ហេតុអ្វីមានយុទ្ធសាស្រ្តជាច្រើនត្រូវបរាជ័យ?

ការបរាជ័យដែលកើតឡើងជាញឹកញាប់ បណ្ដាលមកពីមូលហេតុ៖

យុទ្ធសាស្ត្រមិនមានលក្ខណៈទូលំទូលាយ
លង់នឹងភាពជោគជ័យដំបូងនៃគំរូអាជីវកម្មថ្មី ដោយធ្វេសប្រហែសក្នុងការវិនិយោគលើសមត្ថភាពដែលត្រូវការចាំបាច់ដើម្បីទ្រទ្រង់អត្ថប្រយោជន៍ការប្រកួតប្រជែងក្នុងរយៈពេលវែង។
មិនអើពើនូវសមាសធាតុចាំបាច់ដើម្បីធ្វើឱ្យយុទ្ធសាស្រ្តកាន់តែមានលក្ខណៈពេញលេញ ដូចជាបច្ចេកវិទ្យា គំរូអាជីវកម្មថ្មីៗ និងការកំណត់ទីតាំងទីផ្សារដោយសមស្របជាមួយនឹងតម្រូវការអតិថិជនតាមសម័យកាល។
គ្មានការបង្កើតគុណតម្លៃបន្ថែមសម្រាប់អតិថិជន
គ្មានការវិភាគឱ្យបានគ្រប់ជ្រុងជ្រោយលើការបង្កើតតម្លៃលើផលិតផលសេវាកម្ម

គន្លឹះដើម្បីបង្កើតយុទ្ធសាស្ត្រពេញលេញមួយបាន ត្រូវការ៖

ជម្រើសណាមួយដែលអាចសម្របសម្រួលដោយប្រុងប្រយ័ត្នអំពីគំរូអាជីវកម្មដែលមានសក្តានុពលខ្ពស់បំផុតក្នុងការបង្កើតគុណតម្លៃ និងការប្រកួតប្រជែង ដែលអាចចាប់យកគុណតម្លៃនោះ ដើម្បីអាចដំណើរការ ការអនុវត្ត ដោយសម្របខ្លួនជានិច្ចទៅនឹងបរិយាកាសផ្លាស់ប្តូរ
កសាងសមត្ថភាពចាំបាច់សំខាន់ៗ ដើម្បីដឹងពីតម្លៃក្នុងរយៈពេលវែង

ថ្នាក់ដឹកនាំទាំងអស់ត្រូវធ្វើសកម្មភាព ខាងក្រោមបន្ថែម ៖

ទី1. កំណត់ឱកាស

សំដៅលើការចេះកំណត់ឱកាស ដើម្បីអាចបង្កើតទម្រង់អាជីវកម្មថ្មី ឬបម្លែងអាជីវកម្មលើផ្នែកណាមួយឱ្យសមស្របនឹងតម្រូវការអតិថិជន ទោះបីជាពិភពលោកកំពុងមានស្ថានភាពបែបណាក៏ដោយ ដូចជាការរីកចម្រើននៃបច្ចេកវិទ្យា ប្រជាសាស្រ្ត វប្បធម៌ ភូមិសាស្ត្រ នយោបាយ ជំងឺរាតត្បាតដែលកើតឡើងដោយគ្មានការគ្រោងទុក(ជំងឺកូវីតជាដើម) និងអ្វីផ្សេងទៀតដែលជាព័ត៌មានដែលគេចាប់អារម្មណ៍ខ្លាំងនាពេលបច្ចុប្បន្ន។

ទី2. កំណត់វិធីល្អបំផុតដើម្បីចាប់យកឱកាស

សំដៅលើការចេះបម្លែងឱកាស ដើម្បីបញ្ចូលនៅក្នុងយុទ្ធសាស្រ្តធ្វើអាជីវកម្មរបស់អ្នក។

ហើយថ្នាក់ដឹកនាំ ត្រូវតែអភិវឌ្ឍន៍គំរូអាជីវកម្មដែលបង្កើនតម្លៃសក្តានុពលខ្លាំង។ គំរូអាជីវកម្មនេះ ត្រូវតែបញ្ចូល៖

ការបង្កើតផលិតផលសេវាកម្ម និងផ្ដោតលើទំហំទីផ្សារ ដើម្បីបំពេញតម្រូវការអតិថិជន
ការបញ្ជាក់ពីការកំណត់រចនាសម្ព័ន្ធនៃដើមទុន បច្ចេកវិទ្យា បណ្តាញចែកចាយ និងអ្វីៗផ្សេងទៀត ដែលត្រូវប្រើ ដើម្បីដំណើរការបាន
ដំណាក់កាលនៃតម្លៃដែលផ្ដល់ជូនអតិថិជន និងទិដ្ឋភាពសំខាន់ៗនៃយុទ្ធសាស្ត្រដែលអាចធ្វើបាន។

ទី3. កំណត់តម្លៃដើម្បីបង្កើតក្នុងរយៈពេលខ្លី

ថ្នាក់ដឹកនាំ ត្រូវវាយតម្លៃលើ រឿង 3 យ៉ាង

1/. ភាពទាក់ទាញរបស់ឧស្សាហកម្ម ដើម្បីទទួលបានប្រាក់ចំណេញសមរម្យ

2/. ទីតាំងប្រកួតប្រជែង ដោយបង្កើតតម្លៃពិសេសសម្រាប់អតិថិជន

3/. អន្តរកម្មប្រកួតប្រជែង

ទី4. ស្គាល់កាលៈទេសៈ

សំដៅលើ ការចេះបទបែនបានទាន់ពេលវេលា និងត្រូវជាមួយនឹងទីផ្សារគោលដៅ ដើម្បីរក្សាបាននូវគុណតម្លៃរបស់ក្រុមហ៊ុន ព្រមទាំងអាចសម្របខ្លួនជាមួយនឹងបរិបទថ្មី និងចេះអភិវឌ្ឍន៍នូវសមត្ថភាពថ្មីៗ។

ទី5. បង្កើតមូលដ្ឋានគ្រឹះសម្រាប់ជោគជ័យរយៈពេលវែង

សំដៅលើ

កំណត់ពីដំណើរការហិរញ្ញវត្ថុឱ្យជាក់លាក់
ពង្រីកជំនាញ និងធនធានដើម្បីត្រៀមការផ្លាស់ប្ដូរនាពេលអនាគត

ពាណិជ្ជកម្ម

អ្នកសរសេរកូដវ័យចំណាស់ដ៏ល្បីជនជាតិជប៉ុន ធ្វើឱ្យយុវជនជាច្រើនសុំចាញ់

Sann Thaven

ជីដូនម្នាក់នេះ មានឈ្មោះថា ម៉ាសាកូ អាយុ 81ឆ្នាំ ជនជាតិជប៉ុន ហើយលោកស្រីបានឡើងនិយាយនៅកម្មវិធី TED Talk ដោយរៀបរាប់អំពីរឿងរ៉ាវជីវិតដ៏ទាក់ទាញដល់មនុស្សគ្រប់គ្នា ដោយគាត់អាចរៀនសរសេរកូដ និងសរសេរបង្កើតកម្មវិធីហ្គេមដ៏ជោគជ័យ នៅអាយុ 81 ឆ្នាំ ដើម្បីបើកដំណើរការកម្មវិធីនោះ សម្រាប់ iPhone ដែលធ្វើឱ្យយុវជនជាច្រើនមិនអាចធ្វើបានដូចគាត់។

លោកស្រីម៉ាសាកូ គឺជាបុគ្គលិករបស់ធនាគារដ៏ល្បីមួយនៅប្រទេសជប៉ុន។ គាត់បានធ្វើការយ៉ាងលំបាកអស់រយៈពេល 43 ឆ្នាំ រហូតឈានដល់អាយុចូលនិវត្តន៍។ ថ្ងៃមួយ គាត់បានអានទស្សនាវដ្តីមួយដែលនិយាយថា “ប្រសិនបើអ្នកមានកុំព្យូទ័រ អ្នកមិនចាំបាច់ចេញទៅក្រៅទេ អ្នកនៅតែអាចជជែកជាមួយមនុស្ស អាចអានកាសែត និងស្វែងរកព័ត៌មានផ្សេងៗ” បន្ទាប់ពីអានរួច គាត់ក៏សម្រេចចិត្តទៅទិញកុំព្យូទ័រថ្មីដើម្បីភ្ជាប់ទំនាក់ទំនងជាមួយមិត្តភក្តិ ប្រមូលព័ត៌មាន និងមើលថែម្តាយចាស់ជរារបស់គាត់។ អ្វីដែលមិននឹកស្មានដល់នោះគឺថា ការសម្រេចចិត្តទិញកុំព្ុនេះបានផ្លាស់ប្តូរជីវិតរបស់គាត់ទាំងស្រុងបន្ទាប់ពីចូលនិវត្តន៍។

ភាពតស៊ូជាមួយកុំព្យូទ័ររយៈពេល 3 ខែ

ម៉ាសាកូ ចាប់ផ្ដើមធ្វើការជាមួយនឹងកុំព្យូទ័រតាំងពីអាយុ 60 ឆ្នាំ ហើយការរៀនពីរបៀបប្រើកុំព្យូទ័រក្នុងនាមជាមនុស្សចាស់មិនមែនជារឿងងាយស្រួលនោះទេ និងមានបញ្ហាច្រើនជាមួយរឿងនេះ។ ទោះជាយ៉ាងណាក្ដី ដោយសារតែគាត់ចង់និយាយនិងទាក់ទងជាមួយមនុស្ស ដូច្នេះគាត់បានព្យាយាមអស់ពីសមត្ថភាពដើម្បីដំឡើងកម្មវិធីទាំងអស់នៅលើកុំព្យូទ័រថ្មីរបស់គាត់។ បន្ទាប់ពីបានរយៈពេល 3 ខែ នៅព្រឹកថ្ងៃអាទិត្យ គាត់ស្រាប់តែក្រឡេកមើលអេក្រង់កុំព្យូទ័រ ហើយឃើញសារមួយថា កុំព្យូទ័រត្រូវបានដំឡើងដោយជោគជ័យ។

បន្ទាប់មក គាត់បានសម្រេចចិត្តចុះឈ្មោះចូលក្លឹបអនឡាញសម្រាប់មនុស្សចាស់។ ហើយសារដែលលេចចេញនៅក្នុងក្រុមជជែកកំសាន្តរបស់ក្លឹប គឺជាពេលវេលាល្អបំផុតនៅក្នុងជីវិតរបស់គាត់ បន្ទាប់ពីអាយុ 60 ឆ្នាំ។ បន្ថែមពីនេះ គាត់ក៏បានជ្រើសរើសវគ្គសិក្សាតាមអនឡាញ ដូចជារៀនពីរបៀបកាត់តវីដេអូ និងផ្សេងៗទៀត។ ហើយពេលនេះហើយ ដែលគាត់ចាប់ផ្ដើមមានអារម្មណ៍ថា ជីវិតរបស់គាត់ពោរពេញដោយថាមពល មានភាពរឹងមាំជាងមុន និងមានផ្នត់គំនិតថា គាត់អាចធ្វើអ្វីបានគ្រប់យ៉ាងដោយខ្លួនឯង។

10ឆ្នាំក្រោយមក បន្ទាប់ពីម្តាយគាត់ស្លាប់ គាត់បានក្លាយជាមនុស្សមានសេរីភាព និងស្រមៃថាគាត់នឹងអាចឆ្ពោះទៅកាន់វិថីដ៏អស្ចារ្យបន្ថែមថែមទៀតនៅក្នុងជីវិត។ ដូច្នេះគាត់ក៏បានសម្រេចចិត្ត ធ្វើជាអ្នកស្ម័គ្រចិត្តនៅមជ្ឈមណ្ឌលដើម្បីជួយដល់មនុស្សចាស់ផ្សេងទៀត ប៉ុន្តែជាអកុសលដោយការខ្វះខាតនូវធនធានច្រើន ដើម្បីជួយគាត់ឱ្យរៀននិងស្រាវជ្រាវអំពីកុំព្យូទ័របន្តបានទៀត។

សកម្មភាពបន្ទាប់ គាត់ក៏បានសិក្សាតាមសៀវភៅ ស្ដីអំពី Excel ដែលធ្វើឱ្យគាត់បានបង្កើតគំនិតមួយ ដោយគាត់បានចែករំលែកអត្ថបទ ពីរបៀបបង្កើតសិល្បៈជាមួយ Excel និងបង្ហោះវីដេអូពីដំណើរកំសាន្តរបស់គាត់ទៅកាន់ប្រទេសមេឌីទែរ៉ាណែនិងនូវែលសេឡង់។ ហើយក៏បានណែនាំផលិតផល ដូចជាអ្នកគាំទ្រសម្លៀកបំពាក់ និងអ្នករចនាម៉ូដជាដើម។ ការរចនានេះ ផ្អែកលើកម្មវិធីសូហ្វវែរ ដែលមានស្លាកយីហោប្រពៃណីរបស់ប្រជាជនជប៉ុន។

លើសពីនេះ គាត់ក៏បានបង្កើតមិត្តភក្តិថ្មីៗ និងរក្សាទំនាក់ទំនងយ៉ាងរឹងមាំជាមួយមិត្តចាស់ៗ ពីព្រោះមិត្តភក្តិគឺជាទ្រព្យក្នុងជីវិតរបស់គាត់ ដោយមិត្តភក្តិនេះហើយ ទើបគាត់បានរៀនសូត្រនូវរឿងរ៉ាវជាច្រើន តាមរយៈជួបជុំគ្នាពិភាក្សារឿងរៀនសូត្រ និងពិភាក្សាអំពីប្រធានបទផ្សេងជាច្រើន។

បុព្វហេតុនៃការសរសេរកូដបង្កើតកម្មវិធីដ៏អស្ចារ្យ

លោកស្រីម៉ាសាកូបាននិយាយថា ទោះបីជាគាត់មិនមែនជាអ្នកជំនាញក៏ដោយ ដរាបណាយើងមានគំនិតច្នៃប្រឌិតនិងមានចំណង់ខ្លាំង យើងនៅតែអាចបង្កើតធនធានខ្លាំងៗជាច្រើនដើម្បីជួយសង្គម។

បន្ថែមពីនេះ ដោយចិត្តចង់ជួយដល់មនុស្សចាស់ដូចគ្នា គាត់បានបង្កើតកម្មវិធីបន្ថែមសម្រាប់មនុស្សចាស់ប៉ុន្តែពួកគេទាំងអស់ត្រូវបានបដិសេធ។ នៅទីបញ្ចប់ម៉ាសាកូ បានសម្រេចចិត្តសរសេរកូដដើម្បីបង្កើតកម្មវិធីដោយខ្លួនឯង ដោយចង់បង្កើតកម្មវិធីមួយដែលធ្វើឱ្យមនុស្សចាស់មានអារម្មណ៍រំភើបនៅពេលពួកគេប្រើស្មាតហ្វូន។ បន្ទាប់ពីបានគិតហើយ គាត់ក៏ខិតខំអស់រយៈពេលកន្លះឆ្នាំ ជាលទ្ធផល គាត់ក៏អាចបង្កើតកម្មវិធីដោយជោគជ័យដោយសូម្បីតែយុវជនជាច្រើនក៏មិនអាចធ្វើបានដែរ។

នៅអាយុ81ឆ្នាំ លោកស្រីម៉ាសាកូ ទើបតែបានដាក់ដំណើរការកម្មវិធីមួយ ឈ្មោះថា ហ៊ីណាដាន(Hinadan) ដែលជាការរួមបញ្ចូលគ្នានៃពាក្យ “ ហ៊ីណា(hina)” (ឈ្មោះប្រភេទតុក្កតា) និង“ ដាន (dan)” (ជាន់, ជំហាន)។ នៅក្នុងកម្មវិធីនោះ អ្នកលេងត្រូវដាក់តុក្កតាចំនួន 12 យ៉ាងឱ្យត្រឹមត្រូវនៅលើអេក្រង់ដែលមាន 4 ជាន់។

ថ្វីត្បិតតែ ហ្គេមមានលក្ខណៈសាមញ្ញ ដោយមិនស្មុគស្មាញក្នុងការសរសេរកម្មវិធីក៏ដោយ ក៏ “ហ៊ីណាដាន” នៅតែបង្ហាញពីភាពលេចធ្លោនៃអ្នកសរសេរកម្មវិធីជំនាន់ថ្មីដែលជាអ្នករចនាហ្គេមវ័យចំណាស់។ ឥឡូវនេះហ្គេមអាចទាញយកដោយឥតគិតថ្លៃពីហាងកម្មវិធី iPhone។

ពាណិជ្ជកម្ម

រឿង8 យ៉ាង ប្រសិនបើអ្នកមាន នោះធ្វើអ្វីក៏មិនងាយឆាប់បោះបង់ដែរ

Sann Thaven

មនុស្សភាគច្រើន សុទ្ធតែចង់ធ្វើអ្វីមួយបានសម្រេចទៅតាមក្ដីប្រាថ្នា ប៉ុន្តែអ្វីជាបញ្ហាចោទនោះគឺ ចង់ធ្វើអ្វីមួយបានតែមួយភ្លេត និងឆាប់បោះបង់ចោល ជាពិសេសអាចនាំខ្លួនឯងឱ្យវង្វេងនឹងគោលដៅខ្លួនឯង។ ដូច្នេះហើយ ប្រសិនបើអ្នកចង់ធ្វើអ្វីមួយពោរពេញដោយមហិ្ឆចតា ដោយមិនងាយបោះបង់ រហូតអាចសម្រេចជោគជ័យតាមផែនការ ចូរអ្នកធ្វើឱ្យខ្លួនឯងមានរឿង 8 យ៉ាងនៅក្នុងខ្លួន។

1. មានបុព្វហេតុជីវិត

កើតមួយជាតិ មានតែជីវិតមួយ ដូច្នេះដើម្បីរស់នៅក្នុងភាពរីកចម្រើន ភាពសប្បាយរីករាយ គឺអ្នកត្រូវតែមានបុព្វហេតុមួយដែលជាកម្លាំងជំរុញអ្នកឱ្យធ្វើសកម្មភាពថ្មីៗ សកម្មភាពរីកចម្រើន និងចង់បន្តរស់នៅជាប្រចាំ។

បុព្វហេតុនោះ អាចជា៖ ឪពុកម្ដាយ (ព្រោះតែលោកទាំងពីរ ទើបអ្នកចង់សងគុណ ហើយចង់ឱ្យគាត់ឃើញពីភាពជោគជ័យរបស់អ្នក) និងមានផ្សេងទៀត ដែលជាគន្លឹះមួយដែលជាកម្លាំងចិត្តដ៏មិនអាចកាត់ថ្លៃបាន មិនថាជាអ្វីក៏ដោយឱ្យតែអ្នកគិតថាសំខាន់ក្នុងជីវិត ហើយសម្រេចចិត្តថា នឹងខិតខំប្រឹងប្រែងឱ្យខ្លាំងនិងមិនងាយហត់នឿយដើម្បីសម្រេចជោគជ័យ។

“គ្មានបុព្វហេតុជីវិត អ្នកនឹងធ្វើអ្វីតាមតែចិត្តចង់តាមពេលវេលា តាមអារម្មណ៍ប៉ុណ្ណោះ និងងាយឱ្យអ្នកដទៃអូសទាញបាន”

2. មានគោលដៅច្បាស់លាស់

សួរខ្លួនឯងមើលថា

– តើអ្វីជាគោលដៅជីវិតដែលអ្នកចង់ឱ្យខ្លួនឯងក្លាយជា?

– តើអ្វីជាបេសកកម្មជីវិតដែលអ្នកត្រូវធ្វើ?

– តើអ្វីជាទស្សនវិស័យជីវិតរបស់អ្នក?

– តើអ្វីដែលអ្នកស្រលាញ់ជាងគេ?

– តើអ្នកត្រូវដឹកនាំជីវិតខ្លួនបែបណា?

– តើអ្នកត្រូវរៀបចំផែនការជីវិតបែបណា ទើបអាចសម្រេចគោលដៅបាន?

ចូរឆ្លើយចំណួរទាំងនេះ បន្ទាប់មកចាប់ផ្ដើមកំណត់គោលដៅខ្លួនឯង? កាលណាអ្នកច្បាស់នឹងគោលដៅខ្លួនឯង អ្នកនឹងមានចិត្តចង់ និងមានវិធីសាស្រ្តជាច្រើនបន្តបន្ទាប់ដែលត្រូវធ្វើសកម្មភាព។ ប៉ុន្តែបើគ្មានគោលដៅច្បាស់លាស់ទេ អារម្មណ៍ចង់ធ្វើសកម្មភាពអ្វីមួយនឹងកើតឡើងតែមួយឆាវប៉ុណ្ណោះ ហើយក៏បោះបង់។

3. មានជំនាញរឹងជាគោលមួយ

ជំនាញរឹង ជាជំនាញមួយដែលមនុស្សគ្រប់គ្នាត្រូវតែមាន ហើយត្រូវតែចេះច្បាស់ និងស្ទាត់ជំនាញ។ ប៉ុន្តែបើអ្នកគ្មានជំនាញណាមួយជាគោលនៅក្នុងជីវិតទេ អ្នកច្បាស់ជាចង់ធ្វើអ្វីតាមតែការអូសទាញពីមនុស្សជុំវិញ និងមជ្ឈដ្ឋានជុំវិញតែប៉ុណ្ណោះ។ ឧទាហរណ៍៖ បើអ្នកស្រលាញ់ជំនាញធ្វើទីផ្សារ ហើយអ្នកមានទេពកុសល្យខាងនេះទៀត ដូច្នេះត្រូវតែបណ្ដុះខ្លួនឯងឱ្យក្លាយជា អ្នកជំនាញធ្វើទីផ្សារ។

4. អភិវឌ្ឍន៍ចំណេះជំនាញជាប្រចាំថ្ងៃ

កាលណាអ្នកបន្តអភិវឌ្ឍន៍វាជាប្រចាំ អ្នកនឹងរីកចម្រើន អ្នកនឹងរីករាយ អ្នកនឹងរកផ្លូវដើរបានលឿនទាន់សម័យកាល ហើយអ្នកនឹងសប្បាយចិត្តនឹងជីវិតរស់នៅប្រចាំថ្ងៃ ជាហេតុធ្វើឱ្យអ្នកមានកម្លាំងចិត្តកាន់តែខ្លាំងដើម្បីសម្រេចនូវកិច្ចការណាមួយរបស់អ្នក។

5. បន្តរកវិធីសាស្រ្តអនុវត្តន៍

មនុស្សរីកចម្រើន និងមនុស្សជោគជ័យលើគ្រប់វិស័យ សុទ្ធតែមានវិធីសាស្រ្តអនុវត្តន៍ខុសៗគ្នា ឬអាចមានដូចគ្នាតិចតួច ដូច្នេះបើអ្នកចង់រីកចម្រើន និងជោគជ័យអ្វីមួយ អ្នកត្រូវតែរៀនសូត្រពីបុគ្គលខ្លាំង បន្ទាប់មកផ្គុំវិធីសាស្រ្តគេជាមួយនឹងស្ថានភាពអ្នកជាក់ស្ដែង ថាតើនៅពេលអនុវត្តន៍វិធីសាស្រ្តនោះ បានជោគជ័យទេ? ប៉ុន្តែបើមិនជោគជ័យ ឬអនុវត្តទៅជោគជ័យបានតែដំបូងក្រោយមកប្រែជាគ្មានប្រសិទ្ធិភាព ចូរអ្នកបន្តរកវិធីសាស្រ្តផ្សេងទៀត។

ប្រព័ន្ធបច្ចេកវិទ្យាល្អប៉ុណ្ណា ក៏នៅតែមានការ Update ឡើងវិញ និងកែលម្អទម្រង់ថ្មីឱ្យកាន់តែងាយស្រួលជាងមុន ដូចនឹងមនុស្សដែរ ត្រូវមានការ Update ឬបន្តរកវិធីសាស្រ្តអនុវត្តន៍រហូត ដើម្បីភាពរីកចម្រើន។

6. រៀបចំខ្លួនឱ្យដូចជាមនុស្សដែលយើងចង់ក្លាយជា

នៅពេលដែលអ្នកមានជំនាញមួយជាគោល មានបុព្វហេតុជីវិត មានគោលដៅច្បាស់ នោះអ្នកក៏អាចដឹងថា ខ្លួនឯងចង់ក្លាយជាមនុស្សបែបណា ដូច្នេះចូររៀនតុបតែង ក៏ដូចជារៀបរឹកឱ្យដូចទៅនឹងអ្វីដែលអ្នកចង់ឃើញខ្លួនឯងនាពេលខាងមុខ។

ធ្វើបែបនេះ ក៏ជាការដាស់តឿនអ្នករាល់ថ្ងៃផងដែរថា អ្នកចង់ក្លាយជាអ្វី? ហើយមនុស្សគ្រប់គ្នាក៏មើលមកអ្នក ជាមនុស្សដែលអ្នកចង់ក្លាយជា ចាប់តាំងពីអ្នកចេះរៀបចំអ្វីគ្រប់យ៉ាងជាបណ្ដើរៗ ពីពេលនេះទៅ។

7. បណ្ដុះខ្លួនឯងឱ្យខ្លាំងខាងអនុវត្តន៍ជាជាងបានតែនិយាយ

មនុស្សបច្ចុប្បន្ន ចូលចិត្តនិយាយច្រើនជាងធ្វើ ប៉ុន្តែអ្នកសាកសង្កេត ឬស្រាវជ្រាវពីបុគ្គលដែលជោគជ័យក្នុងពិភពលោក ក៏ដូចជាអ្នករីកចម្រើនពិតប្រាកដ សួរថា ពួកគាត់ពូកែនិយាយច្រើនជាង ឬពូកែធ្វើសកម្មភាពឱ្យមានលទ្ធផលជាង?

ចំណុចនេះ ខ្ញុំឱ្យអ្នករៀនសង្កេតខ្លួនឯង បន្ទាប់មក អ្នកអាចគិតពិចារណាតាមការគួរ។

8. រកជំនួយពីមនុស្ស5ប្រភេទ

ក្រៅពីអ្នកមាន ទាំង7 ចំណុចខាងលើ អ្នកក៏មិនអាចខ្វះនូវចំណុចទី8 បានដែរ។ មនុស្ស 5ប្រភេទដែល គួរតែជាជំនួយដ៏ល្អចំពោះអ្នក រួមមាន៖

ទី1. គ្រូបង្វឹក៖ ជាអ្នកដែលតែងតែបង្វឹកនូវចំណេះជំនាញដល់អ្នក។

ទី2. អ្នកជួយណែនាំផ្លូវ៖ ជាអ្នកដែលតែងតែជួយត្រួសត្រាយផ្លូវអ្នក កុំឱ្យមានការដើរ ខុសពីអ្វីដែលអ្នកបានកំណត់ ក៏ដូចជាដើរឆ្ងាយពីទេពកុសល្យពិតប្រាកដរបស់អ្នក។

ទី3. មិត្តភក្ដិល្អ៖ ជាមិត្តដែលស្មោះត្រង់ ចែករំលែកគ្នា ជួយគ្នា និងយល់ពីគ្នាទៅវិញទៅមក។

ទី4. អ្នកលើកទឹកចិត្ត៖ ជាអ្នកដែលតែងតែផ្ដល់ជាកម្លាំងចិត្ត លើកតម្លើង នៅក្បែរគ្រប់ស្ថានភាពដែលអ្នកធ្លាក់ទឹកចិត្ត។

ទី5. មនុស្សដែលអ្នកជួយគេបន្ត៖ អ្នកខ្លួនឯងក៏ត្រូវជួយនរណាម្នាក់ឬច្រើនផងដែរ មិនថាការជួយលើកទឹកចិត្ត ការជួយបង្ហាញផ្លូវ ការចែករំលែក និងបង្រៀន។

បើអ្នកចង់ដឹងថា ធ្វើតាមចំណុចទាំង8 ខាងលើនេះហើយ អាចលុបបំបាត់នូវអារម្មណ៍ដែលចង់ធ្វើអ្វីមួយបានតែមួយឆាវនឹងបានឬមិនបាន អ្នកដែលបានអានដល់ចប់ អាចចាប់ផ្ដើមសាកល្បងធ្វើវាបាន ថាមានប្រសិទ្ធភាព ឬក៏គ្មាន។

ពាណិជ្ជកម្ម

អាថ៌កំបាំងក្នុងការរកលុយពីផ្សារហ៊ុនរបស់ស្ត្រីអាយុ 104 ឆ្នាំ

Sann Thaven

ស្ត្រីវ័យ 104 ឆ្នាំនោះ មានឈ្មោះថា Zhou Hongbao ហើយបច្ចុប្បន្នគឺជាអ្នកវិនិយោគភាគហ៊ុនវ័យចំណាស់ជាងគេបំផុតនៅក្នុងប្រទេសចិននៃទីក្រុងសៀងហៃនិងបានរកលុយបានយ៉ាងច្រើន។

Zhou Hongbao តែងតែដាក់ទូរទស្សន៍នៅក្នុងបន្ទប់ទទួលភ្ញៀវតូចរបស់គាត់ហើយមើលប៉ុស្តិ៍ហិរញ្ញវត្ថុពេញមួយថ្ងៃ។ បើយោងតាមសារព័ត៌មាន Jiefang Daily ដែលមានមូលដ្ឋាននៅទីក្រុងសៀងហៃ បានសរសេរថា “ថ្វីត្បិតតែចក្ខុវិស័យរបស់គាត់មានស្ថានភាពកាន់តែអាក្រក់នៅពេលនេះក៏ដោយ ក៏គាត់នៅតែអាចអានព័ត៌មានប្រចាំថ្ងៃអំពីផ្សារហ៊ុន” ។ លើសពីនេះ គាត់ក៏បាននិយាយថា “ការវិនិយោគភាគហ៊ុនជាការបំបាត់ភាពអផ្សុករបស់គាត់” ។

យោងតាមសារព័ត៌មាន Global Times លោកស្រី Zhou បច្ចុប្បន្នគឺជាវិនិយោគិនឯកជនចំណាស់ជាងគេបំផុតនៅក្នុងទីផ្សារភាគហ៊ុន A របស់ចិន ដោយប្រមូលបានប្រហែល 100 000 យ័ន ស្មើនឹង 15，473$។

ដើមហេតុនៃការចាប់ផ្ដើមប្រឡូកនៅលើផ្សារហ៊ុនដំបូង

កាលពីនៅក្មេង លោកស្រី Zhou មិនបានចាប់អារម្មណ៍នឹងផ្សារហ៊ុនទេ។ លោកស្រី Zhou និយាយថា “ នៅទសវត្សរ៍ឆ្នាំ 1980 អ្នកជិតខាងរបស់ខ្ញុំ បានសុំឱ្យនរណាម្នាក់ជួយលើការជួញដូរភាគហ៊ុន ហើយគាត់ក៏ដឹងថាមនុស្សម្នាក់អាចរកលុយបានដោយការវិនិយោគលើភាគហ៊ុន ដូច្នេះគាត់ចង់សាកល្បងវាដោយខ្លួនឯង” ។

លោកស្រី Zhou បានចាប់អារម្មណ៍ក្នុងការជួញដូរភាគហ៊ុនប៉ុន្តែមិនមានសាច់ប្រាក់ច្រើនសម្រាប់ទុកនៅពេលនោះទេ។ អ្នកជិតខាងរបស់គាត់បានស្នើសុំលក់ភាគហ៊ុនរបស់គាត់ 5% ក្នុងតម្លៃប្រហែល 500 យ័ន។ វាជាតម្លៃសមរម្យដូច្នេះគាត់ក៏បានយល់ព្រម។

នៅពេលមានវ័យ 70 ឆ្នាំ លោកស្រីក៏បានសុំឱ្យកូនប្រុសរបស់គាត់បើកគណនីមូលបត្រនៅក្រុមហ៊ុនមូលបត្រសៀងហៃដើម្បីឱ្យគាត់អាចបន្តទិញភាគហ៊ុន។

នៅឆ្នាំ 1994 ខ្សែភាពយន្តមួយដែលមានចំណងជើងថា “Shanghai Fever” ត្រូវបានចេញផ្សាយ។ ខ្សែភាពយន្តនេះនិយាយអំពីអ្នកដឹកនាំរថយន្តក្រុងដ៏រាបទាបម្នាក់ដែលត្រូវបានពាណិជ្ជករហុងកុងប្រើដើម្បីដើរតួជាអ្នកធ្វើដំណើរម្នាក់នៅចំកណ្តាលផ្សារហ៊ុនសៀងហៃដែលកំពុងរីកចម្រើន។

ខ្សែភាពយន្ដនេះពង្រឹងការរីករាលដាលនៃជំនឿថាការទិញភាគហ៊ុនអាចធ្វើឱ្យមនុស្សក្លាយជាមហាសេដ្ឋីពេញមួយយប់តែម្ដង។ មនុស្សមួយចំនួនពិតជាបានក្លាយជាអ្នកមាន។ អ្នកផ្សេងទៀតដែលមិនសូវមានសំណាងត្រូវបានលុបចោលជាដើម។

វិធីសាស្រ្តទិញភាគហ៊ុន

លោកស្រី Zhou តែងតែរក្សាដំបូន្មានអ្នកជិតខាងរបស់គាត់ក្នុងចិត្តថា ឱ្យប្រយ័ត្នប្រយែងនិងកុំជាប់នៅក្នុងទីផ្សារគោ（bull markets）។ ដំបូងគាត់បានវិនិយោគ 3,000 យ័ននៅក្នុងក្រុមហ៊ុនមួយចំនួនដែលគាត់បានស្គាល់។

ស្ត្រីចំណាស់រូបនេះបានសិក្សាព័ត៌មានភាគហ៊ុននៅក្នុងកាសែតនិងពីកម្មវិធីទូរទស្សន៍ហិរញ្ញវត្ថុ។ គាត់បានមើលចលនាទីផ្សារម្តងមួយៗតាមទូរទស្សន៍។

លោកស្រី Zhou បាននិយាយថា “ការទិញភាគហ៊ុនគឺដូចជាការទិញគ្រឿងផ្សំសម្រាប់ចម្អិនអាហារ ដោយតម្លៃបន្លែប្រែប្រួលជាធម្មតា។ ប្រសិនបើមានអ្នកលក់ច្រើន អ្នកលក់បន្លែដូចគ្នា ខ្ញុំនឹងជ្រើសរើសអ្នកលក់ក្នុងតម្លៃទាបបំផុត។ វាប្រហាក់ប្រហែលនឹងផ្សារហ៊ុន ប្រសិនបើភាគហ៊ុនធ្លាក់ចុះខ្ញុំទិញភាគហ៊ុនខ្លះ។ ប្រសិនបើវាធ្លាក់ចុះច្រើន ខ្ញុំនឹងទិញបន្ថែមទៀតដើម្បីរ៉ាប់រងការខាតបង់នៅពេលដែលតម្លៃឡើងបន្តិច”។

ពាណិជ្ជកម្ម

ការកសាងកេរ្តិ៍ឈ្មោះផ្ទាល់ខ្លួនរបស់ម្ចាស់អាជីវកម្មក្នុងយុគសម័យនេះ

Sann Thaven

កេរ្តិ៍ឈ្មោះផ្ទាល់ខ្លួនរបស់ម្ចាស់អាជីវកម្មគ្រប់រូប គឺពិតជាមានសារៈសំខាន់ខ្លាំងណាស់ ពីព្រោះកេរ្តិ៍ឈ្មោះម្ចាស់ម៉ាកយីហោ និងកេរ្តិ៍ឈ្មោះម៉ាកអាជីវកម្ម គឺមានគុណតម្លៃស្មើគ្នាដោយខ្វះមួយណាមិនបានទេ។ ហេតុនេះ ម្ចាស់អាជីវកម្មមិនគួររំលងនូវការបង្កើតភាពល្បីល្បាញ ភាពល្អ និងគុណតម្លៃខ្លាំងលើខ្លួនឯងផ្ទាល់ឡើយ ប៉ុន្តែអ្វីដែលជាបញ្ហាចោទ ម្ចាស់អាជីវកម្មភាគច្រើនមិនសូវចេញមុខនៅលើបណ្ដាញសង្គមនិងភាគច្រើនចូលចិត្តលាក់ខ្លួននៅពីក្រោយក្រុមហ៊ុនរបស់ពួកគេទៅវិញ។

1. ហេតុអ្វីម្ចាស់អាជីវកម្មត្រូវកសាងកេរ្តិ៍ឈ្មោះផ្ទាល់ខ្លួន?

នៅពេលម្ចាស់អាជីវកម្ម ចាប់ផ្ដើមធ្វើឱ្យកេរ្តិ៍ឈ្មោះផ្ទាល់ខ្លួនកាន់តែមានភាពល្បីល្បាញ និងមានគុណតម្លៃខ្ពស់ នោះពិតជាមានគុណប្រយោជន៍ជាខ្លាំង រួមមាន៖

ទី1. ធ្វើឱ្យម៉ាកយីហោអាជីវកម្មកាន់តែមានសន្ទុះរីកចម្រើនខ្លាំងជាងមុន

ទី2. មិនងាយធ្វើឱ្យអាជីវកម្មចូលនៅក្នុងទីផ្សារឆ្អែត ពីព្រោះបានធ្វើឱ្យអតិថិជនមានទំនុកចិត្តតាមរយៈកេរ្តិ៍ឈ្មោះរបស់ម្ចាស់អាជីវកម្មផ្ទាល់

ទី3. ងាយស្រួលក្នុងការបង្កើនដើមទុនបានច្រើន

ទី4. បង្កើនការជួយផ្សព្វផ្សាយម៉ាកយីហោអាជីវកម្មតាមរយៈអ្នកដទៃជួយសរសេរព័ត៌មានឬអត្ថបទស្ដីពីរឿងល្អៗនៃម៉ាកយីហោផ្ទាល់ខ្លួនរបស់អ្នក

ទី5. ទាក់ទាញអតិថិជនគោលដៅក្នុងការហ៊ានចំណាយច្រើនលើផលិតផលសេវាកម្មរបស់អ្នក

ទី6. ងាយភ្ជាប់ទំនាក់ទំនងជាមួយអ្នកជំនាញផ្សេងៗនិងបង្កើតឱ្យមានទំនាក់ទំនងយ៉ាងស៊ីជម្រៅជាមួយគ្នា

2. របៀបកសាងកេរ្តិ៍ឈ្មោះផ្ទាល់ខ្លួន

នៅក្នុងសម័យនេះ ម្ចាស់អាជីវកម្មទាំងអស់ត្រូវតែចាប់ផ្ដើមកសាងកេរ្តិ៍ឈ្មោះខ្លួនឯងឱ្យបានខ្លាំង តាមរយៈក្បួនខាងក្រោម៖

ទី1. តើអ្នកគឺជានរណា?៖ សំដៅលើ អ្នកចង់ឱ្យអ្នកផ្សេងស្គាល់អ្នកក្នុងនាមជាអ្វី មានគុណតម្លៃអ្វី និងអ្វីជាភាពខ្លាំងរបស់អ្នកដែលចង់បង្ហាញទៅកាន់មនុស្សជុំវិញ។

ទី2. ស្គាល់ពីភាពខ្លាំងផ្ទាល់ខ្លួន៖ សំដៅលើ ការបង្ហាញពីទេពកោសល្យដ៏ប៉ិនប្រសប់របស់អ្នក ដែលធ្វើឱ្យមនុស្សជាច្រើនត្រូវការចង់ស្គាល់អ្នក និងចង់ធ្វើការជាមួយអ្នក។

ទី3. បង្កើតប្រវត្តិរូបផ្ទាល់ខ្លួននៅក្នុងLinkedIn៖ LinkedIn គឺជាកន្លែងដែលមនុស្សជាច្រើន ចង់ឈ្វេងយល់អំពីសមត្ថភាពវិជ្ជាជីវៈរបស់អ្នក ដូច្នេះត្រូវប្រាកដថាប្រវត្តិរូបរបស់អ្នក គឺជាទស្សនវិស័យតាមប្រព័ន្ធអនឡាញ ដោយសរសេរ Bio ឱ្យបានល្អអំពីខ្លួនឯង។ ទាំងនេះ គឺជាធាតុចូលដែលជួយបង្កើតចំណាប់អារម្មណ៍តាំងពីដំបូងដល់អ្នកដទៃ។

ទី4. តើប្រព័ន្ធផ្សព្វផ្សាយសង្គមបែបណាទើបអ្នកចូលចិត្ត?៖ ប្រសិនបើអ្នកចូលចិត្តផ្សព្វផ្សាយរូបភាព សូមពិចារណាលើ Instagram ។ ប្រសិនបើអ្នកចូលចិត្តនៅមុខកាមេរ៉ា អ្នកអាច ប្រើ YouTube។ ប្រសិនបើ អ្នកចូលចិត្តបែបណាផ្សេងទៀត ចូរអ្នកជ្រើសរើសប្រព័ន្ធសង្គមណាមួយដែលអាចជួយលើកតម្កើងអ្នកបានលឿន។

ទី5. ប្ញេជ្ញាចិត្តឱ្យបានខ្ពស់៖ សំដៅលើ ការបែងចែកកាលវិភាគឱ្យបានត្រឹមត្រូវ ដើម្បីមានភាពទៀងទាត់ក្នុងការចែករំលែក និងការបង្កើតមាតិកាផ្សព្វផ្សាយឱ្យបានរាល់ថ្ងៃ ក្នុងគោលបំណងរក្សាសកម្មភាពលើបណ្ដាញសង្គម។

ទី6. សង្កេតពីសកម្មភាពរបស់អ្នក៖ តើមានផលប៉ះពាល់ដែរឬទេ? បើមានផលប៉ះពាល់ ឬមានកំហុសឆ្គងណាមួយកើតឡើង ចូរផ្លាស់ប្ដូរ និងពង្រីកវិសាលភាពនៃឥទ្ធិពល ឬចំណាប់អារម្មណ៍ឱ្យបានកាន់តែខ្លាំង ដោយបញ្ចូលនូវគុណតម្លៃផ្សេងៗតាមវិធីរបស់អ្នក។

ទី7. ចូលរួមកិច្ចការងារសង្គម និងចែករំលែកចំណេះដឹងឱ្យបានច្រើនដល់មនុស្សជុំវិញ ៖ ធ្វើបែបនេះ នឹងមានការប្រឡូកក្នុងសង្គមបានច្រើន ដែលជាហេតុធ្វើឱ្យមនុស្សជាច្រើនបានស្គាល់អ្នកផងដែរ។

ពាណិជ្ជកម្ម

គន្លឹះផ្សព្វផ្សាយ Campaign ដ៏ជោគជ័យនៅក្នុង TikTok

Sann Thaven

អ្នកជំនាញ Savannah Sanchez ដែលជាអ្នកស្គាល់ច្បាស់អំពីការផ្សព្វផ្សាយនៅក្នុងប្រព័ន្ធបណ្ដាញសង្គម និងយុទ្ធសាស្រ្តទីផ្សារ E-Commerce ។ បច្ចុប្បន្ននេះ នាងបានកំពុងសិក្សានិងសង្កេតយ៉ាងលម្អិតពីភាពជោគជ័យរាប់រយនៃការផ្សព្វផ្សាយ Campaign នៅក្នុង TikTok, Snapchat និង Instagram ។

នៅក្នុងអត្ថបទមួយនេះ គេហទំព័រ គំនិត នឹងបង្ហាញពីគន្លឹះសំខាន់ៗរបស់ Savannah ដើម្បីចាប់ផ្ដើមយុទ្ធនាការណ៍ផ្សព្វផ្សាយ Campaign នៅក្នុង TikTok ដ៏ជោគជ័យ។

គន្លឹះទាំងនោះ រួមមាន៖

ទី1.ធានាថា វីដេអូខ្លី៖ វីដេអូ 30វិនាទី ឬតិចជាងនេះ

ទី2. តេស្ត ភាពច្នៃប្រឌិត

មានន័យថា ម្ចាស់អាជីវកម្មទាំងអស់ត្រូវធានា ភាពច្នៃប្រឌិតដែលបង្កើតឡើងត្រូវមានភាពទាក់ទាញ និងខុសប្លែកពីអ្នកដទៃ ព្រមទាំងដាក់បញ្ចូលភាពច្នៃប្រឌិតយ៉ាងហោចណាស់ 3 នៅក្នុងការផ្សាយពាណិជ្ជកម្មណាមួយ។

ទី3. តេស្តពីអ្វីគ្រប់យ៉ាងដែលមាននៅក្នុង TikTok

ឈ្វេងយល់ឱ្យស៊ីជម្រៅពីជម្រើសផ្សាយពាណិជ្ជកម្មទាំងអស់ដែល TikTok ផ្តល់ជូន។ បន្ទាប់មក សាកល្បងពួកវា ដើម្បីដឹងថាអ្វីដែលនិយាយទៅកាន់ទស្សនិកជនរបស់អ្នក។ សិក្សាពីប្រព័ន្ធផ្សព្វផ្សាយរបស់ TikTok ឱ្យបានរួចរាល់ មុននឹងចាប់ផ្ដើមជ្រើសរើសការផ្សព្វផ្សាយបែបណានៅក្នុង TikTok ។

ទី4. ចាប់ដៃគូសហការជាមួយ អ្នកបង្កើតមាតិកា

ត្រូវធានាថា អ្នកបង្កើតមាតិកានោះ យល់ច្បាស់ពី Space របស់ TikTok ណាដែលល្អប្រសើរជាងគេ និងចាប់ផ្ដើមបង្កើតមាតិកាដ៏ល្អពោរពេញដោយភាពច្នៃប្រឌិត។ លើសពីនេះ ត្រូវធានាថា មាតិកាទាំងនោះផ្ដល់គុណតម្លៃ និងមនុស្សជាច្រើនចាប់ផ្ដើមអារម្មណ៍ខ្លាំង។

ទី5. តេស្ត ទស្សនិកជន

សិក្សាឱ្យបានច្បាស់ថា នរណានឹងក្លាយជា ទស្សនិកជនរបស់អ្នក ហើយពួកគេមានចំណង់ចំណូលចិត្តលើមាតិកាប្រភេទណាជាងគេ។ បន្ទាប់មកពីដឹងច្បាស់ហើយ នោះអ្នកនឹងងាយបង្កើតមាតិកាត្រូវនឹងទស្សនិកជន និងចាប់ផ្ដើមយុទ្ធសាស្រ្តទីផ្សារប្រម៉ូដអ្វីមួយបានដោយជោគជ័យ។

ពាណិជ្ជកម្ម

ក្រោយខ្នងនៃភាពជោគជ័យដ៏ធំ របស់អ្នកឧកញ៉ា គិត ម៉េង

Sann Thaven

អ្នកឧកញ៉ាគិត ម៉េង ជាប្រធានសភាពាណិជ្ជកម្មកម្ពុជា និងជាប្រធានក្រុមហ៊ុន Royal Group ព្រមទាំងជាអ្នកធ្វើជំនួញដ៏ជោគជ័យនៅក្នុងប្រទេសកម្ពុជា ប៉ុន្តែទម្រាំក្លាយបុគ្គលដ៏មានឥទ្ធិពលលើការធ្វើជំនួញនេះ គឺអ្នកឧកញ៉ាបានឆ្លងកាត់នូវរឿងរ៉ាវលំបាកជាច្រើន។ លើសពីការឆ្លងកាត់នូវឧបសគ្គ និងភាពលំបាកទាំងនោះ អ្នកឧកញ៉ាមានរឿងរ៉ាវសម្ងាត់ចំនួន2 ដែលធ្វើឱ្យអ្នកឧកញ៉ាកាន់តែមានកម្លាំងចិត្ត និងខិតខំព្យាយាមអស់ពីសមត្ថភាព ដើម្បីសម្រេចបានជោគជ័យដូចសព្វថ្ងៃនេះ។

រឿងរ៉ាវសម្ងាត់2 នោះ ជាអាថ៍កំបាំងក្រោយខ្នងនៃភាពជោគជ័យដ៏ធំរបស់អ្នកឧកញ៉ា គិត ម៉េង។

1. មាននារីដ៏វៃឆ្លាតនៅក្បែរ

នារីដ៏វៃឆ្លាតនេះ ចង់សំដៅលើភរិយារបស់អ្នកឧកញ៉ាផ្ទាល់។ ភរិយារបស់អ្នកឧកញ៉ា មានឈ្មោះថា លោកជំទាវ ម៉ៅ ចំណាន។ លោកជំទាវ ជាស្រ្តីម្នាក់ដែលតែងតែលើកតម្កើងកិត្តិយសមុខមាត់ស្វាមី ជាឧត្តមភរិយាប្រកបដោយភាពថ្លៃថ្នូរ សមសួនទាំងការស្លៀកពាក់ ចរិតឫកពារដោយគ្មានទាស់ត្រង់ណា។ ថែមទាំងជាម្ដាយដ៏ឆ្នើមមួយរូប និងតែងតែនៅលើកកម្លាំងចិត្ត នៅក្បែរអ្នកឧកញ៉ាជានិច្ចមិនថា ស្ថិតនៅក្នុងស្ថានភាពបែបណាក៏ដោយ។

លោកជំទាវ ជាភរិយាដ៏ល្អដែលទទួលបានក្ដីស្រលាញ់ ភាពពេញចិត្ត ការគោរព និងការឱ្យតម្លៃខ្លាំងបំផុតពីអ្នកឧកញ៉ា។ ហើយក៏ជានារីតែម្នាក់ ដែលនៅជួយជ្រោមជ្រែងពីក្រោយខ្នងនៃភាពជោគជ័យដ៏ធំរបស់អ្នកឧកញ៉ារហូតដល់បច្ចុប្បន្ន។

2. ចាប់ផ្ដើមអាជីវកម្មជាមួយចក្ខុវិស័យច្បាស់លាស់

អ្នកឧកញ៉ា គិត ម៉េង បានធំដឹងក្ដីនៅប្រទេសអូស្ត្រាលី បន្ទាប់ពីបានបាត់បង់ឪពុកម្ដាយក្នុងសម័យខ្មែរក្រហម។ នៅក្នុងដំណើរឆាកជីវិតរស់នៅអូស្រ្តាលី អ្នកឧកញ៉ាបានជម្នះរាល់ឧបសគ្គនានា មានការតស៊ូខ្លាំងដើម្បីរស់និងសន្សំលុយ ដូចជាដើរចែកសំបុត្រតាមផ្ទះក្រោមអាកាសធាតុត្រជាក់ លាងចាន លាងសម្អាត និងកាត់ស្មៅឱ្យគេជាដើម។ ភាពតស៊ូរបស់អ្នកឧកញ៉ា បានធ្វើឱ្យលោកបានសិក្សាជំនាញផ្នែកសេដ្ឋកិច្ចនៅសាកលវិទ្យាល័យកានបើរ៉ា(Canberra)។ នៅឆ្នាំ1991 អ្នកឧកញ៉ាបានសម្រេចចិត្តវិលត្រឡប់មកកម្ពុជាវិញជាមួយនឹងចក្ខុវិស័យមួយ គឺ “ជួយលើកស្ទួយជីវភាពប្រជាជនកម្ពុជា”។ ការវិលត្រឡប់មកកម្ពុជាដំបូង អ្នកឧកញ៉ាបានចាប់ផ្ដើមបើកហាងលក់គ្រឿងសង្ហារឹម និងសម្ភាៈការិយាល័យឱ្យអង្គការសហប្រជាជាតិនៅកម្ពុជា(UN) ដោយរួមមានទាំងទិញសិទ្ធិលក់ ម៉ាស៊ីនថតចម្លងម៉ាក Canon ផងដែរ។ ក្រោយមកទៀតអ្នកឧកញ៉ាបានបង្កើតក្រុមហ៊ុន The Royal Group បានជោគជ័យរហូតនាពេលបច្ចុប្បន្ន និងធ្វើជំនួញជាច្រើនទៀតដែលមានដំណើរការយ៉ាងរលូន រហូតទទួលបានឋានៈជាឧកញ៉ានៅក្នុងប្រទេសកម្ពុជា ពាក់ព័ន្ធនឹងមុខជំនួញរាប់លានដុល្លារ ជាច្រើនផ្នែក រាប់បញ្ចូលទាំងការអភិវឌ្ឍទំនប់ រហូតដល់វិស័យធនាគារ។

“ចក្ខុវិស័យរបស់អ្នកមិនត្រឹមតែសំដៅលើការរកប្រាក់ចំណេញប៉ុណ្ណោះទេ ប៉ុន្តែក៏ជាចក្ខុវិស័យមួយដើម្បីសម្រួល ឬធ្វើឱ្យជីវិតអ្នកដទៃប្រសើរឡើង”

សរុបមក ពីក្រោយខ្នងនៃភាពជោគជ័យរបស់អ្នកឧកញ៉ា គិត ម៉េង មាន2 សំខាន់ជាងគេ គឺភរិយា និងការចាប់ផ្ដើមធ្វើអាជីវកម្មជាមួយនឹងចក្ខុវិស័យច្បាស់លាស់ ដូច្នេះប្រសិនបើអ្នកចង់ក្លាយជាបុគ្គលម្នាក់ដែលអាចសម្រេចបាននូវកិច្ចការងារណាមួយនៅក្នុងជីវិត ត្រូវតែជ្រើសរើសនារី ឬបុរសឱ្យបានត្រឹមត្រូវដែលអាចធ្វើជាគូអនាគត និងធ្វើអ្វីមួយត្រូវចាប់ផ្ដើមជាមួយនឹងចក្ខុវិស័យច្បាស់លាស់។

ពាណិជ្ជកម្ម

មាតិការល្អអស្ចារ្យប៉ុណ្ណា ក៏ត្រូវការប្រម៉ូដបន្ថែមទៀតដែរ

Sann Thaven

បើយោងតាមផេកផ្លូវការរបស់លោក Dennis Yu ដែលជាអ្នកជំនាញ Digital Marketing និង Personal Branding បានចែករំលែកថា “ប្រសិនបើអ្នកមានមាតិការល្អអស្ចារ្យយ៉ាងណា ក៏ចាំបាច់ត្រូវមានការប្រម៉ូដបន្ថែមដែរ” ។

ន័យនេះ ចង់សំដៅថា ប្រសិនបើអ្នកចាប់ផ្តើមឆានែលថ្មី គេហទំព័រថ្មី ឬទម្រង់ប្រព័ន្ធផ្សព្វផ្សាយសង្គមថ្មីទាំងស្រុង ហើយគ្មាននរណាបានឃើញ នោះប្រព័ន្ធបណ្ដាញសង្គមរបស់អ្នកគ្មានការចូលរួមពីសំណាក់ទស្សនិកជននានាឡើយ។ ហេតុនេះ ទាមទារឱ្យអ្នកប្រើយុទ្ធសាស្រ្តប្រម៉ូដបន្ថែមទៀត ដើម្បីជ្រើសរើសមាតិកាដ៏ល្អ និងអាចទាញចំណាប់អារម្មណ៍មនុស្សបានកាន់តែច្រើន។ ដើម្បីអាចធ្វើរឿងនេះបានជោគជ័យ គឺអាចអនុវត្តតាមយុទ្ធសាស្រ្ត THE DOLLAR A DAY។

យុទ្ធសាស្រ្ត THE DOLLAR A DAY

យុទ្ធសាស្រ្តនេះ សំដៅលើ Framework ដែលអាចផ្ដល់នូវផលិតភាពខ្ពស់លើការផ្សព្វផ្សាយ តាមរយៈការមានសមត្ថភាពជ្រើសរើសប្រភេទមាតិកាបានត្រឹមត្រូវ និងមានឥទ្ធិពលខ្លាំងដល់ទស្សនិកជនគោលដៅ។

អ្នកអាចប្រើយុទ្ធសាស្រ្តនេះ នៅក្នុង Facebook YouTube Twitter និងប្រព័ន្ធផ្សព្វផ្សាយផ្សេងទៀតដែលអាចបង្កើនប្រសិទ្ធភាពខ្ពស់ ដោយមានការចូលរួមច្រើន និងមានអាចទាញទំនុកចិត្តពីសំណាក់ទស្សនិកជន។

យុទ្ធសាស្រ្តនេះ យើងអាចផ្សព្វផ្សាយដើម្បីតេស្ដមាតិកាបាន

មានន័យថា អ្នកអាចតេស្តមាតិការបស់អ្នកក្នុងការផ្សព្វផ្សាយត្រឹម 1$ រៀងរាល់ថ្ងៃ ក្នុងរយៈពេល 7ថ្ងៃ ដើម្បីតេស្តឱ្យដឹងថា មាតិកានោះអាចទាក់ទាញត្រូវនឹងអតិថិជន និងដំណើរការល្អឬទេ? លើសពីនេះ អ្នកក៏អាចតេស្តមាតិកាមួយថ្ងៃ 2ឬច្រើនក្នុងពេលតែមួយ ដោយចំណាយ 1ដុល្លារលើមាតិកានីមួយៗ ដើម្បីប្រៀបធៀបលទ្ធផលគ្នា
ដំណាក់កាលទី2 អ្នកអាចសង្កេតមើលថា មាតិកាបែបណា ដែលមានប្រសិទ្ធភាពខ្ពស់ បន្ទប់មកជ្រើសរើសមាតិកានោះ បន្តអនុវត្តនូវការតេស្ត 1$ ក្នុងរយៈពេល 30ថ្ងៃ
ដំណាក់កាលទី3 បន្តធ្វើដូចដំណាក់កាលទី2 ប៉ុន្តែប្រើយុទ្ធសាស្រ្ត 1$ ក្នុងរយៈពេល 100ថ្ងៃ រហូតដល់អ្នកជឿជាក់ថា មាតិកានេះមានឥទ្ធិពលខ្លាំងជាមួយនឹងទស្សនិកជន
ដំណាក់កាលចុងក្រោយ អ្នកអាចវាយលុកក្នុងការរៀបចំកញ្ចប់ថវិកា ដើម្បីសម្រុកលើការចំណាយនៃការផ្សព្វផ្សាយមាតិកានោះឱ្យកាន់តែខ្លាំងថែមទៀត។

អត្ថប្រយោជន៍នៃការប្រើយុទ្ធសាស្រ្តនេះ

អាជីវកម្មក្នុងស្រុក៖ អាចបង្កើតវីដេអូតាមទូរស័ព្ទដៃត្រឹមមួយនាទីដើម្បីផ្សព្វផ្សាយ ដោយមិនចាំបាច់កំណត់គោលដៅ។
E-commerce ៖ ជំរុញឱ្យមានទីផ្សារឡើងវិញ ដើម្បីបង្កើនប្រសិទ្ធភាពក្នុងការទំនាក់ទំនង ជាមួយអតិថិជនគោលដៅ។
Podcasters ៖ ទាញចំណុចលេចធ្លោរតាមវគ្គនៃសាច់រឿងក្នុងវីដេអូនីមួយៗ ដោយផ្សព្វផ្សាយនៅលើ Facebook ដើម្បីទាញចំណាប់អាម្មរណ៍អតិថិជនគោលដៅឱ្យចង់ទស្សនា និងតាមដាន ដោយពុំចាំបាច់ប្រើតំណរ Link គេហទំព័រផ្សេងៗ និង YouTube ឡើយ។
Influencers, អ្នកនិពន្ធ, គ្រូបង្វឹក, និងអ្នកជំនាញដទៃទៀត៖ អាចចាប់ផ្ដើមធ្វើទីផ្សារឡើងវិញ ដើម្បីរកប្រាក់ចំណូលពីទស្សនិកជនរបស់ពួកគេបាន។
និងមានអត្ថប្រយោជន៍ជាច្រើនទៀតតាមផ្នែកនីមួយៗដល់អ្នកពាក់ព័ន្ធដែលប្រឡូកក្នុងវិស័យផ្សព្វផ្សាយ យុទ្ធសាស្រ្តទីផ្សារលើបណ្ដាញសង្គម និងសហគ្រិនជាដើម។

សរុបមក មាតិកាល្អ ក៏ត្រូវការប្រម៉ូដបន្ថែមទៀតដែរ ហើយដើម្បីធ្វើរឿងនេះបាន អ្នកអាចប្រើយុទ្ធសាស្រ្ត The Dollar a day ពីព្រោះយុទ្ធសាស្ត្រនេះ នឹងជួយអ្នកឱ្យជ្រើសរើសប្រភេទមាតិកាដែលល្អ ដោយមានឥទ្ធិពលដល់អតិថិជនគោលដៅ និងអាចសម្រុកប្រម៉ូដបន្ថែមលើមាតិកានោះ ដើម្បីកាន់តែមានផលិតភាពខ្ពស់ ក្នុងការសម្រេចគោលដៅណាមួយដែលអ្នកបានកំណត់ ដូចជាលក់ដាច់ មនុស្សចាប់អារម្មណ៍ឬស្គាល់ច្បាស់ពីផលិតផលសេវាកម្មរបស់អ្នកជាដើម។

ពាណិជ្ជកម្ម

ផ្លាស់ប្ដូរខ្លួនឯងពីមនុស្សដែលគ្មានការងារធ្វើ ក្លាយទៅជាមហាសេដ្ឋីបន្ទាប់ពីរយៈពេល១ឆ្នាំ

Rin Hanavy

ប្រសិនបើគាត់ស្ដាប់តាមឪពុករបស់គាត់ដោយស្វែងរកការងារធ្វើនៅក្នុងរោងចក្រ នោះឥលូវនេះ Khaby ប្រហែលជារស់នៅពឹងទៅលើប្រាក់ខែបន្តិចបន្តួចទាំងនោះជំនួសឲ្យទ្រព្យសម្បត្តិ២លានដុល្លារនោះជាមិនខាន។បច្ចុប្បន្ននេះបើគិតពីអ្នកគាំទ្ររបស់ Khaby នៅលើបណ្ដាញសង្គមវិញ គឺមានប្រហែលជា១៤០លាននាក់ជាង បូករួមជាមួយនឹងអ្នកគាំទ្រនៅលើបណ្ដាញសង្គមTikTok ចំនួន១០៥លាននាក់ និងនៅលើ Instagram ប្រហែលជា៣៦លាននាក់។ ទាំងនេះគឺជាសមទ្ធិផលរបស់ Khaby គាត់បានប្រឹងប្រែងដោយខ្លួនឯងនៅអាយុ២១ឆ្នាំ ហើយឥលូវនេះKhaby គឺមានការគាំទ្រយ៉ាងខ្លាំងនៅលើTikTok ដែលគាត់មិនដែលនឹកស្មានដល់ទាល់តែសោះ។

Khaby Lame មានដើមកំណើតនៅ Senegalese ដែលមានមូលដ្ឋាននៅក្នុងប្រទេសអ៊ីតាលី។ នៅពេលដែលជំងឺរាតត្បាតកូវីដ ១៩ បានវាយលុកមក គាត់ក៏បានជួបនឹងពេលវេលាមួយដ៏ខ្មៅងងឹត ពិបាកចិត្ត និងមានភាពឯកា។ Khaby បានឆ្លងកាត់នូវភាពសោកសៅអស់រយៈពេលមួយខែនៅក្នុងខែដំបូងនៃជំងឺរាតត្បាតដោយសារតែការបង្ខាំងរបស់រាជរដ្ឋាភិបាលនៃប្រទេសទាំងអស់ក្នុងគោលបំណងទប់ស្កាត់ការឆ្លងមេរោគកូវីដ១៩មួយនេះ។

Khaby បានបាត់បង់ការងារជាកម្មករនៅទីក្រុង Chivasso។ បន្ទាប់ពីបាត់បង់ការងារនេះហើយ គាត់គ្មានជម្រើសថានឹងត្រូវធ្វើអ្វី គាត់ក៏បានសម្រេចចិត្តត្រឡប់ទៅផ្ទះឳពុកម្ដាយរបស់ខ្លួនវិញ។ ប៉ុន្តែយើងឃើញថា អ្វីដែលជាសំណាងអាក្រក់សម្រាប់គាត់ ក៏បានក្លាយទៅជាសំណាងល្អសម្រាប់អ្នកដទៃទៅវិញ។

ខណៈពេលដែល Khaby បានត្រលប់ទៅរស់នៅជាមួយនឹងឪពុកម្ដាយរបស់ខ្លួនវិញ Khaby បានរៀបចំគម្រោងដែលល្អអស្ចារ្យមួយ ដោយបង្កើតឆានែលផ្ទាល់ខ្លួនមួយដើម្បីបង្ហោះនូវវីដេអូគ្រួសារ ក៏ដូចជាវីដេអូកំប្លែងៗមួយចំនួនដាក់ចូលទៅក្នុងបណ្ដាញសង្គមដើម្បីឲ្យមានមនុស្សមើលច្រើន។ Khaby បានក្លាយទៅជាអ្នកបង្កើតមាតិកាវីដេអូកំប្លែងៗនៅលើបណ្ដាញសង្គម TikTok ដែលនេះវាបានជួយ Khabyបានក្លាយទៅជាមហាសេដ្ឋីនិងជា Idol របស់មនុស្សគ្រប់គ្នាផងដែរ។ ហើយអ្វីដែលបានធ្វើឲ្យ Khaby ទទួលបាននូវភាពជោគជ័យនោះគឺ

គាត់បានយកនូវសកម្មភាពសាមញ្ញៗនៃការរស់នៅរបស់មនុស្សយកមកបង្កើតនូវសំណើចសម្រាប់ទស្សនិកជន៖

ការបង្កើតជាមាតិកាវីដេអូសាមញ្ញធម្មតា គឺជាគន្លឹះដែលជួយធ្វើឲ្យ Khaby មានប្រជាប្រិយភាពនិងអ្នកគាំទ្រច្រើន ប៉ុន្តែអ្វីដែពិសេសនោះគឺនៅក្នុងវីដេអូរបស់ Khaby មួយៗគាត់មិនដែលនិយាយនោះទេ គឺគាត់ប្រើតែកាយវិការនិងទឹកមុខរបស់គាត់តែប៉ុណ្ណោះក្នុងការបង្ហាញពីភាពហួសចិត្ត និងភាពអស់សំណើចចំពោះសកម្មភាពរស់នៅប្រចាំថ្ងៃ។ ចំពោះការបង្ហាញពីតិចនិកផ្ទាល់ខ្លួនរបស់គាត់ Khaby បានទាក់ទាញនូវចំណាប់អារម្មណ៍មនុស្សជាច្រើនឲ្យងាកមកគាំទ្រ និងមើលវីដេអូរបស់គាត់កាន់តែច្រើន។ ហើយបច្ចុប្បន្ននេះ គាត់បានទទួលបានអ្នកគាំទ្រច្រើនជាង១.៥ពាន់លាននាក់នៅលើបណ្ដាញសង្គមTikTok។

ប្រើប្រាស់កាយវិការសកលលោក

មនុស្សគ្រប់គ្នាបានចាត់ទុក Khaby Lame គឺជាអ្នកកំប្លែងស្ងួត ដែលគាត់បានជ្រើសរើសយកការប្រើប្រាស់កាយវិការ ជាភាសាក្នុងការភ្ជាប់ទំនាក់ទំនងជាមួយនឹងមនុស្សគ្រប់គ្នានៅទូទាំងពិភពលោក។ ម្យ៉ាងវិញទៀតបើយើងក្រឡេកទៅមើលអ្នកគាំទ្ររបស់ Khaby Lame វិញ ភាគច្រើនគឺជាជនជាតិអ៊ីតាលី សេនេហ្គាល់ អាមេរិក និងប្រទេសអ៊ឺរ៉ុប ហើយក្នុងនោះក៏មានប្រទេសអាស៊ីផងដែរ។

យោងទៅតាមស្ថិតិបានបង្ហាញថា ក្នុងការបង្ហោះវីដេអូកំប្លែងៗរបស់គាត់ម្ដងៗជាមធ្យម គឺមានអ្នកចូលចិត្តប្រហែល ៩.៦លាននាក់ និងអ្នកបញ្ចេញមតិប្រហែលជា ៨២០០០នាក់។ ចំណែកឯគេហទំព័រវិភាគនៃប្រព័ន្ធផ្សព្វផ្សាយសង្គម SocialBlade ក៏បានបន្ថែមទៀតថា អត្រានៃអ្នកតាមដានមើលវីដឹអូរបស់ Khaby គឺច្រើនជាងអត្រារបស់ Charli D’Amelio ជិត៨ដងនៃម្ចាស់គណនីដែលមានភាពល្បីល្បាញនិងមានអ្នកតាមដានច្រើនជាងគេនៅ TikTok ។ ហើយបើយើងគិតជាមធ្យម គណនីTikTok របស់ Khaby តែងតែមានអ្នក add មកជា១លានអ្នកជារៀងរាល់ថ្ងៃ ពិតជាមិនគួរឲ្យជឿ។

បើនិយាយអំពីចំណូលដែលគាត់អាចរកបាន Khaby Lame អាចរកលុយបានប្រហែលជា ៥០ ០០០ដុល្លារ ទៅ ៨៤ ០០០ដុល្លារ ក្នុងការបង្ហោះវីដេអូម្ដងៗ នោះបើយោងតាមគេហទំព័រ Influencer Marketing Hub បានប៉ាន់ស្មាន។

ពាណិជ្ជកម្ម

ដើម្បីបង្កើត អាជីវកម្ម Franchise បាន តើយើងត្រូវត្រៀមអ្វីខ្លះ?

Sann Thaven

តើអ្វីជា Franchise?

Franchise គឺជាម៉ូឌែលអាជីវកម្មដែលម្ចាស់ម៉ាកសញ្ញាអាជីវកម្មនោះលក់សិទ្ធិអាជីវកម្មទៅកាន់នរណាដែលចាប់អារម្មណ៍លក់បន្តលើម៉ាកយីហោនោះក្រោមលក្ខខណ្ឌជាក់លាក់ដែលបានកំណត់រវាងអ្នកទិញ និងអ្នកលក់ (Franchisee & Franchisor) ។

តើមានធាតុផ្សំអ្វី ដើម្បីត្រៀមក្នុងការចាប់ផ្ដើមអាជីវកម្មបែប Franchise?

ការចាប់ផ្ដើមដ៏ល្អ គឺជាការចាប់ផ្ដើមប្រកបដោយទំនុកចិត្ត ជំនឿ ដូច្នេះទាមទារឱ្យយើងមានចំណេះដឹងផ្នែក Franchise ឱ្យបានច្រើន ទាំងទីតាំងដែលជាឱកាសសម្រាប់ចាប់ផ្ដើម អ្វីដែលអ្នកចង់រំលេចចេញនៅក្នុងFranchise ទំនាក់ទំនងរវាងអ្នកលក់Franchiseនិងអ្នកទិញFranchise ការគ្រប់គ្រង Franchise និងមូលដ្ឋានសំខាន់ៗដែលពាក់ព័ន្ធនឹងការចាប់ផ្ដើមដំបូងៗ។

ដើម្បីកាន់តែច្បាស់ជាមួយនឹងការចាប់ផ្ដើមអាជីវកម្ម Franchise នេះ ឱ្យបានជោគជ័យ ចូរអ្នកមានចំណេះដឹងខាងក្រោម៖

1. ធ្វើផែនការអាជីវកម្ម

ការបង្កើតអាជីវកម្ម ត្រូវការឱ្យមានផែនការអាជីវកម្មជាដាច់ខាត ប្រសិនបើគ្មានផែនការអាជីវកម្មទេ អាជីវកម្មដំណើរការប្រៀបដូចជា ទូកទៅមុខដោយគ្មានកោះ គ្មានត្រោយអ៊ីចឹង។ ហេតុនេះ ម្ចាស់ Franchise ត្រូវតែមានសមត្ថភាពខ្លាំង និងថ្មីៗ ដើម្បីអាចធ្វើឱ្យអាជីវកម្មនោះអាចដំណើរការបាន។

2. សៀវភៅណែនាំការធ្វើប្រតិបត្តិការ Franchise និងកម្មវិធីបណ្ដុះបណ្ដាល

ម្ចាស់ Franchise ត្រូវមានការត្រៀមលក្ខណៈនូវចំណុចនេះ ដោយចងក្រងឱ្យមានសៀវភៅណែនាំពីការប្រតិបត្តិការ Franchise បែបទំនើបសិទ្ធិអាជីវកម្មផ្ទាល់ខ្លួន ដើម្បីធានាឱ្យម៉ាកយីហោផ្ទាល់ខ្លួនទទួលបានភាពជោគជ័យ និងអាចរក្សាបាននូវគុណភាព។

លើសពីនេះ ម្ចាស់ Franchise ក៏ត្រូវបង្កើតឱ្យមានកម្មវិធីបណ្ដុះបណ្ដាលមួយទៀតសម្រាប់ការប្រើប្រាស់ដោយភ្ជាប់ជាមួយនឹងសៀវភៅណែនាំការធ្វើប្រតិបត្តិការ។

3. ឯកសារផ្លូវច្បាប់

មុននឹងអាចចាប់ផ្ដើមលក់សិទ្ធិ Franchise បាន យើងត្រូវការណែនាំស្តីពីការបង្កើតកិច្ចព្រមព្រៀងសិទ្ធិអាជីវកម្មនិងឯកសារ FDD (FDD = Franchise Disclosure Document) ជាមុនសិន បន្ទាប់មកចាំបាច់ត្រូវរៀបចំឯកសារអនុលោមតាមច្បាប់រដ្ឋនិងច្បាប់សហព័ន្ធនៅលើមូលដ្ឋានដែលកំពុងបន្ត។

តម្រូវការផ្នែកច្បាប់ទាំងនេះ ត្រូវការប្រើមេធាវីដែលមានបទពិសោធន៏សិទ្ធិអាជីវកម្មច្រើន។ ជាពិសេស អ្នកអាចស្វែងរកការប្រឹក្សាយោបល់ពីអ្នកជំនាញផ្នែកសិទ្ធិអាជីវកម្មជាមុនសិន ប្រសិនបើអ្នកពុំទាន់យល់ច្បាស់លើច្បាប់នៃ Franchise។

4. ផែនការទីផ្សារ Franchise

ម្ចាស់ Franchise ត្រូវតែមានផែនការនេះ ដើម្បីធ្វើឱ្យម៉ាកយីហោផ្ទាល់ខ្លួនកាន់តែល្បី កាន់តែមានទីផ្សារ និងមានអ្នកចង់ទិញលក់បន្ត។

5. ឈ្វេងយល់ពីការលក់ Franchise

ត្រង់ចំណុចនេះ ចង់រំលេចឱ្យឃើញថា ម្ចាស់ Franchise គួរតែយល់ឱ្យកាន់តែច្បាស់ពីដំណើរការនៃការលក់ Franchise ក៏ដូចជា បញ្ហានៃច្បាប់ពាក់ព័ន្ធនឹងការលក់សិទ្ធិអាជីវកម្ម។ ហេតុដូច្នេះ ទាមទារឱ្យម្ចាស់ម៉ាកផ្ទាល់យល់ច្បាស់ បន្ទាប់មក រៀបចំផែនការ ដើម្បីបណ្ដុះបណ្ដាលក្រុមការងារ និងអ្នកពាក់ព័ន្ធទាំងអស់ ស្ដីពីការលក់ Franchise បន្ត ដើម្បីការពារកុំឱ្យមានបញ្ហាថ្ងៃក្រោយ។

6. បង្កើតក្រុមត្រួតពិនិត្យគុណភាព និងស្ដង់ដារ Franchise

នៅពេលមានប្រតិបត្តិការលក់ម៉ាកយីហោហើយ ម្ចាស់ម៉ាក ត្រូវតែមានក្រុមមួយ ដើម្បីត្រួតពិនិត្យបន្ថែមលើគុណភាព ក៏ដូចជាស្ដង់ដាររបស់អ្នកទិញដែលយកម៉ាកនោះទៅប្រកបអាជីវកម្មបន្ត។ ធ្វើបែបនេះ ដើម្បីធានាថា គុណភាព ក៏ដូចជា ស្ដង់ដារ Franchise នៅតែល្អ និងរក្សាកេរ្តិ៍នាមដើមបានយូរអង្វែង។

ពាណិជ្ជកម្ម

រឿង 8 យ៉ាង ម្ចាស់អាជីវកម្មថ្មីថ្មោង ត្រូវតែផ្ដោត

Sann Thaven

នៅក្នុងឆ្នាំ 2021 នេះ មានយុវជនជាច្រើន ចាប់អារម្មណ៍លើការចាប់ផ្ដើមបង្កើតអាជីវកម្មខ្នាតតូច នេះជារឿងល្អ ប៉ុន្តែក៏មានចំណុចមិនល្អដែរ ពីព្រោះយុវជនមួយចំនួនចង់ចាប់ផ្ដើមទាំងដែលខ្លួនឯងមិនទាន់មានមូលដ្ឋានគ្រឹះលើអាជីវកម្ម ដោយចិត្តចង់តាមគេ និងឆេះឆួលតាមសង្គម។

ហេតុផលខាងលើនេះហើយ ដែល Small Business Development Corporation បានបង្ហាញនូវគន្លឹះ 8 យ៉ាង ដើម្បីជាមូលដ្ឋានដល់ម្ចាស់អាជីវកម្មខ្នាតតូច សម្រាប់យកមកអនុវត្តនៅក្នុងអាជីវកម្មឱ្យមានភាពរីកចម្រើនឡើង។

1. ស្គាល់ពីអតិថិជនគោលដៅបានច្បាស់

មុនពេលមានអាជីវកម្មនៅក្នុងដៃ យើងក៏ត្រូវដឹងថា តើនរណាជាអតិថិជនរបស់អ្នក? លើសពីនេះ ត្រូវឈ្វែងយល់ពីតម្រូវការរបស់អតិថិជន និងចាប់ផ្ដើមអភិវឌ្ឍន៍ផលិតផលនិងសេវាកម្មរបស់ខ្លួនឱ្យត្រូវជាមួយនឹងតម្រូវការអតិថិជន។ ក្នុងចំណុចនេះ យើងក៏អាចប្រើយុទ្ធសាស្រ្តវាស់ស្ទង់មតិយោបល់បន្ថែមលើបណ្ដាញសង្គមពីអតិថិជន។

2. ផ្ដោតលើការផ្ដល់សេវាកម្មដ៏ល្អ

កាលណាផ្ដល់សេវាកម្មល្អដល់អតិថិជន នោះពួកគាត់នឹងមានការពេញចិត្តខ្លាំង ថែមទាំងជួយគាំទ្រកាន់តែខ្លាំងលើផលិតផលឬសេវាកម្មរបស់យើង និងអាចជួយណែនាំបន្តទៅកាន់មនុស្សផ្សេងទៀតពីផលិតផលឬសេវាកម្មរបស់យើងផងដែរ។

3. ចេះរក្សាអតិថិជនចាស់ និងបន្តរកអតិថិជនថ្មី

អតិថិជនចាស់នៅតែសំខាន់ ដូច្នេះកុំបោះបង់ពួកគាត់ចោល គួរតែរក្សាទំនាក់ទំនងជាមួយពួកគាត់ឱ្យបានជាប់ ពីព្រោះពួកគាត់ជាអតិថិជនដ៏ស្មោះត្រង់ និងជាអតិថិជនមួយដែលមានតម្លៃដោយពួកគាត់អាចណែនាំបន្តទៅកាន់បងប្អូន មិត្តភក្តិ និងមនុស្សផ្សេងៗទៀតជំនួសយើងបាន។ បន្ថែមពីនេះ អតិថិជនថ្មី ក៏នៅតែបន្តស្វែងរក និងផ្សារទំនាក់ទំនងថ្មី។

4. ប្រើ Social media

នៅចំណុចនេះ ម្ចាស់អាជីវកម្មគួរតែប្រព័ន្ធនេះ ដើម្បីផ្សព្វផ្សាយអាជីវកម្មផ្ទាល់ខ្លួនឱ្យកាន់តែមានអ្នកស្គាល់បានច្រើន អាចឈ្វេងយល់ពីចរិតលក្ខណៈប្រើប្រាស់របស់អតិថិជន អាចផ្សារចំណងទាក់ទងជាមួយអតិថិជនកាន់តែប្រសើរ អាចពង្រឹងការផ្ដល់សេវាកម្មជូនអតិថិជនឱ្យកាន់តែមានភាពប្រសើរឡើងជានិរន្ត និងបង្កើនអតិថិជនថ្មីៗ។

5. បង្កើតបណ្ដាញ

ការបង្កើតបណ្ដាញ គឺអ្នកអាចចាប់ផ្ដើមផ្សព្វផ្សាយពីខ្លួនឯងឱ្យគេស្គាល់បានច្រើនតាមព្រឹត្តការណ៍នានា ឬតាមបណ្ដាញសង្គមផ្សេងៗ ដើម្បីផ្សាទំនាក់ទំនងជាមួយមនុស្សខាងក្រៅឱ្យបានច្រើន និងពេលខ្លះអ្នកអាចបម្លែងពួកគេមកជាអតិថិជនបានទៀតផង។

6. បង្កើតឱ្យមានព្រឹត្តការណ៍

ម្ចាស់អាជីវកម្ម អាចបង្កើតឱ្យមានកម្មវិធីណាមួយ ដើម្បីជំរុញអាជីវកម្មឱ្យកាន់តែល្អ ដោយអាចសិក្សាពីអតិថិជនបន្ថែម និងអាចបង្កើតចំណងទាក់ទងជាមួយអតិថិជនមកជាមិត្តក៏កាន់តែល្អ។

7. ចាប់ឱកាសថ្មីៗ

អាជីវកម្មមួយ រីកចម្រើនបានលឿន ម្ចាស់អាជីវកម្មត្រូវតែបន្តឈ្វេងពីអាជីវកម្មខ្លួនឯងទាំងចំណុចខ្លាំង និងចំណុចខ្សោយ ដើម្បីស្វែងរកឱកាសថ្មីៗក្នុងការពង្រីកសាខា និងការចាប់ផ្ដើមអាជីវកម្មថ្មី។ លើសពីនេះ អាចមានឱកាសស្វែងរកជំនួយមកជួយ និងបង្កើតឱ្យមានការចូលរួមច្រើននៅក្នុងអាជីវកម្មផ្ទាល់ខ្លួន។

8. វាស់ស្ទង់ពីដំណើរការ និងការអភិវឌ្ឍបន្ត

នៅក្នុងចំណុចនេះ ម្ចាស់អាជីវកម្ម គួរតែចាប់ផ្ដើមសង្កេតមើលថា តើអតិថិជនរបស់ខ្លួនភាគច្រើនជានរណា មកពីណា? ហើយតើយុទ្ធសាស្រ្តដែលបានធ្វើកន្លងមក មានការជោគជ័យកម្រិតណាដែរ? បន្ទាប់មក ចាប់ផ្ដើមស្វែងរកដំណោះស្រាយ និងយុទ្ធសាស្រ្តថ្មីៗ ដើម្បីពង្រឹងបន្ថែមក្នុងការឆាប់សម្រេចបាននូវលទ្ធផលមួយដ៏ជាទីគាប់ចិត្ត។

ពាណិជ្ជកម្ម

ប្រយ័ត្នខាតបង់ ! ប្រសិនបើអ្នកទិញផ្ទះដោយមិនពិនិត្យមើលចំណុចទាំងអស់នេះ

Sreylin Earng

ពិនិត្យមើលឲ្យបានច្បាស់លាស់ ! ប្រយ័ត្នខាតបង់ធ្ងន់ធ្ងរណា

និយាយដល់ការទិញផ្ទះលើកដំបូង គឺជាប្រធានបទមួយដែលធ្វើឲ្យយើងមានអារម្មណ៍រំភើបហើយអំឡុងពេលរំភើបនោះក៏យើងមានអារម្មណ៍ថាព្រួយបារម្មណ៍ដែរ ។ ដោយសារតែការវិនិយោគលើអចលនវត្ថុគឺទាមទារឲ្យប្រើប្រាស់ដើមទុនច្រើន ដូច្នេះបើសិនជាយើងសម្រេចចិត្តខុសវានឹងធ្វើឲ្យយើងខាតបង់ប្រាក់ច្រើនដូចគ្នាផងដែរ ។

នៅក្នុងអត្ថបទនេះខ្ញុំនឹងលើកយកនូវ ៥ ចំណុចសម្រាប់បងប្អូនយកទៅពិចារណាមុនពេលដែលបងប្អូនសម្រេចចិត្តទិញផ្ទះលើកដំបូង ។

១. ភាពស្របច្បាប់នៃអចលនវត្ថុ

ចំណុចដ៏សំខាន់មួយដែលបងប្អូនត្រូវតែស្វែងយល់ឲ្យបានច្បាស់នោះគឺភាពស្របច្បាប់នៃអចលនវត្ថុ ។ ដោយភាពស្របច្បាប់នៃអលចនវត្ថុនេះគឺសំដៅទៅលើ ប័ណ្ណកម្មសិទ្ធិ ពីព្រោះថាសព្វថ្ងៃនេះនៅប្រទេសកម្ពុជាគឺយើងមានប័ណ្ណកម្មសិទ្ធិ ២ ប្រភេទដែលយើងហៅថាជាប្រភេទប័ណ្ណប្លង់រឹងនិងប័ណ្ណប្លង់ទន់ ។ សម្រាប់ប្រភេទប័ណ្ណកម្មសិទ្ធិនេះផងដែរ ក៏យើងត្រូវពិនិត្យឲ្យបានច្បាស់លាស់ថាតើប័ណ្ណកម្មសិទ្ធិនៃអចលនវត្ថុដែលយើងចង់ទិញនោះគឺមានទំនាស់ឬក៏មានវិវាទណាមួយដែរឬអត់ ?

បើសិនជាបងប្អូនមិនច្បាស់ក្នុងចិត្តទេ បងប្អូនអាចធ្វើការឆែកព័ត៌មានទាំងអស់នេះ ជាមួយនឹងមន្រ្តីសុរិយោដីដើម្បីឲ្យពួកគាត់ជួយត្រួតពិនិត្យលើប្រភេទប័ណ្ណកម្មសិទ្ធិ ឬមួយក៏ទាក់ទងទៅក្រុមហ៊ុន

អចលនវត្ថុដែលស្របច្បាប់ណាមួយដើម្បីការពារនូវហានិភ័យនាថ្ងៃអនាគត ។

២. ទីតាំងនិងបរិយាកាសជុំវិញអចលនវត្ថុ

ជាការពិតណាស់ទីតាំងគឺជាចំណុចដ៏សំខាន់បំផុតមួយនៅក្នុងការទិញអចលនវត្ថុ ហើយការឡើងថ្លៃនិងការធា្លក់ចុះនៃអចលនវត្ថុគឺទាក់ទងនទៅនឹងទីតាំងនេះឯង។ មិនថាតែបងប្អូនទិញដើម្បីវិនិយោគក្តីឬក៏ទិញដើម្បីស្នាក់នៅក្តី បងប្អូនត្រូវតែពិនិត្យមើលទីតាំងនៃអចលនវត្ថុនោះឲ្យបានច្បាស់លាស់ថាតើទីតាំងនោះល្អ ចំមុខឬក៏អាចនឹងមានតម្រូវការច្រើននាពេលអនាគតដែរឬទេ ។ បើសិនជាបងប្អូនរកបាននូវអចលនវត្ថុ ២ ដែលមានតម្លៃខុសគ្នាតិចតួចដោយសារទីតាំងមួយល្អមួយមិនសូវល្អ នោះបងប្អនគួរតែពិចារណាជ្រើសរើសទីតាំងដែលល្អទៅ ។

៣. កេរ្តិ៍ឈ្មោះបុរី

នៅក្នុងករណីដែលបងប្អូនចង់ទិញផ្ទះនៅក្នុងបុរីណាមួយ នោះចំណុចសំខាន់មួយចំនួនដែលបងប្អូនត្រូវពិនិត្យមានដូចជា បទពិសោធន៍នៃការសាងសង់របស់បុរី ថាតើគាត់មានធ្លាប់មានបទពិសោធន៍នៅក្នុងការសាងសង់នេះរយៈពេលប៉ុន្មានឆ្នាំហើយ ? មួយវិញទៀតតើគុណភាពសំណង់មានលក្ខណៈដូចម្តេចដែរ ? បន្ថែមពីនេះ បងប្អូនក៏គួរតែពិនិត្យមើលលើការគ្រប់គ្រងរបស់បុរី ថាតើការរៀបចំហេដ្ឋារចនាសម័្ពន្ធនិងការគ្រប់គ្រងអនាម័យនៅក្នុងបុរីនោះល្អដែរឬទេ ?

ចំណុចដ៏សំខាន់មួយទៀតដែលបងប្អូនត្រូវតែពិនិត្យនោះ គឺជាច្បាប់សាងសង់របស់បុរី ថាតើបុរីនោះសាងសង់ឡើងដោយត្រឹមត្រូវស្របច្បាប់ដែរឬអត់ ។ បើសិនជាបងប្អូនទិញប៉ះចំបុរីដែលមិនមានច្បាប់សាងសង់ត្រឹមត្រូវទេនោះ បងប្អូនអាចនឹងប្រឈមនឹងហានិភ័យនៃការរឹមអូសក៏ដូចជាការឈូសឆាយផងដែរ ។

ម្យ៉ាងវិញទៀត បងប្អូនក៏ត្រូវតែពិនិត្យមើលលើផែនការមេរបស់បុរីផងដែរ ។ ជាក់ស្តែងសម្រាប់គម្រោងបុរីដែលធំគឺតែងតែមាននូវផែនការអភិវឌ្ឍន៍ច្បាស់លាស់ដូចជា ការធ្វើសួន កន្លែងហាត់ប្រាណ ឬមួយក៏ជាទីធ្លាសាធារណៈផ្សេងៗ ដែលកត្តាទាំងអស់នេះហើយដែលធ្វើឲ្យអចលនវត្ថុដែលយើងទិញនោះ អាចផ្តល់នូវអារម្មណ៍ថាមានផាសុកភាព ក៏ដូចជាបែបបទនៃការរស់នៅស្របទៅតាមចំណង់ចំណូលចិត្តរបស់យើង ហើយបើសិនជាយើងទិញទុកចំណេញ ក៏វាអាចនឹងមានការឡើងថ្លៃផងដែរ ។

៤. កុងត្រាកិច្ចសន្យាទិញលក់

នៅក្នុងទិញលក់អចលនវត្ថុ កត្តាដែលធ្វើឲ្យបងប្អូនអាចជៀសផុតពីហានិភ័យនាថ្ងៃអនាគតនោះគឺជាកិច្ចសន្យាទិញលក់នេះហើយ ។ បើសិនជាបងប្អូនមិនមានបទពិសោធន៍និងចំណេះដឹងនៅក្នុងការទិញលក់អចនលវត្ថុពីមុនមកទេ បងប្អូនអាចធ្វើការពឹងពាក់ទៅកាន់មេធាវីឬក៏ភ្នាក់ងារអចលនវត្ថុស្របច្បាប់ណាមួយដើម្បីជួយត្រួតពិនិត្យកុងត្រានៅក្នុងទិញលក់ ដែលអាចបញ្ជៀសនូវហានិភ័យនាពេលអនាគតបាន ។

៥. ផែនការហិរញ្ញវត្ថុ

ដូចដែលបងប្អូនបានដឹងស្រាប់ហើយថាការវិនិយោគលើហិរញ្ញវត្ថុ គឺជាការចំណាយដើមទុនច្រើន ដូច្នេះបើសិនជាយើងមិនបានគិតលើផែនការហិរញ្ញវត្ថុរបស់យើងឲ្យបានល្អិតល្អន់ទេ នោះយើងប្រាកដជាអាចជួបនូវហានិភ័យក៏ដូចជាមានសម្ពាធផ្នែកហិរញ្ញវត្ថុផងដែរ ។ ខាងក្រោមនេះគឺជាចំណុចមួយចំនួនដែលបងប្អូនគួរតែស្វែងយល់ឲ្យបានច្បាស់មុនពេលសម្រេចចិត្តទិញផ្ទះ ៖

• ស្វែងយល់អំពីតម្រូវការ និង ទំហំសាច់ប្រាក់ដែលយើងចង់វិនិយោគ

• បង្កើតទម្លាប់នៅក្នុងការសន្សំប្រាក់

• ដឹងអំពីលក្ខខណ្ឌបង់ប្រាក់របស់យើងជាមួយធនាគារ

• ជ្រើសរើសប្រភេទឥណទានគេហដ្ឋានណាដែលសាកសម្យសម្រាប់យើង

ពាណិជ្ជកម្ម

របៀបបង្កើតវីដេអូផ្សព្វផ្សាយលើ Facebook ដ៏ជោគជ័យ របស់លោក Dennis Yu

Sann Thaven

លោក Dennis Yu គឺជាអ្នកជំនាញ Digital Marketing និង Personal Building។ លោកបានចែករំលែកនូវតិកនិចសំខាន់ៗ ដើម្បីបង្កើនប្រសិទ្ធភាពក្នុងការបង្កើតវីដេអូផ្សព្វផ្សាយលើ Facebook ដើម្បីទទួលបានជោគជ័យ ដោយមានគុណភាពខ្ពស់ និងមានអ្នកចូលរួមទស្សនាច្រើនបំផុត។

តិចនិកសំខាន់ទាំងនេះ អ្នកធ្វើការផ្នែកយុទ្ធសាស្រ្តទីផ្សារលើបណ្ដាញសង្គម និងម្ចាស់អាជីវកម្មទាំងអស់ អាចអនុវត្តបាន។

របៀបផ្សព្វផ្សាយលើ Facebook ដ៏ល្អបំផុត

ដើម្បីអាចធ្វើការផ្សព្វផ្សាយលើ Facebook បាន ដំណាក់កាលដំបូងអ្នកគួរឈ្វេងយល់ Awareness, Consideration និង Conversion ជាមុនសិន។

1. Awareness

សំដៅលើ មូលហេតុដែលជួយមនុស្សឱ្យយល់កាន់តែច្បាស់ពីអ្វីដែលអ្នកជឿជាក់លើវាខ្លាំង និងមានគោលជំហរលើគុណតម្លៃផ្ទាល់ខ្លួន បន្ទាប់មកចែករំលែកនូវអ្វីដែលអ្នកបានជឿជាក់លើនោះទៅកាន់មនុស្សផ្សេងទៀត តាមរយៈការថតជាវីដេអូ ឬការ Live និងផ្សេងៗទៀត ក្នុងគោលបំណងឱ្យអ្នកដទៃបានរៀនសូត្រពីអ្នក និងស្គាល់ថាអ្នកគឺជានរណា (បើលក់ផលិតផលសេវាកម្ម អ្នកនឹងបង្ហាញឱ្យអ្នកផ្សេងយល់ដឹង និងស្គាល់ពីផលិតផលសេវាកម្មរបស់អ្នក)។

2. Consideration

សំដៅលើ របៀបដែលអ្នកនឹងចាប់ផ្ដើមដំណើរការ និងអាចទាក់ទាញមនុស្សឱ្យចូលរួមបានច្រើនតាមការកំណត់របស់អ្នក។

3. Conversion

សំដៅលើ អ្វីមួយដែលអ្នកអាចចាប់ផ្ដើមបិទការលក់បាន និងទទួលបានប្រាក់ចំណូលពីការលក់ ដូច្នេះត្រង់ចំណុចនេះ គឺត្រូវបង្កើតទំនុកចិត្តឱ្យខ្លាំងដល់អតិថិជនរបស់អ្នក។

ក្បួនអនុវត្តដើម្បីផ្សព្វផ្សាយកាន់តែល្អ

1. បង្ហោះ វីដេអូខ្លី

វីដេអូនោះ អាច15 វិនាទី ទៅ 1នាទី ដែលគ្រាន់តែជាវីដេអូបង្ហាញពីទិដ្ឋភាពសំខាន់ៗ។

2. បង្ហោះពីរឿងរ៉ាវផ្ទាល់ខ្លួនបន្ថែម

អ្នកអាចផ្សព្វផ្សាយជាលក្ខណៈចែករំលែកចំណេះដឹងនៅលើ Facebook ដោយកុំតាំងខ្លួនជាអ្នកផ្សព្វផ្សាយពាណិជ្ជកម្មអំពីអ្វីមួយ។

របៀបទាក់ការយកចិត្តទុកដាក់ និងទំនុកចិត្ត ពីសំណាក់ទស្សនិកជន

1. តើអ្វីដែលមនុស្សចង់ឃើញនៅលើបណ្ដាញសង្គម?

ចំណុចនេះ អ្នកត្រូវយល់ឱ្យបានច្បាស់ថា មនុស្សភាគច្រើនចង់ឃើញអ្វីលើបណ្ដាញសង្គម។ ហើយអ្វីដែលអ្នកត្រូវចងចាំទុកនោះគឺថា មនុស្សមិនចូលចិត្តការផ្សព្វផ្សាយពាណិជ្ជកម្មអ្វីទេ ប៉ុន្តែពួកគេចូលចិត្តការផ្សព្វផ្សាយបែបកំសាន្ត ការផ្សព្វផ្សាយដែលអាចជួយពួកគេឱ្យមានការផ្លាស់ប្ដូរ អាចរៀនសូត្របន្ថែមបាន និងមានលក្ខណៈថ្មីដែលពួកគេមានភាពភ្ញាក់ផ្អើល ឬថ្មីសម្រាប់ពួកគេជាដើម។

2. ប្រើយុទ្ធសាស្រ្តបង្កើតវីដេអូ 1នាទី

ទី1. When I was (40 វីនាទី)

សំដៅលើ ការបង្ហាញពីអ្វីដែលបានកើតឡើងចំពោះអ្នក ឧទាហរណ៍ កាលពីខ្ញុំអាយុ 18ឆ្នាំ ខ្ញុំបានឈប់រៀននៅវិទ្យាល័យ ពីព្រោះខ្ញុំចង់ពង្រឹងខ្លួនឯងឱ្យក្លាយជាអ្នកជំនាញលើអ្វីមួយជាដើម។ បន្ទាប់មក បង្ហាញពីរឿងរ៉ាវសំខាន់ៗស្ដីអំពីអ្វីដែលបានកើតឡើង នៅពេលដែលអ្នកបានសម្រេចចិត្តធ្វើអ្វីមួយនោះ ទាំងភាពសោកសៅ វិធីជំនះឧបសគ្គ និងផ្សេងៗទៀត។

ទី2. I believe that (15 វិនាទី)

សំដៅលើ ការបង្ហាញថា ដោយសារតែអ្នកមានភាពជឿជាក់ ឬមានហេតុផលណាមួយ ទើបធ្វើឱ្យអ្នកហ៊ានសម្រេចចិត្តធ្វើរឿងណាមួយជាដើម បន្ទាប់មក អ្នកអាចបង្ហាញគន្លឹះមួយចំនួនដើម្បីចែករំលែកដល់មនុស្សផ្សេងទៀត អំពីអ្វីដែលអ្នកជឿជាក់ថានឹងល្អ និងអាចអនុវត្តបាន។

ទី3. I am (5 វិនាទី)

សំដៅលើ ការបង្ហាញថា អ្នកគឺជានរណា? ឈ្មោះអ្វី? ហើយអ្នកមានចំណុចខ្លាំង និងមានជំនាញលើផ្នែកណា?

បញ្ចូលយុទ្ធសាស្រ្ត 1$ (The Dollar a day)

ចំណុចនេះ មានន័យថា អ្នកអាចតេស្តមាតិការបស់អ្នកក្នុងការផ្សព្វផ្សាយត្រឹម 1$ រៀងរាល់ថ្ងៃ ក្នុងរយៈពេល 7ថ្ងៃ ដើម្បីតេស្តឱ្យដឹងថា មាតិកានោះអាចទាក់ទាញត្រូវនឹងអតិថិជន និងដំណើរការល្អឬទេ? លើសពីនេះ អ្នកក៏អាចតេស្តមាតិកាមួយថ្ងៃ 2ឬច្រើនក្នុងពេលតែមួយ ដោយចំណាយ 1ដុល្លារលើមាតិកានីមួយៗ ដើម្បីប្រៀបធៀបលទ្ធផលគ្នា
ដំណាក់កាលទី2 អ្នកអាចសង្កេតមើលថា មាតិកាបែបណា ដែលមានប្រសិទ្ធភាពខ្ពស់ បន្ទប់មកជ្រើសរើសមាតិកានោះ បន្តអនុវត្តនូវការតេស្ត 1$ ក្នុងរយៈពេល 30ថ្ងៃ
ដំណាក់កាលទី3 បន្តធ្វើដូចដំណាក់កាលទី2 ប៉ុន្តែប្រើយុទ្ធសាស្រ្ត 1$ ក្នុងរយៈពេល 100ថ្ងៃ រហូតដល់អ្នកជឿជាក់ថា មាតិកានេះមានឥទ្ធិពលខ្លាំងជាមួយនឹងទស្សនិកជន
ដំណាក់កាលចុងក្រោយ អ្នកអាចវាយលុកក្នុងការរៀបចំកញ្ចប់ថវិកា ដើម្បីសម្រុកលើការចំណាយនៃការផ្សព្វផ្សាយមាតិកានោះឱ្យកាន់តែខ្លាំងទៀត។

ពាណិជ្ជកម្ម

ហេតុអ្វី ម្ចាស់អាជីវកម្មភាគច្រើន ចូលចិត្តដាក់តម្លៃបញ្ចប់ដោយលេខ 9 ឬ 99?

Sann Thaven

តាមការសង្កេតឃើញភាគច្រើន តម្លៃដែលម្ចាស់អាជីវកម្មបានកំណត់ គឺតែងតែមានកន្ទុយលេខ 9 ដូចជា 0.99$ 0.49$ 29$ 99$ 199$ 999$ ។ល។ សូម្បីតែក្រុមហ៊ុន Apple ក៏បានដាក់តម្លៃទូរស័ព្ទស៊េរីថ្មី iPhone 13 mini តម្លៃ 699$ និង iPhone 13 តម្លៃ 799$ ជាដើម។ ហេតុអ្វី?

បើយោងតាមទ្រឹស្តីកំណត់តម្លៃបញ្ចប់ដោយលេខ9 និងលេខ99 គេបានកំណត់ថា ខួរក្បាលមនុស្សយើងចូលចិត្តមើលពីឆ្វេងមកស្ដំា បើឃើញលេខខាងឆ្វេងតូច នោះគេនឹងគិតដោយស្វ័យប្រវត្តិថាលេខមានចំនួនតិច ដោយយើងអាចកំណត់ឈ្មោះថា “អំណាចនៃតួលេខខាងឆ្វេង (the left-digit effect) ឬ តម្លៃទាក់ទាញ (charm pricing)”។ ហើយនេះជាមូលហេតុដែលអ្នកដើរទិញឥវ៉ាន់ភាគច្រើនចូលចិត្តទិញផលិតផលក្នុងតម្លៃ 4.99$ ជាជាងផលិតផលដូចគ្នាដែលមានតម្លៃ 5$ ដូច្នេះហើយតម្លៃដែលបញ្ចប់ដោយលេខ 9 ជាយុទ្ធសាស្រ្តកំណត់តម្លៃដ៏មានឥទ្ធិពលបំផុត។

អ្វីដែលសំខាន់ ការកំណត់តម្លៃដោយបញ្ចប់ដោយលេខ9 ក៏ជាយុទ្ធសាស្រ្តទីផ្សារដើម្បីទាក់ទាញចិត្តអតិថិជនដ៏មានប្រសិទ្ធភាព និងជាការកំណត់តម្លៃដ៏មានប្រជាប្រិយនាពេលបច្ចុប្បន្នផងដែរ។

អត្ថប្រយោជន៍នៃការយុទ្ធសាស្រ្តកំណត់តម្លៃបញ្ចប់ដោយលេខ 9

ងាយធ្វើឱ្យអតិថិជនសម្រេចចិត្តទិញបានលឿនជាងមុន
ប្រសិទ្ធភាពលើការធ្វើយុទ្ធសាស្រ្តទីផ្សារលើការកំណត់តម្លៃ
ផ្ដល់នូវភាពជឿជាក់ដល់អតិថិជនលើការប្រើប្រាស់ផលិតផលរបស់អ្នក
ធ្វើឱ្យអតិថិជនមានអារម្មណ៍ថា គាត់ចំណេញជាងមុន

សរុបមក ការកំណត់តម្លៃដោយបញ្ចប់នូវលេខ 9 គឺជាយុទ្ធសាស្រ្តទីផ្សារកំណត់តម្លៃបែបចិត្តសាស្រ្ត ដែលអាចទាញចិត្តអតិថិជនឱ្យមានអារម្មណ៍ថា តម្លៃមានភាពធូរថ្លៃជាងមុន ទោះបីជាពេលខ្លះតម្លៃនោះខុសត្រូវគ្នាតែ0.01$ ក៏ដោយ។ ហើយនេះ ក៏ជាការកំណត់តម្លៃ តាមបែបចរិតលក្ខណៈរបស់អតិថិជនផងដែរ ព្រោះអតិថិជនភាគច្រើនគាត់ចូលចិត្តមើលតម្លៃមុនគេ ដោយមើលតម្លៃពីខាងឆ្វេងមុន។

ពាណិជ្ជកម្ម

ប្រភេទអាជីវកម្មទាំង11 នេះ អ្នកអាចចាប់ផ្ដើមដោយដើមទុនតិចជាង 100$

Sann Thaven

ប្រភេទអាជីវកម្មដែលអ្នកអាចចាប់ផ្ដើមដោយដើមទុនតិចជាង 100$

អាជីវកម្មមួយ អាចកើតឡើងបាន ទាមទារនូវចំណេះជំនាញ ដើមទុន និងធនធានជាច្រើន ប៉ុន្តែប្រភេទអាជីវកម្ម 11 ដែលជាការចម្រាញ់ដ៏យកចិត្តទុកដាក់ ដែលយើងអាចចាប់ផ្ដើមបានដោយប្រើដើមទុនតិច ប៉ុន្តែទាមទារឱ្យអ្នកមានចំណេះដឹងច្រើននោះ រួមមាន៖

1. អ្នកប្រឹក្សាយោបល់

ប្រសិនបើអ្នកមានចំណេះដឹង ជំនាញ ឬបទពិសោធន៍រួចហើយនៅក្នុងវិស័យជាក់លាក់ណាមួយ ឧទាហរណ៍ការផ្តល់ដំបូន្មានផ្នែកច្បាប់ ការបង្ហាញពីរបៀបធ្វើអាជីវកម្មឱ្យមានភាពងាយស្រួលជាងមុន របៀបធ្វើទីផ្សារកាន់តែមានប្រសិទ្ធភាព និងផ្សេងៗទៀត។ បន្ទាប់មក អ្នកអាចចាប់ផ្តើមធ្វើជាទីភ្នាក់ងារប្រឹក្សាយោបល់ផ្ទាល់ទៅកាន់អ្នកដទៃ។ ហើយការចំណាយសំខាន់ជាងគេនៅក្នុងមុខរបរនេះ គឺការវិនិយោគលើគេហទំព័រនិងនាមប័ណ្ណ ដើម្បីធ្វើទីផ្សារអាជីវកម្មឱ្យមានអ្នកស្គាល់កាន់តែច្រើន ព្រមទាំងធ្វើយ៉ាងណាឱ្យគេមានទំនុកចិត្ត និងភាពជឿជាក់ក្នុងការទទួលប្រឹក្សាយោបល់ពីអ្នក។

2. ធ្វើការ Freelance

ការធ្វើការផ្នែកនេះ ទាមទារឱ្យអ្នកចេះច្បាស់លើការប្រើប្រាស់កុំព្យូទ័រ និងការចេះភ្ជាប់អ៊ីនធឺណែតហើយការដែលធ្វើការ Freelance នេះ មានច្រើនណាស់ ដូចជា

អ្នកនិពន្ធ
អ្នកសរសេរមាតិកា
Copywrite
អ្នកអភិវឌ្ឍន៍ និងរចនាគេហទំព័រ
ការបកប្រែ
សេវាកម្មច្បាប់
សេវាកម្មស្ថាបត្យកម្ម
អ្នកប្រឹក្សាយោបល់ផ្នែកអាជីវកម្ម
គ្រូបង្រៀនអនឡាញ ឬបង្រៀនក្រៅម៉ោង
និងជាច្រើនទៀត។

3. សេវាកម្មដឹកម្ហូបអាហារ

នៅក្នុងសម័យនេះ ជាសម័យដែលមនុស្សពេញនិយមប្រើប្រាស់សេវាកម្មដឹក ដោយភាគច្រើនពួកគេគ្មានពេលទំនេរច្រើន និងខ្ជិលចេញពីការិយាល័យ ឬផ្ទះ ដើម្បីទៅទិញឬដឹកម្ហូបអាហារដោយខ្លួនឯងផ្ទាល់ ដូច្នេះពួកគេនឹងទាក់ទងជាមួយនឹងសេវាដឹក ដើម្បីដឹកម្ហូបអាហារឱ្យគេទៅតាមទីតាំងដែលបានកំណត់។

4. គ្រូបង្រៀន

អ្នកអាចលក់មេរៀនបង្រៀនមនុស្សឱ្យចេះលេងឧបករណ៍ភ្លេង ការធ្វើម្ហូប របៀបហាត់ប្រាណ របៀបធ្វើទីផ្សារ និងមេរៀនជាច្រើនទៀតទៅតាមបទពិសោធន៍ ចំណេះជំនាញរបស់អ្នក។ ហើយមុខរបរនេះ ទាមទារឱ្យអ្នកមានចំណេះដឹងច្បាស់លាស់ និងចេះធ្វើទីផ្សារផ្ទាល់ខ្លួនដើម្បីចាប់ផ្តើម។

5. អ្នកប្រឹក្សាផ្នែកសន្តិសុខលើប្រព័ន្ធអ៊ីនធឺណេត

សន្តិសុខគឺជាកង្វល់ចម្បងសម្រាប់អាជីវកម្មនិងបុគ្គល។ ក្រៅពីជំនាញនិងការធ្វើទីផ្សារខ្លះ គឺវាមិនចំណាយច្រើនទេក្នុងការចាប់ផ្តើមអាជីវកម្មការពារផ្នែករឹងនិងសូហ្វវែររបស់អ្នកដទៃនេះ ប៉ុន្តែអ្វីដែលសំខាន់ ទាមទារឱ្យអ្នកចេះច្បាស់លើប្រព័ន្ធកុំព្យូទ័រ ការសរសេរកូដ ការកំណត់រចនាសម្ព័ន្ធបណ្ដាញនិងសុវត្ថិភាព ចេះឆ្លើយតបនិងដោះស្រាយបញ្ហានានាបានឆាប់ យល់ដឹងពីការគំរាមកំហែងលើដំណើរការនានា និងជាច្រើនទៀតដើម្បីធានាឱ្យមានសន្តិសុខលើប្រព័ន្ធអ៊ីនធឺណែត។

6. អ្នកផលិតមាតិកាតាមអនឡាញ

បច្ចុប្បន្ននេះ អាជីវកម្ម កំពុងតែត្រូវការមាតិកាជាច្រើន ដើម្បីផ្សព្វផ្សាយ និងធ្វើទីផ្សារ ដូច្នេះអាជីវកម្មទាំងនោះ ទាមទារឱ្យមានក្រុមការងារដែលមានទេពកោសល្យដើម្បីបង្កើតមាតិការ បង្កើតខ្លឹមសារនានា ប៉ុន្តែជាអកុសល ភាគច្រើនពួកគេខ្វះធនធាន ដែលជាហេតុធ្វើឱ្យពួកគេ ជួលអ្នកដទៃមកធ្វើកិច្ចការទាំងនេះ។ ហើយវាក៏ជាឱកាសសម្រាប់អ្នកដែរ ប្រសិនបើអ្នកមានជំនាញច្បាស់ក្នុងការបង្កើតមាតិកាល្អៗ មានគុណភាព។

7. អ្នកថតរូប

អ្នកថតរូប ជាអ្វីដែលម្ចាស់អាជីវកម្មជាច្រើនកំពុងតែត្រូវការ ដូច្នេះអ្នកអាចចាប់យកឱកាសនេះ ដើម្បីចាប់ផ្ដើមអាជីវកម្មថតរូបឱ្យទៅម្ចាស់អាជីវកម្មលើវិស័យនានា ដូចជាការថតរូបផលិតផល ថតរូបការរៀបអាពាហ៍ពិពាហ៍ ថតមុខម្ហូបអាហារ និងជាច្រើនទៀត។

8. គ្រូបង្វឹកផ្ទាល់ខ្លួនលើការហាត់ប្រាណ

ការហាត់ប្រាណជារឿងមួយដ៏សំខាន់សម្រាប់មនុស្ស មិនថា ការហាត់ប្រាណសម្រករាង ហាត់ប្រាណដើម្បីសុខភាពទេ គឺសុទ្ធតែមានរបៀបរបស់វា ដូច្នេះប្រសិនបើអ្នកច្បាស់លើរបៀបហាត់ប្រាណលើផ្នែកណាមួយ អ្នកអាចចាប់ផ្ដើមអាជីវកម្មមួយ ដោយធ្វើជាគ្រូបង្វឹកផ្ទាល់ខ្លួនរបស់នរណាម្នាក់ ដើម្បីធានាថា ពួកគេហាត់ប្រាណត្រូវនឹងក្បួន និងទទួលបានប្រសិទ្ធភាពខ្ពស់ជាដើម។ ហើយការធ្វើជាគ្រូបង្វឹកផ្ទាល់ខ្លួនលើការហាត់ប្រាណនេះ អ្នកអាចធ្វើជាអនឡាញក៏បាន និងផ្ទាល់ក៏បាន អាស្រ័យលើអ្វីដែលអ្នកចង់ចាប់ផ្ដើម។

9. អ្នកអភិឌ្ឍន៍កម្មវិធី (App developer)

ម្ចាស់អាជីវកម្មមួយចំនួន គឺត្រូវការអ្នកអភិវឌ្ឍន៍កម្មវិធីរបស់គាត់ឱ្យកាន់តែងាយស្រួលមើល និងមានភាពល្អជាងមុន ហើយកម្មវិធី（App） ទាំងនោះ ភាគច្រើនគឺជាកម្មវិធីអានឬស្ដាប់ព័ត៌មាន ចំណេះដឹង និងការសិក្សាជាដើម។ ចំពោះអ្នកដែលមានជំនាញអភិវឌ្ឍន៍កម្មវិធីនេះ បច្ចុប្បន្នមិនសូវមានច្រើននោះឡើយនៅក្នុងប្រទេសកម្ពុជា ដូច្នេះនេះជាឱកាសសម្រាប់អ្នកដើម្បីចាប់ផ្ដើមនូវមុខរបរនេះ ប៉ុន្តែទាមទារឱ្យអ្នកមានចំណេះដឹងផ្នែកហ្នឹងឱ្យបានច្បាស់ ដូចជាយល់ពីភាសាកូដ និងចេះប្រើប្រាស់វាជាដើម។

10. អ្នករចនា Logo

ប្រសិនបើអ្នកជាបុគ្គលដែលមានគំនិតច្នៃប្រឌិត នោះការរចនាឡូហ្គូ គឺជាអាជីវកម្មដែលងាយស្រួលចាប់ផ្តើមសម្រាប់អ្នក។ ហើយម្ចាស់អាជីវកម្មទើបនឹងចាប់ផ្ដើមអាជីវកម្មជាច្រើន នឹងត្រូវការអ្នក ដើម្បីរចនាឡូហ្គូសម្រាប់ពួកគេ។

11. គ្រូបង្វឹកឬអ្នកត្រួសត្រាយផ្លូវជីវិត

មនុស្សជាច្រើន តែងតែត្រូវការនូវគ្រូបង្វឹក និងណែនាំផ្លូវដ៏ល្អ សម្រាប់ត្រួសត្រាយផ្លូវជីវិតរបស់ពួកគេឱ្យមានភាពប្រសើរជាងមុន ដូច្នេះប្រសិនបើអ្នកជាមនុស្សដែលអាចជួយប្រឹក្សាយោបល់ ជាមនុស្សមានបទពិសោធន៍ច្រើនក្នុងការដោះស្រាយបញ្ហាមនុស្ស និងអាចត្រួសត្រួយផ្លូវមនុស្សបាន ដូច្នេះនេះជាឱកាសក្នុងការចាប់ផ្ដើមអាជីវកម្មសម្រាប់អ្នក។

សរុបមក អាជីវកម្មទាំង11 ខាងលើនេះ ជាការចម្រាញ់ប្រភេទអាជីវកម្មដែលអ្នកអាចចាប់ផ្ដើមដោយចំណាយដើមទុនតិច ប៉ុន្តែទាមទារឱ្យអ្នកមានចំណេះដឹង និងបទពិសោធន៍លើផ្នែកទាំងនោះឱ្យបានខ្លាំងជាមុនសិន ដើម្បីងាយផ្ដល់ទំនុកចិត្តដល់អតិថិជនគោលដៅ និងងាយធ្វើទីផ្សារ។ ហើយសូម្បីបញ្ជាក់ផងដែរ នៅមានប្រភេទអាជីវកម្មជាច្រើនទៀត ដែលអ្នកអាចចាប់ផ្ដើមអាជីវកម្មដោយប្រើដើមទុនតិច ប៉ុន្តែវាអាស្រ័យលើអ្នកក្នុងការចេះបង្កើតឱកាស ចេះចាប់យកឱកាស និងចេះប្រើប្រាស់ជំនាញ ឬទេពកោសល្យផ្ទាល់ខ្លួនក្នុងការបង្កើតទីផ្សារ និងបង្កើតអាជីវកម្មសម្រាប់ខ្លួនឯង។

ពាណិជ្ជកម្ម

អ្នកឧកញ៉ា គិត ម៉េង បានណែនាំគន្លឹះ3 ដើម្បីចាប់ផ្តើមអាជីវកម្ម

Sann Thaven

អ្នកឧកញ៉ាគិត ម៉េង ជាប្រធាន និងនាយកប្រតិបត្តិនៃក្រុមហ៊ុន រ៉ូយ៉ាល់គ្រុប ដែលមានក្រុមហ៊ុនបុត្រសម្ព័ន្ធជាច្រើន ដូចជា

ក្រុមហ៊ុនសេវាទូរស័ព្ទចល័តCellcard
ក្រុមហ៊ុនសេវាអ៊ីនធឺណេត Ezecom
សណ្ឋាគារ Cambodiana
ធនាគារ វីង (ខេមបូឌា) ម.ក
ស្ថានីយទូរទស្សន៍ស៊ីធីអិន
ក្រុមហ៊ុនធានារ៉ាប់រង អ៊ិនហ្វីនីធី និងក្រុមហ៊ុនធំៗជាច្រើនផ្សេងទៀត

ព្រមទាំង ជាប្រធានសភាពាណិជ្ជកម្មកម្ពុជា។ ហើយអ្នកឧកញ៉ា ក៏ជាបុគ្គលដែលជួយកិច្ចការងារសង្គមជាច្រើន និងជួយដល់ការអភិវឌ្ឍន៍ប្រទេសជាតិផងដែរ តាមរយៈការបង្កើតការងារធ្វើឱ្យប្រជាជនរាប់ពាន់នាក់។ លើសពីនេះ ជាអ្នកជំនួញដ៏ជោគជ័យនៅក្នុងប្រទេសកម្ពុជា ដោយអ្នករកស៊ី និងមនុស្សជាច្រើនបានស្គាល់ និងគោរពស្រលាញ់គាត់ជាខ្លាំង។

នាពេលថ្មីៗនេះ បើយោងតាម ផេកផ្លូវការរបស់អ្នកឧកញ៉ា បានបង្ហាញថា ការធ្វើអាជីវកម្មអាចជាបទពិសោធន៍ដ៏ពិបាក ប៉ុន្តែអ្នកឧកញ៉ាជឿជាក់លើមូលដ្ឋានគ្រឹះចំនួន3 ដើម្បីធ្វើឱ្យអាជីវកម្មដំណើរការទៅមុខបានល្អ ហើយគន្លឹះទាំង 3 នោះ រួមមាន៖

1. ចាប់ផ្តើមជាមួយចក្ខុវិស័យ

ការចាប់ផ្ដើមអាជីវកម្មដោយមានចក្ខុវិស័យ ជារឿងល្អដែលមានក្តីសុបិនខ្ពស់ និងការប្រាថ្នាធំ ហើយគិតឱ្យបានជ្រៅ។ ចក្ខុវិស័យរបស់អ្នកមិនត្រឹមតែសំដៅលើការរកប្រាក់ចំណេញប៉ុណ្ណោះទេ ប៉ុន្តែក៏ជាចក្ខុវិស័យមួយដើម្បីសម្រួល ឬធ្វើឱ្យជីវិតអ្នកដទៃប្រសើរឡើង។ ជិត30ឆ្នាំមុន ក្នុងនាមអ្នកឧកញ៉ាជាយុវជនខ្មែរ គាត់បានត្រលប់មកប្រទេសកម្ពុជាវិញ ជាមួយនឹងក្តីសុបិនដ៏មានមហិ្ឆចតាមួយ ដើម្បីជួយលើកស្ទួយជីវភាពប្រជាជនកម្ពុជា។ ហើយបច្ចុប្បន្ន អ្នកឧកញ៉ានៅតែមានទស្សនៈដូចគ្នា ហើយនៅតែបន្តខិតខំធ្វើឱ្យវាក្លាយជាការពិត។

2. រក្សាការសន្យា

សុចរិតភាពគឺជាលក្ខណៈយ៉ាងសំខាន់និងចាំបាច់។ សូមចងចាំថាការចាប់ផ្តើមអាជីវកម្មរបស់អ្នកត្រូវបានបង្កើតឡើងដោយការជឿទុកចិត្ត គុណធម៌ ទំនាក់ទំនង និងការប្រាស្រ័យទាក់ទងគ្នាដែលជាគ្រឹះសំខាន់ក្នុងការផ្តល់នូវអ្វីដែលយើងបាននិយាយថាយើងនឹងផ្តល់ឱ្យទៅដៃគូអាជីវកម្មរបស់យើង។ សូមចាប់ផ្តើមដោយការផ្តល់នូវអ្វីដែលអ្នកបានសន្យា។

3. សន្សំភាពជឿទុកចិត្ត

ការធ្វើបានល្អនៅក្នុងអាជីវកម្មមួយនឹងជួយអ្នកឱ្យទទួលបានភាពជឿទុកចិត្តនៅក្នុងអាជីវកម្មបន្តបន្ទាប់ដែលអ្នកចង់បង្កើតទៀត។ អ្នកអាចទទួលបានភាពជឿទុកចិត្តរបស់អ្នក មិនត្រឹមតែពីអតិថិជនប៉ុណ្ណោះទេ ប៉ុន្តែពីស្ថាប័នហិរញ្ញវត្ថុ និយ័តករ និងវិនិយោគិនរបស់អ្នកទៀតផង។ ភាពជឿទុកចិត្តនឹងជួយឱ្យអាជីវកម្មរបស់អ្នកមាននិរន្តរភាពក្នុងរយៈពេលវែង។

ពាណិជ្ជកម្ម

ស្វែងយល់បន្ថែមអំពីហិរញ្ញវត្ថុផ្ទាល់ខ្លួនជាមួយសៀវភៅ Financial Freedom

Sreylin Earng

ស្វែងយល់បន្ថែមអំពីហិរញ្ញវត្ថុផ្ទាល់ខ្លួនជាមួយនឹងសៀវភៅ Financial Freedom

Financial Freedom : A Proven Path to All the Money You Will Ever Need

អំពីអ្នកនិពន្ធ ៖ លោក Grant Sabatier គឺជាបុគ្គលមួយរូបដែលបានស្វែងរកនូវគន្លឹះដ៏ជោគជ័យផ្នែកហិរញ្ញវត្ថុផ្ទាល់ខ្លួនដោយចាប់ផ្តើមពីប្រាក់ត្រឹមតែ $2.26 រហូតដល់ទៅ 1លានដុល្លារក្នុងរយៈពេលត្រឹមតែ ៥ ឆ្នាំប៉ុណ្ណោះតាមរយៈការបំពេញការងារក្រៅម៉ោងនិងការវិនិយោគរបស់គាត់ក្នុងវ័យ ៣០ ឆ្នាំ ។

ចំនួនទំព័រ ៖ 250 – 300

ប្រភេទសៀវភៅ ៖ ហិរញ្ញវត្ថុផ្ទាល់ខ្លួន

តើសៀវភៅមួយនេះសម្រាប់អ្នកណា ?

សៀវភៅ Financial Freedom គឺមគ្គុទេសន៍ស្តីអំពីការគ្រប់គ្រងហិរញ្ញវត្ថុរបស់អ្នកដើម្បីឆ្ពោះទៅកាន់សេរីភាពផ្នែកហិរញ្ញវត្ថុដ៏ពេញលេញ ។ សៀវភៅមួយនេះនឹងណែនាំអ្នកពីមួយជំហានទៅមួយជំហានដែលអាចឲ្យអ្នករកប្រាក់បានច្រើនជាងមុនដោយចំណាយពេលតិចជាងមុន ។ ដូច្នេះអ្នកអាចយកពេលដែលនៅសល់នោះទៅធ្វើអ្វីដែលអ្នកចូលចិត្តបាន ។

ប្រសិនបើអ្នកកំពុងតែស្វែងរកនៅវិធីសាស្រ្តនៅក្នុងការគ្រប់គ្រងប្រាក់កាក់របស់អ្នកហើយចង់សម្រេចឲ្យបាននូវសេរីភាពហិរញ្ញវត្ថុរបស់អ្នកនោះសៀវភៅមួយក្បាលនេះគឺសាកសម្យបំផុតសម្រាប់លោកអ្នក ។

លុយកាក់រកបានដោយមិនកំណត់នោះទេ ប៉ុន្តែពេលវេលារបស់អ្នកមានកំណត់ ។ រៀនប្រើប្រាស់ពេលវេលារបស់អ្នកឲ្យបានត្រឹមត្រូវដើម្បីឲ្យអ្នកអាចទទួលបានសេរីភាពផ្នែកហិរញ្ញវត្ថុកាន់តែលឿនតាមដែលអាចធ្វើបាន ។

ទាញយកសៀវភៅមួួយនេះដោយឥតគិតថ្លៃតាមរយៈ link នេះ ៖ https://tinyurl.com/bzjvbnt3

ពាណិជ្ជកម្ម

សញ្ញាទាំង 5 របស់មនុស្សគ្មានគោលដៅ

Sann Thaven

មនុស្សដែលមានភាពរីកចម្រើន និងភាពជោគជ័យ រមែងតែជាមនុស្សដែលមានគោលដៅជីវិត។ ប៉ុន្តែអ្វីដែលជាបញ្ហាចោទនោះគឺថា មនុស្សភាគច្រើនកំពុងតែរស់នៅក្នុងសភាពដែលគ្មានគោលដៅ។ ការគ្មានគោលដៅ ជីវិតគឺគ្មានភាពរីកចម្រើនទៅមុខឡើយ។

តើធ្វើយ៉ាងណា ដើម្បីដឹងថាមនុស្សនោះគ្មានគោលដៅ? ខាងក្រោមនេះ ជាសញ្ញាដែលបញ្ជាក់ថា មនុស្សកំពុងតែរស់នៅក្នុងភាពដែលគ្មានគោលដៅ ៖

1. គ្មានការអភិវឌ្ឍន៍ខ្លួនឯង

ជាបុគ្គលដែលចូលចិត្តរស់នៅក្នុងភាពសុខស្រួល គ្មានការពង្រឹងសមត្ថភាព ចូលចិត្តរស់នៅក្នុងភាពដដែលៗ និងគ្មានការផ្លាស់ប្ដូរខ្លួនឯងដើម្បីទទួលបានភាពរីកចម្រើនពីមួយថ្ងៃទៅមួយថ្ងៃឡើយ។

2. មិនបើកចំហរចិត្តរៀនពីអ្វីថ្មីៗ

ជាបុគ្គលដែលអួតអាង ឬអំនួតលើអ្វីដែលខ្លួនឯងធ្លាប់មានភាពជោគជ័យពីមុន ដោយគ្មានការបើកចំហរចិត្តទទួលយកចំណេះដឹងថ្មីៗ និងមានភាពភ័យខ្លាចក្នុងការធ្វើអ្វីថ្មីៗដែលមិនធ្លាប់ធ្វើពីមុន។ លើសពីនេះ ជាបុគ្គលដែលមិនចូលចិត្តការរៀនសូត្រ ដោយគិតថា រៀនប៉ុណ្ណឹងបានហើយ គ្រប់គ្រាន់ហើយសម្រាប់ជីវិតរបស់គាត់។

3. រស់ឱ្យបានតែរស់

ជាបុគ្គលដែលរស់មួយថ្ងៃៗឱ្យតែបាន ដោយគ្មានគិតចង់ធ្វើអ្វីឡើយ និងត្រេកអរជាមួយនឹងថ្ងៃឈប់សម្រាក ឬថ្ងៃចុងសប្ដាហ៍។

4. ចូលចិត្តទ្រឹស្ដី ជាងចាប់ផ្ដើមធ្វើសកម្មភាព

ជាបុគ្គលដែលដឹងគ្រប់រឿង ប៉ុន្តែមិនពូកែធ្វើសកម្មភាពគ្រប់រឿងឡើយ ជារួមមក ជាមនុស្សគ្មានលទ្ធផលដែលជាសាច់ការនៅក្នុងជីវិតឡើយ។

5. ជីវិតពោរពេញដោយភាពខ្វល់ខ្វាយ

ជាបុគ្គលដែលខ្វល់គ្រប់រឿង និងជីវិតពោរពេញទៅដោយភាពទុក្ខកង្វល់ជាប្រចាំ។

ពាណិជ្ជកម្ម

Jack Ma បង្ហាញពីអាថ៌កំបាំងជីវិតជាក់ស្ដែង ដើម្បីឱ្យយុវជនអនុវត្តន៍

Sann Thaven

ការសិក្សាពីសាលា និងនៅក្នុងសៀវភៅ គឺមានភាពខុសប្លែកគ្នាយ៉ាងខ្លាំង នៅពេលដែលអ្នកទៅប្រឡូកនៅក្នុងសង្គមបច្ចុប្បន្ន។ លោក Jack Ma បានឆ្លងកាត់រឿងរ៉ាវជាច្រើននៅក្នុងជីវិតជាមួយនឹងសង្គមជាក់ស្ដែង ដោយពីមុនលោកធ្លាប់ត្រូវគេបដិសេដមិនទទួលឱ្យចូលធ្វើការជាង 30ដង និងមានរឿងរ៉ាវជាច្រើនទៀត ប៉ុន្តែទោះបីជាយ៉ាងណា ក៏លោកបានជំនះរហូតទទួលបានភាពជោគជ័យនៅក្នុងជីវិតរហូតដល់សព្វថ្ងៃនេះ។

ហេតុផលទាំងអស់នេះហើយ ទើបលោកបានចែករំលែកនូវ អាថ៍កំបាំងមួយចំនួននៅក្នុងជីវិតជាក់ស្ដែង ដើម្បីឱ្យយុវជនទាំងអស់បានឈ្វេងយល់បន្ថែម និងអាចយកអនុវត្តន៍បាន ដើម្បីធ្វើឱ្យជីវិតកាន់តែប្រសើរជាងមុន។

អ្វីដែលអ្នកត្រូវឈ្វេងយល់

ទី1. ទោះបីជាបញ្ចប់ថ្នាក់បណ្ឌិត អនុបណ្ឌិត ឬបរិញ្ញាបត្រក៏ដោយ ចូរកុំមានអំនួត ប៉ុន្តែក៏ត្រូវរៀនសូត្រ និងដាក់ខ្លួនសម្របជាមួយសង្គម ដើម្បីរៀនអ្វីថ្មីៗ និងបន្តអភិវឌ្ឍន៍សមត្ថភាព។

ទី2. ទោះរៀនចប់ក្នុងកម្រិតថ្នាក់អ្វីក៏ដោយ ក៏មិនប្រាកដថា រៀនចប់ហើយ មានការងារធ្វើល្អភ្លាមនោះទេ ប៉ុន្តែទាមទារឱ្យអ្នកខ្លួនឯងមានគោលដៅ មានជំនាញច្បាស់ និងមានការព្យាយាមមិនបោះបង់

ដំណាក់កាលវិវត្តន៍តាមវ័យរបស់មនុស្ស

1. មុនវ័យ 20 ឆ្នាំ

ត្រូវតែធ្វើជាកូនសិស្សដ៏ល្អ ដោយខិតខំរៀនសូត្រឱ្យបានខ្លាំង និងស្ដាប់ការណែនាំរបស់គ្រូ។

2. នៅក្នុងវ័យ 25 ឆ្នាំ

ត្រូវធ្វើឱ្យខ្លួនឯងបានបង្កើតនូវកំហុសដ៏គ្រប់គ្រាន់ ដោយកុំបារម្ភច្រើនពេក បើអ្នកបរាជ័យ ចូរក្រោកឡើងវិញ រហូតទទួលបានភាពប្រសើរជាងមុន។

3. មុនវ័យ 30 ឆ្នាំ

ត្រូវរកបុគ្គលគំរូណាម្នាក់ដើម្បីធ្វើតាមគំរូគាត់ និងជ្រើសរើសកន្លែងការងារឱ្យត្រូវ។

អ្វីដែលត្រូវឈ្វេងយល់បន្ថែម ៖

ទី1. ភាពខុសប្លែកគ្នា រវាងធ្វើការនៅក្រុមហ៊ុនធំ Vs ក្រុមហ៊ុនតូច

នៅពេលអ្នកធ្វើការនៅក្នុងក្រុមហ៊ុនធំ អ្នកអាចរៀនពីការកែច្នៃ និងអ្នកជាផ្នែកដ៏សំខាន់នៅក្នុងដំណើរការរបស់ក្រុមហ៊ុន។

រីឯការធ្វើការងារនៅក្រុមហ៊ុនតូចវិញ អ្នកអាចរៀនពីចំណង់ចំណូលចិត្តខ្លួនឯង រៀនពីការបង្កើតក្ដីសុបិន្ត និងអាចរៀនពីរបៀបធ្វើកិច្ចការងារជាច្រើនក្នុងពេលតែមួយ។

ទី2. របៀបជ្រើសរើសកន្លែងធ្វើការដ៏ត្រឹមត្រូវ

នៅពេលអ្នកកំពុងស្វែងរកការងារធ្វើមុនអាយុ 30ឆ្នាំ អ្នកអាចទៅធ្វើការងារនៅក្រុមហ៊ុនមួយណាគឺមិនសូវសំខាន់ទេ ប៉ុន្តែអ្វីដែលសំខាន់នោះគឺ តើចៅហ្វាយនាយបែបណាដែលអ្នកអាចយកធ្វើជាគំរូ និងអាចធ្វើតាមបាន នៅក្នុងក្រុមហ៊ុននោះ?

ហេតុអ្វីត្រូវជ្រើសរើសចៅហ្វាយនាយដ៏ល្អម្នាក់? ពីចៅហ្វាយនាយដ៏ល្អ អាចបង្រៀនអ្នកពីរឿងរ៉ាវជាច្រើនដើម្បីធ្វើឱ្យខ្លួនឯងកាន់តែរឹងមាំ មានសមត្ថភាពខ្លាំង មានជំនាញច្បាស់លាស់ និងមានផលិតភាពការងារខ្ពស់។

4. ចាប់ពីវ័យ 30 – 40 ឆ្នាំ

នៅក្នុងវ័យនេះ មនុស្សគឺចង់ធ្វើការឱ្យខ្លួនឯង ដូច្នេះប្រសិនបើមានបំណងចង់ក្លាយជាសហគ្រិន អ្នកត្រូវគិតឱ្យបានច្បាស់លើអ្វីដែលអ្នកកំពុងធ្វើ និងធ្វើអ្វីដែលអ្នកខ្លាំងពូកែបំផុត។

5. ចាប់ពីវ័យ 40 – 50 ឆ្នាំ

អ្នកត្រូវធ្វើអ្វីគ្រប់យ៉ាងដោយពឹងផ្អែកលើអ្វីដែលអ្នកខ្លាំងបំផុត ចូរកុំចាប់នេះ ចាប់នេះ ថ្មីៗរហូត ព្រោះវាយឺតពេលហើយ ប៉ុន្តែបើជោគជ័យក៏ទទួលរងនូវហានិភ័យធំដែរ។ ដូច្នេះនៅក្នុងវ័យនេះ អ្នកត្រូវតែផ្ដោតអារម្មណ៍ឱ្យបានខ្លាំងលើអ្វីដែលអ្នកមានសមត្ថភាពពូកែ និងបន្តផ្ដោតធ្វើវាឱ្យបានកាន់តែល្អ។

6. ចាប់ពីវ័យ 50 – 60 ឆ្នាំ

អ្នកត្រូវតែធ្វើជាអ្នកបង្ហាត់បង្ហាញ និងចែករំលែកដល់យុវជនជំនាន់ក្រោយ ដើម្បីបណ្ដុះឱ្យក្មេងជំនាន់ក្រោយនោះធ្វើអ្វីមួយឱ្យបានកាន់តែល្អជាងអ្នក។

7. ក្នុងវ័យ 60 ឆ្នាំ

អ្នកត្រូវចំណាយពេលវេលានេះ ជាមួយខ្លួនឯង គ្រួសារ និងជីវិតផ្ទាល់ខ្លួនឱ្យបានច្រើនបំផុត ដូចជាដំណើរកំសាន្ត លំហែរអារម្មណ៍ និងធ្វើអ្វីឱ្យខ្លួនឯងមានសេចក្ដីសុខបំផុត។

ចំពោះអ្នកចង់ក្លាយជាសហគ្រិន

ទី1. បង្កើតឱ្យមានទស្សនវិស័យ

ប្រសិនបើអ្នកធ្វើឱ្យខ្លួនឯងមានទស្សនវិស័យក្នុងការធ្វើអ្វីមួយ នោះអ្នកក៏អាចធ្វើវាបានកាន់តែល្អឧទាហរណ៍ អ្នកបង្កើតឱ្យមានទស្សនស័យសម្រាប់ធ្វើអាជីវកម្មនៅក្នុងតំបន់ណាមួយ ប្រទេសណាមួយ នោះអ្នកនឹងអាចធ្វើអាជីវកម្មនោះល្អបំផុតនៅក្នុងកន្លែងនោះដូចគ្នា។

នៅក្នុងចំណុចនេះដែរ អ្នកត្រូវគិតថា តើអ្នកគិតធំបានកម្រិតប៉ុណ្ណា? បន្ទាប់មក ចាប់ផ្ដើមធ្វើវាជាមួយនឹងភាពច្បាស់លាស់ និងមានព័ត៌មានលម្អិតគ្រប់ជ្រុងជ្រោយដើម្បីសម្រេចជោគជ័យ។ ហើយចាប់ផ្ដើមធ្វើសកម្មភាព និងបង្កើតអ្វីមួយដោយខ្លួនឯង។

ទី2. ចាប់ឱកាសឱ្យទាន់ពេលវេលា

ចូរកុំរងចាំ ទាល់តែអ្វីគ្រប់យ៉ាងមានភាពល្អប្រសើរឡើងវិញ ឬបានផ្លាស់ប្ដូរអស់ ដោយអ្នកពុំទាន់បានចាប់ផ្ដើមធ្វើអ្វីបានសោះ នោះអ្នកបានបាត់បង់ឱកាសហើយ និងមិនក៏ងាយក្លាយជាសហគ្រិនដែរ ព្រោះសហគ្រិន គឺជាបុគ្គលដែលចាប់ផ្ដើមធ្វើអ្វីមុនអ្នកដទៃបានធ្វើ និងក្រោកពីគេងមុនអ្នកដទៃក្រោកពីគេង ដោយធ្វើអ្វីៗបានមុនគេជានិច្ច។

ក្បួន 4 ធានាភាពជោគជ័យដល់អ្នក

ទី1. រក្សានូវឆន្ទៈខ្ពស់ (Passion)

ទី2. រក្សាជំនឿដើម្បីធ្វើអ្វីមួយឱ្យសម្រេចបានជោគជ័យនាពេលអនាគត

ទី3. បន្តការវិនិយោគលើការបង្ហាត់បង្ហាញទៅកាន់យុវជនជំនាន់ក្រោយ

ទី4. បន្តបេសកកម្មដែលអាចជួយអ្នកដទៃឱ្យទទួលបានភាពជោគជ័យដែរ

ពាណិជ្ជកម្ម

អាថ៌កំបាំងកសាងក្រុមការងារដ៏អស្ចារ្យ

Sann Thaven

ការបង្កើតឱ្យមានក្រុម ពិតជាងាយស្រួលជាងការកសាងក្រុមឱ្យមានភាពអស្ចារ្យ មានភាពរឹងមាំយូរអង្វែង និងមានផលិតភាពការងារខ្ពស់ ដូច្នេះបើយោងតាមគេហទំព័រ Harvard Business Review បានបង្ហាញនូវគន្លឹះចំនួន 6 ដែលជាអាថ៌កំបាំងដើម្បីកសាងក្រុមការងារឱ្យមានភាពអស្ចារ្យបាន។ គន្លឹះទាំងនោះ រួមមាន៖

1. បង្កើតច្បាប់ និងលក្ខខណ្ឌអនុញ្ញាត

សំដៅលើ ការឈ្វេងយល់លម្អិតពីបរិយាកាសណាដែលអាចបង្កើតផលិតភាពក្រុមនីមួយ បន្ទាប់មកបង្កើតជាច្បាប់ និងលក្ខខណ្ឌនានាដើម្បីជួយដល់ក្រុមទាំងមូល។

2. ផ្ដោតលើគោលដៅដោយមានការប្រកួតប្រជែងខ្ពស់

មូលដ្ឋានគ្រឹះនៃក្រុមដ៏អស្ចារ្យទាំងអស់ គឺជាទិសដៅដែលផ្តល់ថាមពលនិងការចូលរួមពីសមាជិកក្រុមទាំងអស់។ សមាជិកក្រុមមិនអាចត្រូវបានបំផុសគំនិតទេ ប្រសិនបើពួកគេមិនដឹងថាពួកគេកំពុងធ្វើអ្វី ហើយមិនមានគោលដៅច្បាស់លាស់។ ដូច្នេះគោលដៅទាំងនោះគួរតែមានការប្រកួតប្រជែង ដោយធ្វើកិច្ចការងារពោរពេញដោយភាពពេញចិត្ត និងមានមហិ្ឆចតាខ្លាំង ដើម្បីបម្លែងខ្លួនឯងជាបុគ្គលដែលមានលទ្ធផល និងមានផលិតភាពការងារខ្ពស់។

3. បង្កើតឱ្យមានរចនាសម្ព័ន្ធក្រុមដ៏ខ្លាំង

ការបង្កើតរចនាសម្ព័ន្ធ ដើម្បីឱ្យសមាជិកក្រុមទាំងអស់ បានស្គាល់ច្បាស់ពីចំនួនសមាជិកក្រុម ស្គាល់ច្បាស់ពីតួនាទី ទំនួលខុសត្រូវរៀងៗខ្លួន និងស្គាល់ច្បាស់ពីដំណើរការនៃការបំពេញការងារឱ្យមានប្រសិទ្ធភាពជាងមុន។

4. បង្កើតឱ្យមានបរិបទនៃការគាំទ្រគ្នា

ការបង្កើតឱ្យមានប្រព័ន្ធនៃការផ្ដល់ព័ត៌មានលម្អិត ផ្ដល់នូវជំនួយ និងការផ្ដល់ជាមតិយោបល់ឱ្យមានភាពរហ័ស និងងាយស្រួលទៅកាន់ក្រុមការងារដើម្បីបំពេញកិច្ចការងារឱ្យមានប្រសិទ្ធភាពខ្ពស់។ ធ្វើបែបនេះ ក្នុងគោលបំណងឱ្យក្រុមការងារមានផលិតភាពការងារ បំពេញការងារជាលក្ខណៈប្រព័ន្ធ មិនងាយខ្វះនូវព័ត៌មាន និងកាត់បន្ថយនូវបញ្ហានានា។

5. ចែករំលែកនូវផ្នត់គំនិតគ្នា

សំដៅលើ ការជួយដោះស្រាយបញ្ហារបស់ក្រុម និងចែករំលែកនូវចំណេះដឹងឱ្យគ្នាទៅវិញទៅមក ដោយមិនប្រកាន់បក្សពួក ព័ណ៌សម្បុរ សាសនា និងជាតិសាសន៍ជាដើម។ លើសពីនេះ បង្កើតទំនាក់ទំនងល្អជាមួយនឹងក្រុមការងារ និងធ្វើឱ្យក្រុមការងារមានផ្នត់គំនិតរីកចម្រើន។

6. វាយតម្លៃក្រុម

នៅពេលដែលបានកំណត់នូវដំណាក់កាលដើម្បីសម្រេចនូវគោលដៅរបស់ក្រុម ជំហានបន្ទាប់ ប្រធានក្រុម ត្រូវតែមានការវាយតម្លៃលើក្រុម ដោយផ្ដោតលើលទ្ធផល សមត្ថភាព សហការ និងការអភិវឌ្ឍន៍សមត្ថភាពរបស់បុគ្គលម្នាក់ៗ។ ធ្វើបែបនេះ ដើម្បីដឹងពីស្ថានភាពការងារ និងស្ថានភាពរបស់ក្រុម ដើម្បីអាចដោះស្រាយបញ្ហារាំងស្ទះណាមួយបានទាន់ពេលវេលា និងឆាប់បានសម្រេចគោលដៅ ជាពិសេសអាចដឹងពីសមត្ថភាព និងពង្រឹងសមត្ថភាពរបស់ក្រុមម្នាក់ៗ។

ពាណិជ្ជកម្ម

ការបរាជ័យដែលកើតឡើងជាញឹកញាប់ បណ្ដាលមកពីមូលហេតុ៖

គន្លឹះដើម្បីបង្កើតយុទ្ធសាស្ត្រពេញលេញមួយបាន ត្រូវការ៖

ថ្នាក់ដឹកនាំទាំងអស់ត្រូវធ្វើសកម្មភាព ខាងក្រោមបន្ថែម ៖

ភាពតស៊ូជាមួយកុំព្យូទ័ររយៈពេល 3 ខែ

បុព្វហេតុនៃការសរសេរកូដបង្កើតកម្មវិធីដ៏អស្ចារ្យ

1. មានបុព្វហេតុជីវិត

2. មានគោលដៅច្បាស់លាស់

3. មានជំនាញរឹងជាគោលមួយ

4. អភិវឌ្ឍន៍ចំណេះជំនាញជាប្រចាំថ្ងៃ

5. បន្តរកវិធីសាស្រ្តអនុវត្តន៍

6. រៀបចំខ្លួនឱ្យដូចជាមនុស្សដែលយើងចង់ក្លាយជា

7. បណ្ដុះខ្លួនឯងឱ្យខ្លាំងខាងអនុវត្តន៍ជាជាងបានតែនិយាយ

8. រកជំនួយពីមនុស្ស5ប្រភេទ

ដើមហេតុនៃការចាប់ផ្ដើមប្រឡូកនៅលើផ្សារហ៊ុនដំបូង

វិធីសាស្រ្តទិញភាគហ៊ុន

1. ហេតុអ្វីម្ចាស់អាជីវកម្មត្រូវកសាងកេរ្តិ៍ឈ្មោះផ្ទាល់ខ្លួន?

2. របៀបកសាងកេរ្តិ៍ឈ្មោះផ្ទាល់ខ្លួន

គន្លឹះទាំងនោះ រួមមាន៖

ទី1.ធានាថា វីដេអូខ្លី៖ វីដេអូ 30វិនាទី ឬតិចជាងនេះ

ទី2. តេស្ត ភាពច្នៃប្រឌិត

ទី3. តេស្តពីអ្វីគ្រប់យ៉ាងដែលមាននៅក្នុង TikTok

ទី4. ចាប់ដៃគូសហការជាមួយ អ្នកបង្កើតមាតិកា

ទី5. តេស្ត ទស្សនិកជន

1. មាននារីដ៏វៃឆ្លាតនៅក្បែរ

2. ចាប់ផ្ដើមអាជីវកម្មជាមួយចក្ខុវិស័យច្បាស់លាស់

យុទ្ធសាស្រ្ត THE DOLLAR A DAY

អត្ថប្រយោជន៍នៃការប្រើយុទ្ធសាស្រ្តនេះ​

តើអ្វីជា Franchise?

តើមានធាតុផ្សំអ្វី ដើម្បីត្រៀមក្នុងការចាប់ផ្ដើមអាជីវកម្មបែប Franchise?

ដើម្បីកាន់តែច្បាស់ជាមួយនឹងការចាប់ផ្ដើមអាជីវកម្ម Franchise នេះ ឱ្យបានជោគជ័យ ចូរអ្នកមានចំណេះដឹងខាងក្រោម៖

1. ធ្វើផែនការអាជីវកម្ម

2. សៀវភៅណែនាំការធ្វើប្រតិបត្តិការ Franchise និងកម្មវិធីបណ្ដុះបណ្ដាល

3. ឯកសារផ្លូវច្បាប់

4. ផែនការទីផ្សារ Franchise

5. ឈ្វេងយល់ពីការលក់ Franchise

6. បង្កើតក្រុមត្រួតពិនិត្យគុណភាព និងស្ដង់ដារ Franchise

1. ស្គាល់ពីអតិថិជនគោលដៅបានច្បាស់

2. ផ្ដោតលើការផ្ដល់សេវាកម្មដ៏ល្អ

3. ចេះរក្សាអតិថិជនចាស់ និងបន្តរកអតិថិជនថ្មី

4. ប្រើ Social media

5. បង្កើតបណ្ដាញ

6. បង្កើតឱ្យមានព្រឹត្តការណ៍

7. ចាប់ឱកាសថ្មីៗ

8. វាស់ស្ទង់ពីដំណើរការ និងការអភិវឌ្ឍបន្ត

ពិនិត្យមើលឲ្យបានច្បាស់លាស់ ! ប្រយ័ត្នខាតបង់ធ្ងន់ធ្ងរណា

១. ភាពស្របច្បាប់នៃអចលនវត្ថុ

អចលនវត្ថុដែលស្របច្បាប់ណាមួយដើម្បីការពារនូវហានិភ័យនាថ្ងៃអនាគត ។

២. ទីតាំងនិងបរិយាកាសជុំវិញអចលនវត្ថុ

៣. កេរ្តិ៍ឈ្មោះបុរី

៤. កុងត្រាកិច្ចសន្យាទិញលក់

៥. ផែនការហិរញ្ញវត្ថុ

• ស្វែងយល់អំពីតម្រូវការ និង ទំហំសាច់ប្រាក់ដែលយើងចង់វិនិយោគ

• បង្កើតទម្លាប់នៅក្នុងការសន្សំប្រាក់

• ដឹងអំពីលក្ខខណ្ឌបង់ប្រាក់របស់យើងជាមួយធនាគារ

• ជ្រើសរើសប្រភេទឥណទានគេហដ្ឋានណាដែលសាកសម្យសម្រាប់យើង

របៀបផ្សព្វផ្សាយលើ Facebook ដ៏ល្អបំផុត

ក្បួនអនុវត្តដើម្បីផ្សព្វផ្សាយកាន់តែល្អ

របៀបទាក់ការយកចិត្តទុកដាក់ និងទំនុកចិត្ត ពីសំណាក់ទស្សនិកជន

បញ្ចូលយុទ្ធសាស្រ្ត 1$ (The Dollar a day)

អត្ថប្រយោជន៍នៃការយុទ្ធសាស្រ្តកំណត់តម្លៃបញ្ចប់ដោយលេខ 9

1. អ្នកប្រឹក្សាយោបល់

2. ធ្វើការ Freelance

3. សេវាកម្មដឹកម្ហូបអាហារ

4. គ្រូបង្រៀន

5. អ្នកប្រឹក្សាផ្នែកសន្តិសុខលើប្រព័ន្ធអ៊ីនធឺណេត

6. អ្នកផលិតមាតិកាតាមអនឡាញ

7. អ្នកថតរូប

8. គ្រូបង្វឹកផ្ទាល់ខ្លួនលើការហាត់ប្រាណ

9. អ្នកអភិឌ្ឍន៍កម្មវិធី (App developer)

10. អ្នករចនា Logo

11. គ្រូបង្វឹកឬអ្នកត្រួសត្រាយផ្លូវជីវិត

1. ចាប់ផ្តើមជាមួយចក្ខុវិស័យ

2. រក្សាការសន្យា

3. សន្សំភាពជឿទុកចិត្ត

Financial Freedom : A Proven Path to All the Money You Will Ever Need

ចំនួនទំព័រ ៖ 250 – 300

ប្រភេទសៀវភៅ ៖ ហិរញ្ញវត្ថុផ្ទាល់ខ្លួន

តើសៀវភៅមួយនេះសម្រាប់អ្នកណា ?

ទាញយកសៀវភៅមួួយនេះដោយឥតគិតថ្លៃតាមរយៈ link នេះ ៖ https://tinyurl.com/bzjvbnt3

1. គ្មានការអភិវឌ្ឍន៍ខ្លួនឯង

អត្ថប្រយោជន៍នៃការប្រើយុទ្ធសាស្រ្តនេះ