StartUp រឿងភាគកូរ៉េដែលអ្នកចង់ផ្តើមអាជីវកម្មគួរមើល

-

គ្រាន់តែផ្លាស់ប្តូរបន្តិច ១ថ្ងៃកើនការបរិច្ចាកជិត២០ម៉ឺនដុល្លារជាមួយនឹងយុទ្ធនាការរត់ជាមួយសាយជួយកុមារកម្ពុជា

“ ខ្មែរជួយខ្មែរ ស្មារតីស្រឡាញ់ជាតិ” គឺជាឃ្លាប្រយោគដែលបង្កប់ទៅដោយអត្ថន័យយ៉ាងស៊ីជម្រៅសម្រាប់ប្រជាជនខ្មែរគ្រប់ៗរូប ។ យ៉ាងណាមិញដោយសារតែឃ្លាប្រយោគមួយនេះហើយដែលជាកត្តាជម្រុញចិត្តឲ្យសិល្បៈករវ័យក្មេងម្នាក់គឺលោកសាយដែលបានលះបង់ពេលវេលា ថវិកា កម្លាំងកាយនិងកម្លាំងចិត្តនៅក្នុងការផ្តួចផ្តើមធ្វើនូវកម្មវិធីសម្បុរសធម៌ #រត់ដើម្បីសប្បុរសធម៌ជាមួយសាយ #SaiRunCharityKH ក្នុងរយៈពេល ៩៩ ថ្ងៃដើម្បីប្រមែប្រមូលថវិកាមូលនិធិក្នុងការបរិច្ចាគទៅកាន់មន្ទីរពេទ្យកុមារអង្គរដែលកំពុងតែត្រូវការជំនួយក្នុងការជួយសង្គ្រោះជិវិតកុមារកម្ពុជាជាច្រើននាក់ ។ ចាប់តាំងពីថ្ងៃទី ៦ ខែ តុលា មករហូតមកដល់ពេលនេះរូបលោកនិងក្រុមការងារក៏ដូចជាអ្នកស្ម័គ្រចិត្តមួយចំនួនធំបាននូវកំពុងតែបន្តដំណើរដ៏វែងឆ្ងាយរបស់ពួកគេនៅក្នុងកម្មវិធីមួយនេះ ។

គួរបញ្ជាក់ផងដែរថាគិតចាប់តាំងពីថ្ងៃទី ៦ ខែ តុលា រហូតមកដល់ថ្ងៃអង្គារ ដែលត្រូវនឹងថ្ងៃទី ១០ ខែវិច្ឆិកា ២០២០មូលនិធិនៃថវិកាដែលបានបរិច្ចាគគឺទទួលបានត្រឹមតែ ២០ % នៃថវិកាសរុប(២៥មុឺនដុល្លារ)ដែលបានគ្រោងទុកតែប៉ុណ្ណោះដែលអាចចាត់ទុកថាជាចំនួនមួយដ៏តិច ។ ដូច្នេះហើយនា ថ្ងៃ១១ ខែ វិច្ឆិកា ឆ្នាំ ២០២០ លោកសាយក៏បានបង្ហោះសារមួយនៅលើគណនីរបស់

លោកដែលខ្លឹមសារដូចខាងក្រោម:

ជាលទ្ធផលត្រឹមតែរយៈពេល ២៤ ម៉ោងតែប៉ុណ្ណោះ ទឹកប្រាក់បរិច្ចាគស្រាប់តែមានការកើនឡើងយ៉ាងឆាប់រហ័សដោយនឹកស្មានមិនដល់គឺរហូតទៅដល់ ៧៥១ លានរៀលដែលស្មើនឹងចំនួនទឹកប្រាក់ចំនួន ១៨៣ ០០០ ដុល្លារ ។ ដែលចំនួនដ៏សន្ធឹកសន្ធាប់នេះទទួលបានមកពីការបរិច្ចាគរបស់ប្រជាជនខ្មែរតាមរយៈការលេងហ្គេម #onedollarchallengeforcambodianchildren #១ដុល្លារសម្រាប់កុមារកម្ពុជា ដែលនៅលើ បណ្តាញសង្គម Facebookនេះឯង ។

ជាក់ស្តែងដោយសារទឹកចិត្តនិងស្មារតីលះបង់ដើម្បីកុមារកម្ពុជាមានអ្នកប្រើប្រាស់បណ្តាញសង្គមជាច្រើនបានចាប់អារម្មណ៍នឹងការលេងហ្គេមមួយនេះហើយបានធ្វើការបរិច្ចាគនៅថវិកាផ្ទាល់ខ្លួនរបស់ពួកគេចូលក្នុងមូលនិធិមួយនេះក៏ដូចជាចែករំលែកទៅកាន់មិត្តភកត្តិដទៃទៀតនៅក្នុង បណ្តាញសង្គមFacebook ថែមផងដែរ ។

និយាយនៅក្នុងបរិបទនៃការធ្វើទីផ្សារមូលហេតុដែលធ្វើឲ្យយុទ្ធនាការនេះទទួលបាននូវភាពជោគជ័យគឺ

១.ការជ្រើសរើសនូវច្រកផ្សព្វផ្សាយឲ្យបានត្រឹមត្រូវគឺជារឿងដែលសំខាន់

ដូចដែលអ្នកបានដឹងស្រាប់ហើយថាបណ្តាញសង្គមពិតជាមានឥទ្ធិពលខ្លាំងណាស់ទៅលើឥរិយាបថនិងផ្នត់គំនិតរបស់មនុស្ស ។ ម្យ៉ាងវិញទៀតវាគឺជាច្រកផ្សព្វផ្សាយមួយដ៏មានសក្តានុពលដែលអាចបញ្ជូននូវព័ត៌មាននានាបានយ៉ាងរហ័សនិងទូលំទូលាយថែមទៀតផង។ ក៏ដោយសារតែ Facebook នេះដែរទើបយុទ្ធនាការខាងលើនេះទទួលបានជោគជ័យដែលព័ត៌មានត្រូវបានចែកចាយតៗគ្នាពីមនុស្សម្នាក់ទៅមនុស្សម្នាក់ទៀតដែលត្រឹមតែរយៈពេល ១ ថ្ងៃសោះអ្នកប្រើប្រាស់ Facebook រហូតដាល់រាប់ពាន់ រាប់សែននាក់បានដឹងហើយចូលរួមបរិច្ចាគដែរ ។ នេះសបញ្ជាក់ឲ្យឃើញថាបណ្តាញសង្គមមិនមែនត្រឹមតែវេទិកាសម្រាប់តែភ្ជាប់ទំនាក់ទំនងផ្ទាល់ខ្លួនប៉ុណ្ណោះ ។ ផ្ទុយទៅវិញវានឹងក្លាយទៅជាឧបករណ៍ដ៏មានប្រយោជន៍បំផុតប្រសិនបើអ្នកមានភាពឆ្លាតវៃនៅក្នុងការប្រើប្រាស់វាឲ្យបានចំគោលដៅ ។

២. កត្តាចិត្តសាស្រ្តនិងអារម្មណ៍( Psychology and Emotion)

កត្តាអារម្មណ៍ ( Emotional ) :

នៅអំឡុងពេលដែលក្មេងៗជាច្រើនកំពុងតែលំបាកហើយត្រូវការចំនួយប្រាកដណាស់មនុស្សជាច្រើននឹងមានអារម្មណ៍ថាអាណិតហើយក៏ចង់ចូលរួមចំណែកក្នុងការជួយផងដែរ ទើបពួកគេធ្វើការបរិច្ចាគទោះបីត្រឹមតែ ១ ដុល្លារ ឬច្រើនជាងនេះក្តីវាគឺជាទឹកចិត្តដែលធ្វើឲ្យពួកគេមានអារម្មណ៍ថាយ៉ាងហោចណាស់ពួកគេក៏បានធ្វើសកម្មភាពល្អតូចមួយសម្រាប់សង្គមដែរ ។

កត្តាចិត្តសាស្ត្រ ( Publicity ):

ជាក់ស្តែងនៅពេលដែលយើងមើលឃើញថា មនុស្សដែលអ្នកស្គាល់ ធ្វើការ បង្ហោះនូវរូបភាពដែលពួកគេគ្រប់គ្នាបរិច្ចាគយើងក៏មានអារម្មណ៍ថាអ្នកក៏គួរតែបរិច្ចាគដែរពីព្រោះគ្រប់គ្នាបានធ្វើរួចហើយ ។ ជារួមមនុស្សភាគច្រើនអាចនឹងមានទំនោរទៅលើរឿងអ្វីមួយប្រសិនបើពួកគេឃើញមនុស្សជុំវិញខ្លួនធ្វើសកម្មភាពនោះដែរ ។

៣. ភាពច្នៃប្រឌិតនិងបម្លាស់ប្តូរ

ជាក់ស្តែងដូចជាកម្មវិធីខាងលើដែលដំបូងលោកសាយនិងក្រុមការងាររបស់លោកគ្រាន់តែថតវីដេអូនិងរូបភាពរួចបង្ហោះនៅលើ Facebookតែប៉ុណ្ណោះដែលហាក់ដូចជាពុំសូវទទួលបាននូវការចាប់អារម្មណ៍ខ្លាំងនោះទេ ។ ប៉ុន្តែដោយសារតែការផ្លាស់ប្តូរបន្តិចបន្តួចដោយមានភាពច្នៃប្រឌិតបង្កើតជា យុទ្ធនាការ #១ដុល្លារសម្រាប់កុមារកម្ពុជា #onedollarchallengeforcambodianchildren ដោយលើកទឹកចិត្តឲ្យអ្នកប្រើប្រាស់បណ្តាញសង្គមទាំងអស់ធ្វើការបរិច្ចាគថវិការបស់ខ្លួនត្រឹមតែ ១ដុល្លារ តែប៉ុណ្ណោះដើម្បីជួយដល់ក្មេងៗដែលកំពុងតែត្រូវការជំនួយ ។

ជារួមខាងលើនេះគឺជាមេរៀនមួយចំនួនដែលអាចយកមកពិចារណាហើយឆ្លុះបញ្ជាំងមកលើអាជីវកម្មរបស់អ្នកបាន ។ យុទ្ធនាការទីផ្សាររបស់អ្នកអាចនឹងទទួលបាននូវភាពជោគជ័យប្រសិនបើអ្នកមានភាពច្នៃប្រឌិតនិងសម្របទៅតាមបរិបទក៏ដូចជាទំនោរនៃអតិថិជនរបស់អស់ ។ យ៉ាងណាមិញប្រហែលជាអ្នកគិតថាកម្មវិធីសម្បុរសធម៌ខាងលើនេះហាក់ដូចជាគ្មានអ្វីទាក់ទងជាមួយនឹងការធ្វើទីផ្សារឬក៏ការធ្វើអាជីវកម្មនោះទេ។ ប៉ុន្តែប្រសិនបើអ្នកចំណាយពេលគិតពិចារណានិងវិភាគឲ្យស៊ីជម្រៅពីវាប្រាកដណាស់អ្នកនឹងទទួលបាននូវចំណេះដឹង បទពិសោធន៍ និងមេរៀនដែលមានប្រយោជន៍សម្រាប់អាជីវកម្មរបស់អ្នក ។ សូមរំលឹកខ្លួនឯងថាអ្វីៗដែលនូវជុំវិញខ្លួនអ្នកគឺជាមេរៀនដល់ល្អសម្រាប់អ្នក ចំនាយពេលសង្កេតឲ្យបានច្រើននោះអ្នកនឹងមានគំនិតថ្មីៗនិងល្អៗកាន់តែច្រើនផងដែរ ។ សហគ្រិនឬម្ចាស់អាជីវកម្មដែលជោគជ័យពិតប្រាកដគឺជាបុគ្គលដែលពូកែសង្កេតមើលអ្វីៗដែលនូវជុំវិញខ្លួនហើយឲ្យតម្លៃទៅលើការរៀននិងទទួលយកនូវចំណេះដឹងថ្មីៗជានិច្ច។

ពាណិជ្ជកម្ម

ថ្ងៃអ្នកអត់គូរ បង្កើតកំណត់ត្រាថ្មីសម្រាប់ក្រុមហ៊ុនយក្សAlibabដោយរកចំណូលបាន៥៦ពាន់លានដុល្លារ

By

-

ក្រុមហ៊ុនលក់ទំនិញអនឡាញធំជាងគេនៅចិន Alibaba បានបង្កើតកំណត់ត្រាថ្មីរបស់ខ្លួនសម្រាប់ព្រឹត្តិការណ៍ទិញទំនិញតាមអនឡាញថ្ងៃបុណ្យអ្នកអត់គូរ ១១.១១ឆ្នាំនេះ ដែលធ្វើឱ្យស្រមោលអាក្រក់នៃការធ្លាក់តម្លៃភាគហ៊ុន១០%កាលពីថ្មីៗនេះដោយសារតែការផ្លាស់ប្តូរគោលការណ៍ថ្មីរបស់ចិនរសាត់បាត់ទៅ។

ថ្ងៃអ្នកអត់គូរ ជាទូទៅគឺជាថ្ងៃទិញទំនិញដ៏ច្រើនបំផុតមួយនៅប្រទេសចិន ដែលមានរយៈបេល២៤ម៉ោង ហើយមានការបញ្ចុះតម្លៃយ៉ាងគគ្រឹកគគ្រេងពីផលិតផលរាប់លានផលិតផលដំណើរការដោយក្រុមហ៊ុនលក់ទំនិញអនឡាញយក្សដូចជា Alibab និង JD.com រួមទាំងក្រុមហ៊ុនល្បីៗជាច្រើនទៀត។ វាក្លាយទៅជាព្រឹតិ្តការណ័ទិញលក់ទំនិញមួយដែលបង្កើតការទិញលក់ច្រើនជាងព្រឹត្តិការណ៍ Black Friday និង Cyber Monday របស់សហរដ្ឋអាមេរិចបូកបញ្ចូលគ្នាទៅទៀត។

ឆ្នាំនេះ ក្រុមហ៊ុនយក្សរបស់ចិន២ខាងលើបានបន្ថែមថ្ងៃព្រឹត្តិការណ៍ទិញលក់នេះដោយចាប់ផ្តើមតាំងពីថ្ងៃទី០១ខែវិច្ឆិកានេះ ហើយបញ្ចប់នៅថ្ងៃទី១២កណ្តាលអាត្រាត។

ក្រុមហ៊ុន Alibabaបានបង្ហាញថា ការបញ្ជាទិញពីវេទិការទិញទំនិញរបស់ខ្លួនគឺមានតម្លៃសរុប៣៧២.៣ពាន់យាន់ (៥៦.៤២ពាន់លានដុល្លារ) ដែលគិតចាប់តាំងពីថ្ងៃទី០១ខែវិច្ឆិការកន្លងមក ដែលមានតម្លៃច្រើនជាងព្រឹត្តិការកាលពីឆ្នាំ២០១៩ (រយៈពេល២៤ម៉ោង)។ រីឯក្រុមហ៊ុន JD.comវិញ ក៏បានបង្ហាញតួរលេខផងដែរ ដែលក្នុងរយៈពេលការបង្កើតព្រឹត្តិការណ៍នេះ គឺមានការបញ្ជាទិញរហូតដល់២០០ពាន់លានយាន់ ដែលគិតចាប់ពីថ្ងៃទី០១ខែវិច្ឆិកាផងដែរ។

បើទោះបីជាមានបញ្ហាកូវីដ១៩ក៏ពិតមែន ប៉ុន្តែលទ្ធភាព និងសកម្មភាពការទិញលក់នៅតាមវេតិការអនឡាញនៅតែមានសន្ទុះខ្លាំងក្លា នេះសបញ្ចាក់ឱ្យឃើញថា មនុស្សជាច្រើនចាប់ផ្តើមងាកមកទិញលក់ទំនិញតាមអនឡាញកាន់តែច្រើន។

ពាណិជ្ជកម្ម

តើថ្ងៃអ្នកអត់គូរ11.11មានដើមកំណើតពីណា?

By

-

ថ្ងៃពិសេសសម្រាប់អ្នកគ្មានគូរ (Singles’ Day) គឺជាថ្ងៃបុណ្យដែលមិនមានការឈប់សម្រាកមួយនៅប្រទេសចិនដែលជាឱកាសសម្រាប់អ្នកអត់គូរប្រារព្ធអបអរ។ លេខ១តំណាងឱ្យអ្នកមិនគូរ ហើយ១១.១១ គឺជាថ្ងៃតំណាងឱ្យក្រុមអ្នកគ្មានគូរទាំងមូល។ ថ្ងៃនេះចាប់ផ្តើមមានប្រជាប្រិយភាពកាន់តែច្រើនឡើងៗ ហើយក៏ជាឱកាសសម្រាប់អ្នកអត់គូរសង្សារយកឱកាសនេះដើម្បីជួបគ្នាកសាងទំនាក់ទំនងផងដែរ ដែលតាមស្ថិតិបានបង្ហាញឱ្យឃើញថា ឱកាសថ្ងៃនេះ បានបង្កើនអាត្រារកគូរឃើញជាច្រើនពី១ឆ្នាំទៅ១ឆ្នាំ។

ក្រោយមកថ្ងៃនេះត្រូវបានក្លាយជាថ្ងៃទិញទំនិញដ៏សម្បើមនៅប្រទេសចិន ហើយមានសន្ទុះកើនឡើងយ៉ាងខ្លាំងក្លាដែលជាថ្ងៃប្រជាជនចាយលុយទិញទំនិញច្រើនបំផុត។ ក្រុមហ៊ុនអនឡាញយក្សប្រទេសចិនដែលទទួលបានផលពីថ្ងៃនេះច្រើនបំផុតគឺក្រុមហ៊ុន Alibaba និងក្រុមហ៊ុន JD.comដោយកាលពីឆ្នាំ២០១៩ ក្រុមហ៊ុនរបស់មហាសេដ្ឋីJack Maរកចំណូលបាន ៣៨.៤ពាន់លានដុល្លារក្នុងថ្ងៃ១១.១១នេះ កើនឡើង២៦%ប្រៀបធៀបនឹងឆ្នាំ២០១៨។

ថ្ងៃអ្នកគ្មានគូរ ឬថ្ងៃផ្តាច់ភាពឯកាមានដើមកំណើតនៅសាកលវិទ្យាល័យណានជីង ក្នុងឆ្នាំ១៩៩៣ ហើយត្រូវបានរីកសាយភាយទៅកាន់សាកលវិទ្យាល័យផ្សេងៗទៀតក្នុងទីក្រុងណានជីងក្នុងទស្សវត្សទី៩០នោះ។ មានការបកស្រាយជាច្រើនស្តីពីប្រវត្តិថ្ងៃអ្នកអត់គូរនេះ តែអ្វីដែលត្រូវបានគេទទួលស្គាល់ពិគំនិតថ្ងៃអត់គូរនេះគឺកើតចេញពីការប្រារពអបអរថ្ងៃនេះចេញអន្តេវាសិកដ្ឋានរបស់និស្សិតនៅសាកលវិទ្យាល័យណានជិង។ កាលនោះមានបុរសអត់គូរ៤នាក់បានជួបជុំគ្នាពិភាក្សាគញនាធ្វើយ៉ាងណាដើម្បីបំបែកភាពអត់គូររបស់ខ្លួន ហើយក៏សម្រេចចិត្តយកថ្ងៃទី១១ខែ១១នេះឡើងដើម្បីធ្វើការរៀបចំប្រារព្ធកម្មវិធីដើម្បីអបអរភាពឯកានេះ។ សកម្មភាពនេះក៏ត្រូវបានរីកសាយភាយបន្តិចម្តងៗពីបរិវេណសាកលវិទ្យាល័យរហូតដល់សហគមខាងក្រៅកាន់តែទូលំទូលាយទៅៗ។ ដោយសារតែវត្តមាន និងឥទ្ធិពលបណ្តាញសង្គមធ្វើឱ្យការប្រារព្ធនេះកាន់តែសម្បូរបែប និងមន្សុសកាន់តែច្រើនប្រារព្ធ រហូតដល់ក្លាយជាវប្បធម៌មួយក្នុងសង្គមចិនទូទៅទៅហើយ។

សម្រាប់អ្នករកស៊ីវិញ គេបានបង្កើតកម្មវិធីនេះឡើងដើម្បីបង្កើនការលក់ ដូចជាក្រុមហ៊ុនAlibab និង JD.comជាដើមដែលបានប្រែក្លាយថ្ងៃនេះដូចនឹងថ្ងៃBlack’s Fridayនៃប្រទេសលោកខាងលិច ហើយរហូតមកដល់សព្វថ្ងៃនេះ ថ្ងៃពិសេសសម្រាប់អ្នកអត់គូរនេះត្រូវបានរីកសាយភាពបន្តិចម្តងៗទៅកាន់ពិភពលោក ក៏ដូចជាប្រទេសកម្ពុជាបណ្តើរៗផងដែរ។

ពាណិជ្ជកម្ម

ដោយសារកូវីដ១៩ក្រុមហ៊ុនផលិតស្រោមអនាម័យនៅម៉ាឡេស៊ីមានកំនើនការលក់តាមអនឡាញរហូតដល់ទៅ៧ដង

By

-

ក្រុមហ៊ុនផលិតស្រោមអនាម័យដែលធំជាងគេមួយនៅម៉ាឡេស៊ី និងនៅក្នុងពិភពលោកឈ្មោះ Karex ត្រូវបានរាយការណ៍ថាការលក់តាមរយៈអនឡាញមានការផ្ទុះឡើងយ៉ាងខ្លាំងរហូតទៅ៧ដងក្នុងកំឡុងពេលឆមាសទី១ឆ្នាំនេះដោយសារតែការបិទប្រទេសដែលចាប់ផ្តើមតាំងពីខែមីនាមក នេះបើយោងតាមសម្តីរបស់អគ្គនាយកក្រុមហ៊ុនលោក Goh Miah Kiat។

ក្នុងកំឡុងពេលដែលការលក់តាមហាងត្រូវបានរាយការណ៍ថាមានការធ្លាក់ចុះ និងទទួលផលប៉ះពាល់យ៉ាងខ្លាំងដោយសារតែការរិតត្បិតការដើរហើរដើម្បីប្រយុទ្ធប្រឆាំងនឹងការឆ្លងរាលដាលជម្ងឺកូវីដ១៩ ការលក់តាមអនឡាញមានការកើនឡើងគួរឱ្យកត់សម្គាល់។

ក្រុមហ៊ុននេះត្រូវបានបង្កើតឡើងនៅឆ្នាំ១៩៨៨ ហើយត្រូវបានអះអានដោយក្រុមហ៊ុនថា ជារោងចក្រផលិតស្រោមអនាម័យធំជាងគេបំផុតក្នុងពិភពលោកដោយផលិតស្រោមចំនួន៥ពាន់លាន់បន្ទះក្នុងមួយឆ្នាំ ឬស្មើនឹង២០%នៃចំនួនស្រោមអនាម័យដែលផលិតបានក្នុងពិភពលោក។

នៅមុនពេលកូវី១៩ ការលក់ផលិតរបស់ក្រុមហ៊ុននេះតាមបណ្តាញអនឡាញគឺមិនសូវបានជោគជ័យនោះទេ វាគ្រាន់តែជាការធ្វើឱ្យមានវត្តមាននៅប្រព័ន្ធអនឡាញបណ្ណោះកាលពីមុន តែក្នុងកំឡុងពេលនេះអ្វីៗបានប្រែប្រួលដោយការលក់មានការកើនឡើង៦០០%តាមប្រព័ន្ធអនឡាញ ហើយទំនោរនេះគឺចាប់ផ្តើមកាន់តែផុសផុលដោយមនុស្សចាប់ផ្តើមប្តូរការទិញពីហាងខាងក្រៅមកការជាវតាមអនឡាញវិញ។

ដោយសារតែការកើនឡើងនេះ ក្រុមហ៊ុនបានបង្កើនការវិនិយោគទៅលើក្រុមទីផ្សារអនឡាញរបស់ខ្លួនបន្ថែមទៀត។

ពាណិជ្ជកម្ម

តើគួរវិនិយោគទៅលើអ្វី?

By

-

មានមនុស្សមិនតិចទេដែលមានចម្ងល់នេះ ហើយមិនទេដែលបានផ្ញើរសារដើម្បីសាកសួរយោបល់អំពីប្រធានបទនេះ។ តើយើងគួរវិនយោគទៅលើអ្វីទៅទើបទទួលបានផលខ្ពស់បំផុត?

យោលបល់ដែលខ្ញុំចង់ឱ្យបងប្អូនទាំងអស់គ្នាគិតគូរដំបូងគេបំផុតគឺវិនិយោគទៅលើខ្លួនឯងមុនគេ ព្រោះថា ប្រសិនបើបងប្អូនមានចម្ងល់នេះ មានន័យថា បងប្អូនមិនទាន់មានជំនាញណាមួយច្បាស់លាស់ មិនទាន់មានចំណេះដឹងគ្រប់គ្រាន់ក្នុងការមើលឃើញឱកាស និងមិនទាន់ស្គាល់ខ្លួនឯងច្បាស់ ឬមិនទាន់មានបណ្តាញទំនាក់ទំនងណាដែលល្អដើម្បីផ្តល់គំនិត និងការណែនាំនៅឡើយ។

អ្នកទាំងអស់គ្នាត្រូវតែចំណាយលុយរៀនឱ្យបានច្រើន អានសៀវភៅ ចូលវគ្គបណ្តុះបណ្តាលដែលល្អៗដើម្បីបណ្តុះគំនិតឱ្យចេះគិត ចេះវិភាគ និងរៀនពីជំនាញដែលអ្នកស្រឡាញ់ (មិនមែនជាវគ្គបណ្តុះបណ្តាលផ្តោតឱ្យអ្នកទាំងអស់គ្នាហោះលើមេឃ ហើយបំផុសអ្នកនឹងក្លាយជាសេដ្ឋីក្នុង១ឆ្នាំ ២ឆ្នាំ ឬក៏រយៈពេលមួយបប្រិចភ្នែក) វិនិយោគទៅលើការចេញដើរហើរខាងក្រៅឱ្យបានច្រើន ដើម្បីស្តាប់គេ បង្កើនបណ្តាញ និងគំនិត ហើយប្រសិនបើអាច ហោះចេញទៅក្រៅប្រទេសដើម្បីបើកចំហខ្លួនអ្នកទទួលគំនិតថ្មីៗ មើលឃើញនូវអ្វីថ្មីៗ។

បច្ចុប្បន្ននេះ នៅក្នុងសង្គមយើងមានហានិភ័យជាច្រើនដែលអាចកើតមានទៅលើបងប្អូននៅពេលដែលយើងមិនមានចំណេះដឹងជ្រៅជ្រះ មិនមានជំនាញច្បាស់លាស់ និងចេះដឹងច្រើន ហើយមានការបំផុសឱ្យវិនយោគតាមគេតាមឯងដោយមិនមានមូលដ្ឋានគ្រឹះ ហើយចុងក្រោយបានត្រឹមតែស្តាយក្រោយដោយសារតែគិតថាខ្លួននឹងក្លាយជាអ្នកជោគជ័យក្នុងរយៈពេលដ៏ខ្លី។

ប្រសិនបើអ្នកមានលុយតិចក្តី ច្រើនក្តី ហើយមិនទាន់ច្បាស់ពីខ្លួនឯង គឺគួរព្យាយាមកែច្នៃខ្លួនឯងជាមុនសិនដោយការវិនិយោគទៅលើខ្លួនឯង វិនិយោគទៅលើចំណេះដឹង ជំនាញ គំនិត និងស្វែងរកបណ្តាញទំនាក់ទំនងដែលល្អៗ ច្នៃខ្លួនឯងឱ្យក្លាយជាដុំពេជ្រ ចេះវិភាគ និងគិតស៊ីជម្រៅថាវាអាចទៅរួច ឬក៏យ៉ាងណា។ នៅពេលដែលអ្នកដឹងច្រើន ចេះច្រើន និងជំនាញច្បាស់លាស់ណាមួយ ព្រមទាំងមានបណ្តាញទំនាក់ទំនងល្អៗ អ្នកនឹងឃើញឱកាសជាច្រើនមាននៅជុំវិញអ្នកជាមិនខាន ហើយកត្តានេះ នឹងធ្វើឱ្យអ្នកអាចកាត់បន្ថយហានិភ័យបានខ្ពស់ និងភាពរ៉ុងរឿងយូរអង្វែង។

ពាណិជ្ជកម្ម

តើអ្នកអាចស្នើរសុំ Blue Verified Badge ដោយរបៀបណា?

By

-

យោងទៅតាម Facebook Help Center បញ្ជាក់ឲ្យដឹងមុនពេលដែលពួកគេអនុញ្ញាតឲ្យ Page ឬ Profile ទទួលបាននូវ Verified Badge ពួកគេតែងតែធ្វើការវាយតម្លៃទៅលើកត្តាមួយចំនួនដែលមានដូចជា :

Authentic ( ច្បាស់លាស់និងពិតប្រាកដ ) : គណនីរបស់អ្នកត្រូវតែជាតំណាងបុគ្គលពិតប្រាកដ ។ ដោយឡែកសម្រាប់ Page អាជីវកម្មវិញ ក្រុមហ៊ុនរបស់អ្នកគឺចាំបាច់ត្រូវតែស្របច្បាប់និងមានចុះបញ្ជីពាណិជ្ជកម្មត្រឹមត្រូវ។

Unique ( មានតែមួយ) : គណនីឬ Page របស់អ្នកគួរតែតំណាងឲ្យបុគ្គលតែមួយ ឬ ក្រុមហ៊ុនតែមួយដែលមានន័យថា ក្រុមហ៊ុនរបស់អ្នកគឺចាំបាច់ត្រូវតែមាន Page ផ្លូវការតែមួយតែប៉ុណ្ណោះ ។

Complete ( ពេញលេញ) : Page របស់អ្នកត្រូវតែមានសកម្មភាពជាប្រចាំហើយមានបំពេញព័ត៌មានដូចជា About , Profile Photo ជាដើមឲ្យបានពេញលេញ ។

Notable( គួរឲ្យកត់សម្គាល់) : Page របស់អ្នកត្រូវតែជា Page ដែលមានអ្នកស្វែងរក( Search) បានច្រើន ដែលមានន័យថាមានអ្នកស្គាល់ច្រើន។ ក្រៅពីនេះអាចនឹងមានសារព័ត៌មានល្បីៗមួយចំនួនសរសេរ Review និង Mention អំពី Page របស់អ្នក ។ គួរបញ្ជាក់ផងដែរថាប្រសិនបើ Facebook រកឃើញថាអ្នកបានផ្តល់នូវព័ត៌មានឬទិន្ន័យដែលមិនត្រឹមត្រូវក្នុងអំឡុងពេលស្នើរសុំ Verified Badge នោះ Page របស់អ្នកអាចនឹងប្រឈមនឹងការលុបចោល ។

តើអ្នកអាចស្នើរសុំ Verified Badge ដោយរបៀបណា?

អ្នកអាចដាក់ស្នើរនូវសំនើររបស់អ្នកតាមរយៈការបំពេញនូវសំណុំបែបបទតាមរយៈ Link មួយនេះ https://www.facebook.com/help/contact/342509036134712

ប្រសិនបើ គណនីរបស់អ្នកជារបស់បុគ្គលណាម្នាក់ អ្នកចាំត្រូវតែមាននូវ លិខិតបញ្ជាក់អត្តសញ្ញាណដែលអាចជា លិខិតឆ្លងដែន ប័ណ្ណបើកបរ អត្តសញ្ញាណប័ណ្ណ ជាដើម។ ដោយឡែកប្រសិនបើ Page របស់អ្នកតំណាងឲ្យអង្គភាពការងារឬអាជីវកម្ម អ្នកចាំបាច់ត្រូវតែមានឯកសារមួយចំនួនដូចជា លិខិតបញ្ជាក់អាជីវកម្មចេញពីក្រសួងពាណិជ្ជកម្ម ប័ណ្ណបាតង់ ( ពន្ធ) និង ឯកសារដែលពាក់ព័ន្ធនឹងអាជីវកម្មឬក្រុមហ៊ុនមួយចំនួនទៀត។ ម្យ៉ាងវិញទៀតអ្នកក៏ត្រូវតែបង្ហាញនូវហេតុផលមួយចំនួនដែលឆ្លើយនឹងសំនួរដែលថាហេតុអ្វីបានជា Page របស់អ្នកគួរតែទទួលបាននូវ Verified Badge ពី Facebook ។

អ្នកទទួលបាននូវការជូនដំណឹងក្រោយពេលដែល Facebook បានពិនិត្យមើលឯកសារទាំងអស់នោះរួចហើយ ។ សូមចងចាំថាអ្នកមិនគួរដាក់ស្នើរ Verified Badge នោះលើសពីមួយដងនោះទេ។ ប្រសិនបើការដាក់ស្នើររបស់អ្នកត្រូវបានបដិសេធ អ្នកអាចធ្វើការស្នើរសុំសារជាថ្មីម្តងទៀតបន្ទាប់ពី ៣០ ថ្ងៃក្រោយ ។

តើអ្នកគួរទិញ Page ដែល Verified Badge ដែរឬទេ?

ជាការល្អអ្នកមិនគួរចំណាយទៅលើការទិញ Page ដែលមាន Verified Badge នោះទេពីព្រោះថា Page ទាំងនោះគឺបានមកដោយការក្លែងបន្លំនិងខុសពីគោលការណ៍ឬច្បាប់របស់ Facebook ។ តាមការបញ្ជាក់របស់ Facebook បានឲ្យដឹងថា ប្រសិនបើពួកគេរកឃើញថា Page ណាមួយទទួលបាននូវ Verified Badge ដោយការក្លែងបន្លំនិងខុសពីគោលការណ៍ ពួកគេនឹងធ្វើការលុប Page នោះចោល ។ ដូច្នេះមានន័យថាប្រសិនបើអ្នកចំណាយលុយយ៉ាងច្រើនទៅទិញ Page ទាំងនោះអ្នកអាចប្រឈមនឹងការខ្ជះខ្ជាយលុយឥតប្រយោជន៍ហើយ ។

ពាណិជ្ជកម្ម

តើ Page ដែលមាន Blue Verified Badge គឺជាអ្វី?

By

-

តើ Page ដែលមាន Blue Verified Badge គឺជាអ្វី?

មួយរយៈចុងក្រោយនេះមានម្ចាស់អាជីវកម្មឬអ្នកទីផ្សារមួយចំនួនធំបានងាកមកចាប់អារម្មណ៍ហើយក៏មានចម្ងល់យ៉ាងច្រើនទាក់ទងនឹង Page ដែលមាន Blue Verification Badge ។ អ្នកខ្លះក៏បានចំណាយលុយអស់រាប់ពាន់ដុល្លារទៅទិញ Page បែបនេះដោយរំពឹងថាអាចជួយឲ្យអាជីវកម្មរបស់ខ្លួននៅលើ Facebook មានភាពល្អប្រសើរជាងមុន ។ ប៉ុន្តែចំពោះការពិតជាក់ស្តែងវិញតើវាពិតជាអញ្ជឹងមែនដែរឬទេ? តើអ្នកគួរតែចំណាយលុយយ៉ាងច្រើនទៅទិញ Page នោះដែរឬទេ ? តើវាពិតជាចាំបាច់ដែរឬទេ?

ទាំងនេះគឺជាសំណួរដែលមនុស្សជាច្រើនកំពុងតែចោទសួរដើម្បីទទួលបាននូវចម្លើយ ។ ដូច្នេះអត្ថបទនេះនឹងជួយអ្នកនៅក្នុងការស្រាយចម្ងល់ទាំងអស់នេះក៏ដូចជាចែករំលែកនូវចំណេះដឹងមួយចំនួនជុំវិញបញ្ហាដែលបានលើកឡើងខាងលើនេះ ។

តើ Verified Page ឬ Profile គឺជាអ្វី ?

ប្រសិនបើអ្នកឃើញ Verified Badge នៅលើ Page ឬ Profile មានន័យថា Facebook បានទទួលស្គាល់ថាវាគឺជា Page ឬ Profile ផ្លូវការណ៍របស់បុគ្គលដែលមានកេរ្តិ៍ឈ្មោះល្បីល្បាញក្រុមហ៊ុន និង ម៉ាកយីហោ( Brand) ល្បីៗ ។ គួរបញ្ជាក់ផងដែរថាមិនមែនតារាល្បីៗ និងម៉ាកយីហោ ( Brand) ល្បីៗ ទាំងអស់សុទ្ធតែទទួលបាននូវ Verified Badge ពី Facebookនោះទេ គឺលុះត្រាតែពួកគេអាចបំពេញទៅតាមលក្ខណ្ឌទាំងអស់របស់ Facebook ទើបអាចទទួលបាននូវសញ្ញាមួយនេះ ។

ហេតុអ្វីបានជាការទទួលបាននូវ Verification Badge គឺជារឿងដែលសំខាន់?

១. ទទួលបាននូវទំនុកចិត្តពីអតិថិជន

នៅពេលដែលអតិថិជនមើលឃើញនូវ Verification Badge នៅលើ Page នៃអាជីវកម្មរបស់អ្នកពួកគេនឹងគិតថាអាជីវកម្មរបស់អ្នកជាអាជីវកម្មដែលមានការទទួលស្គាល់ មានកេរ្តិ៍ឈ្មោះល្បី មានអ្នកស្គាល់ច្រើននិងអាចទុកចិត្តបាន។ តាមរយៈកត្តាមួយនេះអ្នកអាចទាក់ទាញចិត្តរបស់អតិថិជនឲ្យជ្រើសរើសអាជីវកម្មរបស់អ្នកបានងាយស្រួលជាងមុន។

២. បញ្ជៀសនូវការក្លែងបន្លំ

ការទទួលបាននូវ Verification Badge អាចបញ្ជៀសអាជីវកម្មរបស់អ្នកពីការក្លែងបន្លំបាន ។ ជាក់ស្តែងយើងសង្កេតឃើញថាការក្លែងបន្លំគឺតែងតែកើតមានឡើងចំពោះអាជីវកម្មជាច្រើន។ ឧទាហរណ៍ថាមានគេបង្កើត Page ហើយក្លែងបន្លំថាជា Page របស់អ្នកដោយដាក់ឈ្មោះនិងរូបភាពដូចជា Page របស់អ្នកបេះបិទ ។ បន្ទាប់មកទៀតពួកគេបានយក Page នោះប្រព្រឹត្តរឿងខុសច្បាប់មួយចំនួនដូចជាបោកប្រាស់ឬឆបោកគេជាដើមដែលធ្វើឲ្យមនុស្សជាច្រើនយល់ច្រឡំថាអ្នកដែលអាចប៉ះពាល់ដល់កេរ្តិ៍ឈ្មោះនៃអាជីវកម្មរបស់អ្នក ។ ដូច្នេះការទទួលបាននូវ Verification Badge នឹងជួយអ្នកនៅក្នុងការទទួលបាននូវអត្តសញ្ញាណមួយដែលច្បាស់លាស់ ផ្លូវការនិងជៀសវាងការក្លែងបន្លំបាន។

៣. អតិថិជនអាចស្វែងរក Page របស់អ្នកបានរហ័សនិងងាយស្រួលជាងមុន

ការទទួលបាននូវ Verification Badge មានន័យថា Facebook បានធ្វើការទទួលស្គាល់នូវ Page របស់អ្នកជាផ្លូវការហើយដូច្នេះអ្នកអាចនឹងទទួលបាននូវឱកាសដែលអតិថិជនអាចមើលឃើញមុនគេនៅពេលដែលពួកគេធ្វើការស្វែងរក ។

៤. មានលទ្ធភាពទទួលបាននូវមុខងាថ្មីៗ

នៅពេលដែលអ្នកទទួលបាន Verification Badge ហើយអ្នកនឹងអាចមានលទ្ធភាពទទួលបាននូវមុខងារពិសេសៗមួយចំនួនដែល Page ឬ គណនីធម្មតាគ្មាន ។ ជាក់ស្តែងដូចជាអ្នកអាចធ្វើការ Boost នៅអំឡុងពេល Live Stream ដើម្បីឲ្យបានទៅដល់មនុស្សកាន់តែច្រើនជាងមុន ជាដើម ។

ពាណិជ្ជកម្ម

Paypalបានប្រកាសអនុញ្ញាតិឱ្យមានការចាយBitcoin និងលុយឌីជីថលផ្សេងទៀត

By

-

ក្រុមហ៊ុន PayPal បានចូលក្នុងទីផ្សារ រូបិយប័ណ្ណឌីជីថល(cryptocurrency) ដោយប្រកាសថាអតិថិជនរបស់ខ្លួននឹងអាចទិញនិងលក់ Bitcoin និងរូបិយប័ណ្ណនិម្មិតផ្សេងទៀតដោយប្រើគណនី PayPal របស់ពួកគេ។កាក់និម្មិតទាំងនោះអាចត្រូវបានប្រើដើម្បីទិញរបស់របរពីអ្នកលក់ ២៦ លានកន្លែងដែលទទួលយក PayPal ។

តម្លៃ Bitcoin បានកើនឡើងស្របពេលដែលព័ត៌មាននេះ ដោយបានបំបែកកំណត់ត្រាឡើងតម្លៃដល់ទៅ ១២.០០០ ដុល្លារ (៩,១៧០ ដុល្លារ) ។

រូបបិយបណ្ណឌីជីថលផ្សេងទៀតដែលត្រូវបន្ថែមមុនគេនៅក្នុងវេទិការរបស់ Paypal គឺ Ethereum, Litecoin, និង Bitcoin Cashហើយក្រុមហ៊ុននេះបាននិយាយថា រូបិយប័ណ្ណឌីជីថលទាំងនោះអាចរក្សាទុកដោយផ្ទាល់នៅក្នុងកាបូបឌីជីថលរបស់ PayPal ។

ព័ត៌មាននេះ នឹងធ្វើឱ្យទីផ្សារលុយឌីជីថលមានភាពកក្រើកមួយកម្រិតបន្ថែមទៀតបន្ទាប់ពីបានស្ងៀមស្ងាត់មួយរយៈកន្លងមកនេះ។

ពាណិជ្ជកម្ម

ស្ពានពីកោះពេជ្រទៅទីក្រុងរណបកោះនរាត្រូវបានបើកសម្ពោធសាងសង់ជាផ្លូវការ

By

-

សម្តេចតេជោ ហ៊ុន សែន បានអញ្ជើញបើកការដ្ឋានសាងសង់ស្ពានបេតុងខ្សែកាប្លិ៍ឆ្លងកាត់ទន្លេបាសាក់ ពីតំបន់កោះពេជ្រ ទៅកាន់ទីក្រុងរណបកោះនរា និងពីកោះនរា ទៅផ្លូវជាតិលេខ១នៅព្រឹកថ្ងៃទី២៦ ខែតុលា ឆ្នាំ២០២០នេះ។

នេះគឺជាសមិទ្ធផលថ្មីជាប្រវត្តិសាស្ត្រលើទឹកដីរាជធានីភ្នំពេញមួយទៀត ដែលត្រូវបានចាប់ផ្តើមបើកការដ្ឋានដំណើរការសាងសង់ហើយក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា។ សមិទ្ធផលថ្មីដែលនេះ គឺស្ពានបេតុងខ្សែកាប ឆ្លងកាត់ទន្លេបាសាក់ តភ្ជាប់រាជធានីភ្នំពេញ ពីទីក្រុងកោះពេជ្រ ទៅកាន់ទីក្រុងរណបកោះនរា និងពីកោះនរា ឆ្ពោះទៅផ្លូវជាតិលេខ១ ក្នុងភូមិសាស្ត្រ សង្កាត់និរោធ ខណ្ឌច្បារអំពៅ រាជធានីភ្នំពេញ។

ស្ពានតភ្ជាប់ពីកោះពេជ្រ ទៅកោះនរា មានប្រវែង ៨២៤ម៉ែត្រ មានទទឹង ២៤.៥០ម៉ែត្រ។ ផ្លូវនេះគ្រោងចំណាយពេលសាងសង់ ៣៥ខែ ដោយចំណាយថវិកា ៣៨លានដុល្លារ។

ដោយឡែកស្ពានភ្ជាប់ពីក្រុងរណបកោះនរា ទៅកាន់ផ្លូវជាតិលេខ១ មានប្រវែង ៦០ម៉ែត្រ ទទឹង ២១ម៉ែត្រ គ្រោងចំណាយពេលសាងសង់ ១២ខែ និងចំណាយថវិកា ១,៦០៦,៣៥៣ដុល្លាអាមេរិក។

ស្ពានបេតុងខ្សែកាប ១ខ្សែនេះ នៅពេលសាងសង់រួច នឹងចូលរួមចំណែកជួយសម្រួលការធ្វើដំណើររបស់ប្រជាពលរដ្ឋពីរាជធានីភ្នំពេញ ឆ្ពោះទៅកាន់ផ្លូវជាតិលេខ១។ ជាពិសេសជួយកាត់បន្ថយការកកស្ទះ នៅស្ពានព្រះមុនីវង្ស។

សូមបញ្ជាក់ថា នៅកោះនរា ស្ថិតក្នងភូមិសាស្ត្រសង្កាត់និរោធ ខណ្ឌច្បារអំពៅ ត្រូវបានរាជរដ្ឋាភិបាលអនុញ្ញាតឱ្យក្រុមហ៊ុន OCIC ធ្វើជាទីក្រុងរណបថ្មីលើផ្ទៃដីជាង ១០០ហិកតា។ គម្រោងនេះនឹងត្រូវរៀបចំអភិវឌ្ឍន៍ ដូចទៅនឹងទីក្រុងកោះពេជ្រនាពេលបច្ចុប្បន្នដែរ៕

ពាណិជ្ជកម្ម

គណនី Facebook របស់អ្នកត្រូវបាន Restricted មែនទេ? ដំណោះស្រាយទាំងនេះអាចជួយអ្នកបាន

By

-

គណនី Facebook របស់អ្នកត្រូវបាន Restricted មែនទេ? ដំណោះស្រាយទាំងនេះអាចជួយអ្នកបាន

ហានិភ័យហើយ!!!!

នាពេលថ្មីៗនេះគណនី Facebook របស់ខ្ញុំត្រូវបាន restricted ដោយមិនដឹងមូលហេតុ ដែលជាហេតុធ្វើឲ្យខ្ញុំមិនអាចធ្វើការគ្រប់គ្រងPageរបស់ខ្ញុំបានទៀតនោះទេគឺហាក់ដូចជាជាប់គាំងតែម្តងសូម្បីតែចង់ Boost Post ក៏មិនកើតដែរ ។ ម្យ៉ាងវិញទៀតទោះបីជាចង់ add គណនីផ្សេងទៀតធ្វើជា admin ក៏មិនកើតដែរ។

ប្រសិនបើអ្នកកំពុងតែស្ថិតនៅក្នុងស្ថានភាពនេះអ្នកប្រាកដជាចង់ដឹងហើយថា

អ្នកគួរតែធ្វើអ្វីបន្ទាប់ទៀតដើម្បីដោះស្រាយបញ្ហានេះ?

ដូច្នេះអត្ថបទខាងក្រោមនេះនឹងជួយស្រាយចម្ងល់ក៏ដូចជាផ្តល់ជូននូវដំណោះស្រាយមួយចំនួនចំពោះបញ្ហាដែលអ្នកកំពុងតែជួបប្រទះនេះ ។

ឥឡូវនេះបើសិនជាអ្នកប្រាកដក្នុងចិត្តហើយថាអ្នកមិនបានធ្វើដែលខុសពីគោលការណ៍របស់ Facebook Ad ដែលបានកំណត់ទេ អ្វីដែលអ្នកគួរតែធ្វើនោះគឺជាការផ្ញើរសារទៅកាន់ Facebook support តាមរយៈ Live chat ប៉ុន្តែប្រសិនបើអ្នកមិនអាចផ្ញើរសារតាមរយៈ Live chatបានទេអ្នកអាចផ្ញើរ Email ទៅកាន់ពួកគេតែម្តងដើម្បីស្នើរសុំឲ្យពួកគេជួយពិនិត្យមើលគណនីរបស់អ្នកនិងស្នើរសុំឲ្យពួកគេ reactivate គណនីរបស់អ្នកវិញ។ គួរបញ្ជាក់ផងដែរករណីខ្លះ Facebook support team អាចនឹងជួយអ្នកក្នុងការ reactivate គណនីរបស់អ្នកឡើងវិញប៉ុន្តែចំពោះករណីខ្លះទៀតពួកគេក៏មិនបាន reactivate ឡើងវិញដែរដោយផ្អែកលើកត្តាជាច្រើន ។

យ៉ាងណាមិញនៅពេលដែលអ្នកផ្ងើរសារឬក៏ Email ទៅកាន់ពួកគេអ្នកគួរតែនិយាយឲ្យបានច្បាស់លាស់និងចំៗពីបញ្ហារបស់អ្នកដែលកំពុងជួបប្រទះ ។ ពួកគេនឹងពិនិត្យសម្រាប់អ្នកហើយនឹងឆ្លើយតបមកអ្នកវិញប្រសិនបើពួកគេរកឃើញថាបញ្ហានេះជាកំហុសរបស់ពួកគេ។ ប៉ុន្តែប្រសិនបើអ្នកដឹងខ្លួនថាធ្លាប់បានធ្វើអ្វីមួយដែលខុសពីគោលការណ៍និងលក្ខណរបស់ពួកគេ អ្នកក៏គួរតែបញ្ជាក់ប្រាប់ពួកគេផងដែរ ។ ពួកគេនឹងស្តាប់អ្នកប្រសិនបើអ្នកសារភាពថាអ្នកសារភាពពីកំហុសរបស់អ្នកហើយធានាថាមិនឲ្យកំហុសឆ្គងនោះកើតឡើងម្តងទៀតទេ។ មានមនុស្សមួយចំនួនអាចនឹងបែរជាអស់សំណើចទៅវិញនៅពេលដែលពួកគេបានដឹងអំពីដំណោះស្រាយមួយនេះដោយពួកគេគិតថាវាមិនអាចទៅរួចទេដែល Facebook នឹងព្រម reactivate គណនីរបស់ពួកគេឡើងវិញតាមរយៈវិធីសាស្ត្រដ៏សាមញ្ញមួយនេះនោះ។

ដោយឡែកមានករណីមួយចំនួនទៀត Facebook អាចនឹងធ្វើការទាមទារនូវអត្តសញ្ញាណប័ណ្ណ ឬ ក៏អាចជាប័ណ្ណបើកបរ ឬ លិខិតឆ្លងដែនដែលអាចបញ្ជាក់នូវអត្តសញ្ញាណពិតប្រាកដរបស់អ្នកបាន ។ ជាដំណោះស្រាយអ្នកគ្រាន់តែធ្វើតាមការណែនាំរបស់ពួកគេទៅរួចជាការស្រេចហើយ។ ចំពោះករណីខ្លះទៀតវិញពួកគេនឹងការជូនដំណឹង ( Notification) ផ្សេងៗដែលទាមទារឲ្យអ្នកបំពេញនូវលក្ខណមួយចំនួន ។ ដូច្នេះអ្នកគ្រាន់តែអនុវត្តន៍តាមការណែនាំរបស់ពួកគេឲ្យបានសព្វគ្រប់ទៅបានហើយ ។

សូមកុំមានការព្រួយបារម្ភនិងស្មុគស្មាញខ្លាំងពេកហើយទៅបន្ទោស Facebook នូវអ្វីដែលពួកគេបានធ្វើចំពោះអ្នកនោះ។ ផ្ទុយទៅវិញអ្នកត្រូវតែដឹងថាមិនមែនមានតែអ្នកទេដែលជួបប្រទះបញ្ហាមួយនេះ មានមនុស្សរាប់លាននាក់ទៀតនៅទូទាំងពិភពលោកក៏បានជួបប្រទះនូវបញ្ហាដូចគ្នានេះដែរ។ រីឯអ្នកដែលមិនទាន់បានជួបប្រទះនឹងបញ្ហានេះក៏អាចនឹងជួបប្រទះនៅថ្ងៃណាមួយដែរ។

ជារួមមកខាងលើនេះគឺជាវិធីសាស្ត្រមួយចំនួនដែលអ្នកអាចសាកល្បងអនុវត្តន៍ប្រសិនបើអ្នកកំពុងតែជួបប្រទះបញ្ហាបែបនេះ ។ ការព្រួយបារម្ភនិងភាពស្មុគស្មាញមិនអាចជួយអ្វីដល់អ្នកបានទេអ្វីដែលអាចជួយអ្នកបានគឺជាព្យាយាមស្វែងរកដំណោះស្រាយចំពោះបញ្ហាមួយនេះ។ ជាក់ស្តែង Facebook ឥឡូវមានការផ្លាស់ប្តូរច្រើនណាស់ ហេតុនេះហើយយើងគួរតែព្យាយាមស្វែងរកវិធីសាស្ត្រនានាតាមតែអាចធ្វើបានដើម្បីជួយឲ្យអាជីវកម្មរបស់យើងអាចបន្តដំណើរទៅមុខបាន ៕

ពាណិជ្ជកម្ម

ពន្ធចំណេញមូលធនត្រូវរាជរដ្ឋាភិបាលសម្រេចពន្យាពេល១ឆ្នាំ

By

-

សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានឯកភាពឲ្យលើកពេល ការប្រមូលពន្ធលើចំណេញមូលធន រយៈពេល១ឆ្នាំទៀត រហូតដល់ដើមឆ្នាំ២០២២ នេះបើតាមសេចក្ដីជូនដំណឹង របស់អគ្គនាយកដ្ឋានពន្ធដានៅលើបណ្តាញសង្គមFacebook ផ្លូវការរបស់ខ្លួនថ្ងៃទី២២ ខែតុលា ឆ្នាំ២០២០នេះ។

អគ្គនាយកដ្ឋានពន្ធដាបានបញ្ជាក់ថា រាជរដ្ឋាភិបាលសម្រេចឲ្យពន្យារពេលកាលបរិច្ឆេទកំណត់ការដាក់ឲ្យអនុវត្តពន្ធលើចំណេញមូលធន រយៈពេល១ឆ្នាំទៀត រហូតដល់ដំណាច់ឆ្នាំ២០២១ ដើម្បីទុកពេលវេលាគ្រប់គ្រាន់ដល់អ្នកជាប់ពន្ធ និងសាធារណជនទាំងអស់ ដើម្បីស្វែងយល់ឲ្យកាន់តែច្បាស់នូវបទប្បញ្ញត្ដិ ស្ដីពីពន្ធលើចំណេញមូលធន ព្រមទាំងជាការត្រៀមខ្លួនចូលរួមអនុវត្តពន្ធលើចំណេញមូលធននេះ ឲ្យមានភាពរលូន និងមានប្រសិទ្ធភាពខ្ពស់ ចាប់ពីថ្ងៃទី០១ ខែមករា ឆ្នាំ២០២២តទៅ។

ខាងក្រោមនេះ ជាសេចក្ដីជូនដំណឹងរបស់អគ្គនាយកដ្ឋានពន្ធដារ៖

ពាណិជ្ជកម្ម

ការប្រើប្រាស់បច្ចេកវិទ្យាVRក្នុងវគ្គបណ្តុះបណ្តាល ត្រូវបានគេកត់សម្គាល់ឃើញថាមានប្រសិទ្ធិភាពខ្ពស់

By

-

ក្នុងសម័យកាលបច្ចេកវិទ្យានេះ មានអ្វីៗប្លែកៗជាច្រើនបានលេចឡើងដើម្បីជាជំនួយដល់ជីវិត ការងារ និងការធ្វើធុរកិច្ចឱ្យតែទំនើប និងកាន់តែមានប្រសិទ្ធភាពខ្ពស់។ សម័យកាល៤.០នេះ អ្នកនឹងឮពាក្យជាច្រើនដែលទាក់ទងនឹង VR(Virtual Reality), AR(Augmented Reality), IoT(Internet of Things), Big Data, AI(Artificial Intelligent) ។ល។ ដែលអ្នកគួរត្រៀមខ្លួនស្វែងយល់ និងរៀនពីវាបានកាន់តែច្រើនកាន់តែប្រសើរដើម្បីជួយដល់ភាពរីកចម្រើនការងារ អាជីព និងអាជីវកម្មក្នុងពេលខាងមុខ។

ត្រឡប់មកវិញ ខណៈពេលដែលបច្ចេកវិទ្យា VR មិនទាន់មានអ្នកស្គាល់ច្រើននៅឡើយនៅក្នុងប្រទេសកម្ពុជា បច្ចុប្បន្ននេះ នៅបណ្តាប្រទេសជឿនលឿនផ្នែកបច្ចេកវិទ្យាជុំវិញពិភពលោកបានបញ្ចូលវាទៅក្នុងការងារ យុទ្ធសាស្ត្រទីផ្សារ និងការបណ្តុះបណ្តាលដើម្បីបង្កើនប្រសិទ្ធភាព និងភាពទាក់ទាញ។

ជាក់ស្តែង ក្រុមហ៊ុនអន្តរជាតិដ៏ធំមួយគឺក្រុមហ៊ុន pwc (ក្រុមហ៊ុននេះក៏មានវត្តមានក្នុងប្រទេសកម្ពុជាផងដែរ) បានបញ្ចូលការប្រើប្រាស់បច្ចេកវិទ្យាVRនៅក្នុងវគ្គបណ្តាលជំនាញទន់ពាក់ព័ន្ធនឹងភាពជាអ្នកដឹកនាំដល់បុគ្គលិករបស់ខ្លួន។ ជាលទ្ធផល វគ្គបណ្តុះបណ្តាលប្រើប្រាស់បច្ចេកវិទ្យានេះ ទទួលបានផ្លែផ្កា និងប្រសិទ្ធភាពខ្ពស់ដែលជួយឱ្យ៖

បង្កើនកម្រិតជឿជាក់៖ អ្នកដែលទទួលបានការបណ្តុះបណ្តាលដោយប្រើVRមានភាពជឿជាក់កើនឡើង២៧៥%បន្ទាប់ពីបានបញ្ចប់វគ្គ ដែលច្រើនជាងការបណ្តុះបណ្តាលក្នុងថ្នាក់៤០% និង ៣៥%លើសការរៀនតាមអនឡាញ។

បង្កើនកម្រិតផ្សារភ្ជាប់អារម្មណ៍និងវគ្គបណ្តុះបណ្តាល៖ អ្នកដែលទទួលបានការបណ្តុះបណ្តាលតាមរយៈបច្ចេកវិទ្យានេះទទួលបានបទពិសោធន៍ផ្សារភ្ជាប់ជាមួយមាតិការបណ្តុះបណ្តាល៣.៧៥ដងល្អជាងការរៀននៅក្នុងថ្នាក់ និង២.៣ដងល្អជាងការរៀនតាមប្រព័ន្ធអនឡាញ។

ការផ្តោតអារម្មណ៍៖ ជាទូទៅ យើងតែងបែកអារម្មណ៍នៅពេលទទួលបានការបណ្តុះបណ្តាលដោយសារតែទូរស័ព្ទដៃ ឬក៏បរិយាកាសជុំវិញខ្លួនយើង។ តាមរយៈការពាក់វែនតាVR អ្នកដែលបានចូលរួមវគ្គបណ្តុះបណ្តាលបាននិយាយថាពួកគេអាចស្ញង់អារម្មណ៍បានល្អជាងការបណ្តុះបណ្តាលទូទៅ។

ល្បឿន៖ ល្បឿននៃការចាប់បានសម្រាប់វគ្គបណ្តុះបណ្តាលនេះគឺមានប្រសិទ្ធភាពខ្ពស់មែនទែនបើប្រៀបធៀបនឹងការបណ្តុះបណ្តាលធម្មតាដែលអ្នកចូលរួមអាចប្រើប្រាស់ជំនាញដែលបានរៀនហើយមានប្រសិទ្ធភាពជាងមុន និងចំនាយពេលតិចជាងមុន។ ប្រសិនបើអ្នកត្រូវចំណាយពេលរៀនមុខវិជ្ជានោះក្នុងថ្នាក់រៀន២ម៉ោង អ្នកត្រូវការតែ៣០នាទីប៉ុណ្ណោះជាមួយនឹងVRដើម្បីទទួលបានបរិមាណចំណេះនិងជំនាញដូចគ្នា។

មិនមែនត្រឹមតែការប្រើប្រាស់បច្ចេកវិទ្យានេះនៅក្នុងការបណ្តុះបណ្តាលជំនាញទន់ប៉ុណ្ណោះទេ VRក៏ត្រូវបានគេប្រើប្រាស់ក្នុងវិស័យជាច្រើនទៀតដូចជាវិស័យសំណង់ វិស្វកម្ម សង្គ្រោះបន្ទាន់ ពេទ្យ និងវិស័យដទៃផ្សេងទៀតដែលអនុញ្ញាតិឱ្យយើងគ្រាន់តែពាក់វែនតាVR នោះ យើងនឹងឃើញស្ថានភាពនីមួយជារូប៣D ប្រៀបដូចជាយើងកំពុងតែស្ថិតនៅក្នុងស្ថានភាពនោះអញ្ចឹង។

ពាណិជ្ជកម្ម

ហេតុអ្វីគណនីផ្សាយពាណិជ្ជកម្មFacebookខ្ញុំលែងដំណើរការ?

By

-

ថ្មីៗនេះមានគណនីផេកFacebookជាច្រើនមានបញ្ហាដោយមិនអាចប្រើប្រាស់ការផ្សាយពាណិជ្ជកម្មបានបន្តទៅទៀត (Ad Account Disable)។ ប្រសិនបើគណនីអ្នកមានបញ្ហាត្រូវបានFacebookបិទ អ្នកនឹងទទួលសារដូចខាងក្រោមនេះ៖

Your account has been disabled. Your ads have been stopped and should not be run again. We disable an account if too many of its ads violate our Terms of Use. We cannot provide you with the specific violations that have been deemed abusive. Please review our Terms of Use and Advertising Guidelines if you have further questions.

ឬ

Your ad account has recently been flagged because of unusual activity. For security reasons, any ads you’re running will be paused until you can confirm your account information by contacting Facebook.

ប្រសិនបើមានបញ្ហានេះ អ្នកអាចចូលទៅទំព័រព័ត៌មាន ការបិទផ្អាកគណនី របស់Facebook ដើម្បីត្រួតពិនិត្យមើលពីលក្ខខណ្ឌរបស់Facebook ដើម្បីធ្វើការសិក្សាពីបញ្ហាដែលអ្នកកំពុងតែមាន និងរកដំណោះស្រាយ។ គំនិតមិនមានសិទ្ធិអំណាចក្នុងការដោះស្រាយអំពីបញ្ហានេះជំនួសបានទេ លុះត្រាតែអ្នកខ្លួនឯងធ្វើការទំនាក់ទំនង និងធ្វើការរកដំណោះស្រាយជាមួយFacebook ព្រោះវាជាដែនសមត្ថកិច្ចរបស់បណ្តាញសង្គមយក្សមួយនេះ។

ហេតុអ្វីទើបគណនីរបស់អ្នកត្រូវបានផ្អាកមិនអាចប្រើប្រាស់ការផ្សាយពាណិជ្ជកម្មបាន?

ខាងក្រោមនេះគឺជាមូលហេតុមួយចំនួនដែលកំពុងតែកើតមានក្នុងគណនីរបស់អ្នក៖

Facebookបិទគណនីពាណិជ្ជកម្មរបស់អ្នកដោយសារតែមិនបានបង់ប្រាក់ថ្លៃផ្សព្វផ្សាយត្រឹមត្រូវ មានន័យថា ក្រុមហ៊ុនបណ្តាញសង្គមនេះមិនអាចធ្វើការកាត់លុយចេញពីកាតដែលអ្នកបានភ្ជាប់ជាមួយគណនីពាណិជ្ជកម្ម។ ត្រូវច្បាស់ថា អ្នកបានដាក់បញ្ចូលមធ្យោបាយទូទាត់ប្រាក់ដែលត្រឹមត្រូវ និងមិនហួសកាលបរិច្ឆេទ។
ដោយសារតែអ្នកបានធ្វើការស្ម័គ្រចិត្តផ្អាកការប្រើប្រាស់ដោយខ្លួនឯង (ពេលខ្លះអាចមកពីអ្នកចុចច្រឡំ) ហើយអ្នកមិនទាន់បានបង់លុយដែលអ្នកជំពាក់Facebookដែលមានកន្លងមក។ ដូចនេះដើម្បីអាចប្រើប្រាស់បានវិញ អ្នកត្រូវតែធ្វើការទូទាត់សងថ្លៃជំពាក់ការផ្សាយពាណិជ្ជកម្មជាមុនសិនទើបអាចបន្តការប្រើប្រាស់បានឡើងវិញ។
មានរឿងរ៉ាវជាច្រើនទៀតដែលធ្វើឱ្យអ្នកស្ថិតក្នុងស្ថានភាពដែលត្រូវបានក្រុមហ៊ុនFacebook ផ្អាកលទ្ធភាពផ្សព្វផ្សាយពាណិជ្ជកម្មរបស់អ្នកដោយសារតែអ្នកមិនបានអនុវត្តឱ្យបានត្រឹមត្រូវតាមគោលការណ៍ផ្សព្វផ្សាយដែលបណ្តាញសង្គមមួយនេះតម្រូវដែឡមានដូចជា៖
- ធ្វើការផ្សព្វផ្សាយពាណិជ្ជកម្មរឿងរកដៃគូរស្នេហា ឬក៏ការផ្សព្វផ្សាយដែលប្រហាក់ប្រហែល
- ធ្វើការផ្សព្វផ្សាយពណិជ្ជកម្មបែបទីផ្សារបណ្តាញ ឬក៏ឱកាសជាដៃគូររកលុយតាមរយៈការផ្សព្វផ្សាយពីភាគីទី៣
- ព្យាយាមចង់បានចំនួនLikeច្រើនដោយបង្កើតការផ្សព្វផ្សាយថារកលុយតាមអនឡាញ ធ្វើការពីផ្ទះ ប្រមូលអ៊ីម៉ែល រកទិន្នន័យទំនាក់ទំនង និយាយពីឱកាសវិនិយោគ ឬទាក់ទងនឹងផ្នែកហិរញ្ញវត្ថុ
- ធ្វើការផ្សព្វផ្សាយតំណភ្ជាប់ដែលនាំទៅកាន់ទំព័រផ្សេងខុសពីការពិត
- បង្កើតFacebookកូប៉ុងដែលខុសច្បាប់
- បង្កើតគណនីFacebook ថ្មីហើយព្យាយាមបង្កើតការផ្សព្វផ្សាយជាច្រើនជាន់គ្នា
- ប្រើប្រាស់គណនីពាណិជ្ជកម្មច្រើនសម្រាប់ផ្សព្វផ្សាយPage តែមួយក្នុងពេលដ៏ខ្លី
- មានការផ្សាយពាណិជ្ជកម្មជាច្រើនមានបញ្ហាក្នុងពេលកន្លងមក ហើយត្រូវបានបិទដោយFacebook

ខាងក្រោមនេះគឺជាគន្លឹះមួយចំនួនដើម្បីចៀសវាងហានិភ័យខាងលើកើតឡើង៖

ចៀសវាងការប្រើប្រាស់កាតឥណទាន(Credit Card)ដែលបានភ្ជាប់ជាមួយគណនីដែលបានបិទដោយFacebookកាលពីមុន
សម្រាប់គណនីFacebookថ្មី ចូរកុំព្យាយាមបង្កើតការផ្សាយពាណិជ្ជកម្មច្រើនពេកក្នុងពេលតែមួយ ជាពិសេសនៅពេលទើបតែចាប់ផ្តើមប្រើប្រាស់។ ត្រូវចាប់ផ្តើមបង្កើតការផ្សាយពាណិជកម្មចាប់ពីចំនួនតិចទៅច្រើន ហើយចៀសវាងការផ្លាស់ប្តូរទម្លាប់ផ្សព្វផ្សាយខុសពីសព្វមួយដងខ្លាំងពេក។
ត្រូវច្បាស់ថាអាសយដ្ឋានដែលអ្នកដាក់នៅក្នុងFacebookអំពីព័ត៌មានកាតឥណទាន ត្រូវតែដូចនឹងទិន្នន័យដែលអ្នកបានចុះជាមួយធនាគារជាក់ស្តែង។
ត្រូវចាំថា អ្នកមានទឹកប្រាក់គ្រប់គ្រាន់នៅក្នុងកាតដែលអាចឱ្យFacebookកាត់ទឹកប្រាក់បាន។
កុំព្យាយាមផ្លាស់ប្តូរកាតឥនទានញឹកញាប់ពេក
កុំផ្សព្វផ្សាយពាណិជ្ជកម្មណាដែលខុសនឹងគោលការណ៍Facebook

ពាណិជ្ជកម្ម

ហេតុអ្វីសេដ្ឋីវ័យក្មេង២៦ឆ្នាំនេះនិយាយថា អ្នកមិនគួរខ្ចះខ្ជាយពេលវេលាពង្រឹងខ្លួនឯង?

By

-

កុំចំណាយពេលវេលាឬ ខំប្រឹងប្រែងដើម្បីកែលម្អអ្វីដែលជាចំណុចខ្សោយរបស់អ្នក។ វាជាការខ្ជះខ្ជាយពេលវេលា។ ផ្ទុយទៅវិញអ្នកត្រូវផ្តោតរាល់ពេលវេលានិងថាមពលរបស់ដុសខាត់ដើម្បីបង្កើននូវអ្វីដែលអ្នកមានទេពកោសល្យ។

នោះគឺជាដំបូន្មានរបស់ លោក Brian Wong ដែលកាលពីអាយុ ១៩ ឆ្នាំ លោកបានបើកក្រុមហ៊ុនផ្សាយពាណិជ្ជកម្មតាមទូរស័ព្ទ Kiip ដែលធ្វើការជាមួយក្រុមហ៊ុនធំ ៗ រួមមាន McDonald’s និងក្រុមហ៊ុនកូកាកូឡាហើយកំពុងរកប្រាក់ចំណូលបាន ២០ លានដុល្លារនៅឆ្នាំនេះ។

លោក Wong ប្រាប់ថា “ដំបូងឡើយអ្នកប្រាកដជាមានអារម្មណ៍ថាវាមិនទំនងសោះដែលមិនព្យាយាមដោះស្រាយភាពទន់ខ្សោយ ឬយ៉ាងហោចណាស់ធ្វើឱ្យវាបានល្អជាងនេះ “ប៉ុន្តែខ្ញុំពិតជាជឿជាក់ថានៅពេលយើងធំឡើងដល់ចំណុចមួយ យើងនឹងមានអារម្មណ៍ថា យើងមានដែនកំណត់មួយដែលយើងមិនអាចធ្វើវាឱ្យល្អជាងនេះនោះទេ”។

“ប៉ុន្តែខ្ញុំពិតជាជឿជាក់ថានៅពេលយើងធំឡើងដល់ចំណុចមួយ យើងនឹងមានអារម្មណ៍ថា យើងមានដែនកំណត់មួយដែលយើងមិនអាចធ្វើវាឱ្យល្អជាងនេះនោះទេ”។

លោក Wong ជឿជាក់ថាអ្នកនឹងទទួលបានផលចំណេញកាន់តែច្រើនពីការវិនិយោគ ឬដុសខាត់ឱ្យកាន់តែ ប្រសើរឡើងនូវអ្វីដែលអ្នកមានទេពកោសល្យ។

អ្នកនឹងមានអារម្មណ៍ថា អ្នកធ្វើអ្វីមួយបានល្អខ្លាំង ហើយធ្វើដោយមិនបាច់ប្រឹង គឺដោយសារតែដុងពីធម្មជាតិដែលអាចជួយអ្នកក្លាយជាមនុស្សលំដាប់កំពូលម្នាក់ក្នុងពិភពលោក ត្រូវទេ? ការងារអ្នកមានដុងនោះមិនមែនត្រឹមតែធ្វើឱ្យអ្នករីកចម្រើនក្នុងអាជីពប៉ុណ្ណោះទេ និងមានកម្រិតខ្ពស់នោះទេ តែវាជាអ្វីដែលនឹងជួយអ្នករកអត្តសញ្ញាណខ្លួនឯងឃើញ ហើយនាំអ្នកទៅកាន់ភាពជោគជ័យ។

គ្មាននរណាម្នាក់អាចពូកែអ្វីគ្រប់យ៉ាងនោះទេ ដូច្នេះឱកាសដ៏ល្អបំផុតរបស់អ្នកក្នុងការធ្វើអ្វីមួយឱ្យកក្រើកបានគឺជាការធ្វើអ្វីមួយតែមួយមុខដែលអ្នកធ្វើបានល្អបំផុត។

នៅពេលដែលអ្នកបានរកឃើញកម្លាំងពិសេសរបស់អ្នក បន្ទាប់មកត្រូវរកកន្លែងស័ក្តិសម និងគាំទ្រអ្នកបញ្ចេញទេពកោសល្យនោះ អ្នកប្រាកដជាអាចរីកចម្រើន និងជោគជ័យជាក់ជាមិនខាន។

អ្នកត្រូវតែរកកន្លែងមួយដែលអាចផ្សារភ្ជាប់រវាងជំនាញដែលអ្នកមាន និងកន្លែងដែលអ្នកអាចបញ្ចេញជំនាញនោះបានដោយមានការទទួលស្គាល់ និងការគាំទ្រដើម្បីអាចច្នៃវាដើម្បីអាចរកផលចំណេញបានខ្ពស់បំផុត។

“អ្នកមិនចង់វិនិច្ឆ័យត្រីថាតើវាឡើងដើមឈើបានខ្ពស់កម្រិតណានោះទេ។ ប្រសិនបើអ្នកមិននៅក្នុងមជ្ឈដ្ឋានត្រឹមត្រូវ អ្នកត្រូវបានគេវិនិច្ឆ័យថាជាត្រីដោយកំណត់ថាតើអ្នកឡើងដើមឈើបានកម្ពស់ប៉ុណ្ណា ប៉ុន្តែអ្នកត្រូវ ទៅរកមហាសមុទ្ររបស់អ្នក។” នេះជាការបន្ថែមរបស់លោក Wong

នេះគឺជាអ្វីដែលសំខាន់បំផុត ដែលអ្នកមិនត្រឹមតែត្រូវមានជំនាញ និងទេពកោសល្យប៉ុណ្ណោះទេ អ្នកត្រូវស្ថិតនៅក្នុងមជ្ឈដ្ឋានដែលត្រឹមត្រូវផងដែរ។

ប្រភព៖ cnbc

ពាណិជ្ជកម្ម

តើធ្វើដូចម្ដេចទើបអាចវិភាគទីផ្សារបានល្អិតល្អន់?

By

Rin Hanavy

-

ការវិភាគទីផ្សារគឺជារឿងមួយដែលចាំបាច់បំផុតចំពោះការធ្វើអាជីវកម្ម ព្រោះការដឹងពីទីផ្សារបានច្បាស់នឹងធ្វើឲ្យអាជីវកម្មនោះរីកដុះដាលកាន់តែខ្លាំង និង មានអ្នកគាំទ្រកាន់តែច្រើនផងដែរ ជាពិសេសអាចធ្វើឲ្យម៉ាកយីហោនៃអាជីកម្មនោះឈានមុខគេលើទីផ្សារប្រកួតប្រជែង។ហើយខាងក្រោមនេះគឺជាសំណួរមួយចំនួនដែលយើងអាចសួរមកខ្លួនឯងដើម្បីស្វែងយល់ពីទីផ្សារនៃការធ្វើអាជីវកម្មរបស់ខ្លួនឲ្យកាន់តែច្បាស់៖

១. នរណាជាអតិថិជនពិតប្រាកដរបស់អ្នក

សរសេរតារាងគុណសម្បិត្តនិងលក្ខណៈទាំងអស់ដែលអតិថិជនគោលដៅគួរមាន ដូចជា អាយុ ការសិក្សា មុខរបរ កម្រិតចំណូល ទស្សនៈ ឬតម្រូវការរបស់គេជាអ្វីខ្លះ។ បើអ្នកកាន់តែអាចកំណត់ពីអតិថិជនគោលដៅជាក់ច្បាស់ប៉ុណ្ណា ការស្វែងរកអតិថិជនទាំងនេះដើម្បីជជែកក៏កាន់តែស្រួលឡើងប៉ុណ្ណោះដែរ។

២. នរណាទិញទំនិញឬសេវាកម្មរបស់អ្នកនៅពេលនេះ?

អ្នកគួរតែប្រើច្បាប់ 80/20 ថានរណាគឺជា20%នៃអតិថិជនរបស់អ្នកដែលជាអ្នកបង្កើតចំណូល80%នៃធុរកិច្ចរបស់អ្នក?តើពួកគេមានអ្វីខ្លះដែលដូចគ្នា?តើអ្នកអាចរកអតិថិជនដែលដូចអតិថិជនដ៏ល្អបំផុតនាពេលបច្ចុប្បន្នបានច្រើនឡើងយ៉ាងដូចម្ដេច?

៣. នរណាជាអតិថិជនអនាគតរបស់អ្នក?

ទីផ្សារមានការផ្លាស់ប្ដូរជាបន្តបន្ទាប់ អ្នកក៏ត្រូវតែផ្លាស់ប្ដូរដូចគ្នា អ្នកអាចធ្វើការប៉ាន់ស្មាន៥ឆ្នាំទៅមុខ ដោយវាយតម្លៃពីទំនោរបច្ចុប្បន្ន ថាតើនរណាមានឱកាសជាអតិថិជនដ៏ល្អបំផុតរបស់អ្នកនៅពេលនេះ?

៤. អ្នកដែលមិនស្ថិតនៅក្នុងក្រុមអតិថិជនរបស់អ្នកជានរណា?

តើនរណាជាអ្នកដែលអាចប្រើទំនិញឬសេវាកម្មរបស់អ្នក តែមិនទិញពីអ្នកឬមិនទិញពីគូរប្រជែងសោះ? មនុស្សទាំងនេះគ្មាននៅលើទីផ្សារទេ។តាមការពិតអ្នកដែលមិនស្ថិតនៅក្នុងក្រុមអតិថិជន គឺជាទីផ្សារធំបំផុតនៃទំនិញឬសេវាកម្មរបស់អ្នកដែលនៅមិនទាន់មកដល់។បើអ្នកអាចរកឃើញឬបញ្ជាក់ថាជានរណា ហើយរកឃើញពីវិធីសាស្ត្រអូសទាញពួកគេ នោះអ្នកនឹងបង្កើនអត្រាការលក់របស់អ្នកដល់ចំណុចកំពូលដែលមិនធា្លប់មានពីមុនមក។

៥. តើមូលហេតុអ្វីទើបអតិថិជនព្រមទិញ?

តើមានចំណុចមានប្រៀបឬមានប្រយោជន៍ដែលអតិថិជនដឹងក្នុងការទិញទំនិញឬសេវាកម្មរបស់អ្នកគឺអ្វី?ក្នុងបណ្ដាលចំណុចផ្សេងៗដែលអ្នកណែនាំដល់អតិថិជន តើផ្នែកសំខាន់នៃទំនិញឬសេវាកម្មដែលអតិថិជនពេញចិត្តបំផុតគឺអ្វី?តើកុងតាក់បញ្ឆេះអារម្មណ៍ ដែលជាមូលហេតុធ្វើឲ្យអតិថិជនទិញគឺអ្វី?អ្នកត្រូវតែដឹងចំពោះចម្លើយនៃសំណួរទាំងនេះ។

៦. តើមូលហេតុអ្វីទើបអតិថិជនមិនព្រមទិញ?

អ្នកដែលនៅមិនទាន់ទិញទំនិញរបស់អ្នកឬរបស់អ្នកដទៃនៅពេលនេះ ជាប្រភពអតិថិជនថ្មីដែលមានទំហំធំបំផុត។បើអ្នកអាចរកចម្លើយបានថាហេតុអ្វីទើបពួកគេមិនទិញ នោះអ្នកនឹងអាចទម្លុះទីផ្សារថ្មីនិងលក់បានជាងសព្វដង។អ្នកត្រូវសួរខ្លួនឯងជារឿយៗថា “ហេតុអ្វីបានជាពួកគេមិនព្រមទិញទំនិញរបស់យើង?”

ជាញឹកញាប់មធ្យោបាយដែលងាយបំផុតក្នុងការចូលដល់ទីផ្សាររបស់អ្នកដែលមិនស្ថិតនៅក្នុងក្រុមអតិថិជន គឺរកឲ្យឃើញ និង ប្រាប់ពីប្រយោជន៍ដោយចំពោះឲ្យអ្នកដែលមិនស្ថិតនៅក្នុងក្រុមអតិថិជនបានឃើញពីគុណតម្លៃនិងកើតមានអារម្មណ៍ចង់ក្លាយជាម្ចាស់នៃទំនិញឬសេវាកម្មមួយនេះ។ដូចនេះអ្នកត្រូវបង្ហាញឲ្យអតិថិជនគោលដៅឃើញថា គេនឹងទទួលប្រយោជន៍ពីទំនិញឬសេវាកម្មទាំងនោះពិតប្រាកដ។

៧. តើទំនោរធុរកិច្ចនិងទីផ្សាររបស់អ្នកគឺអ្វី?

តើមានការផ្លាស់ប្ដូរអ្វីដែលកំពុងកើតឡើង ដែលអាចបង្ខំឲ្យអ្នកផ្លាស់ប្ដូរវិធីដែលអ្នកលក់ឬមនុស្សដែលអ្នកលក់របស់ឲ្យ?តើទីផ្សាររបស់អ្នកកំពុងតែងាកទៅរកទិសណា?តើអតិថិជនរបស់អ្នកកំពុងផ្លាស់ប្ដូរយ៉ាងដូចម្ដេច?

៨.គូរប្រជែងអ្នកគឺជានរណា?

នរណាជាគូប្រជែងធំ និង ជាគូប្រជែងបន្ទាប់របស់អ្នក?តើអតិថិជនគោលដៅរបស់អ្នកមើលឃើញប្រយោជន៍អ្វីក្នុងការទិញទំនិញពីគូប្រជែងរបស់អ្នក?តើអ្នកអាចឆ្លើយប្រឆាំងនឹងប្រយោជន៍ដែលអតិថិជនទទួលដឹងទាំងនេះបានដូចម្ដេច?តើអ្នកនឹងកំណត់ស្ថានភាពរបស់ខ្លួនដើម្បីទាក់ទាញឲ្យមនុស្សទិញទំនិញពីអ្នក ជំនួសឲ្យការទៅទិញពីផលិតផលរបស់ដៃគូប្រកួតប្រជែងបានយ៉ាងដូចម្ដេច?រឿងទាំងនេះសុទ្ធតែជាគន្លឹះក្នុងការទម្លុះទីផ្សារ។ក្រុមហ៊ុនត្រូវរៀបចំតំណែងរបស់ខ្លួនឯងយ៉ាងសមស្របនៅពេលប្រៀបធៀបជាមួយគូប្រជែងពេលនោះអត្រាការលក់របស់ពួកគេនឹងកើនឡើងរាប់រយភាគរយតែម្ដង។

ពាណិជ្ជកម្ម

កាហ្វេមួយកែវមានតម្លៃយ៉ាងណាចំពោះអ្នក?

By

-

វប្បធម៌ ញ៉ាំ កាហ្វេ ចាប់ផ្តើម រីក ដុះ ដាលយ៉ាង ខ្លាំ ងនៅក្នុង ប្រទេស យើង ជា ពិសេស នារយៈពេលប៉ុន្មាន ឆ្នាំ ចុងក្រោយ នេះក្នុងរាជធានីភ្នំពេញ។ យើង ឃើញមាន ហាង កាហ្វេ រីក ដូចផ្សិត ស្ទើរគ្រប់ទីកន្លែង គ្រប់ ច្រកល្ហក។ កាហ្វេ មួយ កែវ នៅក្នុង ហាង កាហ្វេ ទំនើប ជាមធ្យម គឺមានតម្លៃ ប្រហែល ៣ដុល្លា ហើយ យើងឃើញ ថា វា គឺជា ជម្រើស ដ៏ពេញនិយម ពីសំណាក់ មនុស្ស សម័យ ថ្មី។ តើតម្លៃ ៣ដុល្លា ថ្លៃ ដែរឬទេ? យើងអាចថា ថ្លៃ ក៏បាន ធូរថ្លៃ ក៏បាន។ ប្រ សិន បើយើង សួរ សំណួរ ដូចខាងលើ មនុស្ស មួយចំនួន ធំប្រាកដជាគិត ថា ថ្លៃដោយ ពួកគាត់ យល់ ថាវា មិន សមាមាត្រ ទៅ នឹង ប្រាក់ ចំណូល របស់ប្រជាជន ទូទៅ ហើយ សម្រាប់ អ្នកដែលមាន ប្រាក់ចំណូល គួរ សម គាត់ នឹង អាច យល់ ថា ៣ដុល្លា គឺមិនជា ថ្លៃនោះទេ។ ប៉ុន្តែ ប្រសិន បើគិត ពីជ្រុង មួយ ទៀត គឺគិត ពីតម្លៃ ពិត របស់ កាហ្វេ មួយកែវ វាអាចមាន តម្លៃ ត្រឹម៣ដុល្លា មែន ឬក៏ អាច ផ្តល់ តម្លៃ ដល់ យើងរហូត នឹកស្មាន មិនដល់។

កាហ្វេ មួយកែវ ក៏អាច មាន តម្លៃរហូត ដល់ មិន អាច កាត់ ថ្លៃ បាន ប្រិសិន បើយើង ចេះ ស្រូប យក តម្លៃ របស់វា។

បើ ស្តាប់ មើល ទៅ ដូចជា មិន ទំនងសោះ ! វា ពិត ជាមាន តម្លៃ ៣ ដុល្លា ប្រសិនបើអ្នក ជាវកាហ្វេ នោះ គ្រាន់តែ ចង់ទទួល បាន នូវ ឱជារស និង ក្លិន ឆ្ងុយឈ្ងប់ របស់ កាហ្វេ ឬ គ្រាន់តែ ចង់ មក អង្គុយ លេងដើម្បី កែអផ្សុក បន្ធូរ អារម្មណ៍ ឬ ក៏ មក ដើម្បីជួបជុំ កម្សាន្ត ជាមួយ មិត្តភក្តិ។ ប៉ុន្តែ កាហ្វេ មួយកែវ ក៏អាច មាន តម្លៃរហូត ដល់ មិន អាច កាត់ ថ្លៃ បាន ប្រិសិន បើយើង ចេះ ស្រូប យក តម្លៃ របស់វា។ អ្នកខ្លះ កាហ្វេ មួយ កែវរបស់គាត់ គឺ អាច បាន សង្សារមួយ ក៏ថាបាន ហើយ Life time value របស់កាហ្វេពេលខ្លះ គឺប្រពន្ធមួយ ផង ក៏មិនដឹង។ អ្នក ខ្លះ ទៀតកាហ្វេ មួយ កែវ អាច បង្កើនចំណង មិត្តភាពកាន់តែ ស្អិត រមួត និង បណ្តាញនកាន់តែទូលាយ ដែលទំនាក់ទំនង ទាំងនោះ ផ្តល់ នូវ តម្លៃដែលមិន អាច កាត់ថ្លៃបាន នាពេលអនាគត។ អ្នក ខ្លះ កាហ្វេមួយ កែវ គឺអាច បំពេញ កិច្ច ការ ងារ ដ៏សំខាន់មួយ ដែលមាន តម្លៃ រាប់ រយ រាប់ពាន់ ឬរាប់ម៉ឺន ដុល្លា។ អ្នកខ្លះ គាត់ ចំណាយ ថ្លៃកាហ្វេ មួយកែវ គឺដើម្បី មាន ឱកាសបាន ជួបអ្នកដែលមាន បទពិសោធ ឬអ្នកមានជំនាញធ្វើការ ពិភាក្សា រៀនសូត្រស្រូប យក ចំណេះ ដែល អ្វីដែលគាត់ បាន រៀន គឺអាច ជះឥទ្ធិពល វិជ្ជមានយ៉ាង ខ្លាំង ក្នុង ជីវិត របស់ គាត់។ អ្នកខ្លះ ទៀត កាហ្វេ មួយកែវ របស់គាត់ អាច ធ្វើឱ្យគាត់ ទទួលបាន ឱកាសការងារដែលល្អ ឬក៏ឱកាស អាជីវកម្ម មួយ ដែលគាត់ នឹកស្មានមិនដល់។ អ្នកខ្លះ កាហ្វេ មួយកែវ របស់គាត់ អាចធ្វើ ឱ្យ គាត់រកឃើញ ដៃគូរ អាជីវកម្ម ដ៏ល្អ ឬ ក៏គំនិត ដ៏អស្ចារ្យ អាចធ្វើឱ្យ គាត់បង្កើត អាជីវកម្ម មួយ ដែលល្បីល្បាញមួយ ។

ពាណិជ្ជកម្ម

សម្រាប់ ខ្ញុំ វិញ រាល់ កាហ្វេ មួយកែវ ៗ គឺ មាន តម្លៃ ផ្សេងៗ គ្នា ពេលខ្លះ គឺវាគ្រាន់តែ ជា ការ ខ្ចះខ្ជាយ ប្រាក់កាសតែប៉ុណ្ណោះដោយ មិនបាន តម្លៃ អ្វីពីកាហ្វេ អ្វីទាំងអស់។ ប៉ុន្តែ ស្ទើរ រាល់ពេល កាហ្វេ មួយ កែវ តែង តែ ផ្តល់ នូវ តម្លៃ តប មកវិញជា និច្ច។ ដោយសារ តែ កាហ្វេ មួយកែវ ធ្វើឱ្យ ខ្ញុំ ស្គាល់ មនុស្ស ល្អៗ ជាច្រើន និង រក្សាទំនាក់ទំនងមិត្តភាពចាស់ៗ។ អ្នកខ្លះបាន ក្លាយជា មិត្ត ភក័្ត ដ៏ល្អ អ្នកខ្លះ បាន ក្លាយ ជា ក្រុម ការងារ ដ៏ល្អ អ្នកខ្លះបានផ្តល់នូវ គំនិត ល្អៗសម្រាប់អភិវឌ្ឍអាជីវកម្ម និង ការងារ អ្នកខ្លះបាន ក្លាយទៅជា អតិថិជន ដែលផ្តល់ចំណូល និង ជាអ្នកផ្សព្វផ្សាយបន្ត។ ចុះអ្នកវិញ?

តើ នូវរាល់ពេលទៅញ៉ាំកាហ្វេ ម្តងៗ តើអ្នកមាន ដែលគិតពីតម្លៃនៃកាហ្វេ មួយពែង ដែរឬទេ? តើកាហ្វេមួយពែង បាន ផ្តល់ អ្វីខ្លះដល់អ្នក?

ពាណិជ្ជកម្ម

Apple បានធ្វើការប្រកាសពីម៉ូដែល iPhone ១២ របស់ខ្លួនដោយរក្សាតម្លៃលក់ដដែល

By

-

ក្រុមហ៊ុន Apple បានបង្ហាញជាផ្លូវការកាលពីយប់មិញនេះនូវទូរស័ព្ទម៉ូដែលថ្មីរបស់ខ្លួនចំនួន៤ ដោយរក្សាតម្លៃនៅដដែលពីទូរស័ព្ទជំនាន់មុនរបស់ខ្លួន ហើយព្រមទាំងធ្វើការបង្ហាញផលិតផលថ្មីមួយទៀតដែលមិនធ្លាប់មាន គឺបាសឆ្លាតវៃ (Smart Speaker)។

iPhone SEគឺជាម៉ូដែលដែលមានតម្លៃទាបជាបគេ ហើយសម្រាប់ម៉ូដែលធំ និងលឿនជាងគេ គឺiPhone Proគឺចាប់ផ្តើមពី៩៩៩ដុល្លារ និង ១០៩៩ដុល្លារសម្រាប់ iPhone Pro Max ហើយសម្រាប់ប្រភេទ iPhone SE និង ១២ គឺអាចធ្វើការកម្ម៉ង់បានចាប់ពីថ្ងៃទី១៦ខែតុលានេះ និងប្រភេទ២ផ្សេងទៀតគឺត្រូវរង់ចាំរហូតដល់ថ្ងៃទី១៣ខែវិច្ឆិកាទើបអាចចាប់ផ្តើមកម្ម៉ង់បាន។

សម្រាប់ម៉ូដែលថ្មីនេះ ក្រុមហ៊ុនApple បានធ្វើការបញ្ចូលបច្ចេកវិទ្យា៥Gដែលជាបច្ចេកវិទ្យាអ៊ិនធឺណិតចុងក្រោយបង្អស់និងជាលើកទី១ហើយសម្រាប់បងប្អូនសេរី១២នេះ ព្រមទាំងធ្វើការបង្កើនសមត្ថភាពលើកាមេរ៉ាផងដែរ ដែលសម្រាប់ iPhone Pro Max គឺអាចផ្តិតរូបភាពបានច្បាស់ជាងមុន និងអាចថតវីដេអូកម្រិត៤K និង ៦០fpsដែលពិតជាពិសេសសម្រាប់អ្នកដែលចូលចិត្តថតរូប និងវីដេអូ។

ក្រៅពីនេះ អ្វីដែលប្លែកសម្រាប់ម៉ូដែលទូរស័ព្ទថ្មី Apple បានបង្កើនជម្រើសពណ៌ដល់អតិថិជនរបស់ខ្លួននូវពណ៌ប្រផេះក្រម៉ៅ ទឹកប៊ិកចាស់ ពណ៌ហ្គិច ពណ៌ក្រហម និងពណ៌ស និងបង្កើនទំហំផ្ទៃអេក្រង់ធំជាងមុនបើប្រៀបធៀបនឹងទូរស័ព្ទមុនៗ។

ពាណិជ្ជកម្ម

ហេតុអ្វីបានជាមនុស្សឆាប់បោះបង់ចោលការព្យាយាមម្ល៉េះ?

By

Rin Hanavy

-

ការបរាជ័យដដែលៗ ជាមួយនឹងរឿងដដែលៗនឹងធ្វើឲ្យមនុស្សឆាប់បាក់ស្បាត ឆាប់ដកថយលែងហ៊ានបន្តដំណើរទៅមុខដើម្បីសម្រេចក្ដីសុបិន្តរបស់ពួកគេទៀត ជាពិសេសពួកគេឆាប់បោះបង់បែបនេះដោយសារតែស្ដាប់ពាក្យសម្ដីរបស់អ្នកដទៃខ្លាំងពេក គ្មានអ្នកលើកទឹកចិត្ត ឬគ្មានការរៀបចំផែនការឲ្យបានច្បាស់លាស់ជាដើម។ម្យ៉ាងទៀតដោយសារតែអារម្មណ៍របស់មនុស្សឆាប់ទទួលរងឥទ្ធិពលពីមជ្ឈដ្ឋានខាងក្រៅ ទើបធ្វើឲ្យពេលខ្លះពួកគេមានអារម្មណ៍ថាចង់ធ្វើអ្វីមួយបានតែមួយឆាវៗ រួចក៏រលត់ភ្លើងនៃចំណង់ទាំងនោះទៅវិញហើយក៏បោះបង់វាចោលតែម្ដងដោយពុំស្ដាយស្រណោះទាល់តែសោះ។តើអ្នកដឹងទេថាដើមចមអ្វីដែលធ្វើឲ្យមនុស្សឆាប់បោះបង់ចោលការងារទាំងនោះម្ល៉េះ?ដូចនេះថ្ងៃនេះពួកយើងនឹងប្រាប់ពីចំណុចទាំង៤ដែលជាមូលហេតុ៖

១. ពួកគេចង់បានលិទ្ធផលភ្លាមៗ

គ្មានភាពជោគជ័យឯណាអាចកើតឡើងមកភ្លាមៗនិងឆាប់រហ័សនោះទេ គឺមានតែភាពជោគជ័យនៅក្នុងសុបិនតែប៉ុណ្ណោះទើបអាចកើតឡើងបាន។ជាក់ស្ដែងដូចជាការសិក្សាអ្នកដូច្នឹងដែរ មិនមែនរៀនមួយថ្ងៃ មួយខែ មួយឆ្នាំ អាចឲ្យអ្នកចេះគ្រប់សព្វ យល់ដឹងគ្រប់រឿង ឬក្លាយជាមនុស្សជោគជ័យម្នាក់បាននោះទេ ពោលគឺអ្នកត្រូវតែចំណាយពេលជាច្រើនឆ្នាំដើម្បីសិក្សាស្វែងយល់ពីវាឲ្យបានស៊ីជម្រៅនិងកាន់តែច្បាស់លាស់។ដូចនេះប្រសិនបើអ្នកចង់ចាប់ផ្ដើមធ្វើអ្វីមួយ អ្នកត្រូវអត់ធ្មត់សង្កត់ចិត្តឲ្យមាំ ត្រូវរៀនពីវាម្ដងមួយជំហានៗ បន្តិចម្ដងៗ ហើយក៏កុំប្រញាប់ចង់បានលិទ្ធផលលឿនៗពេកអី ព្រោះវាអាចធ្វើឲ្យអ្នកឆាប់បាក់ទឹកចិត្ត ឆាប់បោះបង់ ឆាប់បាក់ស្បាតលែងហ៊ានសាកល្បងបន្តទៀត ជាពិសេសវានឹងធ្វើឲ្យអ្នកមើលងាយសមត្ថភាពខ្លួនឯងកាន់តែខ្លាំងឡើងៗនៅពេលដែលលិទ្ធផលចេញមកពុំដូចអ្វីដែលអ្នកគិត។

Indoor shot of gloomy cute female in striped blouse over t-shirt, clasping hands and pursing lips, frowning while gazing up with hopeful expression, waiting for results of test over gray wall Free Photo

២. ពួកគេគ្មានវិន័យលើខ្លួនឯង

នេះក៏ជាចំណុចមួយសំខាន់ំណាស់ដែរ ព្រោះពេលណាដែលគ្មានវិន័យ គ្មានគោលការណ៍ គ្មានផែនការសម្រាប់ខ្លួនឯង អ្នកប្រាកដជាមានភាពធូរលុង គ្មានភាពតឹងតែង ហើយធ្វើអ្វីៗហីអើៗ ម្ដងធ្វើនេះម្ដងធ្វើនោះតាមតែចិត្តនឹកឃើញ ធ្វើវាលំៗឲ្យតែហើយៗជាដើម ដោយពុំបានគិតពីលិទ្ធផលដែលនឹងកើតមានឡើយ។មនុស្សដែលរស់នៅដោយគ្មានច្បាប់ទម្លាប់ត្រឹមត្រូវ គ្មានវិន័យចំពោះខ្លួនឯង គ្មានគោលដៅជាក់លាក់ពួកគេគ្មានថ្ងៃអាចទទួលបាននូវភាពជោគជ័យឬអាចសម្រេចកិច្ចការធំបានឡើយ។ដូចនេះបើសិនជាអ្នកចង់ឲ្យបំណងប្រថ្នារបស់អ្នកក្លាយជាការពិត អ្នកត្រូវតែមានវិន័យ មានផែនការ និង មានគោលការណ៍សម្រាប់ខ្លួនឯង ហើយអនុវត្តវាឲ្យបានខ្ជាប់ខ្ជួន។

The Eleventh Hour, Disaster, Change, Alarm Clock, Clock

៣. ពួកគេគិតពីសម្ដីអ្នកដទៃខ្លាំងពេក

ពាក្យសម្ដីប្រៀបបានទៅនឹងអាវុធមុខពីរ មានទាំងល្អមានទាំងអាក្រក់។បើអ្នកចូលចិត្តស្ដាប់ និងចូលចិត្តគិតតែរឿងល្អ នោះជីវិតរបស់អ្នកនឹងជួបតែរឿងល្អតាមហ្នឹងដែរ តែបើសិនជាអ្នកចូលចិត្តយកពាក្យសម្ដីបន្តុចបង្អាក់ឬពាក្យអវិជ្ជមានរបស់អ្នកដទៃមកគិត មកចាក់មកបញ្ឈឺខ្លួនឯង នោះអ្នកនឹងកាន់តែឈឺ កាន់តែមានអារម្មណ៍ថាខ្លួនអ្នកអសមត្ថភាព ខ្លួនឯងអន់(ទាំងដែលខ្លួនឯងមិនមែនបែបនោះ) មិនអាចសម្រេចកិច្ចការងារទាំងនោះបាន។ការគិតបែបនេះនឹងធ្វើឲ្យចិត្តរបស់អ្នកគ្មានកម្លាំងកំហែងដើម្បីបន្តទៅមុខទៀតនោះទេ គឺមានតែធ្វើឲ្យអ្នកបោះបង់ចោល ហើយបន្ទោសខ្លួនឯងទៅវិញ។ដូចនេះអ្នកគួរតែកាត់បន្ថយការយកពាក្យសម្ដីរបស់អ្នកដទៃមកគិតទៅ បើសិនពាក្យសម្ដីទាំងនោះជាពាក្យសម្ដីច្រណែន រិះគន់បែបជាន់ពន្លិច ឬនិយាយបំបាក់ទឹកចិត្តអ្នកមិនឲ្យបន្តក្ដីស្រម៉ៃរបស់អ្នកនោះ។

Top view portrait of woman lying at desk near the laptop Free Photo

៤. គ្មានការជឿជាក់លើខ្លួនឯង

រឿងដំបូងដែលពួកគេគិតមុននឹងធ្វើនោះគឺ “ខ្ញុំមិនអាចធ្វើការងារនោះបានទេ” “ខ្ញុំគ្មានសមត្ថភាពគ្រប់គ្រាន់ដើម្បីឈោងចាប់ក្ដីស្រម៉ៃនោះឡើយ” “ខ្ញុំខ្លាចតែធ្វើហើយបរាជ័យឬខ្លាចគេសើចចំអក…” ទាំងនេះគឺសុទ្ធតែជាឃ្លាដែលបង្ហាញពីភាពគ្មានជំនឿជឿជាក់លើខ្លួនឯង បង្ហាញពីភាពទន់ខ្សោយ និងការបាក់ស្បាត ដែលចូលចិត្តតែបន្លាចខ្លួនឯងឲ្យភ័យខ្លាច។ដោយសារតែកត្តាអស់ទាំងនេះហើយទើបធ្វើឲ្យអ្នកឆាប់បោះបង់ចោលនូវគោលដៅ និងក្ដីស្រម៉ៃរបស់អ្នក។ដូចនេះដើម្បីឲ្យគោលដៅរបស់អ្នកនៅតែអាចបន្តទៅមុខបាន អ្នកត្រូវតែជឿជាក់លើខ្លួនឯង ព្រោះការជឿជាក់ខ្លួនឯងវាគឺជាកម្លាំងចិត្តមួយដែលមានប្រសិទ្ធភាពបំផុតដែលអាចជួយកម្ចាត់រាល់ឧបសគ្គ និងបញ្ហា ដើម្បីឲ្យអ្នកឆាប់ទៅដល់កន្លែងដែលអ្នកចង់ទៅ។

Conceptual image of being true to yourself Premium Photo

ពាណិជ្ជកម្ម

លោក ង៉ែតជូ៖ ប្រើប្រាស់រូបមន្តទិញផ្ទះបែប (៣០/៣០/៣) ដើម្បីចៀសវាងសម្ពាធផ្នែកហិរញ្ញវត្ថុ

By

-