Tag: ការងារ

ការរៀនសូត្រតាមរយៈការធ្វើផ្ទាល់ៗ គឺសកម្មភាពនៃការក្រេបយកនូវចំណេះ ឬជំនាញតាមរយៈការអនុវត្តន៍ការងារជាក់ស្ដែង ជាជាងការរៀនសូត្រដោយគ្រាន់តែដឹងពីទ្រឹស្ដី ដឹងពីគោលការណ៍ដែលអ្នកបានរៀននៅសាលា តែមិនអាចយកមកប្រើការបាននៅក្នុងការងារជាក់ស្ដែង ។ ខណៈពេលដែលអ្នករៀនដោយការធ្វើផ្ទាល់ៗ អ្នកនឹងដឹងអំពីដំណើរការនៃផែនការដែលអ្នកបានគ្រោងទុកបានច្បាស់លាស់ និងអាចដឹងអំពីប្រសិទ្ធភាពនៃទ្រឹស្ដីដែលអ្នកបានរៀនហ្នឹងភ្លាមៗ ដោយមិនចាំបាច់ធ្វើការស្រមើស្រមៃបែបស្រពិចស្រពិលនោះទេ ជាពិសេសនោះពេលដែលអនុវត្តផ្ទាល់ អ្នកប្រាកដជាអាចទទួលបាននូវព័ត៌មានដែលច្រើនដែលអ្នកចង់ដឹង អាចជួយឲ្យអ្នកឆាប់ចាំ ឆាប់យល់ និងមានភាពបត់បែន ដោយសារតែពេលអនុវត្តផ្ទាល់ៗ អ្នកព្យាយាមសិក្សាឈ្វេងអំពីបុព្វហេតុណាមួយតាមរយៈការគិត ការវិភាគ ការពិភាក្សាគ្នាជាដៃគូរឬជាក្រុមៗដើម្បីស្វែងរកដំណោះស្រាយ ឬផ្លូវដើរផ្សេងទៀតក្រៅពីផ្លូវដែលអ្នកកំពុងតែជាប់គាំងនេះ។ ពេលដែលអ្នករៀនធ្វើផ្ទាល់គឺអ្នកដឹងពីភាពអាចទៅរួចរបស់គម្រោងឬផែនការដែលអ្នកកំពុងតែធ្វើនេះ ប៉ុន្តែបើសិនជាអ្នកដឹងត្រឹមតែទ្រឹស្ដី ឃើញតាមរយៈការស្រមើលស្រមៃនោះ អ្នកប្រហែលជាពិបាកបន្តិចក្នុងការស្ទង់នូវលទ្ធផលរបស់វា ព្រោះពេលដែលអ្នកគិត...

​ ​​​​​​​   ធ្វើការតិចនៅត្រង់នេះមិនមែ​នមានន័យថា ចង់ឲ្យអ្នកខ្ជិលធ្វើការ ចង់ឲ្យអ្នកអង្គុយលេងឥតប្រយោជន៍ ឬ ឲ្យអ្នកធ្វើការឲ្យតែរួចតែពីដៃនោះទេ ក៏ប៉ុន្តែចង់ឲ្យអ្នកចំណាយពេលវេលាណាមួយសមស្របបន្ទាប់ពីបញ្ចប់ការងាររបស់អ្នក ដើម្បីទៅធ្វើការងារច្នៃប្រឌិត ឬ គិតពីអ្វីដែលថ្មី ប្លែកមួយចំនួនដើម្បីជួយពង្រីកនូវចំណេះដឹងរបស់អ្នកឲ្យកាន់តែអស្ចារ្យនិងលេចធ្លោជាងគេ។ជាពិសសការច្នៃប្រឌិតនឹងជួយអ្នកឲ្យធ្វើការបានយ៉ាងរលូន និង មានប្រសិទ្ធភាពខ្ពស់។ដូចនេះខាងក្រោមនេះយើងនឹងប្រាប់អ្នកពីគុណប្រយោជន៍នៃការចំណាយពេលច្រើនទៅលើការច្នៃប្រឌិត៖ ១. មានគំនិតច្នៃប្រឌិតខ្ពស់        នាពេលបច្ចុប្បន្ននេះយើងសង្កេតឃើញថា សន្ទុះនៃការប្រកួតប្រជែងរបស់អាជីវកម្មនីមួយៗពិតជាមានការកើនឡើងខ្ពស់ ដែលជាហេតុធ្វើឲ្យអាជីវកម្មនីមួយៗចង់បានមនុស្សដែលមានភាពប៉ិនប្រសប់ និង ឈ្លៀសវៃក្នុងការបំពេញការងារ ដូចនេះហើយទើបអាជីវកម្មនីមួយៗត្រូវការបុគ្គលិកដែលមានគំនិតច្នៃប្រឌិតខ្ពស់ មានភាពវៃឆ្លាតដែលអាចបត់បែនពីស្ថានភាពអាក្រក់ទៅជាស្ថានភាពល្អ និង មានភាពរហ័សរហួន...

សម្រាប់អ្នកដែលទើបតែនឹងចាប់ផ្ដើមប្រឡូកនៅក្នុងវិស័យការងារជាលើកដំបូង អ្នកប្រាកដជាពិបាកនៅក្នុងការសម្រេចចិត្តទៅលើការជ្រើសរើសប្រភេទការងារជាមិនខាន ពោលគឺអ្នកមិនដឹងថាតើគួរតែទៅធ្វើការងារអ្វី ហើយធ្វើនៅក្រុមហ៊ុនណាដែលអាចធ្វើឲ្យអ្នកសប្បាយចិត្ត អាចរៀនជំនាញថ្មីៗបានច្រើន និងអាចជួយបណ្ដុះការគិតឲ្យមានភាពច្នៃប្រឌិតជាដើម។ អញ្ចឹងតើខ្ញុំគួរតែទៅធ្វើការនៅក្នុងក្រុមហ៊ុនណា?? អ្នកអាចចាប់ផ្ដើមធ្វើការនៅក្នុងក្រុមហ៊ុនណាដែលមានជំនាញឯកទេសប្រហាក់ប្រហែលឬដូចគ្នាទៅនឹងអ្វីដែលកំពុងតែរៀននៅឯសាកលវិទ្យាល័យ និងជ្រើសរើសក្រុមហ៊ុនណាដែលអាចជួយបណ្ដុះបណ្ដាលអ្នកឲ្យក្លាយទៅជាមនុស្សម្នាក់ដែលខ្លាំង ក្លាហាន និងមានគំនិតច្នៃប្រឌិតច្រើនជាងមុន។ នៅពេលដែលអ្នកបានទៅធ្វើការនៅក្នុងក្រុមហ៊ុនដែលមានតួនាទីទាក់ទងទៅនឹងជំនាញរបស់អ្នក វាគឺជាឱកាសមួយដែលអ្នកអាចរៀនស្វែងយល់បានកាន់តែស៊ីជម្រៅអំពីជំនាញមួយនោះបានកាន់តែច្បាស់ជាងមុន ច្បាស់ជាងការសិក្សានៅឯសាលាទៅទៀត។ ជាក់ស្ដែងប្រសិនបើអ្នកកំពុងតែសិក្សាថ្នាក់បរិញ្ញាបត្រជំនាញធនាគារនិងហិរញ្ញវត្ថុ អ្នកគប្បីស្វែងរកការងារ ឬមួយក៏ដាក់ពាក្យជាអ្នកហាត់ការទៅលើមុខងារណាដែលមានទំនាក់ទំនងគ្នាជាមួយនឹងជំនាញដែលអ្នករៀននេះ ដូចជាធ្វើការឬដាក់ពាក្យធ្វើជាអ្នកហាត់ការនៅឯធនាគារឬនៅក្នុងក្រុមហ៊ុនឯកជនណាមួយជាដើម។ល។ ឬមួយប្រសិនបើអ្នកជានិស្សិតដែលកំពុងតែសិក្សាថ្នាក់បរិញ្ញាបត្រជំនាញទីផ្សារ អ្នកគប្បីស្វែងរកប្រភេទការងារណាដែលទាក់ទងជាមួយនឹងជំនាញមួយនេះឬប្រហាក់ប្រហែលគ្នាក៏បាន ដើម្បីផ្សាំខ្លួនអ្នកជាមួយនឹងការងារទាំងនោះឲ្យហើយ ដូចជាអ្នកអាចធ្វើជាការងារ Freelance    ចូលរួមការធ្វើការងារស័គ្រ្មចិត្តក្នុងតួនាទីជា...

តើការងារអ្វីខ្លះដែលអាចធ្វើឲ្យអ្នករកប្រាក់ចំណូលបានពីវិស័យបច្ចេកវិទ្យា? នៅក្នុងសតវត្សទី២១នេះជាយុគសម័យបច្ចេកវិទ្យាដែលមនុស្សរាល់គ្នាអាចធ្វើការទំនាក់ទំនង អាចផ្ដល់ពត៌មានឲ្យគ្នាទៅវិញទៅមកបានយ៉ាងឆាប់រហ័ស ជាពិសេសគឺអាចសិក្សារៀនសូត្រពីចម្ងាយដោយមិនចាំបាច់ទៅសាលាផ្ទាល់នោះទេ។ មិនត្រឹមតែអាចផ្ដល់ផលប្រយោជន៍តែប៉ុណ្ណឹងទេ តែវានៅអាចជួយឲ្យមនុស្សមានការងារធ្វើបានកាន់តែច្រើនទៀតផង សំខាន់ឲ្យតែអ្នកមានចំណេះនិង ជំនាញច្បាស់លាស់ទាក់ទងទៅនឹងប្រព័ន្ធឌីជីថលមួយនេះ។ហើយអ្នកក៏អាចក្លាយទៅជាចៅហ្វាយដោយខ្លួនឯងផងដែរ ដោយគ្រាន់តែមានកុំព្យូទ័រ មានអ៊ីនធើណេតគ្រប់គ្រាន់ និងមានជំនាញទំនាក់ទំនងល្អ គឺ អ្នកអាចចាប់ផ្ដើមធ្វើការងារនៅលើបណ្ដាញសង្គមនោះដោយខ្លួនឯងបានហើយ។ ដូចនេះដើម្បីចង់ដឹងច្បាស់ថាការងារអ្វីខ្លះដែលអ្នកអាចធ្វើ និងអាចរកប្រាក់ចំណូលពីប្រព័ន្ធឌីជីថលនោះបាន ពួកយើងនឹងលើកយកនូវការងារចំនួន៧មកបង្ហាញដូចខាងក្រោម៖ ១​.  ធ្វើជា affiliate Marketer Affiliate Marketing គឺជាការលក់តាមប្រព័ន្ធអនឡាញមួយដែលងាយស្រួលបំផុត ក្នុងការចាប់ផ្ដើមអាជីវកម្ម ដោយអ្នកមិនចាំបាច់បង្កើតផលិតផលឬសេវាកម្មណាមួយនោះទេ។ Affiliate Marketer...

       ពិចារណាវិធី៨យ៉ាងនេះនឹងធ្វើឲ្យការងាររបស់អ្នកកាន់តែគួរឲ្យចាប់អារម្មណ៍ និង ពេញចិត្ត ហើយគំនិតទាំងនេះអាចមិនត្រឹមតែធ្វើឲ្យអ្នកសប្បាយចិត្តនៅកន្លែងធ្វើការប៉ុណ្ណោះទេ ប៉ុន្តែវាថែមទាំងជួយអ្នករក្សានូវនិរន្តរភាព អត្ថប្រយោជន៍ កម្រិតផាសុកភាព និង កេរ្តិ៍ឈ្មោះដែលអ្នកបានខិតខំយ៉ាងខ្លាដើម្បីរកប្រាក់ចំណូល។ដូចនេះចំណុចខាងក្រោម ១. ស្ម័គ្រចិត្តក្នុងការបំរើការងារថ្មីដែលវាទាក់ទងជាមួយនិងកិច្ចការស្រាវជ្រាវ នៅក្នុងអង្គភាពអាជីវកម្មភាគច្រើន ពួកគេអាចនឹងត្រូវការបេក្ខជនស័្មគ្រចិត្ត ឬ បុគ្គលិកស្ម័គ្រចិត្តដើម្បីជួយសម្របសម្រួលការងារ ជួយធ្វើបទបង្ហាញដើម្បីបំផុសគំនិតជួយដល់បុគ្គលិកថ្មី ឬ ត្រូវជួយសរសេរអត្ថបទឲ្យក្រុមហ៊ុនជាដើម ដែលសកម្មភាពទាំងនេះគឺជាឱកាសដើម្បីហាត់ពត់ និង ពង្រឹងសមត្ថភាពរបស់អ្នកឲ្យកាន់តែរីកចម្រើនជាងមុន ហើយវាក៏ជាចំណុចមួយដែលធ្វើឲ្យការងាររបស់អ្នកកាន់តែរីកចម្រើនឡើង និង ទទួលបាននូវការសរសើរពីក្រុមហ៊ុនផងដែរ។ យ៉ាងណាមិញបើអ្នកដាក់ចិត្តដាក់កាយទៅលើការងារស្ម័គ្រចិត្តនោះហើយ...

គ្រប់ក្រុមហ៊ុន និង​ ស្ថាប័នអាជីវកម្ម ទាំងអស់នៅពេលដែលប្រកាសជ្រើសរើសបុគ្គលិក​ ពួកគេប្រាកដជាសម្រាំងយកតែអ្នកដែលមានលក្ខណៈសម្បត្តិដែលសិក្តសមនឹងតួនាទី មានសមត្ថភាពខ្ពស់ ពូកែ ឈ្លាសវៃ រហ័សរហួន ​ និងចេះដោះស្រាយបញ្ហាទៅតាមកាលៈទេសៈ។ ការជ្រើសរើសបុគ្គលិកល្អ អ្នកត្រូវផ្ដោតសំខាន់ទៅលើបែបបទដែលពួកគេទាំងនោះបានដាក់ស្នើមក។ អ្នកត្រូវមើលពីប្រវត្តិរូបសង្ខេប បទពិសោធន៍ការងារ​ និង ជំនាញដែលមានជាដើម ជាពិសេសអ្នកត្រូវមើលទៅលើ Cover Letter រប​ស់បេក្ខជននេះតែម្ដង ព្រោះការសរសេរ Cover Letterរបស់បេក្ខជនអាចឲ្យអ្នកដឹងពីសមត្ថភាពរបស់ពួកគេបាន។ខាងក្រោមនេះគឺជាគន្លឺះមួយចំនួនដើម្បីធ្វើឲ្យអ្នកងាយស្រួលក្នុងការរើសបុគ្គលិកណាដែលមានសមត្ថភាពខ្ពស់មកធ្វើការឲ្យអ្នក៖ ១...

បច្ចុប្បន្ន ឱកាសការងារមានច្រើនសន្ធឹកសន្ធាប់ ប៉ុន្តែមានមនុស្សជាច្រើន​បែជាមិនមានការងារធ្វើ។ យើងឃើញយុវជនជាច្រើន​តែងជួបជុំគ្នា​និយាយពីរឿង​លំបាកក្នុងការរកការងារ ឯម្ចាស់អាជីវកម្ម និងថ្នាក់ដឹកនាំក្រុមហ៊ុន​ក៏ជួបជុំគ្នារអ៊ូ​រឿងពិបាករកមនុស្សមកបំពេញ​កិច្ចការក្នុងក្រុមហ៊ុនខ្លួនទៅវិញ។ ហេតុអ្វី? ហេតុផលដែលងាយស្រួលយល់គឺតម្រូវការ និងការផ្គត់ផ្គង់​មិនស៊ីគ្នា។ ផលិតផលកម្លាំងពលកម្មមានច្រើន​នៅក្នុងទីផ្សារ ប៉ុន្តែមិនស៊ីនឹងត្រូវការដែលគេចង់បាន សូម្បីតែតម្រូវការបឋមបំផុត គឺការដាក់ពាក្យធ្វើការក៏អ្នករកការងារមិនទាន់ស្របនឹងតម្រូការផងដែរ។ មានឃើញ​ការផ្សព្វផ្សាយជាច្រើននៅលើបណ្តាញសង្គមអំពីឱកាសការងារ ហើយ​នៅក្នុងការផ្សព្វផ្សាយ​មានការរៀបរាប់លម្អិតយ៉ាងណាក៏ដោយ​អំពីលក្ខខណ្ឌតម្រូវឱ្យបេក្ខជនដាក់ពាក្យធ្វើ ដូចជាផ្ញើរប្រវត្តិរូបសង្ខេប​មកកាន់ក្រុមហ៊ុនជាដើម ប៉ុន្តែស្ទើរមួយភាគធំនៃបក្ខេជនទាំងនោះ​នៅតែសួរសំណួរដែលមានចម្លើយនៅលើការផ្សព្វផ្សាយ ហើយ​មិនធ្វើការផ្ញើរប្រវត្តិរូបរបស់ខ្លួន តែបែជាគ្រាន់តែដាក់លេខទូរសព្ទរបស់ខ្លួនឯងទៅវិញ។ ខ្ញុំ        បានជួបម្ចាស់អាជីវកម្ម និងថ្នាក់ដឹកនាំជាច្រើនដែលរអ៊ូអំពីបញ្ហានេះ រអ៊ូថាពិបាក​រកមនុស្ស​មកបំពេញការងារ រអ៊ូថាសូម្បី​តែរកបេក្ខជនមកសម្ភាសន៍ក៏ពិបាកដែរ ដោយសារតែអ្នកចង់ធ្វើការភាគច្រើន​មិនទាំងចេះរៀបចំដាក់ពាក្យ​ផង តើឱ្យក្រុមហ៊ុនប្រគល់ភារកិច្ច...

បុគ្គលិក​គឺ​ជា​កម្លាំងស្នូល​នៅក្នុង​ក្រុមហ៊ុន​។ ហេតុ​នេះ​ការ​ខ្វះខាត​បុគ្គលិក​ក៏​នាំ​ឲ្យ​ដំណើរការ​នៃ​ប្រតិបត្តិ​ការ​នៅក្នុង​អាជីវកម្ម​មួយ​មាន​ការ​រអាក់រអួលដែរ។ មិនត្រឹមតែ​ប៉ុណ្ណោះ​វា​នាំ​ឲ្យ​អាជីវកម្ម​ឈានទៅដល់​ការ​ខាតបង់​ប្រាក់​ចំណេញ អតិថិជន​អស់ជំនឿចិត្ត ឬឈាន​ដល់​ការ​បិទទ្វារឬ​ក្ស័យធន​ជាដើម​ក៏​មាន។ នៅកំឡុង​ពេល​ដែល​ក្រុមហ៊ុន​មិនទាន់​អាច​រក​អ្នក​ដែល​មាន​សមត្ថភាព​គ្រប់គ្រាន់មកបំពេញ​ដំណែងណាមួយ​​បាន ផ្នែក​គ្រប់គ្រង​ធនធាន​មនុស្ស​ត្រូវ​រក​ដំណោះស្រាយ​ដើម្បី​ចាត់ចែង​បញ្ហា​ខ្វះ​ខាត​កម្លាំងពលកម្ម​ទាំងនោះ។ គេ​សង្កេត​ឃើញ​ថា​មាន​វិធី​ជា​ច្រើន​ដែល​គេអាច​ប្រើដើម្បី​យកទៅ​អនុវត្ត​ប្រកបដោយ​ប្រសិទ្ធភាព​ដូចជា៖ បង្កើន​ម៉ោងធ្វើការ​បុគ្គលិក វាគឺ​ជា​វិធី​ការ​បង្គាប់​បញ្ជា​ឲ្យ​បុគ្គលិកប៉ុន្តែ​ក្នុង​នាម​ជា​អ្នក​គ្រប់គ្រង​ឬ​ម្ចាស់អាជីវកម្ម​ក៏​ត្រូវ​​​គោរព​តាម​ច្បាប់ការងារ​ដែរ​។ ប្រសិន​បើ​ការងារ​មាន​ច្រើន​ប៉ុន្តែ​ក្រុមហ៊ុនអ្នក​នៅខ្វះ​មនុស្ស​អ្នក​អាច​ស្នើ​ឲ្យពួកគេ​តម្លើង​ម៉ោង​ធ្វើការ​របស់គេ​ដោយ​មាន​ការ​គណនា​ប្រាក់​បន្ថែម​ម៉ោង​ក្រៅពី​ម៉ោងធ្វើការធម្មតា​ឲ្យបាន​ត្រឹមត្រូវតាម​ច្បាប់។ ជាពិសេស​មិនថា​អ្នកជា​ម្ចាស់​ក្រុមហ៊ុន​ក៏​ដោយ​ក៏​អ្នកគ្មាន​សិទ្ធិ​នឹង​គម្រាមកំហែង​គេឲ្យធ្វើការឲ្យអ្នក​ដែរ​ អ្នក​ត្រូវ​រង់ចាំ​ការស្ម័គ្រចិត្ត​ពីគេ​ជា​មុនសិន។ អ្នក​ត្រូវ​ចៀសវាង​ការ​ប្រើប្រាស់​អំណាច​រំលោភបំពាន​លើសិទ្ធិ​របស់​បុគ្គលិកជា​ដាច់ខាត។ អនុវត្ត​វិធី​ផ្សេង​ឲ្យ​​បុគ្គលិក​ធ្វើការ ដោយសារ​តែ​បច្ចេកវិទ្យា​សព្វ​ថ្ងៃ​មាន​ការរីកចម្រើន​ជា​លំដាប់​ដែល​វា​ជា​ជំនួយ​ដល់​ការធ្វើការ​របស់មនុស្ស​បាន​ច្រើនណាស់ដោយ​ពួកគេ​អាច​ធ្វើការនៅទីណា​ក៏បាន​។​​ ហេតុនេះ​​អ្នក​គ្រប់គ្រង​អាច​ស្នើឲ្យ​បុគ្គលិក​យកការងារ​ទៅធ្វើនៅផ្ទះឬ​កន្លែងណា​ក៏​បាន​ក្រៅពីការិយាល័យ​របស់គេ​​បន្ថែម​ទៀត​ដើម្បី​ឲ្យពួកគេ​អាច​បញ្ចប់ការងារបាន​ទាន់ពេលវេលា។ វា​ពិតជា​មិនមាន​ភាព​ពិបាក​ឡើយ​ព្រោះ​អ្នក​អាច​ប្រើកម្ម​វិធី​តភ្ជាប់​គ្នា​ដើម្បីទំនាក់ទំនងធ្វើការ​បាន​ច្រើនយ៉ាង​អាស្រ័យលើ​ប្រភេទការងារ​​នីមួយៗ។ ម្យ៉ាងទៀត​អ្នក​អាចពិភាក្សា​ជាមួយ​បុគ្គលិក​ពីកិច្ចការ​ណា​ខ្លះ​​ដែល​គេអាច​ជួយ​បាន​និង​ប្រាក់ឈ្នួល​ដែល​សមស្រប​គេអាច​ទទួលយកបាន​ព្រោះថា​ទោះបី​ជា​ពួកគេ​ជា​បុគ្គលិក​មែន​តែ​គេ​បាន​ប្រើប្រាស់ពេលវាលា​ផ្ទាល់​ខ្លួន​មកធ្វើការ។ ស្វែង​រក​បុគ្គលិក​ឬក្រុមហ៊ុនពី​ខាងក្រៅ វាគឺជាវិធី​ល្អ​មួយ​នៅពេលដែលអ្នក​ខ្វះ​ខាត​បុគ្គលិក​ឬអ្នកគិតថា​ផ្នែក​ដែលអ្នកខ្វះ​នោះ​គឺ​មិន​សូវ​ជា​ចាំបាច់ប៉ុន្មានទេ។ វាក៏​ចាប់ផ្តើម​មាន​ការពេញ​និយម​ជា​បណ្តើរ​ៗជាពិសេស​សម្រាប់​ក្រុមហ៊ុនធំៗ​ព្រោះថា​វា​ចំណាយ​អស់តិច​។ អ្នក​អាច​រកក្រុមហ៊ុន​ផ្សេង​ដោយ​ឲ្យគេ​ចុះ​កុងត្រា​ធ្វើផ្នែកណាមួយ​មកឲ្យក្រុមហ៊ុនរបស់អ្នករហូត​ដល់​កិច្ចការ​នោះ​ចប់សព្វគ្រប់ឬ​ដល់ពេល​ដែលអ្នក​អាច​រក​បុគ្គលិក​មក​ចូលក្នុង​ដំណែងនោះបាន​ត្រឹមត្រូវ​ហើយ។ ចំណែកបុគ្គលិក​វិញ​បុគ្គលិក​ពេញ​សិទ្ធិ​យើងត្រូវ​ការ​ចំណាយ​ច្រើនទៅលើប្រាក់ខែ ​ធានារ៉ាប់រង ថ្លៃ​ត្រួតពិនិត្យ​សុខភាព ធ្មេញ និង​ប្រាក់សោធននិវត្តន៍ជាដើម។ ប៉ុន្តែ​បើអ្នករើសបុគ្គលិក​ពីខាង​ក្រៅ​អ្នក​នឹង​មិនសូវព្រួយបារម្ភពីបញ្ហា​ទាំងនោះទេ​ព្រោះអ្នកអាចជួលគេ​ក្នុងនាម​ជា​​បុគ្គលិក​​ក្រៅ​ក្របខ័ណ្ឌ​បាន​។​...

ពាក្យ​ថា​យូរពេកនៅទីនេះ​មិនមែន​មាន​ន័យ​ថា​អ្នក​ធ្វើការ​យូរឆ្នាំ​ហើយ​ទាំង​ស្រុង​នោះទេ។ ​អ្នក​អាច​ធ្វើការ​នៅ​កន្លែង​នេះ​ច្រើន​​ឆ្នាំ​ហើយ​ឬ​ត្រឹមតែ​ប៉ុន្មាន​ឆ្នាំ​ប៉ុន្តែ​អ្នក​មាន​អារម្មណ៍​ថា​ការងារ​ដែល​អ្នក​កំពុង​ធ្វើ​គឺ​មិនមានឧបសគ្គ​គួរ​ឲ្យ​ជម្នះ​ទៀតសោះ។ វាពិតជា​ពិបាក​ណាស់​ក្នុង​ការ​ធ្វើ​ពុត​ជាពេញ​ចិត្ត​ចំពោះ​អ្វី​ដែល​អ្នក​កំពុង​ធ្វើ។​ បន្ទាប់​មក​អ្នក​ក៏​ជឿជាក់​ថា​អ្នក​ត្រូវ​តែ​ផ្លាស់ប្តូរ។ ខាងក្រោម​នេះ​ជា​សញ្ញា​ទាំង១០​យ៉ាង​ដែល​​ជា​ជំនួយ​ដល់​អ្នក​ថា​អ្នក​គួរតែ​ផ្លាស់ប្តូរ​ការងារ​របស់​អ្នក​ឬអត់៖​ #សញ្ញា​ទី១ ៖ នៅពេល​ដែល​អ្នកមើល​​​គម្រោង​ទៅ​១២ខែ​បន្ទាប់​របស់អ្នក​ អ្នក​មិនឃើញ​ការងារ​ណាមួយ​ដែល​អ្នក​មិន​ចេះ​ឬ​មិន​ធ្លាប់​ធ្វើ​​នោះទេ។ #សញ្ញា​ទី២ ៖​ ពេល​ដែល​អ្នក​​ពិភាក្សា​ជាមួយ​អ្នក​គ្រប់គ្រង​របស់​អ្នក​អំពី​ការ​ចង់​រៀន​បន្ថែម​ឬ​ជំហាន​ដែល​អ្នក​គិតថា​ក្រុមហ៊ុន​នឹង​អាច​​អភិវឌ្ឍ​ទៅមុខ​ទៀត​បាន​តែ​គាត់បែរ​ជាបដិសេធន៍​ទៅវិញ។ គាត់​ប្រាប់​មក​កាន់​អ្នក​វិញថា​អ្នក​ចេះគ្រប់គ្រាន់ហើយ​ឬ​ក្រុមហ៊ុន​របស់​អ្នក​​កំពុង​តែ​នឹងនរ​ហើយ​មិន​ត្រូវការ​ការ​វិវត្ត​បន្ថែម​ទៀតឡើយ។ អ្នក​មិនគួរ​ទទួលយក​ឡើយ​ព្រោះអ្នក​អាចនៅមាន​ឱកាស​ដែល​រីកចម្រើន​ទៅមុខទៀតបាន។ #សញ្ញា​ទី៣ ៖ មនុស្ស​នៅ​ជុំវិញ​អ្នក​គិត​ថា​អ្នក​នៅ​ទីនេះ​យូរ​ហើយ​ អ្នក​ពិតជា​ចេះកិច្ច​ការ​គ្រប់យ៉ាង​។ ហេតុ​នេះហើយ​គេ​មិនបាន​ផ្តល់ឱកាស​ឲ្យ​អ្នក​អ្វី​ឡើយ។ #សញ្ញា​ទី៤ ៖ អ្នក​ដឹងពី​ទម្រង់ការ​គ្រប់យ៉ាង​នៅក្នុង​ក្រុមហ៊ុន​។ ឧទាហរណ៍​ពេលមាន​កិច្ច​ប្រជុំ​ម្តងៗ​អ្នក​ដឹងថា​គេ​ធ្វើ​ពេលណា​និង​ទីកន្លែងណា​ស្រាប់ហើយ។ អ្នក​មិន​មាន​អ្វី​គួរ​ឲ្យ​ចាប់អារម្មណ៍​ត្រូវដឹង​ទៀតឡើយ​។​ #សញ្ញា​ទី៥ ៖ សូម្បី​តែ​ពេល​ចុងក្រោយ​ដែល​អ្នក​បាន​សម្រេច​ជោគ​ជ័យ​លើ​កិច្ចការ​អស្ចារ្យ​ណាមួយឬ​បានរៀន​សូត្រ​ពី​​អ្វី​ថ្មី​និង​គួរឲ្យ​ចាប់អារម្មណ៍​​ក៏​អ្នក​មិនចាំដែរ​ព្រោះថា​អ្នក​ធ្វើតែកិច្ចការដដែល​ៗរៀងរាល់ថ្ងៃ។ #សញ្ញា​ទី៦ ៖ គ្មាន​កន្លែង​នៅក្នុង​ក្រុមហ៊ុន​របស់អ្នក​ដែល​អ្នក​អាច​​ទៅទៀតឡើយ។...

អាជីវកម្ម​នីមួយៗមាន​បុគ្គលិក​ច្រើនបែបខុសៗគ្នា។ ជួនកាល​បុគ្គលិក​ខ្លួនឯងផ្ទាល់ក៏​មិន​ច្បាស់ដែរ​ថា​ខ្លួន​ឯងស្ថិតនៅក្នុង​ប្រភេទមួយណា។ ចំពោះអាជីវកម្ម​ថ្មី​ឬអ្នក​មាន​បំណងចង់រក​ការងារ​ធ្វើ​​​ពិត​ជា​ត្រូវ​ការ​ការ​ពិចារណា​ទៅលើ​ការរើស​ប្រភេទបុគ្គលិក​​មក​បំពេញ​ការងារ​ឲ្យ​ត្រូវ​នឹង​អាជីវកម្ម​របស់ខ្លួន​ឬ​ដាក់ពាក្យ​ធ្វើការ​ឲ្យ​ស្របតាម​អ្វី​ដែលគេ​ចង់បាន។ ខាងក្រោម​នេះ​​គំនិត​នឹង​លើក​យក​​ប្រភេទ​នៃ​និយោជិក​មួយ​ចំនួន​ដែល​យើង​សង្កេតឃើញ​មាន​នៅក្នុង​បរិបទ​សង្គម​សព្វថ្ងៃ៖ #ទី១ បុគ្គលិក​ពេញ​ម៉ោង​ ពួកគេ​ជា​ប្រភេទ​បុគ្គលិក​អចិន្រៃ្តយ៍​​ដែល​តែងតែ​មក​ធ្វើការ​ជាប្រចាំ​។​ ពួកគេ​ធ្វើការ​៤០ម៉ោងឬ៤៨ម៉ោង​​​ក្នុង​មួយ​សប្តាហ៍​​អាស្រ័យ​ទៅលើ​គោលការណ៍​របស់ក្រុមហ៊ុន​គេផ្ទាល់។ ចំពោះការ​បំពេញ​ការងារ​គឺ​ពួកគេ​ធ្វើ​ទៅតាម​កិច្ច​ព្រមព្រៀង​រវាងគេ​និង​និយោជក​របស់គេដោយ​គេ​មាន​សិទ្ធិនិ ​ទំនួល​ខុសត្រូវ​​​ និង​អត្ថប្រយោជន៍​ពេញ​លេញ​ក្នុងនាម​ជាបុគ្គលិក​​ម្នាក់​។​ ម្យ៉ាង​ទៀត​វាក៏អាច​ទៅតាម​ផល​ប្រយោជន៍ ឧទាហរណ៍​បុគ្គលិក​ផ្នែកលក់ជាដើម។​ #ទី២ បុគ្គលិក​​ក្រៅ​ម៉ោង ពួកគេក៏ជា​បុគ្គលិក​អចិន្ត្រៃយ៍​ផងដែរ​​។ ពួកគេ​ធ្វើការ​តិចជា​៤០ម៉ោង​ក្នុង​មួយ​សប្តាហ៍​ដោយគេ​អាចធ្វើ​ទៅតាម​វេន​ដែល​ក្រុមហ៊ុន​តម្រូវឲ្យ​​ឬ​តាម​​កាលៈ​ទេសៈ​​ដែល​គេ​​អាច​ធ្វើបាន។ ប៉ុន្តែ​វេន​ដែលគេ​ធ្វើការ​គឺ​ទៀងទាត់​តាម​សប្តាហ៍​នីមួយៗ​។ ប្រាក់បៀវត្ស​រ៍​ដែលគេ​ទទួលបាន​គឺប្រហែល​ជា​ពាក់កណ្តាល​នៃ​បុគ្គលិក​ពេញ​ម៉ោង​ឬអាចតិច​ឬ​ច្រើន​ជា​ង​នេះ​អាស្រ័យ​លើ​ម៉ោង​ដែល​គេ​ធ្វើការ​។ ដោយឡែក​ទំនួល​ខុសត្រូវ​ ​សិទ្ធិ និង​អត្ថប្រយោជន៍​ផ្សេងៗ​ក្នុង​នាម​ជា​បុគ្គលិក​គឺគេ​មាន​ប្រហាក់ប្រហែល​នឹង​បុគ្គលិក​ពេញ​សិទ្ធិ​ដែរ។ #ទី៣ បុគ្គលិក​​​ពី​ប្រភព​​ខាងក្រៅ​ ពួកគេ​​​ជា​បុគ្គលិក​ដែល​ក្រុមហ៊ុន​យកមក​ពីប្រភព​​ខាងក្រៅ​ឬ​ស្ថាប័ន​ផ្សេង​(Outsource)​ប៉ុន្តែ​មិន​មាន​ឈ្មោះ​ជា​បុគ្គលិក​របស់ក្រុមហ៊ុនទេ។ ​ក្រុមហ៊ុន​ធំៗ​​មួយ​ចំនួន​នៅ​ប្រទេស​យើង​បាន​ប្រើ​វិធី​នេះ​ចំពោះ​ដំណែង​មិន​ចាំបាច់​ខ្លះៗព្រោះ​វា​ជួយ​កាត់​បន្ថយ​ការ​ចំណាយ​​ដូចជា​អ្នក​បើកឡាន អ្នក​អនាម័យ​ ​សន្តិសុខ ឬCall centre​ជាដើម​ដោយ​ក្រុមហ៊ុន​ត្រូវ​បង់លុយ​ទៅឲ្យ​ស្ថាប័ន​ដែលគេ​យក​បុគ្គលិក​មក​នោះ។ #ទី៤...

Google Calendar ប្រសិនបើ​អ្នក​មាន​អតិថិជន​ច្រើនឬ​​ការងារ​ច្រើន​ អ្នក​​អាច​រក្សា​វា​នៅក្នុង​Google Calendarដោយ​ប្រើប្រាស់​កម្មវិធី​ Layers ឬ​ multiple calendar។ នៅក្នុង​កម្មវិធី​នេះ​អ្នក​អាច​រៀបចំ​កាលវិភាគ ការណាត់​ឬ​ប្រជុំ និង​ដាក់Remindersបាន។ លក្ខណៈ​ពិសេស​បំផុត​របស់​កម្មវិធី​នេះ​គឺ​ cross-device ​ដែល​អាច​ផ្សា​ភ្ជាប់​ទិន្នន័យ​មកពី​ឧបករណ៍​បច្ចេកវិទ្យា​ជាច្រើន​ជាមួយ​គ្នា​ដោយ​Google Account ។ Calendar ថែមទាំង​អាច​ជួយ​អ្នក​ក្នុង​ការដាក់​ពណ៌​លើ​តារាង​ពេលវេលា​ដែល​សំខាន់ កំណត់​ពេល​ចាប់ផ្តើម​និង​បញ្ចប់ ចែក​​រំលែក​ប្រតិទិន​ឬ​ព្រឹត្តការណ៍​អ្វី​មួយ​ជាមួយ​មិត្តភក្តិ​ផងដែរ​។ Asana Asana អាច​ជួយ​ឲ្យ​អ្នក​បង្កើត​នូវ​គម្រោង​ក៏​ដូចជា​តារាង​ការងារ លើកទឹកចិត្ត​​បុគ្គលិកឲ្យ​ផ្តោត​ការយកចិត្ត​ទុកដាក់​លើ​ការងារ​ និង​ថែមទាំង​សន្សំ​ពេលវេលា​ពី​​ការ​ចំណាយ​លើ​ការផ្ញើអ៊ីមែល​ឬ​ការងារ​ទំនាក់ទំនង​។  Asana​...

នៅពេល​បុគ្គលិក​សប្បាយចិត្ត​នឹង​ការងារ ពួកគេ​យកចិត្ត​ទុកដាក់​ជាមួយ​អតិថិជន ហើយ​នៅពេល​អតិថិជន​ពេញចិត្ត ​វា​ធ្វើឲ្យ​ក្រុមហ៊ុន​មានការ​រីក​ចម្រើន។ អាជីវកម្ម​គ្រប់ធុន​តែង​ប្រាថ្នា​ឲ្យ​មាន​បុគ្គលិក​ដែល​ប្រើប្រាស់​ជំនាញ​របស់ខ្លួន​យ៉ាងពេញទំហឹង មានការ​ចុះ​សម្រុង​គ្នា និង​បង្កើត​បរិយាកាស​ល្អៗ​ជាមួយ​គ្នា ប៉ុន្តែ​សំណួរ​សួរ​ថា តើ​អ្នក​ធ្វើយ៉ាងណា​ដើម្បី​ឲ្យ​មាន​បរិយាកាស​ការងារ​ជោគជ័យ?​ ១. ទទួល​ស្គាល់​សារៈ​សំខាន់​នៃ​ភាពរីករាយ ភាពសប្បាយ​ផ្តល់​ភាពវិជ្ជមាន​ដល់​អាជីវកម្ម អតិថិជន និង​បុគ្គលិកព្រោះ​ភាព​សប្បាយ​​មានន័យ​ថា មានថាមពល កម្លាំងចិត្ត​​ក្នុង​ការបំពេញ​ការងារ​នៅក្នុង​ដៃ។ នៅពេល​ដែល​អ្នក​​ទទួលបាន​​សមិទ្ធផល​អ្វី​មួយ​ជាមួ​យមិត្ត​រួម​​ក្រុម អ្នក​អាច​ធ្វើការ​សាទរ​បន្តិច​បន្តួចដូចជា​ការជប់លៀងឬ​ដំណើរកម្សាន្ត​ជាដើម។ ថ្វីត្បិតតែ​វា​គ្រាន់តែ​ជា​រឿង​តិចតួច ប៉ុន្តែ​វា​ធ្វើឲ្យ​មានភាពខុសប្លែក​​ពីពេលមុន​ព្រោះ​វា​បណ្តាលឲ្យអ្នកទាំង​អស់គ្នា​កាន់​តែ​ស្និទ្ធស្នាល។ ២.​ ផ្តល់​តម្លៃ​ឲ្យ​បុគ្គលិក​អ្នក ​ជាទូទៅ ក្នុង​ក្រុម​មួយ​តែងតែ​មាន​អ្នក​ដែល​អៀនច្រើន​និង​លាក់ខ្លួន​ឯង​ពី​ចំណោម​មនុស្ស​។ ដូចនេះ​អ្នក​គួរតែ​ចាត់ទុក​ពួកគេ​ស្មើៗ​គ្នា​ដោយ​ធ្វើការប្រាស្រ័យទាក់ទង​​ជាមួយ​ពួកគេ​ជា​លក្ខណៈ​បើកទូលាយ​និង​ស្មោះត្រង់​។ លើសពីនេះអ្នក​អាច​បង្ហាញ​ពួកគេ​ពី​ចំណុច​ល្អ​និង​អាក្រក់​របស់ពួកគេព្រមទាំង​ឲ្យ​ពួកគេ​ដឹងថា​អ្នក​រង់ចាំ​ភាពជោគជ័យ​របស់គេ​និង​តែងតែ​លើកទឹកចិត្ត​គេ​ឲ្យ​មាន​ជំនឿចិត្ត ទំនុកចិត្ត ព្រោះ​វា​អាច​ឲ្យ​ពួកគេ​ប្រឹងប្រែង​បំពេញ​ការងារ​រឹតតែ​សកម្ម។ ៣....

ក្នុងនាម​ជា​ម្ចាស់អាជីវកម្ម​ម្នាក់​ ការ​សម្ភាសន៍​មិនមែន​គ្រាន់តែ​ចង់​វាយតម្លៃ​លើ​បេក្ខជន​ថាតើ​បុគ្គល​នោះ​សាកសម​នឹង​តំណែង​នោះឬក៏អត់​ទេ ​ប៉ុន្តែ​​វា​ជា​ឱកាស​ដ៏​ល្អ​ក្នុង​ការបង្ហាញ​អារម្មណ៍​ដំបូង​ទៅកាន់​បេក្ខជន​។ ទោះបីនេះ​ជា​លើកដំបូង​ក្នុង​ការ​រើស​ឬ​សម្ភាសន៍ អ្នកអាចធ្វើតាមជំហ៊ានខាងក្រោមនេះ៖ ១. ជ្រើសរើស​អ្នក​សម្ភាសន៍៖ ការ​សម្ភាស៍​អាច​មាន​មនុស្សតែ​២នាក់​គឺ​អ្នក​សម្ភាសន៍​និង​បេក្ខជន។ ប៉ុន្តែ​​​គេ​ក៏​អាច​​ធ្វើលើស​ពី​២នាក់​ដែរ​ហើយ​​ជាទូទៅគឺ​មិន​លើស​ពី​៥​នាក់ឡើយ។ ចំនួន​ដែល​ល្អ​បំផុត​គឺ​៣នាក់រួមមាន​អ្នក​គ្រប់គ្រងនិង​សមាជិក​ឬ​បុគ្គលិក​ជាដើម​ដែល​ពួកគេ​ត្រូវ​ធ្វើការ​ជាមួយ​គ្នា។ ការធ្វើបេបនេះ​អាចធ្វើឲ្យបេក្ខជនកាត់បន្ថយភាពភ័យខ្លាច​របស់គេបាន។ ២.​ កំណត់​រយៈពេល៖ បន្ទាប់ពី​ជ្រើសរើស​អ្នកសម្ភាសន៍​រួច អ្នក​ត្រូវ​កំណត់រយៈពេល​ក្នុង​ការសម្ភាសន៍​។ ពេលវេលា​គឺ​អាស្រ័យ​លើ​មុខតំណែង​ដែល​គេ​ជ្រើសរើស។ ៣. រៀបចំ​ដំណើរការ​សម្ភាសន៍​តាមលំដាប់​៖ ការរៀបចំ​ឲ្យ​មានការ​សម្ភាសន៍​តាម​​លំដាប់​លំដោយ​គឺជួយ​ឲ្យ​​ដំណើរកា​រ​មាន​ភាពរលូន​ទៅមុខ​​បាន​។ ជាក់ស្តែង​​អ្នក​​អាចរៀបចំ​កន្លែងសម្ភាសន៍ជាមុនហើយ​ត្រូវ​ធ្វើឲ្យ​ប្រាកដថា​មាន​លក្ខណៈ​ផ្ទាល់ខ្លួន​​និង​កាត់បន្ថយ​ការរំខាន​ពីខាង​ក្រៅ​។ អ្នក​ក៏​អាច​រៀបចំ​កាលវិភាគ​និង​ប្រាប់​ដល់​អ្នក​ដែល​នឹង​មក​ចូលរួម​ក្នុង​សម្ភាសន៍ដទៃទៀត​ដើម្បី​ធ្វើឲ្យ​ប្រាកដ​​​ថា​​ពួកគេ​មាន​ពេល​ចូលរួមក្នុង​ករណី​ដែល​​មាន​អ្នក​សម្ភាសន៍​លើស​ពី​ម្នាក់​។ ជា​ចុងក្រោយអ្នក​ត្រូវ​​​ប្រាប់​ជា​ព័ត៌មាន​ទៅ​បេក្ខជន​នូវ​ទីតាំង​និង​ម៉ោង​ឲ្យ​បានច្បាស់លាស់។ ៤. ការរៀបចំ​ការសម្ភាសន៍​និង​សំណួរ​៖ សំណួរ​សម្រាប់​សម្ភាសន៍​ជារឿង​មិនអាច​ខ្វះបាន​​ហើយ​វា​អាស្រ័យ​ទៅលើ​មុខតំណែង​នីមួយៗ។ ​ប៉ុន្តែគេ​ត្រូវ​ការ​សម្ភារៈ​មួយចំនួន​ទៀត​ដែលគេ​ត្រូវ​មាន​មុនពេលទៅ​សម្ភាស​​បេក្ខជន​​ដូចជា ក្រដាសពណ៌នា​ពី​ការងារ លក្ខខណ្ឌ័​ក្នុង​ការជ្រើសរើស...

ការហ្វឹកហាត់​ការងារ​ដែល​ជោគជ័យ​ភាគច្រើន​គឺ​អាច​ផ្តល់​អនុភាព​ពី​ភាពជោគជ័យ​ចំពោះ​ការងារ​ទាំងក្នុង​និង​ក្រៅស្ថាប័ន​ដែល​ពួកគេ​ហ្វឹកហាត់​។ ១.រៀន​ពី​ប្រភេទ​នៃ​ការងារ​ដែល​ធ្វើឲ្យ​អ្នក​រីករាយ សុភមង្គល​គឺជា​សេចក្តី​ពេញចិត្ត​នូវ​ការ​ធ្វើ​តាម​សក្តានុពល​របស់យើង។ ការ​មាន​ការសិក្សា​រៀនសូត្រ​និង​បទពិសោធន៍​ខុស​ពី​អ្នកដទៃ​តម្រូវឲ្យ​មនុស្ស​ស្វែងរក​បុគ្គលិកលក្ខណៈ​និង​តម្លៃ​អ្វី​ដែល​ត្រូវតែ​សម្រប​តាមសេចក្តីសុខ​ផ្ទាល់ខ្លួន​។ នៅក្នុង​ន័យផ្សេងទៀត​ ការហ្វឹកហាត់​ការងារ​អនុញ្ញាត​ឲ្យ​អ្នក​បាន​ឈានជើង​ចូលទៅ​កាន់​ស្ថាប័ន​មួយ​ដែល​អ្នកចង់​ធ្វើការ។ ចូរ​ស្វែងរក​ឲ្យឃើញ​ថា​អ្នក​ពិតជា​​ស្រលាញ់​វា ឬ​ក៏​ពិតជា​ស្អប់​ មុនពេល​អ្នក​កសាង​ការតាំងចិត្ត​ដ៏​ធំមួយ​ចំពោះការងារ​នោះ។ ២.បង្កើន​ចំណេះដឹង​ដែល​ទាក់ទង​នឹង​ទីកន្លែង​របស់អ្នក គ្រប់ពេល​ដែល​អ្នក​អាច​ទទួល​បាន​​បទ​ពិសោធន៍​ជាក់ស្តែង ព្រមទាំង​យល់​និង​បង្កើន​ចំណេះដឹង​ដែល​ទាក់ទង​នឹង​ទីកន្លែង​របស់អ្នក អ្នក​គួរតែ​រក្សា​គុណសម្បត្តិ​នេះទុក។ អ្នកហាត់ការងារ​អាច​រៀន​ពី​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​បរិយាកាស​ខាងក្នុង​និង​ខាងក្រៅ​ស្ថាប័ន​និង​អាចឃើញ​ផ្ទាល់​ពី​ផលិតផល​ផ្សេងៗ​ដែល​ត្រូវបាន​គេ​ផលិត​ជាក់ស្តែង​នៅក្នុង​អាជីវកម្ម​ពី​មួយថ្ងៃ​ទៅ​មួយ​ថ្ងៃ។ ចូរបើក​វាំងនន​ការងារ​ក្នុង​ក្តី​សុបិន្ត​របស់អ្នក អ្នក​​នឹង​អាច​មើលឃើញ​ថា​វា​ដំណើរការ​ដូចម្តេច។ ៣.អភិវឌ្ឍ​សមត្ថភាព​ដែលយើង​មាន បង្រួម​ជំនាញ ចំណេះដឹង និង​សេចក្តី​ប៉ង​ប្រាថ្នា​ដើម្បី​បង្កើត​ទម្លាប់​ដ៏​មាន​ប្រសិទ្ធភាព​ដែល​អាចដឹកនាំ​ភាពជោគជ័យ​មកកាន់​អង្គភាព​របស់អ្នក។​ ជំនាញ​និង​ចំណេះដឹង​ទាំងនេះ​ត្រូវបាន​គេ​ចាត់ចូល​ទៅក្នុង​បទពិសោធន៍​ជាក់ស្តែង​។ អ្នក​មិនត្រូវ​មើល​តែលើ​អ្វី​ដែលជោគជ័យ​ទេ ផ្ទុយមកវិញ​អ្នក​គួរតែ​អភិវឌ្ឍ​សមត្ថភាព​ខ្លួនឯង​ឲ្យបាន​ល្អ។​ ៤.ពង្រីក​ទំនាក់ទំនង​របស់អ្នក ទំនាក់ទំនង​ផ្ទាល់ខ្លួន​និង​ការកសាង​សម្ព័ន្ធភាព​ទាំងនោះ​គឺជា​ឱកាស​ដើម្បី​​ដាក់​ឥទ្ធិពល​របស់អ្នក​ចូល​ទៅក្នុង​ភាពនាំមុខ​គេ។ នៅពេល​ដែល​អ្នក​ធ្វើជា​អ្នក​ហ្វឹកហាត់​ការងារ អ្នក​អាច​ធ្វើឲ្យ​ក្រុមហ៊ុន​អ្នក​ប្រសើរ​និង​មាន​ឱកាស​ដើម្បី​បង្ហាញ​ពី​អានុភាព​ដែល​អ្នកមាន​។ ប្រភព៖ www.entrepreneur.com

លោក​​ ចេក ​ម៉ា​ (Jack Ma) ដែ​ល​ជា​ស្ថាបនិក​ក្រុម​ហ៊ុន​យក្សអាលី​បាបា​ដ៏​ល្បី​ល្បាញ​ទូទាំង​សក​លលោក​ដែល​ស្ថិត​នៅ​ក្នុង​ប្រទេស​ចិន​បាន​ឲ្យ​ដឹង​ថា​តាម​ការ​ប្រ​មើ​លមើល​របស់​លោក​ ពិភពលោក​នឹង​ជួប​ការ​ផ្លាស់​ប្តូរ​ដ៏​ធំ​មួយ​ដែល​អាច​នឹង​កើត​មាន​ឡើង​នៅ​៣០​ឆ្នាំ​ខាង​មុខ​ទៀត។ នោះ​គឺ​​រលក​នៃយុគ្គ​សម័យថ្មី​ដែល​នឹង​មាន​​​ការប្រើ​ប្រាស់​ប្រាជ្ញា​សិប្បនិមិត្ត (Artificial Intelligent)​ជំនួស​ការ​ប្រើប្រាស់​ប្រាជ្ញា​មនុស្ស។​ លោក​ ម៉ា​បន្ត​ថា​រលក​ថ្មីនេះ​កំពុង​តែ​បក់​មករវើយៗ​មួយ​ឆ្នាំ​ខ្លាំង​​ជាង​មួយ​ឆ្នាំ​ ហើយនៅ​ពេលដែល​​​រលក​នេះបក់​មក​ដល់ពេញ​ទី​​វា​នឹង​ឆក់យកឱកាស​ការងារ​ចេញ​ពី​​មនុស្ស​ម្នាកាន់​តែ​ច្រើន ហើយច្រើន​ជាង​អ្វី​ដែល​យើង​ឃើញ​នាពេល​បច្ចប្បន្ន​​។ មនុស្ស​ខ្លះ​ដែល​មាន​សមត្ថ​ភាព​អាច​គ្រប់​គ្រង់រាល់​​​ការ​ផ្លាស់​ប្តូរនិង​ស្ថាន​ការណ៍​ថ្មី​ដែល​​រលក​នេះនាំ​មក​ជាមួយ​ ពួក​គេ​អាច​នឹង​​មានឱ​កាស​ច្រើន​ក្នុង​ការ​​ក្លាយ​ជា​អ្នក​មាន​។​ ក៏​ប៉ុន្តែ​សម្រាប់​មនុស្ស​ភាគ​ច្រើន ពួក​គេ​​នឹង​រង​ទុក្ខ​លំបាក​ដោយសារតែ​មិន​បាន​ដឹង​ឬ​មិន​មាន​លទ្ធភាព​ទប់​ទល់​នឹង​​​សារ​ស្ថានការណ៍​និង​បម្លាស់​ប្តូរ​ថ្មី​​។ រលក​នៃ​យុគ្គ​បចេ្ចកវិទ្យា​នេះ​​គឺ​យុគ្គ​​សម័យដែល​អ្វីៗ​គ្រប់​យ៉ាង​មាន​ការ​ផ្សារភ្ជាប់​គ្នា​និង​បង្កើត​ឡើង​ដោយ​ទិន្នន័យ​ (data)។ ដូច្នេះលោក​ ម៉ា​បាន​សង្កត់​ធ្ងន់​លើ​ការ​សន្មត​របស់​គាត់​ថា​ជំនាញ​ដែល​ពាក់​ព័ន្ធទៅ​នឹង​ទិន្នន័យ​​និង​ការ​វិភាគ​លើ​ទិន្នន័យ​​នឹង​មាន​តម្លៃ​បំផុត​ក្នុង​ពេល​អនាគត។​ ក្រុម​ហ៊ុន​អាលីបាបា​បាន​ប្រមូល​និង​កាន់​កាប់​ទិន្នន័យ​​យ៉ាង​ច្រើន​របស់​អតិថិជន​ខ្លួន​។​ ចំនួនទិន្នន័យ​​​ដ៏​ច្រើន​សន្ធឹក​នេះ​ហើយ​ដែល​បាន​​ឲ្យ​លោក ​ម៉ាបាន​ឃើញ​ច្បាស់​ ​ភ្ញាក់​ផ្អើល​និង​ធ្វើ​ការ​សន្និដ្ខាន​​អំពី​ទំនោរ​ដែល​ពិភព​លោក​កំពុង​តែ​ដើរ​ទៅ​នៅ​ប៉ុន្មាន​ទស្សវត្ស​ខាង​មុខ​នេះ។​ លោក​បាន​បញ្ជាក់​ថាទិន្នន័យ​​នឹង​មាន​តម្លៃណាស់​​សម្រាប់ជីវិត​របស់​មនុស្ស​នា​ពេល​អនាគត។​​ បន្ថែម​ពី​លើ​នេះ​លោក​បាន​បញ្ជាក់​ថាទិន្នន័យ​​នឹង​មាន​តម្លៃណាស់​​សម្រាប់ជីវិត​របស់​មនុស្ស​នា​ពេល​អនាគត។​​ មិន​ត្រឹម​តែ​លោក​ម៉ា​ម្នាក់​នោះ​ទេ​ដែល​មើល​ឃើញ​ពី​រលក​នៃ​យុគ្គ​ប្រាជ្ញា​សិប្បនិមិត្ត​និង​ឲ្យ​តម្លៃ​លើ​ការងារ​ដែល​ទាក់​ទង​នឹង​ទិន្នន័យ​...

តួនាទីការងារ​​របស់​មនុស្ស​ស្រី​នៅ​ក្នុង​សង្គម​យើង​សព្វ​ថ្ងៃ​ឃើញ​ថា​មាន​ការ​កើនឡើង។ យែនឌ័រ​នៅ​កម្ពុជា​ដែល​បែង​ចែក​រវាង​មនុស្ស​ស្រី​និង​មនុស្ស​ប្រុស​ក៏​មាន​ការ​ខុស​ប្លែកខ្លាំងបើធៀប​ទៅនឹង​​សម័យកាល​មុន។ យោង​តាម​សម្តី​ដក​ស្រង់​របស់​លោកស្រី​ ឃួន​ សុដារី ជា​ប្រធាន​គណៈកម្មការ​សិទ្ធិ​មនុស្ស​នៃ​រដ្ឋសភា​បាន​ថ្លែងថា​ យែនឌ័រ​នៅ​កម្ពុជា​មាន​ការរីកចម្រើន​ជាង​បណ្តា​ប្រទេស​នៅក្នុង​តំបន់​។ ​ ​ដោយឡែក​ផ្នត់​គំនិត​របស់​ខ្មែរ​ដែល​គិត​ថា​ “ស្រ្តី​បង្វិល​ចង្ក្រាន​មិនជុំ” ឬ “មនុស្ស​​ស្រី​មុជ​មិន​ជ្រៅ​ទៅ​មិន​ដល់​” ក៏​មាន​ការ​កែ​ប្រែ​បន្តិចៗ​ម្តងទៅតាមសម័យកាល​បច្ចុប្បន្ន​ដោយ​មនុស្ស​ស្រី​បាន​ផ្លាស់​ប្តូរ​គំនិត​ពី​ការ​នៅ​តែ​ផ្ទះ​មក​ចូលរួម​ប្រឡូក​ក្នុង​វិស័យ​ការងារ​ជាច្រើន។ យោងតាម​របាយការណ៍​ជំរឿន​ទូទៅ​នៃ​ប្រជារាស្ត្រ​កម្ពុជា​នៅ​ឆ្នាំ​២០០៨​នៃ​វិទ្យាស្ថាន​ជាតិ​ស្ថិតិ​បាន​ឲ្យដឹង​ថា​ការងារ​ដែល​ប្រជាជន​ធ្វើ​ច្រើន​ជាងគេ​គឺ​កសិកម្ម រុក្ខកម្ម និង​នេសាទ​ដែល​មាន​មនុស្ស​ស្រី​ប្រហែល​៧៥% និង​មនុស្ស​ប្រុស​ប្រហែល​៧០%។ យើង​សង្កេត​ឃើញ​ថា​មាន​ការ​ចូលរួម​ការងារ​ប្រហាក់​ប្រហែល​គ្នា​រវាង​មនុស្ស​ប្រុស​និង​មនុស្ស​ស្រី។​ ថ្វី​ត្បិត​តែ​​មាន​ការ​កែ​ប្រែ​ច្រើន​ប៉ុន្តែ​វា​នៅ​មិនទាន់​គ្រប់​ជ្រុង​ជ្រោយ​នៅឡើយ​ទេ​​ព្រោះ​គេ​ចាត់ទុក​មនុស្ស​ស្រី​ដែលជា​ជនជាតិ​ខ្មែរ​ថា​សុភាព​រាបសា សម្តីទន់ភ្លន់ ឧស្សាហ៍​ព្យាយាម ត្រូវ​ចេះ​ធ្វើ​ការងារ​ផ្ទះ​ អ្នកមើលថែ​គ្រួសារ អ្នកទុកដាក់លុយ​កាក់​ និង​ជា​អ្នក​ផ្តល់​ប្រឹក្សា​ដល់​ស្វាមី។ ប្រការ​នេះ​ធ្វើ​ឲ្យ​មាន​ការរើស​អើង​ចំពោះ​មនុស្ស​ស្រី​ផង​ដែរ​សម្រាប់​ការងារ​មួយ​ចំនួន​ដូចជា...

ក្នុងនាមជា​អ្នកដឹកនាំនៅក្នុង​ស្ថាប័ន​មួយ​អ្នកត្រូវដឹងថា​ទំនាក់ទំនង​គឺជា​រឿងសំខាន់ណាស់​ជាពិសេស​​ជាមួយ​​បុគ្គលិករបស់អ្នក។ និយោជិក​គឺជាអ្នកដែល​មានទំនួលខុសត្រូវ​ចំពោះ​អនាគតស្ថាប័នរបស់​អ្នកច្រើន​ជាងគេបំផុត។ នេះជាហេតុ​មួយ​ដែលអាជីវកម្ម​ត្រូវ​មានការ​ទាក់ទងយ៉ាងមានប្រសិទ្ធភាព។ និយោជក​​ត្រូវផ្តល់អទិភាពចំពោះ​ការប្រាស្រ័យទាក់ទង​ជាមួយ​បុគ្គលិក​ព្រោះថា​កាលណា​បុគ្គលិក​មានការពាក់ព័ន្ធ​កាន់​តែ​ជិតស្និទ្ធ​នោះភាពជោគជ័យ​ក្នុងស្ថាប័ន​ក៏កាន់​តែ​មានច្រើនឡើង​ដែរ។ និយោជិក​គឺជាអ្នកដែល​មានទំនួលខុសត្រូវ​ចំពោះ​អនាគតស្ថាប័នរបស់​អ្នកច្រើន​ជាងគេបំផុត ​បើ​អ្នកដឹកនាំ​ចេះ​ប្រាស្រ័យទាក់ទង​ជាមួយ​បុគ្គលិក​យ៉ាងមានប្រសិទ្ធភាព​នាំឲ្យ​ពួកគេ​អាចធ្វើការ​ក្នុង​គោលបំណងរួមមួយបាន។ បុគ្គលិក​ត្រូវការដឹងថាតើក្រុមហ៊ុន​របស់គេ​រំពឹង​ចង់បាន​អ្វី មានបេសកកម្ម​និង​ចក្ខុវិស័យដូចម្តេច​ និងមាន​គោលការណ៍​គ្រឹះដូចម្តេចខ្លះ។ ជាក់ស្តែង​មាន​ក្រុមហ៊ុនតិចតួចណាស់​ដែលព្រួយ​បារម្ភពី​បញ្ហានេះដោយ​ពួកគេខ្វល់ខ្វាយ​តែពីការរកប្រាក់ចំណេញ​ទើបធ្វើឲ្យ​គេ​មិនសូវ​គិតគូរ​ពីអ្នកនៅខាងក្នុង​​​ស្ថាប័ន​ដែល​ជាហេតុ​នាំឲ្យ​បុគ្គលិក​ធ្វើតាមតែតួនាទីរៀងៗខ្លួន តាម​តែការបង្គាប់បញ្ជា​ និងមិនសូវ​ពិចារណារកវិធីសាស្រ្ត​​ណា​អាចជួយឲ្យក្រុមហ៊ុនរីកចម្រើនទៅបាន។ ដើម្បី​អាចបញ្ចៀសបញ្ហានិងជាជំនួយ​ដល់ទំនាក់ទំនងរវាង​និយោជក​និងបុគ្គលិក ថ្ងៃនេះគំនិតនឹងលើកយក​គន្លឹះ​មួយចំនួនដែលជួយ​ឲ្យការប្រាស្រ័យ​ទាក់ទង​កាន់តែមានប្រសិទ្ធភាព ៖ ១. យល់ពីនិយោជិករបស់អ្នក មនុស្ស​ខុសគ្នានាំឲ្យ​អត្តចរិកក៏ខុសគ្នាដែរ។ ការយល់ពី​អត្តចរិក​និងអាកប្បកិរិយា​របស់បុគ្គលិកនឹងជួយឲ្យ​អ្នកងាយស្រួលបត់បែនដើម្បីឲ្យ​ការទំនាក់ទំនង​មានការងាយស្រួល​ចុះសម្រុងជាមួយ​ពួកគេ។ អ្នក​អាចចំណាយពេល​បន្តិច​ដើម្បី​កត់សម្គាល់​ពីបុគ្គលិកលក្ខណៈ​របស់បុគ្គលិក​ម្នាក់ៗនៅក្នុង​ស្ថាប័នអ្នក។ ឧទាហរណ៍​​ថា​បុគ្គលិក​របស់អ្នក​ជាមនុស្ស​ស្ងៀមស្ងាត់ មិនសូវនិយាយស្តី អ្នកអាចប្រើ​វិធីទាក់ទង​គេតាម​ប្រព័ន្ធអ៊ីនធឺរណែតវិញព្រោះថានៅពេល​ដែលគេនៅតែ​ម្នាក់ឯងគេអាច​នឹងក្លាហានបញ្ចេញ​ពីយោបល់​របស់​​​គេមកកាន់​អ្នក។ ជាការពិត​បុគ្គលិក​ខុសគ្នា​ការប្រើប្រាស់​វិធីសាស្ត្រ​ទំនាក់ទំនង​ប្រកបដោយប្រសិទ្ធភាពទៅបាន​ក៏មិនដូចគ្នាដែរ។ ២. ប្រើវិធីផ្សេងគ្នា​នៃការទំនាក់ទំនង ដូចដែលយើងបាន​ដឹងខាងលើ​​ថាយើង​ត្រូវការ​ប្រភេទទំនាក់ទំនងច្រើនដូចជា​ និយាយផ្ទាល់ ទូរស័ព្ទ...

មិនថា​នៅ​កន្លែងណាក៏​ដូចកន្លែងណាដែរ​មនុស្ស​មិន​អាចចៀស​ផុតពីការឈ្លោះទាស់ទែងគ្នាឬ​ការមិនសូវចុះ​សម្រុងគ្នាទេជា​ពិសេស​គឺ​នៅ​កន្លែងធ្វើការផ្ទាល់តែម្តង។ ​បើទោះបីជា​កន្លែងនោះមានវិន័យតឹងរ៉ឹងយ៉ាងណាក៏គេមិន​ងាយ​នឹងបញ្ចៀសបញ្ហា​ទាំងនេះ​បានដែរ។ ប្រសិនបើ​អ្នក​មិន​ចង់​ឲ្យ​មាន​បញ្ហាជាមួយនឹងគេទេ​អ្នក​ត្រូវ​រក​វិធី​ផ្សេងៗ​ដែល​អ្នក​គិតថា​ស័ក្តិ​សមក្នុង​ការដោះស្រាយ​បញ្ហា​ជាមួយ​មិត្ត​រួមការងារ​របស់អ្នក​ក្នុងគោលបំណងធ្វើឲ្យទំនាក់ទំនង​របស់អ្នក​កាន់តែ​ប្រសើរ។​ កាលណា​អ្នក​មានទំនាក់ទំនងល្អ​ជាមួយ​មិត្តរួមការងារ​នោះកន្លែង​ការងារ​របស់អ្នក​នឹង​ក្លាយជា​កន្លែងដែល​គួរ​ឲ្យ​ចង់ទៅហើយ​​​ការងារ​របស់អ្នកក៏​ក្លាយ​ជា​ការងារ​ដែលគួរឲ្យ​ចង់ធ្វើ​។ ម្យ៉ាងទៀត​បើ​កាលណា​អ្នកបានប្រាស្រ័យទាក់ទង​គ្នា​បានល្អ​វានាំឲ្យ​​មានការកាត់​បន្ថយ​នូវ​ការយល់​ឃើញខុស​រវាងគ្នានិង​​គ្នា​​ហើយ​​ផលិតភាព​ការងារ​របស់អ្នកក៏​កើនឡើង​តាមហ្នឹង​​ដែរ។ គន្លឹះ​សំខាន់ៗ​ខាង​ក្រោមនឹងជួយឲ្យ​អ្នកគិត​បាន​ថា​អ្នកគួរយក​វិធី​ណា​ខ្លះទៅ​ប្រើការ​ដើម្បី​ទុក​ជា​ប្រយោជន៍ដល់​ការទំនាក់​ទំនង​អន្តរ​បុគ្គល៖ ១. ស្តាប់ ការ​ស្តាប់អ្នក​ដទៃ​និយាយជា​ការ​បង្ហាញ​នូវ​ការគោរព​និងការ​យកចិត្តទុក​ដាក់​របស់អ្នកទៅលើគេ។ ប៉ុន្តែ​ការ​ស្ដាប់​ដើម្បីតែ​ស្តាប់មួយ​មុខ​គឺមិនទាន់គ្រប់គ្រាន់ឡើយ​អ្នកត្រូវបង្ហា្​ញ​ពីចំណាប់អារម្មណ៍​របស់អ្នកលើ​ពាក្យ​សម្តី​ដែលគេ​កំពុងតែ​និយាយផង។ ជាពិសេស​អ្នកគួរចៀសវាង​ការស្ងាប ការចុចទូរស័ព្ទលេង​ ឬការស្ដាប់​ចម្រៀងនិង​មើលអ្វី​ផ្សេង​នៅពេល​ដែលគេ​កំពុង​តែ​និយាយ​ជាមួយអ្នក។ នៅពេល​ដែល​អ្នក​ចង់​និយាយ​ឬបញ្ចេញ​យោបល់ដែរ អ្នកត្រូវស្ដាប់​គេ​និយាយ​ឲ្យ​ចប់សិន​​សឹម​កាត់​សម្តីរបស់គេ។ មួយវិញទៀត​អ្នកត្រូវ​ស្ដាប់​យ៉ាង​ជិតស្និទ្ធ បន្ទន់កាយ​ឲ្យ​បានជិតគេ ព្រមទាំង​មើល​ឲ្យ​ចំ​ភ្នែក​របស់គេ​ផងដែរ។ ២. និយាយពីជិវិត​ផ្ទាល់ខ្លួន ​អ្នកអាច​ជជែក​ពីជីវិត​ផ្ទាល់ខ្លួនជាមួយមិត្ត​រួមការ​ងារ​ ជួយឲ្យយោបល់គេ និង​ជួយ​ដោះស្រាយ​បញ្ហាឲ្យគេ។ យ៉ាងណាមិញ​ការនិយាយ​ក៏គួរតែមានការ​ប្រុងប្រយ័ត្នដែរ។​ បើទោះបីជា​ការ​និយាយពីជីវិត​ផ្ទាល់​ខ្លួន​នាំឲ្យអ្នកនិង​មិត្ត​របស់អ្នកមានការទុកចិត្ត​គ្នា​និងបើក​ចំហរពីគ្នាទៅវិញទៅមក​តែអ្នកមិនគួរលូកលាន់​ក្នុងរឿងផ្ទាល់​ខ្លួន​របស់គេជ្រុលពេកទេជាពិសេស​មិនត្រូវយករឿងរបស់មិត្ត​ទៅបើក​កកាយប្រាប់​អ្នកផ្សេង​និងតាមបណ្តា​ញ​សង្គមឡើយ។​ ម្យ៉ាងទៀត​អ្នកគួរចៀសវាង​ការនិយាយភូតភរ​កុហក ការបង្កាច់​បង្ខូច និងសម្តីដែល​ងាយវាយប្រហារ​ដល់ភាគីម្ខាងទៀត។...

បុគ្គលិកជាច្រើនតែងតែ​ត្អូញត្អែរ​នៅពេល​ដែលថ្ងៃអាទិត្យ​ឆ្លងចូល​ថ្ងៃច័ន្ទម្តងៗ។ ជួនកាល​វាមិនមែន​បណ្តាល​មកពី​ពួកគេ​ខ្ជិលទៅធ្វើការ​នោះទេតែ​មកពី​ក្រុមហ៊ុន​របស់គេ​មិនបានផ្តល់នូវផាសុកភាព​គ្រប់គ្រាន់​ឲ្យគេ​មានទឹកចិត្ត​ទៅ​ធ្វើការ​។​ យ៉ាងណាមិញ​បញ្ហា​គ្រប់យ៉ាង​គឺ​សុទ្ធតែ​មានផ្លូវ​ដោះស្រាយ​ជាពិសេសក្នុងនាម​អ្នកជាអ្នកគ្រប់គ្រង​ឬម្ចាស់អាជីវកម្ម​អ្នកមានឱកាស​ក្នុងការកែប្រែ​ស្ថាប័ន​របស់អ្នកឲ្យក្លាយ​ជាទីដែល​បុគ្គលិកចង់ទៅធ្វើការ​បាននិងកាន់តែប្រសើរ។ កន្លែងការងារ​ដែលបុគ្គលិកពេញចិត្តជាកន្លែង​ដែលមាន​និយោជកដែលគេ​ទុកចិត្ត មាន​មោទនភាព​ចំពោះ​ការងារ​​ និងមានភាពសប្បាយរីករាយជាមួយ​មិត្តរួមការងារ​​ជាដើម។ នៅពេល​ដែលបុគ្គលិកពេញចិត្ត​នឹងកន្លែង​ធ្វើការ​របស់ខ្លួន​ពិតណាស់​ថា​​អត្រានៃការលាឈប់​ពី​ការងារ​មានការថយចុះ ផលិតភាព​ការងារ​កាន់តែ​កើនឡើង ហើយ​និយោជក​ថែមទាំង​អាចរក្សា​បុគ្គលិកឆ្នើមបាន​ថែមទៀតផងដែលទាំងនេះ​ជាអ្វី​ដែល​ម្ចាស់​អាជីវកម្មឬម្ចាស់​ក្រុមហ៊ុន​តែង​រំពឹងចង់បាន។ ថ្ងៃនេះ​គំនិតនឹងណែនាំ​នូវគន្លឹះដែល​មាន​ប្រសិទ្ធភាព​មួយចំនួន​​ៗដែលជួយឲ្យ​បរិយា​កាស​ការងារ​ក្លាយជាកន្លែង​ដែលគួរឲ្យពេញចិត្ត​ចំពោះ​បុគ្គលិករបស់អ្នក ៖ ១. បង្ហាញ​បុគ្គលិក​ថាអ្នកព្រួយបារម្ភពីសុខទុក្ខរបស់គេ ចំណុចនេះ​មិនសូវ​ជាពិបាកប៉ុន្មានទេ​ចំពោះនិយោជកមិន​ថាគាត់​មានអត្តចរិករួ​សរាយស្រាប់​ឬ​ក៏អត់ក៏ដោយ។ សំខាន់​និយោជកត្រូវធ្វើ​ការប្រាស្រ័យទាក់ទង​ជាមួយបុគ្គលិក​ឲ្យបានញឹកញាប់​តែនៅក្នុង​កម្រិតដែល​មិនស៊ីជម្រៅពេកនោះទេ។ អ្នកគ្រប់គ្រង​ត្រូវ​បង្ហាញ​​បុគ្គលិក​​ថាពួកគេ​គឺ​មានតម្លៃ​​ណាស់​សម្រាប់​ក្រុមហ៊ុន។ ជាពិសេស​និយោជកត្រូវ​អនុវត្តទំនាក់ទំនងដោយក្តីគោរពនិងមានតម្លាភាព​ហើយ​មិនអាច​បំពានលើសិទ្ធិ​បុគ្គលបានឡើយ។ រីឯ​ការសម្រេចចិត្ត​មួយ​ចំនួន​​ក៏ត្រូគួរតែ​មាន​ការចូលរួមពីបុគ្គលិកផងដែរ។ សំខាន់​បំផុត​និយោជក​ត្រូវប្រាកដថា​ស្ថាប័ន​មានការផ្លាស់ប្តូរទៅរកភាព​វិជ្ជមាន​ជានិច្ចហើយម្នាក់ៗក៏មាន​ការពេញចិត្ត​ចំពោះការផ្លាស់​ប្តូរនេះ។ ចូរចងចាំថា​បើកាលណា​អ្នក​ប្រព្រឹត្ត​ចំពោះ​បុគ្គលិក​បានល្អនោះពួកគេក៏ធ្វើទង្វើ​ល្អៗទៅកាន់អតិថិជនរបស់អ្នកដូចគ្នាព្រោះថា​ពួកគេគឺជាចំណង​ដែលចងភ្ជាប់​ក្រុមហ៊ុន​អ្នកនឹងអតិថិជនរបស់អ្នក​យ៉ាងជិតស្និទ្ធ​។ បើអតិថិជន​របស់អ្នកពេញចិត្ត​នឹងបុគ្គលិករបស់អ្នកនោះគេ​វានឹងធ្វើឲ្យ​ប្រាក់ចំណេញ​របស់អ្នកកើនឡើង ក្រែងនេះជាអ្វី​ដែល​អ្នកចង់បាន​មែនទេ? ២. ផ្តល់​ប្រាក់បៀវត្សរ៍សមរម្យនិងហានិភ័យនៃការបាត់បង់​ការងារទាប ថ្វីត្បិតតែ​កត្តាផ្សេង​ៗនៃការជ្រើសរើសយកការងារមួយ​សំខាន់អាចនិយាយ​បានថាពេលខ្លះវា​សំខាន់ជាងប្រាក់​ខែប៉ុន្តែទោះបីជាយ៉ាងណា​អ្នកត្រូវ​ប្រាកដថាអ្នកបាន​ផ្តល់ប្រាក់បៀវត្សរ៍​គ្រប់គ្រាន់សម្រាប់​បុគ្គលិក​ដែលគេអាចដោះស្រាយ​ជីវភាព​របស់គេបាន។ បើមិនបានលើសពី​ប្រាក់ខែនៅលើ​​ទីផ្សារទេ​យ៉ាងហោចណាស់ក៏​គួរតែសមស្រប​ជាមួយទីផ្សារដែរបូករួម​ជាមួយ​ប្រាក់​លើកទឹកចិត្ត​​ប្រាក់ថែម​ម៉ោង ថ្លៃសម្រាប់ព្យាបាល​ជម្ងឺ និងប្រាក់​បន្ថែមប្រចាំឆ្នាំជាដើម។...

ការពេញចិត្ត​នឹង​​ការងារ​ (Job satisfaction)​​ គឺជា​ឬសគល់​ដ៏​សំខាន់​បំផុត​ក្នុងការ​នាំឲ្យ​ផលិតភាព​ការងារ​មាន​ការគាប់ប្រសើរ​។ វា​ស្រដៀង​ទៅនឹង​ការ​លើកទឹកចិត្ត​ដែរ​តែ​គ្រាន់តែ​វា​អាច​ធំទូលាយ​ជាង​និង​ត្រូវការ​ការយកចិត្តទុកដាក់​ច្រើនជាង​។ ​ការពេញចិត្ត​​​​​ចំពោះ​ការងារ​ពាក់ព័ន្ធ​ទាំង​កត្តា​ផ្លូវចិត្ត​និង​ផ្លូវកាយ​របស់​មនុស្ស​ទៅលើ​ការងារ​របស់គេ​។ ម្យ៉ាងវិញទៀត​វា​កើត​អំពី​ការផ្តល់កម្លាំងចិត្ត​ ការលើកសរសើរ​ និង​ការ​ឲ្យ​តម្លៃ​ចំពោះ​ការងារ​ដែលខ្លួន​បានធ្វើ​។ ការពេញចិត្ត​នឹង​ការងារ​របស់​បុគ្គលិក​កើតចេញ​ពី​កត្តា​ធំៗ​២​ដូចជា​ ៖ ១. កត្តា​​និយោជក​​ និយោជក​​​មាន​តួនាទី​​​​សំខាន់​ណាស់​​ក្នុងការ​​ធ្វើឲ្យ​​បុគ្គលិក​​មាន​អារម្មណ៍​ថា​​ពេញចិត្ត​​និង​​ចង់​​ធ្វើការងារ​​របស់ពួកគេ​​។ ខាងក្រោម​នេះ​​ជា​កត្តា​​ទាំងឡាយ​​ដែល​​​អ្នកគ្រប់គ្រង​​​គួរ​អនុវត្ត​ ៖ ផ្តល់​នូវ​បរិយាកាស​ការងារ​ល្អ​ ៖ បរិយាកាស​ការងារ​គឺជា​រឿង​សំខាន់ណាស់​។ បើ​បុគ្គលិក​មិន​ចូលចិត្ត​កន្លែង​ធ្វើការ​របស់គេ​ ឬ​មាន​អារម្មណ៍​ថាការងារ​ដែលគេ​ធ្វើ​គួរឲ្យធុញទ្រាន់​នោះ​គេ​ក៏​មិនចង់​មក​ធ្វើការ​ដែរ​ដែល​វា​នាំឲ្យ​ផលិតភាព​​ការងារ​ថយចុះ​​ទៅតាម​ហ្នឹង​ដូចគ្នា។ ចូលទៅ​ពាក់ព័ន្ធ​ជាមួយ​បុគ្គលិក​ ៖​ ការ​ធ្វើ​បែបនេះ​គឺ​ដើម្បី​បង្កើន​ភាពស្និទ្ធស្នាល​ជាមួយ​បុគ្គលិក​តែមិន​ត្រូវ​ហួសហេតុ​ពេកទេ​។​ បន្ទាប់ពី​អ្នក​ទទួល​បាន​ភាពស្និទ្ធស្នាល​ពី​បុគ្គលិក​ហើយ​ អ្នកត្រូវ​ធ្វើ​យ៉ាងណា​ឲ្យ​បុគ្គលិក​មាន​ការពាក់ព័ន្ធ​ជាមួយ​ការងារ​ឲ្យ​បានកាន់តែច្រើន​។ ជាពិសេស​អ្នក​ត្រូវ​បញ្ជ្រាប​ពី​គោលដៅ​និង​បេសកកម្ម​របស់ក្រុមហ៊ុន​ឲ្យ​បុគ្គលិក​ម្នាក់ៗ​យល់​គ្រប់ៗ​គ្នា​។​...