ជ្រើសរើស​អ្នកទីផ្សារឌីជីថល

1424

គេហទំព័រគំនិតកំពុងតែចង់ពង្រីកខ្លួន និងចង់​ធ្វើឱ្យ​មានការផ្លាស់ប្តូរ និងជះឥទ្ធិពលវិជ្ជមាន​ក្នុងវិស័យឌីជីថល​នៅក្នុងប្រទេសកម្ពុជា ជាពិសេស​សម្រាប់សហគ្រាសធុនតូចនិងមធ្យម។ ហេតុនេះហើយ ពួកយើងកំពុងតែស្វែងរក​អ្នកទីផ្សារសម័យថ្មីវ័យក្មេងដែលមានសក្តានុពលហើយចង់នាំឱ្យមានការផ្លាស់ប្តូរ និងការប្រកួតប្រជែងកាន់តែប្រសើរនៅក្នុងវិស័យធុរកិច្ច ជាពិសេស​ផ្នែក​ឌីជីថលមកចូលរួមនៅក្នុងក្រុមគំនិត។ គំនិតកំពុងស្វែរក​អ្នកទីផ្សារសម័យថ្មីដើម្បីទទួលខុសត្រូវក្នុងការរៀបចំគម្រោង អភិវឌ្ឍ អនុវត្ត និងគ្រប់គ្រង​យុទ្ធសាស្ត្រទីផ្សារឌីជីថល។ ក្រៅពីនេះ បេក្ខជនរូបនោះនឹងអាច​មានទំនួលខុសត្រូវក្នុងការគ្រប់គ្រង ណែនាំ និង​បំពាក់បំប៉ន​អ្នកទីផ្សារសម័យថ្មីវ័យក្មេងផ្សេងទៀត​ដើម្បីបំពាក់បំប៉ន​សមត្ថភាព​គ្រប់គ្រង និងដឹកនាំរបស់ខ្លួន។

តួនាទី និងទំនួលខុសត្រូវការងារ៖

  • រៀបគម្រោង អនុវត្ត និង​គ្រប់គ្រង​យុទ្ធសាស្ត្រទីផ្សារ​ឌីជីថលដែលមានក្នុងវិស័យដូចជា៖
    • ប្រព័ន្ធផ្សព្វផ្សាយ
    • អចលនទ្រព្យ និងប្រព័ន្ធផ្សព្វផ្សាយលក់
    • ប្រព័ន្ធសេវាកម្មប្រមូលផ្តុំផ្សព្វផ្សាយ
    • សៀវភៅ
    • សិក្ខាសាល និងវគ្គបណ្តុះបណ្តាលទាក់ទងនឹងធុរកិច្ច សហគ្រិន​ ទីផ្សារ ការលក់ ហិរញ្ញវត្ថុ ។ល។
    • គម្រោងដែលក្នុងក្រុមផ្ទាល់
  • ធ្វើការគ្រប់គ្រងក្រុម បំពាក់បំប៉ន ចែករំលែក​នូវចំណេះដឹង​ផ្នែក​ឌីជីថល
  • ធ្វើបច្ចុប្បន្នភាព​ជាមួយ​បច្ចេកវិទ្យា និងប្រព័ន្ធឌីជីថលនានាដោយការចូលរួមសិក្ខាសាលា វគ្គបណ្តុះបណ្តាលទាំងខាងក្នុង និងក្រៅក្រុម ព្រមទាំង​តាមប្រព័ន្ធអ៊ីនធឺណិត។
  • ធ្វើការ​គ្រប់គ្រង រៀងគម្រោងការផ្សព្វផ្សាយនៅតាមប្រព័ន្ធផ្សព្វផ្សាយឌីជីថលដូចជា
    • Facebook
    • Instagram
    • Linkedin
    • Google and Youtube Ads
    • Line
    • គេហទំព័រ
  • ធ្វើការសិក្សាវាយតម្លៃលើផល​តបត្រឡប់ និងសូចនាករការងារ
  • ធ្វើការរៀបគម្រោង​កញ្ចប់ថវិការផ្សព្វផ្សាយ
  • ជម្រុញ​និងលើកទឹកចិត្តមិត្តរួមការងារដើម្បីសម្រេចគោលដៅ
  • ធ្វើការសិក្សាស្វែងយល់​ពីដៃគូរប្រកួតប្រជែងនិងផ្តល់យោបល់សម្រាប់ការអភិវឌ្ឍន៍កាន់តែប្រសើរ។

លក្ខខណ្ឌ៖

  • បរិញ្ញាបត្រផ្នែកទីផ្សារឌីជីថល ឬ​បច្ចេកវិទ្យាឌីជីថល ឬ​មុខជំនាញដែលពាក់ព័ន្ធ
  • ស្វាគមន៍​និស្សិត​ឆ្នាំទី៤ ឬអ្នកដែលទើបតែរៀនចប់ថ្នាក់បរិញ្ញាបត្រ
  • មានចំណេះដឹងល្អទាក់ទងនឹងវិស័យឌីជីថល និងយុទ្ធសាស្ត្រទីផ្សារ
  • ដឹងពីទំនោរទីផ្សារថ្មីៗ
  • ស៊ាំនឹងកម្មវិធី​រចនាក្រាហ្វិចដូចជា Photoshop, Illustrator
  • មានភាពរឹងមាំ និងម្ចាស់ការខ្លួនឯង មានផ្នត់គំនិតវិជ្ជមាន និង​ព្យាយាមធ្វើឱ្យបានសម្រេចនូវអ្វីដែលខ្លួនធ្វើមិនបាន និងជាងបុគ្គលស្នូលក្នុងក្រុមការងារ។
  • ជាអ្នកគិតបែបសំយោគ និង​ជាអ្នករកដំណោះស្រាយ
  • អ្នកដែលចេះបែងចែករៀបចំពេលវេលា និងអាចធ្វើការជាក្រុមបានល្អ ឬដោយឯករាជ្យ
  • មានទំនាក់ទំនងល្អ និងអត្តចរិកល្អ

បេក្ខជនដែលមានចំណាប់អារម្មណ៍សូមធ្វើការផ្ញើរប្រវត្តិរូបសង្ខេបរបស់ខ្លួនចូលទៅកាន់ Facebook Page របស់គំនិត​ឬតាមរយៈ អ៊ីម៉ែល៖ hr@kumnit.com

 

 

 

 

Previous articleធុរកិច្ចអន្តរជាតិ៖ តើមានក្រិតក្រមដែលឬទេនៅពេលជួបជុំញ៉ាំអាហារនៅភោជនីយដ្ឋាន?
Next articleតោះ!ឱ្យសៀវភៅជំនួសបាច់ផ្កាថ្ងៃ១៤កុម្ភៈ
គំនិត គឺជាគេហទំព័រ​មួយ​ដែលជួយ​ពង្រឹងចំណេះដឹងទាក់ទង​នឹង​ធុរកិច្ច​ដល់សហគ្រិនខ្មែរ​ដែលកំពុង​តែ​គ្រប់គ្រង និង​ដឹកនាំ​អាជីវកម្មខ្នាតតូច និងមធ្យមរបស់ខ្លួន​ ជាពិសេស​នៅលើយុទ្ធសាស្ត្រទីផ្សារ​សម័យទំនើប ការគ្រប់គ្រង​អាជីវកម្ម ការអភិវឌ្ឍន៍អាជីវកម្ម និង​ការ​រក្សា​កំណើន​រីកចម្រើនអាជីវកម្ម។ ពួកយើងចង់បំផុស​គំនិតច្នៃប្រឌិត គំនិត​នវានុវត្ត និងការ​ចេះដោះស្រាយបញ្ហាអាជីវកម្មដោយខ្លួនឯង ដែលសុទ្ធសឹងតែជាជំនាញ​ចាំបាច់ខ្លាំង​នៅក្នុង​សម័យកាលឌីជីថល។ គំនិត ចង់ឃើញ​សហគ្រិនខ្មែរ អាជីវកម្មខ្មែរ​មាន​ភាព​ប្រកួតប្រជែងខ្ពស់ និង​អាចរីកលូតលាស់​ធំធាត់​យូរអង្វែង និង​អាចឈានជើង​ចូលទីផ្សារ​អន្តរជាតិ។