តិចនិកធ្វើឱ្យហាង Queen Bee មានការគាំទ្រខ្លាំង និងពង្រីកសាខាបានលឿន!

Queen Bee ត្រូវបានបង្កើតឡើងតាំងពីដើមឆ្នាំ 2015 ដោយលោកស្រី ញៀវ យិនហ្គេច ដែលមានទីតាំងដំបូងនៅក្រោយសាលាបាក់ទូកនៃរាជធានីភ្នំពេញ។

ការចាប់ផ្ដើមដំបូង QueenBee ត្រឹមតែជាអាជីវកម្មមួយដែលលក់លើរទេះតាមចិញ្ចើមផ្លូវប៉ុណ្ណោះ ប៉ុន្តែដោយសារតែការស្រលាញ់ ចំណង់ចំណូលចិត្ត និងភាពប៉ិនប្រសប់ក្នុងការច្នៃរសជាតិភេសជ្ជៈ Queen Bee ទទួលបានការគាំទ្រយ៉ាងខ្លាំងនាពេលបច្ចុប្បន្ននេះ។

នៅឆ្នាំ 2016 រហូតដល់ឆ្នាំ 2022 នេះ Queen Bee អាចពង្រីកសាខាជាង 10សាខា នៅភ្នំពេញ ខេត្តកំពង់ចាម ក្រុងប៉ោយប៉ែត ខេត្តស្វាយរៀង និងខេត្តកណ្ដាល ព្រមទាំងកំពុងមានគម្រោងពង្រីកសាខាទៅកាន់ 25ខេត្តក្រុងទូទាំងប្រទេសកម្ពុជា។

បើយោងតាមប្រសាសន៍របស់លោកស្រីហ្គេច បានប្រាប់ក្រុមការងារគំនិតថា “អ្វីដែលធ្វើឱ្យ QueenBee ទទួលបានការគាំទ្រខ្លាំងពីសំណាក់អតិថិជន និងអាចពង្រីកសាខាបានលឿនបែបនេះ គឺដោយសារតែ QueenBee ផ្ដោតខ្លាំងលើគុណភាព រសជាតិឆ្ងាញ់ តម្លៃសមរម្យ សេវាកម្មល្អ បុគ្គលិករួសរាយរាក់ទាក់ ទីតាំងមានផាសុកភាព និងអនាម័យ។” បន្ថែមពីនេះ អ្វីដែលធ្វើឱ្យអតិថិជនកាន់តែពេញចិត្តទៀតនោះ QueenBee បានបង្កើតនំខារ៉ាមែលទឹកដោះគោ និងតែទឹកដោះគោតៃវ៉ាន់ ដ៏មានរសជាតិឆ្ងាញ់។

គួរបញ្ជាក់ផងដែរថា កាលពីឆ្នាំ 2019 លោកស្រីហ្គេច បានទទួលមេដៃសហគ្រិនឆ្នើមមួយ ពានមេដឹកនាំឆ្នើមមួយ និងពានបញ្ចប់វគ្គសិក្សាទាំង 8 វគ្គ នៅ CEO Master Club មួយ ដែលត្រូវបានប្រគល់ផ្ទាល់ក្រោមអធិបតីភាពឯកឧត្តមសេនីយ៍ឯក បណ្ឌិត ហ៊ុន ម៉ាណែត នៅក្នុងកម្មវិធីរាត្រីសមោសរជួបជុំម្ចាស់អាជីវកម្មកម្ពុជា CEO Award 2019 ដែលរៀបចំឡើងដោយ CEO Master Club។

ពាណិជ្ជកម្ម

គ្រាន់តែស្កេនម្រាមដៃ ក៏អាចស្គាល់ពីចំណុចខ្លាំងខ្លួនឯង

Sann Thaven

មនុស្សម្នាក់ៗតែងតែមានទេពកោសល្យរៀងៗខ្លួន ហើយក៏សុទ្ធតែមានចំណុចខ្លាំង និងចំណុចខ្សោយ ដោយគ្មាននរណាម្នាក់កើតមកល្អឥតខ្ចោះនោះទេ។ ទោះបីជាយ៉ាងនេះក្ដី បុគ្គលម្នាក់ៗ ដើម្បីអាចធ្វើឱ្យជីវិតរបស់ខ្លួនឯងកាន់តែរីកចម្រើន អាចឆាប់សម្រេចបាននូវអ្វីដែលខ្លួនឯងចង់បាន ព្រមទាំងធ្វើអ្វីដែលខ្លួនឯងស្រលាញ់និងពេញចិត្តក្នុងការធ្វើ គឺទាមទារឱ្យពួកគេស្គាល់ពីខ្លួនឯងឱ្យបានច្បាស់ ទាំងចំណុចខ្លាំង និងចំណុចខ្វះខាតដែលពួកគេមាន។

តើធ្វើបែបណាទើបអាចស្គាល់ពីខ្លួនឯងកាន់តែច្បាស់?

នាពេលបច្ចុប្បន្ននេះ បច្ចេកវិទ្យាកាន់តែទំនើប ដែលវាជាផ្នែកមួយជួយមនុស្សឱ្យកាន់តែរស់នៅក្នុងភាពល្អប្រសើរជាងមុន។ បន្ថែមពីនេះ នៅកម្ពុជា ក៏មានបច្ចេកវិទ្យាទំនើបមួយដែលអាចជួយមនុស្សឱ្យស្គាល់ពីខ្លួនឯងកាន់តែច្បាស់ គឺបច្ចេកវិទ្យា Brainology ដែលមានលោកធា តុងហ័រ ជាស្ថាបនិក ជាអ្នកជំនាញផ្នែកតេស្តសមត្ថភាពខួរក្បាលពីកំណើត និងជាគ្រូបង្វឹកផ្នែកសុខភាពផ្លូវចិត្ត។

តើអ្វីជាបច្ចេកវិទ្យា Brainology? ហើយវាជួយមនុស្សឱ្យស្គាល់ខ្លួនឯងបែបណាខ្លះ?

បច្ចេកវិទ្យា Brainology គឺជាកម្មវិធីវិទ្យាសាស្រ្តដែលអាចជួយមនុស្សស្វែងរកឃើញទេពកោសល្យ និងមុខជំនាញសិក្សាដែលសមស្របនឹងទេពកោសល្យរបស់ខ្លួនពីកំណើត តាមរយៈការស្កេនស្នាមក្រយ៉ៅម្រាមដៃទាំង 10 របស់មនុស្ស។

គួរបញ្ជាក់ផងដែរថា តាមរយៈការការសិក្សាស្រាវជ្រាវបានបង្ហាញថា ក្រយ៉ៅដៃ និងខួរក្បាល ចាប់ផ្តើមមកកើតនៅសប្តាហ៍ទី13 ព្រមជាមួយគ្នាដែលមានលក្ខណ:បន្ស៊ីគ្នា និងចប់ពេញលេញព្រមគ្នានៅសប្តាហ៍ទី24នៅក្នុងផ្ទៃម្តាយ ដូច្នេះហើយការស្កេនស្នាមក្រយៅដៃ អាចឱ្យយើងដឹងអំពីលក្ខណ:សមត្ថភាពខួរក្បាល ទំនោរអារម្មណ៍ ទេពកោសល្យ ចំណុចខ្លាំង ចំណុចត្រូវប្រុងប្រយ័ត្ន និងអត្តចរិតពីកំណើតរបស់មនុស្សម្នាក់ៗបាន។

ព័ត៌មានលម្អិត អាចឆាតសួរតាមផេកនេះ៖ Brainology-ប្រេនណូឡូជី

ពាណិជ្ជកម្ម

ហេតុអ្វីចាប់ផ្ដើមធ្វើអាជីវកម្មដោយក្ដីស្រឡាញ់ មិនទាន់គ្រប់គ្រាន់?

Sann Thaven

ការចាប់ផ្ដើមអាជីវកម្មដោយកើតចេញពីក្ដីស្រលាញ់ ចំណេះជំនាញ និងបទពិសោធន៍ដែលអ្នកមាន វាពិតជារឿងដែលល្អហើយ ក៏ប៉ុន្តែសំណួរសួរត្រឡប់មកវិញថា៖

– តើអ្នកមានយុទ្ធសាស្រ្តអ្វីដើម្បីដំណើរការអាជីវកម្មនោះចូលក្នុងទីផ្សារលើកដំបូង?

– តើអ្នកនឹងមានយុទ្ធសាស្រ្តអ្វីដើម្បីចាប់យកអតិថិជនថ្មីៗ?

– តើអ្នកនឹងប្រកួតប្រជែងដណ្ដើមចំណែកទីផ្សារបែបណាជាមួយគូប្រជែងរបស់អ្នក?

– តើអ្នកនឹងបង្កើតចំណូលពីប្រភពណាខ្លះ?

– តើអាជីវកម្មនោះកំពុងមានតម្រូវការទីផ្សារកម្រិតណានាពេលបច្ចុប្បន្ន?

– តើអ្វីជាភាពខុសប្លែកនៃផលិតផលឬសេវាកម្មរបស់អ្នកដើម្បីផ្ដល់ជូនអតិថិជន?

– និងមានសំណួរជាច្រើនជុំវិញនៃការធ្វើអាជីវកម្ម ហើយវាក៏ពឹងផ្អែកលើវិស័យដែលអ្នកចង់ចាប់ផ្ដើមផងដែរ។

ជារួមមកការធ្វើអាជីវកម្ម មិនមែនគ្រាន់តែនឹកឃើញ ក៏ចាប់ផ្ដើម ហើយជោគជ័យភ្លាមៗនោះទេ វាត្រូវការពេលវេលា ត្រូវការដើមទុនជាសាច់ប្រាក់ ត្រូវការធនធានមនុស្សដើម្បីជួយ ត្រូវការសិក្សាអំពីតម្រូវទីផ្សារឱ្យបានច្បាស់លាស់ ត្រូវការរៀបចំយុទ្ធសាស្រ្តអាជីវកម្ម និងជាច្រើនទៀត។

និយាយឱ្យខ្លី បើចង់ឃើញអនាគតនៃការធ្វើអាជីវកម្មយូរអង្វែង ត្រូវមានផែនការអាជីវកម្មឱ្យបានច្បាស់ជាមុនសិន និងមានអ្នកជួយជ្រោមជ្រែងបន្ថែម ហើយជំហានបន្តបន្ទាប់អ្នកនឹងដឹងខ្លួនឯងយ៉ាងច្បាស់ថា អ្នកនឹងត្រូវធ្វើអ្វីបន្តទៀតហើយ។

ពាណិជ្ជកម្ម

បច្ចេកវិទ្យាកម្ពុជា CheckinMe បានឈ្នះពានរង្វាន់ 1st Runner Up ក្នុងកម្មវិធី Alibaba Cloud

Sann Thaven

CheckinMe បានបង្កើតឡើងដោយលោក ឡី កំថូង ដែលវាជាដំណោះស្រាយឌីជីថលសម្រាប់អាជីវកម្មខ្នាតមធ្យមក្នុងការប្រើប្រាស់ដើម្បីគ្រប់គ្រងព័ត៌មានបុគ្គលិក វត្តមានបុគ្គលិកច្បាស់លាស់ ការស្នើសុំច្បាប់របស់បុគ្គលិក និងការអនុម័តច្បាប់តាមអនឡាញ ព្រមទាំងសកម្មភាពបុគ្គលិកចេញក្រៅ (Sales Outdoor) ដោយស្វ័យប្រវត្តិ។

នាពេលថ្មីៗនេះ CheckinMe ដែលជាបច្ចេកវិទ្យាកម្ពុជា បានឈ្នះពានរង្វាន់ 1st Runner Up ក្នុងកម្មវិធី Alibaba Cloud របស់ប្រទេសចិន ដោយក្នុងនោះបានយកឈ្នះក្រុមហ៊ុន Startup បរទេសចំនួន 130។ ហើយនេះជាមោទនភាពសម្រាប់ប្រទេសកម្ពុជាផងដែរ ដោយ CheckinMe មិនត្រឹមតែជួយផ្ដល់ការងារដល់ប្រជាជនខ្មែរ ជួយសេដ្ឋកិច្ចក្នុងស្រុក និងរកប្រាក់ចំណេញផ្ទាល់ខ្លួនប៉ុណ្ណោះទេ ប៉ុន្តែអាចលើកមុខមាត់កិត្តិយសប្រទេសកម្ពុជាទៅកាន់បរទេសទៀតផង។

គួរបញ្ជាក់ផងដែរថា កម្មវិធី Alibaba Cloud បានទទួលការដាក់ពាក្យចូលរួមពីក្រុមហ៊ុន StartUp ចំនួន 150 មកពីប្រទេសសាំងហ្គាពួរ ប្រទេសម៉ាឡេស៊ី ប្រទេសវៀតណាម ប្រទេសបាគីស្ថាន និងប្រទេសកម្ពុជា។ ក្រុមហ៊ុនដែលបានចូលរួមទាំងអស់ នឹងត្រូវឡើងធ្វើបទបង្ហាញពីផែនការវិនិយោគរបស់ខ្លួន ដើម្បីទទួលបានការបោះឆ្នោតពីគណៈកម្មការ។ ជាលទ្ធផលក្រុមហ៊ុនបច្ចេកវិទ្យារបស់កម្ពុជា ចំនួន 3 បានឆ្លងផុតរួចមកដល់វគ្គ50 និងវគ្គ 20ក្រុមចុងក្រោយ។

នៅថ្ងៃទី 29 ខែតុលា ឆ្នាំ2022 នេះ ការប្រកួតជុំចុងក្រោយនៅទីក្រុង Kuala Lumpur ប្រទេសម៉ាឡេស៊ី ដើម្បីស្វែងរកក្រុមហ៊ុន 3ចុងក្រោយ ហើយជាលទ្ធផលក្នុងចំណោមក្រុមហ៊ុន3 ចុងក្រោយ ក៏រួមមានក្រុមហ៊ុន CheckinMe ផងដែរ ដែលនឹងហោះទៅប្រកួតបន្តទៀតនៅប្រទេសចិន ដើម្បីរកអ្នកលេខ1 លេខ2 និងលេខ3 ដែលមានសិទ្ធិទទួលយកប្រាក់សម្រាប់វិនិយោគលើអាជីវកម្មរបស់ខ្លួន ដែលមានទុនសរុបក្នុងកម្មវិធីរហូតដល់ទៅ 100លានដុល្លារអាមេរិក។

ពាណិជ្ជកម្ម

ចំណុចសំខាន់ដែលធ្វើឱ្យម្ចាស់ម្ជូរវត្តភ្នំ 168 អាចលក់ជាហ្វេ្រនឆាយ និងទទួលបានពាន និងមេដាយ ចំនួន 3

Sann Thaven

លោកស្រីឡាំ សុដាណេ (លាភ ដាណេ) ម្ចាស់អាជីវកម្មម្ជូរវត្តភ្នំ 168 ទទួលបានពាន2 និងមេដាយ1 រួមមានពានក្លាយជាអ្នកដឹកនាំធុរកិច្ចកំពូល ពានទូតសុច្ឆន្ទៈឆ្នើម និងមេដាយសហគ្រិនឆ្នើមក្រោមអធិបតីភាព ឯកឧត្តមសេនីយ៍ឯក បណ្ឌិត ហ៊ុន ម៉ាណែត នៅក្នុងកម្មវិធីរាត្រីសមោសរជួបជុំម្ចាស់អាជីវកម្មកម្ពុជា CEO Award 2022 ដែលរៀបចំឡើងដោយ CEO Master Club។

បើយោងតាមប្រសាសន៍របស់លោកស្រីដាណេ គាត់បានប្រាប់ដល់ក្រុមការងាររបស់គំនិតថា “ពាននិងមេដាយដែលលោកស្រីទទួលបាននោះ គឺកើតចេញពីការខិតខំប្រឹងប្រែង ការហ៊ាន និងការតាំងចិត្តខ្ពស់ក្នុងការដឹកនាំចាត់ចែងធ្វើអាជីវកម្មពីលក្ខណៈធម្មតាឱ្យក្លាយជាអាជីវកម្មមួយដែលមានការទទួលស្គាល់ និងគាំទ្រខ្លាំងពីសំណាក់ប្រជាជនកម្ពុជា ព្រមទាំងអាចពង្រីកសាខារហូតដល់ 50សាខានាពេលបច្ចុប្បន្ននេះ។ បន្ថែមពីនេះ ក៏កើតចេញពីការជួយលើកកម្ពស់លើវិស័យកសិកម្មក្នុងស្រុក ក៏ដូចជាជួយផ្ដល់ឱកាសការងារដល់ប្រជាពលរដ្ឋខ្មែរបានច្រើនផងដែរ។”

គួរបញ្ជាក់ផងដែរថា លោកស្រីលាភដាណេមានការតស៊ូច្រើនណាស់ទម្រាំអាចពង្រីកអាជីវកម្មរបស់ខ្លួនបានច្រើនសាខា និងមានសន្ទុះការគាំទ្រខ្លាំងពីអតិថិជននាពេលបច្ចុប្បន្ន ដោយផ្ដើមចេញពីការជួលកន្លែងគេដើម្បីលក់ម្ជូររហូតមានទីតាំងផ្ទាល់ខ្លួនជាក់លាក់ ហើយក៏កំពុងពង្រីកខ្លួនក្លាយជាអាជីវកម្មលក់ហ្រ្វេនឆាយ ដោយមានការជួយជ្រោមជ្រែងពីឯកឧត្តមបណ្ឌិត តាន់ មុនីវណ្ណ ប្រធានសមាគមធុរកិច្ចអេឡិចត្រូនិក (CEA) និងអគ្គនាយករងក្រុមហ៊ុន ម៉ុង ប្ញទ្ធី គ្រុប។

បន្ថែមពីនេះ លោកស្រីលាភដាណេ តែងតែបន្តការសិក្សាជានិច្ចជាមួយនឹង CEO Master Club និងការអភិវឌ្ឍខ្លួនឥតឈប់ឈរ និងស្វែងរកជំនួយដើម្បីជួយជ្រោមជ្រែងនិងប្រឹក្សាបន្ថែម ក៏ដូចជាផ្សព្វផ្សាយបានយ៉ាងទូលំទូលាយនៃអាជីវកម្មម្ជូរវត្តភ្នំ 168 នេះ។

លក្ខណៈពិសេសដែលធ្វើឱ្យម្ជូរវត្តភ្នំ 168 កាន់តែមានភាពខុសប្លែកពីហាងលក់ម្ជូរធម្មតា និងអាចទាក់ទាញចិត្តអតិថិជនបានច្រើន រួមមាន៖

មានគ្រឿងច្រលក់ច្រើនជម្រើសសម្រាប់អតិថិជន រួមផ្សំជាមួយនឹងរសជាតិឆ្ងាញ់
ម្ជូរស្រស់ៗ គុណភាពល្អ ហើយមានតម្លៃសមរម្យ

ពាណិជ្ជកម្ម

គ្រាន់តែដាក់ដៃក្បែរម៉ាស៊ីន Pos ក៏អាចទូទាត់បាន តាមរយៈ PayBand ជាមួយ ធនាគារ អេស៊ីលីដា

Sann Thaven

ធនាគារអេស៊ីលីដា ត្រូវបានបង្កើតឡើងតាំងពីខែមករា ឆ្នាំ1993 ដោយតាំងនាមជាអង្គការជាតិសម្រាប់ការអភិវឌ្ឍសហគ្រាសខ្នាតតូច និងមធ្យម ហើយនៅឆ្នាំ2003 ទើបប្ដូរឈ្មោះជាផ្លូវការមកជា ធនាគារ អេស៊ីលីដា ភីអិលស៊ី។ បើក្រឡេកមកទីផ្សារលើវិស័យធនាគារនៅកម្ពុជានាពេលបច្ចុប្បន្នកំពុងមានការប្រកួតប្រជែងគ្នាយ៉ាងខ្លាំងលើការប្រើប្រាស់បច្ចេកវិទ្យា ដើម្បីអាចដណើមចំណែកទីផ្សារ និងបង្កើនភាពងាយស្រួលដល់អ្នកប្រើប្រាស់។ ទោះយ៉ាងនាពេលថ្មីៗនេះ ធនាគារអេស៊ីលីដា កំពុងមានការបង្កើតថ្មីនូវរបៀបនៃការទូទាត់ គឺ PayBrand។

PayBand គឺជាឧបករណ៍ឌីជីថលសម្រាប់ទូទាត់ថ្មី ទំនើប និងងាយស្រួល ដោយគ្រាន់តែដាក់ដៃក្បែរម៉ាស៊ីន POS ឬអេធីអឹម contactless ដើម្បីធ្វើការទូទាត់ប្រាក់ ឬធ្វើប្រតិបត្តិការផ្សេងៗគ្រប់ប្រភេទជាការស្រេចជាមួយធនាគារអេស៊ីលីដា។

បន្ថែមពីនេះ ដើម្បីទទួលបាន PayBand ដ៏ស្រស់ស្អាតនេះមួយដោយឥតគិតថ្លៃ រាល់ការដាក់ប្រាក់បញ្ញើចាប់ពី 1000ដុល្លារអាមេរិក ឬ 4លានរៀល ឬ 4ម៉ឺនបាត។ ដូច្នេះអ្នកអាចដាក់ប្រាក់បញ្ញើ ដើម្បីទទួលបាន PayBand មួយហ្វ្រីនៅគ្រប់សាខារបស់ធនាគារអេស៊ីលីដាទូទាំងប្រទេស។

អត្ថប្រយោជន៍នៃការប្រើប្រាស់ PayBand

អាចដាក់-ដកប្រាក់ និងធ្វើប្រតិបត្តិការផ្សេងៗគ្រប់ប្រភេទ ជាមួយអេធីអឹម អេស៊ីលីដា ដែលបំពាក់ប្រព័ន្ធ contactless
ងាយស្រួលទូទាត់ចំណាយផ្សេងៗ តាមម៉ាស៊ីន POS អេស៊ីលីដានៅតាមហាងលក់ទំនិញ-សេវាកម្មគ្រប់ប្រភេទ ទូទាំងប្រទេសកម្ពុជា
មានសុវត្ថិភាពខ្ពស់ជំនួសឱ្យការប្រើសាច់ប្រាក់សុទ្ធ

លក្ខខណ្ឌតម្រូវនៃការប្រើប្រាស់ PayBand

ជានីតិជន ដែលមានអាយុចាប់ពី ១៨ឆ្នាំ
អតិថិជនត្រូវមានគណនី (គណនីបញ្ញើសំចៃ គណនីចរន្ត ឬគណនីបញ្ញើតាមតម្រូវការ)
មានអត្តសញ្ញាណប័ណ្ណសញ្ជាតិខ្មែរ លិខិតឆ្លងដែន ឬឯកសារអត្តសញ្ញាណផ្សេងៗដែលមានសុពលភាព

ពាណិជ្ជកម្ម

ចំណុចដែលត្រូវយល់ដឹងអំពីផ្លូវល្បឿនលឿន

Sann Thaven

ផ្លូវល្បឿនលឿន គឺជាផ្លូវដែលត្រូវបានរចនាឡើងសម្រាប់រថយន្តធ្វើដំណើរក្នុងល្បឿនលឿន។ ផ្លូវល្បឿនលឿនភ្នំពេញ-ព្រះសីហនុ គឺជាផ្លូវល្បឿនលឿនដំបូងគេនៅកម្ពុជា មានប្រវែងសរុប 187.05គីឡូម៉ែត្រ លើល្បឿនកំណត់ 100គីឡូម៉េត្រក្នុងមួយម៉ោង។

ផ្លូវល្បឿនលឿន មានផ្លូវគន្លងចំនួន 4 ទិសខុសគ្នា ដែលត្រូវធ្វើដំណើរឆ្លងកាត់ទីក្រុងភ្នំពេញ ខេត្តកណ្ដាល ខេត្តកំពង់ស្ពឺ ខេត្តកោះកុង និងក្រុងព្រះសីហនុ។ បន្ទាប់ពីការបើកដំណើរការផ្លូវល្បឿនលឿនភ្នំពេញ-ព្រះសីហនុហើយ ចម្ងាយពីភ្នំពេញទៅព្រះសីហនុនឹងកាត់បន្ថយពី 5 ម៉ោងមកត្រឹមតែ 2 ម៉ោង ដែលនឹងកាត់បន្ថយថ្លៃដឹកជញ្ជូនយ៉ាងច្រើន និងជំរុញការអភិវឌ្ឍន៍សេដ្ឋកិច្ចនិងសង្គមតាមបណ្ដាញផ្លូវនេះ។ ផ្លូវល្បឿនលឿនពីភ្នំពេញ-ព្រះសីហនុ គឺត្រូវបានបំពាក់ដោយគ្រឿងបរិក្ខារសេវាកម្មយ៉ាងពេញលេញ ដូចជាមានស្ថានីយ៍បង់ប្រាក់ចំនួន 8 កន្លែងលុបបាត់ឧបសគ្គផ្លូវចំនួន 3 កន្លែងផ្ដល់សេវាកម្មចំនួន 4 កន្លែងចតរថយន្ត និងកន្លែងថែរទាំចំនួន 2 នៅលើខ្សែផ្លូវទាំងមូល។

ចំណុចសំខាន់នៃផ្លូវល្បឿនលឿន

1. ផ្លូវល្បឿនលឿនមានលើសពី 2 គន្លងក្នុងទិសតែមួយ

ផ្លូវធំអាចមានរហូតដល់ 5 គន្លងផ្លូវ។ ការបើកបរពីរផ្លូវដាច់ពីគ្នា ហើយមានបំណែកចែកទ្រូងផ្លូវនៅកណ្ដាល ដែលជួយបង្កើនសុវត្ថិភាពក្នុងការបើកបរបានយ៉ាងច្រើន។

2. ការគ្រប់គ្រងផ្លូវល្បឿនលឿន គឺមានរនាំងដែកមានលក្ខណៈបិទជិតទាំងស្រុង

បន្ថែមពីលើច្រកចូល និងច្រកចេញថេរ មានរនាំងបាំងនៅសងខាងផ្លូវ ហើយអ្នកថ្មើរជើង និងសត្វត្រូវបានហាមឃាត់មិនឱ្យឆ្លងកាត់លើផ្លូវដោយគ្មានការអនុញ្ញាត។ ចូលដោយគ្មានការអនុញ្ញាតនឹងត្រូវទទួលទោសធ្ងន់ធ្ងរ។ ជាការពិតណាស់ ផ្លូវល្បឿនលឿនមានច្រកចូល និងច្រកចេញពិសេស ដែលសុទ្ធសឹងជាផ្លូវស្ពានឆ្លងកាត់ ដូច្នេះអ្នកត្រូវយកចិត្តទុកដាក់លើផ្លាកសញ្ញាផ្លូវ ឬផ្លូវឆ្លងកាត់ ដើម្បីស្វែងរកផ្លូវចូល និងចេញក្នុងពេលបើកបរ។

3. អ្នកណានិងរថយន្តដែលមិនអាចចូលទៅក្នុងផ្លូវល្បឿនលឿនបាន

អ្នកថ្មើរជើង ម៉ូតូ ត្រាក់ទ័រ ឡានចូកដី រថយន្តដឹកអ្នកដំណើរ រ៉ឺម៉កសណ្ដោង និងយានជំនិះផ្សេងទៀតដែលមានល្បឿនអតិបរមាតិចជាង 70 គីឡូម៉ែត្រក្នុងមួយម៉ោង មិនត្រូវអនុញ្ញាតឱ្យចូលទៅក្នុងផ្លូវល្បឿនលឿនឡើយ។

ប្រភព៖ ទំព័រនៃផ្លូវល្បឿនលឿនភ្នំពេញ – ព្រះសីហនុ

ពាណិជ្ជកម្ម

តើជាអ្វីយុទ្ធសាស្ត្រទីផ្សារដំបូងគេរបស់ក្រុមហ៊ុន Nike?

Sann Thaven

ក្រុមហ៊ុន NIKE ត្រូវបានបង្កើតឡើងនៅថ្ងៃទី 25 ខែមករា ឆ្នាំ1964 មានឈ្មោះដំបូងថា “Blue Ribbon Sports” ដោយលោក Bill Bowerman និង Phil Knight បន្ទាប់មកប្ដូរឈ្មោះជា “NIKE” ជាផ្លូវការនៅថ្ងៃទី 30 ខែឧសភា ឆ្នាំ1971។

ការចាប់ផ្ដើមដំបូង គឺប្រើដើមទុនត្រឹមតែ 1000$ ប៉ុណ្ណោះ តាមរយៈការចរចាយកសិទ្ធិចែកចាយពីប្រេនកីឡាដ៏ល្បីរបស់ជប៉ុន។ ក្រោយៗមក លោកPhil Knight ជាមួយនឹងគ្រូបង្វឹករបស់ខ្លួនគឺលោក Bill Bowerman ក៏បម្លែងខ្លួនក្នុងការចាប់ផ្ដើមផលិតស្បែកជើងម៉ាកប្រេនថ្មីសម្រាប់ខ្លួនឯង ដោយក្នុងនោះពួកគាត់ក៏បានរកឃើញគំនិតថ្មីក្នុងការបង្កើតស្បែកជើង 2 ប្រភេទ គឺស្បែកជើងការ៉ាបប៉ុង និងស្បែកជើងបាតខ្យល់។ ចាប់តាំងពីពេលនោះមក NIKE មានការរីកចម្រើនឆាប់រហ័សដោយអាចវ៉ាដាច់ក្រុមហ៊ុនធំៗជាច្រើន។

តើក្រុមហ៊ុន NIKE បានប្រើយុទ្ធសាស្រ្តទីផ្សារអ្វីដំបូងគេនៅពេលចាប់ផ្ដើមម៉ាកយីហោផ្ទាល់ខ្លួន?

1. បង្កើតចំណាប់អារម្មណ៍អតិថិជនដំបូងគេ

ក្រុមហ៊ុន Nike បានបង្កើតស្បែកជើង Nike Moon ដំបូងគេបង្អស់ ដោយសារអំឡុងពេលនោះអតិថិជនភាគច្រើនមានចំណាប់អារម្មណ៍លើការរត់ និងលេងកីឡា ដូច្នេះ Nike បង្កើតស្បែកជើងប្រភេទនេះឡើងដើម្បីផ្ដល់ភាពងាយស្រួលក្នុងការពាក់រត់ និងមានប្រយោជន៍ខ្លាំងដោយមិនធ្វើឱ្យអ្នកពាក់មានការឈឺចុកចាប់ជើងនៅពេលរត់ជាដើម។ អំឡុងពេលនោះដែរ Nike ក៏ចាប់ផ្ដើមសម្រុកធ្វើការផ្សព្វផ្សាយលើអ្វីមួយដែលពួកគេជឿជាក់ ដោយមិនផ្ដោតខ្លាំងលើការផ្សព្វផ្សាយលក់ស្បែកជើងទេ។

ធ្វើបែបនេះ អតិថិជននឹងចាប់ផ្ដើមចាប់អារម្មណ៍លើការផ្សព្វផ្សាយនោះ ដោយមិនបានគិតផ្ដោតថា នោះជាការផ្សព្វផ្សាយលក់ស្បែងជើងឡើយ។

2. កំណត់យុទ្ធសាស្រ្តពឹងលើតម្រូវការអារម្មណ៍អតិថិជន

កាលពីឆ្នាំ 1970 មនុស្សកំពុងមានចំណាប់អារម្មណ៍ខ្លាំងលើផ្នែកកីឡា ដូចជារត់ជាដើម ដូច្នេះហើយ Nike ផ្ដោតខ្លាំងលើការធ្វើទីផ្សារពឹងផ្អែកលើតម្រូវការអារម្មណ៍របស់អតិថិជនរបស់ខ្លួន ដោយមិនមែនផ្ដោតលើការផ្សព្វផ្សាយលក់ឬប្រម៉ូតស្បែកជើងរបស់ខ្លួនខ្លាំងឡើយ។

យុទ្ធសាស្រ្តនោះ Nike បានបង្កើតនិន្នាការនៃការរត់ហាត់ប្រាណ ដើម្បីលើកកម្ពស់សុខភាពសរសៃឈាមបេះដូងប្រជាជន ហើយនិន្នការរត់នេះ បានធ្វើឱ្យមនុស្សចាប់ផ្ដើមមានតម្រូវការទិញស្បែកជើងសម្រាប់រត់ ហើយវាជាលទ្ធផលដ៏ល្អមួយសម្រាប់ក្រុមហ៊ុន Nike។

3. ផ្ដោតលើការលក់អត្ថប្រយោជន៍

លោក Bill Bowerman និងលោក Phil Knight ដែលជាសហស្ថាបនិកនៃក្រុមហ៊ុន Nike បានផ្ដោតលើការផ្សព្វផ្សាយទាំងឡាយណាបង្ហាញពីអត្ថប្រយោជន៍របស់ស្បែកជើងដែលវាជួយដល់អ្នកពាក់ ដូចជាស្បែកជើងរត់ដែលមានទម្ងន់ស្រាលបំផុត ដោយវាជួយឱ្យការរត់បានចម្ងាយឆ្ងាយ និងមានផាកសុភាពដល់អ្នកពាក់ទាំងអស់។

ពាណិជ្ជកម្ម

តើរបៀបដឹកនាំក្រុមហ៊ុនបែបណា ធ្វើឱ្យបុគ្គលិកលាឈប់ច្រើន?

Sann Thaven

របៀបនៃការដឹកនាំក្រុមហ៊ុន ថ្នាក់ដឹកនាំម្នាក់ៗតែងតែមានយុទ្ធសាស្រ្តដឹកនាំរៀងៗខ្លួន ក៏ប៉ុន្តែនៅមានចំណុចរួមមួយចំនួនដែលថ្នាក់ដឹកនាំគួរតែឈ្វេងយល់បន្ថែម និងចៀងវាង ដើម្បីអាចដឹកនាំក្រុមហ៊ុនឱ្យដំណើរការបានល្អ ហើយអាចរក្សាបុគ្គលិកឱ្យធ្វើការបានរយៈពេលវែងជាមួយក្រុមហ៊ុនពោរពេញដោយឆន្ទៈ ក្ដីស្រលាញ់ និងធ្វើអស់ពីសមត្ថភាពដែលមានក្នុងការសម្រេចគោលដៅសំខាន់ៗរបស់ក្រុមហ៊ុន ព្រមទាំងក៏ជួយពួកគេឱ្យរីកចម្រើនខ្លាំងផងដែរ។

តើអ្វីដែលអ្នកដឹកនាំគួរតែឈ្វេងយល់បន្ថែម និងចៀងវាង ដើម្បីដឹកនាំក្រុមហ៊ុនកុំឱ្យមានអាត្រាបុគ្គលិកលាឈប់ច្រើន?

1. ដឹកនាំដោយគ្មានទស្សនៈវិស័យច្បាស់លាស់

បើក្រុមហ៊ុនមួយគ្មានទស្សនៈវិស័យច្បាស់លាស់ទេ ការដឹកនាំនៅក្នុងក្រុមហ៊ុនក៏ពិបាក ដោយសារតែនឹងត្រូវមានការទាក់ទាញទិសដៅផ្សេងៗគ្នាជាច្រើននៅក្នុងស្ថាប័ន ជាហេតុធ្វើឱ្យក្រុមការងារទាំងអស់ចាប់ផ្ដើមវង្វេងទិសដៅរួមសម្រាប់ក្រុមហ៊ុន ហើយបែរមកធ្វើកិច្ចការងារទៅតាមទិសដៅ និងការយល់ឃើញរបស់ខ្លួនឯងវិញ។ ម្យ៉ាងវិញទៀត ក្រុមការងារនឹងធ្វើការងារអ្វីតាមតែថ្នាក់លើដាក់ឱ្យធ្វើតាមបុគ្គលម្នាក់ៗ ដោយគ្មាននរណារួបរួមសាមគ្នីគ្នាធ្វើការសម្រេចនូវគោលដៅរួមអ្វីឡើយ។

ការធ្វើបែបនេះ ស្ថាប័ននឹងមិនងាយសម្រេចគោលដៅធំណាមួយជាក់លាក់ឡើយ។ រីឯបុគ្គលិកដែលចង់ឃើញខ្លួនឯងរីកចម្រើន ឬក៏មានសមត្ថភាព ចាប់ផ្ដើមគិតគូររកកន្លែងការងារថ្មីដែលមានអនាគតវែងឆ្ងាយជាងនេះជាក់ជាមិនខាន។

ការធ្វើអ្វីក៏ដោយ ជាពិសេសការធ្វើអាជីវកម្ម ចាំបាច់ត្រូវតែមានទស្សនៈវិស័យមួយសម្រាប់ក្រុមហ៊ុន ឱ្យបានច្បាស់លាស់ ពីព្រោះវានឹងជួយឱ្យអ្នកដឹកនាំកាន់តែងាយស្រួលរៀបចំផែនការយុទ្ធសាស្រ្តធ្វើសកម្មភាពឱ្យត្រូវនឹងអ្វីដែលខ្លួនកំពុងឆ្ពោះទៅ ព្រមទាំងអាចព្យាករណ៍បញ្ហា និងដំណោះស្រាយទុកមុនផងដែរ។ អ្វីដែលសំខាន់ នៅពេលមានទស្សនៈវិស័យក្រុមហ៊ុនច្បាស់លាស់ ក្រុមការងារក៏ងាយស្រួលធ្វើការដើម្បីតម្រង់ទៅកាន់ទិសដៅមួយយ៉ាងពិតប្រាកដ ដូច្នេះគោលដៅរួមសម្រាប់ក្រុមហ៊ុននឹងឆាប់សម្រេចបាន។

2. ភាពលំអៀង និងបង្កើតភាពមិនទុកចិត្តគ្នា

អ្វីក៏ដោយតែងតែមានភាពលំអៀង ក៏ប៉ុន្តែក្នុងនាមជាអ្នកដឹកនាំត្រូវចេះតិចនិករៀងខ្លួនក្នុងការដឹកនាំ ដើម្បីបង្ហាញទៅកាន់ក្រុមការងារថា លទ្ធផលការងារបែបណា ទើបសក្តិសមនឹងទទួលបានរង្វាន់។ បន្ថែមពីនេះ ប្រសិនបើមានបុគ្គលិកខ្លាំងពូកែនៅក្នុងក្រុមហ៊ុន ហើយថ្នាក់ដឹកនាំតម្លើងប្រាក់ខែ ឬផ្ដល់ជារង្វាន់ ឬការឡើងតំណែង ច្បាស់ណាស់នឹងមានក្រុមការងារផ្សេងទៀតនឹងទទួលស្គាល់ការពិតថា បុគ្គលនោះសក្តិសមនឹងទទួលបាននូវអ្វីដែលថ្នាក់ដឹកនាំផ្ដល់ឱ្យពិតមែន។ ក៏ប៉ុន្តែមានការដឹកនាំខ្លះ បង្ហាញទៅកាន់ក្រុមការងារថា វាមិនយុត្តិធម៍សោះសម្រាប់អ្នកខិតខំធ្វើការ និងមានលទ្ធផលការងារល្អ ដោយមិនបានទទួលអ្វីសោះ បែរជាទទួលតំណែងល្អ និងរង្វាន់ផ្សេងៗលើបុគ្គលដទៃដែលគ្រាន់តែនិយាយឬអែមអបយកមុខជាដើម។ល។

សកម្មភាពទាំងនេះ វានឹងធ្វើឱ្យបុគ្គលិកដែលខិតខំធ្វើការនានា ចាប់ផ្ដើមរកផ្លូវក្រោយឱ្យខ្លួនឯង តាមរយៈស្វែងរកឱកាសការងារថ្មី។ រីឯបុគ្គលិកដទៃទៀតចាប់ផ្ដើមគិតពិចារណាផងដែរ ថាតើពួកគេនៅទីនេះដើម្បីអ្វីទៀត? តើពួកគេអាចរីកចម្រើនលឿនជាមួយការដឹកនាំបែបនេះឬទេ? ដូច្នេះពួកគេក៏ចាប់ផ្ដើមស្វែងឱកាសថ្មីនៅកន្លែងផ្សេងទៀត ដើម្បីទុកផ្លូវក្រោយសម្រាប់ដើរដូចគ្នា។

3. ចាំតែចាប់កំហុស និងរិះគន់បុគ្គលិក

ការបំពេញកិច្ចការងារតែងតែមានកំហុស ឬក៏មានផ្នែកខ្លះក្រុមការងារនឹកឃើញមិនដល់ ធ្វើមិនកើត ដូច្នេះក្នុងនាមជាអ្នកដឹកនាំត្រូវតែចេះរបៀបនៃការកែលម្អកំហុស និងជួយជ្រោមជ្រែងបន្ថែមដល់ក្រុមការងារឱ្យមានការខិតខំឡើងវិញ និងពង្រឹងសមត្ថភាព មិនមែនចាំតែចាប់កំហុស ឬក៏រិះគន់បុគ្គលិកទៅកាន់បុគ្គលផ្សេងៗឡើយ។ ធ្វើបែបនេះ បុគ្គលិកចាប់ផ្ដើមមានអារម្មណ៍មិនល្អជាមួយនឹងក្រុមហ៊ុន ហើយចាប់ផ្ដើមស្វែងរកឱកាសការងារថ្មី និងការដឹកនាំដែលល្អប្រសើរជាងនេះជាក់ជាមិនខាន។

ម្ចាស់ក្រុមហ៊ុន តែងតែមានជម្រើសក្នុងការជ្រើសរើសបុគ្គលិកបន្ថែម ឬជំនួសបាន ហើយបុគ្គលិកក៏មានជម្រើសក្នុងការជ្រើសរើសក្រុមហ៊ុនណាដែលមានការដឹកនាំពួកគេឱ្យរីកចម្រើនដូចគ្នា។ ហេតុដូច្នេះ ការដឹកនាំដ៏ល្អ ត្រូវតែចេះបង្ហាញឱ្យក្រុមការងារកាន់តែមានសមត្ថភាពខ្លាំង និងមានទំនុកចិត្តលើការដឹកនាំរបស់ខ្លួន នោះក្រុមហ៊ុននឹងឆាប់សម្រេចគោលដៅដូចគ្នា តាមរយៈការខិតខំប្រឹងប្រែងរបស់ក្រុមការងារដែលបំពេញការងារអស់ពីសមត្ថភាព។

ពាណិជ្ជកម្ម

អ្វីដែលអ្នកត្រូវដឹងពីបម្រែបម្រួលនៃការទិញផ្ទះ

ហាក់ គីមថុង

ទិញផ្ទះ ពីមុន និងឥឡូវវមិនដូចគ្នាទេ ហើយសម្រាប់អ្នកដែលចង់វិនិយោគ គឺត្រូវតែចេះបត់ខ្លួនទៅតាមសម័យកាលផងដែរ ព្រោះថា យុគសម័យមាសនៃការចំណេញលឿន មិនមែនចេះតែមានជានិរន្តនោះឡើយ។

យើងឃើញថា ការទិញផ្ទះមានការប្រែប្រួលទៅតាមសម័យកាលដូចខាងក្រោម

– ដំបូងឡើយ នៅពេលដែលជីវភាពយើងនៅខ្សត់ខ្សោយ យើងគ្រាន់តែចង់បានទីជម្រកមួយដែលមានដំបូល និងជញ្ជាំងគឺគ្រប់គ្រាន់ហើយ!

– នៅពេលដែលសេដ្ឋកិច្ចចាប់ផ្តើមមានសន្ទុះ និងទីផ្សារមិនទាន់ចាស់ទុំ ងាយស្រួលទិញលក់ចំណេញ ម្នាក់សង្វាតទិញទុកលក់វិញ ដោយសារតែងាយចំណេញស្រួល ដូចនេះម្នាក់ៗមិនសូវខ្វល់លើទីតាំង ម៉ូដ ហេដ្ឋារចនាសម្ព័ន្ធ ឬក៏គុណភាពប៉ុន្មានទេ។

– នៅពេលដែលទីផ្សារចាប់ផ្តើមចាស់ទុំ មនុស្សមានចំណូលច្រើន មានការផ្គត់ផ្គង់ច្រើន មានការប្រកួតប្រជែងច្រើន យើងចាប់ផ្តើមមានតម្រូវការកាន់តែខ្ពស់ ហើយត្រូវការទិញផ្ទះដើម្បីបំពេញចំណង់ មានសួន មានមានម៉ូដ និងដើម្បីឱកាសចំណេញខ្ពស់។

– នៅពេលដែលសេដ្ឋកិច្ចមានសភាពរាងយឺត ឬត្រឹង ការទិញផ្ទះរិតតែមានការប្រយ័ត្នប្រយែង ការទិញលក់ចំណេញលឿនគឺលែងមានទៀតហើយ ដូចនេះ យើងម្នាក់ៗមិនគួរទិញដោយរំពឹងខ្ពស់រឿងចំណេញលឿន តែផ្តោតខ្លាំងរឿងតម្រូវការចាំបាច់ ផ្តោតលើគុណភាពរឹងមាំ ផ្តោតលើទីតាំង ផ្តោតលើហេដ្ឋារចនាសម្ព័ន្ធស្អាត និងមានផាសុកភាព ព្រោះថាមនុស្សចាប់ផ្តើមកាន់តែមានតម្រូវការខ្ពស់ និងការចង់បានលើសមុន។

ដូចនេះ ការជ្រើសរើសផ្ទះ ទោះទុកចំណេញ ឬដើម្បីស្នាក់នៅក្នុងសម័យកាលបច្ចុប្បន្ន ត្រូវតែពិនិត្យពិច័យឲ្យបានល្អ ដើម្បីងាយស្រួលលក់ទៅវិញ!

ពាណិជ្ជកម្ម

តើ Alexandr Wang បានធ្វើអ្វីខ្លះ ទើបក្លាយជាមហាសេដ្ឋីទាំងវ័យក្មេង?

Sann Thaven

Alexandr Wang ជាកូនប្រុសរបស់ជនអន្តោរប្រវេសន៍ចិនទៅអាមេរិក ហើយលោកក៏បានបោះបង់ការសិក្សានៅមហាវិទ្យាល័យ បន្ទាប់ពីគាត់បានបង្កើត Scale Al ដែលជាក្រុមហ៊ុនជួយក្រុមហ៊ុនជាង 300 រួមទាំងក្រុមហ៊ុន General Motors, Flexport, Uber, Toyota, PayPal និង Airbnb បង្កើនប្រសិទ្ធភាពលើប្រព័ន្ធបញ្ញាសិប្បនិម្មិត។

នៅក្នុងឆ្នាំនេះ Alexandr Wang មានអាយុត្រឹមតែ 25 ឆ្នាំប៉ុណ្ណោះ ប៉ុន្តែមានទ្រព្យសម្បត្តិសុទ្ធសរុបចំនួន មួយពាន់លានដុល្លារ ហើយគាត់កាន់កាប់ 15% នៃScale ផងដែរ ដែលនេះគេចាត់ទុកថាជាមហាសេដ្ឋីវ័យក្មេងបំផុតដែលបង្កើតឡើងដោយខ្លួនឯង នេះបើយោងតាមទស្សនាវដ្តី Forbes។

គួរបញ្ជាក់ផងដែរថា ភាពជោគជ័យរបស់លោក Wang គឺកើតចេញពីចក្ខុវិស័យនៃភាពជាសហគ្រិនដ៏អង់អាចពិតៗ មិនមែនជោគជ័យដោយសារស្ថិតនៅក្នុងត្រកូលមួយល្បីល្បាញផ្នែកធ្វើអាជីវកម្ម ឬមានទ្រព្យសម្បត្តិច្រើននោះឡើយ។

តើ Alexandr Wang បានធ្វើអ្វីខ្លះ ទើបគាត់អាចក្លាយជាមហាសេដ្ឋីទាំងវ័យក្មេងបែបនេះ?

កាលនៅពីក្មេង លោក Wang ក៏ធ្លាប់បានបង្ហាញពីទេពកោសល្យផ្នែកគណិតវិទ្យា ដោយប្រកួតប្រជែងនៅក្នុងកម្មវិធី Olympiads និងកម្មវិធីប្រកួតប្រជែងនៅទូទាំងសហរដ្ឋអាមេរិក។ ចំណែកឪពុកម្តាយរបស់គាត់បានធ្វើការជាអ្នករូបវិទ្យាលើគម្រោងអាវុធសម្រាប់យោធារបស់សហរដ្ឋអាមេរិក ហើយលោក Wang បានធំធាត់នៅជិតមន្ទីរពិសោធន៍ជាតិ Los Alamos ក្នុងរដ្ឋ New Mexico ដែលជាកន្លែងសម្ងាត់របស់រដ្ឋាភិបាល គឺកន្លែងបង្កើតអាវុធនុយក្លេអ៊ែរដំបូងគេអំឡុងពេលសង្គ្រាមលោកលើកទីពីរ។ ចំពោះប្រភេទការងារដែលឪពុកម្តាយរបស់Wang កំពុងធ្វើ វាបានជះឥទ្ធិពលយ៉ាងខ្លាំងទៅលើទស្សនៈពិភពលោករបស់គ្រួសារគាត់ ដែលជាហេតុធ្វើឱ្យ លោក Wang សម្រេចចិត្តបម្លែងខ្លួនឱ្យក្លាយជាអ្នកសរសេរកម្មវិធី ហើយមានទស្សនៈវិស័យចង់ធ្វើឱ្យមានការផ្លាស់ប្តូរនៅក្នុងពិភពលោកនេះ។

នៅអាយុ 17 ឆ្នាំ Wang បានធ្វើដំណើរទៅកាន់ Silicon Valley ដើម្បីទទួលបានការងារជាអ្នកសរសេរកម្មវិធីនៅគេហទំព័រ Q&A Quora។ នៅកន្លែងធ្វើការ Wang បានជួបជាមួយ Lucy Guo ដែលជាបុគ្គលល្បីឈ្មោះម្នាក់នៅលើបណ្ដាញសង្គម និងក៏ជាអ្នកជិតខាងរបស់តារាល្បីៗ ដូចជា David Beckham។ Wang និង Guo ក៏ចាប់ផ្ដើមបង្កើត Scale Al ជាមួយគ្នា។

នៅអាយុ 19 ឆ្នាំ លោក Wang បានបង្កើត Scale Al ដែលមានមូលដ្ឋាននៅទីក្រុងសាន់ហ្វ្រាន់ស៊ីស្កូ ដើម្បីបង្កើនប្រសិទ្ធភាពប្រព័ន្ធបញ្ញាសិប្បនិម្មិត តាមរយៈជួយក្រុមហ៊ុននានាដាក់ទិន្នន័យជា Raw របស់ពួកគេធ្វើការសម្រាប់ AI និង Machine Learning។ Scale AI បានទាក់ទាញចំណាប់អារម្មណ៍ដល់ក្រុមហ៊ុនជាច្រើន ដែលកំពុងស្វែងរកការកែលម្អដំណើរការស្វ័យប្រវត្តិរបស់ពួកគេក្នុងការចម្លងយកសំឡេង ការទទួលស្គាល់រូបភាព និងការប្រមូលឯកសារ។

ការផ្ដល់មូលនិធិចំនួន 325 លានដុល្លារកាលពីឆ្នាំមុនបានវាយតម្លៃលើ Scale ដែលបង្កើតប្រាក់ចំណូលបានប្រមាណ 100 លានដុល្លារ ស្មើនឹង 7.3 ពាន់លានដុល្លារ ហើយភាគហ៊ុន 15% ដែល Wang កាន់កាប់មានតម្លៃស្មើនឹង មួយពាន់លានដុល្លារ ដែលធ្វើឱ្យគាត់ក្លាយជាមហាសេដ្ឋីទាំងវ័យក្មេង តាមរយៈការបង្កើតក្រុមហ៊ុនដោយខ្លួនឯង និងកើតចេញពីការខិតខំដោយផ្ទាល់ខ្លួន មិនមែនក្លាយជាមហាសេដ្ឋីដោយសារមានវង្សត្រកូលជាមហាសេដ្ឋីអ្វីឡើយ។

ពាណិជ្ជកម្ម

ហេតុអ្វីសហគ្រិនគ្រប់រូប ចាំបាច់ត្រូវតែពូកែជំនាញលក់?

Sann Thaven

ជំនាញលក់ ជាផ្នែកមួយសំខាន់ក្នុងការធ្វើអាជីវកម្ម ពីព្រោះប្រាក់ចំណូល និងប្រាក់ចំណេញ គឺកើតចេញពីប្រភបនៃការលក់ខ្លាំងជាងផ្នែកណាៗទាំងអស់។ បន្ថែមពីនេះ ប្រសិនបើសហគ្រិនពូកែលើជំនាញលក់កាន់តែខ្លាំង ក្រុមហ៊ុនក៏កាន់តែរីកចម្រើនផងដែរ តាមរយៈហេតុផលដែលបង្ហាញនៅខាងក្រោម។

1. ធ្វើឱ្យអ្នកក្លាយជាអ្នកដឹកនាំកាន់តែអស្ចារ្យ

ការក្លាយជាអ្នកដឹកនាំម្នាក់ដ៏អស្ចារ្យ លុះត្រាតែអ្នកនៅក្រោមបង្គាប់ទាំងអស់មានការគោរពស្រលាញ់ អនុវត្តន៍តាម និងយកធ្វើជាគំរូរបស់ពួកគេ។ ហេតុអ្វីជំនាញលក់ពាក់ព័ន្ធនឹងក្លាយជាអ្នកដឹកនាំដ៏អស្ចារ្យ? ពីព្រោះតែជំនាញលក់ អាចបញ្ចុះបញ្ចូលមនុស្សឱ្យធ្វើតាមអ្វីដែលខ្លួនចង់បាន និងមានសិល្បៈជាច្រើនក្នុងការចងចិត្តមនុស្សឱ្យជឿជាក់លើទស្សនវិស័យក្រុមហ៊ុន ក៏ដូចជាជឿជាក់លើខ្លួនឯង។

ម្យ៉ាងវិញទៀត នៅពេលដែលសហគ្រិនពូកែជំនាញលក់ខ្លាំង នោះពួកគេនឹងអាចដឹកនាំក្រុមការងារឱ្យពូកែផ្នែកលក់ដូចគ្នា ដូច្នេះក្រុមហ៊ុនក៏រីកចម្រើនតាមនោះដែរ ដោយសារតែប្រាក់ចំណូលនិងប្រាក់ចំណេញ វាបានមកពីប្រភពនៃការលក់ច្រើនជាងគេ។

2. កាន់តែយល់ច្បាស់ពីអតិថិជនគោលដៅ

នៅពេលដែលសហគ្រិនពូកែលើជំនាញលក់ខ្លាំង នោះពួកគេនឹងមានសមត្ថភាពយល់ច្បាស់ពីតម្រូវការ និងចេះពីវិធីជំរុញចិត្តអតិថិជនឱ្យសម្រេចចិត្តទិញលើអ្វីដែលពួកគេកំពុងតែលក់។ បន្ថែមពីនេះ ជំនាញលក់ នឹងជួយសហគ្រិនឱ្យមានគំនិតច្នៃប្រឌិតថ្មីៗក្នុងការរៀបចំយុទ្ធសាស្រ្តទីផ្សារ ដើម្បីអនុវត្តន៍ឱ្យមានប្រសិទ្ធភាពជាមួយនឹងក្រុមអតិថិជនគោលដៅរបស់ពួកគេ។

3. ទាក់ទាញវិនិយោគិន និងដៃគូសហការ

សហគ្រិន ជាបុគ្គលសំខាន់សម្រាប់ក្រុមហ៊ុន ពីព្រោះពួកគេជាអ្នកកំណត់ជោគវាសនារបស់ក្រុមហ៊ុន ថាត្រូវរីកចម្រើន ឬក៏ត្រូវដួលរលំ ដោយអាស្រ័យលើសកម្មភាពដឹកនាំគ្រប់គ្រងចាត់ចែងទាំងមូលនៅក្នុងក្រុមហ៊ុន។ បន្ថែមពីនេះ សហគ្រិនក៏ជាបុគ្គលដែលអាចលក់អ្វីក៏បាន ដូចជាលក់គំនិតអាជីវកម្មទៅឱ្យវិនិយោគិនដែលមានសក្តានុពលដើម្បីទទួលបានដើមទុនបន្ថែម ចេះបង្ហាញពីគំនិតអាជីវកម្មទៅកាន់បុគ្គលមានសមត្ថភាព ឬស្ថាប័នដែលមានសក្ដានុពលខ្ពស់ដើម្បីអាចក្លាយជាដៃគូសហការនឹងគ្នា លក់ផលិតផលឬសេវាកម្មដល់អតិថិជន និងការចេះកសាងទំនុកចិត្តជាមួយនឹងបុគ្គលិក។

ហេតុដូចនេះ សហគ្រិនត្រូវតែមានជំនាញលក់ឱ្យបានខ្លាំង ដើម្បីមានសមត្ថភាពក្នុងការទាក់ទាញវិនិយោគិន ដៃគូសហការ បង្កើនអតិថិជនបានច្រើន បង្កើនសមត្ថភាពក្រុមលក់ក្នុងក្រុមហ៊ុន និងទាញទំនុកបានខ្លាំងជាមួយក្រុមការងារ។

ពាណិជ្ជកម្ម

ហេតុអ្វីធនាគារជាតិនៃកម្ពុជាចាំបាច់បង្កើត “បាគង”?

Sann Thaven

នៅប្រទេសកម្ពុជានាពេលបច្ចុប្បន្ននេះ កំពុងសម្បូរទៅដោយធនាគារ ដូចជាធនាគារ ABA កាណាឌីយ៉ា អេស៊ីលីដា កម្ពុជាសាធារណៈ ស្ថាបនា និងជាច្រើនទៀត ដូច្នេះប្រជាជនកម្ពុជាទាំងអស់មិនមែនសុទ្ធតែប្រើប្រាស់គណនីធនាគារដូចគ្នាទាំងអស់ឡើយ ជាហេតុនៅពេលទូទាត់សាច់ប្រាក់ខុសគណនីធនាគារគ្នា ខាងធនគារនឹងធ្វើការកាត់សាច់ប្រាក់មួយចំនួនអាស្រ័យលើធនាគារ។ ហេតុនេះដើម្បីបង្កភាពងាយស្រួលកាន់តែខ្លាំង លោកស្រី ជា សិរី ដែលជាអគ្គនាយិកាបច្ចេកទេសធនាគារជាតិនៃកម្ពុជា ក៏មានគំនិតផ្ដួចផ្ដើមបង្កើត “បាគង” ឡើង។

បាគង គឺជាប្រព័ន្ធទូទាត់បែបទំនើបថ្មីមួយ ដោយតភ្ជាប់ធនាគារ គ្រឹះស្ថានហិរញ្ញវត្ថុ និងក្រុមហ៊ុនផ្តល់សេវាទូទាត់នៅកម្ពុជា ដើម្បីអនុញ្ញាតឱ្យអតិថិជនអាចធ្វើប្រតិបត្តិការហិរញ្ញវត្ថុតាមរយៈកម្មវិធីទូរស័ព្ទពីធនាគារមួយទៅធនាគារមួយផ្សេងទៀត ឬពីក្រុមហ៊ុនផ្តល់សេវាទូទាត់ណាមួយទៅសមាជិកដទៃទៀតជាមួយនឹងភាពងាយស្រួល ឆាប់រហ័ស សុវត្ថិភាព និងចំណាយតិច។

បន្ថែមពីនេះ បាគង កំពុងតែមានពីធនាគារក្នុងស្រុកចំនួន 40 ធនាគារចូលជាសមាជិករបស់បាគង ដើម្បីបង្កើនភាពងាយស្រួលដល់អតិថិជនរបស់ពួកគេក្នុងការទូទាត់សាច់ប្រាក់ ដោយមានតែ QR Code តែមួយពីបាគង ក៏អាចឱ្យអតិថិជនធ្វើការទូទាត់សាច់ប្រាក់បានដោយគ្មានគិតថ្លៃសេវាបន្ថែម ទោះបីជាអតិថិជនប្រើគណនីធនាគារអ្វីក៏ដោយ។

វិធីដ៏ងាយស្រួលនិងឆាប់រហ័សដើម្បីចុះឈ្មោះ

ពាណិជ្ជកម្ម

ឱកាសល្អសម្រាប់អ្នកត្រៀមខ្លួនបើកអាជីវកម្ម កុំភ្លេចចូលរួម ពិព័រណ៍មុខរបរ នៅថ្ងៃទី29-30 ខែតុលានេះ

Sann Thaven

ពិព័ណ៍មុខរបរ ជាកម្មវិធីដ៏ល្អសម្រាប់អ្នកត្រៀមខ្លួនបើកអាជីវកម្មផ្ទាល់ខ្លួន និងអ្នកដែលមានបំណងចង់សហការទិញហ្រ្វេនឆាយពីអាជីវកម្មដែលខ្លួនពេញចិត្ត។ ពិព័ណ៍មុខរបរប្រចាំឆ្នាំ 2022 នេះត្រូវបានរៀបចំឡើងដោយលោក សំ កុសល ស្ថាបនិកនៃ Business Cambodia ព្រមទាំងមានការឧបត្ថម្ភដ៏សំខាន់ពីលោក ម៉ង់ វណ្ណឌី ស្ថាបនិកនៃក្រុមហ៊ុន BizAdvisor។

នៅក្នុងពិព័ណ៍នោះចាប់ផ្ដើមនៅថ្ងៃទី29-30 ខែតុលា ឆ្នាំ2022 ពីម៉ោង 8:00AM – 8:00PM នៅ Factory Phnom Penh ដោយមានការធ្វើបទបង្ហាញគំនិតអាជីវកម្មថ្មីៗ ស្តង់អាហារនិងអាជីវកម្មជាង50ស្តង់ សិក្ខាសាលាមានវាគ្មិន11រូបចែករំលែកគំរូនិងបទពិសោធន៍អាជីវកម្ម ហើយក៏មានការចែកសៀវភៅចំនួន 3,000 ក្បាល ពីក្រុមការងាររបស់ Business Cambodia។

បន្ថែមពីនេះ កាលពីថ្ងៃទី 6 ខែតុលា ឆ្នាំ2022 ក្រុមការងាររបស់ Business Cambodia បានរៀបចំសន្និសិទកាសែត ពិព័រណ៍មុខរបរ 2022 Startup Expo 2022 ក្នុងនោះ លោកម៉ង់ វណ្ណឌី ក៏បានមានប្រសាសន៍ថា “មូលហេតុដែល BizAdvisor សម្រេចចិត្តចូលរួមជាផ្នែកមួយក្នុងកម្មវិធីដ៏ល្អមួយនេះ ដោយសារតែយើងមើលឃើញពីគោលបំណងរួមមួយរវាង Business Cambodia និង BizAdvisor ក្នុងការបង្កើនគុណតម្លៃ និងប្រសិទ្ធភាពនៃការធ្វើអាជីវកម្មនៅក្នុងប្រទេសកម្ពុជាឱ្យមានលក្ខណៈល្អប្រសើរឡើង។ ហេតុដូច្នេះហើយពិព័ណ៍មុខរបរឆ្នាំ 2022 នេះ នឹងផ្ដល់ឱកាសដល់ម្ចាស់អាជីវកម្មទាំងខ្នាតតូច និងមធ្យមអាចធ្វើការបង្ហាញពីផលិតផលសេវាកម្មរបស់ខ្លួនទៅកាន់សាធារណៈជនដែលចូលរួមក្នុងពិព័ណ៍មុខរបរនេះ។”

ព័ត៌មានលម្អិត៖ https://www.facebook.com/profile.php?id=100082995109156

ពាណិជ្ជកម្ម

តើអ្វីជាយុទ្ធនាការថ្មីរបស់ H&M ក្នុងរដូវកាលបុណ្យឆ្នាំ 2022?

Sann Thaven

រដូវកាលបុណ្យចុងឆ្នាំជាពេលវេលាដែលមនុស្សគ្រប់គ្នាទទឹងរងចាំ ដើម្បីបានឈប់សម្រាកពីកិច្ចការងារទាំងអស់ ហើយមកជួបជុំគ្នាជាមួយនឹងមនុស្សជិតស្និទ្ធ ក្រុមគ្រួសារ និងមិត្តភក្តិ។ ជាក់ស្ដែងថ្មីៗនេះ ក្រុមហ៊ុនសម្លៀកបំពាក់ម៉ាកយីហោដ៏ធំ H&M ក្នុងប្រទេសឥណ្ឌាទាំង 49 ហាង កំពុងធ្វើឱ្យប្រជាជនឥណ្ឌាសម្រុកមកទិញសម្លៀកបំពាក់សម្រាប់រដូវកាលបុណ្យសម្រាប់ឆ្នាំនេះ ពី H&M យ៉ាងច្រើនកោះករ តាមរយៈយុទ្ធនាការថ្មីរបស់ក្រុមហ៊ុន H&M គឺការផ្តល់ជូននូវអាវធំ អាវយឺត រ៉ូប សំពត់ ខោ និងជាច្រើនទៀតដែលបានរចនាឡើងសម្រាប់ការប្រារព្ធពិធី ហើយវាក៏បានធ្វើឱ្យអ្នកគ្រប់គ្នាមានការភ្ញាក់ផ្អើលជាខ្លាំង។

ចំពោះយុទ្ធនាការថ្មីរបស់ H&M មានឈ្មោះថា “A Brighter Than Ever Celebration” ដែលសំដៅថា រដូវកាលបុណ្យឆ្នាំនេះ H&M នឹងធ្វើឱ្យអតិថិជនទាំងអស់មានភាពស្រស់ស្រាយ អារម្មណ៍ត្រចេះត្រចង់ និងស្ថិតនៅក្នុងភាពភ្លឺមួយដ៏រីករាយជាមួយមនុស្សជាទីស្រលាញ់ ក្រុមគ្រួសារ និងមិត្តភក្តិ។

ចំណុចពិសេសនៃយុទ្ធនាការថ្មីរបស់ H&M

ធ្វើឱ្យមនុស្សមានការរំជើបរំជួល តាមរយៈការបង្ហាញពីការស្លៀកសម្លៀកបំពាក់បែបទាន់សម័យ និងមានស្ទាយឡូយៗ ព្រមទាំងបង្ហាញពីភាពរីករាយយ៉ាងខ្លាំងក្នុងការជួបជុំគ្រួសារ មិត្តភក្តិ និងការចូលរួមកម្មពិធីជប់លៀងបែបសប្បាយ។
ការមានលក្ខណៈពិសេសលើសម្លៀកបំពាក់បុរស ស្ត្រី កុមារ និងរចនាសម្លៀកបំពាក់ប្រចាំថ្ងៃដែលមានតម្លៃសមរម្យរួមជាមួយនឹងម៉ូដបែបទាន់សម័យ។

ចំពោះយុទ្ធនាការថ្មីបានធ្វើឱ្យការលក់រាយរបស់ H&M កំពុងមានសន្ទុះនៃការលក់បានច្រើនសម្រាប់ឱកាសពិធីបុណ្យក្នុងឆ្នាំ 2022 នេះ។

ទស្សនាវីដេអូ តាមរយៈតំណភ្ជាប់ខាងក្រោម៖

https://www2.hm.com/en_in/life/culture/inside-h-m/festive-2022.html

ពាណិជ្ជកម្ម

តើទីផ្សាររថយន្តអគ្គិសនីរបស់ចិន នឹងបន្តរីកចម្រើនឬទេនាពេលអនាគត?

Sann Thaven

កាលពីប្រាំឆ្នាំមុន ទីក្រុងប៉េកាំងនៃប្រទេសចិន បានបង្ហាញផែនការហាមឃាត់ការដាក់ឱ្យប្រើប្រាស់តាក់ស៊ីដំណើរការដោយឥន្ធនៈហ្វូស៊ីល ដែលជាហេតុធ្វើឱ្យសព្វថ្ងៃនេះ រថយន្តរាប់ពាន់គ្រឿងត្រូវប្រើថ្មជំនួសវិញ។ ដូច្នេះអ្នកបើកបរយានយន្តអគ្គិសនី (EVs) មិនចាំបាច់ព្រួយបារម្ភអំពីការខ្ជះខ្ជាយពេលវេលានៅឯស្ថានីយ៍សាកថ្មទៀតឡើយ ដោយគ្រាន់តែទៅស្ថានីយប្តូរថ្ម ដើម្បីដំឡើងសាកថ្មមួយផ្សេងទៀតក្នុងរយៈពេលត្រឹមតែប៉ុន្មាននាទីប៉ុណ្ណោះ។ ហើយទាំងនេះគ្រាន់តែជាផ្នែកមួយនៃទីផ្សារដ៏សម្បូរបែប និងកំពុងរីកចម្រើនសម្រាប់រថយន្តអគ្គិសនីនៅក្នុងប្រទេសចិន។

កាលពីខែកក្កដា ឆ្នាំ2022 នេះ សមាគមរថយន្តដឹកអ្នកដំណើរចិនបានព្យាករណ៍ថា រថយន្ត EV ថ្មីចំនួន 6 លានគ្រឿងនឹងត្រូវបានចុះបញ្ជីនៅក្នុងប្រទេសចិន ដែលជាការពិនិត្យឡើងវិញនៃការព្យាករណ៍ពីមុនរបស់ខ្លួនចំនួន 5.5 លាន EV ដែលនឹងត្រូវលក់នៅឆ្នាំនេះ។ គួរបញ្ជាក់ផងដែរថា ជិតមួយភាគបួននៃរថយន្តទាំងអស់ដែលបានចុះបញ្ជីថ្មីនៅក្នុងប្រទេសចិនបច្ចុប្បន្ននេះ គឺសុទ្ធតែជារថយន្តកូនកាត់អគ្គិសនី ឬដោតឌុយ ដែលវាបង្ហាញថា ប្រទេសចិនកំពុងនាំមុខអឺរ៉ុប និងនាំមុខសហរដ្ឋអាមេរិកក្នុងការទទួលយកបច្ចេកវិទ្យាថ្មីៗទាំងនេះ។ បន្ថែមពីនេះ ចំនួនពាក់កណ្តាលនៃរថយន្ត EV របស់ពិភពលោកត្រូវបានលក់នៅក្នុងប្រទេសចិន។ នេះបើយោងតាមការផ្សព្វផ្សាយនៅលើគេហទំព័រ BBC ។

ទោះបីជាទីផ្សាររថយន្តអគ្គិសនីរបស់ប្រទេសចិនកំពុងមានការរីកចម្រើនខ្លាំងក៏ដោយ ក៏វាកំពុងមានការប្រកួតប្រជែងខ្លាំងផងដែរ ដោយមានក្រុមហ៊ុនជាច្រើនកំពុងប្រជែងគ្នាដណ្តើមយកទីផ្សាររថយន្តអគ្គីសនីនេះ។ សូម្បីតែក្រុមហ៊ុនអាកាសចរណ៍មួយឈ្មោះ Juneyao ក៏ចង់ចាប់ផ្តើមផលិតរថយន្តអគ្គិសនីផងដែរ នេះបើយោងតាមការចុះផ្សាយរបស់ទីភ្នាក់ងារសារព័ត៌មាន Reuters នាពេលថ្មីៗនេះ។

កត្តាទាំងនេះហើយ ទើបមានសំណួរចោទធំៗចំនួនពីរ គឺទី1. តើភាពរីកចម្រើនលើទីផ្សាររថយន្តអគ្គិសនីរបស់ប្រទេសចិននឹងមានភាពស្ថិតស្ថេរឬទេ? និងទី2. តើវានឹងធ្វើឱ្យទីផ្សាររថយន្តអគ្គិសនីពិភពលោកមានលក្ខណៈបែបណា?

Ana Nicholls នាយកផ្នែកវិភាគឧស្សាហកម្មនៅ Economist Intelligence Unit បាននិយាយថា “វាពិបាកក្នុងការមើលឃើញថាតើទីផ្សារ EV អាចបន្តពង្រីកបានក្នុងអត្រាបែបណានាពេលអនាគត” ។

ពាណិជ្ជកម្ម

ប្រវត្តិនៃការបង្កើតទូរស័ព្ទដំបូងគេបំផុតលើពិភពលោក

Sann Thaven

ទូរស័ព្ទចល័តដំបូងគេបំផុតនៅលើពិភពលោកត្រូវបានបង្កើតនៅឆ្នាំ 1973 ដោយក្រុមហ៊ុន Motorola កាលពីថ្ងៃទី 3 ខែមេសា ឆ្នាំ 1973 ដែលមានលោក Martin Cooper វិស្វករជនជាតិអាមេរិក ជាអ្នកដឹកនាំក្រុមក្នុងការបង្កើតទូរស័ព្ទដៃដំបូងគេ គឺទូរស័ព្ទចល័តស៊េរី DynaTAC 8000X មានទម្ងន់ 2.4 lb (1.1 គីឡូក្រាម) និងប្រវែង 9.1 x 5.1 x 1.8 in (23 x 13 x 4.5 cm) ហើយទូរស័ព្ទនេះ មានរយៈពេលនិយាយត្រឹមតែ 30នាទីប៉ុណ្ណោះ និងត្រូវការរយៈពេល 10 ម៉ោងដើម្បីបញ្ចូលថ្ម។ ចំពោះតម្លៃវិញ ទូរស័ព្ទ DynaTAC មានតម្លៃ $3,995 ដែលស្មើនឹង $10,000 នាពេលសព្វថ្ងៃនេះ។

ដើមហេតុចម្បងនៃការបង្កើតទូរស័ព្ទដៃដំបូងគេ

នៅឆ្នាំ 1950 លោក Martin Cooper បានបញ្ចប់ថ្នាក់បរិញ្ញាបត្រផ្នែកវិស្វកម្មអគ្គិសនីពីវិទ្យាស្ថានបច្ចេកវិទ្យា Illinois (IIT) នៅទីក្រុង Chicago។

នៅឆ្នាំ 1954 លោក Cooper បានចាប់ផ្តើមធ្វើការនៅក្រុមហ៊ុន Motorola ដោយគាត់បានធ្វើការលើគម្រោងជាច្រើនពាក់ព័ន្ធនឹងការទំនាក់ទំនងឥតខ្សែ ដូចជាប្រព័ន្ធភ្លើងចរាចរណ៍ដែលគ្រប់គ្រងដោយវិទ្យុដំបូងគេនៅឆ្នាំ 1960 និងវិទ្យុប៉ូលីសយួរដៃដំបូងគេបង្អស់នៅឆ្នាំ 1967។ ក្រោយមកគាត់បានធ្វើជាអនុប្រធាន ជានាយកស្រាវជ្រាវ និងអភិវឌ្ឍន៍ (1978-83) សម្រាប់ក្រុមហ៊ុន។ បន្ថែមពីនេះ គាត់ក៏បានទទួលសញ្ញាប័ត្រអនុបណ្ឌិតផ្នែកវិស្វកម្មអគ្គិសនីពី IIT កាលពីឆ្នាំ 1957 ផងដែរ។

នៅក្នុងឆ្នាំ 1946 ទូរស័ព្ទចល័តត្រូវបានណែនាំឱ្យប្រើប្រាស់ដំបូងដោយក្រុមហ៊ុនទូរគមនាគមន៍ និងតេឡេក្រាមអាមេរិក (AT&T) ដោយទូរស័ព្ទនោះមានតែ11-12 ប៉ុស្ដិ៍ប៉ុណ្ណោះដែលអាចប្រើប្រាស់បានក្នុងការទំនាក់ទំនងគ្នា ដូច្នេះអ្នកប្រើប្រាស់ជារឿយៗត្រូវរង់ចាំដើម្បីប្រើប្រាស់ប្រព័ន្ធនេះ។ ភាពទន់ខ្សោយមួយទៀតនៃទូរស័ព្ទដែលណែនាំដោយ AT&T គឺត្រូវការថាមពលដើម្បីដំណើរការបានដោយត្រូវផ្គត់ផ្គង់ដោយថ្មរថយន្តតែប៉ុណ្ណោះ។ កត្តានេះធ្វើឱ្យមិនមានទូរស័ព្ទចល័តពិតប្រាកដក្នុងការប្រើប្រាស់ ដោយមានតែទូរស័ព្ទរថយន្តប៉ុណ្ណោះ។

ក្រុមហ៊ុន Motorola មិនចង់ឱ្យ AT&T មានភាពសិទ្ធិផ្តាច់មុខលើទូរសព្ទដៃនោះទេ ដូច្នេះក្រុមហ៊ុនក៏ផ្ដល់ទំនួលខុសត្រូវលើគម្រោងបន្ទាន់ដើម្បីអភិវឌ្ឍន៍ទូរស័ព្ទដៃមកលើលោក Cooper។ លោក Cooper ក៏ចាប់ផ្ដើមគិតថា ទូរស័ព្ទមិនគួរប្រើប្រាស់បានតែនៅលើឡានទេ គួរតែអាចដាក់តាមខ្លួនបាន ដូច្នេះហើយ ជាលទ្ធផល គាត់បានផលិតទូរស័ព្ទដៃដែលអាចផ្ដាច់ចេញពីរថយន្ត ហើយអាចដាក់តាមខ្លួនបាន គឺទូរស័ព្ទស៊េរីដំបូងគេឈ្មោះថា DynaTAC។ បន្ទាប់មក លោក Cooper ចាប់ផ្ដើមធ្វើតេស្តសាកល្បងក្នុងការដំណើរការទូរស័ព្ទដៃនោះ ដោយគាត់បានធ្វើការខលទំនាក់ទំនងជាសាធារណៈលើកដំបូងទៅកាន់ វិស្វករ Joel Engel ដែលជាប្រធានគម្រោងគូប្រជែងរបស់ AT&T ហើយជាលទ្ធផលវាពិតជាដំណើរការពិតប្រាកដមែន ដែលជាភាពជោគជ័យរបស់លោក Cooper។

នៅថ្ងៃទី 3 ខែមេសា ឆ្នាំ 1973 លោក Cooper បានធ្វើការណែនាំទូរស័ព្ទ DynaTAC នៅក្នុងសន្និសីទសារព័ត៌មាននៅទីក្រុងញូវយ៉ក។

ពាណិជ្ជកម្ម

តើ Foodpanda រកលុយបានពីប្រភពណាខ្លះ?

Sann Thaven

Foodpanda គឺជាវេទិកាសម្រាប់កម្ម៉ង់ និងដឹកអាហារ គ្រឿងទេសជាច្រើនតាមតម្រូវការនៅលើអ៊ីនធឺណិត ហើយគ្រប់គ្រងដោយលោក Delivery Hero។ បន្ថែមពីនេះ អ្វីដែលជាអត្ថប្រយោជន៍ខ្លាំងបំផុតនៃគំរូអាជីវកម្ម Foodpanda ផ្ដល់ជូនអតិថិជននោះគឺ ជួយបំពេញតម្រូវការដែលកំពុងកើនឡើងសម្រាប់សេវាកម្មដឹកជញ្ជូនអាហារតាមអ៊ីនធឺណិតកម្រិតខ្ពស់ ការគ្រប់គ្រងអាជីវកម្មឱ្យកាន់តែប្រសើរ ការចូលរួមរបស់អ្នកប្រើប្រាស់ និងគាំទ្រភោជនីដ្ឋានក្នុងស្រុក។

សកម្មភាពជាច្រើនដែលក្រុមហ៊ុនយក្សមួយនេះបានធ្វើទាំងទីផ្សារ និងប្រតិបត្តិការសំខាន់នានាក្នុងការអាជីវកម្ម ដើម្បីធ្វើឱ្យ Foodpanda កាន់តែរីកចម្រើនខ្លាំងនៅលើទីផ្សារពិភពលោក។ ទោះបីជាយ៉ាងនេះក្ដី តើអ្នកដឹងទេថា Foodpanda បានរកប្រាក់ចំណូលពីប្រភពណាខ្លះ? ខ្លឹមសារខាងក្រោមនេះ នឹងបង្ហាញ។

1. ថ្លៃចុះឈ្មោះភោជនីយដ្ឋាន

គ្រប់ភោជនីដ្ឋានទាំងអស់ដែលចង់ដាក់លក់ជាមួយវេទិកា Foodpanda គឺក្រុមហ៊ុន Foodpanda ទាមទារឱ្យភោជនីដ្ឋាននោះធ្វើការបង់ថ្លៃលើការចុះឈ្មោះជាមុនសិន។ ចំពោះតម្លៃនៃការចុះឈ្មោះ គឺចន្លោះពី 100$ ទៅ 150$។

2. កម្រៃជើងសារ (Commission)

ភោជនីយដ្ឋានត្រូវបង់កម្រៃជើងសារទៅឱ្យ Foodpanda រាល់ការបញ្ជាទិញនីមួយៗដែលពួកគេទទួលបានតាមរយៈវេទិកា។ ពួកគេត្រូវបង់ពី 15 ទៅ 25% ទៅឱ្យ Foodpanda ជាមួយនឹងពន្ធទាំងអស់។ កម្រៃជើងសារ ត្រូវបានកំណត់ដោយផ្អែកលើទីតាំងរបស់ភោជនីយដ្ឋាន បរិមាណ និងប្រភេទនៃការបញ្ជាទិញដែលភោជនីយដ្ឋានទទួលបាននៅលើវេទិការបស់ Foodpanda។

3. ថ្លៃដឹកជញ្ជូន

រាល់អតិថិជនដែលបញ្ជាទិញតាមរយៈវេទិកា Foodpanda គឺត្រូវគិតថ្លៃដឹកជញ្ជូនទាំងអស់ ដោយថ្លៃដឹកជញ្ជូននេះអាស្រ័យលើចម្ងាយដែលត្រូវធ្វើដំណើររវាងអតិថិជន និងទីតាំងភោជនីយដ្ឋាន។

4. ការផ្សាយពាណិជ្ជកម្ម

ម្ចាស់អាជីវកម្មជាច្រើននាក់ដែលប្រើប្រាស់ Foodpanda ដើម្បីផ្សាយពាណិជ្ជកម្មក្នុងគោលបំណងជួយពួកគេឱ្យបង្កើនភាពមើលឃើញដល់អតិថិជន។ អាជីវកម្មទាំងនោះ ត្រូវបង់ថ្លៃថេរ ដើម្បីផ្សាយពាណិជ្ជកម្មម៉ាករបស់ខ្លួននៅលើវេទិកា Foodpanda។

5. ការជាវ (Subscriptions)

ក្រុមហ៊ុន Foodpanda បានបង្កើត Pandapro ដែលវាត្រូវបានផ្តល់នូវកម្មវិធីជាវប្រចាំខែសម្រាប់អ្នកប្រើប្រាស់ទាំងអស់ ដោយអនុញ្ញាតឱ្យពួកគេទទួលបានកិច្ចព្រមព្រៀង និងអត្ថប្រយោជន៍ផ្តាច់មុខ។ ចំពោះអត្ថប្រយោជន៍ រួមមានការដឹកជញ្ជូនដោយឥតគិតថ្លៃ ការចូលទៅកាន់ការបញ្ចុះតម្លៃ និងប័ណ្ណទូទាត់ផ្សេងៗ។ បន្ថែមពីនេះ ចំពោះតម្លៃនៃការជាវ (Subscriptions) គឺគិតថ្លៃអាស្រ័យលើប្រទេស រស់នៅរបស់អតិថិជន។

6. ប្រាក់ចំណូលសម្ព័ន្ធ

នៅក្នុងចំណុចនេះ សំដៅលើការរកប្រាក់ចំណូលតាមរយៈ Foodpanda បង្កើតការណែនាំលើប័ណ្ណឥណទានផ្សេងៗរបស់ធនគារ ដើម្បីជំរុញប្រតិបត្តិការ ការផ្តល់ជូនពិសេស និងការបញ្ចុះតម្លៃលើកាតរបស់ធនាគារទាំងនោះ។

ពាណិជ្ជកម្ម

ហេតុអ្វីហាងកាហ្វេ Costa ពេញនិយមបំផុតនៅចក្រភពអង់គ្លេស?

Sann Thaven

ហាងកាហ្វេ Costa មិនត្រឹមតែមានភាពពេញនិយមបំផុតនៅចក្រភពអង់គ្លេសប៉ុណ្ណោះនោះទេ ប៉ុន្តែក៏មានប្រជាប្រិយភាពលំដាប់ពិភពលោកផងដែរ។ ហាងកាហ្វេ Costa បានបង្កើតឡើងតាំងពីឆ្នាំ 1971 ដោយលោក Sergio Costa ព្រមទាំងជាក្រុមហ៊ុនបុត្រសម្ព័ន្ធរបស់ Coca-Cola ដោយសារក្រុមហ៊ុនកូកា ធ្វើការទិញយក Costa ក្នុងគោលបំណងពង្រីកសក្ដាពុលហាងកាហ្វេនេះឱ្យកាន់តែរីកចម្រើនកាលពីឆ្នាំ 2019។

នៅក្នុងការស្ទង់មតិជាមួយអ្នកប្រើប្រាស់ជនជាតិអង់គ្លេសជាង 4000 នាក់ ហាងកាហ្វេ Costa បានជាប់ចំណាត់ថ្នាក់កំពូលក្នុងរយៈពេល 12 ឆ្នាំជាប់ៗគ្នា ដែលជាហាងកាហ្វេពេញនិយមខ្លាំងជាងគេនៅចក្រភពអង់គ្លេស។ នេះបើយោងតាមការផ្សព្វផ្សាយពីគេហទំព័រ Global Coffee Report។

ហេតុអ្វីហាងកាហ្វេ Costa មានភាពពេញនិយមបំផុតនៅចក្រភពអង់គ្លេស?

1. បទពិសោធន៍អតិថិជន

Costa បានសិក្សាស្រាវជ្រាវដើម្បីឈ្វេងយល់ពីអតិថិជន ក្នុងគោលបំណងបង្កើតបទពិសោធន៍ល្អៗនៅក្នុងហាងរបស់ Costa សម្រាប់គ្រប់សាខា។ ការបង្កើតបទពិសោធន៍ជាមួយអតិថិជននោះ Costa បានកែលម្អលើទំនាក់ទំនងដោយផ្ទាល់នៅលើម៉ឺនុយ និងការផ្ដល់សេវាកម្មឱ្យបានល្អនៅក្នុងហាង។

2. ធ្វើទីផ្សារបែបច្នៃប្រឌិត

កេរ្តិ៍ឈ្មោះកាហ្វេ Costa រយៈពេល 50 នេះ Costa នៅតែបន្តលើភាពឈានមុខគេផ្នែកធ្វើទីផ្សារបែបច្នៃប្រឌិត តាមរយៈការបង្កើតហាងដែលមានទម្រង់ថ្មី ការរួមបញ្ចូលនូវឌីជីថល និងផលិតផលថ្មីៗ។ ជាក់ស្ដែងកាលពីឆ្នាំ 2021 Costa Express បានដំឡើងម៉ាស៊ីនចំនួន 1325 បន្ថែមទៀត ហើយបានបើកដំណើរការម៉ាស៊ីន Costa Express Hot និង Iced Drinks ដំបូងបង្អស់របស់ខ្លួន ដែលជាម៉ាស៊ីនឆុងកាហ្វេដាក់បញ្ចូលដោយខ្លួនឯងដំបូងគេបង្អស់របស់ពិភពលោកដោយផ្តល់នូវភេសជ្ជៈក្តៅ និងទឹកកកគុណភាពជាង 500 មុខរបស់ Barista។ ហើយនេះ ជាអ្វីដែល ហាងកាហ្វេ Costa ធ្វើឱ្យទីផ្សារនៃហាងកាហ្វេរបស់ខ្លួនកាន់តែមានភាពច្នៃប្រឌិតខ្ពស់ និងមានការទាក់ទាញចំណាប់អារម្មណ៍ខ្លាំងពីអតិថិជននៅចក្រភពអង់គ្លេស។

3. Costa ផ្តល់ការគាំទ្រដល់សហគមន៍ដែលដាំកាហ្វេ

គ្រាប់កាហ្វេទាំងអស់មានប្រភពមកពីសមាគមន៍ដែលមានទីតាំងមួយឈ្មោះថា “ខ្សែក្រវ៉ាត់កាហ្វេ” ដូច្នេះហើយ Costa ក៏បានចូលរួមចំណែកក្នុងការអប់រំ និងធ្វើកិច្ចការងារសង្គមនៅតំបន់នោះ ហើយផ្ដល់ការគាំទ្ររយៈពេលវែងសម្រាប់សមាគមន៍ដាំកាហ្វេ តាមរយៈការផ្ដល់ជំនួយជាហិរញ្ញវត្ថុដើម្បីសាងសង់សាលារៀន ការពង្រីកអគារសិក្សា ឬបំពាក់សាលារៀនជាមួយកុំព្យូទ័រ។

តាមរយៈមូលនិធិរបស់ Costa ក្រុមហ៊ុនបានជួយសាងសង់សាលារៀនជាង 100 នៅក្នុងប្រទេសកូឡុំប៊ី អេត្យូពី ហ្គាតេម៉ាឡា ហុងឌូរ៉ាស នីការ៉ាហ្គា ប៉េរូ អ៊ូហ្គង់ដា វៀតណាម និងសំប៊ី។ មូលនិធិបានផ្តល់មូលនិធិដល់ការបណ្តុះបណ្តាលគ្រូ និងការស្នាក់នៅ ការទិញកុំព្យូទ័រ និងការទទួលបានអគ្គិសនី និងការផ្គត់ផ្គង់ទឹក។ វាក៏បានជួយសហគមន៍ដែលផ្គត់ផ្គង់គ្រាប់កាហ្វេក្នុងការដាំដុះដំណាំរបស់ពួកគេ និងលើកកម្ពស់ជីវភាពរស់នៅរបស់ពួកគេ។ ទាំងនេះហើយ ទើប Costa អាចមានការផ្គត់ផ្គង់គ្រាប់កាហ្វេបានគ្រប់គ្រាន់ និងល្អៗ។

ពាណិជ្ជកម្ម

របៀបដែល H&M ទទួលបានជោគជ័យនៅលើទីផ្សារពិភពលោក

Sann Thaven

H&M គឺជាក្រុមហ៊ុនឈានមុខគេក្នុងផ្នែកម៉ូដទាន់សម័យលឿនបំផុត (Fast Fashion) ដោយអាចផលិតសម្លៀកបំពាក់ទាន់សម័យបានយ៉ាងឆាប់រហ័ស មានគុណភាព និងមានតម្លៃថោកសមរម្យ ព្រមទាំងជាដៃគូរប្រកួតប្រជែងជាមួយ Zara និង Forever 21។

H&M ត្រូវបានបង្កើតឡើងលើកដំបូងក្នុងឆ្នាំ 1947 ដោយលោក Erling Persson នៅ Västerås នៃប្រទេសស៊ុយអែត ដោយផ្ដោតខ្លាំងលើសម្លៀកបំពាក់សម្រាប់ស្ដ្រីទាំងស្រុង ព្រមទាំងមានឈ្មោះដើមថា “Hennes”។ នាពេលបច្ចុប្បន្ននេះ H&M ទទួលបានភាពជោគជ័យខ្លាំងនៅលើទីផ្សារពិភពលោក។ តើអ្វីដែលធ្វើឱ្យក្រុមហ៊ុននេះទទួលបានភាពជោគជ័យ? ខ្លឹមសារខាងក្រោមនេះនឹងបង្ហាញនូវកត្តាមួយចំនួនដែលធ្វើឱ្យ H&M ទទួលបានភាពជោគជ័យនៅលើទីផ្សារពិភពលោក។

1. កន្លែងដែលមានតម្លៃថោកសមរម្យបំផុត

គំនិតអាជីវកម្មរបស់ H&M គឺច្បាស់លាស់ សាមញ្ញ និងភាពមិនគួរឱ្យជឿ ដោយជាកន្លែងមួយដែលមានម៉ូដទាន់សម័យ និងគុណភាពក្នុងតម្លៃល្អបំផុត។ H&M ផលិតសម្លៀកបំពាក់សម្រាប់បុរស ស្រី្ត និងកុមារ ដែលត្រូវបានបង្កើតឡើងចុងក្រោយនៃម៉ូដទាន់សម័យក្នុងទីផ្សារ និងមានស្ទាយស្អាតៗ។

គួរបញ្ជាក់ផងដែរថា H&M មានលក់គ្រប់ម៉ូដដែលជាតម្រូវការក្នុងទីផ្សារ ដូចជាសម្លៀកបំពាក់បុរាណ ខោអាវហែលទឹក សម្លៀកបំពាក់កីឡា សម្លៀកបំពាក់ឆើតឆាយសម្រាប់រាត្រីពិធីជប់លៀង រួមជាមួយនឹងម៉ូដដែលត្រូវគ្នា ឬជាឈុតរបស់វាផងដែរ ដូចជាស្បែកជើង និងជាច្រើនទៀតដោយមានតម្លៃសមរម្យទាំងអស់។

បន្ថែមពីនេះ H&M តែងតែប្រកាន់ភ្ជាប់នូវភាពជាប់លាប់ និងរក្សាអ្វីដែលក្រុមហ៊ុនផ្ដល់ជូន ដូចជាម៉ូដទាន់សម័យ និងគុណភាពក្នុងតម្លៃល្អដល់អតិថិជន។ កត្តាទាំងនេះហើយ ដែលអតិថិជនមិនដែលខកបំណងជាមួយ H&M និងនៅតែបន្តគាំទ្រ រហូតជ្រៀតចូលជុំវិញទីផ្សារពិភពលោក។

2. យុទ្ធសាស្រ្តផ្សាយពាណិជ្ជកម្មរឹងមាំ

យុទ្ធនាការផ្សាយពាណិជ្ជកម្មរបស់ H&M គឺការផ្សព្វផ្សាយពោរពេញដោយការយល់ដឹង និងចំគោលដៅ ដោយ H&M បានវាយលុកធ្វើទីផ្សារនៅទីស្នាក់ការកណ្ដាលនៃរដ្ឋធានី Stockholm ដែលជាទីក្រុងធំបំផុតរបស់ប្រទេសស៊ុយអែត។

H&M តែងតែបង្ហាញនូវម៉ូដែលម៉ូដនានា ដោយមានស្ទាយផ្សេងៗគ្នា ប្រកាន់នូវវប្បធម៌នៃតំបន់នោះ និងតែងតែផ្សព្វផ្សាយយ៉ាងទៀងទាត់។ លើសពីនេះ ក៏មានការធ្វើវីដេអូបង្ហាញគំរូនៃការស្លៀកពាក់ទៅតាមម៉ូដ ដែលជាហេតុធ្វើឱ្យមានការចូលចិត្តខ្លាំងពីសំណាក់អតិថិជន ដោយពួកគេចាប់ផ្ដើមយកគំរូរតាមការបង្ហាញលើការស្លៀកពាក់តាមស្ទាយនានារបស់ H&M។

3. ផ្ដោតលើការធ្វើឱ្យ H&M មានឥទ្ធិពលខ្លាំងលើទីផ្សារ

H&M បានផ្ដោតខ្លាំងលើការផ្សព្វផ្សាយពាក់ព័ន្ធនឹងសកម្មភាពប្រចាំថ្ងៃរបស់អតិថិជន ដោយចូលរួមជាមួយនឹងអ្នកមានឥទ្ធិពលលើប្រព័ន្ធផ្សព្វផ្សាយធំៗ ដើម្បីសរសេរអំពីការប្រមូលផ្ដុំ Conscious នៅលើប្លុកម៉ូដ និងរបៀបរស់នៅ។ ហើយនេះ ក៏ជាយុទ្ធសាស្រ្តនិយាយពីមាត់មួយទៅមាត់មួយរបស់ H&M។

ពាណិជ្ជកម្ម