និន្នាការផ្សព្វផ្សាយថ្មីលើបណ្ដាញសង្គមចំនួន៤ដែលអ្នកត្រូវដឹងសម្រាប់ឆ្នាំ២០២០

715

 

 សព្វថ្ងៃនេះមនុស្សជាច្រើនមានភាពសកម្មនៅលើបណ្ដាញសង្គមច្រើនជាងមនុស្សពី៤០ឆ្នាំមុន គឺមានចំនួន៣,៨ពាន់លាននាក់​។ ពួកគេយកបណ្ដាញសង្គមនេះដើម្បីទាក់ទងគ្នា ស្រាវជ្រាវ រៀនសូត្រ កំសាន្ត និង ទិញទំនិញផ្សេងៗទៀតនៅលើអ៊ីនធើណេត។ខាងក្រោមនេះគឺជានិន្នាការដែលកំពុងតែកើតមាន​ដែលអ្នកគួរតែ​ចាប់អារម្មណ៍សម្រាប់ការរៀបចំយុទ្ធសាស្ត្រផ្សព្វផ្សាយ៖

១ មាតិកាដែលមានរយៈពេលខ្លី (Ephemeral)

មាតិកាដែលមានរយៈពេលខ្លីគឺជាទីផ្សារដែលនិយាយអំពី រូបភាព អត្ថបទ និង វីដេអូ ដែលធ្វើក្នុងរយៈពេលខ្លីដែលត្រូវបានបង្ហាញនៅលើបណ្ដាញសង្គមជាលក្ខណៈStory( ដូចជា Snapchat Facebook and Instagram stories) ។ ខណៈពេលដែលការរីកចម្រើនជាទូទៅនៃបណ្ដាញទំនាក់ទំនងសង្គមកំពុងកើនឡើងជាលំដាប់ ចំនួន​មនុស្សដែលចូលរួមនិងមានសកម្មនៅលើស្តរី(stories)របស់ពួកគេកំពុងតែរីករាលដាល និងកើនឡើងអ្នកទស្សនាបានកាន់តែច្រើន។

២ ធ្វើអ្វីដែលប្លែកៗដើម្បីភាពទាក់ទាញ

ត្រូវដឹងឲ្យច្បាស់ពីទស្សនិកជនរបស់អ្នក កុំខ្លាចក្នុងការសាកល្បងចំណង់របស់គេចំពោះការលេងសើច។ ការដែលអ្នកអាចធ្វើអ្វីដែលប្លែកៗ​ អ្វីដែលមិនអាចទៅរួច ឬក៏មិនគួរឲ្យជឿ វាជាវិធីដែលអាចទាក់ទាញឲ្យមានគេចាប់អារម្មណ៍ច្រើន។ មិនថាជាវីដេអូឬមួយក៏ជាពាក្យសម្ដីដែលមាននៅលើបណ្ដាញសង្គមទេ បើសិនជាវាមើលទៅហាក់ដូចជាកំប្លែង គួរឲ្យអស់សំណើច ឬមួយ ជាអ្វីដែលធ្វើឲ្យអ្នកហួសចិត្ត នោះវីដេអូទាំងនោះប្រាកដជាទទួលបាននូវប្រជាប្រិយភាពខ្លាំង។

៣ ការ​ប្រើប្រាស់​យុទ្ធសាស្ត្រទីផ្សារ​ឥទ្ធិមន្ត (Influencer Marketing)

បច្ចុប្បន្ន ម៉ាកសញ្ញាជាច្រើននៅលើពិភពលោក​បានស្វះស្វែង​រក​ជនដែលអាចជះ​ឥទ្ធិពលលើការសម្រេចចិត្ត​របស់អតិថិជន​មកផ្សព្វផ្សាយ​ឱ្យពួកគេ​ដើម្បី​បង្កើនប្រជាប្រិយភាពរបស់ម៉ាកសញ្ញា ដែលក្នុងនោះ​មានដូចជា​តារាល្បីៗ អ្នកមានប្រជាប្រិយដែលមានអ្នកតាមដានច្រើនលើបណ្តាញសង្គមជាដើម។ នៅកម្ពុជា​ក៏​មិនខុសគ្នាដែរ ក្រុមហ៊ុន​កាន់តែច្រើនឡើងបានប្រើប្រាស់វិធីនេះ ជាពិសេស​ក្នុង​វិស័យអាហា និង​ទូរគមនាគមន៍។ ក្រៅពីនេះ នៅថ្ងៃអានាគត​ឆាប់ៗខាងមុខនេះ អ្នកប្រើប្រាស់​Facebook ក៏អាច​ស្វែង​រយកពួកគេទាំងនោះកាន់តែងាយស្រួល​ ដោយសារបណ្តាញសង្គមយក្សមួយនេះ​បាន​បង្កើត​វេទិកា​ប្រមូលផ្តុំ​អ្នកមានប្រជាប្រិយភាព​នៅក្នុងបណ្តាញរបស់ខ្លួន​ក្រោម​កម្មវិធី Facebook for Creator ដើម្បី​ឱ្យក្រុមហ៊ុន និងម្ចាស់អាជីវកម្មស្វែងរក​អ្នកជួយផ្សព្វផ្សាយ ហើយ​អ្នកផ្សព្វផ្សាយ​នឹងទទួលបានកម្រៃជើងសារ​ពីកម្មវិធីផ្សព្វផ្សាយនេះផងដែរ។

៤ ការធ្វើទីផ្សារទៅលើTik Tok

Facebook, Twitter and Instagram  គឺត្រូវបានមនុស្សពេញនិយមប្រើជាច្រើន ប៉ុន្តែ Tik Tok​ ដែលជាបណ្តាញ​សង្គមដ៏ពេញចិត្តរបស់ Gen Z បានបើកដំណើរការនៅឆ្នាំ២០១៨ នៅតែបើកចំហយ៉ាងទូលំទូលាយ និងពោពេញទៅដោយឱកាស។Tik Tok គឺជាវីដេអូដែលចែករំលែកនៅលើបណ្ដាញសង្គម ដែលបង្ហាញអំពីសកម្មភាពកំប្លែងៗ របស់មនុស្សក្នុងការរំសាយទុក្ខកង្វល់ ព្រមទាំងជួយបង្កើតនូវបិរយាកាសសប្បាយៗផងដែរ។ហើយចំពោះអាជីវកម្មខ្លះក៏បានយកTik Tokនេះមកផ្សព្វផ្សាយ​ផលិតផលរបស់ខ្លួនផងដែរដើម្បីឲ្យគេបានស្គាល់បានកាន់តែច្រើន ព្រោះមនុស្សសព្វថ្ងៃមានភាពសកម្មច្រើនទៅលើវា។ អ្នកលេងដំបូងពីរបីនាក់ដូចជា ESPN, e.l.f​​  ហើយApple ក៏បានចាប់ផ្ដើមបង្កើតគណនីរបស់ខ្លួនរួចហើយដែរតាមរយៈTik Tok ។