យើងទាំងអស់គ្នាប្រាកដជាបានដឹងមកហើយថានាពេលបច្ចប្បន្ននេះប្រព័ន្ធឌីជីថលពីជាមានឥទ្ធិពលខ្លាំងណាស់នៅក្នងជីវភាពការប្រកបរបអាជីវកម្មសព្វថ្ងៃនេះ។ ដូចនេះនៅក្នុងយុគសម័យឌីជីថល អាជីវកម្មត្រូវការមានយុទ្ធសាស្ត្រទីផ្សារប្រកបដោយប្រសិទ្ធភាព ដើម្បីឈានដល់ទស្សនិកជនឱ្យបានច្រើន និងឈានទៅរកភាពរីកចម្រើនបានឆាប់រហ័ស។ ខាងក្រោមនេះគឺជាយុទ្ធសាស្ត្រសំខាន់ៗមួយចំនួន៖
ទីផ្សារមាតិកា៖ បង្កើតមាតិកាដែលមានប្រយោជន៍ និងគួរឱ្យចាប់អារម្មណ៍ ដូចជាការបង្ហោះប្លក់ វីដេអូ និងព័ត៌មានក្រាហ្វិក។ សកម្មភាពនេះទាក់ទាញ និងរក្សាអតិថិជន ខណៈពេលដែលផ្សព្វផ្សាយផលិតផល ឬសេវាកម្មរបស់អ្នក។
ទីផ្សារប្រព័ន្ធផ្សព្វផ្សាយសង្គម៖ ប្រើវេទិកាដូចជា Facebook Instagram និង Twitter ដើម្បីភ្ជាប់ជាមួយអតិថិជន។ ចែករំលែកការបង្ហោះជាប្រចាំ ដែលដំណើរការនៃការផ្សាយពាណិជ្ជកម្មឱ្យបានទៅដល់អ្នកដែលប្រើប្រាស់នូវបណ្តាញសង្គមទាំងនោះធ្វើឱ្យគេស្គាល់អ្នកកាន់តែច្រើនឡើងៗ។
Search Engine Optimization (SEO)៖ កែលម្អគេហទំព័ររបស់អ្នកឱ្យកាន់តែល្អប្រសើរនៅក្នុងស្វែងរក។ ដោយប្រើពាក្យគន្លឹះដែលពាក់ព័ន្ធដែលធ្វើឱ្យគេហទំព័ររបស់អ្នកងាយស្វែងរកឃើញ និងធានាថាវាងាយស្រួលប្រើសម្រាប់ទូរស័ព្ទ ដើម្បីជំរុញឱ្យអ្នកដែលប្រើប្រាស់អាចរកឃើញនូវគេហទំព័ររបស់អ្នកកាន់តែឆាប់រហ័ស។
ទាក់ទងអ្នកដែលមានឥទ្ធិពល៖ ចាប់ដៃគូជាមួយអ្នកមានឥទ្ធិពលនៅលើបណ្តាញសង្គមឌីជីថលដែលមានអ្នកតាមដានច្រើននៅលើប្រព័ន្ធផ្សព្វផ្សាយសង្គម។ ដែលនេះគឺជាទីផ្សារដ៏មានប្រសិទ្ធិភាពដើម្បីជួយផ្សព្វផ្សាយម៉ាកយីហោរបស់អ្នក និងឈានទៅដល់ទស្សនិកជនដែលជឿទុកចិត្តកាន់តែច្រើន។
ការវិភាគទិន្នន័យ៖ ប្រើទិន្នន័យដើម្បីតាមដានថាតើទីផ្សាររបស់អ្នកដំណើរការបានល្អប៉ុណ្ណា។ វិភាគនូវដំណើរការដែលអតិថិជនបានប្រើប្រាស់ និងការលក់ ដើម្បីកែលម្អយុទ្ធសាស្ត្ររបស់អ្នកដែលធ្វើឱ្យអាជីវិកម្មរបស់អ្នកាន់តែដំណើរការទៅមុខថែមទៀត។
