Home Tags សហគ្រិន

Tag: សហគ្រិន

វិធីសាស្ត្រ៦យ៉ាងដើម្បីចៀសវាងពីការខាតបង់ក្នុងការវិនិយោគទុន

វិធីសាស្ត្រ៦យ៉ាងដើម្បីចៀសវាងពីការខាតបង់ក្នុងការវិនិយោគទុន “អ្នកដែលមិនហ៊ានប្រថុយបានត្រឹមតែរង់ចាំឱកាសតែប៉ុណ្ណោះ ចំណែកឯអ្នកដែលហ៊ានប្រថុយនឹងក្លាយជាអ្នកសាងឱកាស តែបើមិនហ៊ានប្រថុយគ្រោះថ្នាក់ទេ អ្នកនឹងគ្មានថ្ងៃទទួលបានកម្រៃដ៏ច្រើនមហាសាលឡើយ”(ទស្សនៈរបស់ជនជាតិជីហ្វ)។ ជាការពិតណាស់មនុស្សគ្រប់គ្នាសុទ្ធតែរំពឹងឲ្យខ្លួនឯងទទួលបានកម្រៃពីការវិនិយោគទុនឲ្យបានច្រើនបំផុតតាមដែលអាចធ្វើបាន ហើយចង់ចៀសវាងនូវបញ្ហាប្រឈមផ្សេងៗ និងការខាតបង់មួយចំនួនក្នុងការវិនិយោគ។ដោយយើងឃើញថានៅក្នុងខ្សែភ្នែករបស់ជនជាតិជីហ្វ​ ផលប្រយោជន៍នៃការវិនិយោគទុននិងការប្រថុយរមែងមានអត្រាប្រែប្រួលទៅតាមគ្នា។ជាក់ស្ដែងបើការវិនិយោគទុនមានផលតបស្នងខ្ពស់ នោះហានិភ័យក៏ខ្ពស់ទៅតាមហ្នឹងដែរ តែផ្ទុយទៅវិញបើសិនជាការវិនិយោគទុនមានហានិភ័យតិច នោះផលកម្រៃដែលយើងទទួលបានពីការវិនិយោគក៏តិចទៅតាមហ្នឹងដែរ។ដូចនេះតើយើងត្រូវធ្វើយ៉ាងណាដើម្បីអាចចៀសវាងរាល់បញ្ហានិងការខូតខាតក្នុងការវិនិយោគបានទៅ?ចំណុចទាំង៦ខាងក្រោមនេះនឹងជួយអ្នកឲ្យវិនិយោគទុនបានកម្រៃច្រើន៖ ១. កុំដាក់លុយទាំងអស់នៅក្នុងកាបូបតែមួយ ពេលដែលអ្នកដំណើរការទៅតាមផែនការវិនិយោគទុនរបស់អ្នក ចូរចាំទុកថាកុំចំណាយដើមទុនទាំងអស់ទៅលើផលិតផលតែមួយឬប្រភេទតែមួយជាដាច់ខាត ព្រោះបើហោប៉ៅមួយរហែក អ្នកនឹងមានហោប៉ៅមួយទៀតដែលមានលុយ។វិធីដែលល្អគឺ អ្នកគួរតែបំបែកដើមទុនដែលមានទៅវិនិយោគលើធុរកិច្ចផ្សេងៗគ្នា ព្រោះការធ្វើដូច្នេះអ្នកនឹងអាចកាត់បន្ថយហានិភ័យនិងការពារកុំឲ្យមានការខូតខាតធ្ងន់ធ្ងរពេករហូតដល់មិនអាចដោះស្រាយបាន។ដូចនេះការវិនិយោគបែបនេះគឺជាវិធីមួយដែលមានសុវត្ថិភាពបំផុត។ ២. កុំធ្វើអ្វីទៅតាមអារម្មណ៍    នៅក្នុងទីផ្សារភាគហ៊ុនតែងតែមាននិន្នាការក្នុងការនិយោគទុនទៅលើអ្វីមួយឲ្យកើតឡើងជានិច្ច ហើយពេលណាដែលកើតនិន្នាការនោះឡើង ប្រាកដជាមានដើមទុនជាច្រើនមកប្រមូលផ្ដុំគ្នាក្នុងរយៈពេលដ៏ខ្លី។ដូច្នេះពេលវេលានេះគឺជាពេលវេលាដែលវិនិយោគិនគួរតែហ៊ានចំណាយដើមទុន​រប​ស់ខ្លួនឲ្យពេញទំហឹង តែកុំធ្វើអ្វីដែលផ្ទុយពីនិន្នាការនិងធ្វើទៅតាមអារម្មណ៍របស់ខ្លួនឯងជាដាច់ខាត។ ៣​. ប្រើប្រាជ្ញានិងបទពិសោធន៍របស់អ្នកដទៃឲ្យក្លាយទៅជាប្រយោជន៍ ចំពោះវិនិយោគិនថ្មីដែលទើបតែចាប់ផ្ដើមធ្វើការវិនិយោគទុននៅក្នុងទីផ្សារភាគហ៊ុនអាចនឹងមានអារម្មណ៍ស្មុគស្មាញពេលដែលត្រូវជួបនឹងវិធីឬទិចនិចវិនិយោគទុនផ្សេងៗ ព្រោះនាពេលបច្ចុប្បន្ននេះមានផលិតផលថ្មីៗក៏កាន់តែកើនឡើងជាបន្តបន្ទាប់ ដូច្នេះល្បឿនក្នុងការផ្សព្វផ្សាយទិន្នន័យកាន់តែមិនមែនជារឿងងាយដែលវិនិយោគិនធម្មតាម្នាក់អាចធ្វើបាននោះឡើយ។...

កុំព្រួយបារម្ភអំពីការលួចចម្លងរបស់ដៃគូប្រកួតប្រជែងរបស់អ្នក តែអ្នកត្រូវបារម្ភអំពីរឿងទាំងនេះ

នៅក្នុងការធ្វើអាជីវកម្ម ទោះបីជាវាងាយស្រួលក្នុងការថតចម្លងក៏ដោយក៏ប៉ុន្តែវាមិនងាយស្រួលក្នុងការថតចម្លងនូវភាពជោគជ័យជាមួយនឹងយុទ្ធសាស្ត្ររបស់នរណាម្នាក់ទេ។ តើអ្នកនៅចងចាំ HP’s TouchPad ដែរឬទេ? ដែលការខិតខំប្រឹងប្រែងដើម្បីយកគំរូតាម iPad រប​ស់ Apple ត្រូវបានបរាជ័យនិងត្រូវខាតលុយអស់រាប់រយលានដុល្លា។ ដោយស្ថិតនៅលើខ្សែបន្ទាត់តែមួយ ក្រុមហ៊ុន Microsoft បានបរាជ័យយ៉ាងខ្លាំងក្នុងការប្រកួតប្រជែងជាមួយនឹងអាយផតដោយការបង្ហាញនូវអ្វីដែលមានលក្ខណៈស្រដៀងគ្នា។ នៅក្នុងកម្រិតតូចជាងមុន ខ្ញុំគិតថាមនុស្សគ្រប់គ្នាតែងតែមានដៃគូទីផ្សារប្រកួតប្រជែងរៀងៗខ្លួនដែលមើលទៅហាក់ដូចជាការចម្លងឬត្រាប់តាម ជំនួសឲ្យការច្នៃប្រឌិតគិតនូវអ្វីដែលថ្មី។ការផ្ដួលដៃគូរប្រកួតប្រជែងទាំងនេះគឺជារឿងគួរឲ្យចាប់អារម្មណ៍ ហើយក៏ជារឿងដែលគួរតែខឹងដែរ ប៉ុន្តែអ្នកដឹកនាំអាជីវកម្មដែលល្អបំផុតអាចនឹងមានអារម្មណ៍ល្អប្រសើរទៅលើរឿងនេះវិញដោយសារតែពួកគេដឹងថា អ្នកធ្វើត្រាប់តាម និង អ្នកថតចម្លងតាមគឺកម្រនឹងទទួលបានជោគជ័យក្នុងរយៈពេលវែងណាស់។ អ្នកត្រូវទទួលស្គាល់ថា ប្រសិនបើជាមាននរណាម្នាក់តែងផ្ដោតទៅលើអ្វីដែលអ្នកកំពុងធ្វើ...

សកម្មភាពPRសម្រាប់សហគ្រិនក្នុងការដោះស្រាយវិបត្តិកូវីដ១៩

ពួកយើងទាំងអស់គ្នាប្រហែលជាបានឮជាច្រើនលើកច្រើនសារហើយពីបញ្ហាទាំងនេះដែលកំពុងតែឆ្លងរាលដាលនៃរោគរាតត្បាតជាសកល ហើយប្រទេសខ្លះកំពុងតែបិទព្រំដែន ហើយ រស់នៅឃ្លាតឆ្ងាយពីសង្គមដើម្បីកាត់បន្ថយអត្រាកើនឡើងនៃអ្នកឆ្លង។ តើយើងធ្លាប់គិតថាយើងនឹងនៅទីនេះតិចជាង៣ខែនៅក្នុងទស្សវត្សថ្មីនេះដែលបានសន្យាយ៉ាងច្រើនទេ? អ្វីដែលសំខាន់បំផុតនៅពេលនេះគឺ យើងទាំងអស់គ្នាត្រូវមានសុវត្ថិភាពជាបុគ្គល ហើយរួមចំណែកក្នុងការទប់ស្កាត់ការគ្របដណ្ដប់លើវីរុសកូវីដ១៩នេះទាំងអស់គ្នា។ ប៉ុន្តែតើសហគ្រិនអាចធ្វើអ្វីខ្លះដើម្បីទទួលបានជោគជ័យក្នុងពេលមានវិបត្តិ និង ភាពមិនប្រាកដប្រជា? ដូច្នេះខ្ញុំសង្ឃឹមថាការផ្ទៀងផ្ទាត់បញ្ជីនេះ នឹងអាចជួយនរណាម្នាក់ដែលមិនមានការគាំទ្រនូវទំនាក់ទំនងជាសាធារណៈនាពេលបច្ចុប្បន្ននេះ៖ ១. ពិនិត្យការយល់ដឹងរបស់ភាគីពាក់ព័ន្ធ អ្នកប្រហែលជាស្ថិតនៅលើបញ្ហានេះហើយ ប្រសិនបើអ្នកមិននិយាយជាមួយអ្នកពាក់ព័ន្ធដែលពាក់ព័ន្ធនឹងការធ្វើការសម្រេចចិត្តឲ្យបានឆាប់ៗតាមដែលអ្នកអាចធ្វើបាន។ការប្រមូលទស្សនៈរួមរបស់ពួកគេនឹងធានាថាអ្នកមានការចូលរួមពីមនុស្សគ្រប់គ្នាតាំងពីឮដំបូង ហើយវានឹងជួយរៀបចំយុទ្ធសាស្ត្រថ្មីរបស់អ្នកនិងធ្វើឲ្យជំហានបន្ទាប់រប​ស់អ្នកមានដំណើរការកាន់តែងាយស្រួល។ ២. កំណត់គោលដៅនិងយុទ្ធសាស្ត្រ គោលដៅរបស់អ្នកកំពុងតែមានភាពរស់រវើក លេចមកយ៉ាងជាក់ស្ដែងនៅពេលឥលូវនេះ ហើយវាកំពុងតែសម្លឹងរកការទាក់ទាញនូវទស្សនិកជនថ្មី។ទាំងវិធីគិតបែបយុទ្ធសាស្ត្រអំពីឱកាសដែលអាចធ្វើឲ្យមានភាពខុសគ្នា ហើយសម្រួចនូវទំនាក់ទំនងសាធារណៈ (PR)របស់អ្នករួចអនុវត្ត និង ដើរតាមវិធីទាំងនោះ។ប៉ុន្តែយ៉ាងណាក៏ដោយចំពោះអ្វីដែលអ្នកធ្វើ គឺអ្នកមិនត្រូវកេងយកផលប្រយោជន៍ពីសា្ថនភាពដយ៉ាប់យឺនទាំងនោះទេ...

តើប្រព័ន្ធផ្សព្វផ្សាយ ( Media) គឺជាអ្វី?

មុន​នឹង​ឈាន​ចូល​​ដល់​ការ​និយាយ​អំពី​​ប្រព័ន្ធបណ្តាញ​សង្គម ជាដំបូង​​យើង​គួរ​ស្វែង​យល់​អំពី​អត្ថន័យ​នៃ​ពាក្យ​​”ប្រព័ន្ធផ្សព្វផ្សាយ” (media) ជាមុន​សិន​។​ តើ​ប្រព័ន្ធផ្សព្វផ្សាយគឺ​ជា​អ្វី ? ហើយ​តើ​ញឹក​ញយ​ដល់​កម្រិត​ណា​ដែល​យើង​បាន​លឺ​និង​ឃើញ​សារ​ទាំង​នោះ? ​​”ប្រព័ន្ធផ្សព្វផ្សាយ” (media) គឺ​ជា​ច្រក​ឬ​វិធី​ផ្សេងៗ​នៃ​ពត៌មាន​ កម្មវិធីកម្សាន្ត​ ការ​ធ្វើ​ទី​ផ្សារ​ ឬ​មាតិកា​​ផ្សេង​ៗទៀត​ត្រូវ​បាន​ចែក​ចាយ​ ហើយ​ប្រភេទ​នៃ​ប្រព័ន្ធផ្សព្វ​ផ្សាយ​មាន​ច្រើន​។​ ប្រភេទ​ដែល​ចាស់​ជាង​គេ​គឺ​ប្រព័ន្ធផ្សព្វផ្សាយដែលបោះពុម្ព​ដូច​ជា​ទស្សនាវដ្តី​ កាសែត​ និង​ផ្ទាំង​បដាជាដើម​។​ នា​សម័យ​ថ្មី​ដែល​អប​ជាមួយ​តិណូឡូជី​ទំនើប​ ប្រព័ន្ធផ្សព្វ​ផ្សាយ​ក៏​មាន​ការ​ផ្លាស់​ប្តូរ​តាម​នោះ​ដែរ។​ ទម្រង់ធម្មតា​​នៃ​”ប្រព័ន្ធផ្សព្វផ្សាយ” (media) បាន​ផ្លាស់​ប្តូរ​ពី​វិទ្យុ​និង​ទូរទស្សន៍​មក​លើ​​​អ៊ីនធឺណិត​។ សព្វ​ថ្ងៃ​មនុស្ស​រាប់​លាន​នាក់​ប្រើ​ប្រាស់​ប្រព័ន្ធផ្សព្វផ្សាយសង្គម​​ដូច​ជា​ហ្វេស​ប៊ុក​ដើម្បី​ចែក​ចាយ​គំនិត​និង​សារ​ផ្សេង។​ ដូច្នេះ​តើអ្វីគឺ​ជា​​ប្រព័ន្ធផ្សព្វ​ផ្សាយ​សង្គមឬ Social Media...

មូលដ្ធានគ្រឹះហិរញ្ញវត្ថុសម្រាប់ “កសាងទ្រព្យ”

គ្រឹះក្នុងការចាប់យកភាពជោគជ័យក្នុងផ្នែកហិរញ្ញវត្ថុគឺត្រូវមានការយល់ដឹងអំពីទំនាក់ទំនងរវាងរបាយការណ៍ប្រាក់ចំណូលនិងតារាងតុល្យការ។ តើ  “អ្នកមាន”មានន័យដូចម្តេច? នេះប្រហែលជាសំនួរដែលសំខាន់បំផុតមួយដែលអ្នកអាចសួរនិងឆ្លើយផងដែរ។ សម្រាប់មនុស្សជាច្រើន “អ្នកមាន” មានន័យថាមានលុយច្រើន។ ពួកគេគិតថា ប្រសិនបើពួកគេអាចរកលុយបានច្រើនបន្តិចម្តងពីមួយទៅមួយខែ នោះបញ្ហារបស់ពួកគេនឹងអាចដោះស្រាយបាន! ហើយពួកគេអាចរស់នៅស្រួលដូចជាស្តេចអញ្ចឹង។ រស់នៅស្រួលដូច “ស្តេច”? តោះនាំគ្នាគិតបន្តិច ប្រសិនបើអ្នកអាចរកបាន១០០,០០០ដុល្លាក្នុងមួយឆ្នាំតើអ្នកក្លាយជាមានដែរឬទេ? ខ្ញុំគិតថា សម្រាប់អ្នកដែលអាចរកបាន៥៩,០០០ដុល្លាក្នុងមួយឆ្នាំនឹងឆ្លើយថា ពួកគេនឹងមាន។ ប៉ុន្តែសម្រាប់អ្នកផ្សេងទៀត វាមិនដូច្នោះទេ។ ពាក្យ “មាន”មួយម៉ាត់នេះស្រដៀងនឹងពាក្យ “ស្រស់ស្អាត”។ អត្ថន័យវាប្រែប្រួលទៅតាមបុគ្គល។ យោងតាម National Public Ration នៃសហរដ្ឋអាមេរិចបានប្រាប់អំពីជីវិតនៃក្រុមមនុស្សដែលមានចំណូល១០០,០០០ដុល្លាប្រចាំឆ្នាំ។ អត្ថបទបានបង្ហាញថា...

៧វីធីសាស្រ្តពេលអានមិនយល់!

តើ​អ្នក​ដឹក​ទេ​ថា​ អ្នក​អាចយល់​ពី​សៀវ​ភៅ​មួយ​បាន​ច្រើន​ប្រសិន​បើ​អ្នក​ផ្លាស់​ប្តូរ​វិធី​ក្នុង​ការ​អាន​! អ្នក​ត្រូវ​បន្ត​អាន​ នៅ​ពេល​ជួប​នឹង​ចំណុច​ដែល​អាន​មិន​យល់​ អ្នក​ត្រូវ​បន្ត​អាន។ វាគឺ​ជា​រឿង​ធម្មតា​ដែល​ ​នៅ​ពេល​អាន​ អ្នក​តែង​តែ​ជួបចំណុច​​ដែល​អាន​មិន​យល់​ ដូច្នេះ​ចូរ​អ្នក​អានកថាខណ្ឌ​​មុន​និង​ក្រោយ​ឃ្លា​ នោះសាក​មើល​​។​ ប្រសិន​បើ​អ្នក​នៅ​តែ​មាន​អារម្មណ៍​ច្របូក​ច្របល់​ ចូរ​អ្នក​អាន​ពី​រ​បី​ទំព័រ​បន្ទាប់​ទៀត​។​ ការ​បន្ត​អាន​ទៅមុខ​គឺ​ជា​ការ​ស្វែង​រក​អត្ថន័យ​នៃ​ឃ្លា​ វគ្គឬផ្នែក​​ណា​មួយ​នៅ​ក្នុងអត្ថ​​ន័យ​ធំ​ជាង​វា​​នៃ​សៀវភៅ។​ អាន​​​ម្តង​ទៀត​ អានឃ្លាឬវគ្គ​នោះម្តង​ទៀត យ៉ាង​តិច​២​ដង​។​ ពេល​អាន​ម្តង​ៗ ត្រូវ​ផ្តោត​អារម្មណ៍​ព្រោះ​ការ​ធ្វើ​បែប​នេះ​គឺ​អាច​ជួយ​ឲ្យ​អ្នក​បង្កើន​កម្រិត​នៃ​ការ​ផ្តោត​អាន​ និង​អាច​យល់​អំពី​ចំណុច​ទាំង​នោះ។​ បំបែកវគ្គឬផ្នែក​​នោះ​ជា​ផ្នែកៗ​ ឬ​ជា​គ្រោង​ ​អ្នកអាច​បែង​ចែក​ផ្នែក​នោះដោយ​ផ្នែកៗ។​ ងាយ​បំផុត​គឺ​ជា​៣ ដែល​មាន​ដូច​ជា​ផ្នែក​ផ្តើម​ ផ្នែក​តួរ​ និង​បញ្ចប់​។​ ពេល​ខ្លះ​អ្នក​អាច​បំបែក​វា​ជា​គ្រោង។​ ...

គន្លឹះ​អានសៀវភៅ​ឱ្យបានច្រើនជាងមុន!

នៅកម្ពុជា ទម្លាប់នៃការអានសៀវភៅចាប់ផ្តើម​កម្រើក​ឡើងជាបណ្តើរៗហើយនាពេលបច្ចុប្បន្ននេះ។ ហើយ​អ្នក​អានសៀវភៅ​វិញ មិន​មែន​មានតែ​ក្នុងចំណោម​សិស្ស និស្សិត​ ឬ​អ្នក​សិក្សាស្រាវជ្រាវនោះទេ អ្នក​ប្រកបរបរ​រកស៊ី សហគ្រិន​ និង​អ្នកជំនាញកាន់តែច្រើនឡើងចាប់ផ្តើម​មាន​ទំនោរទិញសៀវភៅ ដើម្បី​បំពាក់បំប៉ន​ចំណេះដឹង គំនិត និង​សមត្ថភាពរបស់ខ្លួន។ ទំនោរនេះ​គឺពិតល្អដោយ​មនុស្ស​កាន់តែច្រើន​ឡើង ចាប់ផ្តើម​ឱ្យ​តម្លៃ​ទៅលើ​ការអាន និងហ៊ាន​ចំណាយ​លុយ​ទិញសៀវភៅ​។ ការប្រកួត​ប្រជែង​កាន់តែខ្លាំងក្លានៅក្នុងពិភព​ធុរកិច្ច​ ដែលតម្រូវ​ឱ្យ​អ្នក​ដឹកនាំក្នុង​ក្រុមហ៊ុន សហគ្រិន និងបុគ្គលិកត្រូវតែ​ពង្រឹង​សមត្ថភាពរបស់ខ្លួនដើម្បី​ឱ្យ​មាន​ភាពប្រកួតប្រជែង។ ក្រៅពី​ការចូលវគ្គបណ្តុះបណ្តាល ឬការចែករំលែកបទពិសោធន៍គ្នា​នឹង​គ្នា ការអានសៀវភៅគឺជាប្រភព​ធនធាន​ដ៏ល្អមួយ​ ក្នុងការ​សិក្សា និង​យល់ដឹងពីគំនិត និងបទពិសោធថ្មី​ៗជាច្រើន​ដែលអាច​ជួយ​ឱ្យគ្រប់ៗគ្នា​អាច​យក​គំនិត​...

​បើ​ខ្ញុំ​មាន​ $5000 ឬ $10,000 ដុល្លារ​ក្នុង​ដៃខ្ញុំគួរ​រកស៊ី ឬវិនិយោគអ្វី?

មាន​មនុស្ស​ជាច្រើន​តែ​ង​សួរ​ថា តើ​ខ្ញុំ​គួរ​វិនិយោគ ឬរកស៊ី​អ្វី​ប្រសិន​បើ​ខ្ញុំ​មាន​ $5000 ឬ $10,000 ដុល្លារ​ក្នុង​ដៃ? 5000 ឬ​មួយ​ម៉ឺន​ដុល្លារ​ ពិត​ជា​មិន​ច្រើន​ទេ​សម្រាប់​បើក​អាជីវកម្ម​មួយ ប៉ុន្តែ​ក៏មាន​អាជីវកម្ម​ខ្លះ​កើតឡើង​ធំធាត់​ដោយ​មិន​ចាំបាច់​មាន​ដើមទុន​រហូត​ដល់5,000 ដែរ។ សំណួរ​នេះ​ប្រសិន​បើ​អ្នក​យក​ទៅ​សួរ​មនុស្ស​៥​នាក់ ប្រាកដណាស់ អ្នក​នឹង​បាន​ទទួល​5ចម្លើយ​ខុសៗគ្នា ថា​តើគួរ​រកស៊ី​ ឬទៅបណ្តាក់ទុននៅលើអ្វី។ តើមួយ​ណា​ជាចម្លើយ​ត្រឹមត្រូវ ? តាមពិតទៅ​វាគ្មានចម្លើយ​ខុស ឬក៏ត្រូវ​នោះទេ! ពីព្រោះ​ថា អ្នក​ដែល​ផ្តល់​យោបល់​ឱ្យ​អ្នករកស៊ី​អ្វី​ ឬ​ដាក់វិនិយោគទៅលើអ្វី គឺពួកគាត់​ឆ្លើយ​ដោយ​ផ្អែក​ទៅលើ​បទពិសោធ...

ចំណុចសំខាន់ទាំង៤សម្រាប់អ្នកដែលចង់ក្លាយជាសហគ្រិនជោគជ័យ

​ឱកាស​ដ៏​អស្ចារ្យ​សម្រាប់​ខ្ញុំ​នោះ​គឺ​​ការ​សំណេះ​សំណាល​ជាមួយ​សហគ្រិន​ដែល​ធ្លាប់​​និង​កំពុង​ទទួល​បាន​ជោគជ័យ​លើ​អាជីវកម្ម​របស់គាត់​ដែល​ពួកគាត់​បាន​ចែក​រំលែក​បទពិសោធន៍​​អំពី​ភាពជោគជ័យ​របស់​ខ្លួន​ក្នុង​បរិបទ​ដែល​ពោរពេញ​ទៅ​ដោយ​ការប្រកួត​ប្រជែង។ ដូច​ដែល​អ្នក​បានដឹង​ហើយ​ថា​គ្មាន​វិធី​បូកដក​ណា​អាច​​គណនា​​ពីចម្ងាយ​​ផ្លូវ​ទៅកាន់​ភាពជោគជ័យ​នោះទេ ប៉ុន្តែ​គន្លឹះ​ខាងក្រោម​នេះ​ជា​​មេរៀន​សំខាន់​សម្រាប់​ឲ្យ​អ្នក​អាច​យក​ទុក​ជា​បទពិសោធន៍​ក្នុង​អាជីវកម្ម​និង​ជួយឲ្យ​​អាជីវកម្ម​របស់​អ្នក​រីកលូតលាស់៖ #ទី១ ការសហការ​​ជា​​ក្រុម​ ​មនុស្ស​​តែ​ម្នាក់​មិនអាច​ជោគជ័យ​លើ​គ្រប់​ការងារ​​ទាំងអស់​ទេ។ ប៉ុន្តែ​នៅពេល​ដែល​អ្នក​ធ្វើការ​ជាក្រុម ​អ្នក​នឹង​អាច​ជម្នះ​​បញ្ហា​ដែល​អ្នក​ម្នាក់ឯង​ពិបាក​​ដោះស្រាយ ​ខណៈពេល​ដែល​ក្រុម​គឺ​មាន​គំនិត​ច្រើន​ដើម្បី​រក​បាន​ដំណោះស្រាយ​ដ៏​សមរម្យ​មួយ។ កិច្ចការ​​​​ក្នុង​អាជីវកម្ម​គឺ​តម្រូវ​ឲ្យ​អ្នក​ចេះ​សហការ​ជាមួយ​បុគ្គលិក​របស់អ្នក​។ ជាពិសេស​នៅពេល​ដែល​អ្នក​គ្រប់គ្រង​ក្រុម​របស់​អ្នក អ្នក​មិនត្រូវ​​គ្រប់គ្រង​បែប​ចៅហ្វាយ​នាយ​ដែល​ប្រើប្រាស់​អំណាច​ដើម្បី​ត្រួតត្រា​បុគ្គលិក​​នោះទេ​។ ប៉ុន្តែ​អ្នក​គួរតែ​មាន​ភាព​ជា​អ្នកដឹកនាំ​ដែល​ចាំជួយ​លើកទឹកចិត្ត​និង​ជម្រុញ​​បុគ្គលិក​ឲ្យ​ធ្វើ​ការងារ​ជាមួយ​គ្នា​បាន​។ #ទី២ កំណត់​​ចក្ខុវិស័យ​ក្នុង​អាជីវកម្ម សហគ្រិន​ដែល​ជោគជ័យ​គឺ​សម្លឹង​ឃើញ​ឬ​មាន​ទស្សនៈ​វិស័យ​វែងឆ្ងាយ​។ ពួកគាត់​អាច​ស្រមៃ​ឃើញ​ពី​ភាព​រីកចម្រើន​នៃ​អាជីវកម្ម​របស់​ពួកគាត់​នៅ​ប្រាំ​ឆ្នាំខាងមុខ ដប់ឆ្នាំ​ខាងមុខ ឬ​វែង​ជាងនេះ។ ​សំណួរ​មួយ​ចំនួន​ដែល​អ្នក​អាច​សួរ​ខ្លួនឯង​មុនពេល​បង្កើត​ចក្ខុវិស័យ​​​ដូចជា​តើ​អ្នក​គួរ​ចាប់ផ្តើម​អាជីវកម្ម​របស់​អ្នក​តាម​​របៀប​ណា? តើ​អ្វីខ្លះ​ដែល​រាំង​ស្ទះ​អ្នក​ដើម្បី​ឈាន​ទៅដល់​គោលដៅ​របស់អ្នក​?​ តើ​ចំណុច​ល្អ​អ្វីខ្លះ​ដែល​​អ្នក​គួរ​ធ្វើ​សម្រាប់​អាជីវកម្ម​របស់​អ្នក? តើ​អ្នក​គួរ​ចៀសវាង​អ្វីខ្លះ​ដែល​មិនល្អ​ចំពោះ​​អាជីវកម្ម​​របស់​អ្នក? តើ​អ្នក​គួរ​ធ្វើ​អ្វីខ្លះ​ដើម្បី​ឲ្យ​អាជីវកម្ម​របស់​អ្នក​មាន​ភាព​លេចធ្លោ​ជាងដៃគូ​ប្រកួត​ប្រជែង​? #ទី៣ ហ្វឹកហាត់​ជា​រៀងរាល់​ថ្ងៃ មនុស្ស​​ជោគជ័យ​គឺ​​ប្រឹងប្រែង​ធ្វើការ។ ផ្លូវ​សម្រាប់​សហគ្រិន​​ជោគជ័យ​ប្រៀប​ដូច​នឹង​អ្នក​រត់​ម៉ារ៉ាតុង​ព្រោះ​​ពួកគេ​ចាំបាច់​ហ្វឹកហាត់​ជា​រៀងរាល់​ថ្ងៃ​ដើម្បី​ទទួល​បាន​ភាព​ជោគជ័យ។ ​រីឯ​ការធ្វើ​អាជីវកម្ម​​វិញ​ អ្នក​ត្រូវ​ចំណាយ​ពេល​ជារៀងរាល់​ថ្ងៃ​ដើម្បី​រក្សា​ទំនាក់​ទំន​ង​ជាមួយ​អតិថិជន​...

សកម្មភាពគួរឲ្យភ្ញាក់ផ្អើល៨យ៉ាងដែលសហគ្រិនធ្វើជារៀងរាល់ថ្ងៃ

មនុស្ស​ជាច្រើន​តែងតែ​គិតថា​ជីវិត​របស់ម្ចាស់​អាជីវកម្ម​មានតែ​ការលក់ ការរក​ទីផ្សារ ការណាត់ជួប ការងារ​បុគ្គលិក ​និង​ការសម្ភាសន៍​ជាដើម ប៉ុន្តែ​នៅមាន​រឿងរ៉ាវ​ជាច្រើន​ទៀត​ដែល​យើង​មិន​នឹកស្មាន​ថា​ពួកគេ​អាច​នឹង​ធ្វើ​ហើយ​រឿង​ទាំងនោះ​គឺ​ទាក់ទង​នឹង​ការធ្វើឲ្យ​អាជីវកម្ម​នៅតែ​ដំណើរ​ការ​។​ ខាងក្រោម​នេះ​ជា​អ្វី​ដែល​សហគ្រិន​ទាំង​៨​រូប​ចែក​រំលែក​ពី​អ្វី​ដែល​ពួកគេ​បញ្ចូល​ទៅក្នុង​បញ្ជី​​កិច្ចការ​ដែល​ត្រូវ​ធ្វើ​ជា​ប្រចាំ៖ សហគ្រិនទី១ គាត់​បាន​និយាយថា​គាត់​បាន​ចំណាយពេល​​​ដើរ​​ជាមួយ​បុគ្គលិក​របស់​គាត់​យ៉ាងយូរ​ជារៀងរាល់​ថ្ងៃ​ព្រោះ​គាត់​គិត​ថា​ការធ្វើ​បែបនេះ​អាច​ឲ្យ​យើង​មាន​ទំនាក់​ទំនងល្អ​ហើយ​ជា​វិធី​ដ៏​មាន​ប្រសិទ្ធភាព​បំផុត​ក្នុង​ការ​ត្រិះរិះ​​គំនិត​ថ្មីៗ​។ គាត់​បាន​បង្កើត​គំនិត​ជាច្រើន​តាមរយៈ​ទង្វើ​បែបនេះ​ហើយ​វា​ក៏​ធ្វើឲ្យ​មាន​សុខភាព​ល្អ​ផងដែរ។ សហគ្រិនទី២ គាត់​ផ្តោត​ទៅលើ​ការស្លៀកពាក់​ព្រោះ​វា​អាច​នាំយើង​ទៅរក​ភាពជោគជ័យ។ គាត់​បាន​លើក​ឡើង​បន្ថែម​ទៀត​ថា​យើង​មិនអាច​ដឹងមុន​បានទេ​ថា​យើង​នឹង​ត្រូវ​ជួប​មនុស្ស​បែបណាឬ​ជា​​អ្នកណា។ ដូចនេះ​អ្នក​ត្រូវ​ត្រៀម​ខ្លួន​ជាស្រេច​ដោយ​ត្រូវ​ធ្វើឲ្យ​ប្រាកដ​ថា​ស្បែកជើង​មាន​រលោង​ស្អាត​និង​សម្លៀក​បំពាក់​មាន​ភ្លី​ត្រឹមត្រូវ​​ព្រោះ​វា​អាច​ជួយ​បង្កើន​អារម្មណ៍​ល្អៗ​ដល់​អ្នក​នៅជុំវិញ​ខ្លួន​។ សហគ្រិន​ទី​៣ គាត់​បាន​លើកឡើង​ថា​ពីមុន​គាត់​​គិតថា​ក្នុងនាម​ជា​សហគ្រិន​​ម្នាក់​ យើង​ត្រូវ​ផ្តោត​ទៅ​លើ​អនាគត​និង​គម្រោង​សម្រាប់​ថ្ងៃ​ស្អែក។ ​ផ្ទុយមកវិញ​គាត់​បានរកឃើញ​ថា​ការមើល​ថយក្រោយ​ទៅកាន់​អតីតកាល​​ពិតជា​​មាន​​សារៈ​សំខាន់​​ណាស់​​ចំពោះ​អ្វី​ដែល​​អ្នក​សម្រេចបាន​​និង​អ្វី​ដែល​អ្នក​ទទួល​បរាជ័យ​ព្រោះ​​វា​អាច​ធ្វើឲ្យ​យើង​កំណត់​គោលដៅ​ច្បាស់លាស់​និង​ព្យាករណ៍​អនាគត​ក៏ដូចជា​រៀន​ក្នុង​ការសម្រេច​កិច្ចការ​បានរហ័ស​និង​មាន​ផ្លែផ្កា​។ សហគ្រិនទី៤ គាត់​លើកឡើង​ថា​ការងារ​ទាំងអស់​សុទ្ធតែ​សំខាន់​ហើយ​គាត់​ស្រលាញ់​ការ​លាងចាន​ជាមួយ​នឹង​សមាជិក​ក្រុម ​និង​ស្រលាញ់​ការបង្កើត​យុទ្ធសាស្រ្ត​​សម្រេចចិត្ត​ថ្មីៗ ការបង្កើត​គំនិត​ថ្មីៗ​សម្រាប់​ផលិតផល​។ កិច្ចការ​ទាំងអស់​ដែល​យើង​ធ្វើ​គឺ​សុទ្ធតែ​មាន​តម្លៃ​។ សហគ្រិន​ទី​៥ គាត់​បាន​និយាយ​ថា​ការងារ​ដែល​គាត់​ធ្វើ​រៀងរាល់​ថ្ងៃ​គឺ​តាមដាន​ព័ត៌មាន​នៅក្នុង​​​ការិយាល័យ​ថាតើ​មាន​អ្វី​កើតឡើង​​និង​សរសេរ​ជា​សារ​លើកទឹកចិត្ត​ខ្លះៗ​ទៅ​បុគ្គលិក​។ សហគ្រិន​ទី​៦ គាត់​បាន​លើកឡើង​ថា​គាត់​មិន​ដែល​គិតពី​ការងារ​ប្រចាំថ្ងៃ​នោះ​ទេ​ព្រោះ​គាត់​គិតតែ​​ពីកិច្ចការ​​ដែល​ធ្វើឲ្យ​ក្រុមហ៊ុន​រីក​ចម្រើន​។ ប៉ុន្តែ​ថ្មីៗ​នេះ​គាត់​ចាប់ផ្តើម​ធ្វើការ​មួយ​ចំនួន​ដូចជាឆុងកាហ្វេ សម្អាត​បន្ទប់ទឹក និង​យក​សម្រាម​ទៅចោល​ជាដើម​។ សហគ្រិន​ទី​៧...

គន្លឹះងាយៗក្នុងការចាប់ផ្តើមអាជីវកម្មនៅផ្ទះ

ការបង្កើត​អាជីវកម្ម​នៅផ្ទះ​គឺជា​ក្តីសុបិន្ត​មួយ​ដែល​មនុស្ស​ជាច្រើន​ប្រាថ្នា​ចង់បាន។ អ្នក​អាច​ធ្វើការ​តាម​កាលវិភាគ​ផ្ទាល់ខ្លួន បដិសេធ​ជាមួយ​នឹង​អតិថិជន​ដែល​ពិបាក ចៀសវាង​ពី​ចៅហ្វាយនាយ​មិនល្អ ចំណាយពេល​បានច្រើន​នៅជាមួយ​គ្រួសារ ចាកឆ្ងាយ​ពី​ភាពស្មុគស្មាញ​ប្រចាំ​ថ្ងៃ​ដែល​ត្រូវ​ប្រឈមមុខ​ជាមួយ​បុគ្គលិក​ និង​អាច​បន្ត​ស្វែងរក​ប្រាក់ចំណេញ​ផ្ទាល់​ខ្លួនបាន។ វា​ជា​ការចាកចេញ​ដ៏​ធំ​មួយ​ពី​ជានិយោជិក​ម្នាក់​មក​ជាការ​ធ្វើការ​ដោយ​ខ្លួន។ អ្នក​ត្រូវការ​សម្លឹង​ទៅមុខ​ទៅកាន់កត្តា​មួយចំនួន​នៅក្នុង​ជីវិត​របស់អ្នក​ដើម្បី​អាច​បង្កើត​បានជា​ការត្រៀម​ទុក​ដ៏​ប្រសើរ មុនពេល​អ្នក​សម្រេចចិត្ត​ចាកចេញ​ពី​ការងារ​របស់អ្នក​។ ចំពោះ​ករណី​ខ្លះទៀត​ដូចជា​គ្រោងការណ៍​ អ្នក​នឹង​មិនអាច​ត្រៀម​ទុក​មុន​បានទេ ប៉ុន្តែ​អ្នក​នៅតែ​ត្រូវការ​កត្តា​សំខាន់​មួយ​ចំនួន​ដើម្បី​ពិចារណា​។​ ការ​ស្វែងយល់​ពី​ទីផ្សារ​និង​​ផែនការណ៍​​អាជីវកម្ម​គឺជា​កត្តា​​សំខាន់​។ ការកំណត់​ពេលវេលា​ក៏ជា​រឿង​សំខាន់​ដែរ​។ អ្នក​នឹង​ត្រូវការ​គិតគូរ​ពី​ប្រភេទ​អាជីវកម្ម​ដែល​អ្នក​នឹង​ចាប់ផ្តើម លក្ខខណ្ឌ​សេដ្ឋកិច្ច​ថ្មីៗ ស្ថានភាព​ហិរញ្ញវត្ថុ និង​ទីផ្សារ​ដែល​មាន​សក្តានុពល​ចំពោះ​ផលិតផល​ឬ​សេវាកម្ម​របស់អ្នក​។ បើសិនជា​អ្នកគ្មាន​វិធីផ្សេង​ដើម្បី​ស្វែងរក​ជំនួយ​ពី​ហិរញ្ញវត្ថុទេ​ អ្នក​គួរតែ​ប្រមែប្រមូល​ប្រាក់សន្សំ​ដើម្បី​អាចទប់​ជាមូយ​នឹង​អាជីវកម្ម​ដែល​ទើបតែ​ចាប់ដំណើរការ​របស់អ្នក​។ អ្នកជំនាញ​ភាគច្រើន​ណែនាំ​ឲ្យ​ម្ចាស់អាជីវកម្ម​ត្រៀមប្រាក់បម្រុង​ទៅលើ​ការចំណាយ​ពី ៦ ខែ​ទៅ ១ ឆ្នាំ។ ចូរ​កុំភ្លេច​ថា​អ្នក​ត្រូវការ​បែងចែក​ប្រាក់ចំណេញ​ដែល​ទទួលបាន​មកពី​ការងារ​របស់អ្នក...

កិច្ចការទាំង៦យ៉ាងដែលសហគ្រិនគួរធ្វើមុនម៉ោង៧ព្រឹក

សហគ្រិន​គឺជា​មនុស្ស​ដែល​ចូលចិត្ត​ធ្វើអ្វី​តាមរបៀប​របស់គេ​ហើយ​តែងតែ​មាន​ទម្លាប់​គួរឲ្យ​ទាក់ទាញ​ព្រោះ​ទម្លាប់​អាចជួយ​គេឲ្យ​សម្រេច​គោលដៅ ផ្តល់​ការ​លើកទឹកចិត្ត មិនខ្ជះខ្ជាយពេល និង​ធ្វើឲ្យ​ជីវិត​កាន់តែ​ប្រសើរ។ ការ​ចាប់ផ្តើម​ថ្ងៃ​ថ្មី​នៅ​ពេលព្រឹក​គឺ​សំខាន់។ ដូចនេះ​ដើម្បី​ធ្វើឲ្យ​ប្រាកដថា​អ្នក​ចាប់ផ្តើម​ពេលព្រឹក​ត្រឹមត្រូវ នេះ​ជា​ទង្វើ​ទាំង​៦​យ៉ាង​ដែលសហគ្រិន​គួរ​ធ្វើមុន​ម៉ោង​៧​ព្រឹក៖ ការ​ក្រោកឡើង៖ ការ​ក្រោកឡើង​មុន​ម៉ោង​៧ព្រឹក​ធ្វើឲ្យ​អ្នក​មាន​ពេល​គ្រប់គ្រាន់​ក្នុងការ​ឆែក​មើល​ព័ត៌មាន ប្រមូល​គំនិត ​និង​ធ្វើ​លំហាត់​ប្រាណ​ជាដើម ជាពិសេស​វា​ធ្វើឲ្យ​អ្នក​មិន​ប្រញាប់​ប្រញាល់​ទៅធ្វើការពេក​។ ចៀសវាង​ការប្រើ​ទូរស័ព្ទ៖ ការប្រើ​ទូរស័ព្ទ​ពេលព្រឹក​អាច​បំផ្លាញ​អ្នក​ពេញ​មួយថ្ងៃ​ព្រោះ​អ្នក​អាច​នឹង​ទទួល​បាន​សារ​មិនល្អ​​​ឬ​អ៊ីមែល​ដែល​ធ្វើឲ្យ​អ្នក​ខឹង​ឬ​ខូច​អារម្មណ៍​។ វារារាំង​អ្នក​ពី​ការជ្រើស​អ្វី​ដែល​សំខាន់​សម្រាប់​បំពេញ​មុន​គេ​នៃ​ថ្ងៃ​របស់​អ្នក​។ ធ្វើ​​លំហាត់​ប្រាណ៖ ការ​ធ្វើ​លំហាត់​ប្រាណ​ធ្វើឲ្យខួរក្បាល​របស់​​អ្នក​ស្រស់ស្រាយ កាត់​បន្ថយ​េស្រ្តស និង​ជួយ​ប្រព័ន្ធ​ក្នុង​រាងកាយអ្នក​ ជាពិសេស​ធ្វើឲ្យ​អ្នក​ផ្តោត​ទៅលើ​អ្វី​ដែល​អ្នក​ចង់​សម្រេច​ក្នុង​ថ្ងៃនេះ។ ទទួលទាន​អាហារ​សុខភាព៖ អាហារ​ពេ​លព្រឹក​គឺ​សំខាន់ជាងគេ​​សម្រាប់​ជួយ​បំពេញ​សម្ថភាព​នៃ​ខួរក្បាល​និង​រាងកាយ​។​​ អ្នក​គួរ​ទទួលទាន​អាហារ​ដែល​ផ្ទុកវីតាមីន បន្លែ...

រឿង៣យ៉ាងដែលបានផ្លាស់ប្តូរខ្ញុំនៅពេលធ្វើជាសហគ្រិនម្នាក់

ទាំងនេះ​គឺជា​រឿងរ៉ាវ​៣​យ៉ាង​ក្នុង​ការធ្វើជា​សហគ្រិន​ម្នាក់​ដែលបាន​ផ្លាស់ប្តូរ​ខ្ញុំ​កំឡុងពេល​ដំណើរ​ការ​ក្រុមហ៊ុន​របស់ខ្ញុំ​ចាប់តាំងពី​មាន​មនុស្ស​២​នាក់​អង្គុយ​ធ្វើការ​នៅតុ​តែ​មួយ​រហូត​ដល់​មាន​សមាជិកក្រុម​៦០​និង​មាន​អតិថិជន​រាប់រយ​នាក់។ ១.ខ្ញុំ​ប្រុងប្រយ័ត្ន​ចំពោះ​មនុស្ស​ដែល​ខ្ញុំ​ទុកចិត្ត ក្នុងនាមជា​សហគ្រិន​ម្នាក់ យើង​តែង​មាន​ទស្សនៈ​សុទិដ្ឋិនិយម​ចំពោះ​ពិភពលោក។ ​ជាការពិត​តែងតែ​មាន​មនុស្ស​ដែល​ចាំតែ​ទាញ​យក​ផលប្រយោជន៍​ពី​ទំនុកចិត្ត​របស់យើង។ មនុស្ស​ទាំង​អស់​មិនមែន​សុទ្ធតែ​មាន​គំនិត​ល្អ​ចំពោះ​យើង​ឬ​អាជីវកម្ម​របស់យើង​ទេ ហើយ​ក៏​មិន​មែន​មាន​ន័យ​ថា​អ្នក​​មិន​អាច​ទុកចិត្ត​មនុស្ស​គ្រប់​គ្នា​ដែរ។ មិនថា​ជា​ដៃគូ​ពាណិជ្ជកម្ម និយោជិក អតិថិជន ឬ​អង្គភាព​ផ្សេង អ្នក​ត្រូវ​រក្សា​តុល្យភាព​​រវាង​​ទំនុកចិត្ត​​ជាមួយ​​នឹង​​ការយល់ពី​​ភាពងាយរងគ្រោះ​​របស់ខ្លួន​​ក្នុង​​លក្ខខណ្ឌ​​ថា​រឿង​នោះ​ប្រែជា​មិនដូច​អ្វី​ដែលបាន​គ្រោងទុក។ អ្នក​ត្រូវ​រក្សា​តុល្យភាព​​រវាង​​ទំនុកចិត្ត​​ជាមួយ​​នឹង​​ការយល់ពី​​ភាពងាយរងគ្រោះ​​របស់ខ្លួន​​ក្នុង​​លក្ខខណ្ឌ​​ថា​រឿង​នោះ​ប្រែជា​មិនដូច​អ្វី​ដែលបាន​គ្រោងទុក។ ២.ខ្ញុំ​លះបង់​ការចង់បាន​អ្វី​ដែល​ហួសប្រមាណ នៅពេលដែល​ទើប​តែ​បើក​អាជីវកម្ម​ដំបូង ខ្ញុំ​មិនអាច​ទ្រាំ​ជាមួយ​ការរង់ចាំ​ផ្លាស់ប្តូរ​ការិយាល័យ​ថ្មី ជួលបុគ្គលិក​ថ្មី ឬ​ទទួលបាន​អតិថិជន​បន្ទាប់​ទៀត​បានទេ។ ខ្ញុំ​ចង់បាន​ចំណូល​ កិត្តនាម​ តុ​ធ្វើការ​​បន្ថែម​ទៀត គ្រប់យ៉ាង​គឺ​ត្រូវការ​ថែម​ទាំងអស់។ វា​គឺជា​ការ​លោភលន់។ ប៉ុន្តែ​នៅពេល​ដែល​ក្រុមហ៊ុន​អ្នក​រីកចម្រើន អ្នកក៏​ត្រូវ​ថែរក្សា​ឥទ្ធិពល​និង​ទំនួលខុសត្រូវ​​របស់អ្នក​ដូចគ្នា។ ហេតុនេះហើយ​នៅពេលដែល​អ្នក​ចង់បាន​ជ្រុលពេក វា​ធ្វើឲ្យ​អ្នក​មិនមាន​ពេលសោះ​សូម្បីតែ​​ពេលវេលា​ឲ្យ​គ្រួសារ ញ៉ាំអាហារ​ថ្ងៃត្រង់ ឬ​ពេលគេង។...

គន្លឹះ​សំខាន់ៗ​ដែល​អ្នក​គួរ​ពិចារណា​មុន​ជ្រើសយក​នរណាម្នាក់​មក​ធ្វើ​ជា​ដៃគូ​ក្នុង​អាជីវកម្ម​របស់​អ្នក

ដៃគូ​ពាណិជ្ជកម្ម​គឺជា​អ្នកដែល​អាចធ្វើ​ធុរកិច្ច​រួមគ្នា​ជាមួយអ្នក​បានហើយគេក៏​មានចំណែកភាគហ៊ុន​ក្នុង​ក្រុមហ៊ុន​របស់​អ្នក។ ក្នុង​នាមជា​ម្ចាស់អាជីវកម្ម​ម្នាក់​ មុនពេលដែលអ្នកចង់យក​នរណា​ម្នាក់​មកធ្វើ​ជា​ដៃគូក្នុងមុខជំនួញរបស់អ្នក អ្នក​ត្រូវពិចារណាទៅលើ​ចំណុចទាំងអស់​នេះជាមុនសិន ៖ ១.តើអ្នកពិតជាដល់ពេលដែលត្រូវរកដៃគូពាណិជ្ជកម្មហើយមែនទេ? សំណួរ​នេះ​​ប្រហែលជា​អាច​បណ្តាលឲ្យ​អ្នកមាន​ការភ្ញាក់ផ្អើលបានព្រោះថាវាធ្វើ​ឲ្យ​អ្នករកនឹកមើលម្តង​ទៀត​ពី​ហេតុផលនៃការជ្រើស​រើសដៃគូ។ ប្រហែល​ជា​មាន​ហេតុផល​ជាច្រើន​ដែលនាំឲ្យអ្នកចង់បានដៃគូ​ពាណិជ្ជកម្ម​ដូចជា​ដើម្បីសម្រាលបន្ទុក​ទំនួលខុសត្រូវការងារ និង​បង្កើនដើមទុន​ជាដើម។ ប៉ុន្តែបើគ្រាន់តែ​ដើម្បីហេតុផលទាំងនោះ​អ្នកអាច​ជ្រើសរើសយកវិធីផ្សេងដូចជារកបុគ្គលិក​បន្ថែម និង​អាចខ្ចីលុយពីធនាគារក៏បាន។ ២.​តើគេមានលក្ខណៈសម្បត្តិគ្រប់គ្រាន់​មកធ្វើជា​ដៃគូរបស់​អ្នកហើយឬនៅ? អ្នក​ដែលនឹងធ្វើជាដៃគូពាណិជ្ជកម្ម​របស់អ្នកគួរតែ​ជាមនុស្ស​ម្នាក់ដែលមានសមត្ថភាពពេញលេញនិង​សក្តិសមជាមួយ​អាជីវកម្មដែលអ្នកកំពុងដំណើរការ។ បើអ្នក​ជ្រើសយកគេនោះគេគួរតែ​មានជំនាញនិងសមត្ថភាព​បំពេញគ្នា​ជាមួយនឹងអ្នកគួរកុំយកអ្នកដែលមានជំនាញតែមួយជាមួយអ្នក។ វា​ប្រៀបដូចជាការទិញ​សៀវភៅ​និងប៊ិច។ អ្នកមិនអាចទិញ​សៀវភៅ​និងសៀវភៅ​ទេព្រោះថាវាមិនមាន​ប្រយោជន៍​អ្វី​អាច​ឲ្យ​អ្នកសរសេរ​បានឡើយ។ ម្យ៉ាងទៀត​អ្នកត្រូវដឹងពីបញ្ហាហិរញ្ញវត្ថុ​របស់គេ​ថាតើគេមាន​ថវិកាគ្រប់គ្រាន់​និងមានមាន​ហានិភ័យណាមួយ​ពេលធ្វើពាណិជ្ជកម្មទេ។ មួយវិញទៀតពេលវេលា​របស់គេ​គឺ​គ្រប់គ្រាន់​សម្រាប់បំពេញការងារជាមួយអ្នកបាន​ដល់​កម្រិតណា? សំខាន់ជាងនេះទៅទៀត​អ្នកត្រូវតែដឹងថា​តើគេមាននូវការប្តេជ្ញាចិត្តចំពោះអាជីវកម្ម​របស់អ្នកនិង​ព្យយាមដោះស្រាយបញ្ហានៅក្នុង​ពេលដែលក្រុមហ៊ុនជួបប្រទះ​បញ្ហាលំបាកដែរឬទេ?យ៉ាងណាមិញ​អ្នកត្រូវដឹងពីប្រវត្តិ​និងអត្តសញ្ញាណជាពិសេស​គឺពាក្យសម្តីដែលគេនិយាយ​ថាវា​អាចទុកចិត្ត​បានកម្រិតណា។ ដៃគូពាណិជ្ជកម្ម​របស់អ្នកគួរតែ​ជាមនុស្ស​ម្នាក់ដែលមានសមត្ថភាពពេញលេញនិង​សក្តិសមជាមួយ​អាជីវកម្មដែលអ្នកកំពុងដំណើរការ ៣. លម្អិតពីកិច្ចព្រមព្រៀង​ជាដៃគូពាណិជ្ជកម្ម អ្នកត្រូវ​ទទួល​ស្គាល់ថា​នៅពេលដែល​ធ្វើជាដៃគូ​ពាណិជ្ជកម្មជាមួយគ្នា អ្នកត្រូវ​មានកិច្ចព្រមព្រៀងជាដៃគូ​ពាណិជ្ជកម្មដ៏សាំញ៉ាំមួយ។ អ្នកត្រូវពិចារណាទៅលើចំណុចតូចៗជាច្រើន​ដើម្បី​ការពារ​ហានិភ័យដូចជា​៖ អ្នកណាជាម្ចាស់ទ្រព្យ ការបែងចែក​ភាគហ៊ុន ការទូទាត់ប្រាក់ចំណេញ តួនាទី​របស់គេនៅក្នុង​ក្រុមហ៊ុន ការដោះស្រាយបញ្ហានិង​ការសម្រេចចិត្ត បញ្ហាប្រឈម​នៅពេលដែលគេ​មិនទទួលបន្ទុក​ការងារ​បានល្អជាដើម។ ស្ថិតនៅក្នុងកាលទេសៈណាក៏ដោយ​អ្នកមិនត្រូវឲ្យគេមានភាគហ៊ុនលើសពី​៤៩ភាគរយនៃអាជីវកម្មរបស់អ្នកឡើយ។