Appមួយដែលអ្នករកស៊ីតាមFacebook Page ត្រូវតែមាន

1083

Facebook Page គឺជា​បណ្តាញ​សង្គម​មួយ​ដែលមានប្រជាប្រិយភាព​បំផុត​នៅក្នុងកម្ពុជា​ក្នុងចំណោម​អ្នកប្រើប្រាស់ និងអ្នករកស៊ី។ ប៉ុន្តែ​មានរឿងមួយដែលអ្នករកស៊ី​ ឬអ្នកគ្រប់គ្រងPageតែងតែរអ៊ូនោះគឺ បណ្តាញសង្គម​មួយនេះ​តែងតែមានការផ្លាស់ប្តូរ និងធ្វើបច្ចុប្បន្នភាព​ឥតឈប់ឈរ ដែលធ្វើឱ្យអ្នកមិនសូវចេះ​ប្រើប្រាស់និងចូលចិត្ត​បច្ចេកវិទ្យា ពិបាកនឹងតាមទាន់។

មួយរយៈចុងក្រោយនេះ មានអ្នក​ធ្លាប់ចូលវគ្គបណ្តុះបណ្តាលខ្ញុំ និងមិត្តភក្តិខ្ញុំជាច្រើនបានទាក់ទងម​ក​សួរ​ថាហេតុអ្វីគាត់លែងអាច​ឆ្លើយតបជាសារសម្លេងទៀតបាន​តាមរយៈការប្រើប្រាស់ទូរស័ព្ទដោយប្រើPage Manager។ តាមពិតទៅ Facebook បាន​ណែនាំ​កម្មវិធីទូរស័ព្ទថ្មីគឺ Creator Studio ដែលអនុញ្ញាតិ​ឱ្យអ្នកកាន់Page ឬម្ចាស់អាជីវកម្មអាច​ទាក់ទងភ្ញៀវ​បានតាមរយៈPage​ដូចFacebook Messengerអញ្ចឹង ដែលយើងអាចធ្វើការផ្ញើរសារជាសម្លេងបានងាយស្រួលទាំង​Androi និង IOs ដោយមិនចាំបាច់ប្រើប្រាស់​ Page Managerទៀតនោះទេ។ ក្រៅពីការឆ្លើយតប អ្នកអាចមើលព័ត៌មាននានាបានពី​ការផ្សព្វផ្សាយរបស់អ្នក ថាតើវាបានទៅដល់មនុស្សប៉ុន្មាននាក់ មានអ្នក Like Share Commentប៉ុន្មាននាក់ជាដើម។

តាមពិតទៅ Creator Studio មិនមែនជាអ្វីថ្មីនោះទេ។ Facebook បានបង្កើត​វាបានយូរគួរសម​មកហើយ ដោយដាក់ឱ្យប្រើប្រាស់​នៅលើ​Web Browser ដែលអនុញ្ញាតិឱ្យយើងធ្វើការ​គ្រប់គ្រងការផ្សព្វផ្សាយ ដាក់កាលវិភាគកាលផ្សព្វផ្សាយទុកមុន បង្ហោះវីដេអូ​មួយទៅកាន់Pageលើសពីមួយក្នុងពេលដំណាលគ្នា និងមានលក្ខណៈសម្បតិ្តពិសេសផ្សេងៗទៀត ជាពិសេសគឺ​អាចបង្ហោះការផ្សព្វផ្សាយពីCreator Studioទៅកាន់​Instagram បានដោយផ្ទាល់ទៀតផង។ ថ្មីត្បិតតែ​កម្មវិធី​នៅលើទូរស័ព្ទមិនទាន់អាចធ្វើបានច្រើនដូចនៅតាមWeb Browser មែនតែខ្ញុំជឿជាក់ថា វានឹងកាន់តែប្រសើរនាពេលអនាគត។

Facebookតែងតែធ្វើបច្ចុប្បន្នភាព​ស្ទើររាល់ខែ ត្រីមាស ឆមាស និងឆ្នាំ ដែលទាមទារឱ្យអ្នកប្រើប្រាស់តាមដានជាប់ជានិច្ចដើម្បីទទួលបានផលប្រយោជន៍មុនគេ។ ហើយនៅប្រទេស​កម្ពុជា​ គឺមានប្រភព​ផ្សព្វផ្សាយអំពី​តិចនិក​ថ្មីតិចតួចបំផុត ដែលជម្រុញឱ្យគេហទំព័រគំនិតខិតខំ​ចែករំលែក​នូវអ្វីដែលថ្មីបំផុត និងវិធីសាស្ត្រដែលត្រឹមត្រូវបំផុត​ដើម្បីចែក​ជូន​ម្ចាស់អាជីវកម្ម អ្នកទីផ្សារ និងអ្នកស្រឡាញ់វិស័យនេះដើម្បី​រក្សា​និរន្តរភាព​រីកចម្រើន ជាជាង​កើនតែរយៈពេលខ្លី!

 

Previous article៥វិធីសាស្ត្រដើម្បីចាប់ផ្តើមអានសៀវភៅ
Next articleតើម៉ាកគឺជាអ្វី?
លោក ហាក់គីមថុង គឺជា ស្ថាបនិក និងនាយក KUMNIT CREATIVE ដែលជា ស្ថាប័ន ផ្តល់សេវាកម្ម និងវគ្គសិក្សាយុទ្ធសាស្ត្រអាជីវកម្មសម័យទំនើប (Digital Marketing) ជាសហស្ថាបនិកគេហទំព័រគំនិត និង​ជា​ប្រធាន​ទីផ្សារ​របសក្រុមហ៊ុនអចលនទ្រព្យ​Century 21 Dream Property។ គាត់ មាន បទពិសោធន៍ការងារជាច្រើន ទាំង​ក្នុង​និង​ក្រៅប្រទេស​ទាក់ទង​ នឹង​វិស័យ​អចលនទ្រព្យ សិក្សា​​ស្រាវជ្រាវ​​ទីផ្សារ​ អាហារ​និង​ភោជនីយដ្ឋាន គ្រឿង​សម្អាង​ និង​ Retail ព្រមទាំង​​ជា​​អ្នក​ប្រឹក្សា​យុទ្ធសាស្ត្រ​អាជីវកម្ម​សម្រាប់​ក្រុមហ៊ុន​មួយចំនួន​ផងដែរ។  គាត់បានចុះកម្មសិក្សា នៅតាមបណ្តាក្រុមហ៊ុនផ្សេងៗ ទាំងក្នុង និងក្រៅប្រទេស ធ្លាប់ចូលរួមកម្មវិធីផ្លាស់ប្តូរវប្បធម៌ សិក្ខាសាលាធុរកិច្ច និង ធ្វើដំណើរ កម្សាន្ដ ទៅប្រទេស​ក្រៅជាច្រើន ដែលនេះសុទ្ធតែជាបទពិសោធ មួយដ៏ល្អសម្រាប់ចែករំលែក និងធ្វើការផ្សព្វផ្សាយបន្ត។