ក្រុមហ៊ុនបច្ចេកវិទ្យា​យក្សធំបំផុត​ទាំង​២០​នៅលើ​ពិភពលោក

1434

ប៉ុន្មាន​ឆ្នាំ​ចុង​ក្រោយ​នេះ កែ​ប្រែ​ប្រួល​ផ្នែក​បច្ចេកវិទ្យា​នៅលើពិភពលោក​បាន​ប្រែប្រួល និង​វិវឌ្ឍ​យ៉ាងលឿន។ ពី​មុន​ ក្រុមហ៊ុន​បច្ចេកវិទ្យាល្បីៗ​គឺមាន​តែប៉ុន្មានក្រុមហ៊ុនប៉ុណ្ណោះដែលដឹកនាំ​ពិភពលោក ប៉ុន្តែ​បច្ចុប្បន្ន​យើង​ឃើញ​មាន​ក្រុមហ៊ុនជាច្រើន​បាន​លេចត្រដែត និង​ព្យាយាម​ប្រជែង​ដណ្តើម​ផ្នែក​ឈានមុខគេនិង​ការ​ភាព​ច្នៃប្រឌិត។

នៅ​ឆ្នាំ២០១៣ សហរដ្ឋអាមេរិចជាប្រទេសដែលលេចធ្លោជាងគេ​ផ្នែក​បច្ចេកវិទ្យា ហើយ​បើ​ក្រឡេកមើល​ពី​ចំនួន​ក្រុមហ៊ុន​បច្ចេកវិទ្យា​ធំជាងគេ​ទាំង២០ សហរដ្ឋអាមេរិច​គ្របដណ្តប់​រហូត​ដល់៦៥%ទៅហើយ តាមពីក្រោយដោយ​ចិនដែលមាន​ចំនួន​តែ​១៥% ជប៉ុន១០% រូស្សី ៥% និង​កូរ៉េខាង​ត្បូង​ ៥% តែប៉ុណ្ណោះ ។

កន្លះទស្សវត្ស​ក្រោយមក អ្វីៗប្រែប្រួលគួរឱ្យ​ភ្ញាក់ផ្អើល ដោយ​ប្រទេស​ចិន​ដែលជា​មហាអំណាច​មួយ​ទើបតែ​រះ​ បាន​កំពុង​តែ​តាម​ប្រកៀកប្រកិត​នឹង​មហាយក្ស​អាមេរិច ដោយ​ក្នុង​ចំណោម​ក្រុមហ៊ុនធំជាងគេ​ទាំង២០ផ្នែកបច្ចេកវិទ្យា គឺមាន​តែសហរដ្ឋអាមេរិច និង​ចិន​តែប៉ុណ្ណោះ។ ពីឆ្នាំ​២០១៣ រហូត​ដល់ឆ្នាំ​២០១៨ ក្រុមហ៊ុនរបស់ចិន​បាន​កើន​តួរលេខ​ពី​៣ក្រុមហ៊ុន កើន​ឡើង​ដល់ទៅ​៨​ក្រុមហ៊ុន និង​សហរដ្ឋអាមេរិចធ្លាក់​ចំនួន​ក្រុមហ៊ុន​ពី​១៣ មក​ត្រឹម​១២។

[ad id=”5037″]

យ៉ាង​ណា​មិញ ក្រុមហ៊ុនយក្ស​ធំជាងគេ​ទាំង​៥​គឺ​នៅ​តែ​ជា​ក្រុមហ៊ុន​សហរដ្ឋ​អាមេរិច​ដដែលដែលមានAppleឈរ​លំដាប់លេខ១ Amazoneឈរលំដាប់លេខ២ Alphabet(Google)ឈរ​លំដាប់លេខ ៣Microsoft ឈរ​លំដាប់លេខ៤ និង​Facebookឈរលំដាប់លេខ៥។

លេខរៀងក្រុមហ៊ុនការវាយតម្លៃ ($B)ប្រភេទប្រទេស
#1Apple$915PublicUSA
#2Amazon$828PublicUSA
#3Alphabet$781PublicUSA
#4Microsoft$771PublicUSA
#5Facebook$556PublicUSA
#6Alibaba$484Publicចិន
#7Tencent$477Publicចិន
#8Netflix$173PublicUSA
#9Ant Financial$150Privateចិន
#10Salesforce$102PublicUSA
#11Booking Holdings$100PublicUSA
#12Paypal*$100PublicUSA
#13Baidu$89Publicចិន
#14Uber$72PrivateUSA
#15JD.com$56Publicចិន
#16Didi Chuxing$56Privateចិន
#17Xiaomi$54Private**ចិន
#18eBay*$37PublicUSA
#19Airbnb$31PrivateUSA
#20Meituan-Dianping$30Privateចិន
#21Toutiao$30Private ចិន

បើ​ក្រឡេក​មើលទៅ​តម្លៃ​នៃ​ក្រុមទាំង​នេះ​បូកបញ្ចូលគ្នាវិញ គឺមានប្រហែល ៥.៩ ទ្រីលានដុល្លារ ដែល​សហរដ្ឋអាមេរិច​កាន់កាប់បានចំណែក​រហូតដល់៧៥% និង​ចិន​២៥% និង​ក្រុមហ៊ុនធំជាង​គេ​ទាំង​៧​មាន​បញ្ចូលគ្នា​មានចំណែក​រហូត​ដល់​៨១%ដែលក្នុង​នោះមាន​ក្រុមហ៊ុន​យក្ស​ចិន​២ផងដែរ។

ការ​ប្រកួត​ប្រជែង​ពិត​ជា​ស្វិត​ស្វាញ​នៅ​ពេលថ្មីៗនេះ ជាពិសេស​រវាង​ក្រុមហ៊ុន​អាមេរិច និងចិន ហើយអ្វីដែលគួរឱ្យ​ចាប់អារម្មណ៍នោះគឺក្រុមហ៊ុនចិន​ដែលមាន​សន្ទុះ​រីចចម្រើន​យ៉ាង​ខ្លាំង​ក្លា​។ ជាក់ស្តែង​យើង​អាច​មើលឃើញ​ពីល្បឿន​រីកលូតលាស់​របស់ក្រុមហ៊ុនចិន ដែល៥ឆ្នាំមុនមាន​តែ​៣​ក្រុមហ៊ុន​ប៉ុណ្ណោះ តែ​នៅពេលនេះកើនរហូត​ដល់​៨​ក្រុមហ៊ុន។ តើនៅ៥ឆ្នាំខាងមុខនេះ នឹងមានអ្វីប្រែប្រួលទៀតទេ? តើក្រុមហ៊ុនចិនអាច​ឈរលើ​លំដាប់​ពី១-៥​ប៉ុន្មានក្រុមហ៊ុន?

ប្រភព៖ https://www.visualcapitalist.com

Previous articleយុទ្ធវិធី5S របស់ជប៉ុន
Next articleប្រើប្រាស់​ភ្លេង​ដើម្បី​ជម្រុញ​ឱ្យ​អតិថិជន​ចាយលុយ​កាន់​តែច្រើន
លោក ហាក់គីមថុង គឺជា ស្ថាបនិក និងនាយក KUMNIT CREATIVE ដែលជា ស្ថាប័ន ផ្តល់សេវាកម្ម និងវគ្គសិក្សាយុទ្ធសាស្ត្រអាជីវកម្មសម័យទំនើប (Digital Marketing) ជាសហស្ថាបនិកគេហទំព័រគំនិត និង​ជា​ប្រធាន​ទីផ្សារ​របសក្រុមហ៊ុនអចលនទ្រព្យ​Century 21 Dream Property។ គាត់ មាន បទពិសោធន៍ការងារជាច្រើន ទាំង​ក្នុង​និង​ក្រៅប្រទេស​ទាក់ទង​ នឹង​វិស័យ​អចលនទ្រព្យ សិក្សា​​ស្រាវជ្រាវ​​ទីផ្សារ​ អាហារ​និង​ភោជនីយដ្ឋាន គ្រឿង​សម្អាង​ និង​ Retail ព្រមទាំង​​ជា​​អ្នក​ប្រឹក្សា​យុទ្ធសាស្ត្រ​អាជីវកម្ម​សម្រាប់​ក្រុមហ៊ុន​មួយចំនួន​ផងដែរ។  គាត់បានចុះកម្មសិក្សា នៅតាមបណ្តាក្រុមហ៊ុនផ្សេងៗ ទាំងក្នុង និងក្រៅប្រទេស ធ្លាប់ចូលរួមកម្មវិធីផ្លាស់ប្តូរវប្បធម៌ សិក្ខាសាលាធុរកិច្ច និង ធ្វើដំណើរ កម្សាន្ដ ទៅប្រទេស​ក្រៅជាច្រើន ដែលនេះសុទ្ធតែជាបទពិសោធ មួយដ៏ល្អសម្រាប់ចែករំលែក និងធ្វើការផ្សព្វផ្សាយបន្ត។