របៀបដែលមនុស្សឆ្លាតទប់ទល់នឹងមនុស្សពិបាក

1422

ដើម្បី​ទប់ទល់​នឹង​មនុស្ស​ប្រភេទ​ពិបាកគឺ​​គេ​ដឹង​ថា​តើកិច្ចការ​អ្វី​ខ្លះ​ដែល​គេ​​នឹង​កាត់ចោល​។ ចំណុច​សំខាន់​​ដែល​​អ្នក​ត្រូវ​​ចងចាំ​​​គឺ​​​អ្នក​​គួរតែ​​នៅ​ក្នុង​​ស្ថានភាព​​ដែល​​អ្នក​​អាច​​គ្រប់គ្រង​​បាន​តែ​ប៉ុណ្ណោះ​។

  • ការ​កំណត់​ព្រំដែន​ ៖ ជាទូទៅ​មនុស្ស​ពិបាក​តែងតែ​មិន​ពេញចិត្ត​នូវ​អ្វី​គ្រប់យ៉ាង​ហើយ​តែងតែ​និយាយ​អ្វីដដែលៗ​​ម្តង​ហើយ​ម្តងទៀត​។ ក្នុងករណីដែល​​​អ្នកធុញ​​នឹង​​ស្តាប់​ពាក្យ​ទាំងនោះ​អ្នក​​គួរតែ​​ចាកចេញ​​ប៉ុន្តែ​​​គេ​​​អាច​​មើល​មក​ថា​​​អ្នក​​ជា​​មនុស្ស​​​មិនសូវ​​​មាន​​​ភាព​​គួរសម​​​។​ ដូចនេះ​​ដើម្បី​ចៀសវាងបញ្ហា​បែបនេះអ្នក​​គួរ​សួរ​ពួកគេថា​គេ​មាន​គំនិត​​​ល្អៗ​យ៉ាងណា​ខ្លះ​ដែល​គេ​ចង់​ផ្តល់​ឲ្យ​អ្នក​​ពិត​ប្រាកដ។
  • ការចៀសវាង​ ៖ មនុស្ស​ប្រភេទ​ពិបាក​អាច​ធ្វើឲ្យ​អ្នក​ច្របូក​ច្របល់​​បាន​ព្រោះ​អាកប្ប​កិរិយា​មិន​សម​ហេតុផល​របស់​ពួកគេ​​។ ដូចនេះ​ជម្រើស​ដ៏ល្អ​នោះ​គឺ​ការ​មិនតបតនិង​ព្យាយាម​ចៀស​​ឲ្យ​ឆ្ងាយ​ពី​ពួកគេ។
  • ការបង្កើត​ព្រំដែន ​៖ មនុស្ស​​​ជាច្រើន​​គិតថា​​ការ​ដែល​​ធ្វើការ​​ឬ​​រស់នៅ​​ជាមួយ​​នរណា​​ម្នាក់​គឺ​ពិត​ជា​មាន​ភាព​រញ៉េ​រញ៉ៃ​និង​ស្មុគស្មាញ​ណាស់​​។ ប៉ុន្តែ​វា​មិនបានន័យ​ថា​អ្នក​ត្រូវ​ទ្រាំ​គ្រប់បែប​យ៉ាង​នោះទេ​​។ អ្នក​អាច​បង្កើត​ព្រំដែន​ប៉ុន្តែ​អ្នក​ត្រូវ​ធ្វើវា​ដោយ​មិន​ហួសហេតុ​ពេកទេ​​ព្រោះ​ការធ្វើ​បែបនេះ​អាច​ធ្វើឲ្យ​អ្នក​គ្រប់គ្រង​ភាព​ចលាចល​បាន​តែ​ក៏​អាច​​ធ្វើ​ឲ្យ​អ្នក​បាត់បង់​ទំនាក់ទំនង​ជាមួយ​មនុស្ស​ជិតខ្លួនដែរ​​។
  • កុំ​បង្ក​ឬ​បន្ត​ជម្លោះ​ ៖ មនុស្ស​ដែល​ឆ្លាត​ដឹង​ពី​សារៈសំខាន់​ក្នុង​ការ​​កឈ្នះ​នៅថ្ងៃ​មុខ​។ ដូចនេះ​​ហើយ​​នៅពេល​​ដែល​​អ្នក​​មិន​​ចង​​ខ្លួនឯង​ទៅនឹង​ជម្លោះ​អ្នក​អាច​មាន​សតិ​គ្រប់គ្រាន់​ក្នុង​ការ​រិះរក​វិធី​ដើម្បី​ឈ្នះ​ទៅ​ពេល​ខាងមុខ​ហើយ​ពេលនោះ​ហើយ​អ្នក​អាច​ត្រៀមខ្លួន​រួចរាល់។
  • ការផ្តោត​ទៅលើ​ដំណោះស្រាយ ៖ នៅពេល​អ្នក​ជួប​ជាមួយ​មនុស្ស​ដែល​មាន​កំហឹង​ច្រើន​និង​បង្ក​បញ្ហា​ច្រើន អ្នក​មិនគួរ​ប្រើពេល​នៅគិត​ហេតុផល​ដែល​ធ្វើឲ្យ​ពួកគេ​ជា​មនុស្ស​បែបនេះ​ទេ។ ប៉ុន្តែ​អ្នក​គួរ​ផ្តោត​ទៅលើ​វិធីសាស្រ្ត​ដែល​អ្នក​ប្រើ​ក្នុង​ការទប់ទល់​ជាមួយ​ពួកគេ​។ ដូចនេះ​ហើយអ្នក​នឹង​​អាច​គ្រប់គ្រង​ស្ថានការណ៍​បានល្អ​និង​កាត់បន្ថយ​សម្ពាធ​នៅពេល​ទាក់ទង​ជាមួយ​​ពួកគេ​។
  • ទទួលទាន​ដំណេក​គ្រប់គ្រាន់ ៖ សារៈ​សំខាន់​នៃ​ការគេង​គឺ​បង្កើន​ភាពឆ្លាតវៃ​និង​គ្រប់គ្រង​សម្ពាធ។ ដូចនេះ​នៅពេល​អ្នក​គេង​បាន​គ្រប់គ្រាន់ វានឹង​ធ្វើឲ្យ​អ្នក​មាន​សុទិដ្ឋិនិយម គំនិត​ច្នៃប្រឌិត និង​គំនិត​ផ្សេងៗ​ក្នុងការ​ទប់ទល់​ជាមួយ​មនុស្ស​ទាំងនោះ​។
Previous article៥ខ្លីៗដើម្បីរក្សាផលិតភាពខណៈពេលអ្នកធ្វើដំណើរ
Next articleកំហុស​ឌីជីថល​ម៉ាឃីតធីង​ទាំង៣​ដែល​អាជីវកម្ម​ធុនតូច​កំពុង​ប្រព្រឹត្ត
ហេង មុយលី សព្វថ្ងៃធ្វើការនៅគំណិត ផ្នែកBusiness Creativeដែលផ្តោតលើការបង្កើតមាតិការធុរកិច្ច សហគ្រិន យុទ្ធសាស្ត្រអាជីវកម្មសម័យទំនើប ព្រមទាំងធ្វើករណីសិក្សាទៅលើអាជីវកម្មក្នុងស្រុក។ គាត់ក៏ជានិស្សិតនៅវិទ្យាស្ថានភាសាបរទេ (IFL) ដែលជាវិទ្យាស្ថានមួយដ៏ល្បីល្បាញផ្តល់ការអប់រំកម្រិតឧត្តមសិក្សានៅក្នុងព្រះរាជាណាចក្រកម្ពុជា ។ គាត់ធ្លាប់ចូលរួមជាអ្នកស្មគ្រ័ចិត្តនៅក្នុងសិក្ខាសាលា ក៏ដូចជាព្រឹត្តិការណ៏នានាជាច្រើន។ លើសពីនេះគាត់ក៏ជាសមាជិកនៃ Organizing Committee របស់សាលាផងដែរ។គាត់ជាមនុស្សដែលរួសរាយ ចូលចិត្តរៀននិងទទួលអ្វីដែលថ្មី និងអាចបត់បែនតាមបរិយាកាសជុំវិញ។ គាត់ជឿជាក់ថា ការចូលរួមជាមួយគំនិតដើម្បីចែករំលែកចំណេះដឹង និងធ្វើការស្រាវជ្រាវលើផ្នែកធុរកិច្ចពិតជាមានផលប្រយោជន៍ជាច្រើនទាងខ្លួនគាត់ផ្ទាល់ និងវិស័យធុរកិច្ចទាំងមូល។