បច្ចុប្បន្ននេះគឺជាសម័យកាលបដិវដ្តឧស្សាហកម្ម៤.០ ដែលជាសម័យកាលមនុស្សចាប់ផ្តើមប្រើប្រាស់បច្ចេកវិទ្យាវ័យឆ្លាតដើម្បីជំនួសដោយកម្លាំងមនុស្ស ហើយការងារកាន់តែច្រើនទៅៗ នឹងត្រូវបានផ្លាស់ប្តូរ ឬបាត់បង់ដោយសារតែម៉ាស៊ីន។ មិនត្រឹមតែការងារទេ របៀបធ្វើអាជីវកម្ម ឬដឹកនាំសម័យកាលថ្មីនេះ ក៏នឹងមានការផ្លាស់ប្តូរផងដែរ ដោយមានរឿងជាច្រើនដែលយើងអាចប្រើប្រាស់បច្ចេកវិទ្យាជំនួសបាន។
ក្នុងនាមជាអ្នកដឹកនាំសម័យថ្មី និងអាចដើរទាន់ ឬមុនសម័យកាល យើងគួរគប្បីត្រៀមខ្លួន និងរៀនពីអ្វីៗដែលថ្មីពាក់ព័ន្ធនឹងឧស្សាហកម្ម៤.០នេះ ដឹងពីបច្ចេកវិទ្យាណាដែលគេប្រើប្រាស់ ឬនឹងប្រើប្រាស់ ដឹងថាប្រព័ន្ធ ឬកម្មវិធីអ្វីដែលអាចជួយសម្រួលកិច្ចការងារ ឬអាជីវកម្មរបស់យើងបាន។
ហេតុនេះហើយ ខ្ញុំសូមធ្វើការណែនាំវគ្គរៀន៩ ដែលយើងអាចរៀនបានដោយឥតគិតថ្លៃ ឬគិតថ្លៃសមរម្យដែលបង្កើតឡើងដោយសាកលវិទ្យាល័យធំៗ និងល្បីៗជុំវិញពិភពលោកពី Coursera.org និង edx.org សម្រាប់ម្ចាស់អាជីវកម្ម និងអ្នកដឹកនាំសម័យថ្មីគួរចំណាយពេលរៀន។
Digital Business Models （ម៉ូដែលអាជីវកម្មឌីជីថល）
Digital Transformation （ការបញ្ច្រៀបឌីជីថល）
Practices of Digital Transformation (ការអនុវត្តការបញ្ច្រៀបឌីជីថល)
Leading the Modern Day Business Specialization (វគ្គជំនាញ ការដឹកនាំអាជីវកម្មសម័យទំនើប)
Intelligence Tools for the Digital Age (ឧបករណ៍ឆ្លាវៃសម្រាប់សម័យកាលឌីជីថល)
Digital Transformation in Business (ការបញ្ច្រៀបឌីជីថលនៅក្នុងអាជីវកម្ម)
Digital Strategy and Action (យុទ្ធសាស្ត្រឌីជីថល និងសកម្មភាព)
5G Strategy for Business Leaders (យុទ្ធសាស្ត្រ៥Gសម្រាប់អ្នកដឹកនាំធុរកិច្ច)
Blockchain for Business (Blockchain សម្រាប់អាជីវកម្ម)
សង្ឃឹមថា វគ្គបណ្តុះបណ្តាលទាំងអស់ខាងលើនឹងជួយជម្រុញឱ្យទស្សនៈនៃការប្រើប្រាស់បច្ចេកវិទ្យា និងការត្រៀមខ្លួនរបស់ម្ចាស់អាជីវកម្ម និងអ្នកដឹកនាំកាន់តែសម្បូរនៅក្នុងពិភពធុរកិច្ចដែលពោពេញដោយការប្រកួតប្រជែងទាំងក្នុងស្រុក និងពីសំណាក់ដៃគូរពីទីផ្សារអន្តរជាតិ។
