នៅក្នុងបរិបទឧស្សាហកម្ម4.0 ឬសម័យឌីជីថលនេះ ការប្រើប្រាស់យុទ្ធសាស្រ្តទីផ្សារដោយពឹងផ្នែកទៅលើ Influencer ឬតាមប្រព័ន្ធ Social Media វាពិតជាផ្នែកមួយដ៏សំខាន់ និងមានឥទ្ធិពលនាពេលបច្ចុប្បន្ននេះ ហើយសូម្បីតែវេទិកាសេដ្ឋកិច្ចពិភពលោក ក៏បានប្រើប្រាស់យុទ្ធសាស្រ្ដមួយនេះដែរ។
យោងតាមការចុះផ្សាយរបស់គេហទំព័រ “Thehindu” បានឱ្យដឹងថា នៅក្នុងវេទិកាសេដ្ឋកិច្ចពិភពលោកឆ្នាំ2023 ដែលធ្វើឡើងនៅទីក្រុងដាវ៉ូស (Davos) ប្រទេសស្វីស ដោយវេទិការសេដ្ឋកិច្ចកំពូលមួយនេះ បានអញ្ជើញ Influencer ឬYouTuber ល្បីៗចំនួន 6នាក់ ដែលពួកគាត់ទាំងអស់គ្នាសុទ្ធសឹងតែជាអ្នកមានឥទ្ធិពល និងមានអ្នកតាមដានជាច្រើននាក់នៅក្នុងប្រព័ន្ធ Social Media ដើម្បីឱ្យចូលរួមនៅក្នុងព្រឹត្តិការណ៍ដ៏ធំមួយនេះ។
កត្ដាចម្បងដែលនាំឱ្យ Influencer ឬYouTuber មានវត្តមាននៅក្នុងកម្មដែលល្បីល្បាញលំដាប់ថ្នាក់ពិភពលោក គឺដើម្បីធ្វើការផ្សព្វផ្សាយទៅដល់ទស្សនិកជន ឬអ្នកតាមដានទូទាំងសកល ឱ្យបានចូលរួមក្នុងជំនួបកំពូលនេះ។ ជាលទ្ធិផលពិតជាមានអ្នកចូលរួមតាមប្រព័ន្ធអ៊ីនធឺណេតជាច្រើនមែនទែន រហូតដល់ 230 លាននាក់ ដែលកម្មវិធីនេះជជែកក្រោមប្រធានបទពាក់ព័ន្ធទៅនឹង “បញ្ហាអាកាសធាតុ យុត្តិធម៌សង្គម និងការថែទាំសុខភាពពិភពលោក” ។
ហើយវត្តមាន Influencer ទាំង 6នាក់ នៅក្នុងវេទិកាសេដ្ឋកិច្ចដ៏អស្ចារ្យមួយនេះ រួមមាន៖
- អ្នកនាង Prajakta Koli មានឆានែល “Mostly Sane”
- អ្នកស្រី Adanna Steinacker មានឆានែល “House of Adanna”
- លោក Nuseir Yassin មានឆានែល “Nas Daily”
- លោក Luis Villar មានឆានែល “Luisito Comunica”
- លោក Wode maya មាននែល“Wode maya”
- អ្នកស្រី Nathalia Arcuri មាននែល “Me Poupe”
គូរបញ្ជាក់ផងដែរថា ពួកគេទាំង 6រូបនេះ នឹងត្រូវបានជ្រើរើសឱ្យចូលរួមជាអ្នកច្នៃប្រឌិត (Innovators) ដើម្បីស្វែងរកដំណោះស្រាយ និងការផ្លាស់ប្តូរជាសកល។
