ហេតុអ្វីបានជាអ្នកគួតែចាប់ផ្ដើមអាជីវកម្មនាពេលឥឡូវនេះ?

លោកMark Cuban ដែលជាសហគ្រិនជោគជ័យនៅក្នុងអាជីវកម្ម បានចាប់ផ្ដើមវិថីជីវិតរបស់គាត់ឲ្យឈានទៅរកភាពជោគជ័យ នៅពេលដែលគាត់មិនមានធនធានច្រើនគ្រប់គ្រាន់ និងកំពុងតែស្នាក់នៅក្នុងមហាវិទ្យាល័យបាក់បែកមួយដែលរស់នៅជាមួយគ្នា៥នាក់និងគ្រែចំនួន៣។ ហើយលោកបាននិយាយបន្ថែមទៀតថា ឥឡូវនេះគឺជាពេលមួយដ៏ល្អបំផុតក្នុងការចាប់ផ្ដើមធ្វើអាជីវកម្មណាដែលអ្នកស្រលាញ់ពេញចិត្តខ្លាំង។ ៥ឆ្នាំទៅ១០ឆ្នាំទៀតបើគិតចាប់ពីឥឡូវនេះទៅ គឺ យើងអាចនឹងងាកក្រឡេកមើលទៅអាជីវកម្មកាលពីមុនដែលមានចំនួន៣០អាជីវកម្មដែលត្រូវបានបង្កើត ហើយអ្នកនឹងបន្ទោសខ្លួនឯងថា “ ពិតជាឆ្គួតមែន ហេតុអ្វីបានជាខ្ញុំមិនបានគិតដល់ដំណាក់កាលនេះទៅវិញ?” ពីព្រោះឥឡូវនេះវាពិតជាមានន័យខ្លាំងណាស់។ ការគិតបស់លោកគឺពិតជាត្រឹមត្រូវខ្លាំងណាស់ ដូចនេះខាងក្រោមនេះយើងនឹងបង្ហាញពីមូលហេតុមួយចំនួន៖

១. ទីមួយបំភ្លេចដើមទុនចោល

ពិតមែនហើយ វាគឺជាពេលវេលាមួយដ៏អាក្រក់ដើម្បីស្វែងរកនូវដើមទុនដើម្បីបណ្ដាក់ទុនរកស៊ី ម្យ៉ាងវិញទៀតវិនិយោគិនទាំងអស់ក៏មិនអាចប៉ាន់ស្មានដឹងថានាពេល៥ឆ្នាំទៅមុខទៀតពិភពលោកនឹងប្រែក្លាយទៅជាយ៉ាងណានោះទេ។តួយ៉ាងគោលដៅរបស់អ្នកគួរតែបង្កើតឲ្យបានច្រើនទៅតាមអ្វីដែលអ្នកអាចធ្វើបានដោយខ្លួនឯង ដោយធនធានផ្ទាល់ខ្លួន បណ្ដាញទំនាក់ទំនងផ្ទាល់ខ្លួន និង សមត្ថភាពផ្ទាល់ខ្លួន។យ៉ាងណាមិញតាមការបង្ហាញរបស់លោក Mark Cuban បានប្រាប់ថា គាត់បានឃើញស្ថាបនិកជាច្រើនតែងដើរចេញឆ្ងាយពីអ្វីទាំងអស់ នៅពេលក្រុមហ៊ុនរបស់ពួកគេត្រូវបានលក់ នេះក៏ព្រោះតែពួកគេបានផ្ដល់អ្វីៗច្រើនពេកទៅដល់អ្នកវិនិយោគិន។ ដូចនេះការចាប់ផ្ដើមអភិវឌ្ឍការងារអាជីវកម្មរបស់អ្នកដោយការខិតខំប្រឹងប្រែងពីភាពពុះពារ និង ភាពអំណត់អត់ធ្មត់ដែលចេញពីចិត្តខាងក្នុង ព្រមទាំងការចាប់ផ្ដើមដោយមិនមានការបណ្ដាក់ទុនផងនោះ នឹងអនុញ្ញាត្តិឲ្យអ្នកបំពេញនូវគម្រោងការចុងក្រោយទៅតាមវិធីរបស់អ្នក ដែលអ្នកវិនិយោគិនខ្លះមិនអាចធ្វើបាន។

២. ទីពីរចាប់ផ្ដើមពីជំហានតូចៗឥឡូវនេះ

ការបូកផ្សំគ្នារវាងចំណុចតូចៗជាច្រើន វានឹងធ្វើឲ្យក្លាយទៅជាចំណុចធំ មួយបានយ៉ាងអស្ចារ្យ។ យ៉ាងណាមិញចំពោះការចាប់ផ្ដើមធ្វើអាជីវកម្មក៏ដូចគ្នា បើអ្នកចាប់ផ្ដើមវាពីជំហានតូចៗទៅ ពោលគឺចាប់ផ្ដើមពីបាតដៃទទេ ឬ មួយក៏ មានធនធានសមល្មមសម្រាប់ធ្វើដើមទុន អ្នកនឹងអាចមានឱកាសក្នុងការ សម្រេចនូវភាពជោគជ័យរបស់អ្នកនៅក្នុងវិស័យធុរកិច្ចនេះបាន។ដូចនះ អ្នកគួរតែប្រើពេលវេលានេះដើម្បីធ្វើការបន្ថែមទៀតដើម្បីពង្រឹងនូវសមត្ថភាព បទពិសោធន៍ ទំនាក់ទំនង និង សន្សំថវិកាមួយចំនួនបន្ថែមទៀតដើម្បីពង្រីកអាជីវកម្មរបស់អ្នកឲ្យកាន់តែមានភាពរីកចម្រើន។

ជារួមមក អ្នកត្រូវស្វែងរកនូវអ្វីដែលអ្នកស្រលាញ់ចង់ធ្វើ ហើយកំណត់គោលដៅឲ្យបានជាក់លាក់ រៀបចំគម្រោងឲ្យបានច្បាស់លាស់ និង ចេញជាសកម្មភាពតូចៗ។

ប្រភព៖https://www.inc.com/

ពាណិជ្ជកម្ម

ហេតុអ្វីបានជាការលក់តាមបណ្តាញសង្គម Facebook មួយចំនួនបរាជ័យ?

ខៀក វិទ្យារតនៈ

ដោយសារកំនើននៃការប្រើប្រាស់ប្រព័ន្ធបណ្តាញសង្គមនានា ពិសេសបណ្តាញសង្គម Facebook មានការកើនឡើងគួរឲ្យកត់សម្គាល់ វាបានធ្វើឲ្យបងប្អូនប្រជាពលរដ្ឋកម្ពុជាយើងមួយចំនួន ងាកមកប្រើប្រាស់បណ្តាញសង្គមនេះជាជំនួយក្នុងការផ្សព្វផ្សាយ ព្រមទាំងលក់ដូរផលិតផល និងសេវាកម្មរបស់ខ្លួនយ៉ាងច្រើនកុះករ។ មូលហេតុចម្បងមួយទៀតដែលបងប្អូនប្រជាពលរដ្ឋយើងជ្រើសរើសបណ្តាញសង្គម Facebook នេះជាជាងប្រព័ន្ធផ្សព្វផ្សាយនានា នោះគឺដោយសារប្រសិទ្ធភាពនៃការចំណាយ និងប្រសិទ្ធផលនៃការទទួលបានមកវិញល្អគួរជាទីពេញចិត្ត។ យ៉ាងណាមិញ ដោយសារចំនួនដ៏ច្រើននៃអ្នកលក់នៅលើប្រព័ន្ធអនឡាញនេះ បានធ្វើឲ្យទីផ្សារនៃការលក់ និងផ្សព្វផ្សាយផលិតផលមានសភាពតូចចង្អៀតពីមួយថ្ងៃទៅមួយថ្ងៃ ដែលជាហេតុធ្វើឲ្យមុខរបរមួយចំនួនត្រូវបិទទ្វាជាបន្តបន្ទាប់។

តើមូលហេតុអ្វីខ្លះដែលធ្វើឲ្យមុខរបរទាំងនោះបរាជ័យ?

១. ការដាក់យុទ្ធសាស្ត្រ និងកំណត់គោលដៅមិនច្បាស់លាស់

ជាការពិតណាស់ ការដាក់យុទ្ធសាស្ត្រ និងកំណត់គោលដៅឲ្យបានច្បាស់លាស់គឺពិតជារឿងដ៏សំខាន់ ដែលបងប្អូនយើងភាគច្រើនមើលរំលង និងមិនបានយកចិត្តទុកដាក់ទៅលើវាប៉ុន្មាននោះទេ ដោយពួកគាត់គិតថាមុខរបររបស់ពួកគាត់ជាប្រភេទមុខរបរធុនតូច ដូច្នេះមិនចាំបាច់មានយុទ្ធសាស្ត្រ ឬគោលដៅអ្វីនោះទេ។ ការគិតបែបនេះហើយទើបធ្វើឲ្យមុខរបរធុនតូចនៅលើបណ្តាញសង្គម Facebook ប្រមាណ62% ត្រូវបានបិទទ្វាទៅវិញបន្ទាប់ពីបើកបានប្រហែល ៦ខែទៅ១ឆ្នាំ នេះបើយោងតាមការស្រាវជ្រាវរបស់លោក Neil Patel ដែលជាសហគ្រិន និងអ្នកធ្វើទីផ្សារដ៏ល្បីឈ្មោះរបស់សហរដ្ឋអាមេរិក និងធ្លាប់ត្រូវបានអតីតប្រធានាធិបតីអាមេរិកលោក Barack Obama ចាត់ទុកថាជាកំពូលសហគ្រិនម្នាក់ក្នុងចំណោមកំពូលសហគ្រិនទាំង១០០នៅលើពិភពលោក។

២. ការរៀបចំមាទិការទីផ្សារខុស

ការធ្វើមាទិការទីផ្សារ ដែលភាសាអង់គ្លេសហៅថា “Content Marketing” គឺជារឿងមួយដែលពិបាកបន្តិច ព្រោះវាទាមទារឲ្យអ្នកបង្កើតមាទិការទីផ្សារនោះមានភាពច្នៃប្រឌិតខ្ពស់ និងមានភាពអំណត់អត់ធន់ក្នុងការធ្វើវា ព្រមទាំងចេះសាកល្បងនូវវិធីសាស្ត្រផ្សេងៗ ដើម្បីស្វែងរកវិធីសាស្ត្រដ៏ល្អបំផុតមួយសម្រាប់មុខជំនួញរបស់ខ្លួន។ អ្នកលក់អនឡាញជាច្រើនបានប្រើប្រាស់វិធីសាស្ត្រស្រដៀងៗគ្នាក្នុងការផ្សព្វផ្សាយ ដូចជាការ Post ពីវីឌីអូកំប្លែង វីឌីអូមនោសញ្ជេតនា ឬប្រើប្រាស់ការសរសេរដែលមានសភាព “Drama” ដើម្បីទាក់ទាញឲ្យមានមនុស្សចូលមើល និង Like Page របស់ខ្លួន។ ការធ្វើបែបនេះមិនមែនថាមិនល្អទាំងស្រុងនោះទេ ក៏ប៉ុន្តែវិធីសាស្ត្រនេះគឺមិនមានស្ថេរភាពយូរអង្វែងឡើយ ដោយវាអាចធ្វើឲ្យមាទិការរបស់យើងមានភាពរញ៉េរញ៉ៃ ហើយអាចបណ្តាលឲ្យអ្នកដែលតាមដាន Page របស់យើងធុញ និងឈានដល់ការ Unlike និង Unfollow page ជាដើម។ មិនត្រឹមតែប៉ុណ្ណោះ វាក៏ធ្វើឲ្យអតិថិជនរបស់យើង មិនសូវមានទំនុកចិត្តទៅលើការជាវ និងប្រើប្រាស់ផលិតផល ឬសេវាកម្មយើងថែមទៀតផង។

៣. ការផ្តោតលើការលក់ច្រើនជាងការសាងកេរ្តិ៍ឈ្មោះ

យោងតាមការស្រាវជ្រាវរបស់គេហទំព័រភ្នាក់ងារទីផ្សារ Business 2 Community បានបង្ហាញថា អ្នកប្រើប្រាស់បណ្តាញសង្គម Facebook ភាគច្រើនមិនចាប់អារម្មណ៍ទៅលើកពាណិជ្ជកម្មលក់ផលិតផលប៉ុន្មាននោះទេ ដោយសារមូលហេតុធំៗពីរគឺ ទំនុកចិត្ត និងចំណាប់អារម្មណ៍ផ្ទាល់ខ្លួនទៅលើផលិតផល ឬសេវាកម្មដែលបានផ្សព្វផ្សាយនោះ។ ដូច្នេះអ្វីដែលម្ចាស់អាជីវកម្មអនឡាញ ពិសេសប្រភេទអាជីវកម្មធុនតូចរឹតតែចាំបាច់ធ្វើនោះគឺ ការកសាងកេរ្តិ៍ឈ្មោះ ឬម៉ាកសញ្ញា (Brand) របស់ខ្លួនទើបជាការប្រសើរ ដើម្បីទាញយកទំនុកចិត្តពីអតិថិជន ក៏ដូចជាផ្សព្វផ្សាយឲ្យមានគេស្គាល់ពីខ្លួនឲ្យបានកាន់តែច្រើនជាងមុនបន្ថែមទៀត៕

ពាណិជ្ជកម្ម

តើការប្រើប្រាស់វីដេអូរផ្សព្វផ្សាយលើFacebook ពិតជាមានប្រសិទ្ធភាពខ្ពស់ជាងគេឬ?

ហាក់ គីមថុង

ការផ្សព្វផ្សាយនៅលើFacebookលែងជាប្រធានបទដែលថ្មីទៀតហើយនៅពិភពអាជីវកម្មនៅប្រទេសកម្ពុជា។ យើងឃើញមានការផ្សព្វផ្សាយវគ្គបណ្តុះបណ្តាលជាច្រើនស្តីពីប្រើប្រាស់Pageឱ្យបានជោគជ័យ លក់អីក៏ដាច់ អាថ៌កំបាំងចាយលុយតិចលើFacebookជាដើម ។ល។ ហើយថ្មីៗនេះ ក៏មានការបើកវគ្គបណ្តុះបណ្តាលស្តីពីការប្រើប្រាស់វីដេអូដើម្បីធ្វើការផ្សព្វផ្សាយដោយសារតែវាមានប្រសិទ្ធភាពខ្ពស់ជាងគេ។ តើនេះជាការពិតមែនទេ?

មិនខុសនោះទេ ហើយក៏មិនត្រូវទាំងស្រុងដែរ។ វីដេអូបានក្លាយជាមាតិកាដែលពេញនិយម និងមានប្រសិទ្ធភាពបំផុតនាពេលបច្ចុប្បន្ន ដោយអាចទៅដល់មនុស្សច្រើនជាងរូបភាពឬអក្សរ ហើយនេះមិនមែនទើបតែកើតឡើងនោះទេ ទំនោរនៃការជម្រុញឱ្យមានបង្កើតវីដេអូគឺមានតាំងពីប្រហែល ៣ឆ្នាំមុនមកម្ល៉េះ។ ហេតុអ្វី? Facebook ចង់ធ្វើការប្រកួតប្រជែងជាមួយនឹង Youtubeដែលជាបណ្តាញមើលវីដេអូធំជាងគេនៅលើពិភពលោក ដូចនេះមិនមានអ្វីចម្លែកទេដែលFacebookចង់លើកទឹកចិត្តអ្នកដែលបង្ហោះវីដែអូ ឬមាតិការជាបែបវីដេអូដើម្បីអាចទទួលបានផលខ្ពស់ជាងប្រភេទមាតិការផ្សេងៗទៀត។

ក៏ប៉ុន្តែ មិនមែនវីដេអូទាំងអស់សុទ្ធតែទទួលបានប្រសិទ្ធភាព និងទទួលបានផលខ្ពស់ជាងការប្រើប្រាស់រូបភាពផ្សព្វផ្សាយនោះទេ។ វីដេអូមានលក្ខណៈពាណិជ្ជកម្មសុទ្ធសាធ និងមិនគួរឱ្យចាប់អារម្មណ៍ នឹងនៅតែត្រូវបានគេអូសរំលងចោល ហើយមានប្រសិទ្ធតិចតួច។ ប្រៀបដូចជាយើងកំពុងមើលទូរទស្សន៍អញ្ចឹង នៅពេលដែលដល់ពេលផ្សាយពាណិជ្ជកម្ម យើងនឹងចុចដូរប៉ុស្តិ៍មិនខាន។ កម្រិតប្រសិទ្ធភាពខ្ពស់ឬទាបនៃការប្រើវីដេអូ ឬប្រើរូបភាព គឺអាស្រ័យទាំងស្រុងលើគុណភាព និងភាពទាក់ទាញរបស់វា និងអ្វីដែលសំខាន់ជាងហ្នឹងទៅទៀត គឺអាស្រ័យលើផលិតផល និងសេវាកម្មដែលអ្នកចង់ផ្សព្វផ្សាយ។

សម្រាប់អ្នកទីផ្សារ និងអ្នកបង្កើតការផ្សព្វផ្សាយដែលមានជំនាញ ពួកគេនឹងមិនមានភាពដាច់ខាតលើការអះអាងថាមួយណាល្អជាងមួយណានោះទេ ហើយពួកគេតែងតែស្វែងយល់ពីគោលបំណងផ្សព្វផ្សាយ និងផលិតឬសេវាកម្មជាមុនសិនមុននឹងឈានទៅរកការសម្រេចិត្តជ្រើសរើសវិធីណាសម្រាប់ការផ្សព្វផ្សាយ។ ប្រសិនបើពួកគេមិនទាន់ច្បាស់ ពួកគេនឹងធ្វើពិសោធសាកល្បងរវាងមធ្យោបាយផ្សព្វផ្សាយទាំងពីរ (វីដេអូ និងរូបភាព)ថាតើមួយណាមានប្រសិទ្ធភាពជាងមួយណា?

តាមបទពិសោធន៍ ប្រសិនបើយើងធ្វើការផ្សព្វផ្សាយកម្មវិធីបញ្ចុះតម្លៃពិសេស ឬក៏ចង់ឱ្យអតិថិជនចុចលើអ្វីមួយ ការប្រើប្រាស់រូបភាពនៅតែមានប្រសិទ្ធភាពខ្ពស់ជាង ដោយសារតែងាយក្រឡេកឃើញ និងស្រួលយល់ដោយមិនចាំបាច់រង់ចាំយូរ។ ខុសពីរូបភាព វីដេអូត្រូវការពេលដើម្បីអាចឱ្យអ្នកមើលបញ្ចប់វីដេអូទាំងមូលដើម្បីអាចយល់អត្ថន័យបាន។ ប៉ុន្តែវីដេអូ គឺជាការផ្សព្វផ្សាយល្អជាង នៅពេលដែលអ្នកចង់បង្ហាញពីការប្រើប្រាស់ បង្ហាញពីគុណតម្លៃ បង្ហាញពីគន្លឹះ ឬក៏សកម្មភាពដែលមានបញ្ចូលអារម្មណ៍។ អ្នកត្រូវចាំថា អ្នកប្រើប្រាស់Facebookប្រើប្រាស់ពេលតែប៉ុន្មានវិនាទីប៉ុណ្ណោះដើម្បីសម្រេចចិត្តថាមើលវីដេអូរបស់អ្នក ឬក៏ត្រូវអូសរំលង ដែលអ្នកត្រូវតែផ្តោតសំខាន់លើភាពទាក់ទាញ៣វិនាទីដំបូងរបស់វីដេអូ។ ហើយអ្នកក៏ត្រូវចងចាំថា ពេលអ្នកបង្កើតវីដេអូ គឺត្រូវតែបង្កើតវីដេអូដែលទាក់ទាញដោយមិនចាំបាច់ឮសម្លេង ដោយសារតែជាទូទៅមនុស្សមិនបើកសម្លេងពេលកំពុងតែអូសមើលបណ្តាញសង្គមរបស់ខ្លួននោះទេ។

តើអ្នកគួរជ្រើសរើសវិធីណាដើម្បីធ្វើការផ្សព្វផ្សាយរបស់អ្នក? សម្រាប់ខ្ញុំ ទាំងមធ្យោបាយប្រើប្រាស់រូបភាព ទាំងវីដេអូ សុទ្ធតែមានគុណសម្បតិ្តរៀងៗខ្លួន ហើយមានប្រសិទ្ធភាពទៅតាមគោលបំណងនៃការផ្សព្វផ្សាយ។ ទោះបីជាFacebookជម្រុញឱ្យបង្កើតវីដេអូក្នុងការផ្សព្វផ្សាយក៏ដោយ តែFacebookមិនអាចជម្រុញចិត្តមនុស្សឱ្យមើលវីដេអូដែលមិនទាក់ទាញនោះទេ។ អ្វីដែលល្អបំផុតដើម្បីដឹងពីប្រសិទ្ធភាពរបស់វា (អ្នកត្រូវចំណាយលុយស្មើរគ្នា ហើយស្វែងរកចម្លើយថាតើមួយណាអាចរកបានអតិថិជនច្រើនជាង?) គឺជាការធ្វើតេស្តរកមើលវិធីសាស្ត្រដែលល្អបំផុតសម្រាប់ផលិតផល និងសេវាកម្មរបស់អ្នក។ អ្វីដែលចាំបាច់បំផុត គឺអ្នកត្រូវយកចិត្តអតិថិជនដាក់នៅក្នុងខ្លួនឯង ដោយគិតថាប្រសិនបើអ្នកឃើញការផ្សាយពាណិជ្ជកម្មបែបនេះ អ្នកនឹងចង់ចុចមើលឬទេ ឬក៏អ្នកគិតថាមានរូបភាពផ្សព្វផ្សាយគឺគ្រប់គ្រាន់ហើយ? ព្រោះថា ការបង្កើតវីដេអូផ្សព្វផ្សាយគឺចំណាយពេលនិងថវិកាច្រើនជាងរូបភាព។

ដូចអ្វីដែលខ្ញុំធ្លាប់បានលើកឡើងអញ្ចឹង ជំនាញទីផ្សារគឺការរួមបញ្ចូលទាំងវិទ្យាសាស្ត្រ និងសិល្បៈ ដែលមិនមានចម្លើយដាច់ខាតនោះទេ។ ការធ្វើទីផ្សារគឺជាធ្វើតេស្តរកវិធីសាស្ត្រ និងយុទ្ធសាស្ត្រដែលល្អបំផុត ហើយគ្មានរូបមន្តមួយអាចប្រើប្រាស់បានគ្រប់កន្លែង និងគ្រប់វិស័យនោះឡើយ។ អ្នកទីផ្សារគឺត្រូវស្វែងយល់ និងចេះវិភាគ ថាតើគួរប្រើប្រាស់យុទ្ធសាស្ត្រអ្វីដែលសាកសមបំផុត និងតែងតែធ្វើការវាយតម្លៃឡើងវិញដើម្បីកំណត់យុទ្ធសាស្ត្រថ្មី។

ពាណិជ្ជកម្ម

វិធីស្វែងរកឱកាសកំឡុងពេលមានវិបត្តិ

Rin Hanavy

នៅពេលណាដែលមនុស្សទូទាំងពិភពលោកសម្របខ្លួនទៅនឹងការផ្លាស់ប្ដូរភ្លាមៗនៃជីវិតដែលបណ្ដាលមកពីជម្ងឺរាតត្បាតនេះ នោះមានន័យថាក្រុមហ៊ុនទាំងអស់ក៏ត្រូវធ្វើការផ្លាស់ប្ដូរផងដែរ។នៅក្នុងវិបត្តិ តែងតែមានបញ្ហា និងមានគ្រោះថ្នាក់ដោយជៀសមិនផុត ប៉ុន្តែមិនមែនវាមិនមានដំណោះស្រាយ ឬ ក៏គ្មានឱកាសក្នុងការកសាងឲ្យកាន់តែល្អនោះទេ ឲ្យតែអ្នកចេះចាប់យកឱកាស នោះអ្នកនឹងទទួលបាននូវគុណប្រយោជន៍ជាច្រើនពីវា។ប្រសិនបើក្រុមហ៊ុនអាចឃើញឱកាសនៅក្នុងវិបិត្តនេះបាន ពួកគេអាចលេចចេញនូវភាពរឹងមាំ ការច្នៃប្រឌិត និង មានអតិថិជនចូលរួមយ៉ាងស្មោះត្រង់។ ខាងក្រោមនេះគឺជាវិធី៤យ៉ាងដែលអ្នកអាចស្វែងរកឱកាសបានខណៈពេលដែលមានវិបត្តិកើតឡើង៖

១. ព្រួយបារម្ភពីអតិថិជនរបស់អ្នក

អ្នកត្រូវថែរក្សាអតិថិជនរបស់អ្នកឲ្យបានខ្ជាប់ខ្ជួនក្នុងពេលមានវិបត្តិ ដោយដាក់នូវតម្រូវការរបស់ពួកគេជាអាទិភាព ព្រោះពួកគេជាអ្នកកំណត់វាសនានៃការរីកលូតលាស់របស់ស្ថាប័ន និង ក្រុមហ៊ុនរបស់អ្នក។ យ៉ាងណាមិញចូរយកអារម្មណ៍របស់អ្នកទៅដាក់នៅក្នុងអារម្មណ៍របស់អតិថិជនអ្នក៖ តើពួកគេត្រូវការអ្វីខ្លះដើម្បីឲ្យមានអារម្មណ៍ថាសុខសុវត្ថិភាព ងាយស្រួល និង អាចការពារបាន? ដូចនេះអ្នកគួរតែរកដំណោះស្រាយឲ្យបានឆាប់រហ័សដើម្បីជួយពួកគេឲ្យរួចផុតពីបញ្ហាទាំងនេះ ។ ពេលណាដែលអ្នកអាចសម្រេចនូវការរំពឹងទុករបស់ពួកគេបាន អ្នកនឹងអាចទទួលបាននូវអតិថិជនដែលស្មោះត្រង់នឹងអ្នក ទោះបីជាកាលៈទេសៈណាក៏ដោយ។

២. បំពេញតាមតម្រូវការអតិថិជន

ការផ្លាស់ប្ដូរតម្រូវការរបស់អតិថិជនក្នុងពេលមានវិបត្តិ និង ការចាប់យកឱកាសរបស់ក្រុមហ៊ុនគឺត្រូវតែកំណត់ និង ត្រូវបំពេញរាល់សេចក្ដីត្រូវការទាំងនោះទៅដល់ពួកគេ។ តួយ៉ាងការបំពេញតម្រូវការអតិថិជនរបស់អ្នកកំឡុងពេលដែលមានវិបត្តិ វាមិនត្រឹមតែជួយពង្រឹងនូវការតភ្ជាប់ទំនាក់ទំនងរវាងអ្នក និង ពួកគេតែប៉ុណ្ណោះ តែវាអាចធ្វើឲ្យអ្នករកឃើញនូវបន្ទាត់អាជីវកម្មថ្មីទាំងមូលបាន។

៣. ចូលរួម និង ភ្ជាប់ទំនាក់ទំនងជាមួយនឹងសហគមន៍របស់អ្នក

ក្នុងពេលដែលអ្នកត្រូវប្រឈមមុខជាមួយនឹងវិបត្តិ សូមអ្នកគិតអំពីរបៀបដែលអាជីវកម្មរបស់អ្នកអាចធ្វើបានយ៉ាងសាកសមបំផុត ដើម្បីផ្ដល់ជូនទៅកាន់សហគមន៍វិញ។ អ្នកគួរតែទាក់ទងទៅកាន់អតិថិជនរបស់អ្នក ហើយស្នើសុំឲ្យពួកគេចូលរួមជាមួយអ្នកដោយផ្ដល់ឲ្យពួកគេនូវវិធីងាយៗ និង ជាក់ស្ដែងដើម្បីចាត់វិធានការណ៍។ ហើយវាមិនត្រឹមតែធ្វើឲ្យអាជីវកម្មរបស់អ្នកផ្លាស់ប្ដូរទៅជាវិជ្ជមានប៉ុណ្ណោះទេ តែអ្នកអាចផ្ដល់អំណាចដល់អតិថិជនរបស់អ្នក ឲ្យធ្វើដូចគ្នាបានទៀតផង។

៤. ទទួលយកនូវដំណោះស្រាយ និង ការច្នៃប្រឌិតប្រកបដោយប្រសិទ្ធភាព ដោយមិនចាំបាច់លះបង់នូវបទពិសោធន៍

ចាត់វិធានការណ៍សកម្មដើម្បីស្វែងយល់ពីចំណុចព្រួយបារម្ភរបស់អតិថិជន និង ចាប់ដៃគូជាមួយពួកគេដើម្បីស្វែងរកវិធីផ្សេងក្នុងការដោះស្រាយបញ្ហារបស់ពួកគេដោយមិនបានលះបង់នូវគុណភាព។យើងដឹងហើយថា ពេលដែលមានវិបត្តិគឺវាមិនមែនជារឿងធម្មតាសំរាប់មនុស្សរាល់គ្នានោះទេ ប៉ុន្តែវាគឺជាពេលវេលាមួយដែលអ្នកត្រូវតែមានភាពច្នៃប្រឌិតខ្ពស់ ត្រូវតែសកម្ម និង ត្រូវតែចេះលកលៃ។

ថ្ងៃមួយវិបត្តិដែលអ្នកកំពុងតែជួប វានឹងរលត់បាត់ទៅវិញ ប៉ុន្តែទំនាក់ទំនងល្អដែលអ្នកបានសាងជាមួយនឹងសហគមន៍ និង អតិថិជនរបស់អ្នកវានឹងនៅឋិតឋេរយូរអង្វែង ដែលមិនអាចសាបរលាបទៅវិញបាន។ដូចនេះ ចូរអ្នកផ្ដោតទៅលើការ ព្រួយបារម្ភ ការចូលរួម និង ការដោះស្រាយ ព្រោះអ្នកនឹងអាចយល់ឃើញ និង អាចចាប់បាននូវឱកាសល្អៗនៅក្នុងស្ថានភាពលំបាកបាន។

ពាណិជ្ជកម្ម

ឥលូវនេះគឺជាពេលវេលាមួយដ៏ល្អប្រសើរដើម្បីអានសម្រាប់ការកំសាន្ត

Rin Hanavy

បច្ចុប្បន្ននេះ មនុស្សជាច្រើនកំពុងតែជាប់ឃុំនៅក្នុងផ្ទះមិនអាចចេញដើរហើរទៅណាឆ្ងាយៗ ឬទៅធ្វើអ្វីផ្សេងបានឡើយ ដោយសារតែការរាតត្បាតនៃជម្ងឺកូវីដ១៩នេះឯង។ ប៉ុន្តែពួកយើងនៅផ្ទះអាចនាំគ្នាយកសៀវភៅជាមិត្ត យកសៀវភៅដើម្បីកែភាពអផ្សុករបស់អ្នក និង យកវាអានដើម្បីបង្កើនចំណេះដឹងរបស់អ្នកឲ្យកាន់តែខ្លាំងជាមុន។ សៀវភៅផ្ដល់នូវអត្ថប្រយោជន៍ជាច្រើនដល់មនុស្ស ពីព្រោះវាគឺជាឃ្លាំងចំណេះដឹងដែលមនុស្សអាចស្រូវយកចំណេះនោះបានតាមរយៈការអាន ហើយវាក៏ធ្វើឲ្យមនុស្សបាត់បង់នូវភាពស្មុគស្មាញ តប់ប្រមល់ក្នុងអារម្មណ៍មួយចំនួនធំដែរ ប្រសិនជាពួកគេអានចំសៀវភៅដែលខ្លួនពេញចិត្ត។ យ៉ាងណាមិញដើម្បីទទួលបាននូវភាពជោគជ័យក្នុងឆាកជីវិត គឺតម្រូវឲ្យអ្នកទម្លាប់អានសៀវភៅជារៀងរាល់ថ្ងៃ ដើម្បីបង្កើនការអាននិង ការគិតដ៏អស្ចារ្យមួយ។ ជាក់ស្ដែងយើងឃើញថា មនុស្សជោគជ័យជាច្រើនដែលទទួលបានជោគជ័យដោយសារតែការអាននេះឯង ហើយទោះបីជាពួកគេទទួលបានលទ្ធផលទៅតាមក្ដីស្រម៉ៃហើយក៏ដោយ ក៏ពួកគេមិនបោះបង់ការអានដែរ ដូចជា Bill Gates អានសៀវភៅ៥០ក្បាលនៅក្នុង១ឆ្នាំ លោក Mark Cuban តែងចំណាយពេល៣ម៉ោងក្នុងមួយថ្ងៃក្នុងការអានសៀវភៅ នៅមាន Oprah Winfrey, Jeff Bezos Warren Buffet ទៀតដែលនៅតែបន្តការអានដដែល។ចំណុចខាងក្រោមនេះនឹងបង្ហាញអ្នកឲ្យឃើញពីភាពរីករាយនៅពេលអានសៀវភៅ៖

១.កុំគិតទៅលើចំនួនទំព័រដែលអ្នកអាន

ការអានដែលមានតម្លៃគឺតម្រូវឲ្យយើងអានដោយមានការគិតស៊ីជម្រៅ និង វិភាគឲ្យបានហ្មត់ចត់មុននឹងជឿទៅលើទស្សនៈណាមួយដែលបានសរសេរនៅក្នុងសៀវភៅ មិនមែនជាការអានដើម្បីឲ្យតែបានច្រើនសន្លឹកឬច្រើនទំព័រនោះទេ។ដូចេ្នះហើយបើសិនជាអ្នកជាមនុស្សដែលចូលចិត្តអានសៀវភៅពិតប្រាកដ នោះអ្នកគួរតែអានដើម្បីយល់ពីអត្ថន័យនិងដំណើរដើមទងនៃសាច់រឿង ព្រោះថានៅពេលដែលអ្នកជក់ចិត្ត ហើយស្លុងអារម្មណ៍ជាមួយនឹងដំណើររឿងនោះអ្នកប្រាកដជាអានវាចប់ដោយមិនដឹងខ្លួន ព្រមទាំងមានអារម្មណ៍ស្រស់ស្រាយសប្បាយចិត្តទៀតផង។

២. អានដើម្បីទទួលបាននូវភាពសប្បាយរីករាយ

ការផ្ដោតទៅលើការអាន វានឹងពង្រឹងនូវការយកចិត្តទុកដាក់ និង វាក្យស័ព្ទរបស់អ្នកបានកាន់តែច្រើន ហើយវាអាចបំផុសនូវអារម្មណ៍របស់យើងឲ្យធ្វើនូវទង្វើអាស្ចារ្យណាមួយ ព្រម ទាំងធ្វើឲ្យអ្នកមានទំនាក់ទនងកាន់តែជិតស្និតជាមួយនឹងពិភពលោកទាំងមូលផងដែរ។ អ្វីដែលសំខាន់គឺ វាអាចជួយបំបាត់នូវភាពហ្មងសៅ និង ទុក្ខលំបាកមួយចំនួន ឲ្យក្លាយទៅជាភាពសប្បាយរីករាយបាន។ នៅពេលដែលអ្នកអានដើម្បីទទួលបាននូវភាពរីករាយ នោះអត្ថបទដែលអ្នកអាននឹងផ្ដល់នូវភាពសប្បាយមកឲ្យអ្នក។យ៉ាងណាមិញប្រសិនបើអ្នកកំពុងដោះស្រាយអ្វីមួយដែលអ្នកសង្ឃឹមថាវាអាចជួយឲ្យប្រសើរឡើងនូវជីវិត ឬ អាជីកម្មរបស់អ្នក សៀវភៅគឺមានតម្លៃដូចគ្នាទៅនឹងសកម្មភាពដែរអ្នកបានធ្វើនៅពេលក្រោយដែរ។ដូចនេះបន្ទាប់ពីអានរួច អ្នកត្រូវអនុវត្តនូវអ្វីដែលអ្នកបានដឹង បានរៀន និង បានអាន។

៣. គុណសម្បិត្តនៃការបើកសៀវភៅអាន

ការអានពិតជាមានអត្ថប្រយោជន៍ សម្រាប់ខួរក្បាល និង រាងកាយរបស់យើងទាំងអស់គ្នា។ តាមការសិក្សាស្រាវជ្រាវបានបង្ហាញថា អ្នកដែលអានសៀវភៅគឺមានអាយុវែងជាងអ្នកដែលមិនចេះអានសៀវភៅ។ដូចនេះហើយទើបមនុស្សមួយចំនួនតែងតែចូលចិត្តបង្វឹកខួរក្បាលឲ្យមានសកម្មភាពតាមរយៈការអានសៀវភៅ លេងអុក ឬ មួយលេងល្បែងដូចជាការផ្គុំរូបជាដើម។

៤. ការពារពេលវេលាអានរបស់អ្នក

កាលណាយើងកាន់តែយល់ពីវិធីដែលសៀវភៅជួយជំរុញយើងឲ្យកាន់តែមានការអភិវឌ្ឍន៍ និង មានភាពជោគជ័យកាន់តែឆាប់រហ័ស នោះយើងនឹងកាន់តែបង្កើននូវទម្លាប់អានផងដែរ មិនថានៅទីណា កន្លែងណាទេ អ្នកអាចអានវាបានគ្រប់ពេល គឺវាអាស្រ័យទៅលើចិត្តនិង អារម្មណ៍របស់អ្នកចង់ឬមិនចង់តែប៉ុណ្ណោះ។ ជាតួយ៉ាងចូរអានសៀវភៅដើម្បីធ្វើឲ្យខ្លួនរបស់អ្នកសប្បាយចិត្ត ដើម្បីធ្វើតាមក្ដីសុបិន្តរបស់អ្នក និង ដើម្បីជួយសង្គមរបស់អ្នកឲ្យកាន់តែរីកចម្រើនបន្ថែមទៀត។លើសពីនេះទៅទៀតការអាននឹងអនុញ្ញាតិឲ្យអ្នកអាចប្រាស្រ័យទាក់ទងជាមួយមនុស្សល្បីៗ និង មនុស្សដែលគួរឲ្យចាប់អារម្មណ៍នៅលើពិភពលោកបានទៀតផង ព្រោះថាពេលដែលអ្នកអានសៀវភៅរបស់ពួកគេប្រៀបដូចជាអ្នកបានស្គាល់គេច្បាស់ ទាំងអត្តចរិត និង ផ្នត់គំនិតផងដែរ។ដូចនេះហើយសូមអ្នកចំណាយពេលដែលកំពុងតែជួបវិបត្តិទាំងនេះ យកពេលដែលអ្នកកំពុងតែភ័យព្រួយ យកមកចំណាយជាមួយនឹងការអានសៀវភៅវិញប្រសើរជាង គឺ បានទាំងចំណេះ បានទាំងជំនាញ និង ចំណេញទាំងពេលវេលា។

ពាណិជ្ជកម្ម

ស្ថានភាពអាជីវកម្មដែលត្រូវជួបប្រទះនៅសម័យកូវីដ១៩

Rin Hanavy

អាជីវកម្មខ្នាតតូចជាច្រើនត្រូវបានរងផលប៉ះពាល់ជាខ្លាំងដោយជម្ងឺរាតត្បាតកូវីដ១៩ ហើយវាកំពុងតែរីករាលដាលទូទាំងពិភពលោក។ ដូចនេះថ្ងៃនេះគំនិត នឹងចែករំលែកអំពីឥទ្ធិពលនានានៃជម្ងឺកូវីដ១៩ បានជះដល់ក្រុមហ៊ុន និង អាជីវកម្មទាំងវិជ្ជមាននិងអវិជ្ជមាន៖

១. អតិថិជនធ្លាក់ចុះ

ខណៈពេលដែលជួបបញ្ហាអាសន្នបែបនេះ មានអាជីវកម្មជាច្រើនបានប្រែប្រួលរូបរាង ពីមានដំណើរការអាជីវកម្មល្អទៅជាការពិចារណាឡើងវិញនូវប្រតិបត្តិការទាំងមូលរបស់ពួកគេ ខណៈពេលដែលអាជីវកម្មផ្សេងៗទៀតបានវិវឌ្ឍន៍ខ្លួនឯង ពីដំណើរការល្អទៅដំណើរការមួយដ៏អស្ចារ្យនៅក្នុងវិបិត្តនេះ។ការកើតឡើងនូវវិបត្តិនេះដែរបានធ្វើឲ្យអារម្មណ៍អ្នកប្រើប្រាស់ផ្លាស់ប្ដូរយ៉ាងខ្លាំង ពោលគឺអតិថិជនដែលធ្លាប់ប្រើទំនិញប្រណីតៗបានការបន្ថយការចាយវាយ រីឯមនុស្សក៏គ្មានការងារកាន់តែច្រើនដែរ។

២.ផលិតផលល្អៗត្រូវតែកែប្រែវាដើម្បីការរស់រាន

នៅក្នុងវិបិត្តិសេដ្ឋកិច្ចតម្រូវការរបស់អតិថិជនសម្រាប់ផលិតផលដែលល្អ ដែលទាក់ទាញ នឹងត្រូវធា្លក់ចុះនៅពេលដែលអ្នកទិញផ្ដោតលើតម្រូវការមូលដ្ឋានរបស់ពួកគេប្រចាំថ្ងៃ។សុខភាពដែលល្អប្រសើរ និង សុវត្ថិភាព គឺជាកត្តាចម្បងដែលត្រូវនឹងផ្នែកខាងក្រោមនៃឋានានុក្រមនៃតម្រូវការរបស់ម៉ាស្លូ( Maslow) បាន ក្លាយជាអាទិភាពកំពូលមួយ។ ចំពោះការចាប់ផ្ដើមអាជីវកម្មដោយការបណ្ដាក់ទុននិង ការចាប់ផ្ដើមធ្វើអាជីវកម្មទាំងការចាប់ផ្ដើមដំណើរការឬនៅក្នុងដំណាក់កាលដំបូងនៃស្ថានភាពជម្ងឺឆ្លងនេះ អ្នកចាំបាច់ត្រូវតែផ្លាស់ប្ដូរយុទ្ធសាស្រ្តដើម្បីបញ្ជៀសនូវហានិភ័យមួយចំនួន គឺយុទ្ធសាស្រ្តដែលអាចធ្វើឲ្យអាជីវកម្មរបស់អ្នកនៅឈរជើងបាននៅលើទីផ្សារ ទោះជាមានបញ្ហាជម្ងឺនេះក៏ដោយ។ ម្យ៉ាងវិញទៀតវិបត្តិបានជំរុញឲ្យពួកគេគូសបញ្ជាក់ពីទិដ្ឋិភាពជាក់លាក់នៃម៉ាកដែលវាពាក់ព័ន្ធនឹងបទដ្ឋានអ្នកប្រើប្រាស់ថ្មី និង ធ្វើឲ្យពួកគេបានចាប់ផ្ដើមសាកល្បងទៅលើការផ្សាយពាណិជ្ជកម្មដែលផ្ដោតទៅលើអតិថិជននិង តម្រូវការសម្រាប់ការមើលថែខ្លួនឯងពីផាសុខភាពនៃគេហដ្ឋានរបស់ពួកគេ។

៣. ខ្សែសង្វាក់នៃការផ្គត់ផ្គង់នៅបរទេសត្រូវបានគេជឿជាក់ថាវាពិតជាការរំខានមួយ

អង្គការសុខភាពពិភពលោក (WHO) បានបញ្ជាក់ថាករណីជម្ងឺកូវីដ១៩ បានរាលដាលស្ទើរតែគ្រប់ប្រទេសទាំងអស់នៅលើពិភពលោកដែលជាហេតុធ្វើឲ្យរោងចក្រជាច្រើនប្រឈមមុខនឹងការបិទទ្វារ ហើយអ្នកផ្គត់ផ្គង់វត្ថុធាតុដើមក៏ត្រូវប្រឈមមុខនឹងការបិទទ្វារផងដែរ ។ រោងចក្រមិនអាចផ្លាស់ខ្លួនទៅជាផលិតកម្មបានទេប្រសិនបើអ្នកផ្គត់ផ្គង់វត្ថុធាតុដើមស្ទើតែទាំងអស់ត្រូវបានបិទនោះ។ ហើយម្យ៉ាងវិញទៀតការពន្យាពេលគឺជៀសមិនរួចនោះទេ ក្នុងនាមជាម្ចាស់អាជីវកម្មខ្នាតតូចវាជាការសំខាន់ដើម្បីទស្សន៍ទាយពីបញ្ហាប្រឈមទាំងនេះ និង ធ្វើការសម្រចចិត្តដោយផ្អែកលើព័ត៌មានច្បាស់លាស់មួយ។នៅកាលៈទេសៈនេះការធ្វើពិពិធកម្មផលិតកម្មគឺវាមានគុណសម្បិត្តិខុសៗគ្នា ដូចនេះសម្រាប់អ្នកដែលមិនទាន់បានធ្វើពិពិធកម្ម វាពិតជាសំខាន់ណាស់ដែលត្រូវរៀបចំខ្លួននៅពេលដែលអ្វីៗត្រលប់មករកភាពដើមវិញ។

៤. បង្កើតនូវឱកាសថ្មីមួយនៅក្នុងការជ្រើសរើសទីផ្សារ និង ធ្វើពិពិធកម្មផលិតកម្ម

ជម្ងឺកូវីដ១៩បានធ្វើឲ្យមានលិទ្ធផលក្នុងការទទួលបាននូវអតិថិជនបានកាន់តែច្រើនដោយសារតែមានការពេញចិត្តនូវលក្ខខណ្ឌទីផ្សារ និង មានម៉ាកជាក់លាក់។ ហើយនៅក្នុងនោះដែរ Michael Kaminsដែលជាដៃគូរនៅ OpenNest និងជាស្ថាបនិកក្រុមហ៊ុន Humakina បានបញ្ជាក់ជាសំណួរថាៈ តើផលប៉ះពាល់ទីផ្សារវិជ្ជមានមួយណាដែលត្រូវការការត្រៀមលក្ខណៈខ្ពស់សម្រាប់ម៉ាក់ផលិតផលមុនពេលដាក់លក់? “យើងបាននឹងកំពុងផ្លាស់ប្ដូរយុទ្ធសាស្ត្រនៃការចាប់ផ្ដើមរបស់យើងនៅក្នុងសម័យកាលកូវីដ១៩នេះ។ រហូតមកដល់ពេលនេះមិនទាន់មានភាពសៅហ្មងនៅក្នុងខ្សែសង្វាក់ផ្គត់ផ្គង់របស់យើងទេហើយយើងមានសំណាងណាស់ចំពោះបញ្ហាអស់ទាំងនេះ។ ប៉ុន្តែយើងយល់ថាការវិវឌ្ឍន៍យ៉ាងឆាប់រហ័សអាចបណ្ដាលឲ្យមានផលប៉ះពាល់អវិជ្ជមានដល់ខ្សែសង្វាក់ផ្គត់ផ្គង់នៅពេលណាមួយ។ យើងកំពុងតែតាមដានស្ថានការណ៍ដោយធ្វើការវាយតម្លៃពីផលប៉ះពាល់ និង រៀបចំសកម្មភាពដើម្បីឆ្លើយតបជាមួយនឹងបញ្ហាទាំងនោះ។”

៥. ឥលូវនេះជាពេលដែលត្រូវបោះជំហានទៅមុខដោយភាពជឿជាក់

អ្វីៗនឹងត្រលប់មករកភាពប្រក្រតីវិញ នៅពេលដែលអត្រានៃអ្នកឆ្លងជម្ងឺមានការថយចុះ។ ទីផ្សារនឹងស្ទុះងើបឡើងវិញ មានសកម្មភាពជាធម្មតាវិញនៅពេលដែលស្ងប់ស្ងាត់នូវជម្ងឺកូវីដនេះ ហើយមនុស្សនឹងអាចចេញដើរហើរ ឬ ត្រលប់ទៅធ្វើការវិញបានដូចធម្មតានៅពេលដែលយើងទាំងអស់គ្នាអាចទប់ទល់នឹងវាបាន។ តែទោះជាយ៉ាងណាក៏ដោយពេលវេលានៃការស្ទុះងើបឡើងវិញនេះ នៅតែមិនទាន់ច្បាស់លាស់នៅឡើយទេ ហើយក៏សង្ឃឹមថាវានឹងមិនកើតឡើងច្រើនខែដែរ។ ឥលូវនេះមានភាពមិនប្រាកដប្រជាច្រើនណាសសម្រាប់អាជីវកម្មខ្នាតតូច ប៉ុន្តែជាមួយគ្នានោះ គឺពួកគេមានឱកាសដ៏ធំធេងផងដែរ។ដូចនេះ ត្រូវមានសុខភាពល្អ ហើយប្រើប្រាស់រយៈពេលនោះដើម្បីផលប្រយោជន៍របស់អ្នកដើម្បីពិចារណាពីរបៀបដែលអ្នកអាចធ្វើឲ្យប្រសើរឡើងនូវប្រតិបត្តិការរបស់អ្នកនាពេលអនាគត។

ពាណិជ្ជកម្ម

ទម្លាប់ ១នាទី ដែលជួយឲ្យអ្នកមានអារម្មណ៍ល្អប្រសើរជាងមុន និង មានផលិតភាពកាន់តែច្រើនជារៀងរាល់ព្រឹក

Rin Hanavy

អារម្មណ៍ល្អឬមិនល្អ គឺអាស្រ័យទៅលើអ្នកខ្លួនឯងជាអ្នកបង្កើត ថាតើអ្នកបានធ្វើអ្វី និង បាននិយាយអ្វីខ្លះដើម្បីឲ្យអារម្មណ៍របស់អ្នកបានសប្បាយរីករាយនិងមានថាមពលជារៀងរាល់ថ្ងៃ។ អ្នកប្រាកដជាពិបាក ហើយក៏មិនដឹងថាត្រូវនិយាយអ្វីមកកាន់ខ្លួនឯងជារៀងរាល់ព្រឹកដើម្បីបង្កើតឲ្យមានអារម្មណ៍ដែរ។ ដូចនេះសំណួរខាងក្រោមនេះនឹងជួយអ្នកឲ្យមានអារម្មណ៍ស្រស់ថ្លា និង មានផលិតភាពបានកាន់តែច្រើន៖

១. តើខ្ញុំអរគុណអ្វីខ្លះនៅក្នុងថ្ងៃនេះ?

អ្នកត្រូវអរគុណខ្លួនអ្នក សមត្ថភាពរបស់អ្នក ខួរក្បាលរបស់អ្នក ការខិតខំប្រឹងប្រែងរបស់អ្នក ភាពរឹងមាំរបស់អ្នក និង សុខភាពរបស់អ្នក ព្រោះដោយសារតែពួកវាទើបអ្នកអាចទទួលបាននូវសម្ធិផល នូវស្នាដៃដែលអ្នកប្រាថ្នាចង់បាន។ ដូចនេះ ចូរអ្នកអរគុណរាល់អ្វីៗដែលបានជួយអ្នកឲ្យរួចផុតពីបញ្ហា រួចផុតពីភាពហ្មងសៅ និងរួចផុតពីអារម្មណ៍មិនដាច់ស្រឡះដែលអ្នកមាន ហើយបង្ហាញនូវការអរគុណនេះមកកាន់ខ្លួនឯងជារៀងរាល់ព្រឹកដើម្បីឲ្យអារម្មណ៍របស់អ្នកមានភាពធូរស្បើយ និង មានថាមពលក្នុងការបោះជំហានទៅមុខទៀត។

២. តើនរណាដែលខ្ញុំត្រូវអរគុណនៅក្នុងថ្ងៃនេះ?

ពេលដែលអ្នកមានអារម្មណ៍ដឹងគុណ ឬ បង្ហាញការថ្លែងអំណរគុណទៅកាន់នរណាម្នាក់ដែលអ្នកគិតថាសាកសមនឹងទទួល នោះការថ្លែងអំណរគុណរបស់អ្នកនឹងធ្វើឲ្យអ្នកមានអារម្មណ៍ស្រស់ស្រាយ សប្បាយរីករាយ និង មានទឹកមុខស្រស់បស់ពោរពេញទៅដោយថាមពល ក្ដីសង្ឃឹម និង ក្ដីស្រលាញ់ទៅកាន់មនុស្សជុំវិញខ្លួន។ដូចនេះអ្នកគួរតែជ្រើសរើសអ្វីមួយមិនថារបស់នោះជារបស់តូចឬធំ មានតម្លៃឬមិនមានតម្លៃនោះទេជូនទៅដល់ពួកគេ ដើម្បីបង្ហាញពីការអរគុណ និង ការដឹងគុណរបស់អ្នកចំពោះពួកគេ។អ្នកនឹងឃើញទង្វើ និង ការគិតរបស់អ្នកនៅពេលដែលអ្នកធ្វើដូច្នេះ ពីព្រោះការសម្ដែងនូវការអរគុណចំពោះអ្នកដទៃគឺប្រៀបបានទៅនឹងការអរគុណនូវអ្វីដែលខ្លួនបានធ្វើយ៉ាងហ្នឹងដែរ។ អ្នកអាចសាកស្វែងរកនរណាម្នាក់ដើម្បីបង្ហាញនូវការដឹងគុណចំពោះពួកគេ ដូចជាឪពុកម្ដាយ បងប្អូន លោកគ្រូអ្នកគ្រូ មនុស្សជាទីស្រលាញ់ មេរបស់អ្នក ឬ មិត្តភក្តិរបស់អ្នកជាដើម ថាតើបន្ទាប់ពីអ្នកធ្វើបែបនោះហើយអ្នកនឹងមានអារម្មណ៍បែបណា?សប្បាយរីករាយ ឬ កើតទុក្ខ? ស្រស់ស្រាយ ឬ តប់ប្រមល់នៅក្នុងខ្លួន?អ្នកនឹងដឹងបន្ទាប់ពីការសាកល្បងមួយនេះ។

៣. តើអ្វីដែលខ្ញុំគួរតែគិតនៅក្នុងថ្ងៃនេះ?

ភាគច្រើនអារម្មណ៍មិនល្អច្រើនតែកើតមានឡើងនៅពេលដែលអ្នកធ្វើអ្វីមួយមិនច្បាស់លាស់ ធ្វើការងារពីរបីក្នុងពេលតែមួយ ធ្វើការឆ្បោលៗ ធ្វើឲ្យរួចតែពីដៃ ជាដើម។ ដោយផ្អែកលើបញ្ហាទាំងអស់នេះហើយ ទើបអ្នកត្រូវរៀបចំផែនការ ឬ កាលវិភាគមួយ ថាត្រូវធ្វើអ្វីខ្លះនៅក្នុងថ្ងៃនីមួយៗដើម្បីបង្កើតភាពច្បាស់លាស់សម្រាប់ខ្លួនឯង និង ដើម្បីកាត់បន្ថយភាពស្មុគស្មាញ ភាពស៊ាំញ៉ាំ ឬ អារម្មណ៍មិនល្អជាដើម។ ម្យ៉ាងទៀតនៅពេលដែលអ្នកសួរខ្លួនឯងថា តើថ្ងៃនេះខ្ញុំគួរតែធ្វើអ្វីខ្លះដើម្បីឲ្យការងារខ្ញុំទទួលបានប្រសិទ្ធភាព? នោះសំណួរទាំងនោះនឹងបង្ហាញផ្លូវឲ្យអ្នកបានដឹងភ្លាមៗ ថាអ្នកត្រូវធ្វើអ្វី។យ៉ាងណាមិញទោះបីជាផែនការរបស់អ្នកមិនមែនជាផែនការមួយដ៏អស្ចារ្យក៏ដោយ ប៉ុន្តែវាជួយចង្អុលបង្ហាញឲ្យអ្នកបានដឹងថា អ្នកត្រូវធ្វើអ្វីមុន ធ្វើអ្វីបន្ទាប់ ទៅតាមរបៀបរវារៈដែលអ្នកបានកំណត់ ជាជាងដែលអ្នកធ្វើវាទាំងភាពច្របូកច្របល់ និងមិនច្បាស់លាស់។លើសពីនេះ បន្ទាប់ពីអ្នកសម្រេចចិត្តថាត្រូវធ្វើការងារណាមួយនៅក្នុងថ្ងៃនេះ អ្នកគួរតែយកចិត្តទុកដាក់ទៅលើការងារនោះមួយមុខបានហើយ មិនត្រូវធ្វើការងារនេះហើយគិតពីបញ្ហាផ្សេងនោះទេ ព្រោះវាអាចជះឥទ្ធិពលទៅលើការងាររបស់អ្នកគឺ ការងាររបស់អ្នកអាចមិនបញ្ចប់ ឬ ធ្វើវាមិនបានល្អជាដើម។

ជាចុងក្រោយអ្នកគួរតែចាប់ផ្ដើមធ្វើអ្វីមួយជារៀងរាល់ថ្ងៃដោយអារម្មណ៍ល្អ ស្រស់ស្រាយ ដោយមានគោលដៅជាក់លាក់ ជាពិសេសបង្ហាញនូវការអរគុណទៅកាន់មនុស្សជាទីស្រលាញ់របស់អ្នក ដើម្បីជួយជម្រុញការងាររបស់អ្នកឲ្យកាន់តែមានផលិតភាពខ្ពស់ ហើយកុំភ្លេចសួរសំណួរទាំងនេះមកកាន់ខ្លួនឯងជារៀងរាល់ព្រឹក។

ពាណិជ្ជកម្ម

តើកូវីត១៩បានផ្លាស់ប្តូរឥរិយាបថអ្វីខ្លះដល់ប្រជាជនកម្ពុជាយើង?

ខៀក វិទ្យារតនៈ

ក្នុងកំឡុងពេលដែលជម្ងឺកូវីត១៩ហាក់មិនទាន់មានសភាពអន់ថយនៅឡើយ បណ្តាប្រទេសនានាលើសកលលោកបាននឹងកំពុងពួតដៃគ្នាយ៉ាងសស្រាក់សស្រាំក្នុងការទប់ស្កាត់ការឆ្លងរីករាលដាលនៃជម្ងឺនេះ ដោយមានការបិទប្រទេស ឬហាមឃាត់ប្រជាជនក្នុងការចេញចូលពីតំបន់មួយទៅតំបន់មួយ រួមទាំងបទបញ្ជាក្នុងការដាក់ប្រជាជនឲ្យនៅមួយកន្លែងជាដើម។ ក្នុងនោះប្រទេសកម្ពុជាយើងក៏បានចូលរួមចំណែកក្នុងការកាត់បន្ថយការរីករាលដាលនៃជម្ងឺនេះផងដែរ តាមរយៈការដាក់ចេញនូវវិធានការណ៍របស់រាជរដ្ឋាភិបាល និងក្រសួងសុខាភិបាល ដែលហាមឃាត់ក្នុងការធ្វើដំណើរឆ្លងកាត់ពីខេត្តមួយទៅខេត្តក្រុងដទៃទៀតទូទាំងប្រទេស និងការបិទបណ្តោះអាសន្ននូវគ្រឹះស្ថានអប់រំនានា ផ្សារទំនើបតូចធំ ទីប្រជុំជន ព្រមជាមួយស្ថាប័នរដ្ឋ និងឯកជនដទៃទៀតគ្រប់ជាន់ថ្នាក់។ ការធ្វើបែបនេះក៏បានជះឥទ្ធិពលទៅដល់ឥរិយាបថរស់នៅប្រចាំថ្ងៃរបស់ប្រជាជនកម្ពុជាផងដែរ ពិសេសគឺទៅលើការប្រើប្រាស់ប្រព័ន្ធឌីជីថល និងតិចណូឡូជី (Digital & Technology)។ តើកូវីត១៩បានផ្លាស់ប្តូរឥរិយាបថអ្វីខ្លះដល់ប្រជាជនកម្ពុជាយើង?

១. ការប្រើប្រាស់បច្ចេកវិទ្យាធំទូលាយជាងមុន

ជាការពិតណាស់ ថ្វីត្បិតតែគ្រឹះស្ថានអប់រំ ស្ថាប័នរដ្ឋ និងឯកជននានាត្រូវបានបិទបណ្តោះអាសន្ន ក៏ប៉ុន្តែសិស្សានុសិស្ស មន្ត្រីរាជការ និងបុគ្គលិកក្រុមហ៊ុនឯកជននៅតែអាចបំពេញភារកិច្ចរៀនសូត្រ និងកាតព្វកិច្ចការងាររបស់ខ្លួនបានដូចដើមតាមរយៈប្រព័ន្ធអនឡាញដូចជា ការសិក្សាតាមរយៈការមើលវីដែអូបង្រៀនរបស់លោកគ្រូអ្នកគ្រូ ការធ្វើកិច្ចប្រជុំ និងប្រាស្រ័យទាក់ទងតាមប្រព័ន្ធវីដេអូជាដើម (video call)។ លើសពីនេះទៅទៀត ការទិញទំនិញតាមប្រព័ន្ធអនឡាញក៏មានការកើនឡើងគួរឲ្យកត់សម្គាល់ផងដែរ។ ជាក់ស្តែងការបញ្ជាទិញទំនិញ ម្ហូបអាហារ ភេសជ្ជៈ និងសម្ភារៈចាំបាច់ផ្សេងៗតាមកម្មវិធីអនឡាញហាក់ មានការកើនឡើងខ្លាំងបើប្រៀបទៅនិងពេលមិនទាន់មាន កូវីត១៩ នេះ សម្បីតែលោកពូអ្នកមីងដែលមានវ័យចំណាស់ក៏ចាប់ផ្តើមយល់ពីបច្ចេកវិទ្យាមួយចំនួនផងដែរ។

២. ការថែរក្សាអនាម័យ និងរបៀបក្នុងការការពារខ្លួន

ការរក្សាអនាម័យគឺពិតជារឿងដ៏សំខាន់ដែលមនុស្សគ្រប់រូបគប្បីអនុវត្តឲ្យបានខ្ជាប់ខ្ជួន ក៏ប៉ុន្តែនៅមុនពេលដែលមានជម្ងឺ កូវីត១៩ នេះកើតឡើង ប្រជាជនយើងមួយចំនួនតូចហាក់ពុំសូវខ្វល់ខ្វាយពីការរក្សាអនាម័យប៉ុន្មាននោះទេ។ យ៉ាងណាមិញ គេសង្កេតឃើញថាក្នុងកំឡុងពេលការរីករាលដាលនៃជម្ងឺនេះ ប្រជាជនខ្មែរយើងចាប់ផ្តើមចេះរក្សាអនាម័យ និងការពារខ្លួនច្រើនជាមុន តាមរយៈការពាក់ម៉ាស់នៅពេលធ្វើដំណើរនៅតាមទីសាធារណៈ ក៏ដូចជាការលាងសម្អាតដៃជាមួយសាប៊ូ ឬទឹកអាល់កុលជាដើម។

៣. ការចាប់ឳកាសក្នុងកំឡុងពេលមានបញ្ហា

នៅក្នុងវិស័យធុរៈកិច្ចគេតែងនិយាយថា “ភាពជោគជ័យគឺស្ថិតនៅលើការចេះក្តាប់ឳកាស បុគ្គលជោគជ័យសម្លឹងឃើញឳកាសកំឡុងពេលជួបបញ្ហា នៅខណៈពេលដែលមនុស្សទូទៅឃើញវាត្រឹមជាបញ្ហាតែប៉ុណ្ណោះ!” ឳកាសដែល គំនិត ចង់បង្ហាញកន្លែងនេះមិនមែនសំដៅទៅលើការតំឡើងតម្លៃទំនិញផ្សេងៗកំឡុងពេលមានវិបត្តិនោះទេ។ ចំណុច “ឳកាស” នេះគឺសំដៅទៅលើម្ចាស់អាជីវកម្ម និងអ្នកជំនួញ ត្រូវចេះកែច្នែយ៉ាងណាដើម្បីឲ្យអាជីវកម្មរបស់ខ្លួនអាចឈរជើងក្នុងពេលមានវិបត្តិនេះបានតាមរយៈការប្រើប្រាស់វិធីសាស្ត្រនានា ដូចជាប្រព័ន្ធតិកណូឡូជី និងអនឡាញក្នុងការផ្សព្វផ្សាយ និងលក់ផលិតផលរបស់ខ្លួនទៅកាន់អតិថិជន។ ហើយអ្វីដែលរឹតតែពិសេសទៅទៀតនោះ ប្រសិនបើម្ចាស់អាជីវកម្ម និងអ្នកជំនួញអាចជួយសម្រួលដល់ភាពលំបាករបស់ប្រជាជនក្នុងកំឡុងពេលមានបញ្ហា នោះប្រាកដណាស់ថាម្ចាស់អាជីវកម្ម និងអ្នកជំនួញរូបនោះនឹងស្ថិតក្នុងដួងចិត្តប្រជាជនយើងជាក់ជាពុំខាន៕

ពាណិជ្ជកម្ម

លោក លីហាវ៖ តើធ្វើយ៉ាងណាដើម្បីក្លាយជាបុគ្គលិកBrand ម្នាក់?

Rin Hanavy

Brand? Brand? Brand? ជាពាក្យដែលមនុស្សម្នាក់ៗកំពុងតែនិយមប្រើប្រាស់ ហើយជាពាក្យដែលតែងតែនិយាយ តែងតែសរសើរនិង តែងតែអួតដាក់គ្នាថាវាជាផលិតផលល្អ មានតម្លៃ ព្រមទាំងមានគុណភាពខ្ពស់ទៀតផងដែលនរណាៗក៏ចង់ប្រើ។មនុស្សម្នាក់ៗសុខចិត្តចំណាយលុយជាច្រើនដើម្បីរបស់របរ ប្រេនៗមកលម្អខ្លួន មកប្រើប្រាស់ទៅតាមតម្រូវការដែលចង់បាន ព្រោះមនុស្សគ្រប់គ្នានឹងសរសើរថាពួកគេឡូយ ហ៊ឺហា ស្អាត សង្ហារ ឬ នឹងឲ្យតម្លៃទៅពួកគេតាមរបស់របរដែលតែងតែប្រើប្រាស់។នៅក្នុងនោះដែរយើងឃើញថា ពាក្យថាBrand គឺសំដៅទៅលើផលិតផលមួយដែលមានម៉ាកយីហោល្បីល្បាញ និង មានគុណភាពខ្ពស់ ហើយភាគច្រើនគេច្រើនតែនិយាយពាក្យថាBrand ទៅលើសម្លៀកបំពាក់ កាបូប ទូរស័ព្ទ នាឡិកា ឬ ស្បែកជើង។ល។ ប៉ុន្តែនៅក្នុងថ្ងៃនេះលោកគ្រូ លីហាវ (Ly Haw) នឹងប្រាប់អំពីបុគ្គលិកBrand វិញម្ដង ថាតើបុគ្គលិកBrand ត្រូវមានលក្ខណៈBrand យ៉ាងដូចម្ដេចខ្លះ?ដូច្នេះហើយមិនមែនមានតែវត្ថុ ឬ ផលិតផល ទេដែលមានម៉ាកមានយីហោ មានតម្លៃ និង គុណភាពនោះ ប៉ុន្តែមនុស្សយើងគ្រប់គ្នាក៏អាចក្លាយទៅជាមនុស្សBrand បុគ្គលិកBrand និង អ្នកដឹកនាំBrand បានដែរ ប្រសិនជាយើងចង់ឲ្យខ្លួនឯងមានតម្លៃ មានគេគោរពស្រលាញ់ច្រើន ។

ខាងក្រោមនេះលោកគ្រូ លីហាវ (Ly Haw) នឹងរាយរាប់រៀបរាប់ពីចំណុចទាំង៤ រួមមាន “ កើត ចាស់ ឈឺ ស្លាប់” ជូនអ្នកទាំងអស់ បានដឹង បានស្ដាប់ និង បានអនុវត្តដើម្បីក្លាយជាបុគ្គលិកBrand ម្នាក់៖

១. កើត

កើត នេះមិនមែនសំដៅទៅលើការកើតចេញពីផ្ទៃរបស់ម្ដាយយើងនោះទេ ប៉ុន្តែ “កើត” នេះគឺសំដៅទៅលើការធ្វើអ្វីមួយឲ្យកើត ធ្វើអ្វីមួយឲ្យចេញជាលទ្ធផល ចេញជាផ្លែជាផ្កា ទៅតាមអ្វីដែលអ្នកចង់បាន និង អ្នកគ្រប់គ្រងរបស់អ្នករំពឹងថាអ្នកនឹងអាចបំពេញវាបាន។យ៉ាងណាមិញប្រសិនជាអ្នកគ្រប់គ្រងរបស់អ្នកបានដាក់ការងារឲ្យអ្នកធ្វើដូចជាសរសេរជាអត្ថបទ ឬ ឌីហ្សាញរូបភាពកាត់តរូបភាព ដូចនេះអ្នកត្រូវតែធ្វើវាឲ្យកើត មានន័យថា អ្នកត្រូវសរសេរអត្ថបទឲ្យបានល្អ មានន័យគ្រប់គ្រាន់ មានភាពទាក់ទាញ ហើយអាចផ្ដល់ជាមតិយោបល់ដើម្បីជួយអ្នកដទៃ និង សាធារណៈជនឲ្យបានដឹងនិង បានយល់។ហើយប្រសិនជាអ្នកគ្រប់គ្រងរបស់អ្នកដាក់កិច្ចការឲ្យអ្នក ចំពោះការឌីហ្សាញរូបភាព ម៉ូតសម្លៀកបំពាក់ ឬ ក៏ឌីហ្សាញរូបភាព អ្នកត្រូវតែធ្វើវាឲ្យអស់ពីសមត្ថភាព រៀបចំរូបភាពឲ្យមានភាពទាក់ទាញ ត្រជាក់ភ្នែក និង មនុស្សគ្រប់គ្នាឆាប់ចាប់អារម្មណ៍ជាដើម។ទាំងនេះបង្ហាញថាអ្នកអាចធ្វើវាកើត កើតចេញជាទម្លាប់ ជាលទ្ធផល និង ជាស្នាដៃ។

២. ចាស់

ចាស់ នេះក៏ដូចគ្នា មិនមែនសំដៅទៅលើវត្ថុចាស់ឬមួយក៏មនុស្សចាស់នោះទេ តែ “ចាស់” ចង់សំដៅទៅលើ ការចាស់ចិត្ត ចាស់គំនិតទៅលើការងារ មិនមែនជាមនុស្សដែលអាឡិកអាឡក់ ទន់ជ្រាយ ឬ មកធ្វើការមិនទាន់ពេលនោះទេ។ ការធ្វើការបណ្ដើរ ញ៉ាំបណ្ដើរ ធ្វើបណ្ដើរលេងបណ្ដើរ គឺមិនមែនជាមនុស្សចាស់ចិត្តចាស់គំនិតនោះទេ ដូចនេះមិនត្រូវធ្វើការបែបហ្នឹងនោះទេ។ ជារៀងរាល់ថ្ងៃដែលអ្នកទៅធ្វើការ គឺអ្នកត្រូវតែមានគោលដៅឲ្យបានច្បាស់លាស់ថា ខ្ញុំទៅដើម្បីធ្វើការ ដើម្បីរកលុយជូនគ្រួសារ និង ដើម្បីទទួលបាននូវបទពិសោធន៍ គឺមិនមែនទៅដើម្បីលេង Facebook ហើយវាក៏មិនមែនជាពេលដែលអ្នកត្រូវលេងFacebook ដែរ។ ដូចនេះអ្នកត្រូវតែចាស់ចិត្តចាស់គំនិត ធ្វើអ្វីដែលត្រឹមត្រូវ គោរពម៉ោងពេលធ្វើការ និង គោរពវិន័យឲ្យបានត្រឹមត្រូវ។

៣. ឈឺ

មិនមែនមនុស្សដែលឈឺ មនុស្សដែលមានជម្ងឺអ្វីនោះទេ ប៉ុន្តែគឺជាការឈឺឆ្អាលអ្នកដទៃ ឈឺឆ្អាលក្នុងផ្លូវល្អ ផ្លូវវិជ្ជមាន ឈឺឆ្អាលដើម្បីជួយអ្នកដទៃទៅតាមសមត្ថភាពដែលអ្នកអាចធ្វើបាន។អ្នកគួរតែមានចិត្តមានគំនិត មានចិត្តចង់ជួយ ចង់ឈឺឆ្អាលដល់បុគ្គលិកដទៃ ឈឺឆ្អាលដល់អ្នកគ្រប់គ្រងថ្នាក់លើ និង ចេះឈឺឆ្អាលចំពោះស្ថាប័នដែលខ្លួនកំពុងតែធ្វើនេះឯង។ជាក់ស្ដែងនៅពេលដែលមិត្តរួមការងារ អ្នកគ្រប់គ្រង ឬ ស្ថាប័នរបស់អ្នកកំពុងតែជួបបញ្ហា អ្នកគួរតែចូលរួមយ៉ាងសស្រាក់សស្រាំ ដើម្បីជួយសម្រាលការងារ ឬ ចូលរួមបញ្ចេញមតិក្នុងការដោះស្រាយជាមួយគ្នា។ឧទាហរណ៍ដូចជាក្នុងករណីមួយ ដែលអ្នកឃើញមិត្តរួមការងាររបស់ត្រូវទទួលរងនូវបន្ទុកការងារជាច្រើនដែលត្រូវបង្ហើយឲ្យក្រុមហ៊ុននៅក្នុងថ្ងៃនេះ តើអ្នកគួរតែជួយសម្រាលការងារឲ្យពួកគេឬក៏ទៅចោលពួកគេ? បើសិនអ្នកចង់ក្លាយជាបុគ្គលិកប្រេន អ្នកគួរតែចេះឈឺឆ្អាលជាមួយនឹងពួកគេ ជួយធ្វើការងារឲ្យគ្នាដើម្បីបញ្ចប់ឆាប់បានចេញពីធ្វើការទាំងអស់គ្នា ទោះបីការងារនោះមិនមែនជាការងាររបស់អ្នកក៏ដោយ។ដូចេ្នះ ពាក្យថាបុគ្គលិកប្រេន មិនមែនមនុស្សគ្រប់គ្នាអាចទទួលយកបានដោយងាយៗ ដោយគ្មានការខិតខំព្យាយាមនោះទេ។

៤. ស្លាប់

ចំណុចស្លាប់ចុងក្រោយគេនេះ មិនមែនអ្នកត្រូវលាចាកលោក ឬ ទៅណាដែលមិនអាចមកវិញនោះទេ តែ “ ស្លាប់” នេះសំដៅទៅលើអត្តចរិក និង ទម្លាប់របស់អ្នក។ ពាក្យថាស្លាប់គឺបានមកពីពាក្យសម្លាប់ ដូចនេះអ្នកត្រូវតែសម្លាប់នូវចរិក នូវអារម្មណ៍ដែលមិនល្អ ដែលចូលចិត្តច្រណែនឈ្នានីសគ្នា គុំគួនគ្នា ចងគំនុំដាក់គ្នា និង ឆាវឆាវដាក់គ្នា ឲ្យស្លាប់បាត់ទៅ ទាំងនៅកន្លែងធ្វើការក្ដី ទាំងនៅនៅក្នុងជីវភាពរស់នៅប្រចាំថ្ងៃក្ដី ព្រោះពេលដែលអ្នកតែងតែប្រកាន់ខ្ជាប់នូវគំនុំគុំគួន ការច្រណែនឈ្នានីសគ្នា គឺអ្នកនឹងមិនទទួលបាននូវការសរសើរ ឬ ការគោរពពីអ្នកដទៃនោះទេ ជាពិសេសគឺប្រសិទ្ធភាពការងាររបស់អ្នកនឹងថមថយ រីឯប្រាក់ខែក៏វាទៅតាមហ្នឹងដែរ។ ម្យ៉ាងវិញទៀតមិនមែនត្រឹមតែសម្លាប់ចោលនូវចរិកមិនល្អរបស់អ្នកនោះទេ តែអ្នកត្រូវតែសម្លាប់នូវទម្លាប់អាក្រក់ៗរបស់អ្នកផងដែរ គឺទម្លាប់គេចវេសពីការងារ ទម្លាប់លេងសើចច្រើនខុសទំនង ទម្លាប់ខ្ជិលច្រអូស ទម្លាប់មកធ្វើការមិនទៀងម៉ោង និង ទម្លាប់និយាយដើមគ្នានៅកន្លែងធ្វើការងារជាដើម។ដូចនេះ អ្នកគួរតែលុបបំបាត់វា និង សម្លាប់វា នូវទម្លាប់ និង ចរិកមិនល្អណាដែលអ្នកមាន ឲ្យវាបរលោកទីឋានដែលឆ្ងាយៗឲ្យអស់ទៅ ទើបអ្នកអាចផ្លាស់ខ្លួនឯង ទៅជាបុគ្គលិកប្រេនម្នាក់ ដែលមនុស្សគេត្រូវការ គេឲ្យតម្លៃ និង ស្រលាញ់រាប់អានអ្នក។ហើយម្យ៉ាងវិញទៀត អ្នកគួរតែសួរខ្លួនឯងថាអាយុស្រករៗយើង តើគេមានអី? ហើយយើងមានអីខ្លះហើយ? គេធ្វើការ២ឆ្នាំគេសល់អី? រីឯយើងធ្វើការឲ្យគេ៥ឆ្នាំទៅហើយ តើយើងសល់អ្វីជាដុំកំភួនខ្លះ? តើអ្នកចង់ឲ្យប្រាក់ខែរបស់អ្នកកើនតាមអាយុ? ឬ ក៏ ឲ្យប្រាក់ខែរបស់អ្នកបានច្រើនជាងអាយុ? ឬក៏ចង់បានប្រាក់ខែដែលតិចជាងអាយុអ្នក? ចូរអ្នកគិតពិចារណាឲ្យបានល្អិតល្អន់ដោយខ្លួនឯង។

មានរឿងនិទានអប់រំខ្លីមួយ ដែលយើងចង់បង្ហាញប្រាប់អ្នកឲ្យបានយល់ ឲ្យបានដឹង៖ មានសេះនិងលាដែលត្រូវជ្រើសរើសក្នុងការធ្វើដំណើរទៅចម្លងធម៌ជាមួយនឹងលោកគ្រូថាងចេង។ដំបូងលោកគ្រូថាងចេងគាត់ចង់ជិះសត្វលាទៅ ប៉ុន្តែសត្វលាបដិសេធមិនព្រមទៅនោះទេព្រោះគេដឹងថាការធ្វើដំណើរទៅចម្លងធម៌ គឺត្រូវដើរផ្លូវវែងឆ្ងាយណាស់ហត់ណាស់ទម្រាំតែយកធម៌ហ្នឹងបាន។ ដូច្នេះ លោកគ្រូថាងចេងគ្មានជម្រើសក៏ជ្រើសរើសសេះជំនួសលាវិញ ហើយសេះក៏ព្រមធ្វើដំណើរជាមួយ ឲ្យលោកគ្រូថាងចេងជិះ។ ពេលដែលសេះនិងគ្រូថាងចេងត្រឡប់មកពីចម្លងធម៌វិញ លាក៏បានសួរទៅសេះថា “ បងសេះឯងធ្វើដំណើរតាមផ្លូវហត់អត់” សេះក៏បានឆ្លើយថា “ ហត់ ហើយក៏មានឧបសគ្គច្រើនណាស់ដែរ”។ លាក៏បាននិយាយទៀតថា “ គឺខ្ញុំដឹងមុនហើយ បានខ្ញុំមិនទៅព្រោះវាហត់ខ្លាំងណាស់” ប៉ុន្តែសេះបានសួរបកទៅវិញថា “ ចុះរាល់ថ្ងៃហ្នឹងបងឯងអត់ហត់មែន ព្រោះខ្ញុំឃើញបងឯងអូសរទេះ ដឹកស្រូវ ដឹកបន្លែ ដឹកនេះដឹកនោះរាល់ថ្ងៃ គឺខ្ញុំគិតថាបងឯងសឹងតែហត់ជាងខ្ញុំទៀតផង ហើយចម្ងាយដែលបងឯងដើររាល់ថ្ងៃ និង ចម្ងាយផ្លូវដែលខ្ញុំដើររាល់ថ្ងៃគឺ មានចម្ងាយមិនលើសខ្វះគ្នាប៉ុន្មាននោះទេ ទោះបីជាយើងធ្វើដំណើរដូចគ្នាមែន ប៉ុន្តែលទ្ធផលដែលយើងទាំងពីរនាក់ទទួលបានគឺវាខុសគ្នា ឥលូវនេះខ្ញុំនិងលោកគ្រូថាងចេងបានឡើងឋានសួគ៌ ប៉ុន្តែបងនៅឋានកណ្ដាល ហើយនៅតែធ្វើការងារដោយប្រើកម្លាំងដដែល”។ ដូច្នេះរឿងនិទានខ្លីមួយនេះចង់ប្រាប់អ្នកទាំងអស់គ្នាថា ទោះបីជាយើងមានពេលវេលាដូចគ្នាមែន ប៉ុន្តែមិនប្រាកដថាលទ្ធផលដែលយើងទទួលបានហ្នឹងដូចគ្នានោះទេ។ តួយ៉ាងបើអ្នកទាំងអស់គ្នាចេញមកធ្វើការហើយ អ្នកទាំងអស់គ្នាត្រូវតែមានគោលដៅ និង ក្ដីសម្រៃ ថាយើងចង់សម្រេចអ្វីនាពេលអនាគត ហើយចង់សម្រេចវាបែបណា? ដោយរបៀបណា?។ដូនេះអ្នកទាំងអស់គ្នាឈប់ខ្ជះខ្ជាយពេលវេលារបស់អ្នកបន្តទៀតទៅ សូមធ្វើអ្វីដែលមានតម្លៃពិតប្រាកដ សម្រាប់ខ្លួនឯង សម្រាប់គ្រួសារ មនុស្សជុំវិញខ្លួន សម្រាប់សង្គមជាតិ និង សម្រាប់ក្រុមហ៊ុនរបស់អ្នក។

ពាណិជ្ជកម្ម

ហេតុអ្វីអតិថិជនទិញ? (ភាគ២)

Suos Sovanna

( សូមចុចទីនេះដើម្បី អានភាគ១)

៦ មិនចង់បាត់បង់

អារម្មណ៍នៃការមិនចង់បាត់បង់ គឺជាអារម្មណ៍មួយខ្លាំង។ ការបាត់បង់ ធ្វើឲ្យបុគ្គល មានការឈឺចាប់ ខ្លាំងជាង សប្បាយនៃការទទួលបានអ្វីមួយ ដល់ទៅ២ដង ( ការបាត់លុយ ១០ដុល្លា ធ្វើឲ្យអ្នក ពិបាកចិត្តខ្លាំងជាង២ដង ការឈ្នះលុយ ១០ដុល្លា )។ ការមិនចង់បាត់បង់ គឺជាហេតុផលមួយ ដែលយើងឧស្សាហ៍ឃើញ នៅក្នុងផ្សារទំនើប ប្រើផ្លាក “ឱកាសចុងក្រោយ” “លឿនៗ” “ប្រយ័ត្នបាត់បង់”។

៧ ការបោះយុថ្កាតម្លៃ

អតិថិជន មិនបានដឹងថា ពួកគេបាន បោះយុថ្កាឬ ផ្តោតលើ តួលេខដំបូង ដែលគេបានឃើញ ហើយឲ្យវាបង្កើតជាភាពលំអៀងផ្នែកចិត្តសាស្ត្រក្នុងការសម្រេចចិត្តរបស់ពួកគេទេ។ ចូរពិចារណាទៅលើ តម្លៃដែលដាក់នៅលើឡាន។ តម្លៃ ដែលគេដាក់ឲ្យអតិថិជនឃើញ គឺជាយុថ្កាតម្លៃ ដែលអនុញ្ញាតឲ្យ អ្នកលក់អាចធ្វើឲ្យអតិថិជន មានអារម្មណ៍ល្អ ចំពោះតម្លៃលក់ដែលផ្តល់ជូនក្នុងពេលចរចារ ។ ផ្សារទំនើប និងផ្សារម៉ាត ប្រើប្រូម៉ូសិនដូចជា “២ត្រឹមតែ២ដុល្លា” ដើម្បីឲ្យអតិថិជនទិញ ច្រើនជាង អ្វីដែលពួកគេគួរ។

៨ ទិញសិនចាំបង់លុយតាមក្រោយ

មនុស្សយើងតែងតែ ងាយវង្វេង ជាមួយភាពរីករាយ ក្នុងពេលបច្ចុប្បន្ន ជាជាងការអត់ធ្មតរង់ចាំភាពរីករាយក្នុងពេលអនាគត ។ ផ្សារទំនើប ដឹងថា ការអនុញ្ញាតឲ្យ អតិថិជនបង់ប្រាក់ពេលក្រោយ នឹងជម្រុញឲ្យពួកគេ ចង់ទិញច្រើនជាងមុន។ ហេតុផលមួយ នៃភាពជោគជ័យ នៃការបង់ប្រាក់ពេលក្រោយ គឺ វា មើលទៅថោកជាង ការបង់ប្រាក់ភ្លាមៗ។ នេះជាហេតុផលដែល អតិថិជនចំណាយលុយធូរ នៅពេលប្រើ កាត ក្រេឌីត (credit cards) ជាជាងការបង់លុយសុទ្ធ។ ហើយវាក៏ពន្យល់ផងដែរថា ហេតុអ្វីបានជាអតិថិជន សម្រេចចិត្តទិញឡានដែលធូរថ្លៃតែស៊ីសាំងច្រើន ជាជាងឡានថ្លៃតែស៊ីសាំងតិចដែលនឹងជួយកាត់បន្ថយការចំណាយច្រើនក្នុងរយៈពេលវែង។

៩ ជំនឿខុសលើលុយដែលបានចាយ (Sunk cost fallacy)

ជំនឿខុសលើលុយដែលបានចាយ (Sunk cost fallacy) កើតឡើងនៅពេល បុគ្គលម្នាក់ បន្តអាកប្បកិរិយាមួយ ទោះបីមិនកើតជាប្រយោជន៍ ដោយសារធនធាន(ពេលវេលា លុយកាក់ ឬកម្លាំង) បានចំណាយក្នុងអតីតកាល(Arkes & Blumer, 1985)។ ជំនឿនេះ មានភាពស្រដៀងគ្នានឹងភាពលំអៀងដែលកើតពី ការមិនចង់បាត់បង់ (ក្នុងចំណុចទី៦) និង ការរក្សារមុខមាត់។ ឧទាហរណ៍ អ្នកបានកម្មង់ អាហារច្រើនពេក ដូច្នេះអ្នកព្យាយាមញ៉ាំវា ហួសពីតម្រូវការនៃរាងកាយត្រូវការ ដើម្បី”កុំឲ្យស្តាយលុយ”។ ការធ្វើបែបនេះ មិនមែនធ្វើឲ្យ អ្នកចំណេញ ទទួលបានផលប្រយោជន៍ ឬសាកសមជាមួយលុយដែលបានចំណាយទេ ប៉ុន្តែវាជាការបន្ថែមភាពអវិជ្ជមាន(មិនមានផាសុខភាព ខាតបង់ពេលវេលា ឬខាតបង់លុយកាក់) ទៅភាពអវិជ្ជមានដែលមានស្រាប់នោះទៅវិញទេ។

១០ ការបង្ហាញថាខ្លួនត្រូវ (Self-justification)

ការបង្ហាញថាខ្លួនត្រូវ (Self-justification) កើតឡើងនៅពេលដែលបុគ្គលម្នាក់ប្រឈមមុននឹងស្ថានភាពមួយដែល សកម្មភាពមិនស្របគ្នាជាមួយជំនឿរបស់គាត់ ដូច្នោះគាត់ព្យាយាមបង្ហាញថាសកម្មភាពរបស់ខ្លួនគឺត្រឹមត្រូវ និងបដិសេធមិនព្រមទទួលយកយោបល់របស់អ្នកដទៃអ្វីទាំងអស់ដែលពាក់ព័ន្ធនឹងសកម្មភាពរបស់គាត់។

តម្រូវការក្នុងការបង្ហាញខ្លួនថា សកម្មភាព ឬការសម្រេចចិត្ត របស់យើងត្រូវ ជាពិសេសសកម្មភាព ឬការសម្រេចចិត្តខុស កើតឡើងដោយសារ ភាពមិនឯកភាពគ្នារបស់សតិ ( cognitive dissonance)។ ភាពមិនឯកភាពរបស់សតិ ( cognitive dissonance) បង្កើតជាអារម្មណ៍តានតឹង រាល់ពេលដែលបុគ្គលម្នាក់ មានការគិត២ដែលមិនស្របគ្នា។ អតិថិជនដែលទិញរបស់មានតម្លៃថ្លៃ ប៉ុន្តែមានអារម្មណ៍ស្តាយក្រោយ ក៏ព្យាយាមលាក់បាំងកំហុសខ្លួនដោយយកលេសថា “ពីព្រោះវាមានប្រូម៉ូសិនបញ្ចុះតម្លៃ ខ្ញុំត្រូវតែទិញវា”។ ដូចគ្នានឹងអ្នកជក់បារីដែរ។ គាត់ដឹងថា “ការជក់បារីនឹងធ្វើឲ្យខ្ញុំស្លាប់” ក៏ប៉ុន្តែ “ខ្ញុំជក់បារី៣ប្រអប់ក្នុងមួយថ្ងៃ” ។ ដើម្បីកាត់បន្ថយភាពខុសគ្នា សកម្មភាពដែលត្រូវធ្វើគឺ បញ្ឃប់ការជក់បារី។ ប៉ុន្តែ ប្រសិនបើ គាត់ឈប់ជក់មិនបាន គាត់ប្រាកដជា រកវិធីផ្សេង ដើម្បីបន្ថយភាពតាងតឹងនេះ។ គាត់អាចបង្កើត លេសថា ការជក់បារីមិនមានគ្រោះថ្នាក់ខ្លាំងទេ ឬក៏គាត់ជក់បារី ពីព្រោះវាជួយ ឲ្យគាត់មានអារម្មណ៍ល្អ។

នៅពេលអ្នកបានយល់ដឹងអំពីភាពលំអៀងនេះ ខ្ញុំសង្ឃឹមថាពួកយើងទាំងអស់គ្នានឹងសម្រេចចិត្តទិញបានល្អជាងមុន!

Arkes, H. R., & Blumer, C. (1985), The psychology of sunk costs. Organizational Behavior and Human Decision Processes, 35, 124-140.

Dhar, R(2012). The Irrational Consumer: Four Secrets to Engaging Shoppers Huffpost Apr 17, 2012.

North, A., Hargreaves, D., McKendrick, J., 1999. The influence of in-store music on wine selections. Journal of Applied Psychology 84, 271–276.

ពាណិជ្ជកម្ម

ហេតុអ្វីអតិថិជនទិញ? (ភាគ១)

Suos Sovanna

ថ្ងៃនេះខ្ញុំចង់នាំ អ្នកទាំងអស់គ្នាមើល លើការសិក្សាអំពីការសម្រេចចិត្តទិញរបស់អតិថិជន។ ក្នុងការសិក្សានេះ គេវិភាគលើ សេដ្ឋកិច្ច ចិត្តសាស្រ្ត និងឥរិយាបថរបស់អតិថិជន (ក្នុងភាសារអង់គ្លេស គេហៅថា Behavioral Economics) ។ ការសិក្សានេះ បង្ហាញថា ” អតិថិជន ធ្វើការសម្រេចចិត្តទិញ មិនស្រប ជាមួយសេចក្តីប្រាថ្នា ខាងផ្នែកសេដ្ឋកិច្ច របស់ខ្លួន ដោយសារតែមាន ភាពលំអៀងផ្នែកចិត្តសាស្រ្ត “។ អតិថិជន ត្រូវបានជះឥទ្ធិពលខ្លាំង ដោយអារម្មណ៍ និងបរិស្ថានជុំវិញខ្លួន ហើយនិងជម្រើសដែលបានបង្ហាញដល់ពួកគេ។

១ ចិត្ត២ប្រភេទ

ឥរិយាបថរបស់យើង ត្រូវបានគ្រប់គ្រងដោយចិត្ត២ប្រភេទ។ យើងឲ្យឈ្មោះចិត្តទី ១ ជា “អ្នកធ្វើ” ដែលជាផ្នែកនៃចិត្តរបស់យើង ដែលខ្វល់ខ្វាយអំពី ការពេញចិត្តភ្លាមៗ។ រីឯចិត្តទី២ ត្រូវបានឲ្យឈ្មោះថា ជា “អ្នករៀបចំផែកការ” ដែលខ្វល់ខ្វាយអំពី និងមើលឃើញបានឆ្ងាយៗទៅក្នុងអនាគត ។ ចំណាប់អារម្មណ៍របស់ចិត្ត ទាំង២នេះ មិនស្របគ្នា គ្រប់ពេលទេ ( ឧទាហរណ៍ យើងទិញរបស់ដែលយើងមិនត្រូវការជាដើម)។ នៅពេលស្វែងរក ផលិតផលមួយ ចិត្តរបស់គ្រប់គ្រងដោយ “អ្នករៀបចំផែកការ” ដែលផ្តោតលើការពិចារណា ថ្លឹងថ្លែងរវាងតម្លៃ និងអត្ថប្រយោជន៍។ ផ្ទុយមកវិញ ពេលយើងទិញ ចិត្តរបស់យើងគ្រប់គ្រងដោយ “អ្នកធ្វើ” ដែលចង់ចំណាយលុយនិងទិញភ្លាមៗ។

២ ឥទ្ធិពលពីស្ថានភាពជុំវិញខ្លួន

សតិរបស់យើង ងាយនឹងទទួលរងឥទ្ធិពល ពីអនុសតិ។ ការស្រាវជ្រាវ បានបង្ហាញថា ៤០% នៃអតិថិជន ផ្លាស់ប្តូរចិត្តនៅពេលទិញ ពីព្រោះតែអ្វី ដែលពួកគេបានឃើញ ដឹង និងធ្វើ ( Dhar, 2012)។ ការស្រាវជ្រាវមួយបានធ្វើឡើងក្នុងផ្សារទំនើប ទៅលើការជ្រើសរើសរបស់អតិថិជន លើប្រភេទស្រាក្រហមបារាំងនិងអាលឺ្លម៉ង់។ លទ្ធផលបានបង្ហាញថា ស្រាក្រហមបារាំង លក់ដាច់ជាង ស្រាអាល្លឺម៉ង់ នៅពេលបទចម្រៀងបារាំងត្រូវបានចាក់នៅក្នុងផ្សារ ផ្ទុយមកវិញស្រាក្រហមអាល្លឺម៉ង់ លក់ដាច់ជាង បើគេចាក់បទចម្រៀងអាល្លឺម៉ង់។ ទោះបីជាយ៉ាងណាក៏ដោយ អតិថិជនភាគច្រើន មិនព្រមទទួលស្គាល់ថា បទចម្រៀង មានឥទ្ធិពលលើ ការជ្រើសរើសស្រារបស់ពួកគេឡើយ (North, et al., 1999) ។

៣ ធ្វើតាមគ្នា

ពួកយើងតែងតែមើល អ្នកជុំវិញខ្លួន ដូចជាមិត្តភក្រ្ត និងក្រុមគ្រួសារជាដើម ( រួមបញ្ចូលទាំងការមើលប្រព័ន្ធបណ្តាញសង្គមដូជា ហ្វេសប៊ុក អ៊ិនស្រ្តាក្រាម ឡាញ ជាដើម) ដើម្បីប្រាកដចិត្តថា ពួកយើងជ្រើសរើសត្រូវ។ គោលការណ៍នេះ ត្រូវបានយកមកអនុវត្ត ដោយក្រុមហ៊ុនផ្សព្វផ្សាយ លើការរៀបរាប់ផលិតផលឬសេវាកម្ម “ ៩០% នៃទន្តពេទ្យបានណែនាំ…..”។

“ ៩០% នៃទន្តពេទ្យបានណែនាំ…..”

៤ ការហត់នឿយចិត្ត(Mental Fatigue)

បន្ទាប់ពីត្រលប់មកពីធ្វើការងារ ម្នាក់ៗមានអារម្មណ៍ហត់នឿយ និង មិនចង់គិតស្មុគស្មាញច្រើន។ ក្នុងភាសាអង់គ្លេសគេហៅថា ego depletion ហើយវាធ្វើឲ្យបុគ្គលបាត់បង់កម្លាំងចិត្ត និងពេញចិត្តបណ្តោយខ្លួនទៅតាមចំណង់។

៥ ជម្រើសច្រើនពេក

នៅពេលអតិថិជនមានជម្រើសច្រើនពេក ពួកគេអាចនឹងពិបាកសម្រេចចិត្ត និងមិនសប្បាយចិត្ត។

(សូមចុចទីនេះ ដើម្បីអានភាគទី២)

ពាណិជ្ជកម្ម

តើត្រូវធ្វើដូចម្ដេចដើម្បីក្រុមការងារអ្នក នៅពេលដែលមានព័ត៌មានគួរឲ្យខ្លាចកើតឡើង?

Rin Hanavy

ដោយសារតែការជួបបញ្ហានិងក្ដីបារម្ភមួយចំនួនជាមួយនឹងជម្ងឺផ្លូវដង្ហើមកូវីដ១៩ដែលកំពុងតែកើតឡើងទូទាំងពិភពលោក ហើយបញ្ហានេះដែរវាមិនមែនមានតែឧស្សាហកម្មអាកាសចរណ៍ទេដែលកំពុងតែជួបប្រទះនឹងភាពវឹកវរ និងការវង្វេងស្មារតីភ្លាមៗនោះទេ គឺអាជីវកម្មផ្សេងៗទៀតក៏ទទួលភាពច្របូកច្របល់ដូចគ្នា។អ្នកដឹកនាំអាជីវកម្មជាច្រើនអ្នកកំពុងសួរពីរបៀបដែលអាចប្រាស្រ័យទាក់ទងពីភាពមិនច្បាស់លាស់ ទាំងនៅក្នុ្ងងក្រុមការងារនិងនៅខាងក្រៅដល់អតិថិជនរបស់ពួកគេ។ការប្រាស្រ័យទាក់ទងនៅចំពោះមុខភាពមិនប្រាកដប្រជា គឺជាបញ្ហាប្រឈមនៃភាពជាអ្នកដឹកនាំ។ ខាងក្រោមនេះគឺជាជំហានទាំង៥ដែលអាចមានប្រសិទ្ធភាពមិនគួរឲ្យជឿសម្រាប់ជួយក្រុមការងារក្នុងពេលមានរឿងអាសន្ននេះ៖

១. បង្អង់សិន ហើយ ដកដង្ហើមឲ្យវែងៗ

មុនពេលដែលអ្នកចាប់ផ្ដើមធ្វើការទំនាក់ទំនងទៅកាន់មនុស្សដទៃទៀត អ្នកគួរចំណាយពេល១នាទីដើម្បីសម្រួលផ្លូវដង្ហើមរបស់អ្នកឲ្យបានធូរ ដោយការដកដង្ហើមចេញចូលម្ដងមួយៗ។ម្យ៉ាងទៀតនៅពេលដែលអ្នកជាមនុស្សដែលមានវ័យចំណាស់ជាងគេនៅក្នុងក្រុម នោះពួកគេនឹងស្ដាប់ការណែនាំ និង ដកស្រង់ពាក្យសម្ដីពីអ្នកទាក់ទងនឹងរបៀបធ្វើសកម្មភាពនិង អារម្មណ៍។ អ្នកគួរតែចំណាយពេល១នាទីដើម្បីផ្ដោតទៅលើខ្លួនរបស់អ្នកផ្ទាល់ព្រោះវានឹងធានាថា អ្នកនឹងបង្ហាញពីកម្លាំងដែលរឹងមាំ ដែលនឹងធឹង និង សមហេតុផល ទៅដល់មិត្តរួមការងារនិងអតិថិជនរបស់អ្នក។ហើយនៅពេលដែលអ្នកមានអារម្មណ៍ភ័យព្រួយ នោះអ្នកនឹងបញ្ជូនរឿងនោះទៅកាន់អ្នកដទៃតាមរយៈទូរស័ព្ទ ឬ អីម៉ែលជាដើម។តាមការសិក្សាពីបញ្ហាស្រ្តេស បានបង្ហាញថាអ្នកតែងសង្កេតមើលទៅអ្នកដទៃដែលជួបនឹងបញ្ហា ភាពស្មុគស្មាញ ភាពក្រៀមក្រំ ទើបបណ្ដាលឲ្យអ្នកមើលមកខ្លួនឯងក៏ហាក់ដូចជាយ៉ាងហ្នឹងដែរ ហើយអ្នកក៏ចាប់ផ្ដើមតានតឹងផ្លូវអារម្មណ៍ភ្លាមៗតែម្ដង។

២. ដាក់ខ្លួនរបស់អ្នកទៅក្នុងបេះដូងរបស់ជុំវិញ

ចំពោះការនិយាយជាសាធារណៈ អ្វីដែលមានសារៈសំខាន់ជាងគេគឺ អ្នកត្រូវតែស្គាល់ជាមុនអំពីទស្សនិកជនរបស់អ្នក ថាតើពួកគេចូលចិត្តបែបណា និយមទៅលើអ្វី ហើយចូលចិត្តស្ដាប់ការនិយាយបែបមិចទើបអាចឲ្យការនិយាយរបស់អ្នកអាចដក់ជាប់នៅក្នុងបេះដូងរបស់ពួកគេបាន។ជាពិសេសអ្នកត្រូវនិយាយអំពីចំណាប់អារម្មណ៍ខ្លាំងបំផុតរបស់ពួកគេ ទើបអ្នកអាចទាក់ទាញការស្ដាប់របស់អ្នកទាំងអស់នោះបាន។ដូច្នេះអ្នកតម្រូវឲ្យធ្វើការវិភាគនូវយុទ្ធសាស្ត្រទាំងនោះឲ្យបានហ្មតចត់ទៅកាន់មនុស្សណាដែលអ្នកកំពុងតែទាក់ទង។ ម្យ៉ាងទៀតនៅពេលដែលអ្នកអាចដោះស្រាយនូវបញ្ហាដែលពួកគេកំពុងតែព្រួយបារម្ភបានកាន់តែឆាប់ នោះអ្នកនឹងអាចជួយឲ្យការថប់អារម្មណ៍របស់ពួកគេវិលទៅរកភាពស្ងប់វិញបានយ៉ាងឆាប់រហ័សផងដែរ។

៣. ធ្វើការស្រាវជ្រាវ

នៅពេលដែលអ្នកមានភាពតានតឹង ហើយមកអានប៉ះចំព័ត៌មានក្លែងក្លាយ ឬ អត្ថបទដែលមិនមានប្រភពច្បាស់លាស់ នោះវានឹងបំផ្លាញចិត្តគំនិត និង អារម្មណ៍របស់អ្នកបានយ៉ាងឆាប់រហ័ស។ ដូចនេះហើយទើបតម្រូវឲ្យអ្នកធ្វើការស្រាវជ្រាវ ស្វែងរកនូវព័ត៌មានណាដែលពិតប្រាកដ ច្បាស់លាស់ និង ផ្លូវការ។ ពេលដែលអ្នកទទួលបាននូវប្រភពពិតប្រាកដហើយ អ្នកអាចចែករំលែកទៅកាន់អ្នកដទៃឬមនុស្សជុំវិញអ្នកដើម្បីឲ្យបានដឹងនូវព័ត៌មានពិតទាំងអស់គ្នា ដូចនេះពួកគេក៏មានប្រភពដែលអាចទុកចិត្តបានដែរ។

៤. និយាយឲ្យច្បាស់ៗដោយមានជំនឿជឿជាក់ខ្ពស់

អ្នកអាចនិយាយពោរពេញទៅដោយទំនុកចិត្តខ្ពស់បាន ទោះបីជាអ្នកមិនច្បាស់ចំពោះវា១០០%ក៏ដោយ ព្រោះភាពជឿជាក់នឹងនាំអ្នកឆ្ពោះទៅរកភាពជោគជ័យ។ពេលដែលអ្នកតែងតែបង្កើនទំនុកចិត្ត ភាពជឿជាក់ និង ផ្ដល់ការលើកទឹកចិត្តលើខ្លួនឯងខណៈពេលដែលអ្នកកំពុងតែភ័យខ្លាច ញ័រដៃញ័រជើង មិនហ៊ាននិយាយទៅកាន់មនុស្សដទៃទៀត នោះមានន័យថាអ្នកកំពុងតែកសាងភាពរឹងមាំមកលើខ្លួនឯង អ្នកកំពុងតែកម្ចាត់នូវភាពភ័យខ្លាចដែលអ្នកកំពុងតែមាន ហើយអ្នកក៏កំពុងតែបង្កើតនូវភាពជឿជាក់ក្លែងក្លាយមួយដើម្បីទទួលបានភាពជឿជាក់ពិតប្រាកដមួយមកវិញដែរ។

៥. មានជំហានបន្ទាប់មួយដ៏ជាក់លាក់

នៅកំឡុងពេលមួយដែលមិនច្បាស់លាស់ វាពិតជាអាចជួយផ្ដល់នូវសកម្មភាពជាក់ស្ដែងមួយទៅកាន់ក្រុមរបស់អ្នក។អ្នកគួរតែបង្ហាញឬណែនាំពីជំហានបន្ទាប់មួយដែលច្បាស់លាស់ទៅកាន់ទស្សនិកជនឬក្រុមរបស់អ្នកឲ្យបានដឹងនិងចូលរួម ដូចនេះពួកគេនឹងមានអារម្មណ៍ថាពួកគេក៏មានចំណែកក្នុងការចូលរួមដល់ស្ថេរភាពមួយនេះដែរ។ ការប្រាស្រ័យទាក់ទងគ្នាតាមរយៈភាពមិនប្រាកដប្រជាគឺជាជំនាញសំខាន់មួយរបស់ភាពជាអ្នកដឹកនាំ ដោយមិនគិតថាអ្នកជាអ្នកដឹកនាំផ្លូវការឬមួយក៏អត់នោះទេ។តាមពិតទៅសមត្ថភាពក្នុងការប្រាស្រ័យទាក់ទងតាមរយៈភាពមិនច្បាស់លាស់គឺជាផ្នែកមួយនៃអ្វីដែលបង្ហាញដល់អ្នកដទៃនូវ ការត្រៀមខ្លួនជាអ្នកដឹកនាំរបស់អ្នក។

ពាណិជ្ជកម្ម

៨សំណួរដែលនិយោជិកគួរតែសួរអំពីវីរុសកូរូណា

Rin Hanavy

ការផ្ទុះឡើងនូវជម្ងឺផ្លូវដង្ហើមកូវីដ១៩ដែលមានប្រភពចេញពីទីក្រុងវូហានប្រទេសចិន បានធ្វើឲ្យមនុស្សរាប់ពាន់នាក់ឈឺ និង ឬរាប់ពាន់នាក់ទៀតស្លាប់ដែលនៅខណៈពេលនោះរដ្ឋាភិបាលប្រទេសចិនបានបិទព្រំដែន និង ដាក់មនុស្សឲ្យនៅដាច់ដោយឡែកពីគេ រីឯក្រុមហ៊ុនត្រូវបង្ខំចិត្តរាល់ការធ្វើដំណើរទាំងអស់ផងដែរ។ ការរាតត្បាតនេះគឺដាស់តឿនដល់ក្រុមហ៊ុននានាឲ្យពិនិត្យឡើងវិញនូវយុទ្ធសាស្ត្រ គោលនយោបាយនិង និតិវិធីដែលពួកគេមានដើម្បីការពារនិយោជិក អតិថិជន និង ប្រតិ្តបត្តិការក្នុងការរាតត្បាតនាពេលឥលូវនេះនិង ពេលអនាគត។ខាងក្រោមនេះគឺជាសំណួរទាំង៨ដែលក្រុមហ៊ុនគួរតែសួរនៅពេលពួកគេត្រៀមនឹងឆ្លើយតបចំពោះការរីករាលដាលនៃមេរោគកូវីដ១៩នេះ៖

១. តើយើងអាចការពារនិយោជិករបស់យើងពីការប៉ះពាល់នៅកន្លែងធ្វើការបានយ៉ាងដូចម្ដេច?

វីរុសកូរូណាដែលត្រូវបានគេហៅឈ្មោះថាជាកូវីដ១៩គឺវាត្រូវបានគេគិតថាវារាលដាលយ៉ាងខ្លាំងតាមរយៈដំណក់ទឹកដង្ហើមពីការក្អក និង កណ្ដាស់ ហើយសកម្មភាពទាំងនេះវាពិតជាងាយនឹងឆ្លងរាលដាលទៅកាន់មនុស្សម្នាក់ទៀតដោយមិនដឹងខ្លួន។ ហើយអ្នកក៏អាចឆ្លងមេរោគនេះដោយងាយផងដែរ តាមរយៈការប៉ះលើផ្ទៃខាងលើនៃរបស់ណាមួយ ឬប៉ះវត្ថុដែលមានជាតិកខ្វក់ ហើយបន្ទាប់មកអ្នកក៏យកដៃដែលមានមេរោគទាំងនោះមកប៉ះពាល់លើច្រមុះ ឬ មាត់។ មជ្ឈមណ្ឌលត្រួតពិនិត្យនិងបង្ការជម្ងឺបានណែនាំថា និយោជិកគួរតែៈ

នៅផ្ទះប្រសិនជាពួកគេមានរោគសញ្ញាផ្លូវដង្ហើម រួមមាន ការក្អក កណ្ដាស់ ឬ ពិបាកក្នុងការដកដង្ហើម…
ចាកចេញពីការងារប្រសិនបើពួកគេមានរោគសញ្ញាទាំងនោះនៅពេលធ្វើការនៅកន្លែងការងារ
ការពារការកណ្ដាស់ដោយប្រើក្រដាសជូតមាត់ ក្រមា កែងដៃឬ ដោយស្មា តែមិនត្រូវយកដៃទទេទៅខ្ទប់មាត់នោះទេ ព្រោះវានឹងងាយចម្លងទៅកាន់អ្នកផ្សេងទៀត
លាងដៃឲ្យបានញឹកញាប់ជាមួយសាប៊ូ និង ទឹកយ៉ាងហោចណាស់២០វិនាទី ឬមួយប្រើទឹកលាងដៃដែលមានជាតិអាល់កុល
កាត់បន្ថយការចាប់ដៃគ្នា ឬ ការឱបគ្នា ដើម្បីចៀសវាងពីការឆ្លងរាលដាលនេះ

២. តើនៅពេលណាដែលយើងគួរដកកម្មករឬភ្ញៀវចេញពីកន្លែងធ្វើការ?

ដូចដែរបានពិភាក្សា និយោជិកទាំងអស់គួរតែស្នាក់នៅក្នុងផ្ទះ ឬ មួយត្រឡប់ទៅផ្ទះវិញប្រសិនជាមានការសង្ស័យឬ មានរោគសញ្ញានៃវីរុសកូវីដ១៩នេះ។ដោយសារការគម្រាមកំហែងនៃការរីករាលដាលនៃជម្ងឺនេះអ្នកគ្រប់គ្រងមិនត្រូវស្ទាក់ស្ទើរក្នុងការបញ្ជូននិយោជិកដែលមានរោគសញ្ញាកូវីដ១៩ត្រឡប់ទៅផ្ទះទេ។ដូចគ្នានេះដែរនិយោជិកដែលមានរោគសញ្ញា ឬ មានហានិភ័យខ្ពស់សម្រាប់ជម្ងឺកូវីដ១៩ គួរតែត្រូវបានទុកឲ្យនៅដោយឡែកពីបុគ្គលិក និងជួយក្នុងការរៀបចំចាកចេញពីកន្លែងធ្វើការ ហើយទទួលបានការវាយតម្លៃផ្នែកវេជ្ជសាស្រ្តខណៈពេលដែលកាត់បន្ថយការប៉ះពាល់ជាសាធារណៈ។ឧទាហរណ៍ៈ មនុស្សគួរតែជៀសវាងពីកន្លែងសាធារណៈ និង រថយន្តសាធារណៈ ជាពិសេសប្រសិនជាអ្នកមិនបានពាក់ម៉ាស់ទេ អ្នកគួរតែឈរឲ្យឆ្ងាយពីគ្នាចម្ងាយ៦ហ្វីតប្រហែលជា២ម៉ែត្រ។ ម្យ៉ាងវិញទៀតប្រសិនបើជម្ងឺកូវីដ១៩នៅតែបន្តរីកសាយភាយនៅក្នុងសហគមន៍ទៀត ក្រុមហ៊ុនត្រូវតែប្រើមាស៊ីនវាស់កម្ដៅដើម្បីត្រួតពិនិត្យពីកម្ដៅនៅក្នុងខ្លួនបុគ្គលិកម្នាក់ៗ។

៣. តើយើងគួរតែកែសម្រួលគោលការណ៍របស់យើងក្នុងករណីដែលនិយោជិកត្រូវបានហាមឃាត់ពីកន្លែងធ្វើការ ឬ យើងត្រូវបិទវា?

លទ្ធភាពដែលការកើនឡើងនៃចំនួនបុគ្គលិកនឹងមិនអាចធ្វើការបានទេ ដោយសារតែពួកគេឈឺឬ ត្រូវយកចិត្តទុកដាក់ចំពោះអ្នកដទៃទៀត ដូចនេះហើយក្រុមហ៊ុនគួរតែពិនិត្យឡើងវិញនូវពេលវេលាឈប់សម្រាករបស់ពួកគេ។ហើយគិតគូរឡើងវិញថាតើ និយោជិកមានផែនការដើម្បីបញ្ជាក់ ពីគោលការណ៍ប្រាក់ឈ្នួលរបស់ពួកគេប្រសិនបើក្រុមហ៊ុនត្រូវបានបិទ ឬ និយោជិកត្រូវបានគេច្របាច់បញ្ចូលគ្នា។

៤. តើយើងបានបង្កើនសមត្ថភាពបុគ្គលិកដើម្បីធ្វើការពីចម្ងាយដែរឬទេ?

ការងារជាច្រើន គឺតម្រូវឲ្យមនុស្សមានវត្តមាននៃការចូលរួមធ្វើការងារ និង សកម្មភាពផ្សេងៗជាច្រើនទៀត ដូចជាការប្រជុំជាដើម ដែលអាចធ្វើបានពីចម្ងាយ។ ឧទាហរណ៍ដូចជា Videoconferencing គឺជាជម្រើសដ៏ល្អមួយសម្រាប់ការប្រជុំដោយប្រថុយប្រថាន។

៥. តើយើងមានប្រព័ន្ធដែលអាចទុកចិត្តបានសម្រាប់ការទំនាក់ទំនងសុខភាពសាធារណៈតាមម៉ោងជាមួយនឹងបុគ្គលិកដែរឬទេ?

ពាក្យចចាមរាមដ៏គ្រោះថ្នាក់និងការភ័យខ្លាចរបស់កម្មករអាចរាលដាលបានយ៉ាងឆាប់រហ័សដូចជាវីរុសដូច្នឹងដែរ។វាគឺជាការចាំបាច់សម្រាប់ក្រុមហ៊ុនដែលអាចទទួលបានកម្មករទាំងអស់ រួមទាំងអ្នកដែលមិននៅកន្លែងធ្វើការ ដោយមានការសម្របសម្រួលជាប្រចាំផ្នែកខាងក្នុង ហើយពួកគេត្រូវតែសម្របសម្រួលយ៉ាងប្រុងប្រយ័ត្នដើម្បីជៀសវាងគោលការណ៍មិនស្របគ្នាដែលត្រូវបានទាក់ទងដោយអ្នកគ្រប់គ្រងឬមុខងារផ្សេងៗគ្នា។

៦. តើយើងគួរតែកែសម្រួលគោលការណ៍របស់យើងជុំវិញដំណើរការអាជីវកម្មក្នុងស្រុកនិងអន្តរជាតិដែរឬទេ?

ដើម្បីការពារជម្ងឺនិងការពារការបាត់បង់ផលិតភាពដោយសារតែការដាច់ចេញពីគ្នាឬ ការដកបុគ្គលិកចេញពីកន្លែងធ្វើការបន្ទាប់ពីការធ្វើដំណើរ យើងត្រូវមានការប្រុងប្រយ័ត្នក្នុងការកំណត់ការធ្វើដំណើរអាជីវកម្មរបស់និយោជិកពីតំបន់ដែលមានវីរុសកូវីដ១៩។ដូចនេះនិយោជិកគួរតែប្រុងប្រយ័ត្ន ជាពិសេសនៅពេលដែលមិនស្រួលខ្លួនគឺមិនគួរចេញទៅខាងក្រៅនោះទេ ទោះបីជាមិនមែនជារោគសញ្ញានៃជម្ងឺកូរ៉ូណានោះក៏ដោយ។

៧. តើយើងគួរតែពន្យាពេល ឬ ក៏លុបចោលនូវការប្រជុំដែរឬទេ?

ត្រូវហើយ ព្រោះថាមានភស្តុតាងដែលបញ្ជាក់ថាការឃ្លាតឆ្ងាយពីសង្គមមួយរយៈអាចពន្យាពេលការរីករាលដាលនៃជម្ងឺនេះ ព្រមទាំងអាចជួយរក្សានូវជីវិតមនុស្សផងដែរ។ដូចនេះហើយការប្រជុំ និង សន្និសិទភាគច្រើនគួរតែត្រូវបានប្ដូរពីការជួបផ្ទាល់ទៅជាការជួបបែបនិមិត្តវិញម្ដង។ ប្រសិនបើអ្នកចង់បើកការប្រជុំដោយផ្ទាល់ អ្នកគួរតែកំណត់ចំនួនមនុស្សចូលរួម ពោលគឺមិនត្រូវប្រជុំជាមួយនឹងមនុស្សជាង២៥០នាក់នោះទេ ហើយត្រូវផ្ដល់បន្ទប់ឲ្យអ្នកចូលរួមអង្គុយឬឈរយ៉ាងតិចចំនួន២ម៉ែត្រពីអ្នកដទៃ ម្យ៉ាងទៀតនៅពេលដែលមានការប្រជុំផ្ទាល់គឺមិនលើកទឹកចិត្តឲ្យអ្នកទាំងអស់គ្នាចាប់ដៃគ្នានោះទេ ព្រោះដៃសម្បូរទៅដោយមេរោគងាយនឹងឆ្លងពីមនុស្សម្នាក់ទៅមនុស្សម្នាក់។

៨. តើអ្នកដែលត្រួតពិនិត្យបានទទួលការបណ្ដុះបណ្ដាលគ្រប់គ្រាន់ដែរឬទេ?

អ្នកត្រួតពិនិត្យគួរតែមានលទ្ធភាពទទួលបាននូវព័ត៌មានច្បាស់លាស់ដូចជាការគ្រប់គ្រងការឆ្លងនិងគោលការណ៍របស់ក្រុមហ៊ុន ហើយក៏គួរតែដឹងថាអ្នកណាត្រូវទាក់ទងជាមួយក្រុមហ៊ុនដើម្បីរាយការណ៍ពីការប៉ះពាល់ឬ អ្នកឆ្លង។ អ្នកត្រួតពិនិត្យឬអ្នកដែលត្រូវបានចាត់តាំងផ្សេងទៀតនៅក្នុងក្រុមហ៊ុនគួរតែជូនដំណឹងដល់អាជ្ញាធរសុខភាពសាធារណៈក្នុងតំបន់អំពីការសង្ស័យថាមានអ្នកឆ្លងឬ មានអ្នកប៉ះពាល់ជាមួយនឹងអ្នកដែលផ្ទុកជម្ងឺនោះ។

ពាណិជ្ជកម្ម

សកម្មភាពPRសម្រាប់សហគ្រិនក្នុងការដោះស្រាយវិបត្តិកូវីដ១៩

Rin Hanavy

ពួកយើងទាំងអស់គ្នាប្រហែលជាបានឮជាច្រើនលើកច្រើនសារហើយពីបញ្ហាទាំងនេះដែលកំពុងតែឆ្លងរាលដាលនៃរោគរាតត្បាតជាសកល ហើយប្រទេសខ្លះកំពុងតែបិទព្រំដែន ហើយ រស់នៅឃ្លាតឆ្ងាយពីសង្គមដើម្បីកាត់បន្ថយអត្រាកើនឡើងនៃអ្នកឆ្លង។ តើយើងធ្លាប់គិតថាយើងនឹងនៅទីនេះតិចជាង៣ខែនៅក្នុងទស្សវត្សថ្មីនេះដែលបានសន្យាយ៉ាងច្រើនទេ? អ្វីដែលសំខាន់បំផុតនៅពេលនេះគឺ យើងទាំងអស់គ្នាត្រូវមានសុវត្ថិភាពជាបុគ្គល ហើយរួមចំណែកក្នុងការទប់ស្កាត់ការគ្របដណ្ដប់លើវីរុសកូវីដ១៩នេះទាំងអស់គ្នា។ ប៉ុន្តែតើសហគ្រិនអាចធ្វើអ្វីខ្លះដើម្បីទទួលបានជោគជ័យក្នុងពេលមានវិបត្តិ និង ភាពមិនប្រាកដប្រជា? ដូច្នេះខ្ញុំសង្ឃឹមថាការផ្ទៀងផ្ទាត់បញ្ជីនេះ នឹងអាចជួយនរណាម្នាក់ដែលមិនមានការគាំទ្រនូវទំនាក់ទំនងជាសាធារណៈនាពេលបច្ចុប្បន្ននេះ៖

១. ពិនិត្យការយល់ដឹងរបស់ភាគីពាក់ព័ន្ធ

អ្នកប្រហែលជាស្ថិតនៅលើបញ្ហានេះហើយ ប្រសិនបើអ្នកមិននិយាយជាមួយអ្នកពាក់ព័ន្ធដែលពាក់ព័ន្ធនឹងការធ្វើការសម្រេចចិត្តឲ្យបានឆាប់ៗតាមដែលអ្នកអាចធ្វើបាន។ការប្រមូលទស្សនៈរួមរបស់ពួកគេនឹងធានាថាអ្នកមានការចូលរួមពីមនុស្សគ្រប់គ្នាតាំងពីឮដំបូង ហើយវានឹងជួយរៀបចំយុទ្ធសាស្ត្រថ្មីរបស់អ្នកនិងធ្វើឲ្យជំហានបន្ទាប់របស់អ្នកមានដំណើរការកាន់តែងាយស្រួល។

២. កំណត់គោលដៅនិងយុទ្ធសាស្ត្រ

គោលដៅរបស់អ្នកកំពុងតែមានភាពរស់រវើក លេចមកយ៉ាងជាក់ស្ដែងនៅពេលឥលូវនេះ ហើយវាកំពុងតែសម្លឹងរកការទាក់ទាញនូវទស្សនិកជនថ្មី។ទាំងវិធីគិតបែបយុទ្ធសាស្ត្រអំពីឱកាសដែលអាចធ្វើឲ្យមានភាពខុសគ្នា ហើយសម្រួចនូវទំនាក់ទំនងសាធារណៈ (PR)របស់អ្នករួចអនុវត្ត និង ដើរតាមវិធីទាំងនោះ។ប៉ុន្តែយ៉ាងណាក៏ដោយចំពោះអ្វីដែលអ្នកធ្វើ គឺអ្នកមិនត្រូវកេងយកផលប្រយោជន៍ពីសា្ថនភាពដយ៉ាប់យឺនទាំងនោះទេ ហើយក៏មិនត្រូវកេងចំណេញពីប្រជាជនដែរ។យុទ្ធសាស្ត្រ (PR): ( Public Relations) ដែលបានដាក់មកជាបន្តបន្ទាប់វាគឺជាគំនិតដ៏រឹងមាំមួយ។ដូច្នេះតើអ្វីដែលអ្នកត្រូវតែធ្វើនាពេលឥលូវនេះ? ហើយអ្នកនឹងត្រូវធ្វើអ្វីនៅពេលរឿងនេះបានចប់សព្វគ្រប់?

៣. ធ្វើការរង្វាយតម្លៃទៅលើគម្រោងផែនការរបស់អ្នកម្ដងទៀត

ចំពោះផែនការដែលអ្នកមានកាលពីខែមុនឬកាលពីសប្ដាហ៍មុន គឺឥលូវនេះត្រូវបានគេបោះបង់ចោលទៅហើយ។ ចូរក្រឡេកមើលទៅលើគម្រោងការណ៍របស់អ្នកម្ដងទៀតដើម្បីទទួលយកនូវផែនការថ្មីមួយ ហើយបន្តកែលម្អវាឲ្យបានញឹកញាប់តាមដែលអ្នកអាចធ្វើបាន។អ្វីៗគ្រប់បែបយ៉ាងកំពុងផ្លាស់ប្ដូរគ្រប់ពេលវេលាហើយអ្នកត្រូវប្រាកដថាអ្នកកំពុងតែសម្របខ្លួនទៅតាមស្ថានភាពទាំងអស់នោះ។

៤. ធ្វើជាធនធានមនុស្សល្អម្នាក់

ទាំងទីតាំងដែលអ្នកកំពុងតែឈរ និង សម្លេងទាំងមូលរបស់អ្នករបស់អ្នកគួរតែជាផ្នែកមួយដែលមានសុវត្ថិភាព និង មានការយល់ចិត្តដែលវាត្រូវបានផ្ដល់ជូនតាមរយៈភាពជាមនុស្សរបស់អ្នក។ឥលូវនេះច្រើនជាងពេលណាៗទាំងអស់គឺ ទស្សនិកជនរបស់អ្នកចង់ឃើញនិងចង់ឮពីមនុស្ស ជាពិសេសគឺជាភាសាដ៏ស្រទន់ក្រអួនក្រអៅរបស់មនុស្សនេះឯង។

៥. បង្ហាញឲ្យឃើញពីទំនាក់ទំនងមួយដ៏រឹងមាំ

អ្នកត្រូវតែបង្ហាញពីទំនាក់ទំនងមួយដ៏រឹងមាំមួយនេះជាជាងអ្វីៗទាំងអស់ ដើម្បីបញ្ជាក់ពីភាពច្បាស់លាស់ ការយល់ចិត្ត និង ភាពខ្លាំងក្លាតាមរយៈការធ្វើទំនាក់ទំនង។ តើអ្នកធ្លាប់បាននិយាយទៅកាន់អតិថិជនរបស់អ្នកនិងនិយាយពីការធានាទៅលើពួកគេដែរឬទេ?តើអ្នកកំពុងតាមដានរាល់ថ្ងៃជាមួយនឹងសមាជិកក្រុមដែលធ្វើការពីចម្ងាយដែរឬទេ?តើអ្នកអាចមើលនូវមាតិកាវីដេអូមួយចំនួនដើម្បីបង្ហាញនូវសាររបស់អ្នកតាមរបៀបដែលមនុស្សធ្វើ ក្នុងការជម្រុញទំនុកចិត្តជាមួយនឹងអ្នកពាក់ព័ន្ធដែរឬទេ?

៦. ការត្រៀមរៀបចំគឺជាគន្លឹះមួយដ៏សំខាន់

ត្រូវធានាថាអ្នកបានរៀបចំនូវរបាយការណ៍សម្រាប់សេណារីយ៉ូដែលអាចកើតមានទាំងអស់ដែលអ្នកអាចគិតបាន។ តើអ្នកបានរៀបចំសម្រាប់និយោជិកដែលជាប់កិច្ចសន្យាកូវីដ១៩ហើយឬនៅ ហើយវាបានជម្រុញដល់ប្រព័ន្ធផ្សព្វផ្សាយដែរឬទេ? តើអ្នកមានបណ្ដាញសង្គមដែលបង្កើតជាសំនួរចម្លើយ សម្រាប់ការព្រួយបារម្ភរបស់អតិថិជនអំពីអនាម័យដែរឬទេ? ការដោះស្រាយរឿងនេះឲ្យបានត្រឹមត្រូវគឺវាពិតជាចាំបាច់ណាស់ ហើយនេះគឺជាកន្លែងដែលការជឿទុកចិត្តលើម៉ាកយីហោរបស់អ្នកអាចឈ្នះ ឬ ក៏អាចបាត់បង់ភ្លាមៗដែរ។

៧. រក្សានូវការទំនាក់ទំនងឲ្យបានជាប្រចាំ

កុំនៅស្ងាត់ៗតែឯងៗពេក ទោះបីជាអាជីវកម្មរបស់អ្នកទទួលរងនូវផលប៉ពាល់ក៏ដោយ អ្នកត្រូវតែបន្តឲ្យមានការទំនាក់ទំនង និង ការឆ្លងឆ្លើយគ្នាទៅវិញទៅមកជាមួយនឹងអតិថិជនរបស់អ្នក ឬ អ្នកនៅជុំវិញខ្លួនអ្នក។ រក្សានូវការនិយាយ ការស្ដាប់ទស្សនិកជន និង អតិថិជនរបស់អ្នក ព្រោះអ្នកនៅតែអាចបន្តឲ្យមានការសន្ទនាគ្នានៅលើបណ្ដាញសង្គមជាធម្មតា។

៨. បង្កើតនូវមាតិកាច្នៃប្រឌិត

វិធីសាស្ត្រដឹកនាំមាតិកាគឺជាយុទ្ធសាស្ត្រមួយដ៏ល្អសម្រាប់អ្នកនាពេលបច្ចុប្បន្ននេះ ហើយវាពិតជាចំណាយលុយអស់ច្រើន អ្វីដែលអ្នកពិតជាត្រូវការគឺជាស្មាតហ្វូននិង អ៊ីធើណេតមួយដ៏សមរម្យ។អ្នកត្រូវចងចាំថានេះមិនមែនជាពេលដែលត្រូវទទួលយកនូវអត្ថប្រយោជន៍ទេ តែវាគឺជាពេលដែលអ្នកត្រូវយកចិត្តទុកដាក់ទៅលើវា។ជាឧទាហរណ៍ ប្រសិនបើអ្នកជាគ្រប់គ្រងខាងការប្រឹក្សាយោបល់ តើអ្នកអាចបញ្ចេញនូវមាតិកាឬខ្លឹមសារខ្លះអំពីរបៀបដែលអង្គការគួរតែរៀបចំរចនាសម្ព័ន្ធអាជីវកម្មរបស់ពួកគេឡើងវិញជាបណ្ដោះអាសន្ន ឬ ផ្ដល់ការណែនាំជាក់ស្ដែងជាមួយចំនួន ស្ដីពីការធ្វើការនៅផ្ទះនិងរក្សាឲ្យនិយោជិកមានការលើកទឹកចិត្ត?

៩. ផ្ដល់ឲ្យវិញ

យើងទាំងអស់គ្នាត្រូវជួយគ្នាឆ្លងកាត់បញ្ហានេះ ដូច្នេះតើអាជីកម្មរបស់អ្នកអាចធ្វើអ្វីខ្លះដើម្បីធ្វើឲ្យមានភាពខុសគ្នា? តើវាអាចជាការបរិច្ចាគប្រាក់សប្បុរសធម៌បានដែរឬទេ?តើកន្លែងផលិតរបស់អ្នកអាចផលិតសម្លៀកបំពាក់សម្រាប់អ្នកដែរជួបនឹងបញ្ហាវីរុសកូវីដ១៩នេះដែរឬទេ ឬ មួយក៏ អ្នកអាចជួយក្នុងការសិក្សាពីចម្ងាយទៅដល់សិស្សានុសិស្សដែរឬទេ? ប្រសិនបើអ្នកបានជួយក្រុមមនុស្សដែលកំពុងតែជួបញ្ហា ស្រែករកអ្នកជួយ នោះពេលដែលផុតពីបញ្ហាអស់ទាំងនេះ អ្នកនឹងក្លាយជាមនុស្សម្នាក់ដែលត្រូវបានគេចងចាំ និង គោរពជានិច្ច ជាពិសេសវាក៏អាចជួយឲ្យម៉ាករបស់អ្នកកាន់តែល្បីផងដែរ។ ចុងក្រោយអ្នកត្រូវតែចេះជួយ ចេះចែករំលែក និងផ្ដល់ឲ្យគ្នាទៅវិញទៅមក ដោយចិត្តបរិសុទ្ធ ពោលគឺមិនចង់បានសំណងមកវិញ។

១០. ភាពតានតឹងលើការវាស់វែងនិងការវិភាគ

នេះនៅតែជាមូលដ្ឋានគ្រឹះដើម្បីធានាថាអ្វីដែលអ្នកកំពុងធ្វើ កំពុងដំណើរការតាមរបៀបត្រឹមត្រូវ។ រង្វាស់បរិមាណគឺវានៅតែមានសារៈសំខាន់ប៉ុន្តែ សំខាន់ជាងនេះទៅទៀតគឺគុណភាព ដែលអ្នកត្រូវចងចាំថាវាគឺជាការនិយាយអំពីភាពជាមនុស្សនៃសកម្មភាពរបស់យើងសព្វថ្ងៃនេះ។ ក្រឡេកមើលទៅលើមតិយោបល់លើការបង្ហោះលើបណ្ដាញសង្គម និង ការទទួលយកនូវមតិយោបល់ពីអ្នកពាក់ព័ន្ធ នោះអាចនឹងធានាបានថា អ្នកគឺស្ថិតនៅលើផ្លូវត្រឹមត្រូវមួយ។ដូចនេះ អ្នកត្រូវតែរក្សានូវសុវត្ថិភាព និង រក្សានូវភាពរឹងមាំ ហើយចងចាំថារឿងទាំងអស់នោះនឹងកន្លងផុតទៅដែរ។

ពាណិជ្ជកម្ម

ភាពខុសគ្នារវាង USP និង Positioning

Suos Sovanna

USP/Unique Selling Proposition និយាយឲ្យសមញ្ញទៅគឺជាគុណភាព ឬភាពពិសេសមួយ នៃផលិតផលរបស់អ្នក ដែលធ្វើឲ្យវាមានលក្ខណៈខុសប្លែក និងលេចធ្លោ នៅក្នុងទីផ្សារ។ វាធ្វើឲ្យផលិតផលអ្នក ខុសប្លែកពីផលិតផលអ្នកដទៃទៀត។ ហើយនៅពេលធ្វើទីផ្សារ ឬផ្សព្វផ្សាយ ផលិតផល គឺអ្នកត្រូវផ្តោតលើវា។

តោះយើងនាំគ្នាក្រឡេកមើល ទីផ្សារថ្នាំដុសធ្មេញប្រទេសឥណ្ឌា ក្នុងឆ្នាំកំឡុង១៩៨០។ ក្នុងពេលនោះ មានថ្នាំដុសធ្មេញ ម៉ាកល្បី ២ទៅ៣ ហើយថ្ងៃមួយក៏មាន ម៉ាកថ្មីចេសមួយទៀតលេចឡើង (Promise) ដែលបានប្រាប់ទៅអតិថិជនថា ថ្នាំដុសធ្មេញរបស់គេគឺផ្សំឡើងពី ប្រេងដើមដូងចែម (clove oil)។ ជាលទ្ធផល ថ្នាំដុសធ្មេញនេះលក់ដាច់ជាខ្លាំង និងបានក្លាយជាការគំរាមកំហែងដល់ម៉ាកសញ្ញាដទៃ។ ហេតុផលដែលថ្នាំដុសធ្មេញនេះទទួលបានការគាំទ្រលឿននិងខ្លាំងបែបនេះ ក៏ដោយសារ USP (ប្រេងដើមដូងចែម clove oil) ដែលត្រូវបានប្រជាជនឥណ្ឌាជឿជាក់ ថាល្អសម្រាប់ធ្មេញ និងអញ្ចាញ តាំងពីយូរលង់ណាស់មកហើយ។

ប៉ុន្តែសព្វថ្ងៃនេះ គំនិតនិងផលិតផល ងាយនឹងត្រូវបានគេចម្លងតាមណាស់។ វាដល់ថ្នាក់យើងអាចនិយាយបានថា វាមិនអាចទៅរួចទេ ដែលម៉ាកសញ្ញាមួយ អាចទទួលបានជោគជ័យបានក្នុងរយៈពេលយូរ ដោយពឹងផ្អែកលើ USP។ ការពឹងផ្អែកលើ ភាពខុសគ្នារវាងផលិតផល គឺមិនអាចទៅរួចបាន ដោយសារមានការកូពី ពីម៉ាកសញ្ញាផ្សេងៗ យ៉ាងរហ័សក្នុងរយៈពេលដ៏ខ្លី។ ដូច្នេះហើយទើបនាំឲ្យយើងត្រូវ ក្រឡេកមើលនិងស្វែងយល់អំពី Positioning វិញ។

Positioning គឺជាការមានប្រៀបលើគូប្រជែង របស់ម៉ាកសញ្ញាមួយ ដែលកាន់កាប់ នៅក្នុងចិត្តរបស់អតិថិជន។ ផលិតផល ដែលលក់នៅលើទីផ្សារ អាចមាន ភាពស្រដៀងឬដូចគ្នា ប៉ុន្តែការកាន់កាប់ចិត្តរបស់អតិថិជនបាន មិនមានជារឿងដែលងាយផ្លាស់ប្តូរ ដូចជាការកូពីផលិតផលឡើយ។ Positioning គឺជាគុណសម្បត្តិដែលមានប្រៀបលើគូប្រជែងដ៏មានឥទ្ធិពល និងកាន់តែយូរកាន់តែមានភាពរឹងមាំឡើង។ ប្រសិនបើអ្នកមាន Positioning ដែលរឹងមាំ និងច្បាស់លាស់ អតិថិជនមិនខ្វល់អំពី USP ( ភាពខុសគ្នារបស់ផលិតផលអ្នកពីអ្នកដទៃ) ឡើយ ។

Nike: Nike មាន Positioning ដែលផ្តោតលើទំនុកចិត្តនិងជ័យជំនះនៅក្នុងការលេងកីឡា ( គ្មានអតិថិជនណាម្នាក់ ដែលខ្វល់អំពីគុណភាពវត្ថុធាតុដើម សម្រាប់ ផលិត Nike នោះទេ)។ Nike ឆក់យកបេះដូងអតិថិជនសម្រាប់ ជម្រើសល្អបំផុតសម្រាប់ការលេងកីឡា។

Nike ក៏ Positioning ខ្លួនឯងជាម៉ាកជាន់ខ្ពស់ និងមានតម្លៃថ្លៃជាងម៉ាកដទៃទៀតនៅក្នុងទីផ្សារ ដូចជា Puma និង Adidas ជាដើម។

Lux: សាប៊ូថែរក្សាសម្ផស្ស របស់តារាៗ ( Lux រក្សា Positioning នេះរយៈពេល៦០ឆ្នាំជាងមកហើយ ដោយមិនផ្លាស់ប្តូរ)

បន្ថែម៖

ពាណិជ្ជកម្ម

វិធីសាស្ត្រសម្រាប់អ្នកមានកូនតូចធ្វើការនៅផ្ទះក្នុងសម័យCovid-19

Rin Hanavy

អ្វីៗគ្រប់យ៉ាងបានក្លាយទៅជាបញ្ហាមួយដ៏ស្មុគស្មាញចាប់តាំងពីពេលដែលផ្ទុះឡើងនូវវីរុសកូវីដ១៩នេះមក។ទាំងសាលារៀន ទាំងហាង ទាំងក្រុមហ៊ុន ត្រូវបានបិទ ជាពិសេសគឺកន្លែងមើលថែក្មេងៗនេះក៏ត្រូវបិទដែរ ហើយនៅកន្លែងការងារខ្លះតម្រូវឲ្យពួកគេធ្វើការនៅផ្ទះដើម្បីកាត់បន្ថយនូវការឆ្លងរាលដាលនៃជំងឺផ្លូវដង្ហើមនេះ ដោយហេតុផលជាក់ស្ដែងបែបនេះហើយទើបធ្វើឲ្យឪពុកម្ដាយមួយចំនួនពិបាកក្នុងការបំពេញការងារបានល្អពីព្រោះពួកគេត្រូវចំណាយពេលដើម្បីមើលថែ និង ចំអិនអាហារឲ្យកូនតូចៗរបស់ពួកគេ។ ដោយរាល់ដងពួកគេអាចធ្វើការបានពេញដៃពេញជើងដោយសារតែឪពុកម្ដាយខ្លះបានយកកូនៗទៅផ្ញើរនៅឯកន្លែងថែរក្សាកូនក្មេង ឬ នៅសាលាដែលវាអាចជួយកាត់បន្ថយបន្ទុករបស់ពួកគេបានមួយចំនួន។ខាងក្រោមនេះគឺជាជំហានទាំង៣យ៉ាងដើម្បីជួយឲ្យអ្នកអាចធ្វើការនៅផ្ទះបានយ៉ាងល្អ ដោយមិនចាំបាច់ភ័យព្រួយថាមានការរំខានពីកូនៗរបស់លោកអ្នកៈ

១. រក្សាទម្លាប់របស់អ្នក

ជាដំបូងអ្នកត្រូវតែរក្សានូវទម្លាប់ល្អរបស់អ្នកបានជាប់លាប់ គោរពពេលវេលាឲ្យបានខ្ជាប់ខ្ជួន ដើម្បីរក្សានូវតម្លៃ និង កិច្ចការងាររបស់អ្នកឲ្យនៅដដែល ទោះបីជាអ្នកត្រូវធ្វើការនៅផ្ទះក៏ដោយ។ ពេលដែលអ្នកប្រកាន់ខ្ជាប់នូវទម្លាប់នេះបានស៊ាំហើយ អ្នកនឹងទទួលបាននូវមគ្គុទេស៍យ៉ាងរឹងមាំសម្រាប់រៀបចំកាលវិភាគការងារ និង ការមើលថែទាំកុមារតូចៗរបស់អ្នក។ដូចនេះហើយអ្នកគួរតែបង្កើតតារាងពេលវេលាជាក់ស្ដែងនៅជំហានបន្ទាប់ រីឯគន្លឹះដំបូងគេគឺកំណត់នូវមូលដ្ឋានគ្រឹះដោយផ្អែកលើអ្វីដែលអ្នកបានដឹង។

២. កែប្រែនូវកាលវិភាគដែលគ្មានប្រសិទ្ធភាពរបស់អ្នក

បង្កើតកាលវិភាគថ្មី សម្រាប់សប្ដាហ៍នីមួយៗដែលរួមបញ្ចូលទម្លាប់ទាំងនេះដើម្បីឲ្យកាន់តែទទួលបានប្រសិទ្ធភាពខ្ពស់ ហើយការកែប្រែទាំងនេះគឺដើម្បីទទួលខុសត្រូវលើការងាររបស់អ្នក និង ទទួលខុសត្រូវលើការថែទាំក្មេង។នៅក្នុងកាលវិភាគរបស់អ្នកត្រូវប្រាកដថាអ្នកបានកត់ចូលនូវ៖

តើអ្នកផ្ដល់ពេលវេលាទៅកូនរបស់អ្នកនៅពេលណា(ចំណាយពេលលេងជាមួយកូន និង បង្រៀនកូន)?
តើអ្នកនឹងមានអ្វីសម្រាប់អាហារនីមួយៗ
តើអ្នកត្រូវធ្វើកិច្ចការផ្ទះនៅពេលណា?(ទាំងការសម្អាតផ្ទះ ការចំអិនម្ហូប លាងចាន និង មើលថែកូន)
តើអ្នកត្រូវបំពេញកិច្ចការងារនៅពេលណា? ត្រូវរៀបចំការប្រជុំនៅពេលណា?

ពេលដែលអ្នកទទួលបាននូវព័ត៌មានទាំងអស់នោះហើយ អ្នកគួរតែកត់ចូលទៅក្នុងប្រតិទិន ឬ នៅក្នុងកូនសៀវភៅរបស់អ្នកដើម្បីងាយស្រួលក្នុងការអនុវត្ត។ចុងបញ្ចប់បង្កើតប្លុកការងារដោយផ្អែកលើស្ថានភាពថែទាំកុមារ ស្ថានភាពសហគមន៍ និង ស្ថានភាពដាច់ដោយឡែកពីគេ។ ខាងក្រោមនេះមានវិធី៣យ៉ាងក្នុងការបង្កើតការងារនេះ៖

ការផ្លាស់ប្ដូរដៃគូៈ ធ្វើការដោះដូរគ្នារយៈពេល៤ម៉ោងម្ដងដោយម្នាក់ធ្វើការនិងម្នាក់ទៀតមើលថែទាំកូន។
ការផ្លាស់ប្ដូរខ្លីៈ ផ្លាស់ប្ដូរវេនពី៣០នាទីទៅ២ម៉ោង
ការផ្លាស់ប្ដូរវីដេអូៈ រៀបចំឲ្យមានការនិយាយជាវីដេអូឆ្លើយឆ្លងគ្នាដើម្បីបង្កើតការសប្បាយរីករាយ។

វាជាការពិតដែលយើងភាគច្រើន ត្រូវរកពេលវេលាដើម្បីធ្វើការឲ្យបានពីព្រលឹមឬមុនពេលដែលកូនរបស់អ្នកភ្ញាក់ពីគេង តែអ្នកត្រូវតែប្រាកដថាអ្នកត្រូវកំណត់ពេលវេលាសម្រាកនិងពេលវេលាលេងជាមួយកូនៗ។

៣. ប្ដូរតាមវិធីថ្មីដើម្បីធ្វើរឿងចាស់

ការបង្កើតបរិយាកាសឲ្យក្មេងជួបជុំៈ ជ្រើសរើស Google hangouts ឬ Zoom ហើយអញ្ជើញមិត្តភិក្តដែលជាឪពុកម្ដាយរបស់ក្មេង ដើម្បីឲ្យក្មេងៗបានជជែក បានជួបជុំគ្នា ឬនាំគ្នាអានសៀវភៅ តាមវីដេអូជាដើម។

បង្កើតសកម្មភាពកីឡាច្នៃប្រឌិតសម្រាប់កុមារៈ ចុះឈ្មោះឲ្យកូនរបស់អ្នករៀនសម្រាប់ថ្នាក់បង្រៀនតាមអ៊ីនធើណេតដោយគិតថ្លៃដូចជាយូហ្គា Cosmic, Art hub សម្រាប់កុមារ ហើយរៀបចំសកម្មភាពទាំងនេះដើម្បីឲ្យពួកគេមានសមត្ថភាពខ្ពស់ ដូចនេះពួកគេគួរតែធ្វើលំហាត់ប្រាណជារៀងរាល់ថ្ងៃ។

ក្លឹបសៀវភៅឬការមើលកីឡានៅពេលយប់ៈ ទំនាក់ទំនងគឺពិតជាសំខាន់ ទាំងការរស់នៅក្នុងសង្គម និង មានភាពសកម្មនៅលើបណ្ដាញសង្គម ដូចនេះបើសិនជាអ្នកមិនទាន់មានទេសូមបង្កើតក្លឹបសិក្សា ឬក្លឹបកីឡា ដើម្បីបង្កើនទំនាក់ទំនង តាមរយៈការខលជាវីដេអូទៅកាន់គ្នា

ពាណិជ្ជកម្ម

ស្វែងយល់អំពី Brand Positioning ដែលមិនខ្វល់អំពីតម្លៃ

Suos Sovanna

Brand Positioning គឺជាវិធីដែលអ្នកធ្វើឲ្យអតិថិជនចំណាំអត្តសញ្ញាណខ្លួនអ្នក និងបង្កើតទំនាក់ទំនង ដោយភាពជឿជាក់នៅក្នុងចិត្តអតិថិជន។ Positioning ធ្វើឲ្យអ្នកមានប្រៀបលើគូប្រជែង ដោយការឆក់យកបេះដូងរបស់អតិថិជន។ ផលិតផល ដែលលក់នៅលើទីផ្សារ អាចមាន ភាពស្រដៀងឬដូចគ្នា ប៉ុន្តែម៉ាកដែលស្ថិតនៅក្នុងចិត្តរបស់អតិថិជនបាន មិនមានជារឿងដែលងាយផ្លាស់ប្តូរ ដូចជាការកូពីផលិតផលឡើយ។ Positioning អាចមើលឃើញតាមរយៈ ការប្រើប្រាស់ពាក្យពេចន៍ រូបភាពដាក់បង្ហាញ និងការបង្ហាញខ្លួននៅលើហ្វេសប៊ុក។ ខាងក្រោមនេះ គឺជា២ឧទាហរណ៍នៃក្រមហ៊ុនក្រៅប្រទេស ដែលមានម៉ាកសញ្ញារឹងមាំ៖

១ ម៉ាក Tesla

ម៉ាកសញ្ញា Tesla គឺជាម៉ាកសញ្ញានៃផលិតផលអភិជន (Luxury Products) ដែលមានតម្លៃថ្លៃ។ ម៉ាកសញ្ញានេះ មិនប្រកួតលើតម្លៃទេ ប៉ុន្តែផ្តោតលើគុណភាពរបស់រថយន្ត។ រថយន្ត Tesla មានរូបរាងស្ពត ហើយថែមទាំងរត់បានចម្ងាយឆ្ងាយ មិនប៉ះពាល់ដល់បរិស្ថាន និងប្រើប្រាស់អគ្គីសនី។

រថយន្ត Tesla មានភាពខុសគ្នាពីក្រុមហ៊ុនរថយន្តតម្លៃថ្លៃៗដទែទៀត ដែលប្រើប្រាស់ប្រេងឥន្ទនៈ ពីព្រោះរថយន្តនេះប្រើប្រាស់អគ្គីសនីសម្រាប់ដំណើរការ។ ពួកគេឲ្យអតិថិជនចំណាំអំពី អត្តសញ្ញាណខ្លួន និងភាពខុសប្លែកឬភាពពិសេស នៅក្នុងទីផ្សាររថយន្តស្តង់ដារនិងប្រើប្រាស់អគ្គីសនី ដោយ គុណភាពរថយន្តរឹងមាំ និងអាចរត់បានចម្ងាយឆ្ងាយ ជាងរថយន្តអគ្គីសនីដទៃទៀត។

២ ម៉ាក Apple

ម៉ាក Apple គឹជានិមិត្តរូបនៃម៉ាកសញ្ញា ដ៏រឹងមាំមួយដែលស្ទើរគ្រប់គ្នាបានស្គាល់។ ក្រុមហ៊ុន Apple បង្កើតកុំព្យូទ័រស្រស់ស្អាតនិងទំនើប ដែលមិនអាចស្វែងរកបាន នៅក្រុមហ៊ុនកុំព្យូទ័រដទៃទៀត។ ក្រុមហ៊ុន Apple ផ្តោតលើផលិតផលដែលបង្កើតថ្មី ភាពស្រមើស្រមៃ និង ភាពច្នៃប្រឌិត។

ភាពដូចគ្នា រវាងម៉ាក Tesla និង ម៉ាក Apple គឺការមិនបញ្ចូលតម្លៃ ទៅក្នុងការធ្វើវិសាលភាពម៉ាកសញ្ញា ហើយផ្ទុយមកវិញ គឺការផ្តោតលើគុណតម្លៃនៃផលិតផល ដែលអតិថិជនទទួលបាន និងការកសាងទំនាក់ទំនង ដែលពោរពេញ ដោយការជឿជាក់ នៅក្នុងចិត្តអតិថិជន។

ពាណិជ្ជកម្ម

០៤ វិធីសាស្ត្រ ដែលអ្នកគ្រប់គ្រងមិនគួរមើលរំលងកំឡុងពេលមានវិបត្តិកូវីត១៩

ខៀក វិទ្យារតនៈ

យើងបានដឹងរួចមកហើយថាឥទិ្ធពលរបស់វីរុសកូវីត១៩ ឬវីរុសកូរ៉ូណានេះ បានធ្វើឲ្យពិភពលោកកំពុងមានការប្រែប្រួលយ៉ាងខ្លាំង ពិសេសគឺទៅលើរបៀបក្នុងការប្រកបការងារ ដោយក្រុមហ៊ុនជាច្រើនបានសម្រេចអនុវត្តគោលការណ៍ធ្វើការងារពីចម្ងាយ ពោលគឺបុគ្គលិកត្រូវបានគេអនុញ្ញាតឲ្យធ្វើការពីផ្ទះ ដើម្បីកាត់បន្ថយការរីករាលដាលនៃជម្ងឺកូរ៉ូណានេះ។ យ៉ាងណាមិញទន្ទឹមនឹងភាពវិជ្ជមានរបស់វា គោលការណ៍ធ្វើការពីចម្ងាយមួយនេះក៏ត្រូវបានគេសង្កេតឃើញថានៅមានភាពខ្វះចន្លោះនៅឡើយ។ តួយ៉ាងដូចជាការគ្រប់គ្រងសកម្មភាព និងប្រសិទ្ធភាពការងាររបស់បុគ្គលិកទាំងនោះគឺមិនមានភាពងាយស្រួលឡើយ។ ក៏ប៉ុន្តែវាក៏ជាឳកាសដ៏ល្អមួយសម្រាប់អ្នកដឹកនាំក្នុងការបញ្ចេញនូវសមត្ថភាពរបស់ខ្លួនដោយធ្វើយ៉ាងណារក្សាឲ្យបាននូវស្ថេរភាពការងាររបស់បុគ្គលិកទាំងអស់។ ថ្ងៃនេះ គំនិត សូមធ្វើការបង្ហាញពីវិធីសាស្ត្រទាំង ០៤ ដែលអាចជួយអ្នកឲ្យគ្រប់គ្រងបុគ្គលិកធ្វើការពីចម្ងាយបានយ៉ាងមានប្រសិទ្ធភាព៖

១. រៀបចំសម្ភារៈដែលចាំបាច់សម្រាប់បុគ្គលិកនីមួយៗ

ក្នុងនោះអ្នកគ្រប់គ្រងចាំបាច់ត្រូវចេះរៀបចំសម្ភារដែលចាំបាច់ផផ្សេងៗសម្រាប់បុគ្គលិកខ្លួន ដោយក្នុងនោះអាចមានដូចជា ម៉ាស៊ីនកុំព្យូទ័រលើតុ កុំព្យូទ័រយួរដៃ និងសម្ភារមួយចំនួនទៀតដែលមានសមត្ថភាពដូច ឬប្រហាក់ប្រហែលនឹងសម្ភារដែលប្រើប្រាស់នៅក្នុងការិយាល័យ។ ក្រៅពីនេះអ្នកគ្រប់គ្រងត្រូវប្រាកដចិត្តថា កន្លែងដែលបុគ្គលិកធ្វើការមានអ៊ិនធឺណេតគ្រប់គ្រាន់ក្នុងការបំពេញការងារ ឬធ្វើកិច្ចប្រជុំដោយពុំមានបញ្ហាអ្វីឡើយ។

២. រៀបចំកាលវិភាគធ្វើការ និងកាលវិភាគប្រជុំឲ្យបានច្បាស់លាស់

ជាការពិតណាស់ នៅពេលបុគ្គលិកផ្លាស់ប្តូរការងារទៅធ្វើនៅផ្ទះ វាអាចធ្វើឲ្យពួកគេមានអារម្មណ៍ថាប្លែកនិងពិបាកក្នុងការទំនាក់ទំនងជាងមុន ឬឈានដល់ការបាត់បង់ព័ត៌មានមួយចំនួនផងដែរ ចំណែកឯបុគ្គលិកមួយចំនួនតូចវិញបែរជាយល់ថាការធ្វើការពីផ្ទះជាការឈប់សម្រាកទៅវិញ។ ដូច្នេះអ្នកគ្រប់គ្រងចាំបាច់ត្រូវរៀបចំកាលវិភាគធ្វើការសម្រាប់បុគ្គលិកដើម្បីបញ្ចៀសនូវបញ្ហាទាំងនោះ ក៏ដូចជាត្រូវរៀបចំជូនដំណឹងដល់់បុគ្គលិកជាមុនសម្រាប់ការប្រជុំនានា។

៣. ភាពច្បាស់លាស់ក្នុងការងារ

ភាពច្បាស់លាស់ជាមួយការងារ គឺជារៀងសំខាន់ណាស់ក្នុងការដឹកនាំសមាជិកក្រុមរបស់អ្នកគ្រប់គ្រង។ ប្រសិនបើមានសមាជិកណាម្នាក់មិនច្បាស់លាស់ជាមួយការងារ យុទ្ធសាស្ត្រការងារ និងរឿងសំខាន់ដែលត្រូវធ្វើ នោះក្រុមទាំងមូលនិងជួបប្រទះបញ្ហាដូចគ្នា។ អ្នកគ្រប់គ្រងត្រូវចេះបង្កើនទំនាក់ទំនងរវាងសមាជិកនៅក្នុងក្រុមឲ្យមានភាពជិតស្និទ្ធ និងស៊ីចង្វាក់គ្នា។ មិនត្រឹមតែប៉ុណ្ណោះអ្នកគ្រប់គ្រងក៏ត្រូវចេះតាមដានលទ្ធផលការងាររបស់បុគ្គលិកផងដែរ ហើយការតាមដាននេះមានវិធីសាស្ត្រជាច្រើនយ៉ាងដូចជាធ្វើឡើងតាមរយៈការសន្ទនា អនឡាញ (Chat) និងការធ្វើកិច្ចប្រជុំតាមអនឡាញ (Video Call) ជាដើម។

៤. ធ្វើឲ្យបរិយាកាសការងារមានភាពរីករាយ

ការធ្វើឲ្យបរិយាកាសធ្វើការមានភាពសប្បាយរីករាយគឺពិតជាសំខាន់ណាស់ ព្រោះវាអាចជួយឲ្យបុគ្គលិកមានអារម្មណ៍ស្រស់ស្រាយ និងមិនធុញថប់ជាមួយការងារ។ អ្នកគ្រប់គ្រងត្រូវចេះវិធីសាស្ត្រមួយចំនួនក្នុងការជំរុញទឹកចិត្តបុគ្គលិក ក្នុងនោះមានដូចជារៀបចំវេទិការកាហ្វេ បង្កើតកម្មវិធីចូលរួមជាក្រុមផ្សេងៗ និងមានជាសំណួរល្បងប្រាជ្ញាជាដើម៕

ពាណិជ្ជកម្ម

Simon Sinek: ហេតុអ្វីCovid-19គឺជាឱកាស?

ហាក់ គីមថុង

លោក Simon Sinek គឺជាបុគ្គលល្បីមួយរូបផ្នែកនិយាយជម្រុញទឹកចិត្ត ជាពិសេសសម្រាប់ធរុកិច្ចជននិងអ្នកជំនាញ ហើយគាត់ត្រូវបានគេស្គាល់ច្រើនដោយសារតែការសរសេរសៀវភៅ២ក្បាលដ៏ល្បីល្បាញក្នុងពីភពធុរកិច្ច និងអ្នកដឹកនាំគឺ “Start With Why” និង “Leader Eat Last”។

នៅក្នុងវីដេអូប្រជុំមួយនៅអូស្ត្រាលី ជាមួយនឹងក្រុមការងាររបស់គាត់ គាត់បានលើកឡើងថា ពេលវេលានេះគឺជាពេលវេលាដ៏លំបាកមួយដោយសារតែការរីករាលដាលជម្ងឺផ្លូវដង្ហើមថ្មីCovid-19 តែយើងទាំងអស់គ្នាត្រូវតែមានផ្នត់គំនិតអ៊ីនធឺណិត។ កាលពីទស្សវត្សទី៩០ ដោយសារតែការវត្តមានអ៊ីនធឺណិត ធ្វើឱ្យអាជីវកម្មជាច្រើនត្រូវបិទទ្វារ ហើយក៏មានអាជីវកម្មជាច្រើនមានការរីកចម្រើនយ៉ាងខ្លាំងក្លា។ អាជីវកម្មដែលបិទទ្វារគឺ ពួកគេមិនអាចធ្វើការកែប្រែ និងផ្លាស់ប្តូរឱ្យទាន់និន្នាការ ឬដោយសារតែគាត់មិនមានផ្នត់គំនិតក្នុងការផ្លាស់ប្តូរ។ Starbucks បានបង្កើតសាខានៅទីតាំងជាច្រើន ហើយធ្វើការប្រកួតប្រជែងជាមួយនឹងកាហ្វេក្នុងតំបន់ទាំងនោះ ហើយជាលទ្ធផលStarbucks បានដណ្តើមឈ្នះទីផ្សារទោះបីជាហាងកាហ្វេក្នុងតំបន់មានផលិតផលល្អជាង តែពួកគាត់នៅតែប្រើប្រាស់កៅអី និងតុអង្គុយបែបចាស់កំរិល ដែលមិនអាចបន្តទាក់ទាញចិត្តអតិថិជនបាន។ វត្តមានរបស់Uber បានធ្វើឱ្យក្រុមហ៊ុនតាក់ស៊ីដួលរលំ មិនមែនដោយសារតែUber នោះខ្លាំងនោះទេ តែដោយសារតែក្រុមហ៊ុនតាក់ស៊ីទាំងនោះមិនព្រមធ្វើការផ្លាស់ប្តូរ និងកែប្រែម៉ូដែលរបស់ខ្លួន។

ក្នុងសម័យកាលនេះ យើងត្រូវតែមានផ្នត់គំនិតអ៊ីនធឺណិត គឺត្រូវចេះផ្លាស់ប្តូរតាមស្ថានភាពជាក់ស្តែង ដើម្បីបន្តនិរន្តរភាពអាជីវកម្មរបស់ខ្លួន។យើងមិនត្រូវផ្តោតតែធ្វើរឿងដដែលៗក្នុងស្ថានភាពនៃការផ្លាស់ប្តូរនោះទេ យើងត្រូវមានផ្នត់គំនិតរកគិតពីវិធីដោះស្រាយ ថាតើយើងគួរតែធ្វើអ្វីសម្រាប់អាជីវកម្មរបស់យើងនៅក្នុងសម័យកាលដែលមានការប្រែប្រួលនេះ។

យើងមិនត្រូវអង្គុយគិតតែរឿង ថាតើយើងអាចឆ្លងផុតដំណាក់កាលដោយវិធីណាទេ! យើងត្រូវតែមានគំនិតគិតថា តើយើងត្រូវផ្លាស់ប្តូរយ៉ាងម៉េចដើម្បីឆ្លងផុតដំណាក់កាលនេះ។ មិនត្រឹមតែម្ចាស់អាជីវកម្មទេដែលត្រូវគិតថា អាជីវកម្មត្រូវផ្លាស់ប្តូរយ៉ាងណាដើម្បីឱ្យស្របទៅនឹងស្ថានការណ៍ ក្នុងនាមជាក្រុមការងារ ក៏ត្រូវតែរកវិធីគិតផ្លាស់ប្តូរសម្របខ្លួនយ៉ាងម៉េច ឬក៏កែប្រែយ៉ាងម៉េចសម្រាប់ជួយឱ្យអាជីវកម្មអាចបន្តរីកចម្រើនទៅមុខបាន។

បន្ទាប់ពីវិបត្តិនេះបញ្ចប់ អាជីវកម្មមិនតិចទេនឹងត្រូវបិទទ្វារ ហើយមនុស្សមិនតិចទេដែលត្រូវប្តូរការងារ។ ប៉ុន្តែជាជាងអង្គុយចាំលទ្ធផលទាំងនេះកើតឡើង ក្នុងនាមជាម្ចាស់អាជីវកម្ម ត្រូវតែរិះរកគ្រប់មធ្យោបាយដើម្បីធ្វើការផ្លាស់ប្តូរមួយ ដើម្បីសម្របខ្លួនទៅតាមស្ថានភាពជាក់ស្តែង ហើយជាពិសេសបុគ្គលិក និងក្រុមការងារ គួរតែឈរលើគោលជំហរជិះទូកតែមួយ ជួយគិតជួយគូរ និងខិតខំផ្លាស់ប្តូរខ្លួនឯងយ៉ាងណាដើម្បីជួយឱ្យស្ថាប័នរបស់អ្នកបន្តរីកចម្រើនទៅមុខបាន។

ចូរចាំថា ដើម្បីអាចរស់បាន ដើម្បីអាចរីចម្រើនបានគ្រប់កាលៈទេសៈ យើងត្រូវតែមានផ្នត់គំនិតមួយ គឺរកដំណោះស្រាយផ្លាស់ប្តូរទៅតាមស្ថានការណ៍ ដូចពាក្យមួយលើកឡើងថា “ពេលណាដែលមានគ្រោះ ពេលនោះក៏មានឱកាសមកជាមួយ!”។ ដូចនេះ វាជាជម្រើសរបស់យើងថាតើយើងនឹងផ្តោតទៅជ្រុងមួយណា? បន្ទាប់ពីវិបត្តិនេះចប់ ខ្ញុំជឿថា នឹងមានតារាមិនតិចទេដែលនឹងរះ ដោយសារតែការផ្លាស់ប្តូរខ្លួនឱ្យស្របនឹងស្ថានការណ៍ ហើយអ្នកដែលខ្លាំង គឺជាពេលវេលារបស់គេសម្រាប់បញ្ចេញសមត្ថភាព ព្រោះថា នៅពេលទីផ្សារងាយស្រួលរកលុយ អ្នកណាក៏អាចរកលុយបាន អ្នកណាក៏អាចរកស៊ីបាន។ ប៉ុន្តែ នៅពេលដែលមានវិបត្តិ វាគឺជាឱកាសរបស់អ្នកខ្លាំងក្នុងការបញ្ចេញសមត្ថភាពដោះស្រាយ និងស្រោចស្រង់គ្រប់គ្នាចេញពីគ្រោះនេះ ទៅរកឱកាសវិញ។

ពាណិជ្ជកម្ម

គន្លឹះទាំង៨ដែលមានប្រសិទ្ធភាពសម្រាប់រៀនតាមអ៊ីនធើណេត

Rin Hanavy

តើអ្នកទើបតែចាប់ផ្ដើមវគ្គសិក្សានៅលើអ៊ីនធើណេតជាលើកដំបូងមែនទេ?តើការរៀនតាមប្រព័ន្ធអ៊ីនធើណេតមានលក្ខណៈងាយស្រួលដែរឬទេសម្រាប់អ្នកទាំងអស់គ្នា?ជាការពិតណាស់ ការសិក្សានៅលើប្រព័ន្ធអ៊ីនធើណេតពិតជាមានភាពងាយស្រួល និង ផលចំណេញជាច្រើនអនែកគឺ ចំណេញទាំងពេលវេលា ចំណេញទាំងការធ្វើដំណើរដោយអ្នកមិនចាំបាច់ចំណាយលុយទៅមកជារៀងរាល់ថ្ងៃ។ ជាក់ស្ដែងដូចជាបច្ចុប្បន្ននេះ ខណៈពេលដែលកើតមានឡើងនូវវីរុសកូវីដ១៩នេះមក សាលាទាំងអស់ទូទាំងប្រទេសត្រូវបានផ្អាកទាំងអស់ដើម្បីបញ្ចៀសពីការឆ្លងនូវជម្ងឺនេះ។ដោយសារតែកើតមាននូវបញ្ហានេះហើយទើប ធ្វើឲ្យសិស្សានុសិស្សត្រូវខកខានការសិក្សាមិនបានមកសាលារៀន ប៉ុន្តែពួកគេអាចរៀនតាមអ៊ីនធើណេតបាន។ខាងក្រោមនេះគឺជាគន្លឹះទាំង៨ ដើម្បីបង្កើននូវប្រសិទ្ធភាពនៃការរៀនតាមអ៊ីនធើណេត៖

១. កំណត់ពីគោលដៅសិក្សាជារៀងរាល់ថ្ងៃ

ត្រូវសួរខ្លួនឯងថា តើអ្វីដែលអ្នកសង្ឃឹមថាអ្នកអាចសម្រេចបាននៅក្នុងវគ្គសិក្សាពីមួយថ្ងៃទៅមួយថ្ងៃ?ការកំណត់គោលដៅច្បាស់លាស់អាចជួយអ្នកឲ្យមានកម្លាំងចិត្តក្នុងការរៀនសូត្រ ហើយអាចកម្ចាត់ពីភាពខ្ជិលច្រអូសនិងការចំណាយពេលអត់ប្រយោជន៍របស់អ្នកបាន។ហើយគោលដៅនោះដែរគឺត្រូវតែមានភាពច្បាស់លាស់ហើយងាយស្រួលក្នុងការវាស់ស្ទង់ ដូចជា ខ្ញុំត្រូវមើលវីដេអូនៅក្នុងមេរៀនទី១ឬទី២ និង ត្រូវបញ្ចប់កិច្ចការស្រាវជ្រាវនៅក្នុងថ្ងៃនេះឲ្យបានរួចរាល់។ហើយកុំភ្លេចផ្ដល់រង្វាន់ដល់ខ្លួនឯងផងនៅពេលដែលអ្នកឈានទៅរកគោលដៅរបស់អ្នក។

២. រកកន្លែងណាដែលធ្វើឲ្យអ្នកខិតខំរៀនសូត្រ

ការជ្រើសរើសទីតាំងរៀនពិតជាសំខាន់ណាស់ ព្រោះអ្នកអាចផ្ចង់អារម្មណ៍មូល ឬមិនមូល គឺអាស្រ័យទៅលើបរិយាកាសនៅជុំវិញអ្នកនេះឯង។ បើសិនជាអ្នករៀននៅកន្លែងដែលមានមនុស្សអ៊ូអរ តើអ្នកគិតថាអ្នកអាចចាប់យកនូវខ្លឹមសារ និង អត្ថន័យនៅក្នុងមេរៀននោះបានដែរឬទេ? ដូច្នេះហើយ អ្នកត្រូវតែរកទីកន្លែងណាដែលស្ងប់ស្ងាត់ ឬជាទីកន្លែងដែលធ្វើឲ្យអ្នកមានអារម្មណ៍ចង់រៀន ដើម្បីទទួលយកនូវវគ្គសិក្សាតាមអ៊ីនធើណេត។ម្យ៉ាងវិញទៀតអ្នកត្រូវបែងចែកឲ្យដាច់រវាងកន្លែងដែលអ្នករៀននិងកន្លែងដែលអ្នកសម្រាក ព្រោះបើសិនជាអ្នករៀននៅជិតឬរៀននៅកន្លែងដែលអ្នកសម្រាក នោះវាប្រាកដជារំខានដល់ការរៀនរបស់អ្នកជាក់ជាមិនខាន ពោលគឺវាអាចធ្វើឲ្យអ្នកឆាប់អស់កម្លាំង ហើយមានអារម្មណ៍ចង់សម្រាកជាងចង់រៀន។

៣. កំណត់កាលវិភាគសិក្សានៅលើប្រតិទិន

បើកមើលនូវប្រតិទិនរបស់អ្នក ហើយជ្រើសរើសពីពេលវេលាណាមួយដែលអ្នកគិតថាអ្នកអាចមើលវីដេអូនៅក្នុងអ៊ីនធើណេត ឬ អាចបញ្ចប់នូវកិច្ចការស្រាវជ្រាវឲ្យគ្រូរបស់អ្នកបាន។ នេះជួយបញ្ចាក់ថាវគ្គសិក្សារបស់អ្នកនឹងមិនក្លាយទៅជារឿងចុងក្រោយនៅក្នុងបញ្ចីការងារដែលអ្នកត្រូវធ្វើនោះទេ។

៤. រក្សានូវទំនួលខុសត្រូវលើខ្លួនឯង

ប្រាប់មិត្តភិក្តរបស់អ្នកអំពីវគ្គសិក្សាដែលអ្នកកំពុងរៀន បង្ហាញនូវសមិទ្ធផលដែលអ្នកបានទទួលទៅកាន់គណនីបណ្ដាញសង្គមរបស់អ្នក។ ហើយអ្នកត្រូវផ្ដល់កិច្ចការស្រាវជ្រាវ ឬកិច្ចការផ្ទះទៅកាន់គ្រូរបស់អ្នកឲ្យបានទាន់ពេលវេលា។

៦. ចូលរួមរាល់ការពិភាក្សានានា

ទម្រង់នៃការពិភាក្សានៅក្នុងវគ្គសិក្សានៅលើអ៊ីនធើណេតនេះគឺជាកន្លែងដ៏អស្ចារ្យមួយក្នុងការសួរសំណួរអំពីបញ្ហាឬចម្ងល់ដែលអ្នកមាន ហើយអ្នកអាចចែករំលែកនូវចំណេះដឹងឬព័ត៌មានណាមួយទៅកាន់អ្នកដ៏ទៃ ព្រមទាំងជួយបង្កើននូវមិត្តភិក្តផងដែរ។ តាមការសិក្សាស្រាវជ្រាវបង្ហាញថាពេលដែលអ្នកបានចូលរួមក្នុងការពិភាក្សាជាក្រុមនោះបង្ហាញថាអ្នកក៏បានបញ្ចប់នូវវគ្គនោះដែរ។

៧. ធ្វើរឿងមួយក្នុងពេលតែមួយ

ការផ្ដោតអារម្មណ៍ធ្វើរឿងមួយក្នុងពេលតែមួយ គឺធ្វើឲ្យអ្នកឆាប់ចាប់បាននិងស្វែងយល់ពីការងារទាំងនោះបានយ៉ាងស៊ីជម្រៅ ជាពិសេសអ្នកអាចទទួលបានព័ត៌មានជាច្រើន ព្រមទាំងអាចបង្ហើយកិច្ចការបស់អ្នកក្នុងរយៈពេលខ្លីទៀតផង។ ដូចនេះការផ្ដោតទៅលើរឿងតែមួយហើយច្បាស់លាស់ វាប្រសើរជាងការដែលអ្នកធ្វើនូវកិច្ចការងារជាច្រើនក្នុងពេលតែមួយតែមិនច្បាស់លាស់ ហើយបរាជ័យ។

៨. សម្រាក

ឲ្យខួរក្បាលរបស់អ្នកបានសម្រាកលំហែខ្លះ បន្ទាប់ពីការសិក្សាដ៏ស៊ីជម្រៅមួយ។ បើសិនជាអ្នករកឃើញថា ការសិក្សារបស់អ្នករៀនច្រើនម៉ោងហើយនៅតែមិនយល់ នៅតែមានចម្ងល់ នោះមានន័យថាអ្នកគួរតែសម្រាកមួយរយៈពេលខ្លីដើម្បីឲ្យខួរក្បាលរបស់អ្នកបានសម្រាកខ្លះ។បន្ទាប់ពីការសម្រាកអ្នកអាចនឹងយល់ច្បាស់ពីបញ្ហា និងមានដំណោះស្រាយពីវាបានកាន់តែល្អ។

ពាណិជ្ជកម្ម