តើធ្វើដូចម្ដេចដើម្បីបំផុសគំនិតផលិតផលបន្ទាប់ឬ គំនិតអស្ចារ្យ?      

892

វិធីមួយដើម្បីបង្កើតការចាប់ផ្ដើមអាជីវកម្មមួយដ៏ជោគជ័យគឺត្រូវបង្កើតផលិតផលប្រកបដោយភាព​ច្នៃប្រឌិតពិតប្រាកដ។ពេលនិយាយទៅវាដូចជាងាយស្រួល តែពេលធ្វើគឺមិនដូចជាការនិយាយនោះទេ​ ហើយការងារនេះគឺសម្រាប់ “យុវវ័យ​ដែលមាន​គំនិត​ខ្លាំងនិងអស្ចារ្យ” នា​ពេលបច្ចុប្បន្ននេះ។ ដំបូន្មានទាំងបីពិតជាមានសារៈសំខាន់សម្រាប់គំនិតដ៏ធំនិងអស្ចារ្យមួយមិនថាក្រុមហ៊ុនរបស់អ្នកកំពុងតែកែលម្អផលិតផលដែលមាននៅលើទីផ្សាររួចហើយ ឬ ចំពោះអ្នកជាសហគ្រិនកំពុងត្រៀមខ្លួនដើម្បីអភិវិឌ្ឍសមត្ថភាពខ្លួនជាលើកដំបូង ។

វិធីផ្សេងទៀតក្នុងការច្នៃប្រឌិតនូវផលិតផលថ្មីគឺអ្នកត្រូវបញ្ចូលការគិតបែបគន់គូរទៅក្នុងដំណាក់កាលបង្កើតវា។ ការគិតបែបគន់គូរត្រូវបានឱ្យនិយមន័យថា គឺជា​ដំណើរការដោះស្រាយបញ្ហាដោយភាពច្នៃប្រឌិត។ វាជាគិតដោយការដោះស្រាយ ផ្អែកលើជ្រុងផ្សេងៗនៃបញ្ហា។

១ ដឹកនាំដោយការចង់ដឹងចង់ឃើញជាជាងការមានភាពមិនជាក់ច្បាស់

ផលិតផលដែលច្នៃប្រឌិតថ្មីៗវា​ហាក់ដូចជានៅការគិតក្រៅប្រអប់អីចឹង មានន័យថា ផលិតផលទាំងនោះបានធ្វើឲ្យមនុស្សទាំងអស់គិតថាវាជារឿងឆ្កួត នៅគ្រាដំបូង។ ផលិតផលដែលមានដែលល្បីពាសពេញពិភពលោកគឺ ទូរសព្ទអាយហ្វូន​(Iphone)ដែលពេលមិនទាន់ចេញមកក្រៅទីផ្សារមើលទៅដូចជាមិនទំនើងសោះ។ទាំងនេះគឺជាសិល្បៈនៃការច្នៃប្រឌិតនូវបច្ចេកវិទ្យាថ្មីៗ ដែលពីមុនមកមិនដែលមានឡើយ។ ដូច្នេះអ្នកត្រូវការអនុវត្តភាពចង់ដឹងចង់ឭចង់ឃើញ ចំពោះវិធីសាស្ត្ររប​ស់អ្នកហើយស្រមៃមើលផលិតផលនៅខាងក្រៅព្រំដែននៃទីផ្សារបច្ចុប្បន្ន។

២ កុំផ្អែកលើការបង្កើតផលិតផលរបស់អ្នកដោយផ្អែកលើផលិតដទៃ

វិធីទូទៅមួយដែលមនុស្សជាច្រើនមានទស្សនៈ តាមរយៈការងាកទៅមើលផលិតផលដែលមានភាពខុសគ្នាបន្តិចបន្តួចដទៃទៀត ជាជាងបង្កើតផលិតផលមួយថ្មីដែលមានប្រកួតប្រជែងជាមួយផលិតផលចាស់ ។ប៉ុន្តែនេះមិនមែនជាវិធីដើម្បីបង្កើតផលិតផលប្រកបដោយភាពច្នៃប្រឌិតពិតប្រាកដនោះទេ។ លោក Jeremy Delk គឺជានាយកប្រតិបត្តិនៃក្រុមហ៊ុនDelk Enterprises ដែលជាក្រុមហ៊ុនវិនិយោគជាមួយក្រុមហ៊ុនផលប័ត្រដូចជា​ 23andMe និង CelebrityMD។លោកបានកត់សម្គាល់ថានៅពេលពួកគេកំពុងសម្លឹងរកមើលការវិនិយោគឬបង្កើតផលិតផលថ្មីមួយ ពួកគេធ្វើឡើងដោយមិនបានគិតឱ្យបានល្អិតល្អិន ច្បាស់លាស់ និងគ្រប់ជ្រុងជ្រោយឡើយ ។ ការធ្វើឱ្យផលិតផលរបស់អ្នក​ខុសប្លែកខ្លាំងពីផលិតផលដទៃ​គឺជា​ការបង្ហាញពីសមត្ថភាពរបស់អ្នកទទួលបានផលចំណេញខុសពីគេ។

៣ ការបញ្ចូលការគិតបែបគន់គូរ (Design Thinking)

វិធីផ្សេងទៀតក្នុងការច្នៃប្រឌិតនូវផលិតផលថ្មីគឺអ្នកត្រូវបញ្ចូលការគិតបែបគន់គូរទៅក្នុងដំណាក់កាលបង្កើតវា។ ការគិតបែបគន់គូរត្រូវបានឱ្យនិយមន័យថា គឺជា​ដំណើរការដោះស្រាយបញ្ហាដោយភាពច្នៃប្រឌិត។ វាជាគិតដោយការដោះស្រាយ ផ្អែកលើជ្រុងផ្សេងៗនៃបញ្ហា។

វាខុសពីការគិតធម្មតាត្រង់ថា វិធីនេះគឺតែងតែគិតពីមនុស្ស​ជាចម្បង ហើយដើម្បីប្រើប្រាស់វិធីនេះ អ្នកត្រូវចាប់ផ្តើមឡើងដោយបង្កើត​ផលិតផលគំរូ ហើយធ្វើការស្វែងរកមតិយោបល់ពីអតិថិជនគោលដៅរបស់អ្នក។ វាជាដំណាក់កាលដ៏សំខាន់មួយដោយសារតែ ប្រសិន​អ្នកមិនដឹងថាអតិថិជនគោលដៅពិតជាពេញចិត្ត​ផលិតរបស់អ្នកឬក៏អត់ផងនោះ អ្នកប្រាកដជាមិនអាចបង្កើតផលិតផលមួយដែលគេចង់បាននោះទេ។