របៀបបង្កើតផេកហ្វ៊េសប៊ុកស្តង់ដា – ភាគទី០១

276

កាលពីអត្ថបទមុន (ហេតុអ្វីបានជាអ្នកត្រូវការបង្កើត ផេកហ្វ៊េសប៊ុក សម្រាប់អាជីវកម្មរបស់អ្នក?) ខ្ញុំបាទបានបង្ហាញពីមូលហេតុមួយចំនួនដែលលោកអ្នកគួរតែពិចារណាក្នុងការបង្កើត ផេកហ្វ៊េសប៊ុក សម្រាប់អាជីវកម្មរបស់លោកអ្នក។ សម្រាប់អត្ថបទនេះ ខ្ញុំនឹងបង្ហាញលោកអ្នកទាំងអស់គ្នាពីរបៀបក្នុងការបង្កើតផេកហ្វ៊េសប៊ុកឲ្យត្រូវតាមស្តង់ដា សម្រាប់លោកអ្នកដែលពុំទាន់ចេះ ឬចេះតិចតួចនៅឡើយ។

ដើម្បីជាភាពងាយស្រួល ខ្ញុំបាទសូមឲ្យលោកអ្នកប្រើប្រាស់កុំព្យូទ័រក្នុងការបង្កើតផេកវិញ ក៏ព្រោះតែការប្រើប្រាស់របស់វាមានភាពងាយស្រួល និងរហ័សជាងការប្រើប្រាស់ទូរស័ព្ទដៃ។ សូមតាមដាន និងអនុវត្តជាមួយខ្ញុំតាមរយៈជំហានងាយៗដូចខាងក្រោម។

១. ជំហានទី១៖ សូមចូលទៅកាន់ www.facebook.com

បន្ទាប់ពីចុចទៅលើពាក្យ Facebook – Log In or Sign Up ហើយ សូមចូលទៅបំពេញព័ត៌មានគណនីរបស់លោកអ្នក ដែលមានដូចជា Email ដែលអ្នកប្រើប្រាស់ក្នុងការបង្កើតគណនីហ្វ៊េសប៊ុករបស់អ្នក ព្រមទាំងលេខសម្ងាត់  (Password) របស់លោកអ្នក។

២. ជំហានទី២៖ ស្វែងរក Menu Button

បន្ទាប់មកទៀត សូមស្វែងរក Menu Button ដែលនៅជួរខាងលើ និងនៅក្បែរ Profile ខាងស្តាំរបស់លោកអ្នក។

៣. ជំហានទី៣៖ ស្វែងរកពាក្យ Page

នៅខាងក្រោមពាក្យ Create សូមស្វែងរកពាក្យ Page ដែលមានសញ្ញា”ទង់”នៅខាងមុខដើម្បីចូលទៅកាន់កន្លែងបង្កើតផេកហ្វ៊េសប៊ុកដំបូងរបស់អ្នក។

៤. បំពេញព័ត៌មាននៃផេកហ្វ៊េសប៊ុករបស់អ្នក

សូមបំពេញព័ត៌មានសំខាន់ៗឲ្យផេករបស់លោកអ្នក តាមរយៈការបំពេញនូវព័ត៌មានមួយចំនួនដូចជា៖

  • ឈ្មោះផេក (សូមជ្រើសរើសឈ្មោះណាដែលខ្លី និងមាន)
  • ប្រភេទនៃអាជីវកម្មរបស់អ្នក
  • និងការរៀបរាប់ពីផេករបស់អ្នកខ្លីៗ (យ៉ាងច្រើន ២៥៥ តួអក្សរ)។

បន្ទាប់ពីបំពេញព័ត៌មានខាងលើហើយ អ្នកគ្រាន់តែចុចពាក្យថា Create Page នោះលោកអ្នកនឹងទទួលបានផេកហ្វ៊េសប៊ុកដំបូងសម្រាប់អាជីវកម្មរបស់លោកអ្នក។

៥. ធ្វើការប្តូររូបសញ្ញាតំណាង Page Logo និងផ្ទាំង Page Cover

បន្ទាប់ពីបំពេញព័ត៌មានខាងលើហើយ អ្នកគ្រាន់តែចុចពាក្យ Create Page នោះវានឹងនាំលោកអ្នកមកកាន់កន្លែងនេះ ដែលលោកអ្នកអាចធ្វើការប្តូររូបសញ្ញាតំណាង (Page Logo) ក៏ដូចជាផ្ទាំង Page Cover សម្រាប់ជួយឲ្យផេកហ្វ៊េសប៊ុករបស់លោកអ្នកមានភាពទាក់ទាញ និងងាយស្រួលចំណាំផងដែរ។ បន្ទាប់ពីប្តូរនូវរបស់ទាំងពីរនេះហើយ លោកអ្នកគ្រាន់តែចុចពាក្យថា Save ជាការស្រេច។

សូមជួបគ្នានៅវគ្គបន្តបន្ទាប់ទៀត…។

Previous articleតើអ្នកដឹកនាំអស្ចារ្យ អ្នកដឹកនាំខ្លាំង និង អ្នកដឹកនាំល្អចាំបាច់ត្រូវតែមានជំនាញអ្វីខ្លះ?
Next articleរឿង 7 យ៉ាង គ្មាននរណាប្រាប់អ្នកឡើយ នៅពេលចាប់ផ្ដើមរកស៊ី
លោក ខៀក វិទ្យារតនៈ គឺជាអ្នកបង្កើត និងសរសេរមាតិការនៅក្នុងគេហទំព័រ គំនិត ផ្នែកបច្ចេកវិទ្យា ផ្នែកយុទ្ធសាស្ត្រទីផ្សារឌីជីថល ផ្នែកធុរកិច្ច និងផ្នែកចំណេះដឹងទូទៅ។ សព្វថ្ងៃនេះ លោកមានតួនាទីជា Business Development Manager ដែលកំពុងតែបម្រើការងារនៅក្នុងហាងសៀវភៅអនឡាញ Naek Arn ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន គំនិត។ ចំពោះប្រវត្តិសិក្សាវិញ លោកគឺជានិស្សិតដែលបញ្ចប់ការសិក្សាផ្នែក វិទ្យាសាស្ត្រពាណិជ្ជកម្មអេឡិចត្រូនិក និងភស្តុភារកម្ម (Science of eCommerece & Logistics) ពីវិទ្យាស្ថានជាតិ និបតិក (NIPTICT) ក៏ដូចជានិស្សិតដែលបញ្ចប់ការសិក្សាថ្នាក់បរិញ្ញាប័ត្រ ផ្នែក Professional Communication នៅសកលវិទ្យាល័យភូមិន្ទភ្នំពេញផងដែរ (RUPP)។ មិនត្រឹមតែប៉ុណ្ណោះ លោកក៏ជាអ្នកជំនាញខាងផ្នែក Digital Marketing Associate ដែលមានវិញ្ញាបនប័ត្រទទួលស្គាល់ដោយក្រុមហ៊ុន Facebook ផ្ទាល់ផងដែរ។ លោកក៏ជាមនុស្សដែលចូលចិត្តវិភាគវែកញែកនៅលើប្រធានបទផ្សេងៗ ស្វែងយល់ពីអ្វីថ្មីៗ ចូលចិត្តការធ្វើដំណើរកម្សាន្តដើម្បីរៀនពីបរិបទសង្គម និងតាមដានគ្រប់ព័ត៌មានទូទៅទាំងក្នុង និងក្រៅប្រទេស៕