បន្ទាប់ពីការទន្ទង់រង់ចាំអស់រយៈពេលជាយូរមកហើយពីបណ្តាអ្នកគាំទ្រ ក្រុមហ៊ុនOne Plus បានធ្វើការប្រកាសសម្ពោធសេរីOne Plus 9 របស់ខ្លួនកាលពីយប់ថ្ងៃទី23 ខែមីនាឆ្នាំ2021នេះ ដោយមានផលិតផលចំនួនវ័យឆ្លាតចំនួន4 ដែលក្នុងនោះមានទូរស័ព្ទ2 និងនាឡិការឆ្លាតវៃ2ម៉ូដែល។
ទូរស័ព្ទOne Plus គឺជាទូរស័ព្ទឆ្លាតវៃដែលល្បីល្បាញជាស្តេចល្បឿន តែត្រូវបានរិះគន់រឿងកាម៉េរ៉ាថតពីមុនមក បានធ្វើការកែប្រែមុខមាត់ថ្មីដោយសហការជាមួយនឹងក្រុមហ៊ុនកាម៉េរាHasselbladដែលជាក្រុមហ៊ុនផលិតកាម៉េរាថតនៅឋានព្រះច័ន្ទ ហើយក្នុងជំនាន់One Plus 9នេះ អតិថិជនដែលជាអ្នកគាំទ្រនឹងលែងរអ៊ូរឿងគុណភាពរូប និងវីដេអូដែលថតចេញពីOne Plus ទៀតហើយ។
ក្រុមហ៊ុនOne Plus បានបំពាក់កាម៉េរាំមេដែលមានទំហំដល់ទៅ50Megapixel ដែលអាចផ្តិតយករូបភាពច្បាស់ល្អ ហើយមានបំពាក់LenដែលអាចថតរូបភាពWideបានដោយមិនខូចទ្រង់ទ្រាយដូចកាម៉េរាដទៃផងដែរ។ អ្វីដែលOne Plusបានអួតនោះគឺ លើកនេះគុណភាពកាម៉េរារបស់គេនឹងមានភាពច្បាស់ល្អ មានពណ៌ធម្មជាតិ និងអាចថតបានយ៉ាងល្អទោះបីជាមានពន្លឺចាំងខ្លាំង ឬកន្លែងដែលមានពន្លឺតិចតួចក៏ដោយ។ មិនតែប៉ុណ្ណោះទូរស័ព្ទស្តេចល្បឿនលើកនេះ ហ៊ានប្រៀបធៀបគុណភាពរូបភាពរបស់ខ្លួនជាមួយនឹងIphone ផងដែរ។
មិនទាន់អស់នៅឡើយទេ One Plus លើកនេះចេញមកដោយមានភាពជឿជាក់មែនទែន លើគុណភាពថត ដោយបានបំពាក់សមត្ថភាពថតវីដេអូបានរហូតដល់ 8K 30fps និង គុណភាព4Kបានដល់ទៅ120fps ដែលធ្វើឱ្យលោកអ្នកអាចថតរូបភាពយឺតៗគុណភាពកម្រិតខ្ពស់ និងអាចស្រូបពន្លឺបានល្អទៀតផង។
ក្រៅពីនេះ One Plusបានបញ្ចេញសមត្ថភាពសាកថ្មរបស់ខ្លួនដោយបច្ចេកវិទ្យាសាកថ្មឥតខ្សែ ហើយអាចសាកបានលឿនរហ័សដែលចំណាយពេលតិចជាង45នាទី ហើយបានធ្វើការឌឺសមត្ថភាពសាកថ្មតឥខ្សែរបស់ខ្លួនទៅនឹងទូរសព័្ទIphone ដែលប្រើខ្សែផងដែរ។
ការសម្ពោធផលិតផលថ្មីលើកនេះ One Plusបានបញ្ចេញនូវរបស់ថ្មីរបស់ខ្លួនដែលមិនធ្លាប់មានពីមកគឺនាឡិកាឆ្លាតវៃដែលអាចឱ្យអ្នកបញ្ជាបិតបើកទូរទស្សន៍ ហាត់ប្រាណដែលមានកម្មវិធីហាត់ផ្សេងៗរហូតដល់ទៅ110ប្រភេទ និងអាចពាក់ហែលទឹកផងដែរ ហើយរាល់ការសាកថ្មម្តង គឺអ្នកអាចប្រើប្រាស់នាឡិកានោះរហូតដល់ទៅពីរសប្តាហ៍ឯណោះ។
សម្រាប់តម្លៃវិញ One Plus 9គឺមានតម្លៃចាប់ពី $729 និង One Plus 9Pro មានតម្លៃចាប់ពី $1,069 ឡើងទៅសម្រាប់ទីផ្សារនៅអាម៉េរិក ហើយសម្រាប់នាឡិការវិញគឺមានតម្លៃចាប់ពី $159ឡើងទៅ។
