ទិន្នន័យទីផ្សារមនុស្សចាស់កំពុងរីកចម្រើនដែលម្ចាស់អាជីវកម្មមិនគួរមើលរំលង

ទីផ្សារសម្រាប់ប្រជាជនវ័យចំណាស់​ (សក់ស) ឬមនុស្សដែលមានអាយុ ៥០ ឆ្នាំឡើងដែលជាក្រុមមនុស្សដែលឈានចូលវ័យចូលនិវត្តន៍ត្រូវបានគេមើលឃើញថាជាទីផ្សារដែលនឹងបន្តរីកការចម្រើន។ និន្នាការនេះគឺមានភាពសមស្របគ្នានៅទូទាំងពិភពលោក ច្នេះហើយអ្នកណាដែលបើកអាជីវកម្ម ឬម៉ាកយីហោក្នុងគ្រប់វិស័យឧស្សាហកម្មទាំងអស់ត្រូវតែត្រៀមខ្លួនសម្រាប់អតិថិជនវ័យចំណាស់ ​(សក់ស) មួយក្រុមនេះ ដែលក្រៅពីមានកំណើនកើនឡើងឥតឈប់ឈរ ហើយក៏មាន “អំណាចនៃការទិញ” ដ៏ច្រើនសម្បើមផងដែរ។ ទោះជាយ៉ាងណាក៏ដោយដើម្បីធ្វើការទាក់ទងជាមួយមនុស្សមួយក្រុមនេះឲ្យជោគជ័យគេចាំបាច់ត្រូវយល់ច្បាស់ពីអាកប្បកិរិយារបស់មនុស្សក្រុមនេះ​​ ពួកគេគឺជាក្រុមមនុស្សដែលនៅតែមានសកម្មភាពសកម្មដូចវ័យផ្សេងទៀតផងដែរ។

តោះ! មកយល់ដឹង និងដំបូន្មានខ្លះៗស្តីពីការធ្វើទីផ្សារទៅកាន់ក្រុមវ័យមនុស្សចំណាស់ដូចខាងក្រោម៖

ហេតុផល 5 ដែលអាជីវកម្មគួរធ្វើទីផ្សារជាមួយក្រុមវ័យចំណាស់

1.  “កំណើនខ្ពស់” ពេលបច្ចុប្បន្នមានអត្រានៃភាពចាស់លឿនបំផុតនៅក្នុងពិភពលោក​​ គឺជាផ្នែកថ្មីមួយដែលមិនទាន់មានអ្នកណាបានឃើញនៅឡើយទេ។
2. ក្រុមវ័យចំណាស់ក៏ជាក្រុមដែលមានលុយហ៊ានចំណាយច្រើន។
3. ក្រុមវ័យចំណាស់ គឺជាក្រុមមនុស្សដែលមាន “ពេលវេលាច្រើន”។ ការប្រាស្រ័យទាក់ទងរបស់ពួកគេមិនចាំបាច់ប្រកួតប្រជែងអ្វីច្រើនដូចវ័យដទៃទៀតទេ។​ ពួកគេគឺជាក្រុមមនុស្សដែលផ្តោតទៅលើការមើលនិងការស្តាប់ច្រើនដើម្បីទទួលបានព័ត៌មានសំខាន់ៗនិងជាក់លាក់។ តួយ៉ាងនៅម៉ោង៦ព្រឹកគឺជាពេលវេលាល្អដែលមនុស្សមួយក្រុមនេះមកទទួលព័ត៌មានដែលអាចប្រើប្រាស់ក្នុងការធ្វើទំនាក់ទំនង និងបង្កើតការចូលរួមបានច្រើន។ល។
4. “ភាពស្មោះត្រង់ខ្ពស់” ប្រសិនបើទីផ្សារមានភាពត្រឹមត្រូវ មានការយកចិត្តទុកដាក់ខ្ពស់​លើប្រជាជនក្រុមវ័យចំណាស់នេះនោះពួកគេនឹងមានភាពស្មោះត្រង់ចំពោះយើងខ្ពស់នឹងមិនងាយផ្លាស់ប្តូរគំនិតរបស់ពួកគេដោយងាយនោះទេក្នុងការប្តូរប្រេនថ្មី។ 
5. “តម្រូវការខ្ពស់ ការផ្គត់ផ្គង់មានកម្រិតទាប” ដែលអាចមើលឃើញពីតែ 10% នៃថវិកាទីផ្សារទៅកាន់ក្រុមនេះ ខណៈដែលការស្ទង់មតិរបស់ Nielsenក៏បានរកឃើញថាតិចជាង 1%​​ នៃផលិតផលនិងសេវាកម្មនៅលើពិភពលោកត្រូវបានបង្កើតឡើងជាពិសេសសម្រាប់ប្រជាជនក្រុមវ័យចំណាស់​, ទោះបីជាក្រុមនេះកំពុងតែមានកំណើនក៏ដោយ។ រ​ហូតដល់20%នៅថ្ងៃនេះ នេះគឺជាឱកាសដែលនៅតែបើកចំហសម្រាប់អាជីវកម្ម។
6. “តម្រូវការខ្ពស់ ការផ្គត់ផ្គង់មានកម្រិតទាប”  យើងសង្កេតឃើញថាអាជីវកម្មមួយចំនួនមិនសូវមើលឃើញពីទីផ្សារមនុស្សចាស់​ទើបធ្វើឲ្យមានការផ្គត់ផ្គងមានតិច ហើយនេះជាឱកាសសម្រាប់អាជីវកម្មចាប់យក។

អាកប្បកិរិយាពិសេស 4 របស់មនុស្សវ័យចំណាស់

អាកប្បកិរិយាមួយក្នុងចំណោមអាកប្បកិរិយាដែលក្រុមវ័យចំណាស់មានដូចគ្នា ដោយមិនគិតពីអាយុគឺមាន​ ៤ចំណុចខាងក្រោម៖

1. គ្មានការប៉ះដោយផ្ទាល់-បន្ទាប់ពីវិបត្តិ COVID-19 មនុស្សមួយក្រុមនេះនៅតែមានការភ័យខ្លាចចំពោះការប៉ះរបស់របរដូចអំឡុងពេលកូវីដ-១៩ដដែល។ បន្ទាប់ពីវិបត្តិនេះត្រូវបានបញ្ចប់ទោះបីជាក្រុមវ័យផ្សេងទៀតនឹងត្រឡប់ទៅរកជីវិតធម្មតាវិញក៏ដោយក៏ក្រុមវ័យចំណាស់នេះនឹងមិនផ្លាស់ប្តូររឺកែប្រែទេព្រោះពួកគេផ្តោតសំខាន់ទៅលើបញ្ហាសុខភាពច្រើនជាង។ កាលពីមុនពួកគេមានការប៉ះពាល់របស់របរច្រើនប៉ុន្តែឥឡូវនេះពួកគេមិនមានការប៉ះពាល់ផ្តេសផ្តាសទៀតទេ។ ហើយការទិញទំនិញអនឡាញដូចជាការផ្សព្វផ្សាយតាមអុីនធឺណែតលឿនរហ័សអាចឈានទៅដល់ក្រុមមនុស្សនេះបានយ៉ាងល្អហើយប្រសិនបើអ្នកជ្រើសរើសពួកគេនោះអ្នកនឹងទទួលបានការទាក់ទាញពីក្រុមនេះយ៉ាងឆាប់រហ័ស។
2. គ្មានការផ្លាស់ប្តូរទីលំនៅ៖ ប្រជាជនក្រុមវ័យចំណាស់នឹងស្នាក់នៅផ្ទះជាប្រចាំមិនងាយចេញក្រៅឡើយ។ ហើយកាលដែលនៅផ្ទះកាន់តែច្រើន ដូច្នេះហើយដែលធ្វើឲ្យសេវាកម្មមួយចំនួនដូចជា Tele Medicine ទំនងជាអាចជាទាក់ទាញចិត្តរបស់ក្រុមនេះបាន​ រួមទាំងមានពាណិជ្ជកម្មផងដែរ។
3. គ្មានការប្រើប្រាស់រួម៖ ប្រជាជនក្រុមវ័យចំណាស់នឹងមិនប្រើប្រាស់សេវាកម្មដែលត្រូវបានចែករំលែកជាមួយមនុស្សផ្សេងទៀតឡើយ។ ជាឧទាហរណ៍​ airbnb ដែលមនុស្សក្រុមវ័យចំណាស់លែងប្រើហើយ។ ប៉ុន្តែ​អ្នក​នឹង​ជ្រើសរើស​ទៅ​សណ្ឋាគារ​ដែល​មាន​សេវា​សម្អាត ហើយ​មិន​ធ្លាប់​ប្រើ​ពីមុន​មក​។
4. ត្រូវតែល្អ៖ ​អ្វីដែល​មិន​ល្អ​នឹង​មិន​ត្រូវ​ជ្រើស​រើសឡើយ​ព្រោះ​ពួកគេខ្លាចជួប​ហានិភ័យ។ ទោះជាយ៉ាងណាក៏ដោយ ប្រសិនបើសេវាកម្មល្អ ឬផលិតផលមានតម្លៃល្អនោះមនុស្សមួយក្រុមនេះត្រៀមខ្លួនរួចជាស្រេចក្នុងការទិញនិងចំណាយហើយក៏នឹងជួយផ្សព្វផ្សាយឱ្យទូលំទូលាយនិងមានភាពស្មោះត្រង់ខ្ពស់ផងដែរ។

តោះស្វែងយល់ពីក្រុមវ័យចំណាស់, តើផ្នែកមួយណាជាអតិថិជនគោលដៅ?

ការធ្វើទីផ្សារដើម្បីឈានទៅដល់ប្រជាជនក្រុមវ័យចំណាស់ត្រូវតែធ្វើឲ្យបានត្រឹមត្រូវ។ ដូច្នេះហើយយើងត្រូវពិចារណាថា តើក្រុមមនុស្សមួយណាដែលផលិតផលនិងសេវាកម្មរបស់យើងអាចបំពេញតម្រូវការពួកគេបាន។ ការ​បែង​ចែក​​ត្រូវ​បាន​បែង​ចែក​តាមអាយុបែង​ចែក​តាម​របៀប​រស់​នៅ ឬ​ស្ថានភាព​រាង​កាយ​ដែលអាច​ធ្វើ​បាន។

ឧទាហរណ៍៖ ការបែងចែកតាមក្រុមអាយុព្រោះអាយុខុសគ្នា គឺមានតម្រូវការខុសគ្នាឥរិយាបថ និងអាកប្បកិរិយាក៏ខុសគ្នាដែរ។

ឧទាហរណ៍៖ អាយុត្រៀមចូលនិវត្តន៍​ចន្លោះពី 50-59 ឆ្នាំ។ អាយុ 60-69 ឆ្នាំ គឺជាអាយុដែលរាងកាយចុះថយត្រូវការការបំប៉ន។ រួមទាំងអាយុចាប់ពី 70+ គឺជាអាយុដែលត្រូវការ ការថែទាំ។ លើស​ពី​នេះគេអាច​បែង​ចែក​ទៅ​តាម​របៀប​រស់​នៅ​ដូច​ជា៖

• អាយុទាន់សម័យ-នៅតែស្លៀកពាក់ស្អាតបាតនិងទាន់សម័យ។ ចាប់អារម្មណ៍ទៅលើសម្លៀកបំពាក់ សម្រស់ ការហាត់ប្រាណ និងការថែរក្សាខ្លួនឯង។
• វ័យមានសេរីភាព-មានពេលផ្ទាល់ខ្លួនចូលចិត្តធ្វើសកម្មភាពផ្សេងៗ និងចូលចិត្តការដើរកំសាន្ត។
• ផ្តោតសំខាន់ទៅលើសុខភាព- សុខភាពត្រូវតែសំខាន់មុនគេជានិច្ច។ ត្រូវត្រៀម​មើល​ថែ​ខ្លួន​ឯង​ដោយ​មិន​ចាំ​បាច់​ចាំ​គ្រូ​ពេទ្យ​ប្រាប់។
• វ័យសម្បូរ​ទ្រព្យ – បើ​ពួកគេ​ពូកែ​ខាងរក​លុយ ពូកែសន្សំលុយ​ ធ្វើការបានច្រើននោះពួកគេនឹងត្រៀមចំណាយលុយជាស្រេចដើម្បីបំពេញសុភមង្គលរបស់ខ្លួន​ហើយតម្លែចំណាយមិន​មែន​ជា​បញ្ហា​ទេប៉ុន្តែវាបានបំពេញសេចក្តីសុខរបស់ពួកគេ។
• វ័យពិបាកយល់-នេះគឺជាក្រុមស្ងៀមស្ងាត់ដែលតែងចូលទៅក្នុងអ៊ីនធឺណិតដើម្បីអានព័ត៌មានផ្សេងៗ ប៉ុន្តែមិនបង្ហោះ ឬផុស អ្វីៗដូចយុវវ័យទេ។ល។

 ឬអ្នកអាចបែងចែកវាទៅតាមស្ថានភាពរាងកាយរបស់គេ

ឧទាហរណ៍៖

• ឈ្លក់វង្វេងនឹងសង្គម (ចាស់តែដូចក្មេង) – អាយុដែលកំពុងតែសកម្មហើយចូលចិត្តដើរលេង និងចូលរួមនៅក្នុងសង្គមជាមួយមិត្តភក្តិ។ ការ​ចូល​រួម​ក្នុងសង្គមនេះគឺ​មិន​បានធ្វើឲ្យ​ជួប​ប្រទះនូវបញ្ហា​សុខភាព​ច្រើន​ទេ។
• នៅតែក្នុងផ្ទះ (វ័យចាស់) -​ ជាអាយុដែលអ្នកចាប់ផ្តើមមិនទៅណាទេព្រោះវាគ្មានភាពងាយស្រួលឡើយ។​ ពួកគេនឹងមានបញ្ហាសុខភាពខ្លះមែនទេ? ត្រូវហើយពួកគេចូលចិត្តតែរស់នៅក្នុងផ្ទះហើយនិងធ្វើកិច្ចការផ្ទះជាដើម។
• គេងនៅតែលើគ្រែ (ចាស់យឺត) – មានបញ្ហាសុខភាពហើយត្រូវចាប់ផ្តើមដេកលើគ្រែរហូត ការធ្វើចលនាចាប់ផ្តើមពិបាក។

ទម្រង់សកម្មភាពដែលភ្ជាប់ទៅក្រុមវ័យចំណាស់

ការប្រាស្រ័យទាក់ទងជាមួយក្រុមវ័យចំណាស់ត្រូវតែភ្ជាប់ទៅនឹងរបៀបរបបរស់នៅ និងគំនិតរបស់ក្រុមនេះ។ ការគិតពីបញ្ហានៃ “សុខភាព” ដែលមិនត្រឹមតែជាការព្យាបាលនោះទេ​ ប៉ុន្តែគិតពីការ​បង្ការ​បន្ថែមទៀតដែល​បច្ចុប្បន្ន​មន្ទីរពេទ្យ​ជាច្រើន​បាន​ចូលរួម​ជាមួយ​ក្រុម​នេះ​កាន់តែច្រើន​ឡើងៗ​។ ពួកគេ​នឹង​ទៅ​មន្ទីរពេទ្យបើ​ទោះបីជាមិនមានជំងឺ ប៉ុន្តែគេទៅដើម្បីទទួលបាន​ការបង្ការ ការពារ​ជំងឺ​ផ្សេងៗ​ជំនួស​វិញ។

ទាក់ទងនឹង “ការធ្វើដំណើរកំសាន្ត” មនុស្សក្រុមនេះនឹងចំណាយប្រាក់យ៉ាងច្រើនក្នុងការធ្វើដំណើរ។​ ជាពិសេសបន្ទាប់ពី​ Covid សេវាកម្មទេសចរណ៍ពេញនិយមបំផុតគឺការធ្វើដំណើរបែបប្រពៃណី។

“ការ​ធ្វើ​លំហាត់​ប្រាណ” មនុស្ស​ក្នុង​វ័យ​នេះ​ធ្វើ​លំហាត់​ប្រាណ​ច្រើន​ជាង​មនុស្ស​វ័យ​ក្មេងទៅទៀត។ រួមទាំងជាអាយុដែល “ធ្វើតាមនិន្នាការ” និងមានFOMO ឬមិនចង់ហួសសម័យ។ ក្រុមវ័យនេះចូលចិត្តតាមដានព័ត៌មាននិងបច្ចេកវិទ្យាផ្សេងៗការប្រាស្រ័យទាក់ទងត្រូវតែធ្វើឲ្យអ្នកមើលទៅក្មេង ហើយមិនចាស់។ល។

បំពេញតាមតម្រូវការរបស់ក្រុមវ័យមនុស្សចាស់ទៅតាមក្រុម

ក្រុមវ័យមនុស្សចាស់នេះក៏មានចំណាប់អារម្មណ៍ខុសគ្នាដែរ។ អ្នកទីផ្សារ ឬម៉ាកប្រេនអាចមើលឃើញពីចំណុចនេះ និងធ្វើទំនាក់ទំនងដើម្បីបំពេញតម្រូវការទាំងនេះ ដូចជា៖

• ទំនាក់ទំនងប្តីប្រពន្ធ – អ្នកដែលមានគូស្វាមីភរិយារឹងមាំរស់នៅជាមួយគ្នានៅក្នុង ក្រុមវ័យចំណាស់។
• ការភ័យខ្លាចនៃការចាកចេញ – ការភ័យខ្លាចនៃការចាកចេញធ្វើឲ្យមានភាពឯកោដោយសារតែកូនៗនិងចៅៗត្រូវទៅធ្វើការ។ ដូចនេះហើយគេបានរៀបចំបង្កើតសហគមន៍ដែលអាចត្រូវបានប្រើដើម្បីទាក់ទងទៅក្រុមមនុស្សនេះ។
• ទំនាក់ទំនងគ្រួសារ – បង្កើតទំនាក់ទំនងរវាងមនុស្សដែលមានអាយុខុសគ្នា។ ចំពោះសមាជិកគ្រួសារអ្នកទីផ្សារអាចទាក់ទងជាមួយកុមារជាមុនសិនរួចបន្តធ្វើការទាក់ទងជាមួយក្រុមវ័យនេះ។
• សត្វចិញ្ចឹម – សត្វចិញ្ចឹមនឹងក្លាយជាទីផ្សារមួយផ្សេងទៀតដែលអ្នកទីផ្សារអាចប្រើដើម្បីឆ្លើយតបនឹងតម្រូវការរបស់ក្រុមវ័យចំណាស់នេះបាន, គឺបន្ទាប់ពីកូនចៅរបស់ពួកគាត់ទៅបាត់គាត់មានសត្វជាទីស្រឡាញ់មួយសម្រាប់ចិញ្ចឺម។

ទីផ្សារសហគមន៍, ដែលជាឧបករណ៍ដ៏ល្អមួយដើម្បីឈានដល់ក្រុមវ័យចំណាស់

តាមលទ្ធផលនៃការស្ទង់មតិគេបានរកឃើញថាក្រុមវ័យចំណាស់នេះ គឺមានទាំងនៅក្រៅបណ្តាញ និងតាមអនឡាញក្នុងពិភពលោក។ ជាការពិតណាស់នៅក្នុងពិភពក្រៅបណ្តាញ​​​​របស់មនុស្សមួយក្រុមនេះគឺនៅតែ “មើលទូរទស្សន៍” ច្រើនបើធៀបទៅនឹងមនុស្សក្រុមវ័យផ្សេងទៀត។ ប៉ុន្តែ​ពិភព​អនឡាញ​របស់ពួកគេ​នៅ​តែ​សកម្ម​ខ្លាំង​ដដែល។ ពួក​គេ​ភាគ​ច្រើន​គឺ​នៅ​ក្នុង​ពិភព​ Facebook និង YouTube។

ទោះជាយ៉ាងណាក៏ដោយដើម្បីឈានទៅដល់ក្រុមវ័យចំណាស់នេះ គឺគេត្រូវការកសាងទំនាក់ទំនងល្អជាមួយសហគមន៍។ ការកសាងសហគមន៍នេះត្រូវតែផ្តោតលើការប្រាស្រ័យទាក់ទង។ វាមិនមែននិយាយអំពីការបង្កើតបណ្តាញលក់ដូរនោះទេ។ ការកសាងទំនាក់ទំនងនេះនឹងជួយកសាងទំនុកចិត្តរបស់អតិថិជនបន្ទាប់ពីនោះអ្នកអាចធ្វើការផ្សព្វផ្សាយបានដើម្បីបង្កើតការរីកចម្រើនបន្ថែមទៀតសម្រាប់ម៉ាកប្រេន។

លើសពីនេះក្រុមវ័យចំណាស់នេះនឹងមានការចូលរួមកាន់តែច្រើននៅក្នុងបណ្តាញសហគមន៍អនឡាញដោយសារតែពួកគេមានពេលវេលាច្រើនហើយមិនចាំបាច់ធ្វើដំណើរច្រើនដូចក្រុមវ័យផ្សេងទៀតនោះទេ។ ដូច្នេះហើយការបង្កើតសហគមន៍អនឡាញ គឺជាមធ្យោបាយមួយផ្សេងទៀតដែលជួយបង្កើនការចូលរួម។ “​ទំនាក់ទំនងពីរផ្លូវទាំងក្នុងនិងក្រៅបណ្ដាញ” គឺអាចធ្វើទៅបាន ជាពិសេសសម្រាប់ក្រុមវ័យចំណាស់ ។

ទំនាក់ទំនងជាមួយមាតិកាដែលមនុស្សក្រុមវ័យចំណាស់ចូលចិត្ត

ខ្លឹមសារដែលត្រូវបានបង្ហាញ និងអាចចូលប្រើបានសម្រាប់ក្រុមវ័យចំណាស់, ការស្ទង់មតិបានរកឃើញថាមនុស្សរហូតដល់​​ 61% នៅក្នុងក្រុមនេះនឹងប្រើប្រាស់ខ្លឹមសារមានប្រយោជន៍ដូចជា ព័ត៌មានអត្ថបទដែលផ្តល់ចំណេះដឹងផ្នែកសិក្សា។ ជាពិសេសគឺសុខភាព និងការថែរក្សាសុខភាពខ្លួនឯង។

លើសពីនេះទៀត 2​2% នៃការប្រើប្រាស់មាតិកាកម្សាន្ត ដូចជាកម្មវិធីទូរទស្សន៍រឿងភាគ និងការស្តាប់តន្ត្រី។ ៩% នៃការអាន​ព័ត៌មាន​ទាន់ហេតុការណ៍ដូច​ជា​​​គ្រោះ​ធម្មជាតិ និង​គ្រោះ​ទឹក​ជំនន់ហើយ ​​​៤%​​​​​ ទៀត​ជា​រឿង​ដែល​និយាយ​អំពី​ការ​បំផុស​គំនិត​ក្នុង​ជីវិត​ដូច​ជា​សៀវភៅសកម្មភាព​ដែល​មនុស្ស​សម័យ​នេះ​មាន​ចំណង់​ចំណូល​ចិត្ត​ជាដើម។​

ខ្លឹមសារ​ដែលនឹងធ្វើឲ្យ​ប៉ះ​ពាល់ដល់អារម្មណ៍​មាន​អក្សរ ” SILVER” នៅក្នុងនោះ។

• s – Short៖ មាតិកាត្រូវតែខ្លី មិនវែងពេក។ ពួកគេចូលចិត្តការបង្ហោះតែមួយប្រសិនបើអ្នកបង្កើត Infographic បញ្ចូលគ្នាក្នុងរូបភាពតែមួយនឹងល្អ។
• I–Inspire​​៖ បំផុសគំនិតត្រូវតែផ្តល់ការបំផុសគំនិតដូចជារឿងដែលអ្នកចង់ធ្វើចង់ចេញទៅក្រៅ ឬធ្វើសកម្មភាពផ្សេងៗ។
• L –Less and Large៖ តូចនិងធំ។ ខ្លឹមសារដែលសរសេរគឺត្រូវខ្លីតែខ្លឹម​ ងាយយល់ និងសង្ខេបហើយអក្សរក៏ត្រូវតែធំល្មមដែរដើម្បីឲ្យក្រុមអាយុវ័យចំណាស់ទាំងនោះស្រួលមើល ដោយសារពួកគេមានបញ្ហាភ្នែក។
• V–Value៖ តម្លៃខ្លឹមសារត្រូវតែផ្តល់នូវគុណតម្លៃមិនមែនគ្រាន់តែជាព័ត៌មានប៉ុណ្ណោះទេ។
• E-Entertaining៖ ការកម្សាន្តត្រូវតែមើលឃើញថាជាការកម្សាន្តនិងមិនមានភាពតានតឹងពេក។ធ្វើតាមបែបវិទ្យាសាស្ត្រហើយបង្ហាញវានៅក្នុងរូបភាពដែលងាយយល់ឬបង្កើតទម្រង់ផ្សេងៗនៃការអប់រំដែលម៉ាកយីហោអាចភ្ជាប់ជាមួយបាន។
• R–Relevant៖​ ជាការពិតណាស់ខ្លឹមសារទាំងអស់ត្រូវតែពាក់ព័ន្ធហើយពិតជាអាចទាក់ទងទៅនឹងគំនិតនិងអាកប្បកិរិយារបស់មនុស្សវ័យចំណាស់បាន។

សេវាកម្មនឹងជួយធ្វើឱ្យម៉ាករបស់អ្នកលេចធ្លោ

ដោយសារតែប្រជាជនក្រុមវ័យចំណាស់ចូលចិត្តគុណតម្លៃនៃប្រាក់ និងភាពងាយស្រួល ម៉ាកយីហោជាច្រើនក៏ចាប់ផ្តើមផ្តល់សេវាកម្មពិសេសសម្រាប់អតិថិជនក្រុមនេះផងដែរ។​ ហើយរឿងតូចមួយនេះនឹងជួយបង្កើតការទុកចិត្តរយៈពេលវែងសម្រាប់អតិថិជនក្រុមវ័យចំណាស់នេះផងដែរ។

ឧទាហរណ៍៖ ក្រុមហ៊ុនអាកាសចរណ៍មួយចំនួនបញ្ចុះតម្លៃភ្លាមៗសម្រាប់អតិថិជនដែលមានអាយុ (60+) 20% និងមានកន្លែងអង្គុយសម្រាប់អង្គុយរង់ចាំ។ អ្នកអាចដាក់កាបូបរបស់អ្នកដោយឥតគិតថ្លៃទៀតផង ឬវាអាចជាសេវាយកទៅទុកឲ្យដែលបង្កើនភាពងាយស្រួលសម្រាប់អតិថិជនវ័យចំណាស់ហើយនឹងបង្កើនចំណាប់អារម្មណ៍កាន់តែខ្លាំងទៀតផង។ នេះ គឺជាការយល់ដឹងនិងគោលការណ៍ណែនាំមួយចំនួនសម្រាប់ទីផ្សាររបស់ក្រុមវ័យចំណាស់ដែលត្រូវបានពិភាក្សាដែលម៉ាកយីហោអាចប្រើប្រាស់បាន។ ឬប្រសិនបើម៉ាកណាមួយនឹងពង្រីកបន្ទាត់ទីផ្សារផលិតផលរបស់ខ្លួនទៅកាន់អតិថិជនកាន់តែច្រើនក្នុងក្រុមនេះ វានឹងកាន់តែងាយស្រួលក្នុងការសម្រេចចិត្ត ព្រោះថាក្រុម វ័យចំណាស់នេះគឺជាទីផ្សារធំហើយនឹងកើនឡើងច្រើន។