what is procrastination?
procrastination គឺជាសកម្មភាពនៃការពន្យារពេលពីមួយថ្ងៃទៅមួយថ្ងៃក្នុងការធ្វើកិច្ចការងារក៏ដូចជាការសម្រេចចិត្តចំពោះរឿងណាមួយ។ម្យ៉ាងវិញទៀត ការពន្យាពេលកាន់តែច្រើននឹងធ្វើឲ្យយើងខាតបង់ពេលវេលាកាន់តែច្រើនផងដែរទម្រាំតែយើងអាចសម្រេចគោលដៅដែលបានគិតទុកនោះ។ តាមពិតទៅការពន្យាពេលមិនមែនមកពីអ្នកខ្ជិលនោះទេ ប៉ុន្តែគឺមកពីមូលហេតុផ្សេងទៀតដែលស្ថិតនៅខាងក្រោយ។ហើយមូលហេតុនោះហើយដែលធ្វើឲ្យយើងក្លាយទៅជាមនុស្សពន្យាពេលបែបនោះ (Procrastinator) ។
១. គ្មានគោលដៅជាក់លាក់និងច្បាស់លាស់(Abstract Goals)
មនុស្សនឹងចាប់ផ្ដើមពន្យាពេលម្ដងបន្តិចម្ដងបន្តិចរហូតក្លាយទៅជាមនុស្សពន្យារពេលពេញលក្ខណៈ (Become a procrastinator) នៅពេលដែលពួកគេគ្មានគោលដៅច្បាស់លាស់ មិនដឹងច្បាស់ថាខ្លួនចង់ធ្វើអ្វី ខ្លួនចង់បានអ្វី និង មិនដឹងថាខ្លួនធ្វើដើម្បីអ្វី។
២. មនុស្សពន្យាពេលនៅពេលដែលពេលកំណត់មិនច្បាស់ (Vague Deadline)
ករណីទី១៖ ចំពោះការងារណាដែលអ្នកមិនដឹងច្បាស់ថាពេលណាដែលគេត្រូវប្រមូលយក នោះអ្នកនឹងចាប់ផ្ដើមលែងខ្វល់ខ្វាយ ដោះដៃចំពោះការងារនោះដោយឯកឯង ហើយពន្យាពេលធ្វើរហូតដល់ដំណាក់កាលចុងក្រោយ។
ករណីទី២៖ អ្នកខ្លួនឯងដឹងពីថ្ងៃកំណត់ច្បាស់លាស់ ប៉ុន្តែអ្នកពន្យាពេលមិនព្រមធ្វើកិច្ចការទាំងនោះ ដោយរកលេសនេះរកលេសនោះមកពង្វាង ហើយរង់ចាំដល់ពេលកំណត់ និងនាទីចុងក្រោយទើបចាប់ផ្ដើមធ្វើយ៉ាងប្រញ៉ាប់ប្រញ៉ាល់។
៣. មានស្មារតីមិននឹងន ស្មារតីច្របូកច្របល់
ឃ្លាដែលមនុស្សតែងតែនិយាយនោះគឺ “ មានការងារច្រើនណាស់ដែលខ្ញុំត្រូវធ្វើឲ្យហើយ ប៉ុន្តែខ្ញុំមិនដឹងថាត្រូវធ្វើចាប់ផ្ដើមពីណាទៅណានោះទេ”
អ្នកនឹងមានអារម្មណ៍មិននឹងន ហើយក៏មានអារម្មណ៍ថាធុញថប់ផងដែរ នៅពេលដែលអ្នកមិនអាចកំណត់ថាអ្នកខ្លួនឯង ចង់ធ្វើអ្វីបន្ត ហើយចង់ដើរទៅកន្លែងណាទៀត។ជាពិសេសនោះគឺ អ្នកនឹងចាប់ផ្ដើមពន្យាពេលធ្វើវា ពីព្រោះតែអ្នកមិនមានដំណោះស្រាយដើម្បីបញ្ចប់កិច្ចការងារទាំងនោះបានល្អ។
៤. ភ័យខ្លាចការបរាជ័យ និងការស្ដីបន្ទោស
ជារឿយៗមនុស្សតែងតែពន្យាពេលបែបនេះក៏ដោយសារតែពួកគេភ័យខ្លាចការបរាជ័យ បរាជ័យចំពោះកិច្ចការដែលពួកគេត្រូវបំពេញ និងភ័យខ្លាចចំពោះការទទួលបាននូវមតិអវិជ្ជមានត្រលប់មកវិញ។
៥. អ្នកចង់ធ្វើវាឲ្យល្អឥតខ្ចោះតែម្ដង
៦. អ្នកខ្វះនូវជំនាញទើបជាហេតុធ្វើឲ្យអ្នកពន្យាពេលបែបនេះ
ពេលដែលអ្នកចង់សម្រេចកិច្ចការណាមួយឲ្យបានជោគជ័យ ប៉ុន្តែអ្នកខ្វះនូវជំនាញដើម្បីធ្វើវា ហើយមិនដឹងថាត្រូវធ្វើវាដោយរបៀបណា ពេលនោះអ្នកនឹងបាត់បង់បន្តិចម្ដងៗនូវអារម្មណ៍ពុះកញ្ជ្រោលដែលចង់ធ្វើវា ហើយអ្នកនឹងចាប់ផ្ដើមក្នុងការពន្យាពេលធ្វើវា ដែលជាឧបសគ្គក្នុងការរាំងស្ទះមិនអាចឲ្យអ្នកសម្រេចវាបាន។
៧. អ្នកពន្យាពេលបែបនេះគឺដោយសារតែអ្នកហត់នឿយ
អ្នកចាប់ផ្ដើមពន្យាពេល គឺនៅពេលដែលថាមពលក្នុងខ្លួនរបស់អ្នកថយចុះ គ្មានកម្លាំងកំហែង គ្មានអារម្មណ៍ចង់ធ្វើអ្វីដែលថ្មី និងគ្មានអារម្មណ៍ពុំកញ្ជ្រោលនៅក្នុងខ្លួនដើម្បីធ្វើវា ដោយសារតែអ្នកឈឺក្បាលវិលមុខជាមួយនឹងបញ្ហាដែលកំពុងតែកើតឡើង និងហត់នឿយក្នុងការដោះស្រាយបញ្ហាទាំងនោះម្ដងហើយម្ដងទៀត។
PROCRASTINATION IS THE THIEF OF TIME.
Done is better than perfect ( Sheryl Sandberg )
