វិស័យអចលនទ្រព្យគឺជាវិស័យដ៏ពុះកញ្ច្រោល ហើយក៏ជាវិស័យសសរទ្រទ្រង់កំណើនសេដ្ឋកិច្ចជាតិយ៉ាងសំខាន់ផងដែរ ជាពិសេសជិត១ទស្សវត្សន៍កន្លងមកនេះ។ មានមនុស្សមិនតិចទេដែលតែងតែតាមដាន និងចង់ដឹងពីវិស័យនេះ ហើយចង់ប្រឡូកចូលដើម្បីទទួលបានផលចំណេញពីការវិនិយោគ ឬក៏ការរកស៊ីដែលពាក់ព័ន្ធនឹងអចលនទ្រព្យ។
ទន្ទឹមនឹងនេះ ក៏មានការលើកឡើងជារឿយៗផងដែរថា វាជិតដល់ពេលផ្ទុះ វាជិតដល់ពេលធ្លាក់ហើយ វាជិតដល់ពេលលែងទៅមុខហើយផងដែរ ហើយក៏ព្រមានកុំឱ្យមានធ្វើការទិញលក់ ឬក៏វិនិយោគដើម្បីចៀសវាងពីហានិភ័យ ឬក៏ការខាតបង់។ មានអ្នកថាល្អ ហើយក៏មានអ្នកព្រមានផងដែរស្តីពីឱកាសក្នុងវិស័យនេះ តើយើងគួរស្តាប់ខាងណា?
លោកគាម សៀកឡុង ស្ថាបនិក និងជាប្រធានក្រុមប្រឹក្សាភិបាលក្រុមហ៊ុន Century 21 Dream Propertyលើកឡើងនៅលើបណ្តាញសង្គមថា “ពេលខ្ញុំចូលប្រឡូកក្នុងវិស័យអចលនវត្ថុនៅឆ្នាំ២០១៥ មានអ្នកថាខុសពេលហើយ គឺដល់ពេលទីផ្សារធ្លាក់ចុះ បើកាលពីឆ្នាំ២០១៤វិញ គេលក់ខុនដូ ដូចលក់នំ ជាបន្តបន្ទាប់នៅឆ្នាំ២០១៦ ឆ្នាំ២០១៧ ជាពិសេសឆ្នាំ២០១៨ មានអ្នកវិភាគនិយាយថា ទីផ្សារប៉ោងដល់ពេលផ្ទុះហើយ មកដល់ឆ្នាំ២០១៩ និង ២០២០នេះ នៅតែលឺពាក្យនេះទៀត ហើយក៏មានអ្នកប្រាប់ថាគាត់រកស៊ីមុខរបរនេះ១០ឆ្នាំ ១៥ឆ្នាំហើយ ស្ទើរតែដាច់បាយ ពិបាកខ្លាំងណាស់ បើឈប់បានឈប់ទៅ គាត់បន្ទោសទៅលើមុខរបរ ស្ថានភាពខាងក្រៅ ឬទីផ្សារស្ងាត់។ល។ និង។ល។”
“តែបើបងប្អូនសង្កេតតាមដាន នឹងឃើញមនុស្សជាច្រើនកំពុងមានបានជាមួយនឹងវិស័យមួយនេះ ឧកញ៉ាកើនឡើង ក្រុមហ៊ុនកាន់តែច្រើន កាន់តែធំ ពង្រីក និង គម្រោងពង្រីកគ្រប់ខេត្ត-ក្រុង ហើយអ្នកទាំងនោះមិនដែលឃើញបន្ទោសកត្តាខាងក្រៅសោះ តែបែជាមើលឃើញ និង ចេះកែច្នៃទៅជាឱកាសគ្រប់ពេល”
លោកគាម សៀកឡុងបានបន្តថា “តែបើបងប្អូនសង្កេតតាមដាន នឹងឃើញមនុស្សជាច្រើនកំពុងមានបានជាមួយនឹងវិស័យមួយនេះ ឧកញ៉ាកើនឡើង ក្រុមហ៊ុនកាន់តែច្រើន កាន់តែធំ ពង្រីក និង គម្រោងពង្រីកគ្រប់ខេត្ត-ក្រុង ហើយអ្នកទាំងនោះមិនដែលឃើញបន្ទោសកត្តាខាងក្រៅសោះ តែបែជាមើលឃើញ និង ចេះកែច្នៃទៅជាឱកាសគ្រប់ពេល។ ឆ្នាំ២០១៥ Office ទី១របស់ខ្ញុំនៅទូលទំពូង ជួលបានត្រឹម១ឆ្នាំ ពុំមានលទ្ធភាពជួលបន្តក៏ផ្លាស់មកក្នុងបុរីពិភពថ្មីនៅឆ្នាំ២០១៧បណ្តោះអាសន្នចាប់ផ្តើមពីមនុស្ស២នាក់ ហើយដូរម្តងទៀតនៅខែ៩ឆ្នាំ២០១៩ ដោយសារក្រុមការងារកាន់តែច្រើន ហើយមកដល់ថ្ងៃនេះ ក្នុងឆ្នាំ២០២០ Officeនេះបានក្លាយជាកម្មសិទ្ធិស្របច្បាប់របស់ខ្ញុំហើយ។ យើងក៏បានពង្រីកសាខានៅច្បារអំពៅនិង ជ្រោយចង្វារនៅដើមឆ្នាំ និង ពាក់កណ្តាលឆ្នាំ២០១៩ ផងដែរ។ តែបើក្រឡេមើលទៅក្រោយ ពីពេលចាប់ផ្តើម រហូតដល់ចុងឆ្នាំ២០១៦ នៅពេលដែលខ្ញុំអស់លុយពីខ្លួន និង យកឡានទៅបញ្ចាំ «ខ្ញុំបានបន្ទោសលើខ្លួនឯង គ្មានចំណេះដឹង គ្មានជំនាញ មិនចេះលក់ និង គ្មានបទពិសោធន៏» លោតចូលវិស័យនេះទាំងទទឹងទិស គ្មានគ្រឹះ ដូចនេះហើយមានតែការវិនិយោគលើខ្លួនឯង រៀនសូត្រជាប្រចាំ ជាមនុស្សទឹកកន្លះកែវ រៀនផង អនុវត្តន៍ផង សេពគប់មនុស្សពូកែៗ ទើបអាចរកផ្លូវចេញពីពិភពងងឹតបាន។”
តើអ្នកចង់ក្លាយជាមនុស្សជោគជ័យពេលទីផ្សារល្អ និងជោគជ័យពេលទីផ្សារត្រឹង ឬក៏ជាអ្នកបរាជ័យក្នុងទីផ្សាមិនល្អ ហើយក៏នៅតែបរាជ័យពេលទីផ្សារល្អ?ចម្លើយ គឺអាស្រ័យលើជម្រើស និងសមត្ថភាពរបស់អ្នក!
ខាងលើគឺជាលើកឡើងពីបទពិសោធន៍ជាក់ស្តែងមួយក្នុងវិស័យអចលនទ្រព្យ ហើយតើយើងគួរជឿដែរឬទេថានៅតែមានឱកាស? ចង់ក្លាយជាអ្នកជោគជ័យពិតប្រាកដគឺត្រូវចេះគិតពិចារណា ថ្លឹងថ្លែង និងចេះវាយតម្លៃស្ថានភាព។ ប្រសិនបើយើងជាមនុស្សគេថាឆ្វេងៗ ស្តាំៗនោះ ប្រាកដណាស់យើងនឹងមានហានិភ័យខ្ពស់ ព្រោះយើងមិនមានឯករាជ្យក្នុងការគិត ហើយមិនចេះច្នៃបញ្ហាទៅជាឱកាស។ ទោះជាទីផ្សារល្អយ៉ាងណាក៏ដោយ ក៏គង់នៅមានអ្នកបរាជ័យ ហើយដើរចេញដោយសារតែអសមត្ថភាព និងមិនអាចដោះស្រាយបញ្ហាបាន។ ផ្ទុយមកវិញ ទោះជាមានបញ្ហា ឬវិបត្តិធំយ៉ាងណាក៏ដោយ តួរយ៉ាងនៅក្នុងជំនាន់ឆ្នាំ២០០៩ ក៏មានតារាជាច្រើនបានរះ និងទទួលបានជោគជ័យយ៉ាងក្រាស់ក្រែល។ តើអ្នកចង់ក្លាយជាមនុស្សជោគជ័យពេលទីផ្សារល្អ និងជោគជ័យពេលទីផ្សារត្រឹង ឬក៏ជាអ្នកបរាជ័យក្នុងទីផ្សាមិនល្អ ហើយក៏នៅតែបរាជ័យពេលទីផ្សារល្អ?ចម្លើយ គឺអាស្រ័យលើជម្រើស និងសមត្ថភាពរបស់អ្នក!
