ឱកាសមាសសម្រាប់យុវជនក្នុងវិស័យអចលនទ្រព្យពីក្រុមហ៊ុនម៉ាកយីហោខ្នាតយក្សពីសហរដ្ឋអារមេរិក

750

ក្រុម​ហ៊ុន Century 21 Zillion Holding ​ជា​ក្រុម​ហ៊ុន​​អចលន​ទ្រព្យដំ​បូង​គេ​នៅ​កម្ពុជា​ដែលនឹង​មាន​ការិយា​ល័យ​នៅ​ទូ​ទាំង​ប្រទេស​ ហើយកំ​ពុងតែ​ត្រូវ​ការភ្នាក់​ងារ​អចលន​ទ្រព្យរហូតដល់ទៅ​ ៣ ៨០០ នាក់​បន្ថែមទៀត​​​ដើម្បីដំ​ណើរ​ការ​​សេវា​អចលន​ទ្រព្យ​នៅ​តាម​​​ការិយា​ល័យ​ថ្មី​ទាំង ៣៨ របស់​ខ្លួន​។

ក្រុម​ហ៊ុន​នឹង​រៀប​ចំ​ព្រឹត្ត​ការ​ណ៍ជ្រើស​រើស​ភ្នាក់​ងារ​ទ្រង់​ទ្រាយ​ធំ​លើកទី១របស់ខ្លួន ដែលបើកឱ្យចូលរួមដោយឥតគិតថ្លៃចំនួន​ជិត៦០០កន្លែង ដែលនឹងប្រព្រឹត្តទៅនៅ​ថ្ងៃ​ទី ១៩ ខែ​កុម្ភៈឆ្នាំ ២០២០ ខាង​មុខ​​នៅ​សណ្ឋាគារ ភ្នំពេញ (Grand Ballroom) ។

លោក​ស្រី ហ្គ្រែស រចនីហ្វុង គឺជា អគ្គនាយិកា​ក្រុម​ហ៊ុន Century 21 Cambodia ដែល​ជា​ក្រុម​ហ៊ុន​មេ គ្រប់​គ្រង​សិទ្ធធ្វើ​អាជីវ​កម្មលើ​​ម៉ាក​យី​ហោ Century 21 នៅ​កម្ពុជា​ បាន​លើក​ឡើង​ថាភ្នាក់​ងារ​អចលន​ទ្រព្យ​ទាំង ៣ ៨០០ នាក់​នឹង​រួម​ចំ​ណែក​ជា​មួយ​ក្រុម​ហ៊ុន​ដើម្បី​ផ្តល់​សេវា​អចលន​ទ្រព្យ​​​​ឲ្យបាន​​​​គ្រប​​ដណ្តប់​នៅ​គ្រប់​ច្រក​ល្ហក ចាប់ពីឆ្នាំ ២០២០​ នេះ​តទៅ។ ភ្នាក់​ងា​រថ្មី​ទាំង​ ៣ ៨០០ នាក់​ត្រូវ​ជ្រើស​រើ​ស​សម្រាប់​ការិយា​ល័យ​ទាំង ៣៨ ដែល​ការិយាល័យថ្មីមួយ ត្រូវ​ការភ្នាក់​ងារ​ ១០០ នាក់។

លោក​ស្រី​ថ្លែង​ថា៖ «យើង​ចង់​ចាប់​ដៃគ្នា​រយៈ​ពេល​វែង​ជា​មួយ​ម្ចាស់​អចលនទ្រព្យ​ និង​អ្នក​រស់​នៅ​តាម​បណ្តា​ខណ្ឌ​ទាំង​ ១៤ នៅ​ភ្នំពេញ និង​បណ្តាខេត្ត​ក្រុង​ទាំង ​២៤ នៅ​កម្ពុជា។ យើង​ជា​ក្រុមហ៊ុន​ដែល​មាន​ឯក​ទេស​ខាង​វិ​ស័យ​ដី​ធ្លី អ៊ីចឹង​យើង​អាច​សហ​ការ​គ្នា ចាប់​ដៃគ្នា​ជា​មួយ​ពួក​គាត់​​ក្នុង​ការ​អភិវឌ្ឍន៍វិស័យ​អចលន​ទ្រព្យ​នៅ​កម្ពុជាឲ្យ​បាន​កាន់​តែ​រីក​ចម្រើន​​បន្ត​ទៀត»។

នៅ​ក្នុង​ព្រឹត្ត​ការណ៍ជ្រើស​រើស​ភ្នាក់​ងារនា​ថ្ងៃ​ទី ១៩ កុម្ភៈ​ខាង​មុខ ក្រុម​ហ៊ុន​ Century 21 Zillion Holding ក៏​​​បានអញ្ជើញ​អ្នក​ជំ​នាញផ្នែក​ផ្តល់​យោបល់​ខាង ​​អាជីព​ និង​កា​ងារ​​​​ល្បីៗ​នៅ​កម្ពុ​ជា​ចំ​នួ​​ន ៧ រូប​ ដើម្បី​ធ្វើ​ការចែក​រំ​លែក​ចំ​ណេះដឹង​ជំនាញ​ល្អ​ៗ​ដល់អ្នក​ចូល​រួម​។ សិក្ខា​សា​លា​នេះ​នឹង​ផ្តោត​សំ​ខាន់​លើការ «បណ្តុះ​​ភាព​ជោគ​ជ័យ​សម្រាប់​ភ្នាក់​ងា​រ ៣ ៨០០ នាក់​ដំ​បូង​ក្នុង​វិ​ស័យ​អចលន​ទ្រព្យ​»។

អ្នក​ចូល​រួម​នឹង​អាច​ស្វែង​យល់​លម្អិតពី​លក្ខណ័្ឌ​ដើម្បី​ក្លាយ​ជា​ភ្នាក់​ងារ​អចលន​ទ្រព្យ​អាជីព​ អត្ថ​ប្រ​យោជន៍​ដែល​ទទួល​បាន និងចំ​ណេះនិងចំណេះដឹងជំនាញផ្សេងៗទៀត។

​ដូចនេះហើយបើបេក្ខជនមានចំណាប់អារម្មណ៍ក្នុងការទទួលបានឱកាសកា​ងារ​ជា​ភ្នាក់​ងារ​ជា​មួយ​ក្រុម​ហ៊ុន​លំ​ដាប់​អន្ត​រជាតិ​ ត្រូវ​ចូល​​​​ចុះ​ឈ្មោះ​ និង​បំ​ពេញ​បែប​បទមួយ​ចំ​នួន​​​តាម​អន​ឡាញជា​មុន​សិន​​។ (សូម​ចុច​តំ​ណរ​ភ្ជាប់​នេះ៖ https://www.eventbrite.com/e/90110961311ដើម្បី​ចូល​ទៅ​កាន់​ទំ​ព័រ​ចុះ​ឈ្មោះ​ចូល​រួម​)។