ប្រវត្តិសំខាន់ៗនៃការបង្កើតឱ្យមាន “ផែនការអាជីវកម្ម”

វិធីដ៏ល្អបំផុតមួយដើម្បីជោគជ័យក្នុងជីវិត គឺការរៀនពីភាពជោគជ័យ និងកំហុសរបស់អ្នកដទៃដែលបានធ្វើ។ ហើយនេះក៏ជាការពិតនៅពេលនិយាយអំពីការបង្កើតផែនការអាជីវកម្មផងដែរ។ កន្លងមក របៀបដែលមនុស្សធ្វើបទបង្ហាញអំពីផែនការអាជីវកម្ម គឺប្រើប្រាស់ក្រដាស Parchment បន្ទាប់មកបទបង្ហាញ ជា PowerPoint ហើយជាលទ្ធផលចុងក្រោយគឺធ្វើផែនការជាលាយលក្ខណ៍អក្សរដែលបង្ហាញដល់ម្ចាស់អាជីវកម្ម និងអ្នកវិនិយោគដែលអាចធ្វើទៅបានពីរបៀបរកប្រាក់ចំណេញ។

ដើម្បីឈ្វេងយល់បន្ថែមអំពីប្រវត្តិនៃការបង្កើតផែនការអាជីវកម្ម ខាងក្រោមនេះជាដំណើរការសង្ខេប។

សតវត្សទី 18

ផែនការអាជីវកម្មដំបូង ត្រូវបានសរសេរកាលពីរាប់ពាន់ឆ្នាំមុន នៅពេលសកម្មភាពពាណិជ្ជកម្មបានមកដល់ជាលើកដំបូង។ នៅពេលនោះជនជាតិ Sumerians បុរាណ ពួកគេបានសរសេរសរសេរអំពីការជួញដូរ និងការចិញ្ចឹមសត្វនៅលើបន្ទះដីឥដ្ឋ។ ប៉ុន្តែ​ឥណទាន​សម្រាប់​ផែនការ​អាជីវកម្ម​សម័យ​ទំនើប​នេះ ជារឿយៗ​ត្រូវ​បាន​ផ្តល់​ឱ្យ​លោក Pierre Samuel, Sieur du Pont de Nemours។

សតវត្សទី 19

នៅទសវត្សរ៍ឆ្នាំ 1800 សមាគមន៍បានចាប់ផ្តើមរៀបចំការប្រកួតប្រជែងផែនការអាជីវកម្ម ដោយអ្នកដឹកនាំឧស្សាហកម្មនឹងផ្តល់រង្វាន់ជាសាច់ប្រាក់ដើម្បីលើកទឹកចិត្តដល់អ្នកដែលធ្វើបានល្អ និងភាពប៉ិនប្រសប់បំផុតក្នុងការដាក់ស្នើគំនិតរបស់ពួកគេសម្រាប់ការកែលម្អផលិតកម្ម ឬដោះស្រាយបញ្ហាដែលស្មុគស្មាញ។

ការប្រកួតប្រជែងផែនការអាជីវកម្មដ៏ល្បីល្បាញបំផុត គឺនៅសតវត្សទី 20 ដែលជារង្វាន់ Orteig  ដោយមានចំនួនទឹកប្រាក់ 25,000 ដុល្លារត្រូវបានផ្តល់ជូននៅក្នុងខែឧសភាឆ្នាំ 1919 ដោយម្ចាស់សណ្ឋាគារញូវយ៉កទៅកាន់អាកាសយានិកដំបូងគេ គឺលោក Charles Lindbergh ដែលជាអ្នកឈ្នះរង្វាន់នោះ។

​​​​​សតវត្សទី 20

នៅទសវត្សរ៍ឆ្នាំ 1900 ផែនការអាជីវកម្មចាប់ផ្ដើមមានសារៈសំខាន់ចំពោះភាពជោគជ័យនៃអាជីវកម្ម។នៅឆ្នាំ 1921 ទស្សនាវដ្តី The Journal of the Engineers Club of Philadelphia បានចង្អុលបង្ហាញពីសារៈសំខាន់នៃផែនការអាជីវកម្ម ជាពិសេសប្រសិនបើអ្នកចង់ឱ្យអាជីវកម្មទទួលបានជោគជ័យ វាជារឿងចាំបាច់ណាស់អ្នកត្រូវតែមានផែនការអាជីវកម្មល្អ។

នៅឆ្នាំ 1976 ទស្សនាវដ្តី Changing បានផ្តល់ដំបូន្មានដល់សហគ្រិនដែលមានបំណងចង់ធ្វើផែនការអាជីវកម្មផ្ទាល់ខ្លួន “មុននឹងចាប់ផ្តើមអាជីវកម្ម អ្នកត្រូវព្រាងប្លង់មេដែលបង្ហាញពីរបៀបដែលអាជីវកម្មរបស់អ្នកនឹងត្រូវបានរៀបចំ កន្លែងដែលត្រូវដឹកនាំ និងអ្វីដែលអ្នកនឹងត្រូវទៅដល់ទីនោះ។ លើសពីនេះ ទាមទារឱ្យអ្នកបញ្ចូលព័ត៌មានដែលបង្ហាញថាអ្នកដឹងពីអ្វីដែលអ្នកកំពុងធ្វើបានច្បាស់លាស់។ ត្រង់ចងចាំថា ធនាគារ អ្នកផ្គត់ផ្គង់ និងវិនិយោគិនជាច្រើនទៀត ពួកគេចង់ឃើញពីផែនការរបស់អ្នក មុននឹងពួកគេសម្រេចចិត្តផ្ដល់ជំនួយឬវិនិយោគមកកាន់អាជីវកម្មរបស់អ្នក” ។

​​​​​សតវត្សទី 21

ផែនការអាជីវកម្មនៅតែមានសារៈសំខាន់ខ្លាំងរហូតមកទល់សព្វថ្ងៃ គ្រាន់តែបច្ចុប្បន្ននេះមានភាពងាយស្រួលជាងមុនក្នុងការបង្កើតផែនការអាជីវកម្ម ដោយមានគំរូ និងកម្មវិធីជាច្រើនដែលរចនាឡើងដើម្បីជួយមនុស្សបង្កើតផែនការអាជីវកម្មរបស់ពួកគេ។ លើសពីនេះ ផែនការអាជីវកម្ម កាន់តែមានភាពទូលំទូលាយជាងមុន ដោយសិក្ខាសាលា និងថ្នាក់វិទ្យាល័យមួយចំនួនក៏បញ្ចូលវគ្គបណ្ដុះបណ្ដាលលើការបង្កើតផែនការអាជីវកម្មដែរ ព្រមទាំងក៏មានសៀវភៅបោះពុម្ពលក់ជាច្រើផងដែរ។