អាជីវកម្មខ្នាតតូច ទាមទារឱ្យមានការធ្វើទីផ្សារដ៏ល្អដើម្បីឈានដល់ភាពរីកចម្រើនពីមួយកម្រិតទៅមួយកម្រិត។ ម្យ៉ាងទៀតការយល់ឃើញនៃការធ្វើទីផ្សារ ក៏មានជម្រើសច្រើន ថែមទាំងមាន apps ក៏ច្រើនដើម្បីប្រើប្រាស់ក្នុងការផ្ដល់ជំនួយនានា ប៉ុន្តែជាទូទៅម្ចាស់អាជីវកម្មមិនសូវហ៊ានចំណាយច្រើនលើការធ្វើទីផ្សារខ្លាំង ឬចង់មានភាពសន្សំសំចៃលើការធ្វើទីផ្សារ ហើយចង់ទទួលបានលទ្ធផលល្អដូចគេដែរ។ ហេតុដូចនេះ នៅខ្លឹមសារខាងក្រោម យើងនឹងណែនាំកម្មវិធីចំនួន 5 ដែលម្ចាស់អាជីវកម្មខ្នាតតូចអាចគិតពិចារណាក្នុងការប្រើប្រាស់ដើម្បីផ្ដល់ជាជំនួនពាក់ព័ន្ធនឹងការធ្វើទីផ្សារ។
1. Proofhub
ProofHub គឺជាការគ្រប់គ្រងគម្រោង និងដំណោះស្រាយទំនាក់ទំនងក្រុម ដែលនឹងជួយអ្នកក្នុងការគ្រប់គ្រងគម្រោងទីផ្សារ និងក្រុមរបស់អ្នកឱ្យកាន់តែមានប្រសិទ្ធភាពជាងមុន។ បន្ថែមពីនេះ វាផ្តល់នូវឧបករណ៍ទាំងអស់ដែលអ្នកត្រូវការដើម្បីរៀបចំផែនការ ការទំនាក់ទំនង ការគ្រប់គ្រង និងការបញ្ចប់គម្រោងទាន់ពេលវេលាជាមួយគ្នានៅកន្លែងតែមួយ។
អ្នកអាចធ្វើការទាញយក App នេះ តាមតំណរភ្ជាប់ខាងក្រោម៖
- ចំពោះAndroid https://play.google.com/store/apps/details?id=com.proofhub&ref=mob
- ចំពោះ iOS https://apps.apple.com/us/app/proofhub/id1207291266?ref=mob
2. Trello
Trello គឺជាកម្មវិធីគ្រប់គ្រងការងារដែលអាចបត់បែនបាន ក្រុមការងារអាចកំណត់ផែនការ សហការលើគម្រោង រៀបចំលំហូរការងារ និងអាចតាមដានវឌ្ឍនភាពការងារ។ ការគ្រប់គ្រងនេះ ចាប់ពីការបំផុសគំនិតរហូតដល់ការគ្រោងទុក និងឈានដល់ការប្រតិបត្តិ។ លើសពីនេះកម្មវិធី Trello ក៏អាចគ្រប់គ្រងព្រឹត្តិការណ៍ធំៗ និងកិច្ចការប្រចាំថ្ងៃក្នុងការធ្វើការជាមួយគ្នា និងសម្រេចកិច្ចការផ្សេងៗ។ ជាពិសេស ការងារទីផ្សារដែលនឹងពាក់ព័ន្ធការគ្រប់គ្រងគម្រោងជាច្រើន។
អ្នកអាចធ្វើការទាញយក App នេះ តាមតំណរភ្ជាប់ខាងក្រោម៖
- ចំពោះ Android https://play.google.com/store/apps/details?id=com.trello&hl=en
- ចំពោះ iOS https://apps.apple.com/us/app/trello-organize-anything/id461504587
3. Canva
កម្មវិធី Canva ល្អបំផុតសម្រាប់ការបង្កើតក្រាហ្វិកបានភ្លាមៗយ៉ាងងាយស្រួលដោយមិនចាំបាច់ត្រូវការរចនានៅក្នុងកម្មវិធី Photoshop ឬជួលអ្នកជំនាញផ្នែករចនាឡើយ ពីព្រោះអ្នកអាចបង្កើតវាបានដោយខ្លួនឯងយ៉ាងងាយស្រួលសម្រាប់យុទ្ធនាការរបស់អ្នក ការជំរុញលើការផ្សព្វផ្សាយលើបណ្ដាញសង្គម ឬការបង្ហោះប្លុកជាដើម។
គួរបញ្ជាក់ផងដែរថា Canva គឺជា platform រចនាតាមអ៊ីនធឺណិតដោយឥតគិតថ្លៃក្នុងការប្រើប្រាស់ ប៉ុន្តែក៏មាន platform មួយចំនួន ដូចជា Canva pro គិតប្រាក់ផងដែរ។ បន្ថែមពីនេះ Canva ក៏មានគំរូ (templates) ជាច្រើនទម្រង់សម្រាប់អ្នកប្រើប្រាស់ក្នុងការជ្រើសរើសដើម្បីធ្វើជា Poster, logo, Flyers, Presentations និងជាច្រើនទៀតក្នុងការផ្សព្វផ្សាយ ឬតាមតម្រូវការជាក់ស្ដែង។
គេហទំព័រ Canva ដែលអ្នកអាចប្រើប្រាស់នៅក្នុងកុំព្យូទ័រ https://www.canva.com/
អ្នកអាចធ្វើការទាញយក App នេះ តាមតំណរភ្ជាប់ខាងក្រោម៖
- ចំពោះ Android https://canva.en.uptodown.com/android
- ចំពោះ iOS https://www.canva.com/download/ios/
4. Buffer
Buffer គឺជាកម្មវិធីមួយដែលអាចគ្រប់គ្រងគណនីប្រព័ន្ធផ្សព្វផ្សាយសង្គមរបស់អ្នកបាន ដោយវាផ្ដល់នូវសមត្ថភាពក្នុងការកំណត់ពេលវេលាផ្សព្វផ្សាយនៅក្នុង Twitter, Facebook, Instagram និង LinkedIn ក៏ដូចជាការវិភាគលទ្ធផល និងការចូលរួមជាមួយបណ្ដាញសង្គមទាំងនេះផងដែរ។
គេហទំព័រ Buffe ៖ https://buffer.com/
អ្នកអាចធ្វើការទាញយក App នេះ តាមតំណរភ្ជាប់ខាងក្រោម៖
- ចំពោះ Android https://buffer.en.uptodown.com/android
- ចំពោះ iOS https://apps.apple.com/us/app/buffer-social-media-tools/id490474324
5. Mention
Mention ជាឈុតទីផ្សារប្រព័ន្ធផ្សព្វផ្សាយសង្គម (Social Media Marketing Suite) ដែលអនុញ្ញាតឱ្យអ្នកប្រើប្រាស់ជំរុញការសន្ទនា ដោយ Mention ជួយអ្នកក្នុងការដឹងពីអ្វីដែលមនុស្សកំពុងនិយាយ អំពីម៉ាក ឬផលិតផលរបស់អ្នកតាមរយៈការវិភាគឧស្សាហកម្មនៅលើប្រព័ន្ធអ៊ីនធឺណិត។
គេហទំព័រ Mention៖ https://mention.com/en/
