់កាលបង្កើតមាតិកាឱ្យមានភាពទាក់ទាញ សម្រាប់អាជីវកម្មខ្នាតតូចប្រចាំឆ្នាំ 2021 រួមមាន៖ ទី1. ទាក់ទាញទស្សនិកជន ត្រូវបង្កើតមាតិកាដែលមានលក្ខណៈសប្បាយរីករាយ ដើម្បីទាក់ទាញចំណាប់អារម្មណ៍ឱ្យមានអ្នកចូលរួមឱ្យបានច្រើន ពីព្រោះបច្ចុប្បន្ននេះ ជាយុគសម័យនៃការផ្តោតអារម្មណ៍ដែលមិនធ្លាប់មាន ដូច្នេះការធ្វើឱ្យទស្សនិកជនរបស់អ្នករីករាយ គឺជារឿងចាំបាច់បំផុត។ ទី2. ជូនដំណឹងដល់ទស្សនិកជន បច្ចុប្បន្ននេះ មនុស្សជាច្រើនមានបុគ្គលិកលក្ខណៈមួយ គឺការចង់ចេះចង់ដឹង ដោយចង់ដឹងព័ត៌មាន...

តើ Remarketing គឺជាអ្វី ?

ម៉េចបានអញ្ជឹងណ៎ ! តើអ្នកដែលឆ្ងល់ដូចខ្ញុំអត់ ? តើអ្នកដែលចាប់អារម្មណ៍អត់ថា បន្ទាប់ពីអ្នកបានចូលទៅកាន់ Google ហើយស្វែងរកផលិតផលណាមួយដែលអ្នកត្រូវការចង់ទិញ នៅលើ website មួយចំនួន ស្រាប់តែអ្នកឃើញនូវការផ្សព្វផ្សាយពាណិជ្ជកម្មនៃផលិតផលនោះ បន្ទាប់ពីអ្នកចេញពី website ទាំងនោះ ។ ជាពិសេសប្រសិនបើអ្នកចូលទៅកាន់ website E-commerce ល្បីៗមួយចំនួនដូចជា Amazon  Alibaba ជាដើម ដើម្បីស្វែងរកនូវផលិតផលណាមួយដែលអ្នកចង់ទិញ ហើយបន្ទាប់ពីអ្នករើសបានត្រូវចិត្តហើយអ្នកក៏ដាក់វាឲ្យ...

   តើ McDonald’s អាចជំនះវិបត្តិ Covid 19 ដោយរបៀបណា ?

លោក Chris Kempczinski គឺជាអគ្គនាយកនៃ McDonald’s ដែលត្រូវបានជ្រើសរើសឲ្យកាន់កាប់នូវតំនែងមួយនេះនាចុងឆ្នាំ ២០១៩ បន្ទាប់ពីការលាលែងពីតំណែងរបស់អតីតអគ្គនាយកពីមុនដែលបានប្រព្រឹត្តល្មើសនឹងគោលការណ៍របស់ក្រុមហ៊ុន ។ បន្ទាប់ពីលោក Chris Kempczinski កាន់តំណែងបានមិនដល់ ៥ ខែផងវិបិត្តកូវីត ១៩ ដ៏ធ្ងន់ធ្ងរក៏ផ្ទុះឡើងនៅសហរដ្ឋអាមេរិចដែលបង្ខំឲ្យសាខារបស់ McDonald’s រហូតដល់ទៅជាង ៣៦០០០ ហាងទូទៅពិភពលោកបានបិទទ្វារភ្លាមៗ ។ ជាលទ្ធផលក្រុមហ៊ុនមួយនេះត្រូវបានខាត់បង់ចំណូលអស់ជាច្រើន ។ ពិតណាស់វាគឺជាវិញ្ញាសារដ៏លំបាកមួយសម្រាប់អគ្គនាយកដែលទើបតែកាន់តំណែងថ្មីថ្មោងដូចជារូបលោក...

បើ Airbnb អាចរស់បាន! អ្នកក៏អាចធ្វើបានដូចគ្នា !

អ្នកប្រហែលជាបានដឹងហើយថាមួយរយៈមុននៅអំឡុងពេលដែលសហរដ្ឋអាមេរិចជួបប្រទះនូវវិបត្តិកូវីត ១៩ ធ្ងន់ធ្ងរបំផុតនោះមានក្រុមហ៊ុនធំៗជាច្រើនបានខាតទុនអស់ជាច្រើនលានដុល្លារហើយកាន់តែប៉ះពាល់ខ្លាំងទៅទៀតនោះគឺឈានដល់ការក្ស័យធុនថែមទៀតផង ។ ប៉ុន្តែអ្វីដែលគួរឲ្យចាប់អារម្មណ៍នោះក៏នៅមានក្រុមហ៊ុនធំៗមួយចំនួននូវតែអាចបន្តដង្ហើមនៃអាជីវកម្មតទៅមុខទៀតបានប្រកបដោយភាពជោគជ័យថែមទៀតផង នៅក្នុងនោះផងដែរក៏ Airbnb ជាក្រុមហ៊ុនដែលបង្កើតជា Platform ដែលអាចឲ្យអ្នកប្រើប្រាស់ដែលជាភ្ញៀវទេសចរកក់បន្ទប់ជួលអនឡាញក៏បានទទួលរងនូវការគំរាមកំហែងយ៉ាងគំហុកពីវិបត្តិកូវីត ១៩ នេះផងដែរ ។ ត្រឹមតែរយៈពេលជិតមួយខែបន្ទាប់ពីការផ្ទុះនូវវិបតិ្តកូវីតនោះ Airbnb បានបាត់បង់នូវអត្រានៃការកក់បន្ទប់រហូតដល់ទៅជាង ៧០% ដែលខាតបង់ប្រាក់ចំណូលរហូតដល់ទៅ ៥០%​ នៃចំណូលសរុប ។ ប៉ុន្តែអ្វីដែលគួរឲ្យភ្ញាក់ផ្អើលនោះគឺ Airbnb អាចងើបចេញពីស្ថានការណ៍នៃវិបត្តិបានយ៉ាងរហ័សក្នុងរយះពេលដ៏ខ្លី ។...

តើគួរបន្តឬផ្អាកអាជីវកម្មនៅអំឡុងពេលវិបត្តិ Covid 19 នេះ ?

  ប្រហែលជានៅក្នុងខណៈពេលនេះអ្នកហាក់ដូចជាកំពុងតែទាល់តំរិះ មិនដឹងថាគួរតែធ្វើបែបណាដើម្បីបន្តដង្ហើមអាជីវកម្មដែលកំពុងតែជួបវិបត្តិនេះយ៉ាងដូចម្តេច ធ្លាប់តែពីមុន អតិថិជនចូលមកឡើងពេញៗហាង តែក្នុងពេលនេះវិញគឺស្ងាត់ឈឹងតែម្តង ។ អ្នកកំពុងតែពិចារណាថាគួរបន្តទៀតឬបិទទ្វារសិនអ្នកមានអារម្មណ៍ទៅមុខមិនរួចទេ កែប្រែក៏មិនកើតដែរ ។ ប្រសិនបើអ្នកកំពុងតែស្ថិតនៅក្នុងស្ថានភាពបែបនេះ  ខ្ញុំចង់លើកទឹកចិត្តដល់អ្នកទាំងអស់គ្នាថាសូមកុំបោះបង់អី ក្តីសង្ឃឹមគឺនៅតែមានដរាបណាអ្នកមិនចុះចាញ់ មិនបណ្តោយតាមយថាកម្ម ។ ខ្ញុំចង់រំលឹកលោកអ្នកថា អ្នកដែលខ្លាំងពិតប្រាកដ នឹងព្យាយាមចាប់យកឱកាសដែលមាននៅក្នុងវិបត្តិមួយនេះពីព្រោះពួកគេជឿថានៅក្នុងវិបត្តិគឺរមែងតែងតែមានឱកាសប្រសិនបើយើងចេះកែច្នៃ ។ លោកអ្នកសាកគិតទៅមើល នៅពេលទីផ្សារងាយស្រួលរកលុយ អ្នកណាក៏អាចរកលុយបាន អ្នកណាក៏អាចរកស៊ីបាន ។ ប៉ុន្តែនៅពេលដែលមានវិបត្តិ វាគឺជាឱកាសរបស់អ្នកខ្លាំងក្នុងការបញ្ចេញសមត្ថភាពដោះស្រាយ និងស្រោចស្រង់គ្រប់គ្នាចេញពីគ្រោះនេះ...

ជំហានទាំង៩ នៅក្នុងការបង្កើតផែនការទីផ្សារដែលប្រកបដោយប្រសិទ្ធិភាព

គួរបញ្ជាក់ផងដែរថាជំហាននីមួយៗគឺភ្ជាប់មកជាមួយនឹងបណ្តុំនៃសំនួរដែលអ្នកជួយអ្នកក្នុងការបំផុសគំនិតរបស់អ្នកបាន ។ ជំហានទី១ កំណត់ទិសដៅនៃអាជីវកម្មរបស់អ្នកឲ្យបានច្បាស់លាស់ បច្ចុប្បន្នភាពនៃអាជីវកម្មរបស់អ្នក តើផលិតផលឬសេវាកម្មអ្វីដែលលោកអ្នកកំពុងតែផ្តល់ជូនទៅកាន់អតិថិជន? តើប្រភពចំនូលរបស់លោកអ្នកបានមកពីណា? តើផលិតផលឬសេវាកម្មរបស់លោកអ្នកណាមួយដែលផ្តល់នូវប្រាក់ចំនេញខ្ពស់ជាងគេ? តើអ្វីដែលជាចំនុចខ្លាំងនៃអាជីវកម្មរបស់លោកអ្នក? តើអ្វីដែលដំណើរការបានល្អហើយអ្វីដែលកំពុងតែជាប់គាំងនៅក្នុងអាជីវកម្មរបស់លោកអ្នក?   ព័ត៌មានពីអតិថិជនចាស់ៗរបស់អ្នក តើអ្នកណាជាអតិថិជនរបស់លោកអ្នក?ហើយមានចំនួនច្រើនប៉ុណ្ណា? តើអ្នកណាជាអតិថិជនដែលល្អបំផុត? តើពួកគេចាប់ផ្តើមក្លាយជាអតិថិជនរបស់លោកអ្នកតាំងពីពេលណា? តើអ្វីជាគុណតម្លៃរបស់ពួកគេ? អនាគតភាពនៃអាជីវកម្មដែលអ្នកស្រមៃចង់បាន តើអ្វីដែលជាចក្ខុវិស័យនៃអាជីវកម្មរបស់លោកអ្នក? តើអ្វីដែលជាគោលបំណងនៃអាជីវកម្មរបស់លោកអ្នក? តើប្រភពចំណូលមួយណាដែលលោកអ្នកចង់ពង្រីកបន្ថែម? ជំហានទី២ សិក្សាអំពីទីផ្សារ និង ដៃគូប្រគួតប្រជែងរបស់អ្នក ការសិក្សាអំពីទីផ្សារ តើមានអ្វីខ្លះដែលកំពុងតែកើតមានឡើងចំពោះទីផ្សាររបស់លោកអ្នក? តើចំណែកទីផ្សាររបស់លោកអ្នកមានទំហំប៉ុណ្ណា? តើផលិតឬសេវាកម្មណាមួយដែលទទួលបាននូវការគាំទ្រច្រើនជាងគេ? តើបញ្ហាអ្វីដែលកំពុងតែកើតឡើងចំពោះទីផ្សារនាពេលបច្ចុប្បន្ន? ដៃគូប្រគួតប្រជែងរបស់អ្នក តើអ្នកណាខ្លះជាដៃគូប្រគួតប្រជែងរបស់លោកអ្នក? ...

ប្រភពទាំង ៦ ដែលអ្នកអាចរៀនពីទីផ្សារឌីជីថល ( Digital Marketing) ដោយ ឥតគិតថ្លៃ !!

១. Moz SEO Learning Center ប្រសិនបើអ្នកចង់ស្វែងយល់បន្ថែមពី SEO( Search Engine Optimization )គេហទំព័រមួយនេះជាប្រភពនៃចំណេះដឹងដ៏មានប្រយោជន៍មួយសម្រាប់អ្នក។ អ្វីដែលពិសេសនិងកាន់តែងាយស្រួលនោះប្រសិនបើអ្នកទើបតែចាប់ផ្តើមរៀនទាក់ទងនឹង SEO គេហទំព័រមួយនេះបានផ្តល់ជាសេចក្តីណែនាំ(Guideline) ដែលណែនាំនូវអ្វីដែលអ្នកគួរតែរៀនទៅតាមដំណាក់កាល ។ ក្រៅពីនេះគេហទំព័រមួយនេះនឹងផ្តល់ជូនអ្នកនូវមាតិកាជា វីដេអូ blog ដែលនិយាយបកស្រាយយ៉ាងលម្អិតអំពីប្រធានបទសំខាន់ៗជាច្រើនដែលអ្នកគួរតែដឹងស្តីអំពី SEO ផងដែរ។ Link : https://moz.com/learn/seo ២. HubSpot...

Facebook វិនិយោគទឹកប្រាក់ ១ លានដុល្លារក្នុងកិច្ចសហការជាមួយ Kustomer ក្នុងការពង្រឹងនូវសេវាកម្មអតិថិជន

  កាលពីថ្ងៃទី ៣០ ខែ​វិច្ឆិកា ឆ្នាំ ២០២០ នេះក្រុមហ៊ុន Facebook បានធ្វើការប្រកាសជាសាធារណៈថាពួកគេធ្វើការវិនិយោគទៅលើ Kustomer ជាអាជីវកម្មបង្កើតថ្មី( Startup) ដែលជាកម្មវិធីជួយសម្រួលដល់ការភ្ជាប់ទំនាក់ទំនងក៏ដូចជាការបម្រើសេវាកម្មអតិថិជនឲ្យកាន់តែមានភាពងាយស្រួលប្រកបដោយប្រសិទ្ធិភាពនិងតម្លាភាព ។ បន្ទាប់ពីកិច្ចសម្រេចនូវកិច្ចព្រមព្រៀងរួចហើយក្រុមហ៊ុន Facebook ក៏បានបន្តទៀតថា នាពេលខាងមុខនេះពួកគេនឹងធ្វើការរួចបញ្ជូលកម្មវីធី Kustomer ជាមួយនឹង WhatsApp និង  Messenger ដែលជួយដល់ម្ចាស់អាជីវកម្មនិងដៃគូសហការក្នុងការទំនាក់ទំនងជាមួយអតិថិជនកាន់តែមានល្អប្រសើរជាងមុន។ ជាក់ស្តែងសម្រាប់អាជីវកម្មភាគច្រើនការណែនាំនិងការតាមដាននូវទិន្ន័យក៏ដូចជាព័ត៌មានរបស់អតិថិជនឆ្លងកាត់ពីមួយដំណាក់កាលទៅមួយដំណាក់កាលនៃការទិញរបស់ពួកគេគឺជាប្រតិបត្តិការដ៏សំខាន់បំផុតមួយនៅក្នុងការធ្វើអាជីវកម្ម។​ ស្របពេលគ្នានេះដែរលោក...

តើអ្វីទៅជា Influencer Marketing?

  Influencer Marketing គឺជាយុទ្ធសាស្ត្រទីផ្សារមួយដែលផ្តោតទៅលើការសហការជាមួយនឹងបុគ្គលដែលមានប្រជាប្រិយភាព( Influencers)ដើម្បីឲ្យពួកគេធ្វើការផ្សព្វផ្សាយអំពីអាជីវកម្មរបស់អ្នក។ ជាទូទៅបុគ្គលដែលមានប្រជាប្រិយភាព(Influencers)តែងតែទទួលបាននូវ ការស្រលាញ់និងចូលចិត្តពីអ្នកគាំទ្រជាច្រើននៅតាមបណ្តាញសង្គមដូចជា Facebook Instagram និង​ YouTube ដែលសុទ្ធសឹងតែជាច្រកផ្សព្វផ្សាយដ៏មានឥទ្ធិពលសម្រាប់អាជីវកម្ម។ កត្តាចិត្តសាស្ត្រមួយដែលធ្វើឲ្យយុទ្ធសាស្ត្រទីផ្សារមួយនេះទទួលបាននូវលទ្ធផលខ្ពស់នោះគឺអតិថិជនភាគច្រើននឹងទិញឬប្រើប្រាស់នូវផលិតផលក៏ដូចជាសេវាកម្មណាដែលពួកគេស្គាល់តាមរយៈការណែនាំពីមិត្តភក្តិ មនុស្សជុំវិញខ្លួននិងបុគ្គលដែលពួកគេគាំទ្រជាជាងការស្គាល់តាមរយៈផ្សព្វផ្សាយរបស់ក្រុមហ៊ុន។ យ៉ាងណាមិញ Influencers គឺត្រូវបានបែងចែកជា ៥ ប្រភេទ ដូចជា ១. Micro-influencer Micro-influencerគឺសំដៅទៅលើបុគ្គលដែលមានទំនាក់ទំនងយ៉ាងជិតស្និតជាមួយនិងអ្នកគាំទ្រដែលមានចំនួនរាប់ពាន់ទៅរាប់ម៉ឺននាក់។ ពួកគេគឺជាក្រុមមនុស្សដែលមានទំនោរនិងចំណង់ចំណូលចិត្តដូចគ្នាឬស្រដៀងគ្នាទៅលើរឿងអ្វីមួយ ។ ម្យ៉ាងវិញទៀតពួកគេបានបង្កើតនូវទំនាក់ទំនងនិងសម្ព័ន្ធភាពដ៏ល្អជាមួយនឹងអ្នកគាំទ្ររបស់ពួកគេតាមរយៈការបង្កើតនូវមាតិកាថ្មីៗដូចជារូបភាពនិងវីដេអូដ៏គួរឲ្យចាប់អារម្មណ៍ជាច្រើនដែលជាចំណង់ចំណូលចិត្តរបស់ពួកគេ ។​...

តើបណ្តាញសង្គមមានលក្ខណៈពិសេស មុខងារនិងអត្ថប្រយោជន៍យ៉ាងដូចម្តេចខ្លះសម្រាប់អាជីវកម្ម?

  យោងទៅតាមគេហទំព័រ Hootsuite បានបង្ហាញថាចំនួននៃអ្នកប្រើប្រាស់បណ្តាញសង្គមនៅក្នុងប្រទេសកម្ពុជាមានការកើនទ្បើងជាលំដាប់ពីមួយឆ្នាំទៅមួយឆ្នាំ។ នាឆ្នាំ២០២០នេះទិន្នន័យនៃអ្នកប្រើប្រាស់មានចំនួនយ៉ាងច្រើនរហូតទៅដល់៩.៧០លាននាក់។ យើងសង្កេតឃើញថាបណ្តាញសង្គមគឺពិតជាមាននូវវិសាលភាពនិងឥទ្ធិពលយ៉ាងខ្លាំងដែលធ្វើម្ចាស់អាជីវកម្មជាច្រើនបានចាប់អារម្មណ៍ហើយងាកមកប្រើប្រាស់បណ្តាញសង្គមក្នុងការទីផ្សារនិងផ្សព្វផ្សាយអាជីវកម្មរបស់ពួកគេ​។​ ដូចដែលអ្នកបានដឹងស្រាប់ហើយថាបណ្តាញសង្គមមានច្រើនប្រភេទណាស់ដូចជា​​ Facebook ,Tik Tok , Twitter , Pinterest , Instagram , LinkedIn ជាដើម ។​​​​​​​ តើបណ្តាញសង្គមទាំងនោះមានលក្ខណៈពិសេស​ មុខងារនិងអត្ថប្រយោជន៍យ៉ាងដូចម្តេចខ្លះសម្រាប់អាជីវកម្ម? អត្ថបទនេះនឹងលើកយកនូវបណ្តាញសង្គមចំនួន ​៤ ​មកធ្វើការរៀបរាប់ បកស្រាយនិងបង្ហាញ​​​អំពីមុខងារនិងអត្ថប្រយោជន៍​​​​ ១​. Facebook ​​​អ្នកទាំងអស់គ្នាប្រាកដជាបានស្គាល់ច្បាស់ហើយអំពីបណ្តាញសង្គមមួយនេះ​។​...

តើការប្រើប្រាស់វីដេអូរផ្សព្វផ្សាយ​លើFacebook ពិតជា​មានប្រសិទ្ធភាពខ្ពស់ជាងគេឬ?

ការផ្សព្វផ្សាយនៅលើFacebook​លែងជា​ប្រធានបទដែលថ្មីទៀតហើយ​នៅពិភព​អាជីវកម្ម​នៅប្រទេស​កម្ពុជា។ យើងឃើញ​មានការផ្សព្វផ្សាយ​វគ្គបណ្តុះបណ្តាលជាច្រើន​ស្តីពី​ប្រើប្រាស់Pageឱ្យបានជោគជ័យ លក់អីក៏ដាច់ អាថ៌កំបាំងចាយលុយតិចលើFacebookជាដើម ។ល។   ហើយថ្មីៗនេះ ក៏មានការបើកវគ្គបណ្តុះបណ្តាល​ស្តីពី​ការប្រើប្រាស់វីដេអូ​ដើម្បីធ្វើការផ្សព្វផ្សាយដោយសារតែវាមានប្រសិទ្ធភាពខ្ពស់ជាងគេ។ តើនេះជាការពិតមែនទេ? មិនខុសនោះទេ ហើយក៏មិនត្រូវទាំងស្រុងដែរ។ វីដេអូបានក្លាយជាមាតិកាដែលពេញនិយម និងមានប្រសិទ្ធភាពបំផុតនាពេលបច្ចុប្បន្ន ដោយអាច​ទៅដល់មនុស្សច្រើនជាង​រូបភាពឬអក្សរ ហើយនេះ​មិនមែនទើបតែកើតឡើងនោះទេ ទំនោរនៃការ​ជម្រុញឱ្យ​មានបង្កើតវីដេអូគឺ​មានតាំងពី​ប្រហែល ៣ឆ្នាំ​មុនមកម្ល៉េះ។ ហេតុអ្វី? Facebook ចង់ធ្វើការប្រកួតប្រជែងជាមួយ​នឹង Youtubeដែលជាបណ្តាញមើលវីដេអូធំជាងគេនៅលើពិភពលោក ដូចនេះ​មិនមានអ្វីចម្លែកទេ​ដែលFacebookចង់​លើកទឹកចិត្តអ្នកដែលបង្ហោះវីដែអូ ឬមាតិការជាបែបវីដេអូ​ដើម្បីអាចទទួលបានផលខ្ពស់ជាង​ប្រភេទមាតិការផ្សេងៗទៀត។ ក៏ប៉ុន្តែ​​​​​ មិនមែនវីដេអូ​ទាំងអស់​សុទ្ធតែទទួលបាន​ប្រសិទ្ធភាព និងទទួលបានផលខ្ពស់ជាង​ការប្រើប្រាស់រូប​ភាព​ផ្សព្វ​ផ្សាយនោះទេ។ វីដេអូ​មានលក្ខណៈពាណិជ្ជកម្មសុទ្ធសាធ...

មូលដ្ឋានគ្រឹះនៃការធ្វើទីផ្សារតាមរយៈមាតិកា ភាគ២

(សូម​ចុច​ទីនេះដើម្បី​អាន​ភាគ​មុ​ន) ៣ ការ​បង្កើត​​មាតិកា​ (មាតិកា​រួម​បញ្ចូល​មាន​ ​អត្ថបទ រូបភាព​ និង​ វីដេអូ) ការ​រៀប​រាប់​រឿង​រ៉ាវ​ គឺ​ជា​មាតិកា​ដែល​ល្អ​បំផុត​ សម្រាប់​ចែក​រំលែក​ពត៌មាន ​​ដោយ​បង្ហាញ​អំពី​បទពិសោធន៍​ ​អារម្មណ៍​ និង​​​ការយល់​​ឃើញ​ ទៅ​លើដំណោះ​ស្រាយ​​គោល​ណា​មួយ​។​ ការ​ចែក​រំលែក​មាតិកា ​ដែល​មាន​អត្ថន័យ​ជារឿយៗ​ នឹង​ធ្វើ​ឲ្យអតិថិជន​​ជឿជាក់​​និង​ស្មោះ​ត្រង់​ជាមួយ​លោក​អ្នក​។​ ក្នុង​ការ​បង្កើត​មាតិកា​ អ្នក​ត្រូវ​ដឹង​ឲ្យ​បាន​ច្បាស់​អំពី​២​ចំណុច៖ តើ​ដំណោះ​ស្រាយ​គោល​(ឬសារ​គោល)​ ដែល​លោក​អ្នក​ចង់​ទំនាក់​ទំនង​ទៅ​អតិថិជន​នោះ​គឺ​ជា​អ្វី? តើ​លោក​អ្នក​ចង់​ឲ្យ​ពួក​គេ​ចង​ចាំ​អ្វី​ខ្លះ? ហើយ​លោក​អ្នក​ក៏ត្រូវ​ជ្រើស​រើស​ប្រភេទ​នៃ​មាតិកា ។​ តើ​គួរ​បង្កើត​ជា​ប្រភេទ​មាតិកា​អប់​រំ? ឬ​ជា​ប្រភេទ​ការ​កម្សាន្ត? មាតិកា​មានទម្រង់​​ច្រើន​ដូច​ជា សំណេរ​អត្ថបទ...

តើគួរដឹងអ្វីខ្លះពី Facebook សម្រាប់ម្ចាស់អាជីវកម្មក្នុងឆ្នាំកុរនេះ?

Facebook បានចូលរួមចំណែកជាច្រើន​ក្នុងពិភព​អាជីវកម្ម និងសហគ្រិនភាព ដោយសារតែបណ្តាញសង្គម​យក្សមួយនេះបានផ្តល់ឱកាស​ឱ្យមនុស្សគ្រប់ៗគ្នា ម្ចាស់អាជីវកម្មគ្រប់ៗគ្នា​មិនថាតូចធំ អាចធ្វើការ​ផ្សព្វផ្សាយ​លើបណ្តាញរបស់ខ្លួន​ដោយ​មិនរើសអើង និងអាច​ចាប់ផ្តើម​ការចំណាយ​តិចតួចបំផុត ដែលអនុញ្ញាតិឱ្យ​អាជីវកម្ម​តូចៗ​ និងមធ្យមអាចមានលទ្ធភាពធ្វើការបង្ហាញខ្លួន​នៅលើទីផ្សារ និងមានប្រសិទ្ធភាពបំផុត។ មិនត្រឹមតែ​សហគ្រិន​ប៉ុណ្ណោះទេ សូម្បី​តែបុគ្គលមួយចំនួន​បានទទួលភាពល្បីល្បាញដោយសារFacebook ហើយអ្នកខ្លះ​អាចរកចំណូល​ពី​ភាពល្បីល្បាញដោយសារការបង្ហោះមាតិការ (ក្លាយជាការងារពេញម៉ោង) ហើយអ្នកខ្លះ​បានកសាងខ្លួន​ឱ្យទៅជា​ជនឥទ្ធមន្ត (Influencer)ទៀតផង។ តើឆ្នាំ២០១៩​នេះ​ ដែលបច្ចុប្បន្នស្ថិតនៅក្នុងឆ្នាំកុរនេះ មានអ្វីខ្លះដែលអាចកើតឡើង? ២០១៩​នេះគឺជា​ឆ្នាំ​សម្រាប់វីដេអូ មិនខុសពីឆ្នាំ២០១៨​នោះទេ វីដេអូនឹងក្លាយជាមាតិកាដែលពេញនិយម និងមានប្រសិទ្ធភាពបំផុត (អាច​ទៅដល់មនុស្សច្រើនជាង​រូបភាពឬអក្សរ)សម្រាប់ឆ្នាំកុរនេះ។ ហេតុអ្វី? Facebook...

ឧបករណ៍ឥតគិតថ្លៃ ៣ជាជំនួយពិសេសសម្រាប់ការធ្វើទីផ្សារនៅលើបណ្តាញសង្គម

នៅ កម្ពុជា បណ្តាញ សង្គម បាន ក្លាយទៅជា ច្រកផ្សព្វផ្សាយមួយ ដ៏ពេញនិយម និង មាន ប្រសិទ្ធភាពខ្ពស់បំផុត សម្រាប់ អាជីវកម្ម ដែលមាន ក្រុមអតិថិជន វ័យក្មេង ឬក្រុមអតិថិជន ដែលចូលចិត្តដើរតាមសម័យកាលឌីជីថល។ ចំនួន អ្នកប្រើប្រាស់បានកើនឡើងជាលំដាប់ និងយ៉ាងគំហុគដែលធ្វើឱ្យ ច្រកពាណិជ្ជកម្ម និង ទំនាក់ទំនងសង្គម...

ជ្រើសរើស​អ្នកទីផ្សារឌីជីថល

គេហទំព័រគំនិតកំពុងតែចង់ពង្រីកខ្លួន និងចង់​ធ្វើឱ្យ​មានការផ្លាស់ប្តូរ និងជះឥទ្ធិពលវិជ្ជមាន​ក្នុងវិស័យឌីជីថល​នៅក្នុងប្រទេសកម្ពុជា ជាពិសេស​សម្រាប់សហគ្រាសធុនតូចនិងមធ្យម។ ហេតុនេះហើយ ពួកយើងកំពុងតែស្វែងរក​អ្នកទីផ្សារសម័យថ្មីវ័យក្មេងដែលមានសក្តានុពលហើយចង់នាំឱ្យមានការផ្លាស់ប្តូរ និងការប្រកួតប្រជែងកាន់តែប្រសើរនៅក្នុងវិស័យធុរកិច្ច ជាពិសេស​ផ្នែក​ឌីជីថលមកចូលរួមនៅក្នុងក្រុមគំនិត។ គំនិតកំពុងស្វែរក​អ្នកទីផ្សារសម័យថ្មីដើម្បីទទួលខុសត្រូវក្នុងការរៀបចំគម្រោង អភិវឌ្ឍ អនុវត្ត និងគ្រប់គ្រង​យុទ្ធសាស្ត្រទីផ្សារឌីជីថល។ ក្រៅពីនេះ បេក្ខជនរូបនោះនឹងអាច​មានទំនួលខុសត្រូវក្នុងការគ្រប់គ្រង ណែនាំ និង​បំពាក់បំប៉ន​អ្នកទីផ្សារសម័យថ្មីវ័យក្មេងផ្សេងទៀត​ដើម្បីបំពាក់បំប៉ន​សមត្ថភាព​គ្រប់គ្រង និងដឹកនាំរបស់ខ្លួន។ តួនាទី និងទំនួលខុសត្រូវការងារ៖ រៀបគម្រោង អនុវត្ត និង​គ្រប់គ្រង​យុទ្ធសាស្ត្រទីផ្សារ​ឌីជីថលដែលមានក្នុងវិស័យដូចជា៖ ប្រព័ន្ធផ្សព្វផ្សាយ អចលនទ្រព្យ និងប្រព័ន្ធផ្សព្វផ្សាយលក់ ...

៥ចំណុចដែលម្ចាស់អាជីវកម្មត្រូវដឹងអំពីFacebookសម្រាប់ឆ្នាំ២០១៨

Facebookបានក្លាយទៅជា​ច្រក​ផ្សព្វផ្សាយ និង​ច្រក​បង្កើន​ចំណូល​មួយដ៏សំខាន់​ដែលម្ចាស់អាជីវកម្ម​មិន​អាច​មើលរំលង​បាន។ មិនមែន​មាន​តែ​សហគ្រាស​ធុនតូចនិង​មធ្យមទេដែលចាប់​អារម្មណ៍លើ​បណ្តាញ​សង្គម​យក្សមួយនេះ​ សូម្បី​តែ​ក្រុមហ៊ុន​ធំៗ​នៅប្រទេស​កម្ពុជា​យើង​ចាប់ផ្តើម​បង្កើន​កញ្ចប់​ថវិការ​ផ្សព្វផ្សាយនៅ​លើ Facebookផងដែរ។ Facebook គឺជា​បណ្តាញ​សង្គម​មួយ​ដែលមាន​ការវិវឌ្ឍឥតឈប់ឈរ ហើយ​មានភាពឆាប់រហ័ស​ដែល​តម្រូវ​ឱ្យម្ចាស់​អាជីវកម្ម និងអ្នកទីផ្សារ ត្រូវ​ដើរ​ឱ្យ​ទាន់​ដំណើរការ​នៃការវិវឌ្ឍនេះដើម្បី​រក្សា​ប្រសិទ្ធភាព និង​ប្រសិទ្ធផល​នៃ​ការប្រើប្រាស់បណ្តាញសង្គមមួយ​នេះសម្រាប់​អាជីវកម្ម។ ដូចនេះ​ ខ្ញុំ​សូម​ចែករំលែក​ចំណុច​៥យ៉ាង​ដែល​ម្ចាស់អាជីវកម្ម និង​អ្នកទីផ្សារ​គួរ​ដឹង​អំពី​Facebook៖ ១- ការកែប្រែការកំណត់មួយ​ចំនួន ហ្វេសប៊ុកនឹងធ្វើកម្រិតនូវផុសណាដែលមានលក្ខណៈផ្សាយពាណជិកម្មខ្លាំងពេក (ដូចជាBuy now, promotion 30%)ដោយ​ឱ្យ​អ្នក Like Page តិច​តួច​ប៉ុណ្ណោះ​អាច​ឃើញ​ដោយមិនចំណាយ​លុយ​លើការ​ផ្សព្វផ្សាយ។ ធ្វើការ​ចាប់យកតែផុសណា​ដែលទាក់ទងនឹងចំណង់ចំណូលចិត្ត​របស់អ្នកប្រើប្រាស់ ជាពិសេស​Postរបស់ Page...

​ស្វែង​យល់​ពី Digital Marketing

តើអ្នក​ធ្លាប់ឮពាក្យ​Digital Marketingដែរឬទេ? អ្វីទៅជា​Digital Marketing? តើគេធ្វើវា​ដោយ​របៀបណា? តើវា​ពិតជា​មាន​ប្រសិទ្ធភាព​មែនទេ? ។ល។ ខ្ញុំជឿជាក់​ថា​​អ្នក​អាន​ប្រហែល​ជា​ចង់យល់​ច្បាស់​ពី​ជំនាញ​Digital Marketingនេះ។ ជួនកាល​អ្នក​អាច​ជា​អតិថិជន​គោលដៅ​ដែល​អ្នក​ទីផ្សារ​បាន​ប្រើប្រាស់​យុទ្ធសាស្រ្ត​នេះ​មក​លើ​អ្នក​​ដោយ​អ្នក​មិន​បាន​ដឹង​ខ្លួន​ផង​ក៏ថា​បាន​។ ដើម្បី​ពង្រីក​ចំណេះដឹង​ទាក់ទង​នឹង​ផ្នែក​នេះ​​​ គំនិត​សូម​លើក​យក​អត្ថបទ​មួយ​ដែលយើង​បាន​សរសេរ​ចេញ​អំពី​ការ​សម្ភាសន៍​ជាមួយ​នឹង​អ្នក​ជំនាញ​ផ្នែក​​Digital Marketing គឺលោក ហាក់ គីមថុង ​ដែលជា​ស្ថាបនិក​នៃ​គេហទំព័រ​“គំនិត”​​និង​ជា​​នាយក​នៃ​ “Kumnit Creative”​ ដែល​ជា​ស្ថាប័នផ្តល់សេវាកម្ម​ប្រឹក្សា​ពី​យុទ្ធសាស្ត្រ​ទីផ្សារ​សម័យទំនើប​ (Digital Marketing)។ អ្វីទៅជាការធ្វើទីផ្សារ (Marketing)? ​Digital...

គន្លឹះផ្សព្វផ្សាយសម្រាប់អាជីវកម្មថ្មី

នៅក្នុង​វិស័យ​ធុរកិច្ច​អាជីវកម្ម​ទាំងឡាយ​មិន​អាច​ចៀស​ផុត​ពី​ការ​ផ្សព្វផ្សាយ​បាន​ឡើយ​បើទោះ​បី​ជាផលិតផល​ឬ​​សេវា​កម្ម​របស់​អ្នក​មាន​គុណភាព​ល្អ​យ៉ាងណា​ក៏ដោយ​។​​ ការផ្សព្វផ្សាយ​មានន័យថា​ជាការ​ផ្តល់ដំណឹង​ឬ​ប្រាប់​ដល់​អតិថិជន​ពីអ្វី​ដែលអ្នកមាន​ជាពិសេស​គឺ​ធ្វើ​ឲ្យ​គេស្គាល់​ថា​អ្នកលក់ផលិតផល​ឬ​បម្រើ​សេវាកម្ម​អ្វីខ្លះ។​ ផ្ទុយមកវិញ​មនុស្សភាគច្រើន​ទុកចិត្ត​តែ​លើផលិតផល​ឬ​សេវាកម្ម​ដែល​គេធ្លាប់​ប្រើ​តែ​ប៉ុណ្ណោះ។ ចុះបើ​អ្នកជាម្ចាស់​អាជីវកម្ម​ថ្មី​ តើ​អ្នក​គួរធ្វើបែបណា​ដើម្បី​ឲ្យ​គេ​ងាកមកប្រើ​ផលិតផល​ឬ​សេវាកម្ម​របស់អ្នក?​​ យ៉ាងណា​មិញ​ចំពោះអាជីវកម្មថ្មី​ កញ្ចប់ថវិកា​ដែល​ពួកគេ​មាន​សម្រាប់​ផ្គត់ផ្គង់​ទៅលើការ​ផ្សព្វផ្សាយ​គឺ​សុទ្ធតែ​មាន​កំណត់​ឬមានតិចតួចណាស់។ ខាងក្រោមនេះ​ជា​វិធីសាស្រ្ត​ដែល​មាន​ប្រសិទ្ធភាព​និង​ចំណាយលុយ​តិច​ខ្លះៗ​ដែល​លោកអ្នក​អាចយក​ទៅ​ប្រើប្រាស់​បាន​ក្នុង​ការផ្សព្វផ្សាយ​ទៅ​ដល់​អតិថិជន​គោល​ដៅ​របស់អ្នក​ ៖​ ការផ្សព្វ​ផ្សាយ​មានន័យ​ថា​ជាការ​ផ្តល់ដំណឹង​ឬ​ប្រាប់ដល់​អតិថិជន​ពី​អ្វីដែល​អ្នក​មាន​ជាពិសេស​គឺ​ធ្វើ​ឲ្យ​គេ​ស្គាល់ថា​អ្នកលក់​ផលិតផល​ឬ​បម្រើ​សេវាកម្ម​អ្វីខ្លះ​! ១. រៀបចំគម្រោងក្នុងការធ្វើទីផ្សារជាមុន គម្រោង​ដើម្បី​អនុវត្ត​ក្នុង​ការ​ធ្វើយុទ្ធសាស្រ្ត​ទីផ្សារ​គឺ​ជា​ផែនទី​សម្រាប់​នាំ​ផ្លូវ​អ្នក​។ អ្នកត្រូវ​មាន​គម្រោងមួយ​ឬ​ច្រើន​អាស្រ័យ​លើវិធី​ដែល​អ្នកចង់ប្រើ​។ ​វានឹង​បង្ហាញ​ប្រាប់​អ្នកថា​វិធីសាស្ត្រ​ដែល​អ្នក​ប្រើ​មាន​ប្រសិទ្ធភាព​ទេ​មុននឹង​ឈានដល់​ការអនុវត្ត​ជា​ពិសេស​អ្នកមិនត្រូវភ្លេច​ត្រៀម​ផែនការណ៍បម្រុង​ឬផែនការណ៍ផ្សេង​ដើម្បីប្តូរ​ប្រសិនបើ​វា​មិនមាន​ប្រសិទ្ធភាព​នោះ។ គម្រោង​របស់អ្នក​គួរដាក់​បញ្ចូល​លក្ខខណ្ឌ​មួយចំនួន​ដូចជា​ ថវិកាដែលអ្នកនឹងចំណាយ កំណត់ថាអតិថិជនគោលដៅរបស់អ្នកជាអ្នកណា ទីតាំងដែលអតិថិជនរបស់អ្នកស្ថិតនៅ ច្រកផ្សព្វផ្សាយដែលអ្នកចង់ប្រើ (បណ្តាញសង្គម គេហទំព័រ ដោយផ្ទាល់ ទូរទស្សន៍​ វិទ្យុ កាសែត...) ផែនការណ៍សង្គ្រោះឬផែនការណ៍ផ្សេង ២. បង្កើត​ព័ត៌មាន​ដែល​មាន​លក្ខណៈ​ស្តង់ដារ​នៅលើច្រកផ្សព្វផ្សាយ បើអ្នក​ជ្រើសយក​វិធីផ្សព្វផ្សាយ​តាមបណ្តាញសង្គម​...