គន្លឹះ10 យ៉ាង ដើម្បីស្វែងរកអ្នកណែនាំផ្លូវដ៏ត្រឹមត្រូវសម្រាប់អ្នក

មនុស្សគ្រប់គ្នា សុទ្ធតែមានគោលដៅជីវិតដើម្បីធ្វើសកម្មភាពឱ្យទទួលបានជោគជ័យ ប៉ុន្តែដើម្បីជាជំនួយដើម្បីទទួលបានភាពជោគជ័យបានកាន់តែលឿន ទាមទារឱ្យមានអ្នកណែនាំផ្លូវបន្ថែមទៀត ប៉ុន្តែជាបញ្ហាចោទនោះគឺ មិនដឹងពីរបៀបជ្រើសរើសអ្នកណែនាំដ៏ត្រឹមត្រូវសម្រាប់ជួយ។

ដូច្នេះគន្លឹះ 10 យ៉ាង ខាងក្រោម នឹងជួយអ្នកឱ្យឈ្វេងយល់ពីអ្វីដែលអ្នកកំពុងស្វែងរកក្នុងការកំណត់អត្តសញ្ញាណអ្នកណែនាំឱ្យបានត្រឹមត្រូវសម្រាប់អ្នកនិងរៀបចំខ្លួនអ្នកឱ្យទទួលបានជោគជ័យ។

1. ឈ្វេងយល់ថា តើអ្នកណែនាំគឺជាអ្វី?

អ្នកណែនាំផ្លូវ គឺជាមនុស្សម្នាក់ដែលអាចដើរតួជាអ្នកលើកទឹកចិត្តនិងណែនាំបង្ហាញផ្លូវ និងលើកទឹកចិត្តអ្នកឱ្យទទួលឬបង្កើតឱកាសថ្មីនិងជួយអ្នកឱ្យជម្នះរាល់ស្ថានភាពលំបាក ដូចជាការផ្លាស់ប្តូរទៅតួនាទីថ្មីឬការបំពេញការងារជាដើម។

ជារឿយៗអ្នកណែនាំរបស់អ្នក នឹងក្លាយជាអ្នកដែលធ្វើការនៅក្នុងឧស្សាហកម្មដូចអ្នក ឬមានតួនាទីស្រដៀងគ្នា ឬនរណាម្នាក់ដែលធ្វើការនៅក្នុងឧស្សាហកម្មឬប្រភេទតួនាទីដែលអ្នកចង់ផ្លាស់ប្តូរ ដើម្បីអាចជួយអ្នកឱ្យឈ្វេងយល់ពីរបៀបធ្វើឱ្យអាជីពរបស់អ្នកកាន់តែល្អនិងរីកចម្រើន ព្រមទាំងអាចសម្រេចបានតាមក្ដីស្រមៃរបស់អ្នក។

2. ច្បាស់នឹងគោលដៅរបស់អ្នក

មុននឹងសម្រេចចិត្តសុំនរណាម្នាក់ធ្វើជាអ្នកណែនាំ អ្នកត្រូវឆ្លុះបញ្ចាំងពីអ្វីដែលអ្នកសង្ឃឹមថានឹងអាចរៀនចេញពីទំនាក់ទំនងជាមួយអ្នកណែនាំនោះ។ គោលដៅនៃទំនាក់ទំនងជាមួយអ្នកណែនាំភាគច្រើន គឺដើម្បីជួយអ្នកឱ្យជម្នះរាល់ការផ្លាស់ប្តូរ ឬ ឧបសគ្គ ឬ ធ្វើឱ្យប្រសើរឡើងនៅក្នុងវិស័យការងារដែលអ្នកត្រូវការការគាំទ្រឬការណែនាំបន្ថែម។

បន្ថែមពីនេះ ចូរគិតអំពីគោលបំណងជាមុនសិន មុននឹងស្វែងរកអ្នកណែនាំ។ កំណត់ចន្លោះប្រហោងក្នុងការអនុវត្តការងាររបស់អ្នកនិងអ្វីដែលអ្នកត្រូវការដើម្បីឈ្វេងយល់ឱ្យបានច្បាស់អំពីឧស្សាហកម្មឬនិយោជករបស់អ្នក។

3. ជ្រើសរើសមនុស្សឱ្យត្រឹមត្រូវដើម្បីធ្វើជាអ្នកណែនាំដល់អ្នក

ចូរបញ្ជាក់ពីជំនាញដែលអ្នកកំពុងស្វែងរកជំនួយ ឬសំណួរអ្វីដែលមានអំពីឧស្សាហកម្មរបស់អ្នក បន្ទាប់មកស្វែងរកសហគមន៍នៅជុំវិញអ្នក រួមទាំងមិត្តរួមការងារ មិត្តភក្តិ គ្រួសារនិងបណ្តាញអតីតនិស្សិតនៅមហាវិទ្យាល័យរបស់អ្នក ដើម្បីស្វែងរកអ្នកណែនាំដ៏មានសក្តានុពល។

អ្នកណែនាំរបស់អ្នកមិនចាំបាច់ជានាយកប្រតិបត្តិទេ។ ពួកគេអាចមានកម្រិតខ្លះលើសអ្នក។ លើសពីនេះ អ្នកត្រូវជ្រើសរើសអ្នកណែនាំណាដែលមានបុគ្គលិកលក្ខណៈដូចខាងក្រោម៖

ទី1. មានចំណេះដឹងល្អឬមានជំនាញពាក់ព័ន្ធដែលអ្នកត្រូវការឱ្យជួយ

ទី2. ភាពរីករាយក្នុងការចែករំលែកលើជំនាញនោះ

ទី3. អាកប្បកិរិយាគួរឱ្យគោរព

ទី4. ឆន្ទៈក្នុងការវិនិយោគលើអ្នកដទៃ

ទី5. សមត្ថភាពក្នុងការផ្តល់មតិដោយស្មោះត្រង់និងដោយផ្ទាល់

ទី6. មានជំនាញស្តាប់ ដើម្បីឆ្លុះបញ្ចាំងឬឈ្វេងយល់ពីអ្នកនិងមានការយល់ចិត្ត

ទី7. ឆន្ទៈចង់ជួយទាំងគំនិត និងជំនួយផ្សេងៗតាមលទ្ធភាព

4. ត្រូវប្រាកដថា អ្នកណែនាំត្រូវតែមានទស្សនៈផ្សេងគ្នា

Jackson បានផ្តោតលើការស្វែងរកអ្នកណែនាំដែលធ្វើការនៅក្នុងនាយកដ្ឋានផ្សេងៗ ដូចជាការផ្សាយពាណិជ្ជកម្មឬការច្នៃប្រឌិតដើម្បីផ្តល់ឱ្យនាងនូវទស្សនៈផ្សេងនិងបង្រៀនជំនាញថ្មីរបស់នាង។ នាងនិយាយថា “ខ្ញុំចង់រៀនពីនរណាម្នាក់ដែលមិនធ្វើដូចខ្ញុំ” ។ គ្រូដែលមានទស្សនៈផ្សេងគ្នាបានជួយនាងយល់ពីរបៀបធ្វើការជាមួយមនុស្សផ្សេងគ្នា កែសម្រួលស្ទីលទំនាក់ទំនងរបស់នាង និងគិតប្រកបដោយភាពច្នៃប្រឌិតថែមទៀត។

Patterson យល់ស្របថា វាមានសារៈសំខាន់ណាស់ក្នុងការស្វែងរកអ្នកណែនាំជាមួយទស្សនៈពិភពលោកផ្សេងៗគ្នា។ លើសពីនេះ គាត់បាននិយាយថា “ប្រសិនបើអ្នកពិតជាចង់ជំរុញខ្លួនឯងឱ្យរីកចម្រើន អ្នកត្រូវការអ្នកណែនាំដែលខុសពីអ្នក ដោយអាចផ្តល់ទស្សនៈផ្សេងដល់អ្នក” ។ នេះអាចជាមនុស្សម្នាក់នៅក្នុងនាយកដ្ឋានផ្សេងឬនរណាម្នាក់ដែលមានសាវតាខុសៗគ្នាដែលមានបទពិសោធន៍នៅកន្លែងធ្វើការខុសពីអ្នក។

5. ចាប់ផ្ដើមបង្កើតទំនាក់ទំនងជាមួយអ្នកណែនាំ

ចំណុចនេះ អ្នកត្រូវតែចាប់ផ្ដើមណាត់ជួប និងបង្កើតទំនាក់ទំនងយ៉ាងជិតស្និតជាមួយអ្នកណែនាំ ដោយចំណុចចាប់ផ្ដើម អ្នកត្រូវណែនាំអំពីខ្លួនរបស់អ្នកទៅកាន់គាត់ និងប្រាប់ហេតុផលលម្អិត ដើម្បីធ្វើយ៉ាងណាសុំគាត់ធ្វើជាអ្នកណែនាំផ្លូវសម្រាប់អ្នក។ បន្ទាប់មក អាចសួរសំណួរជាបន្តបន្ទាប់ ដើម្បីសុំជាយោបល់ក្នុងការធ្វើសកម្មភាពនានាក្នុងការទទួលបានភាពប្រសើរ និងភាពជោគជ័យលើអ្វីដែលអ្នកចង់សម្រេច។

6. ត្រូវជាក់លាក់អំពីអ្វីដែលអ្នកចង់បាន

អ្នកត្រូវតែធ្វើយ៉ាងណា ឱ្យអ្នកណែនាំរបស់អ្នកបានយល់ពីអ្វីដែលអ្នកកំពុងធ្វើ ឬអ្វីដែលអ្នកត្រូវការការគាំទ្រ ហើយហេតុអ្វីបានជាអ្នកងាកទៅរកពួកគេជាជាងអ្នកផ្សេង?

ការដឹងច្បាស់នូវអ្វីដែលអ្នកកំពុងស្វែងរក កំពុងត្រូវការពិតប្រាកដ និងមូលហេតុដែលអ្នកគិតថា អ្នកណែនាំរបស់អ្នកជាមនុស្សត្រឹមត្រូវនឹងជួយអ្នកឱ្យបានសម្រេចតាមគោលដៅបាន នោះវានឹងជួយអ្នកឱ្យដឹងបានយ៉ាងច្បាស់ថា អ្នកចង់បានអ្វីពិតប្រាកដ ហើយអ្នកណែនាំផ្លូវនោះ គាត់នឹងនិយាយបែបណាមកកាន់អ្នក ប្រសិនបើអ្នកណែនាំនោះគាត់មិនយល់ព្រមឬមិនស័ក្តសមនឹងជួយអ្នក នោះគាត់នឹងអាចនិយាយថា “ ខ្ញុំប្រហែលជាមិនអាចផ្តល់ឱ្យអ្នកនូវភាពច្បាស់លាស់នោះទេ” ជាដើម។

7. ធ្វើឱ្យងាយស្រួលសម្រាប់ Mentor របស់អ្នក

ត្រូវគោរពពេលវេលារបស់អ្នកណែនាំ ទាំងការណាត់ជួបប្រជុំផ្ទាល់ ឬខល ឬឆាតសួរជាដើម។ ដូច្នេះអ្នកត្រូវតែពិចារណាឱ្យបានលំអិតពីការបញ្ជូនរបៀបវារៈឬសំណួររបស់អ្នកឱ្យបានមួយថ្ងៃសិន មុនណាត់ជួបប្រជុំ ឬសុំយោបល់ពីអ្នកណែនាំរបស់អ្នក។ ធ្វើបែបនេះ អ្នកណែនាំរបស់អ្នកមានពេលគិតអំពីវិធីជួយអ្នកបានយ៉ាងល្អបំផុត។

8. ស្តាប់និងបង្ហាញពួកគេ ថាអ្នកបានឱ្យតម្លៃចំពោះមតិរបស់ពួកគេ

ប្រសិនបើអ្នកណែនាំរបស់អ្នក បានណែនាំអ្នកឱ្យសាកល្បងសកម្មភាពឬណែនាំអ្នកឱ្យអានសៀវភៅណាមួយ សូមបង្ហាញថា អ្នកកំពុងបញ្ចូលមតិយោបល់របស់ពួកគេ ដោយប្រាប់ពួកគេទាំងតាមសារ ឬនៅកិច្ចប្រជុំបន្ទាប់របស់អ្នក តើមានអ្វីកើតឡើងនៅពេលអ្នកធ្វើតាមដំបូន្មានរបស់ពួកគេ។

លើសពីនេះ ត្រូវរកវិធីដើម្បីឆ្លុះបញ្ចាំងពីអ្នកណែនាំរបស់អ្នក ពីអ្វីដែលអ្នកកំពុងរៀនពីការប្រជុំ។

ជារួមមក ត្រូវធ្វើយ៉ាងណាឱ្យអ្នកណែនាំរបស់អ្នក មានអារម្មណ៍ថា គាត់មានតម្លៃសម្រាប់អ្នក ដោយអ្នកបានផ្ដល់ការគោរពឱ្យតម្លៃ បានអនុវត្តន៍តាម និងផ្ដល់ជាការឆ្លុះបញ្ចាំងនានា ក្រោយពីអ្នកបានអនុវត្តន៍តាម ព្រមទាំងសុំមតិយោបល់នានាពីគាត់បន្ថែមជាដើម។

9. ដឹងថាអ្នកណែនាំ អាចនឹងផ្លាស់ប្តូរជាមួយអាជីពរបស់អ្នក

ត្រូវប្រាកដថា មនុស្សដែលអ្នកជ្រើសរើសធ្វើជាអ្នកណែនាំ អាចមានសមត្ថភាពផ្លាស់ប្តូរកន្លែងដែលអ្នកកំពុងស្ថិតនៅនិងអ្វីដែលអ្នកត្រូវការបំផុតនាពេលបច្ចុប្បន្ន។

10. បង្ហាញការដឹងគុណ

អ្នកណែនាំរបស់អ្នក ក៏មានជីវិតផ្ទាល់ខ្លួន ការងារនិងទំនួលខុសត្រូវ ដូច្នេះសូមបង្ហាញការគោរពរបស់អ្នកដោយមិនទាមទារពេលវេលាច្រើនពេក។ ហើយសម្ដេងនូវការដឹងគុណជានិច្ចកាល នៅពេលអ្នកទទួលបានសម្រេចភារកិច្ច និងធ្វើអ្វីមួយសម្រាប់គាត់ ព្រមទាំងរក្សាទំនាក់ទំនងជាមួយអ្នកណែនាំរបស់អ្នកឱ្យបានល្អជារៀងរហូត។

ពាណិជ្ជកម្ម

គន្លឹះបង្កើត Content ដើម្បីកសាងហ្វេសប៊ុកផេកអាជីវកម្មរបស់អ្នក

Sann Thaven

គន្លឹះបង្កើត Content ដើម្បីកសាង Facebook business page របស់អ្នក

Content បើបកជាភាសាខែ្មរ យើងអាចកំណត់បានថា ជាមាតិកា ឬជាសារបង្ហោះនៅលើប្រព័ន្ធសង្គម ដូចជានៅលើ Facebook, Instagram, TikTok និងផ្សេងៗទៀត។

ឈ្វេងយល់អំពី Content

Content គឺត្រូវបានប្រើប្រាស់យ៉ាងទូលំទូលាយដោយអ្នកទីផ្សារឌីជីថល និងម្ចាស់អាជីវកម្ម។ ហើយជាទូទៅ អ្នកទីផ្សារ និងម្ចាស់អាជីវកម្ម បង្កើតContent ឬបង្កើតសារបង្ហោះ ឬបង្កើតមាតិកា ដើម្បីជំរុញទីផ្សារ កសាងកេរ្តិ៍ឈ្មោះម៉ាកយីហោ និងជំរុញការលក់ជាដើម។

Content មានច្រើនប្រភេទ ប៉ុន្តែគេតែងតែប្រើប្រាស់ មាន 18 ប្រភេទ រួមមាន៖

វីដេអូ
អត្ថបទ
រូបភាព
Infographics
Podcast
Ebooks
ករណីសិក្សា (Case Studies)
Quote
ការធ្វើTestimonials និង Review អំពីអ្វីមួយ
ការធ្វើសេចក្ដីប្រកាស (Announcements)
ធ្វើសំណួរចម្លើយ
ការធ្វើបទសម្ភាសន៍
Live វីដេអូ
បង្កើតកម្មវិធីតាមអនឡាញ
ការស្ទង់មតិ
SlideShares
Posters
Fan page

ចំណាំ៖ អ្នកទីផ្សារ ឬម្ចាស់អាជីវកម្ម អាចជ្រើសរើសប្រភេទ Content ណាដែលស័ក្តិសមបំផុតចំនួន 1ឬច្រើន ដើម្បីបង្កើតខ្លឹមសារ ឬធ្វើសកម្មភាពនានាក្នុងការផ្សព្វផ្សាយលើបណ្ដាញសង្គម ជាពិសេសនៅក្នុង Facebook page អាជីវកម្មរបស់អ្នក។

គន្លឹះបង្កើត Content សម្រាប់ Facebook page សម្រាប់អាជីវកម្មរបស់អ្នក

តើអ្នកចំណាយពេលប៉ុន្មានទៅលើទំព័រហ្វេសប៊ុកអាជីវកម្មរបស់អ្នក (Facebook business page)? ប្រសិនបើផេកនោះជាអ្វីដែលអ្នកបានបង្កើតជាយូរណាស់មកហើយ ប៉ុន្តែអ្នកមិនបានពិនិត្យឡើងវិញជាប្រចាំ នោះអ្នកអាចនឹងបាត់បង់វិធីដ៏មានតម្លៃ ដើម្បីធ្វើឱ្យអាជីវកម្មរបស់អ្នកមានភាពរីកចម្រើនជាងមុន។

បើយោងតាមគេហទំព័រ Forbes បានបង្ហាញពីគន្លឹះក្នុងការបង្កើតខ្លឹមសារបង្ហោះ ឬបង្កើត Content ដែលធ្វើឱ្យអ្នកប្រើប្រាស់ហ្វេសប៊ុកជាប់ចិត្តហើយត្រលប់មករកអ្វីបន្ថែមទៀតនៅក្នុងហ្វេសប៊ុកផេករបស់អ្នក។

1. Content ដែលផ្ដល់នូវគុណតម្លៃ

ទំព័រហ្វេសប៊ុករបស់អ្នក (Your Facebook page) គឺជាកន្លែងដ៏ល្អសម្រាប់ការធ្វើបច្ចុប្បន្នភាពអាជីវកម្មរបស់អ្នក ប៉ុន្តែកុំវែងឆ្ងាយពេក ពីព្រោះមនុស្សមិនចង់បានឬត្រូវការរបាយការណ៍ស៊ីជម្រៅអំពីការធ្វើបច្ចុប្បន្នភាពក្រុមហ៊ុនរបស់អ្នកទេ ផ្ទុយទៅវិញសូមផ្តល់គុណតម្លៃកាន់តែច្រើនដោយការរួមបញ្ចូលគ្នានូវមាតិកាចម្រុះ (mix of content) អំពីអាជីវកម្មរបស់អ្នក ជាមួយ third-party content ដូចជាតំណភ្ជាប់ទៅកាន់ប្លុកនិងវេទិកាឧស្សាហកម្ម។ ធ្វើបែបនេះនឹងបង្កើតភាពជឿជាក់ ដើម្បីជាធនធានដ៏មានតម្លៃដល់អតិថិជនរបស់អ្នក។

ចំណាំ៖ third-party content បកជាខ្មែរថា “ខ្លឹមសាររបស់ភាគីទីបី” គឺសំដៅលើឈ្មួញកណ្ដាលដែលផ្ដល់សេវាកម្មផ្សព្វផ្សាយ ក៏ដូចជាបង្កើត Content ឱ្យអ្នក ដើម្បីឱ្យអតិថិជនបានស្គាល់ពីអាជីវកម្មរបស់អ្នក តាមរយៈ third-party content។

2. ត្រូវមានយុទ្ធសាស្ត្រអមជាមួយរូបភាព

កុំបង្ហោះរូបថតតែម្នាក់ឯងនៃផលិតផលឬសេវាកម្មរបស់អ្នក ចូរបង្ហាញថាផលិតផលឬសេវាកម្មរបស់អ្នកត្រូវបានប្រើដោយភាពសប្បាយរីករាយ និងភាពពេញចិត្តពីអតិថិជន។ ធ្វើបែបនេះ នឹងអាចទាក់ទាញចិត្តអតិថិជនឱ្យជួយចែករំលែកបន្តទៅកាន់សាធារណៈជនផ្សេងទៀតផងដែរ។

3. ជៀសវាងការបង្ហោះវែងពេក

ការបង្ហោះសារវែងឆ្ងាយ វាជាចំណុចដែលអតិថិជននិងមហាជនជាច្រើនមិនចាប់អារម្មណ៍ និងមិនចូលចិត្តអានឡើយ។ ប្រសិនបើអ្នកចង់ឱ្យអ្នកគាំទ្រអានសារបង្ហោះរបស់របស់អ្នកសូមរក្សាវាឱ្យខ្លីនិងផ្អែមល្ហែមជាទូទៅរវាង 100-250តួអក្សរ។

4. ផ្ដោតលើការចូលរួម (Focus on engagement)

តើអ្នកអាចជំរុញអតិថិជនឱ្យចូលរួមក្នុងអាជីវកម្មរបស់អ្នកយ៉ាងដូចម្តេច? ហើយដឹងយ៉ាងច្បាស់ថា នរណាជាអតិថិជនគោលដៅរបស់អ្នក ដែលអ្នកចង់ឱ្យពួកគេមានសកម្មភាពចូលរួមជាមួយនឹងអ្នក។ បន្ទាប់មក ព្យាយាមសួរសំណួរនិងផ្តល់ជូនការបោះឆ្នោត(polls) ដែលអញ្ជើញឱ្យមានការឆ្លើយតបលើប្រធានបទនានា។ នៅចុងបញ្ចប់នៃការផ្សព្វផ្សាយ សូមកុំភ្លេចអញ្ជើញអ្នកគាំទ្រឱ្យបញ្ចេញមតិ(Comment) ចូលចិត្ត(Like) ឬចែករំលែក(Share)។ នៅពេលមនុស្សឆ្លើយតប សូមរក្សាការសន្ទនាដោយមានមតិផ្ទាល់ខ្លួនរបស់អ្នក។

5. ភ្ជាប់ទំនាក់ទំនងឱ្យដូចមិត្តភក្តិ មិនមែនជាការធ្វើអាជីវកម្ម

ហ្វេសប៊ុក គឺជាការនិយាយអំពីបទពិសោធន៍ផ្ទាល់ខ្លួន ដូច្នេះដើម្បីភ្ជាប់ទំនាក់ទំនងជាមួយអតិថិជនឱ្យដូចជាមិត្តភក្តិនៅក្នុងហ្វេសប៊ុក អ្នកអាចចាប់ផ្ដើមការបង្ហោះព័ត៌មាន ឬព័ត៌មានថ្មីៗតាមវិធីសាមញ្ញដោយមានរីករាយហើយផ្ដល់ការអប់រំ គ្មានការឃោសនាបំផ្លើសផ្នែកទីផ្សារ ឬការផ្សាយព័ត៌មានជាដើម។ លើសពីនេះ ផ្សព្វផ្សាយអ្វីដែលធ្វើឱ្យមនុស្សសប្បាយរីករាយ ទទួលបានចំណេះដឹង និងគុណតម្លៃផ្សេងៗ ដោយផ្សាភ្ជាប់នឹងផលិតផលសេវាកម្មរបស់អ្នក (ប៉ុន្តែកុំផ្ដោតលើការផ្សព្វផ្សាយលក់ខ្លាំងពេក អាចធ្វើឱ្យមនុស្សឆាប់ធុញ និងគ្មានការចាប់អារម្មណ៍)។ ការធ្វើបែបនេះ នឹងធ្វើឱ្យមនុស្សមានអារម្មណ៍ថា ពួកគេជាផ្នែកមួយនៃសហគមន៍ដែលកំពុងរីកចម្រើនខ្លាំង។

ពាណិជ្ជកម្ម

របៀបក្លាយជា មនុស្សមានភាពបត់បែនបានលឿន

Sann Thaven

ភាពបត់បែន បើសរសេរជា ភាសាអង់គ្លេស គឺ flexible ។ តើភាពបត់បែននេះ មានន័យដូចម្ដេច?

ភាពបត់បែន ត្រូវបានកំណត់ថា ជាសមត្ថភាពអាចផ្លាស់ប្តូរបានលឿន អាចចុះចំណោមជាមួយមនុស្ស ឬបរិស្ថានជុំវិញបាន និងអាចកែប្រែស្ថានការណ៍បានយ៉ាងងាយស្រួល ដើម្បីឆ្លើយតបទៅនឹងកាលៈទេសៈប្រែប្រួលនានា។

មនុស្សគ្មានភាពបត់បែន VS មនុស្សមានភាពបត់បែន

មនុស្សគ្មានភាពបត់បែន

ជាមនុស្សគេចនឹងបញ្ហា
ជាមនុស្សរអ៊ូជាមួយនឹងបញ្ហា
ជាមនុស្សគ្មានដំណោះស្រាយ
ជាមនុស្សរស់នៅក្នុងភាពស្មុគស្មាញ
ជាមនុស្សគ្មានភាពរីកចម្រើន

មនុស្សមានភាពបត់បែន

ជាមនុស្សអាចកែប្រែស្ថានការណ៍អាក្រក់ឱ្យមកល្អឡើងវិញ
ជាមនុស្សមានដំណោះស្រាយ
ជាមនុស្សបត់បែនតាមកាលៈទេសៈ
ជាមនុស្សអាចរស់នៅក្នុងចំណោមប្រភេទមនុស្សផ្សេងៗ
ជាមនុស្សអាចធ្វើឱ្យខ្លួនឯងរីកចម្រើនគ្រប់ពេល គ្រប់វេលា

ហេតុអ្វីមនុស្សខ្លះមានភាពបត់បែន និងមនុស្សខ្វះទៀតគ្មានភាពបត់បែន?

មូលហេតុ ដោយសារតែមនុស្សមានសកម្មភាព ការធ្វើលំហាត់ប្រាណ ទម្លាប់ប្រចាំថ្ងៃ របបអាហារ និងចំណេះដឹងខុសៗគ្នា ជាពិសេសមានផ្នត់គំនិតផ្សេងពីគ្នា។ ដូច្នេះប្រសិនបើនរណាដែលបានដឹងច្បាស់ថា ខ្លួនឯងគ្មានភាពបត់បែនបានលឿនទេ ចូរព្យាយាមស្វែងរកអ្នកដែលមានភាពបត់បែនលឿនក្នុងការជួយផ្ដល់ជាគន្លឹះ ឬអានចំណេះដឹងនានាដើម្បីផ្លាស់ប្ដូរខ្លួនឯង និងហ្វឹកហាត់ខ្លួនឯងឱ្យបានខ្លាំង ដើម្បីក្លាយជាមនុស្សមានភាពបត់បែន។

សារៈសំខាន់ នៅពេលចេះបម្លែងខ្លួនឯងក្លាយជាមនុស្សបត់បែន

អាចសម្របខ្លួនទៅនឹងបរិបទនៃការផ្លាស់ប្តូរនានា
អាចគ្រប់គ្រងអ្វីដែលមិននឹកស្មានដល់ដែលបានកើតឡើងភ្លាមៗ
មានភាពពេញចិត្តច្រើនលើជីវិតផ្ទាល់ខ្លួន
អាចធ្វើការជាមួយមនុស្សគ្រប់ប្រភេទបានយ៉ាងល្អ
អាចធ្វើឱ្យជីវិតផ្ទាល់ខ្លួនពោរពេញដោយភាពរីកចម្រើន

របៀបក្លាយជាមនុស្សមានភាពបត់បែនបានលឿន

1. ចាប់ផ្ដើមធ្វើអ្វីពីតូចសិន

ចាប់ផ្ដើមធ្វើសកម្មភាពថ្មីៗជាប្រចាំនៅពេលអ្នកមានពេលទំនេរ និងហ្វឹកហាត់ចំណុចខ្វះខាតខ្លួនឯងបន្តិចម្ដងៗ ជាពិសេសហ្វឹកហាត់ដោះស្រាយបញ្ហានានាដែលអ្នកកំពុងប្រឈមមុខជាប្រចាំ។

2. ពង្រឹងសមត្ថភាពខួរក្បាលរបស់អ្នក

នៅពេលអ្នកចាប់ផ្ដើមការស្រមើលស្រមៃនិងជំនាញដោះស្រាយបញ្ហារបស់អ្នក វាប្រៀបដូចជាការបណ្តុះបណ្តាលនិងរៀបចំខួរក្បាលរបស់អ្នក ដើម្បីអាចសម្របខ្លួនទៅនឹងស្ថានភាពជីវិតបន្តិចម្ដងៗ។ បន្ទាប់មក អ្នកត្រូវហ្វឹកហាត់ខ្លួនឯងឱ្យមានការគិតលឿន ការធ្វើសកម្មភាពរហ័ស និងរៀនសូត្រពីបរិបទ និងចំណេះដឹងនានាឱ្យបានច្រើន ក្នុងគោលបំណងធ្វើឱ្យខួរក្បាលពោរពេញដោយព័ត៌មាន ភាពច្នៃប្រឌិត និងមានភាពបន្សុំានឹងបរិបទនានា ព្រមទាំងអាចដោះស្រាយ អាចសម្របខ្លួនបានគ្រប់ស្ថានការណ៍។

3. គិតឡើងវិញអំពីបញ្ជីការងារដែលអ្នកត្រូវធ្វើ

អ្នកត្រូវផ្ដោតគិតអំពីអ្វីដែលអ្នកត្រូវធ្វើបន្ត អ្វីដែលអ្នកចូលចិត្តក្នុងការធ្វើឬអ្វីដែលអ្នកមិនចូលចិត្តធ្វើ និងអ្វីដែលអ្នកបានធ្វើសម្រេចតាមគោលដៅ។ នៅពេលដែលអ្នកបានដឹងច្បាស់អំពីស្ថានភាពការងាររបស់អ្នកហើយ ចូរអ្នកចាប់ផ្ដើមបញ្ចប់ការងារណាដែលនៅសល់ ពង្រឹងការងារណាដែលនៅខ្វះខាត និងអបអរនូវអ្វីដែលបានសម្រេច។ លើសពីនេះ អាចរកដំណោះស្រាយ ឬរកជំនួយ ឬស្រាវជ្រាវបន្ថែម ដើម្បីធ្វើយ៉ាងណាឱ្យកិច្ចការងាររបស់អ្នកកាត់បន្ថយបញ្ហា និងឱ្យមានភាពល្អប្រសើរបានគ្រប់ពេលវេលា។

4. ត្រួតពិនិត្យនូវអាហារពេលព្រឹកនិងពេលយប់

របបអាហារជារឿងសំខាន់ណាស់ ពីព្រោះរបបអាហារដែលត្រឹមត្រូវអាចធ្វើឱ្យសុខភាពរបស់មនុស្សល្អ និងមានខួរក្បាលដែលមានភាពរឹងមាំឬល្អ ដូច្នេះអ្នកត្រូវពិនិត្យមើលរបបអាហារពេលព្រឹករបស់អ្នក តើល្អ ឬមានជីវជាតិគ្រប់គ្រាន់សម្រាប់ជំនួយដល់ខួរក្បាល ការគិត និងរាងកាយបានកម្រិតណា? ហើយចំពោះពេលយប់ក៏ត្រូវធ្វើដូចគ្នា។

5. ធ្វើលំហាត់ប្រាណ

ការធ្វើលំហាត់ប្រាណ ជាកត្តាសំខាន់ ដែលអាចមានសមត្ថភាពធ្វើឱ្យមនុស្សមានភាពរហ័សរហួនជាងមុន មានរាងកាយដ៏រឹងមាំ និងមានសុខភាពល្អ ដូច្នេះការគិត ភាពបត់បែនក៏មានភាពល្អតាមនោះដែរ។ ធ្វើសកម្មភាពកាន់តែច្រើន ភាពបត់បែនកាន់តែល្អដូចគ្នា។

6. អនុវត្តន៍សកម្មភាពបត់បែនឱ្យបានញឹកញាប់

ចង់ក្លាយជាមនុស្សដែលមានភាពបត់បែនបានគ្រប់ស្ថានភាព ត្រូវតែបន្សុំាខ្លួនឯងឱ្យក្លាយជាមនុស្សមានដំណោះស្រាយ និងអាចគ្រប់គ្រងបានគ្រប់ស្ថានការណ៍។ ប៉ុន្តែសកម្មភាពទាំងនេះ ត្រូវការពេលវេលា និងការខិតខំក្នុងការហ្វឹកហាត់ឱ្យបានជាប្រចាំ។

ពាណិជ្ជកម្ម

របៀបក្លាយជា Copywriter

Sann Thaven

បើយើងតាមពាក្យសម្ដីរបស់ Susie Felber ជា Global Content Directorសម្រាប់ក្រុមហ៊ុនអេឡិចត្រូនិកសុខភាពនៃក្រុមហ៊ុន Withings បាននិយាយនៅក្នុងគេហទំព័រ Themuse ថា “អ្នកត្រូវតែជាអ្នកនិពន្ធដ៏រឹងមាំម្នាក់ ដើម្បីក្លាយជាអ្នកនិពន្ធចម្លង (Copywriter) ប៉ុន្តែនេះមិនមែនជាជំនាញចាំបាច់តែមួយគត់ទេ អ្នកក៏ត្រូវជាមនុស្សសម្បូរដោយគំនិត ខ្លាំងលើទស្សនៈ អាចសម្របខ្លួនបាន និងមានជំនាញស្តាប់ខ្លាំង”។

បើយោងតាម Sondra អ្នកជំនាញលើការនិពន្ធនិងកែសម្រួល បាននិយាយនៅក្នុងគេហទំព័រ Themuse ថា “ដើម្បីអភិវឌ្ឍន៍លើជំនាញនេះឱ្យកាន់តែច្បាស់ អ្នកអាចចាប់ផ្ដើមធ្វើការជា Copywriter និងបន្តការអប់រំនិងការបណ្តុះបណ្តាលពីអ្នកអាជីពលើជំនាញ Copywriting នេះ ប៉ុន្តែត្រូវចងចាំថា មានទិដ្ឋភាពសាកល្បងនិងកំហុសក្នុងការធ្វើជា Copywriter ទោះបែបនេះក្ដី វិធីល្អបំផុតគឺរៀនធ្វើ” ។

ជារួមមក ចូរស្វែងរកកម្មសិក្សាឱ្យបានឆាប់តាមដែលអាចធ្វើបាន ដើម្បីដាក់ពាក្យស្នើសុំមុខតំណែងជា Copywriter និងរៀនពី Copywriter ជាន់ខ្ពស់បន្ថែម និងស្វែងរកអ្នកណែនាំដែលមានឆន្ទៈជួយអ្នកក្នុងការដោះស្រាយបញ្ហា(problem-solving)និងជំនាញអន្តរបុគ្គលរបស់អ្នក( interpersonal skills)។

ចំណេះដឹង និងលិខិតបញ្ជាក់ ដែលអ្នកត្រូវការដើម្បីក្លាយជា Copywriter

Marketing ៖ ទីផ្សារ
Communications ៖ ទំនាក់ទំនង
Journalism ៖ សារព័ត៌មាន
English ៖ ភាសាអង់គ្លេស
Creative writing ៖ ការសរសេរដែលមានគំនិតច្នៃប្រឌិត
Education ៖ការអប់រំល្អ

វិញ្ញាបនប័ត្រអប់រំបន្តមួយចំនួនដែលអ្នកអាចគិតពិចារណាដើម្បីចុះឈ្មោះរៀន រួមមាន៖

កម្មវិធីវិញ្ញាបនប័ត្រទីផ្សារ ពីសាកលវិទ្យាល័យ មហាវិទ្យាល័យឬ online platforms
ការបណ្តុះបណ្តាលបង្កើនប្រសិទ្ធភាពម៉ាស៊ីនស្វែងរក (SEO) ពី Hubspot Academyor SEMrush Academy
ការបញ្ជាក់ពីការផ្សាយពាណិជ្ជកម្មតាម Google ពី Google Skillshop

ជំនាញដែល Copywriter ចាំបាច់ត្រូវតែមាន

ប្រសិនបើអ្នកយកចិត្តទុកដាក់ក្នុងការបន្តការ Copywriting វានឹងជួយអ្នកឱ្យមានភាពប្រសើរឡើងពីមួយថ្ងៃទៅមួយថ្ងៃ ប្រសិនបើអ្នកសរសេរជាប់ជានិច្ចទោះបីជាមិនមានវិជ្ជាជីវៈក៏ដោយ។ ដូច្នេះត្រូវខិតខំពង្រឹងជំនាញសរសេររបស់អ្នកនៅពេលអ្នកត្រៀមខ្លួនសម្រាប់អាជីពមួយនេះ។

ជំនាញសរសេរដ៏រឹងមាំ គឺជារឿងចាំបាច់ ហើយដើម្បីធ្វើឱ្យការសរសេរកាន់តែល្អ ត្រូវបញ្ចូលគ្នារវាងជំនាញទន់ (soft skills) និងជំនាញរឹង ( hard skills) ។

ជំនាញទន់ដែល Copywriter ត្រូវការ

សមត្ថភាពក្នុងការដឹកនាំ ឬណែនាំផ្លូវ
ការច្នៃប្រឌិត
ការចង់ចេះ ចង់ដឹង
ការយល់ចិត្តនិងមានបញ្ញាអារម្មណ៍
សមត្ថភាពរៀនលឿនជាមួយផ្នត់គំនិតរីកចម្រើន
ភាពបត់បែននិងបើកចិត្ត
វិចារណញាណ
ការទំនាក់ទំនងល្អ
អាចមានភាពកំប្លុកកំប្លែងខ្លះ

ជំនាញរឹង ដែល Copywriter ត្រូវការ

ជំនាញនិពន្ធ និងសរសេរពាក្យ រួមបញ្ចូលជំនាញ Copywriting និងចំណេះដឹងជាក់លាក់
ជំនាញស្រាវជ្រាវ
ចំណេះដឹងអំពីអក្ខរាវិរុទ្ធ ខ្លឹមសារ និងវេយ្យាករណ៍
ចំណេះដឹងអំពីយុទ្ធសាស្ត្រទីផ្សារ
ជំនាញ មូលដ្ឋាន SEO
យល់ដឹងពីប្រព័ន្ធគ្រប់គ្រងមាតិកា
យល់ដឹងពីdigital publishing platforms
ចំណេះដឹងអំពីវេទិកាប្រព័ន្ធផ្សព្វផ្សាយសង្គម (Twitter, Instagram, Facebook ជាដើម)

ពាណិជ្ជកម្ម

តើ Copywriter ធ្វើអ្វីខ្លះ?

Sann Thaven

ចម្លង(Copy) គឺជាអត្ថបទដែលប្រើ ដើម្បីលក់ផលិតផល តាមរយៈការផ្សាយពាណិជ្ជកម្មនិងការធ្វើទីផ្សារ ហើយអ្នកនិពន្ធចម្លង(Copywriter) គឺជាអ្នកជំនាញដែលបង្កើតច្បាប់ចម្លងនេះ។ ការថតចម្លង (Copywriting) គឺជាសិប្បកម្មដែលមានអាយុកាលរាប់សតវត្សមកហើយ។

Copywriter បានជ្រើសរើសនិងរៀបចំសរសេរអត្ថន័យអត្ថបទ ដើម្បីធ្វើឱ្យអ្នកអាននិងអ្នកស្តាប់មានភាពងាយនឹង៖

ទិញផលិតផល
ទិញសេវាកម្ម
ធ្វើសកម្មភាពចុះឈ្មោះសម្រាប់គេហទំព័រឬសេវាកម្ម Call សម្រាប់ព័ត៌មានបន្ថែម ចូលមើលហាងឬគេហទំព័រ។ ល។

តួនាទីនិងទំនួលខុសត្រូវរបស់ Copywriter

ប្រចាំថ្ងៃ ប្រចាំសប្តាហ៍ ឬប្រចាំខែ ជាការបង្កើតការសរសេរចម្លង សម្រាប់ការផ្សាយពាណិជ្ជកម្មនិងយុទ្ធនាការទីផ្សារ ហើយការសរសេរជាក់ស្តែងទាំងនេះ គឺជាផ្នែកមួយនៃការងាររបស់ Copywriter។

Copywriter មានទំនួលខុសត្រូវ ដូចជា៖

បំផុសគំនិតនិងបង្កើតគំនិតសម្រាប់ការផ្សាយពាណិជ្ជកម្មនិងយុទ្ធនាការទីផ្សារ – ជាញឹកញាប់ធ្វើការជាដៃគូជាមួយអ្នករចនាក្រាហ្វិច
ការសរសេរច្បាប់ចម្លង (Writing copy) សម្រាប់ទម្រង់និងប្រព័ន្ធផ្សព្វផ្សាយផ្សេងៗ
ការផ្តល់គំនិតដល់ការផ្សាយពាណិជ្ជកម្មនិងការធ្វើទីផ្សារដល់អតិថិជនឬអ្នកសម្រេចចិត្តរបស់ក្រុមហ៊ុន
សិក្សាស្រាវជ្រាវពីផលិតផល សេវាកម្ម អតិថិជន និន្នាការស្វែងរកគេហទំព័រ ដៃគូប្រកួតប្រជែងនិងឧស្សាហកម្មទាំងមូល
ការអភិវឌ្ឍ Brand Voices ឬការសម្របសម្រួលការចម្លង (adapting copy)តាម brand voice ដែលបានបង្កើតឡើង
វិភាគលទ្ធផលយុទ្ធនាការ ដើម្បីណែនាំពីយុទ្ធសាស្រ្តនៃការសរសេរចម្លងនាពេលអនាគត
ការកែសម្រួលនិងកែតម្រូវការសរសេរ មានន័យថា ការសរសេរឡើងវិញនិងអ្នកថតចម្លងមានទំនួលខុសត្រូវក្នុងការទទួលយកការណែនាំពីភាគីពាក់ព័ន្ធនិងធ្វើការថតចម្លងឡើងវិញតាមរយៈសេចក្តីព្រាងច្បាប់ជាច្រើនរហូតដល់ការកំណត់គោលដៅ។

តើ Copywriter សរសេរពីអ្វីខ្លះ?

Copywriters ជាអ្នកតែងពាក្យ ឃ្លា ស្លាកសញ្ញា ប្រយោគនិងកថាខណ្ឌសម្រាប់លក់ផលិតផលនិងសេវាកម្ម។ ក្នុងនាមជា Copywriter អ្នកអាច៖

សរសេរចម្លងពីអាជីវកម្មមួយទៅអាជីវកម្មមួយទៀត (B2B=business-to-business) សម្រាប់ក្រុមហ៊ុនលក់ទំនិញនិងសេវាកម្មទៅឱ្យក្រុមហ៊ុនផ្សេងទៀត។
សរសេរចម្លងពីអាជីវកម្មទៅអ្នកប្រើប្រាស់ (B2C=business-to-consumer) សម្រាប់ក្រុមហ៊ុនដែលលក់ផលិតផលរបស់ពួកគេតាមរយៈអាជីវកម្មលក់រាយ។
សរសេរលក់ដោយផ្ទាល់ទៅកាន់អតិថិជន (D2C=direct-to-consumer) សម្រាប់ក្រុមហ៊ុនដែលលក់ដោយផ្ទាល់ដល់អតិថិជនតាមរយៈគេហទំព័រ។

ការសរសេរចេញពី Copywriter អាចបង្ហាញនៅក្នុងឬនៅលើ៖

បោះពុម្ពផ្សាយពាណិជ្ជកម្ម (កាសែតនិងទស្សនាវដ្តី)
ប្រព័ន្ធផ្សព្វផ្សាយសង្គម (Twitter, Instagram, Facebook, TikTok ។ ល។)
ស្គ្រីបសម្រាប់ការផ្សាយពាណិជ្ជកម្មតាមវិទ្យុនិង Podcast ឬការនិយាយផ្សាយពាណិជ្ជកម្ម ជាធម្មតាមានសំលេងដោយអ្នកប្រកាស (announcers) អ្នករៀបចំកម្មវិធី ឬអ្នកសំដែងជាដើម
ការផ្សាយពាណិជ្ជកម្មតាមទូរទស្សន៍និងសេវាកម្មផ្សាយជាទម្រង់ស្គ្រីបពាក្យនៅលើអេក្រង់និងស្លាក
គេហទំព័រ (homepages, category pages, landing pages, product descriptions, ‘About’ pages ។ល។)
ផ្ទាំងប៉ាណូនៅតាមបណ្តោយផ្លូវហាយវេនិងនៅក្នុងមជ្ឈមណ្ឌលដឹកជញ្ជូនសាធារណៈ
សញ្ញានៅក្នុងហាងដែលជំរុញឱ្យមានការយល់ដឹងអំពីផលិតផលជាក់លាក់និងការលក់នៅក្នុងហាង

ពាណិជ្ជកម្ម

របៀបបែងចែកការងារឱ្យបុគ្គលិកប្រកបដោយភាពយុត្តិធម៌

Sann Thaven

ការបែងចែកការងារឱ្យក្រុមបុគ្គលិក មានសារៈសំខាន់ណាស់ ពីព្រោះបើប្រធាន ឬថ្នាក់ដឹកនាំ ចេះពីរបៀបនៃការបែងចែក គឺវាអាចជួយកាន់តែខ្លាំងលើកម្លាំងចិត្ត ដោយបុគ្គលិកដែលមានសមត្ថភាពខ្លាំង នៅតែធ្វើកន្លែងការងារណាដែលសាកសមនឹងសមត្ថភាពខ្លួនឯង ព្រមទាំងអាចបម្លែងខ្លួនឯងក្លាយជាអ្នកជំនាញក៏ថាបាន។ បន្ថែមពីនេះ ចំពោះបុគ្គលិកដែលមានសមត្ថភាពមធ្យម ឬខ្សោយ ក៏អាចធ្វើអ្វីទៅតាមកម្រិតនៃសមត្ថភាព និងពង្រឹងសមត្ថភាពខ្លួនឱ្យកាន់តែខ្លាំងជាបន្តបន្ទាប់ ថែមទាំងមិនងាយធុញនឹងការងារឡើយ។ ដូច្នេះ ការបែងចែកការងារឱ្យបុគ្គលិកប្រកបដោយភាពយុត្តិធម៌ ធ្វើឱ្យបុគ្គលិកឆាប់សម្រេចបាននូវលទ្ធផលការងារ រីកចម្រើនលើសមត្ថភាពបានលឿន និងមានភាពទទួលស្គាល់ពីសំណាក់ថ្នាក់ដឹកនាំ។

បើយោងតាមគេហទំព័រ Harvard Business Review បានបង្ហាញពីតិចនិកមួយចំនួន ដើម្បីជួយដល់ការបែងចែកការងារឱ្យក្រុមការងារប្រកបដោយភាពយុត្តិធម៌ និងផ្ដល់ផលិតភាពខ្ពស់ដល់សមាជិកក្រុម និងលទ្ធផលល្អរបស់ក្រុមទាំងមូល។

តិចនិកបែងចែកការងារឱ្យក្រុមការងារដ៏ល្អ

1. បង្កើតផែនការ

ប្រធាន ឬថ្នាក់ដឹកនាំ ត្រូវធ្វើយ៉ាងណាឱ្យក្រុមការងារទាំងអស់ បានយល់ដឹងយ៉ាងច្បាស់ពីគោលដៅដែលក្រុមទាំងមូលព្យាយាមចង់សម្រេចជោគជ័យ។ បន្ទាប់មក ត្រូវកំណត់ថា តើនរណាជាអ្នកធ្វើសកម្មភាព ជាអ្នកមានទំនួលខុសត្រូវ? នរណាដែលអាចធ្វើបានល្អបំផុត? ហើយចង់រីកចម្រើននៅក្នុងវិស័យណា? បន្ទាប់មក រៀបចំផែនការក្នុងរយៈពេលខ្លី និងរយៈពេលវែង ព្រមទាំងកំណត់របៀបនៃការធ្វើការងារដើម្បីសម្រេចបាននូវគោលដៅរួម។

2. បញ្ជាក់ពីតួនាទី

សំដៅលើ ការធ្វើឱ្យសមាជិកក្រុមទាំងអស់ បានយល់ច្បាស់ពីតួនាទី និងទំនួលខុសត្រូវ ព្រមទាំងស្គាល់ពីអ្វីដែលខ្លួនត្រូវធ្វើ និងចូលរួមដើម្បីសម្រេចគោលដៅ។

3. កំណត់ការរំពឹងទុក

ដើម្បីអាចសម្រេចជោគជ័យលើគោលដៅរួម ប្រធាន ឬថ្នាក់ដឹកនាំ ត្រូវតែមានការកំណត់នូវលទ្ធផលរំពឹងទុកឱ្យបានច្បាស់ ព្រមទាំងឱ្យសមាជិកក្រុមទាំងអស់បានដឹង និងស្គាល់ពីរបៀបដើម្បីសម្រេចបានទៅតាមការរំពឹងទុកទាំងនោះ។

4. បង្កើតទំនាក់ទំនងជាលក្ខណៈប្រព័ន្ធ

ប្រធាន ឬថ្នាក់ដឹកនាំ ត្រូវតែមានការប្រាស្រ័យទាក់ទងជាមួយសមាជិកក្រុមជាលក្ខណៈបុគ្គល មួយទល់នឹងមួយ ដើម្បីឱ្យបុគ្គលិកទាំងអស់រក្សាបាននូវកម្លាំងចិត្តក្នុងការបំពេញការងារ និងចូលរួមយ៉ាងសកម្មផងដែរ។

5. បទបែនលឿន

ប្រធាន ឬថ្នាក់ដឹកនាំ ត្រូវតែមានភាពបទបែនលឿនគ្រប់ស្ថានភាព មានន័យថា នៅពេលដែលស្ថានភាពមិនអំណោយផលទៅតាមផែនការ និងការរំពឹងទុកដែលបានកំណត់ ដូច្នេះប្រធាន ឬថ្នាក់ដឹកនាំ ត្រូវតែមានភាពបទបែនដើម្បីប្ដូរយុទ្ធសាស្រ្ត ប្ដូរផែនការ ព្រមទាំងធ្វើយ៉ាងណាឱ្យក្រុមការងារទាំងអស់បានយល់ច្បាស់ពីស្ថានភាពទាំងនោះ និងអាចចូលរួមយ៉ាងសកម្មដើម្បីជួយជ្រោមជ្រែងគ្នាអស់ពីកម្លាំងកាយចិត្ត ដើម្បីសម្រេចបាននូវគោលដៅធំ។

6. បង្កើតគោលការណ៍សម្រាប់ក្រុម

ប្រធាន ឬថ្នាក់ដឹកនាំ ត្រូវតែបង្កើតច្បាប់វិន័យ និងគោលការណ៍សំខាន់សម្រាប់ក្រុម ថា អ្វីគួរធ្វើ និងមិនគួរធ្វើ ហើយបើមិនអនុវត្តតាម ឬធ្វើខុសពីអ្វីដែលបានកំណត់ តើត្រូវទទួលវិន័យបែបណាជាដើម?

ពាណិជ្ជកម្ម

របៀបចាប់ផ្ដើមបង្កើតម៉ាកយីហោអាជីវកម្មដោយខ្លួនឯង

Sann Thaven

ការចាប់ផ្ដើមដើម្បីបង្កើតម៉ាកយីហោអាជីវកម្មដោយខ្លួនឯង វាមិនងាយស្រួលនោះឡើយ ប៉ុន្តែដើម្បីជាជំនួយក្នុងការធ្វើបែបនោះបានទាមទារឱ្យអ្នកខ្លួនឯងមានគំនិតច្នៃប្រឌិត មានគំនិតបង្កើតថ្មី មានការលះបង់ខ្លាំង មានមហិ្ឆចតាខ្ពស់ មិនងាយបោះបង់ សិក្សាស្រាវជ្រាវឱ្យបានច្រើន និងជាមនុស្សមានទំនួលខុសត្រូវ ហើយស្គាល់ខ្លួនឯងច្បាស់ ជាពិសេសជាមួយដែលមានទំនាក់ទំនងល្អជាមួយនឹងមនុស្សខ្លាំងៗ។

បន្ថែមពីនេះ អ្នកអាចយកគំនិតខាងក្រោម ដើម្បីធ្វើជាជំនួយបន្ថែមដល់អ្នក។

ជំហានដំបូង

មុននឹងអាចបង្កើតម៉ាកយីហោអាជីវកម្មដោយខ្លួនឯង អ្នកត្រូវតែ៖

បង្កើតទស្សនវិស័យ និងបេសកកម្មផ្ទាល់ខ្លួន
សិក្សាស្រាវជ្រាវដើម្បីស្គាល់ច្បាស់អំពីអតិថិជនគោលដៅ និងដៃគូប្រកួតប្រជែង
បង្កើតឈ្មោះម៉ាកយីហោ
សរសេរពាក្យស្លោកសម្រាប់ម៉ាកយីហោរបស់អ្នក
រចនា Logo សម្រាប់ម៉ាកយីហោរបស់អ្នក
កំណត់អ្វីដែលអ្នកត្រូវផ្ដោត និងកំណត់បុគ្គលិកលក្ខណៈរបស់ម៉ាកយីហោរបស់អ្នក
សិក្សាឈ្វេងយល់ឱ្យបានច្បាស់អំពីច្បាប់ពាក់ព័ន្ធនឹងប្រភេទម៉ាកយីហោរបស់អ្នក
ចាប់ផ្ដើមកសាងកេរ្តិ៍ឈ្មោះខ្លួនឯងឱ្យបានល្អ ដើម្បីទាញទំនុកចិត្តពីអ្នកដទៃ

ចាប់ផ្ដើមប្រតិបត្តិការ

នៅពេលដែលអ្នកបានអនុវត្តតាមជំហានដំបូងហើយ នោះអ្នកនឹងស្គាល់ពីអ្វីដែលអ្នកត្រូវធ្វើបានយ៉ាងច្បាស់ ព្រមទាំងអាចស្រមៃអំពីរូបភាពដើម្បីបង្កើតម៉ាកយីហោនោះឱ្យចេញជារូបរាងបាន។ លើសពីនេះ អ្នកក៏ត្រូវ៖

រៀបចំផែនការបង្កើតម៉ាកយីហោ
រៀបចំយុទ្ធសាស្រ្តទីផ្សាររយៈពេលខ្លី និងរយៈពេលវែង
ស្វែងរកក្រុមការងារដែលខ្លាំង
ស្វែងរកដៃគូដែលមានទស្សនវិស័យដូចគ្នា
ស្វែងរកអ្នកប្រឹក្សាយោបល់ដែលមានបទពិសោធន៍និងមានសមត្ថភាពខ្លាំង
កំណត់ប្រភពដើមទុន
រៀបចំផែនការហិរញ្ញវត្ថុរយៈពេលខ្លី និងរយៈពេលវែង
កំណត់ភាពលេចធ្លោរដែលខុសប្លែកពីដៃគូប្រកួតប្រជែង

ពាណិជ្ជកម្ម

តិចនិកសរសរផែនការអាជីវកម្ម

Sann Thaven

ការមានគំនិតនិងការចាប់ផ្ដើមធ្វើអាជីវកម្ម ជាដំណាក់កាលដែលមនុស្សតែងតែមាន ប៉ុន្តែអ្វីដែលមនុស្សត្រូវគិតបន្ថែមនោះ គឺថា ដើម្បីធ្វើឱ្យការគិត និងក្ដីបំណងបានសម្រេចក្នុងការធ្វើអាជីវកម្មមួយបាន វាទាមទារឱ្យយើងសរសេរផែនការអាជីវកម្មចេញមកជាមុនសិន ពីព្រោះបើធ្វើអាជីវកម្មដែលគ្មានផែនការច្បាស់លាស់ទេ គឺបាត់បង់ឱកាសច្រើន ជួបនូវបញ្ហាច្រើន និងមិនងាយទៅដល់គោលដៅធំឡើយ។

តើត្រូវសរសេរបែបណា? ខាងក្រោមនេះ ជាតិចនិកមួយចំនួនដើម្បីបន្លឺអ្នកឱ្យមានគំនិតបន្ថែម និងអាចសរសេរផែនការអាជីវកម្មផ្ទាល់ខ្លួនបាន។

1. ចំណុចចាប់ផ្ដើម

បង្កើតទស្សនវិស័យ បេសកកម្មក្រុមហ៊ុន
ឈ្មោះក្រុមហ៊ុន
Logo
ទីតាំង
ប្រភេទអាជីវកម្ម
ស្គាល់អតិថិជនគោលដៅច្បាស់

2. ពិព័ណ៌នាអំពីអាជីវកម្មលម្អិត

អ្នកអាចសរសេរព័ណ៌នាអំពីអាជីវកម្មដ៏មានឥទ្ធិពល អ្នកអាចអនុវត្តតាមវិធីខាងក្រោម៖

ស្រាវជ្រាវអំពីវិស័យដែលអ្នកកំពុងរកស៊ី និងមើលពីដៃគូប្រកួតប្រជែង
បង្ហាញពីស្ថានភាពបច្ចុប្នន្ន និងគោលដៅនាពេលអនាគត
ផ្ដោតលើទីផ្សារគោលដៅ
ពន្យល់លម្អិតពីការផលិតនិងចែកចាយ
បញ្ចូលនូវឈ្មោះក្រុមហ៊ុន ប្រភេទរចនាសម្ព័ន្ធអាជីវកម្ម ម្ចាស់អាជីវកម្ម ទីតាំង បេសកកម្ម ទស្សនវិស័យ គោលបំណងរយៈពេលខ្លី និងការផ្ដល់ផលិតផលសេវាកម្ម។

ដើម្បីជាជំនួយក្នុងការសរសេរព័ណ៌នាអាជីវកម្មឱ្យកាន់តែល្អ អ្នកអាចឆ្លើយនិងរិះគិតអំពីសំណួរខាងក្រោមបន្ថែម៖

តើនរណាជាម្ចាស់នៃអាជីវកម្មនេះ? តើធ្វើបែបណាទើបឱ្យគេស្គាល់ពីអាជីវកម្មរបស់អ្នក?
តើអតិថិជនគោលដៅគឺជានរណា? តើអ្នកកំពុងលក់ទៅឱ្យនរណា?
តើអ្វីជាផលិតផលឬសេវាកម្មរបស់អ្នក?
តើអ្វីជាគោលដៅដ៏ធំរបស់អាជីវកម្មរបស់អ្នក?
តើអាជីវកម្មរបស់អ្នកមានទីតាំងនៅណា?
តើនៅពេលណាអ្នកចាប់បើកដំណើរការអាជីវកម្ម?
តើនៅពេលណាអ្នកសម្រេចគោលដៅ ទាំងគោលដៅរយៈពេលខ្លី និងរយៈពេលវែង?
តើនៅពេលណាអ្នកចាកចេញពីអាជីវកម្មរបស់អ្នក ដើម្បីផ្ទេរឱ្យអ្នកជំនាន់ក្រោយ?
ហេតុអ្វីអាជីវកម្មរបស់អ្នក ជាជម្រើសដំបូងគេសម្រាប់អតិថិជន?
ហេតុអ្វីបានជាអ្នកធ្វើអាជីវកម្មនេះ?
តើអាជីវកម្មរបស់អ្នកប្រភេទអ្វី ជាក្រុមហ៊ុនឯកបុគ្គល ឬ LLC ឬ Partnership ឬសាជីវកម្ម? ត្រង់ចំណុចនេះ អ្នកត្រូវបំពេញបែបបទឱ្យបានគ្រប់ជ្រុងជ្រោយ ដោយធានាថាក្រុមហ៊ុនគឺស្របច្បាប់ បន្ទាប់មកអាចពន្យល់ត្រួសៗដាក់បញ្ចូលក្នុងការព័ណ៌នារបស់អ្នក ដើម្បីទាញទំនុកចិត្តអ្នកពាក់ព័ន្ធដែលបានអាន។
តើធ្វើរបៀបណាទើបសម្រាប់គោលដៅអាជីវកម្មរបស់អ្នក?
តើធ្វើរបៀបណាដើម្បីឈានដល់ទស្សនវិស័យដ៏វែងឆ្ងាយក្នុងអាជីវកម្មរបស់អ្នក?

3. វិភាគទីផ្សារ និងគូប្រកួតប្រជែង

ការវិភាគទីផ្សារ ដើម្បីធ្វើឱ្យអ្នកដឹងពីតម្រូវការទីផ្សារបច្ចុប្បន្ននិងថ្ងៃអនាគត ព្រមទាំងងាយស្រួលវាយលុកទីផ្សារ និងកំណត់តម្លៃបានត្រឹមត្រូវ។ របៀបវិភាគទីផ្សារ អ្នកអាចអនុវត្តន៍តាមវិធីខាងក្រោម៖

ការបែងចែក៖ ផ្ដោតលើប្រភេទអាជីវកម្មរបស់អ្នក ស្គាល់ពីទំហំទីផ្សារបច្ចុប្បន្ន ដើម្បីបែងចែក(ចំនួនអតិថិជនគោលដៅ ចំនួនដៃគូប្រកួតប្រជែងជាដើម) និងសិក្សាពីតំបន់នីមួយៗដែលអ្នកកំណត់ថានឹងវាយលុកទីផ្សារ។
បង្កើតយុទ្ធសាស្រ្តក្នុងការប៉ាន់ស្មាន ដើម្បីឱ្យដឹងថា អ្នកអាចទទួលបានផលចំណេញឬទេ?
សិក្សាអំពីបញ្ហារបស់មនុស្ស៖ ដើម្បីដឹងពីតម្រូវការទីផ្សារ ទីផ្សារកន្លែងណាត្រូវការផលិតផលសេវាកម្មរបស់អ្នកជាដើម

ការវិភាគគូរប្រកួតប្រជែង ដើម្បីងាយស្រួលដល់អ្នកដឹងថា គូប្រកួតប្រជែងរបស់អ្នកជានរណា មានប៉ុន្មាន ហើយមានលក្ខណៈបែបណា ហើយអ្នកត្រូវទប់ទល់ដោយរបៀបណា? ហើយខាងក្រោមនេះ ជារបៀបដើម្បីវិភាគគូប្រកួតប្រជែង ៖

កំណត់ថាអ្នកណាជាគូប្រកួតប្រជែងរបស់អ្នក
កំណត់ពីផលិតផលឬសេវាកម្មអ្វី ដែលដៃគូប្រកួតប្រកួតប្រជែងរបស់អ្នកផ្ដោតលើ
ស្រាវជ្រាវយុទ្ធសាស្រ្តនិងលទ្ធផលនៃការលក់របស់គូប្រកួតប្រជែង
រៀនសង្កេតពីគុណតម្លៃ និងអត្ថប្រយោជនានានាដែលគូប្រកួតប្រជែងតែងតែធ្វើ
សិក្សាពីរបៀបគិតតម្លៃនៃការដឹកជញ្ជូនរបស់គូប្រកួតប្រជែង
វិភាគពីរបៀបដែលដៃគូប្រកួតប្រជែងរបស់អ្នកធ្វើទីផ្សារលើផលិតផលសេវាកម្មរបស់ពួកគេ
កត់សំគាល់យុទ្ធសាស្ត្រនៃការបង្កើតខ្លឹមសារមាតិការបស់ដៃគូប្រកួតប្រជែងរបស់អ្នក
ស្វែងយល់ពីបច្ចេកវិទ្យាដែលគូប្រជែងរបស់អ្នកប្រើប្រាស់
វិភាគកម្រិតនៃការចូលរួមលើខ្លឹមសារមាតិការបស់គូប្រជែងរបស់អ្នក
សង្កេតមើលពីរបៀបដែលពួកគេផ្សព្វផ្សាយមាតិកាទីផ្សារ
អនុវត្តការវិភាគ SWOT ដើម្បីស្វែងយល់ពីចំណុចខ្លាំង ចំណុចខ្សោយ ឱកាស និងការគំរាមកំហែងរបស់ពួកគេ

4. រៀបចំហេដ្ឋារចនាសម្ព័ន្ធប្រតិបត្តិការ

សំដៅលើការរៀបចំហេដ្ឋារចនាសម្ព័ន្ធចំពោះមេដឹកនាំធំៗ ដើម្បីអាចប្រតិបត្តិការក្រុមហ៊ុនបាន (ករណីអ្នកបង្កើតក្រុមហ៊ុនលក្ខណៈធំ និងមានថ្នាក់ដឹកនាំច្រើន)។ លើសពីនេះ ក៏ត្រូវបញ្ចូលនូវហេដ្ឋារចនាសម្ព័ន្ធផ្លូវច្បាប់ផងដែរ។ បន្ទាប់មក រៀបចំឱ្យមានរចនាសម្ព័ន្ធ ដើម្បីប្រតិបត្តិការតាមផ្នែកនីមួយៗ។

5. ប្រភពដើមទុន

កំណត់ពីរបៀបដើម្បីទទួលបានដើមទុនបន្ថែម ដោយដាក់ផែនការអាជីវកម្មដែលអាចទុកចិត្តបាន ដើម្បីស្នើសុំការវិនិយោគពីខាងក្រៅ និងកំណត់ប្រភបចំណូលផ្សេងៗដែលអ្នកអាចទទួលបាន។

6. វិភាគហិរញ្ញវត្ថុ

ការវិភាគហិរញ្ញវត្ថុនេះ គឺជាដំណើរការវាយតម្លៃអាជីវកម្ម គម្រោង កញ្ចប់ថវិកា និងប្រតិបត្តិការទាក់ទងនឹងហិរញ្ញវត្ថុផ្សេងទៀត ដើម្បីកំណត់ពីដំណើរការនិងសមស្របនឹងស្ថានភាពជាក់ស្ដែង។

ក្រោយពីវិភាគ អ្នកអាចចាប់ផ្ដើមធ្វើផែនការហិរញ្ញវត្ថុ សម្រាប់ 2-5ឆ្នាំ ។

7. វិភាគពីហានិភ័យនានា

សំដៅលើការវិភាគហានិភ័យនានា ដើម្បីរៀបចំ និងគ្រោងទុកនូវដំណោះស្រាយ។ ត្រង់ចំណុចនេះ ត្រូវគិតវិភាគនិងសរសេរចេញនូវបញ្ហាដែលនឹងអាចកើតឡើង បន្ទាប់មកសរសេរចេញនូវដំណោះស្រាយ។

8. យុទ្ធសាស្រ្តទីផ្សារនិងការលក់

ដើម្បីធ្វើផែនការទីផ្សារ អ្នកត្រូវអនុវត្តន៍តាមវិធីសាស្រ្តខាងក្រោម៖

បញ្ជាក់ពីបេសកកម្មអាជីវកម្មរបស់អ្នក
កំណត់ KPIs សម្រាប់បេសកកម្មនេះ
កំណត់អត្តសញ្ញាណបុគ្គលរបស់អ្នកទិញ
ពិព័ណ៌នាអំពីគំនិតផ្តួចផ្តើមនិងយុទ្ធសាស្ត្រមាតិការបស់អ្នក
កំណត់អំពីការខកខាននៃផែនការរបស់អ្នកឱ្យបានច្បាស់
កំណត់កញ្ចប់ថវិកាទីផ្សាររបស់អ្នក
កំណត់អត្តសញ្ញាណការប្រកួតប្រជែងរបស់អ្នក
កំណត់នៃផែនការចែកចាយ និងទំនួលខុសត្រូវរបស់ពួកគេ

ដើម្បីធ្វើផែនការលក់ អ្នកត្រូវអនុវត្តន៍តាមវិធីសាស្រ្តខាងក្រោម៖

ផ្ដោតលើទស្សនវិស័យ បេសកកម្មរបស់ក្រុមហ៊ុន និងសង្ខេបលម្អិតពីប្រវត្តិរូបក្រុមហ៊ុន
ស្គាល់ថា ក្រុមលក់មាននរណាខ្លះ
ស្គាល់ច្បាស់ពីគោលដៅទីផ្សារដែលត្រូវវាយលុក
ជ្រើសរើសប្រព័ន្ធណាដែលអាចជំនួយដល់ការលក់ទាំង Tools, Software និងធនធានផ្សេងៗ
កំណត់ភាពលេចធ្លោរផលិតផលសេវាកម្មដើម្បីទាក់ចិត្តអតិថិជន តាមរយៈបង្ហាញពីគុណតម្លៃ គុណប្រយោជន៍លើផលិតផលសេវាកម្ម ប្រើលំដាប់ប្រភេទនៃផលិតផល និងប្រៀបធៀបលើអ្វីដែលដៃគូប្រកួតប្រជែងផ្ដោតលើ
យកយុទ្ធសាស្រ្តទីផ្សារមកប្រើសម្រាប់លក់
រៀបចំផែនការរំពឹងទុកនៃការលក់
ផែនការសកម្មភាព
កំណត់ថវិកាសម្រាប់ក្រុមលក់ ក្នុងករណីផ្ដល់ជាប្រាក់រង្វាន់និងប្រើប្រាស់លើផ្នែកពាក់ព័ន្ធទាំងអស់ដែលត្រូវការ។

9. យុទ្ធសាស្រ្ត SWOT

អ្នកត្រូវតែប្រើយុទ្ធសាស្រ្តនេះដើម្បីវិភាគ SWOT លើអាជីវកម្មរបស់អ្នក។

S= Strengths ៖ ផ្ដោតលើការធ្វើឱ្យម៉ាកអាជីវកម្មកាន់តែខ្លាំង បង្កើតអតិថិជនដ៏ស្មោះត្រង់ balance sheet មានភាពរឹងមាំខ្លាំង បច្ចេកវិទ្យា និងអ្វីផ្សេងទៀតដើម្បីធ្វើឱ្យអាជីវកម្មមានភាពខ្លាំងលើពីដៃគូប្រកួតប្រជែង។
W= Weaknesses ៖ ផ្ដោតលើការស្វែងរកចំណុចខ្សោយ ឬចំណុចខ្វះខាតនៃអាជីវកម្មផ្ទាល់ខ្លួនដើម្បីពង្រឹង ក៏ដូចជារកជំនួយបន្ថែម ដោយធ្វើឱ្យមានភាពប្រសើរឡើង និងរីកចម្រើនបន្ត។
O= Opportunities៖ ផ្ដោតលើឱកាសដែលអាជីវកម្មនឹងទទួលបាន និងឱកាសដែលអ្នកអាចរីកចម្រើនបន្តទៀត ដើម្បីចាប់យក។
T= Threats ៖ ភាពគំរាមគហែងដែលអាជីវកម្មនឹងទទួលរងគ្រោះ ដូចជាដៃគូប្រកួតប្រជែងធ្វើបានល្អជាងជាដើម។

10. ការគ្រប់គ្រងក្រុម

ត្រង់ចំណុចនេះ អ្នកត្រូវគិតលើ៖

យុទ្ធសាស្រ្តដឹកនាំក្រុម
យុទ្ធសាស្រ្តដោះស្រាយបញ្ហាក្រុម
យុទ្ធសាស្រ្តប្រតិបត្តិការតាមផែនការឱ្យមានប្រសិទ្ធភាពខ្ពស់
និងរៀបចំប្រព័ន្ធនៃការធ្វើការជាក្រុមតាមផ្នែកនីមួយៗឱ្យមានផលិតភាព តើអ្នកត្រូវធ្វើផែនការនិងយុទ្ធសាស្រ្តអ្វី?

ពាណិជ្ជកម្ម

មូលហេតុទាំង 18 ធ្វើឱ្យអ្នកមិនអាចសម្រេចគោលដៅ

Sann Thaven

មនុស្សភាគច្រើនតែងតែជួបនូវបញ្ហា ដែលមិនអាចសម្រេចគោលដៅផ្ទាល់ខ្លួនដែលបានកំណត់ តើមកពីមូលហេតុអ្វី? ខាងក្រោមនេះ ជាមូលហេតុចម្បងធំៗ ចំនួន 18 ដែលធ្វើឱ្យអ្នកមិនអាចសម្រេចគោលដៅខ្លួនឯងបាន។

1. គោលដៅគ្មានភាពច្បាស់លាស់

ជាមនុស្សវង្វេងនឹងគោលដៅខ្លួនឯង ដោយម្ដងចង់បាននេះ ម្ដងចង់បាននោះ ដោយគ្មានភាពថេរឡើយ។

2. គោលដៅដែលមិនអាចវាស់វែងបាន

កំណត់គោលដៅ ដែលគ្មានភាពអាចទៅរួច និងហួសពីសមត្ថភាពដែលខ្លួនកំពុងតែមាន។

3. មិនបានសរសេរគោលដៅដាក់ក្នុងក្រដាស

មានគោលដៅ ត្រូវតែសរសេរចេញក្រៅ បើមិនបានសរសេរទេ ថ្ងៃណាមួយអ្នកនឹងភ្លេច និងវង្វេងគោលដៅខ្លួនឯងមិនខាន។

4. មិនកំណត់ពេលវេលាដើម្បីសម្រេចគោលដៅជាក់លាក់

បើអ្នកមិនកំណត់ពេលវេលាជាក់លាក់ដើម្បីសម្រេចគោលដៅទេ នោះមួយជីវិតរបស់អ្នកនឹងគ្មានថ្ងៃទទួលបានលទ្ធផលល្អ និងមិនងាយសម្រេចបានជោគជ័យឡើយ ពីព្រោះធម្មជាតិរបស់មនុស្ស កាលណាគ្មានកាលបរិច្ឆេទកំណត់ទេ នោះមនុស្សនឹងខ្ជិល និងពន្យាពេលច្រើន ជាពិសេសគ្មានភាពខិតខំ តស៊ូឡើយ។

5. មិនដឹងពីរបៀបដើម្បីសម្រេច

មានគោលដៅល្អយ៉ាងណាក៏ដោយ ប៉ុន្តែបើអ្នកមិនដឹងពីរបៀបដើម្បីសម្រេចទេ នោះក៏គ្មានន័យអ្វីដែរ។

ដូច្នេះអ្នកត្រូវគិតអំពី៖

តើមានវិធីអ្វីខ្លះ ដើម្បីអាចធ្វើសកម្មភាពក្នុងការសម្រេចគោលដៅ?
តើនរណាអាចជួយជ្រោមជ្រែងអ្នកបាន?
តើមានឧបករណ៍ឬសម្ភារៈអ្វីខ្លះ ដើម្បីជំនួយដល់អ្នក?

6. រស់នៅក្នុងបរិបទដែលមិនគាំទ្រលើគោលដៅរបស់អ្នក

ចូរចៀសវាងពីទីកន្លែងណា ដែលជារនាំង ដើម្បីអាចសម្រេចក្ដីស្រមៃរបស់អ្នក។ ការរស់នៅទីកន្លែងណាដែលមិនមានការគាំទ្រ និងជំរុញបន្ថែម ដើម្បីជាផ្នែកសំខាន់មួយ ដើម្បីឆ្ពោះទៅកាន់គោលដៅដែលអ្នកបានកំណត់ គឺអ្នកមិនងាយសម្រេចបានបំណងឡើយ បើសម្រេចបាន ក៏វេទនាដែរ។

7. មិនចេះរក្សាចំណង់ឆេះឆួល

ចូរកុំធ្វើឱ្យខ្លួនឯងចង់សម្រេចអ្វីមួយតែអារម្មណ៍មួយឆាវៗ ប៉ុន្តែត្រូវរក្សាចំណង់ឆេះឆួលដែលចង់ធ្វើអ្វីមួយនោះឱ្យសម្រេចបានរហូតទទួលបានលទ្ធផលពិតៗតាមក្ដីប្រាថ្នា។

8. ខ្វះគោលបំណងជាក់លាក់

ការកំណត់គោលដៅ និងការធ្វើឱ្យសម្រេចគោលដៅនោះបាន លុះត្រាតែអ្នក មានគោលបំណងជាក់លាក់ ថាអ្នកកំណត់គោលដៅនោះចង់បានអ្វីពិតប្រាកដ?

9. ធ្វើអ្វីដោយគ្មានភ្ជាប់ពាក្យ ហេតុអ្វី? ដោយរបៀបណា?

ដើម្បីសម្រេចអ្វីមួយបាន អ្នកត្រូវតែកំណត់គោលដៅ កំណត់សកម្មភាព ដោយភ្ជាប់ពាក្យថា ហេតុអ្វី? និងត្រូវធ្វើដោយរបៀបណា?

10. ខ្វះការអនុវត្ត

មនុស្សគ្មានការអនុវត្ត គឺគ្មានលទ្ធផលឡើយ ដូច្នេះបើចង់សម្រេចអ្វី គឺទាមទារឱ្យមានការអនុវត្តឱ្យបានច្រើនជាចាំបាច់។

11. ផ្ដោតខ្លាំងលើអ្វីដែលខ្លួនឯងគ្មាន

ចូរកុំផ្ដោតខ្លាំងលើអ្វីដែលខ្លួនគ្មាន ឬខ្វះខាត ឬចំណុចអវិជ្ជមានរបស់ខ្លួនឯង ប៉ុន្តែត្រូវតែផ្ដោតលើអ្វីដែលអ្នកចង់ទទួលបាន និងរបៀបធ្វើ ដើម្បីឱ្យសម្រេច។

12. ខ្វះការផ្ដោត

ចង់សម្រេចអ្វី ត្រូវតែផ្ដោតលើវាឱ្យខ្លាំង បើមិនអ៊ីចឹងទេ អ្នកក៏មិនងាយសម្រេចដែរ។

13. ខ្វះមានជឿជាក់

កំណត់គោលដៅហើយ ត្រូវតែបង្កើតទំនុកចិត្ត និងភាពជឿជាក់លើខ្លួនឯង ថានឹងអាចធ្វើបាន។ ការមាន ទំនុកចិត្ត និងភាពជឿជាក់ គឺពិតជាមានសារៈសំខាន់ណាស់ ក្នុងការងាយនឹងធ្វើអ្វីមួយពោរពេញដោយកម្លាំងចិត្ត។

14. មិនរៀនពីកំហុស ដើម្បីកែតម្រូវ

ការធ្វើអ្វីក៏ដោយ តែងតែមានកំហុសឆ្គង ដូច្នេះត្រូវរៀនពីអ្វីដែលខ្លួនបានធ្វើខុស ឬធ្វើសកម្មភាពណាមួយដែលធ្វើឱ្យគោលដៅរបស់អ្នកមិនទទួលបានលទ្ធផលល្អជាដើម។ បន្ទាប់មករៀនពីកំហុសឆ្គង ដើម្បីកែតម្រូវ ដោយធ្វើយ៉ាងណាឱ្យមានលទ្ធផលល្អប្រសើរជាងមុន។

15. កំណត់គោលដៅដែលមិនទាក់ទងនឹងជីវិតផ្ទាល់ខ្លួន

ជីវិតរបស់អ្នកចង់បានអ្វី អ្នកត្រូវកំណត់គោលដៅបែបនោះ ចូរកុំកំណត់គោលដៅដែលខុសប្រាស់ចាកពីជីវិតខ្លួនឯងឱ្យសោះ។

16. មិនចាកចេញពី Comfort Zone

Comfort Zone ជាតំបន់ដែលសុខស្រួលដែលមនុស្សភាគច្រើនចង់រស់នៅ ដូចជាខ្ជិល ធ្វើអ្វីស្រួលៗជាដើម ប៉ុន្តែប្រសិនបើអ្នកមិនចាកចេញពីវាទេ អ្នកក៏មិនងាយសម្រេចគោលដៅដែរ។ ការសម្រេចបាននូវអ្វីមួយ ទាមទារឱ្យមានការលះបង់ច្រើន ឧស្សាហ៍ព្យាយាម និងហានប្រឈមមុខនឹងបញ្ហានានាជាដើម។

17. ឆាប់បោះបង់

ចូរកុំបោះបង់លឿនពេក នៅពេលធ្វើអ្វីមួយបរាជ័យ ឬជួបបញ្ហាច្រើន ដូច្នេះត្រូវជំនះ និងរកដំណោះស្រាយ ព្រមទាំងមានចិត្តអំណត់ឱ្យខ្លាំង ដើម្បីឆ្ពោះទៅរកភាពជោគជ័យតាមក្ដីស្រមៃ។

18. មិនចេះបែងចែកជាគោលដៅតូចៗ

គោលដៅ ភាគច្រើនគឺមានទំហំធំ ដើម្បីអាចសម្រេចវាបាន ដូច្នេះទាមទារឱ្យអ្នកអាចកំណត់ជាផ្នែកតូចៗ ក្នុងការធ្វើសកម្មភាព។ ការបែងចែកជាផ្នែកតូចៗនេះ នឹងជួយអ្នកឱ្យងាយស្រួលក្នុងការធ្វើសកម្មភាពដើម្បីសម្រេច។

ពាណិជ្ជកម្ម

ហេតុអ្វី អាជីវកម្មនីមួយៗត្រូវការ Storytelling ដ៏មានឥទ្ធិពល ដើម្បីរីកចម្រើន?

Sann Thaven

តើអ្វីជា Storytelling?

Storytelling បើបកជាខ្មែរនៅក្នុងន័យអាជីវកម្ម គឺជាសារផ្សព្វផ្សាយបែបចិត្តសាស្រ្ត ដើម្បីទាក់ទាញអតិថិជននិងជំរុញឱ្យពួកគេធ្វើសកម្មភាពចង់បាន និងហ៊ានចំណាយលុយលើផលិតផលសេវាកម្មរបស់អ្នក។ ហើយជាទូទៅ គេបក Storytelling ជាខ្មែរថា “ការនិទានរឿង” ។

បើយោងតាមគេហទំព័រ HubSopot បានកំណត់និយមន័យ Storytelling ថា “គឺជាដំណើរការនៃការប្រើប្រាស់ការពិតនិងការនិទានកថា ដើម្បីទំនាក់ទំនងអ្វីមួយទៅកាន់អតិថិជន ដោយរឿងរ៉ាវខ្លះជាការពិតនិងរឿងខ្លះត្រូវបានច្នៃប្រឌិតដើម្បីពន្យល់ឱ្យកាន់តែច្បាស់ក្នុងការរំលេចចេញជាសារដែលមានភាពសំខាន់។

កត់សម្គាល់ចំពោះ Storytelling

ព័ត៌មានដែលមានប្រយោជន៍នៅក្នុងរឿងនិទាន
អ្វីដែលអាចជំរុញក្រុមរបស់អ្នក
អ្វីដែលម៉ាកយីហោរបស់អ្នកកំពុងស្ថិតនៅ
និយាយអំពីអតិថិជនរបស់អ្នក
អារម្មណ៍ & ការចូលរួម
ការចាប់ផ្តើមវិបត្តិនិងដំណោះស្រាយ
អន្តរកម្មរវាងអតិថិជននិងម៉ាកយីហោរបស់អ្នក

បន្ថែមពីនេះ Storytelling គឺអាចយកទៅប្រើប្រាស់ដើម្បីធ្វើទីផ្សារឱ្យមានភាពទាក់ទាញ និងស៊ីអារម្មណ៍ ដូច្នេះម្ចាស់អាជីវកម្ម គួរតែឈ្វេងយល់បន្ថែមអំពីវា ដើម្បីបង្កើនការលក់។

តើ Storytelling អាចជួយឱ្យអាជីវកម្មរីកចម្រើនដោយរបៀបណា?

បើយោងតាមគេហទំព័រ Forbes បានឱ្យដឹងថា Storytelling គឺជាឧបករណ៍ជំនួញដ៏មានឥទ្ធិពលនិងជាជំនាញមួយដែលធ្វើឱ្យអាជីវកម្មអាចបង្កើតម៉ាកយីហោដ៏មានឥទ្ធិពលនិងមានភាពយូរអង្វែងជាងជីវិតរបស់ស្ថាបនិកដែលបានបង្កើតអាជីវកម្មទៅទៀត។

កត្តាទាំងនេះហើយ ទើប Storytelling មានសារៈសំខាន់នៅក្នុងអាជីវកម្មដោយអាចជួយធ្វើឱ្យអាជីវកម្មកាន់តែរីកចម្រើន។

បន្ថែមពីនេះ ដើម្បីបញ្ជាក់កាន់តែលម្អិតថា គ្រប់អាជីវកម្មទាំងអស់ ចាំបាច់ត្រូវតែបង្កើតឱ្យមានការប្រើនូវយុទ្ធសាស្រ្ត Storytelling ដ៏មានឥទ្ធិពលនៅក្នុងអាជីវកម្មរបស់ខ្លួន តាមរយៈហេតុផលចំនួន 4 ខាងក្រោម នេះបើយោងតាមគេហទំព័រ Forbes ៖

ហេតុផលទី1.រឿងរ៉ាវដែលមានការទំនាក់ទំនងយ៉ាងច្បាស់គឺជាឆ្អឹងខ្នងនៃយុទ្ធសាស្ត្រទីផ្សារដ៏រឹងមាំ មានន័យថា អាជីវកម្មគួរតែវិនិយោគក្នុងការបង្កើតរឿងដែលទាក់ទងគ្នាយ៉ាងច្បាស់លាស់ដោយមូលហេតុពីរយ៉ាង៖ ដំបូងរឿងបង្កើតប្លង់មេដើម្បីរៀបចំខ្លឹមសារដែលនឹងមានអារម្មណ៍ថាបែកខ្ញែកនិងចៃដន្យ។ នៅពេលដែលយុទ្ធសាស្រ្តទីផ្សាររបស់ម៉ាកត្រូវបានបង្កើតឡើងក្រោមសាច់រឿងរាល់ខ្លឹមសារដែលផលិតគួរតែមានចេតនា គោលបំណង សំណើរ តម្លៃដែលបំពេញនិងគាំទ្រដល់ចក្ខុវិស័យទូទៅរបស់អាជីវកម្ម។

ហេតុផលទី2.ការនិទានរឿងអស់ពីចិត្តគឺទទួលបានទាំងផលចំណេញនិងអាចកសាងទំនុកចិត្តដល់មនុស្ស មានន័យថា ក្រុមហ៊ុនដែលជោគជ័យបំផុតនៅលើពិភពលោកមានរឿងរ៉ាវយ៉ាងជ្រាលជ្រៅនៅពីក្រោយពួកគេ (ជារឿយៗជាប់ទាក់ទងនឹងស្ថាបនិករបស់ពួកគេ) ដែលបង្កើតអារម្មណ៍នៃគោលបំណងនិងអត្ថន័យធំជាងនៅក្នុងអ្វីដែលពួកគេធ្វើ។ ដូច្នេះនៅពេលដែលពួកគេបាននិទានរឿងរ៉ាវទាំងនោះ ធ្វើឱ្យមនុស្សមានទំនុកចិត្ត ភាពជឿជាក់ ជំនឿ និងសម្រេចចិត្តប្រើប្រាស់ ឬបានស្គាល់ច្បាស់អំពីអាជីវកម្មទាំងនោះជាដើម។

ហេតុផលទី3.ការនិទានរឿងគឺជាគុណសម្បត្តិនៃការប្រកួតប្រជែង មានន័យថា ការមានសមត្ថភាពក្នុងការប្រាប់រឿងនិទានដ៏ល្អ គឺជារឿងចាំបាច់ ហើយអាចបង្កើតឬបំបែកបានថា អាជីវកម្មមួយអាចមានភាពខុសប្លែកគ្នាត្រង់ចំណុចណានៅក្នុងទីផ្សារ ក៏ដូចជាអាចរកប្រាក់ចំណេញបាន លើសពីនេះ អាចធ្វើឱ្យផលិតផលឬសេវាកម្មមានភាពល្អប្រសើរជាងដៃគូប្រកួតប្រជែង។

ហេតុផលទី4. រឿងរ៉ាវទាក់ទងអារម្មណ៍មនុស្សនិងបង្កើតភាពស្មោះត្រង់ចំពោះម៉ាកយីហោរបស់អ្នក មានន័យថា Storytelling អាចភ្ជាប់ទំនាក់ទំនងជាមួយមនុស្ស ហើយជួយឱ្យមនុស្សបានយល់ដឹងពីពិភពលោក និងអាចទំនាក់ទំនងគុណតម្លៃ និងជំនឿរបស់មនុស្ស។ ការដែលអាចបង្កើតរឿងមួយដ៏ល្អដែលធ្វើឱ្យមនុស្សគិត មនុស្សមានអារម្មណ៍ និងអាចធ្វើឱ្យមនុស្សមានអារម្មណ៍ថា រឿងទាំងនោះដូចជាការពិត និងភ្ជាប់ទំនាក់ទំនងដោយងាយចងចាំដល់ពួកគេ ជាពិសេសអតិថិជនគោលដៅ។

ពាណិជ្ជកម្ម

របៀបដែល Mark Zuckerberg ស្ថាបនិក Facebook ក្លាយជាមហាសេដ្ឋី

Sann Thaven

Mark Zuckerberg គឺជាសហស្ថាបនិកនិងជានាយកប្រតិបត្តិនៃបណ្តាញទំនាក់ទំនងសង្គមហ្វេសប៊ុកព្រមទាំងជាមហាសេដ្ឋីក្មេងជាងគេបំផុតទូទាំងពិភពលោក។

បើយោងតាមគេហទំព័រ Forbes បានឱ្យដឹងថា ថ្ងៃទី21 ខែកញ្ញា ឆ្នាំ2021 នេះ Mark Zuckerberg មានចំនួនទឹកលុយសរុប 127.8 ប៊ីលានដុល្លារសហរដ្ឋអាមេរិក។

តើ Mark Zuckerberg ក្លាយជាមហាសេដ្ឋីដោយរបៀបណា?

បុព្វហេតុនៃការចាប់ផ្ដើមដំបូង

Mark Zuckerberg កើតនៅថ្ងៃទី 14 ខែឧសភា ឆ្នាំ1984 នៅ White Plains នៃរដ្ឋញូវយ៉កនៅក្នុងត្រកូលគ្រួសារអ្នកធូរធារ ដោយមានការអប់រំល្អ ដែលមានឪពុកឈ្មោះ Edward Zuckerberg មានមុខរបរជាព្រទ្យធ្មេញនិងម្តាយឈ្មោះ Karen Kempner ជាអតីតពេទ្យវិកលចរិតនៅក្នុងទីក្រុង White Plains។ ហើយ Zuckerberg ជាកូនច្បងក្នុងចំណោមបងប្អូនសរុប ４នាក់។

នៅកុមារភាព Zuckerberg ចូលចិត្តស្រាវជ្រាវលើប្រព័ន្ធកុំព្យូទ័រណាស់ ហើយរហូតដល់វ័យ 12ឆ្នាំ គាត់បានប្រើប្រាស់ Program Atari BASIC ដើម្បីបង្កើតកម្មវិធីផ្ញើសារមួយដោយខ្លួនឯង ហើយកម្មវិធីមានឈ្មោះថា Zucknet ហើយវាបានជួយសម្រួលការងារប្រចាំថ្ងៃរបស់ឪពុករបស់គាត់។

នៅពេលសិក្សានៅវិទ្យាល័យ Zuckerberg មានចំណាប់អារម្មណ៍កាន់តែខ្លាំងឡើងលើការបង្កើតកម្មវិធីកុំព្យូទ័រ បន្ទាប់មក គាត់ក៏បានបង្កើតនូវកម្មវិធី Software ចាក់បទចម្រៀង Pandora មួយ។

នៅឆ្នាំ 2002 គាត់ក៏បានចូលសិក្សានៅសកលវិទ្យាល័យ Harvard ហើយវាក៏ជាកន្លែងមួយដែលគាត់បានកសាងប្រជាប្រិយភាពប្រចាំសាលាតាមរយៈការបង្កើតកម្មវិធីកុំព្យូទ័រ Course Math និង Facemash។

នៅឆ្នាំ 2004 ខែកុម្ភៈ Zuckerberg បានឈប់រៀននៅសកលវិទ្យាល័យ Harvard នៃឆ្នាំទី2របស់ខ្លួន ដើម្បីផ្ដោតលើការសិក្សានិងអភិវឌ្ឍន៍កម្មវិធី Facebook រហូតអាចបើកដំណើរការ Facebook ក្នុងគោលបំណងភ្ជាប់ទំនាក់ទំនងគ្នារបស់និស្សិតនៅ Harvard។ នៅថ្ងៃបន្ទាប់នៃការចាប់ផ្ដើមដំបូង មនុស្សជាងមួយពាន់នាក់បានចុះឈ្មោះបង្កើតគណនីប្រើប្រាស់ Facebook។

នៅឆ្នាំ 2005 Zuckerberg ទទួលបានការជ្រោមជ្រែងពីដៃគូមូលធននៃក្រុមហ៊ុន Accel ដែលបានវិនិយោគទឹកប្រាក់ចំនួន 12,7 លានដុល្លារចូលទៅបណ្ដាញសង្គមហ្វេកប៊ុកនេះ។ ហើយនៅពេលនោះ ជាពេលមួយដែលអនុញ្ញាតបើកចំហនៃការប្រើប្រាស់ Facebook សម្រាប់តែនិស្សិតទាំងអស់នៅសកលវិទ្យាល័យ Harvard បន្ទាប់មកក៏អនុញ្ញាតឱ្យមហាវិទ្យាល័យ វិទ្យាល័យ និងសាលារៀនអន្តរជាតិដទៃទៀតបានប្រើប្រាស់ដែរ និងបានជំរុញឱ្យមានសមាជិកនៃការប្រើ Facebook កើនជាង 5,5លាននាក់បើគិតត្រឹមខែធ្នូ ឆ្នាំ 2005។ ក្រោយមក Facebook ក៏ចាប់ផ្ដើមទាក់ទាញការចាប់អារម្មណ៍ពីក្រុមហ៊ុនផ្សេងទៀត ដែលចង់ធ្វើការផ្សព្វផ្សាយជាមួយនឹងបណ្ដាញសង្គមដែលមានប្រជាប្រិយមួយនេះ។

បញ្ហាចម្បងដែលបានកើតឡើង

នៅក្នុងឆ្នាំ 2006 Zuckerberg បានប្រឈមនឹងឧបសគ្គដ៏ធំជាលើកដំបូងរបស់គាត់ ដោយមានអ្នកបង្កើតគេហទំព័រ Harvard Connection មកអះអាងថា Zuckerberg បានលួចយកគំនិតរបស់ពួកគេ ព្រមទាំងបានទារសំណងសម្រាប់ការខាតបង់អាជីវកម្មរបស់ពួកគេថែមទៀតផង។

លោក Zuckerberg បានអះអាងថាគំនិតនេះផ្អែកលើបណ្តាញសង្គមពីរប្រភេទផ្សេងគ្នា។ បន្ទាប់ពីមេធាវីបានស្វែងរកកំណត់ត្រារបស់ Zuckerberg សារបន្ទាន់ដែលបង្ហាញថា Zuckerberg អាចមានចេតនាលួចកម្មសិទ្ធិបញ្ញារបស់ Harvard Connection និងផ្តល់ព័ត៌មានឯកជនរបស់អ្នកប្រើប្រាស់ហ្វេសប៊ុកដល់មិត្តរបស់គាត់។ ក្រោយមកលោក Zuckerberg បានសុំទោសចំពោះសារដែលមានកំហុសឆ្គងទាំងនោះ ដោយបង្ហាញពីភាពសោកស្តាយ។ ហើយបញ្ហានេះ ក៏បានដោះស្រាយ ដោយមានកិច្ចព្រមព្រៀងដំបូងបានសម្រេចត្រឹម 65លានដុល្លារ ដោយមានការយល់ស្របពីភាគគីទាំងសងខាង ប៉ុន្តែទោះបីជាយ៉ាងណាក៏ដោយ ក៏ជម្លោះផ្លូវច្បាប់លើបញ្ហាមួយនេះបានបន្តដល់ឆ្នាំ 2011។ លើសពីនេះ Zuckerberg នៅតែអាចដោះស្រាយបញ្ហាទាំងនោះ និងធ្វើឱ្យ Facebook នៅតែបន្តទទួលបានភាពជោគជ័យរហូតមកទល់សព្វថ្ងៃនេះ។

សមិទ្ធផលរបស់ Zuckerberg

នាយកប្រតិបត្តិហ្វេសប៊ុកលោក Mark Zuckerberg បានចំណាយពេលត្រឹមតែមួយឆ្នាំប៉ុណ្ណោះដើម្បីប្រែក្លាយពីសេដ្ឋីទៅជាមហាសេដ្ឋី។ Zuckerberg គឺជាមហាសេដ្ឋីវ័យក្មេងបំផុតដែលបង្កើតដោយខ្លួនឯងនៅលើបញ្ជីមហាសេដ្ឋី Forbes នៅពេលដែលគាត់បានបង្ហាញខ្លួនជាលើកដំបូងនៅក្នុងឆ្នាំ 2008 នៅអាយុ 23 ឆ្នាំ។

នៅក្នុងឆ្នាំ 2012 ហ្វេសប៊ុកបានបើកដំណើរការជាសាធារណៈ ហើយបានក្លាយជាការផ្តល់ជូនសាធារណៈជាលើកដំបូងបង្អស់ ហើយក៏ជាការទទួលបានជោគជ័យបំផុតនៅក្នុងប្រវត្តិសាស្ត្រ ដោយអាចរកចំណូលបាន 16 ពាន់លានដុល្លារ។ នៅឆ្នាំដដែល ហ្វេសប៊ុកបានទិញកម្មវិធីចែករំលែករូបថត Instagram ហើយ Zuckerberg បានរៀបការជាមួយ Priscilla Chan ក្នុងពិធីមង្គលការដ៏ភ្ញាក់ផ្អើលមួយ។

នៅឆ្នាំ 2015 ដល់ ឆ្នាំ 2017 Zuckerberg មានការកែទម្រង់កម្មវិធី Facebook ឱ្យកាន់តែប្រសើរឡើងនិងមានសុវត្ថិភាពជាងមុនសម្រាប់អ្នកប្រើប្រាស់ទាំងអស់។

នៅឆ្នាំ 2018 Mark Zuckerberg បានក្លាយជាមហាសេដ្ឋីជាប់ចំណាត់ថ្នាក់លេខ3 នៅលើពិភពលោកដោយមានចំនួនសាច់ប្រាក់សរុប 81,6ពាន់លានដុល្លារ។

លើសពីនេះ បើយោងតាមគេហទំព័រ Statista បានឱ្យដឹងថា អ្នកប្រើប្រាស់ Facebook ទូទាំងពិភពលោកមានសកម្មប្រចាំខែប្រមាណ 2.89 ពាន់លាននាក់ គិតត្រឹមត្រីមាសទី 2 ឆ្នាំ2021នេះ។

អាថ៍កំបាំងសំខាន់នៃភាពជោគជ័យរបស់ Zcukerberg

ទី1. បង្កើតក្ដីសុបិន

ទី2. គិតវែងឆ្ងាយ

ទី3. ចាប់ផ្ដើមពីតូច

ទី4. ជឿជាក់ចំពោះខ្លួនឯង

ទី5. ធ្វើតាមចំណង់

ទី6. ផ្ដោត

ពាណិជ្ជកម្ម

របៀបដែលសហស្ថាបនិករបស់ Canva លោកស្រី Melanie Perkins បានក្លាយជាមហាសេដ្ឋីស្រី្ត មានជាងគេនៅអូស្រា្តលី

Sann Thaven

លោកស្រី Melanie Perkins ជាសហស្ថាបនិកនិងជានាយកប្រតិបត្តិក្រុមហ៊ុន Canva អាយុ 32 ឆ្នាំ។ហើយបច្ចុប្បន្ននេះលោកស្រីបានក្លាយជាមហាសេដ្ឋីស្ត្រីដែលមានជាងគេបំផុតក្នុងអាយុក្រោម 40 ឆ្នាំ នៃប្រទេសអូស្រា្តលី ដោយមានទ្រព្យសម្បត្តិ 5.9 ពាន់លានដុល្លារ ដោយការចាប់ផ្តើមដំបូង Canva មានតម្លៃរហូតដល់ 40 ពាន់លានដុល្លារឯណោះ។

Canva គឺជា platform រចនាតាមអ៊ីនធឺណិតដោយឥតគិតថ្លៃក្នុងការប្រើប្រាស់ និងជា platform រចនាក្រាហ្វិច ដែលប្រើដើម្បីបង្កើតក្រាហ្វិចប្រព័ន្ធផ្សព្វផ្សាយបណ្ដាញសង្គម ការបទបង្ហាញ ផ្ទាំងរូបភាព(posters) ឯកសារ និងមាតិកាដែលមើលឃើញផ្សេងទៀត។ កម្មវិធីនេះរួមបញ្ចូលទាំងគំរូ(templates) សម្រាប់អ្នកប្រើប្រាស់។ platform នេះអាចប្រើដោយសេរី និងផ្តល់ជូនការបង់ប្រាក់ដូចជា Canva Pro និង Canva សម្រាប់សហគ្រាសលើមុខងារបន្ថែមផ្សេងទៀត។

Canva បានរីកចម្រើនយ៉ាងឆាប់រហ័សចាប់តាំងពីបើកដំណើរការនៅខែសីហា ឆ្នាំ 2013 ហើយឥឡូវនេះកំពុងមានប្រជាប្រិយភាពខ្លាំងដល់មនុស្សរាប់លាននាក់មកពីគ្រប់ទិសទីនៃពិភពលោក ដើម្បីបង្កើតការរចនាដ៏អស្ចារ្យនិងឈានដល់គោលដៅរបស់ពួកគេ សូម្បីតែការងារនោះជាការងារដែលមានប្រវត្តិរូបសង្ខេបក៏ឡើយ។ លើសពីនេះ អាចបង្កើតសម្ភារៈទីផ្សារដ៏អស្ចារ្យឬភ្ជាប់ទំនាក់ទំនងជាមួយសហគមន៍របស់ពួកគេដោយរចនាក្រាហ្វិចប្រព័ន្ធផ្សព្វផ្សាយបណ្ដាញសង្គមដ៏អស្ចារ្យ។

បើយោងតាមគេហទំព័រ CNBC Make it សហគ្រិនស្រី្តជនជាតិអូស្រ្តាលី លោកស្រី Melanie Perkins បាននិយាយថា “គោលដៅរបស់យើង គឺយកប្រព័ន្ធអេកូឡូស៊ីរចនាទាំងមូលបញ្ចូលវាទៅក្នុងទំព័រមួយបន្ទាប់មកធ្វើឱ្យវាអាចចូលទៅដល់ពិភពលោកទាំងមូល”។

បន្ថែមពីនេះ ស្ថាបនិកវ័យក្មេងរូបនេះ បានចាប់ផ្តើមក្រុមហ៊ុននៅប្រទេសអូស្រ្តាលីក្នុងឆ្នាំ 2013 ក្នុងគោលបំណងធ្វើឱ្យការរចនាមានភាពងាយស្រួលដល់មនុស្សគ្រប់រូប ទាំងការរចនាជាឡូហ្គូ（Logo）នាមប័ណ្ណ ឬបទបង្ហាញជាដើម។

2ឆ្នាំក្រោយមក ក្រុមហ៊ុនCanva មានទីស្នាក់ការកណ្តាលនៅទីក្រុង Sydney ដោយមានតម្លៃ 3.2ពាន់លានដុល្លារ ដែលធ្វើឱ្យ លោកស្រី Perkins និង Cliff Obrecht ដែលជាសហស្ថាបនិកផង និងបច្ចុប្បន្នជាគូដណ្ដឹងរបស់ Perkins មានទ្រព្យសម្បត្តិផ្ទាល់ខ្លួនប្រមាណ 900 លានដុល្លារ។

ចំណុចចាប់ផ្ដើមដំបូង

នៅឆ្នាំ 2006 លោកស្រី Perkins និង Obrecht កំពុងតែសិក្សានៅសកលវិទ្យាល័យនៅ Perth ហើយនៅពេលនោះ លោកស្រី Perkins ទើបតែមានអាយុ 19ឆ្នាំប៉ុណ្ណោះ ហើយវាក៏ជាពេលដែលត្រូវបានបំផុសគំនិតជាលើកដំបូងនៃការចាប់ផ្ដើមបង្កើត Canva។

លោកស្រី Perkins បានប្រាប់ស្ថានីយទូរទស្សន៍ CNBC Make It ថា“ មនុស្សនឹងត្រូវចំណាយពេលពេញមួយឆមាស នៅលើប៊ូតុងកុំព្យូទ័រ ដោយនៅពេលអនាគតអ្វីៗនឹងដំណើរការតាមអ៊ីនធឺណេតនិងចាប់ផ្ដើមធ្វើការសហការជាមួយឧបករណ៍ណាដែលមានភាពងាយស្រួលដល់ការងារ និងជីវិតប្រចាំថ្ងៃ”។ ហេតុផលទាំងនេះ ហើយទើបលោកស្រី Perkins និង Obrecht បានសម្រេចចិត្តធ្វើការ ដើម្បីធ្វើឱ្យចក្ខុវិស័យនោះក្លាយជាការពិតជាមួយគ្នា។

សមិទ្ធផលនៃការបង្កើត Canva

នៅក្នុងឆ្នាំ 2012 Canvaជាអ្នកផ្តល់ដំណោះស្រាយផ្នែករចនាក្រាហ្វិច ដែលជួយអ្នកប្រើប្រាស់រចនាស្លាយបទបង្ហាញ ក្រាហ្វិកប្រព័ន្ធផ្សព្វផ្សាយសង្គម និងអ្វីៗជាច្រើនទៀតជាមួយប្លង់ផ្សេងៗគ្នា មានរូបការតម្រងរូបថត រូបតំណាង រូបរាងនិងពុម្ពអក្សរផ្សេងៗ។ platform របស់ក្រុមហ៊ុនCanva រួមបញ្ចូលគ្នានូវឧបករណ៍រចនាដែលអាចកែលម្អរូបភាព កែទីតាំងទៅតាមតម្រូវការនិងអាចបញ្ចូលរូបថតនិងរូបភាពថ្មីៗតាមការស្រលាញ់ចូលចិត្តរបស់អ្នកប្រើប្រាស់។

នៅឆ្នាំ 2013 Canva បានកកើតឡើងដោយជោគជ័យ ហើយនៅក្នុងឆ្នាំ 2021 នេះ អ្នកប្រើប្រាស់ Canva មានចំនួន 4 លាននាក់។

👉🏻មើលទម្រង់រចនារបស់ Canva ៖ https://www.canva.com/features/

ក្បួនទទួលបានភាពជោគជ័យរបស់លោកស្រី Melanie Perkins

ទី1. បង្កើតក្ដីស្រមៃ

មុននឹងអាចចាប់ផ្ដើមបង្កើត Canva បាន លោកស្រីមានគំនិតថា “future of publishing (អនាគតនៃការបោះពុម្ពផ្សាយ)” ដោយគាត់ចង់មានន័យថា នៅថ្ងៃអនាគតមនុស្សនឹងមានការផ្សព្វផ្សាយតាមប្រព័ន្ធអនឡាញច្រើន និងប្រើប្រាស់កុំព្យូទ័រ ដូច្នេះពួកគេនឹងស្វែងរកកម្មវិធីណាដើម្បីជួយពួកគេឱ្យកាន់តែមានផលិតភាពអាជីពការងារ និងអាជីវកម្មឱ្យកាន់តែប្រសើរជាងមុន ដូច្នេះលោកស្រីក៏ចាប់ផ្ដើមគិតបង្កើត កម្មវិធី Canva ក្នុងគោលបំណងដើម្បីឱ្យមនុស្សកាន់តែងាយស្រួលក្នុងការរចនាអ្វីៗទាំងអស់នៅលើប្រព័ន្ធអនឡាញ។

ទី2. ហានសាកល្បងនិងចាប់ផ្ដើមធ្វើសកម្មភាព

មុននឹងអាចចាប់ផ្ដើមបង្កើតក្រុមហ៊ុន Canva បាន លោកស្រីក៏បានគិតដល់ការត្រូវប្រកួតប្រជែងជាមួយនឹងក្រុមហ៊ុនយក្ស ដូចជាក្រុមហ៊ុន Microsoft និង Adobeជាដើម។ ប៉ុន្តែទោះបីជាយ៉ាង លោកស្រីនៅតែមិនបោះបង់ និងចាប់ផ្ដើមសាកល្បង និងខិតខំប្រឹងប្រែងឱ្យអស់ពីសមត្ថភាព ដើម្បីសម្រេចបាននូវទស្សនវិស័យរបស់ខ្លួន។

ទី3. ស្វែងរកជំនួយ

លោកស្រី Perkins បានបង្កើតឱកាសដើម្បីបានជួបជាមួយនឹងអ្នកវិនិយោគិន នៅ Silicon Valley បន្ទាប់មក អ្នកវិនិយោគិនម្នាក់ លោក Bill Tai បានចាប់អារម្មណ៍យ៉ាងខ្លាំងលើគំនិតនៃការបង្កើតអាជីវកម្ម Canva ដែលនាងកំពុងបទបង្ហាញ បន្ទាប់មក ក៏ចាប់ផ្ដើមមានអ្នកវិនិយោគល្បីៗជាបន្តបន្ទាប់ដែលចាប់អារម្មណ៍វិនិយោគ និងភ្ជាប់ទំនាក់ទំនងជាមួយលោកស្រី Perkins។

ទី4. ពង្រីកក្រុមដ៏ខ្លាំងអស្ចារ្យ

លោកស្រី Perkins និងគូដណ្ដឹង ក៏អាចសម្រេចបាននូវការទទួលការវិនិយោគធំៗ និងអាចបង្កើតកម្មវិធីរចនា Canva ដ៏រីកចម្រើនយ៉ាងឆាប់រហ័យ ជាមួយក្រុមវិស្វករបច្ចេកវិទ្យា។ លើសពីនេះ ក៏មានជំនួយពីអ្នកប្រឹក្សាផ្នែកបច្ចេកវិទ្យានិងជាសហស្ថាបនិក Google Maps ព្រមទាំងស្វែងរកបន្តនូវសហស្ថាបនិកបច្ចេកវិទ្យានៅ Cameron Adams និង អ្នកជំនាញអភិវឌ្ឍន៍បច្ចេកវិទ្យានៅ Dave Hearnden។ ប៉ុន្មានខែក្រោយមក ក៏ទទួលបានការវិនិយោគជាលើកដំបូងចំនួន 1.5 លានដុល្លារ ដែលជាការវិនិយោគពីរដ្ឋាភិបាលអូស្រ្តាលី ក្នុងគោលបំណងរក្សាក្រុមហ៊ុន នៅ Aussie shores។

ទី5. បង្កើតការរចនានៅថ្ងៃអនាគត

បន្ទាប់មក Canva បានជួយបង្កើតការរចនាជិត 2 ពាន់លាននៅ 190ប្រទេស និងទទួលបានការគាំទ្រពីតារាល្បីៗដូចជា Owen Wilson និង Woody Harrelson។ បើយោងតាមគេហទំព័រ CNBC Make it លោកស្រី Perkins បាននិយាយថា “លោកស្រីនឹងមានគម្រោងប្រើដើមទុនបន្ថែមដើម្បីពង្រីកក្រុមចំនួន700នៅទូទាំងទីក្រុង ប៉េកាំង និងម៉ានីល ខណៈពេលកំពុងបង្កើតសេវាកម្មបង់ប្រាក់បន្ថែមរបស់ Canva Pro និង Canva សម្រាប់សហគ្រាស។

អ្នកអាចចាប់ផ្ដើមសាកល្បងជាមួយកម្មវិធី Canva ដើម្បីផ្ដល់ជំនួយនៃការរចនារបស់អ្នក តាម link នេះ៖ https://www.canva.com/templates/

ពាណិជ្ជកម្ម

ចេញរកស៊ីដំបូង តើគួរទិញ Franchise ឬបង្កើតម៉ាកយីហោដោយខ្លួនឯង?

Sann Thaven

ការចាប់ផ្ដើមអាជីវកម្ម ជារឿងល្អមួយសម្រាប់មនុស្សគ្រប់គ្នា ពីព្រោះមានការធ្វើអាជីវកម្មទេ ទើបអាចរកប្រាក់ចំណូលខ្ពស់ ប៉ុន្តែបញ្ហាចោទនោះគឺថា នៅពេលចាប់ផ្ដើមអាជីវកម្មដំបូង តើគួរទិញ Franchise ឬបង្កើតម៉ាកយីហោដោយខ្លួនឯង?

ដើម្បីដឹងថា អ្នកគួរតែសម្រេចចិត្តបែបណា ចូលឈ្វេងយល់ពីគុណសម្បត្តិ និងគុណវិបត្តិ នៃការទិញ Franchise និងការបង្កើតម៉ាកយីហោដោយខ្លួនឯង ជាមុនសិន។

ការទិញ Franchise

គុណសម្បត្តិ

មានការជួយផ្គត់ផ្គង់ផលិតផល
មានកេរ្តិ៍ឈ្មោះនិងរូបភាពច្បាស់លាស់ ហើយមាននៅលើទីផ្សារស្រាប់ ដោយមានមនុស្សជាច្រើនបានស្គាល់
មិនត្រូវការបទពិសោធន៍អាជីវកម្មដើម្បីដំណើរការ Franchiseនោះទេ ដោយម្ចាស់Franchise នឹងផ្តល់ការបណ្តុះបណ្តាលបន្ថែម ដើម្បីដំណើរការគំរូអាជីវកម្មឱ្យត្រូវនឹងរូបមន្តដើម ព្រមទាំងអាចជួយធ្វើទីផ្សារឱ្យផងដែរ
មានអត្រាជោគជ័យខ្ពស់ជាងអាជីវកម្មចាប់ផ្តើមដោយខ្លួនឯង
ចំណាយដើមទុនតិចជាងការចាប់ផ្តើមអាជីវកម្មផ្ទាល់ខ្លួនលើប្រភេទអាជីវកម្មដូចគ្នា
មានអត្រាទទួលបានប្រាក់ចំណេញលឿន
កាត់បន្ថយហានិភ័យហិរញ្ញវត្ថុ

គុណវិបត្តិ

ការទិញ Franchise មិនអាចបញ្ចេញគំនិតច្នៃប្រឌិតផ្ទាល់ខ្លួន ដើម្បីកែលម្អលើអាជីវកម្មបានឡើយ គឺទាមទារឱ្យធ្វើតាមអ្វីដែលម្ចាស់ Franchise បានកំណត់នៅក្នុងកិច្ចព្រមព្រៀមគ្នា
មានការរឹតត្បិតលើដំណើរការផលិតផល
អាចប៉ះពាល់ដល់កេរ្តិ៍ឈ្មោះរបស់អ្នក ប្រសិនបើទិញប៉ះចំម៉ាកយីហាដែលមានកេរ្តិ៍ឈ្មោះមិនល្អ គ្មានភាពរឹងមាំ ឬម៉ាកយីហោនោះត្រូវបានដួលរលំនៅក្នុងករណីណាមួយ
ត្រូវចែករំលែកប្រាក់ចំណេញបន្តជាមួយម្ចាស់ម៉ាក
អាចប៉ះចំម្ចាស់ Franchise ដែលមិនបានជួយបណ្ដុះបណ្ដាលបន្ថែមលើរបៀបរបបនៃការដំណើរការអាជីវកម្ម គ្មានការជួយធ្វើទីផ្សារឱ្យ និងគ្មានប្រព័ន្ធគ្រប់គ្រងមិនច្បាស់លាស់ជាដើម
មានភាពបទបែនតិចជាងការចាប់ផ្ដើមធ្វើអាជីវកម្មដោយខ្លួនឯង

ការបង្កើតម៉ាកយីហោដោយខ្លួនឯង

គុណសម្បត្តិ

អាចធ្វើអ្វីដែលជាក្ដីសុបិនផ្ទាល់ខ្លួន និងអាចសម្រេចនូវក្ដីសុបិនទាំងនោះ
សេរីភាពក្នុងការប្រើប្រាស់គំនិតច្នៃប្រឌិតផ្ទាល់ខ្លួន ដើម្បីកែលម្អអាជីវកម្មបន្ថែមទៀត
មានសិទ្ធសម្រេចចិត្តខ្លាំងលើការគ្រប់គ្រង ការដំណើរការអាជីវកម្មទាំងមូល
អាចពង្រីកអាជីវកម្ម និងអាចបម្លែងទៅជាការលក់ Franchise ក៏បាន
មានម៉ាកយីហោផ្ទាល់ខ្លួន និងអាចជួយសេដ្ឋកិច្ចនៅក្នុងប្រទេសជាតិ

គុណវិបត្តិ

ចំណាយដើមទុនច្រើនក្នុងការចាប់ផ្ដើមជាងការទិញ Franchise ពីព្រោះការចាប់ផ្ដើមដំបូង មិនធានាថា នឹងទទួលបានប្រាក់ចំណេញនោះទេ គឺវាអាចខាតច្រើនដងក៏ថាបាន
ហានិភ័យខ្ពស់
ជួបបញ្ហាលំបាកក្នុងការបង្កើតក្រុម និងដឹកនាំក្រុម
ប្រឈមនឹងការប្រកួតប្រជែងដើម្បីដណ្ដើមយកទីផ្សារខ្ពស់
ហានិភ័យខ្ពស់លើការខ្វះដើមទុន

សរុបមក ជម្រើសទាំង2ខាងលើ គឺល្អដូចគ្នា ហេតុអ្វី? ពីព្រោះ ប្រសិនបើអ្នកមិនទាន់រួចរាល់ មិនទាន់មានបទពិសោធន៍ និងមានទាន់រឹងមាំគ្រប់គ្រាន់ដើម្បីបង្កើតម៉ាកយីហោដោយខ្លួនឯងទេ អ្នកអាចទិញ Franchise របស់គេសិន ប៉ុន្តែត្រូវសិក្សាពី Franchise ទាំងនោះឱ្យបានច្បាស់ ដើម្បីការពារកុំឱ្យប៉ះចំ Franchise ដែលគ្មានកេរ្តិ៍ឈ្មោះមិនល្អ ឬគ្មានភាពរឹងមាំជាដើម។ ហើយការទិញ Franchise នេះ អ្នកអាចរៀនពីរបៀបដែលគេដំណើរការអាជីវកម្ម និងប្រព័ន្ធគ្រប់គ្រងនានា ដើម្បីធ្វើជាបទពិសោធន៍ មុននឹងចេញធ្វើម៉ាកយីហោផ្ទាល់ខ្លួន។ ប៉ុន្តែក្នុងករណីថា អ្នកមានចំណេះដឹង បទពិសោធន៍ និងមានភាពរឹងមាំគ្រប់គ្រាន់ដែលអាចចាប់ផ្ដើមអាជីវកម្មខ្លួនឯងបានហើយ ចូរអ្នកជ្រើសរើសជម្រើសនៃការបង្កើតម៉ាកយីហោដោយខ្លួនឯងបាន។

ពាណិជ្ជកម្ម

របៀបដែល Covid-19 ផ្លាស់ប្ដូរឥរិយាបថអតិថិជនទាំងបច្ចុប្បន្ននិងជារៀងរហូត

Sann Thaven

ជំងឺ Covid-19 ជាជំងឺដ៏កាចសាហាវ ដោយបានសម្លាប់មនុស្សរាប់ម៉ឺននាក់នៅទូទាំងពិភពលោក ព្រមទាំងបានប៉ះពាល់ដល់សេដ្ឋកិច្ច និងអាជីវកម្មមួយចំនួនធំ ហើយរហូតដល់ពេលបច្ចុប្បន្ន ជំងឺនេះ ក៏ពុំទាន់មានភាពល្អនៅឡើយ ដូច្នេះប្រសិនបើពិភពលោកចាប់ផ្តើមដំណើរការយឺតយ៉ាវក្នុងការគ្រប់គ្រងវិបត្តិកូវីដ 19 នេះឱ្យមានភាពប្រសើរបានលឿន ឬជាសះស្បើយ និងអាចបើកឡើងវិញនៃសេដ្ឋកិច្ច នាំឱ្យរយៈពេលនៃការជាប់គាំងមានការជះឥទ្ធិពលយ៉ាងខ្លាំងទៅលើរបៀបរស់នៅរបស់មនុស្ស។ លើសពីនេះ នឹងផ្លាស់ប្តូរឥរិយាបថរបស់អតិថិជនទាំងរបៀបធ្វើការ របៀបទិញទំនិញ និងរបៀបផ្សេងៗទៀតដែលអាចមានផលប៉ះពាល់ដល់អ្នកលក់រាយនិងក្រុមហ៊ុនវេចខ្ចប់ទំនិញឱ្យអតិថិជនជាដើម។

បន្ថែមពីនេះ ការផ្លាស់ប្តូរឥរិយាបថរបស់អតិថិជនក្នុងរយៈពេលវែង នៅតែអាចផ្តល់ឱកាសឱ្យក្រុមហ៊ុននានា ដើម្បីជួយរៀបចំឱ្យមានទម្រង់លក្ខណៈធម្មតាវិញ ព្រមទាំងអាចទទួលបានភាពរីកចម្រើនជាងមុន ប្រសិនបើក្រុមហ៊ុនទាំងនោះ ចេះចាប់យកឱកាស និងបទបែនលឿន ទៅតាមការផ្លាស់ប្ដូរឥរិយាបថអតិថិជន។

អ្វីដែលម្ចាស់អាជីវកម្ម ត្រូវតែត្រៀមលក្ខណៈ និងកត់សម្គាល់បន្ថែមនោះ គឺ

Covid-19 ផ្លាស់ប្ដូរនៃរបៀបរស់នៅរបស់អតិថិជន
ការផ្លាស់ប្តូរឥរិយាបថ នៅតែពឹងអាស្រ័យលើការពេញចិត្តនៃបទពិសោធន៍ថ្មី
ចាប់ផ្ដើមរៀបចំចំពោះការប្រើប្រាស់ណាឬជំនួញណាមានការធ្លាក់ចុះ

របៀបដែល Covid-19 បានផ្លាស់ប្ដូរឥរិយាបថអតិថិជននៅក្នុងជីវិតប្រចាំថ្ងៃ

1. ការធ្វើការ

ការកើនឡើងនៃភាពអត់ការងារធ្វើ
អាចធ្វើការពីចម្ងាយបាន ដោយពុំចាំបាច់ទៅការិយាល័យ

2. របៀបរៀន

ចំណាយពេលវេលាច្រើនលើការរៀនសូត្រ
អាចរៀនសូត្រតាមប្រព័ន្ធអនឡាញ

3. របៀបទំនាក់ទំនង និងផ្ដល់ព័ត៌មាន

ផ្លាស់ប្ដូរនៃការប្រើប្រាស់ប្រព័ន្ធផ្សព្វផ្សាយ
ចេះរបៀបនៃការផ្ដល់ព័ត៌មាន និងទំនាក់ទំនងគ្នាបានល្អជាងមុន

4. របៀបទិញឥវ៉ាន់និងការប្រើប្រាស់

កើនឡើងនៅក្នុងពាណិជ្ជកម្មអេឡិចត្រូនិច
អាទិភាពសម្រាប់ម៉ាកដែលជឿទុកចិត្តតាមអនឡាញ
កាត់បន្ថយភាពញឹកញាប់នៃការដើរទិញឥវ៉ាន់ដោយផ្ទាល់
តែងតែចូលចិត្តទៅហាងដែលនៅជិតផ្ទះ

5. របៀបរស់នៅក្នុងផ្ទះ

ចំណាយពេលវេលានៅក្នុងផ្ទះច្រើន
ចំណាយពេលវេលាដែលនៅផ្ទះលើប្រព័ន្ធអនឡាញ

6. របៀបលេងនិងការកំសាន្ត

ចំណូលចិត្តសម្រាប់ការកំសាន្តឌីជីថល
ការផ្លាស់ប្តូរឆានែលកំសាន្ត
មានពេលវេលាលេងបន្ថែមច្រើនសម្រាប់ខ្លួនឯង

7. របៀបថែទាំសុខភាព

ផ្តោតលើសុខភាពនិងអនាម័យជាងមុន
អាចទិញឱសថស្ថានតាមអនឡាញនិងប្រឹក្សាជាមួយវេជ្ជបណ្ឌិត

ដូច្នេះក្រោយពីបានឈ្វេងយល់ពីឥរិយាបថដែលអតិថិជនមានការផ្លាស់ប្ដូរពាក់ព័ន្ធនឹងជីវិតប្រចាំថ្ងៃ ម្ចាស់អាជីវកម្ម គួរតែបង្កើតជាដំណោះស្រាយ និងបម្លែងអាជីវកម្មឱ្យបានលឿន ព្រមទាំងមានភាពច្នៃប្រឌិត ដើម្បីបំពេញតម្រូវការចិត្តអតិថិជនឱ្យត្រូវនឹងបរិបទ។

ពាណិជ្ជកម្ម

អត្ថប្រយោជន៍នៃការប្រើប្រាស់ Facebook សម្រាប់ធ្វើអាជីវកម្ម

Sann Thaven

Facebook បានកកើតឡើងតាំងពីឆ្នាំ2004 មកម្ល៉េះ ដែលត្រូវបានបង្កើតឡើងដោយលោក Mark Zuckerberg ហើយបើយោងតាមគេហទំព័រ Statista បានឱ្យដឹងថា អ្នកប្រើប្រាស់ Facebook ទូទាំងពិភពលោក មានសកម្មប្រចាំខែប្រមាណ 2.89 ពាន់លាននាក់ គិតត្រឹមត្រីមាសទី 2 ឆ្នាំ2021នេះ។

ចំពោះអ្នកប្រើប្រាស់ Facebook នៅប្រទេសកម្ពុជាវិញ មានចំនួន71.3% នៃចំនួនប្រជាជនដែលមានសកម្មភាពលើបណ្ដាញសង្គម បើគិតនៅក្នុងឆ្នាំ 2021នេះ។ ដូច្នេះហើយ Facebook ពិតជាមានសារៈសំខាន់ខ្លាំងណាស់ ដោយ Facebook ជាកម្មវិធីមួយដែលមនុស្សអាចប្រាស្រ័យទាក់ទងគ្នា អាចចែករំលែកព័ត៌មាន បង្ហោះរូបភាព វីដេអូ អាចធ្វើទីផ្សារ អាចបង្កើនប្រាក់ចំណូល អាចតាមដានព័ត៌មាន ចំណេះដឹងថ្មីៗ និងមានអត្ថប្រយោជន៍ជាច្រើនទៀត។

លើសពីនេះ ចំពោះការធ្វើអាជីវកម្មវិញ ការប្រើប្រាស់កម្មវិធី Facebook ក៏វាបានផ្ដល់នូវអត្ថប្រយោជន៍ជាច្រើនផងដែរ រួមមាន៖

1. ចំណាយលើការធ្វើយុទ្ធសាស្រ្តទីផ្សារទាប

សកម្មភាពធ្វើទីផ្សារជាទូទៅ មានការចំណាយថវិការាប់ពាន់ដុល្លារ ប៉ុន្តែការធ្វើទីផ្សារនៅលើបណ្ដាញសង្គម Facebook ជាការចំណាយកញ្ចប់ថវិកាតិចតាមការកំណត់ ព្រមទាំងមានប្រសិទ្ធភាពខ្ពស់ជាងមុន ដោយងាយទៅដល់អតិថិជនគោលដៅ។ ដូច្នេះម្ចាស់អាជីវកម្មគ្រប់រូប ត្រូវតែឈ្វេងយល់បន្ថែមអំពីការផ្សព្វផ្សាយលើបណ្ដាញសង្គម Facebook ដើម្បីទាញប្រយោជន៍លើការផ្សាយក្នុងការកសាងកេរ្តិ៍ឈ្មោះក្រុមហ៊ុន និងបង្កើនប្រាក់ចំណូល។

2. ចែករំលែកព័ត៌មានសំខាន់ៗអំពីអាជីវកម្មរបស់អ្នក

សំដៅលើការបង្កើតហ្វេសប៊ុកផេកផ្លូវការសម្រាប់អាជីវកម្មរបស់អ្នក ក្នុងគោលបំណងបង្កើនទំនុកចិត្តទៅកាន់អតិថិជនគោលដៅ តាមរយៈការបង្ហាញពីព័ត៌មានសំខាន់ៗនៃអាជីវកម្មរបស់អ្នកលើផេកផ្លូវការនោះ ដូចជាឈ្មោះអាជីវកម្ម ទីតាំងអាជីវកម្ម និងព័ត៌មានទំនាក់ទំនងជាដើម។ លើសពីនេះ អ្នកអាចបង្កើតអ្វីថ្មីៗលើការផ្សព្វផ្សាយលើផេក ដើម្បីទាញចំណាប់អារម្មណ៍អតិថិជនគោលដៅដែលកំពុងប្រើប្រាស់ប្រព័ន្ធ Facebook ។

3. បង្កើនប្រសិទ្ធភាពទំនាក់ទំនងជាមួយអតិថិជន

សម័យមុន ដើម្បីទំនាក់ទំនងជាមួយអតិថិជន គឺការខលទំនាក់ទំនងនិយាយជាមួយអតិថិជន ប៉ុន្តែនៅពេលដែលប្រើប្រាស់ Facebook គឺកាន់តែមានភាពងាយស្រួលទំនាក់ទំនង ដោយអាចបង្ហាញជារូបភាពសំខាន់ៗដើម្បីនិយាយពន្យល់ ឬសរសេរពន្យល់ ឬអាចបង្ហាញជាវីដេអូ និងអាចខលជាមួយគ្នាតាមអនឡាញថែមទៀត លើកម្មវិធី messenger នៅក្នុងFacebook។ លើសពីនេះ ក៏អាចដោះស្រាយបញ្ហា ក៏ដូចជាជួយរាល់ទុក្ខកង្វល់របស់អតិថិជនបានលឿនជាងមុន។

4. ការផ្សព្វផ្សាយពាណិជ្ជកម្មនានា គឺត្រូវនឹងគោលដៅច្រើនជាងមុន

Facebook អាចវិភាគព័ត៌មានទាំងអស់ដែលអ្នកប្រើប្រាស់រាប់លាននាក់ដែលបានបង្កើតគណនីផ្ទាល់ខ្លួនដើម្បីប្រើប្រាស់ ដូច្នេះម្ចាស់អាជីវកម្មកាន់តែងាយស្រួលក្នុងការផ្សាយ និងអាចបង់ប្រាក់បន្ថែមដើម្បីប្រើទិន្នន័យទាំងនោះក្នុងការផ្តល់ការផ្សាយពាណិជ្ជកម្មឱ្យត្រូវនឹងគោលដៅជាក់លាក់ ដូចជា Boost page ឱ្យត្រូវនឹងអតិថិជនគោលដៅ ជាដើម។

5. អាចសិក្សាស្រាវជ្រាវពីដៃគូប្រកួតប្រជែង

អ្នកអាចសិក្សាបន្ថែមលើការប្រើប្រាស់ និងរបៀបធ្វើទីផ្សារនៅលើបណ្ដាញសង្គម Facebook បន្ទាប់មកអាចឈ្វេងយល់បន្ថែមអំពីរបៀបដែលអាចធ្វើឱ្យអ្នកធ្វើយុទ្ធសាស្រ្តផ្សព្វផ្សាយកាន់តែល្អ និងមានសិទ្ធិភាពជាងមុន ដើម្បីទាក់ទាញអតិថិជនគោលដៅ អាចបំពេញតម្រូវការរបស់អតិថិជន និងអាចដោះស្រាយបញ្ហានានាដែលដៃគូប្រកួតប្រជែងរបស់អ្នកមិនអាចធ្វើបាន។

6. អាចបង្កើតមាតិកាល្អៗ ដើម្បីផ្សព្វផ្សាយបង្កើនការលក់

នៅក្នុងសម័យនេះ មនុស្សចំណាយពេលលើប្រព័ន្ធអនឡាញច្រើន ជាពិសេសលើបណ្ដាញសង្គម Facebook ដូច្នេះជាឱកាសក្នុងការបង្កើនការលក់ តាមរយៈការផ្សព្វផ្សាយមាតិកាល្អៗ មានគុណតម្លៃ និងទាញចំណាប់អារម្មណ៍ ការសម្រេចចិត្ត ក្នុងការទិញលើផលិតផលឬសេវាកម្មរបស់អ្នក។

ពាណិជ្ជកម្ម

អ្នកជំនួញវ័យ 76 ឆ្នាំ មិនធ្លាប់ចូលរៀនមហាវិទ្យាល័យ បានក្លាយជាអ្នកមានបំផុតនៅជប៉ុន

Sann Thaven

លោក Takemitsu Takizaki បានបង្កើតចក្រភពដ៏ធំមួយដែលមានឯកទេសក្នុងការផលិតឧបករណ៍ស្វ័យប្រវត្តិកម្មឧស្សាហកម្មដែលបច្ចុប្បន្នជាក្រុមហ៊ុនធំទី 2 ដោយមូលធនទីផ្សារនៅក្នុងប្រទេសជប៉ុនបន្ទាប់ពីតូយ៉ូតា ហើយគាត់មិនដែលចូលរៀននៅមហាវិទ្យាល័យទេ។

បច្ចុប្បន្ននេះ លោក Takizaki ជាអ្នកមានជាងគេបំផុតនៅប្រទេសជប៉ុន និងជាស្ថាបនិកនៃក្រុមហ៊ុនផលិតឧបករណ៍ចាប់សញ្ញាស្វ័យប្រវត្តិឈ្មោះ Keyence នេះបើយោងតាមសន្ទស្សន៍មហាសេដ្ឋី Bloomberg។ ទ្រព្យសម្បត្តិរបស់គាត់បានកើនឡើងដល់ 38,2 ពាន់លានដុល្លារ លើសពីមហាសេដ្ឋីUniqlo mogul Tadashi Yanai ដែលបានខាតបង់ 9,7 ពាន់លានដុល្លារនៅឆ្នាំនេះ ហើយឥឡូវនេះមានចំនួនទឹកប្រាក់ 35,5 ពាន់លានដុល្លារ។

នៅឆ្នាំ 2020 ខណៈពេលដែលចក្រភពម៉ូដរបស់ Yanai បានទទួលជោគជ័យក្នុងកំឡុងពេលមានជំងឺរាតត្បាត ក្រុមហ៊ុនផលិតរបស់លោក Takizaki មានការកើនឡើងចំនួនភាគហ៊ុន 93,6%។

បើយោងតាមសារព័ត៌មាន Bloomberg បានឱ្យដឹងថានៅឆ្នាំ 1974 Takizaki បានចាប់ផ្តើមក្រុមហ៊ុនដែលមានមូលដ្ឋាននៅអូសាការ ហើយមិនដែលចូលរៀននៅមហាវិទ្យាល័យទេ។

សមិទ្ធផលរបស់លោក Takizaki

ជោគជ័យមួយរបស់គាត់ គឺការជួយបង្កើតឧបករណ៍ចាប់សញ្ញាជាក់លាក់សម្រាប់បណ្តាញដំឡើងដែលផលិតរថយន្តសម្រាប់តូយ៉ូតានិងបន្ទះឈីបសម្រាប់តូស៊ីបា។ ឧបករណ៍ចាប់សញ្ញាគឺជាផលិតផលសំខាន់សម្រាប់ Keyence ដែលផលិតម៉ាស៊ីនស្កេនបាកូដនិងមីក្រូទស្សន៍ផងដែរ។

លោក Mitsushige Akino នាយកប្រតិបត្តិនៅក្រុមហ៊ុន Ichiyoshi Asset Management Co នៅទីក្រុងតូក្យូ បានប្រាប់ទីភ្នាក់ងារព័ត៌មាន Bloomberg ក្នុងឆ្នាំ 2015 ថា“ គាត់គឺជាប្រភេទមនុស្សដ៏កម្រមួយនៅក្នុងប្រទេសជប៉ុន”។

បើយោងតាមកាសែត The Financial Times បានសរសេរថា “ Keyence របស់ Takizaki ទទួលបានជោគជ័យមួយផ្នែក ដោយសារតែវាផ្គត់ផ្គង់ប្រភពផលិតកម្ម បញ្ជូនវត្ថុធាតុដើមទៅឱ្យអ្នកផ្គត់ផ្គង់គ្រឿងបន្លាស់ បន្ទាប់មកយកគ្រឿងបន្លាស់ទាំងនោះបញ្ជូនទៅអ្នកប្រមូលផ្តុំមុនពេលធ្វើការត្រួតពិនិត្យចុងក្រោយ។ លើសពីនេះ Keyence មានការិយាល័យនៅ 46ប្រទេស ហើយក៏មានកេរ្តិ៍ឈ្មោះក្នុងការបើកប្រាក់ខែឱ្យបុគ្គលិកបានយ៉ាងល្អដោយមានប្រាក់រង្វាន់ប្រចាំខែ អាស្រ័យលើប្រាក់ចំណេញរបស់ពួកគេ។ បុគ្គលិករបស់គាត់ ទទួលបានប្រាក់ខែខ្ពស់បំផុតនៅប្រទេសជប៉ុនជាមធ្យម 170 000$ ក្នុងមួយឆ្នាំ” ។

នៅពេល Takizaki ចូលនិវត្តន៍ពីតួនាទីជាប្រធានក្រុមហ៊ុននៅឆ្នាំ 2015 ទ្រព្យសម្បត្តិរបស់គាត់មានចំនួន 7,2 ពាន់លានដុល្លារ ហើយគាត់គឺជាបុរសមានជាងគេទី4 នៅប្រទេសជប៉ុននេះ បើយោងតាមទីភ្នាក់ងារព័ត៌មានBloomberg។ ប៉ុន្តែក្នុងរយៈពេល6ឆ្នាំខាងមុខនេះ ទ្រព្យសម្បត្តិរបស់គាត់នឹងកើនឡើងច្រើនជាង5ដង។

ដើម្បីឈានដល់ចំណុចកំពូល ក្រុមហ៊ុន Keyence ក៏ជាក្រុមហ៊ុនមួយក្នុងចំណោមក្រុមហ៊ុនចំនួន 3 ដែលត្រូវបានជ្រើសរើសឱ្យចូលក្នុង Nikkei 225 ដែលជាសន្ទស្សន៍ភាគហ៊ុនពណ៌ខៀវរបស់ជប៉ុន រួមជាមួយក្រុមហ៊ុនផលិតវីដេអូហ្គេម Nintendo និងក្រុមហ៊ុនផលិតគ្រឿងអេឡិចត្រូនិក Murata ។

សម្រង់សម្ដី 1 ដែលធ្វើឱ្យ Takizaki ទទួលបានជោគជ័យ

សម្រង់ដ៏ល្បីល្បាញបំផុតរបស់ Takizaki គឺ “យើងមិនបានធ្វើអ្វីដែលអតិថិជនចង់បាន”(We don’t make what the customer wants) ។ មានន័យថា ផលិតផលនិងសំណើរដែលអតិថិជនបានទទួលស្គាល់ គឺមិនមានតម្លៃទេ ដើម្បីធ្វើឱ្យបានល្អ ក្រុមហ៊ុនត្រូវតែបង្កើតផលិតផលល្អ ដោយសូម្បីតែអតិថិជនក៏មិននឹកស្មានដល់។ ហើយនេះ ក៏ជាទស្សនវិជ្ជាដែលធ្វើឱ្យលោក Takizaki ទទួលបានភាពជោគជ័យរហូតមកទល់សព្វថ្ងៃនេះ។

ពាណិជ្ជកម្ម

បើគ្មានលុយ គ្មានបទពិសោធន៍ តើធ្វើបែបណាទើបក្លាយជាសហគ្រិន?

Sann Thaven

នៅពេលដែលអ្នកបានយល់ច្បាស់ពី “ចំណុចចាប់ផ្ដើម ដើម្បីក្លាយជាសហគ្រិន” រួចហើយ ជំហានបន្ទាប់ អ្នកត្រូវឈ្វេងយល់អំពី របៀបដើម្បីទទួលបានដើមទុននៅពេលអ្នកចាប់ផ្ដើមអាជីវកម្មដំបូង។

ដំណាក់កាល ដើម្បីទទួលបានដើមទុននៅពេលចាប់ផ្ដើមអាជីវកម្ម

ទី1. សួរគ្រួសារ និងមិត្តភក្តិ ដើម្បីវិនិយោគក្នុងអាជីវកម្មរបស់អ្នក

សំដៅលើ ការសុំការវិនិយោគពីគ្រួសារ មិត្តភក្តិ សម្រាប់ការវិនិយោគដំបូង បន្ទាប់បែងចែកភាគលាភជាភាគរយតាមចំនួនទឹកលុយដែលពួកគេបានដាក់វិនិយោគមកឱ្យអ្នក។

ទី2. ដាក់សំណើរសុំជំនួយសម្រាប់អាជីវកម្មខ្នាតតូច

សំដៅលើ ការដាក់សំណើរសុំដើមទុនវិនិយោគ ប្រាក់កម្ចី ដោយទទួលបានការប្រាក់ទាប និងជំនួយឥតសំណង ពីរដ្ឋាភិបាល ឬកន្លែងណាដែលផ្ដល់ជូនបែបនេះដល់អ្នកក្នុងការចាប់ផ្ដើមអាជីវកម្មខ្នាតតូចបាន។

ទី3. ប្រើ crowdfunding platform

Crowdfunding platform គឺជាគេហទំព័រដែលអនុញ្ញាតឱ្យមានអន្តរកម្មរវាងប្រមូលដើមទុន និងការកៀរគរមនុស្ស មានន័យថា យើងរៀបចំផលិតផលដាក់លក់ ឬផ្ដល់សេវាកម្មតាមអនឡាញដល់អតិថិជនគោលដៅ។

ទី4. ទទួលការវិនិយោគជាលក្ខណៈឯកជន (Angel Investor)

សំដៅលើ ការទទួលបានការវិនិយោគពីក្រុមគ្រួសារ ឬមិត្តភក្តិរបស់សហគ្រិនម្នាក់ៗ។

ទី5. ការវិនិយោគទាមទារការបណ្តាក់ទុន (Venture Capital)

សំដៅលើ ការទទួលបានដើមទុនវិនិយោគ ពីធនាគារ និងគ្រឹះស្ថានមីក្រូហិរញ្ញវត្ថុផ្សេងៗ។

ទី6. ប្រើ Credit card សម្រាប់ខ្ចីដើមទុនរយៈពេលខ្លី

នៅក្នុងជម្រើសនេះ វាជារឿងមិនសូវល្អប៉ុន្មានទេសម្រាប់ការប្រើ Credit card ដើម្បីយកដើមទុនសម្រាប់ធ្វើអាជីវកម្ម ប៉ុន្តែអ្នកអាចប្រើវាបាននៅពេលអ្នកគ្មានជម្រើស។

ទី7. ទទួលប្រាក់កម្ចីរយៈពេលខ្លី

សំដៅលើ ការទទួលបានកញ្ចប់ថវិកាតិចតួចល្មម ដើម្បីធ្វើការអភិវឌ្ឍន៍ផ្នែកណាមួយនៅក្នុងអាជីវកម្ម សម្រាប់រយៈពេលខ្លី។

ទី8. ចាប់ផ្ដើមវាឡើង

ប្រសិនបើអ្នកសម្រេចចិត្តចាប់ផ្ដើមអាជីវកម្ម ចូរកុំភ្លេចរក្សាថវិការបស់អ្នកឱ្យបានតិចតាមដែលអាចធ្វើទៅបាន ដើម្បីពង្រីកអាយុកាលក្រុមហ៊ុនរបស់អ្នកបន្តទៅមុខទៀត ដោយកុំនៅរងចាំការវិនិយោគឱ្យបានគ្រប់កន្លែង ឬបានច្រើនសិនឱ្យសោះ ព្រោះអាចបាត់បង់ឱកាសផ្សេងៗជាដើម។

ពាណិជ្ជកម្ម

បើគ្មានលុយ គ្មានបទពិសោធន៍ តើធ្វើបែបណាទើបក្លាយជាសហគ្រិន?

Sann Thaven

មនុស្សជាច្រើន តែងតែចង់ក្លាយជាអ្នកមាន និងចង់ធ្វើជាសហគ្រិនម្នាក់នាពេលអនាគត ប៉ុន្តែភាគច្រើនពួកគេមានតែគំនិត ដោយពិបាកធ្វើវាឱ្យចេញជារូបរាង ជាពិសេសខ្វះដើមទុន ខ្វះបទពិសោធន៍ ដែលធ្វើឱ្យពួកគេគ្មានភាពជឿជាក់ និងមិនសូវហ៊ានចាប់ផ្ដើម។

ជាដំណោះស្រាយ បើអ្នកមានគំនិតចង់ក្លាយជាសហគ្រិន ប៉ុន្តែខ្វះលុយ ខ្វះបទពិសោធន៍ គឺអ្នកអាចអនុវត្តតាមការណែនាំដូចខាងក្រោម៖

ចំណុចចាប់ផ្ដើម ដើម្បីក្លាយជាសហគ្រិន

ដំណាក់កាលខាងក្រោម ជារឿងចាំបាច់សម្រាប់អ្នកក្នុងការអនុវត្ត ដើម្បីបម្លែងខ្លួនឱ្យខ្លាំងដើម្បីអាចក្លាយខ្លួនជាសហគ្រិនជំនាញ។

ទី1. កំណត់គំនិតចាប់ផ្តើមអាជីវកម្ម

សំដៅលើ ការគិតផ្ដោតលើផលិតផលឬសេវាកម្មក្នុងវិស័យអាជីវកម្មណាមួយដែលអ្នកចង់ចាប់ផ្ដើម។ ហើយដើម្បីគិតចេញ អ្នកអាចអនុវត្តតាមវិធីខាងក្រោម៖

សួរមិត្តភក្តិពីអ្វីដែលពួកគេតែងតែមានការខកចិត្តលើអាជីវកម្មដទៃ ដើម្បីផ្ដល់ជាគំនិតដល់អ្នកក្នុងការចាប់ផ្ដើមមានគំនិតច្នៃប្រឌិតលើការដោះស្រាយបញ្ហាទាំងនោះ
ទទួលយកការបំផុសគំនិតពីការចាប់ផ្តើមអាជីវកម្មថ្មីៗពីមនុស្សផ្សេងទៀត
កំណត់និន្នាការសម្រាប់គំនិតអាជីវកម្មនាពេលអនាគត ពីព្រោះពិភពលោកតែងតែមានការផ្លាស់ប្ដូរ ហើយតម្រូវការមនុស្សក៏ដូចគ្នា

ទី2. កំណត់និងផ្តោតលើប្រភេទអាជីវកម្មដែលកំពុងរីកចម្រើន

សំដៅលើ ការស្ដាប់ពីអ្នកជំនាញ និងបុគ្គលរីកចម្រើនលើការធ្វើអាជីវកម្ម ស្ដីអំពីផលិតផលសេវាកម្មណាដែលកំពុងមានសន្ទុះទីផ្សារនាពេលបច្ចុប្បន្ន ដើម្បីទទួលបាននូវគំនិតច្នៃប្រឌិតថ្មី ដូចជា ការកែលម្អវាឱ្យមានគុណតម្លៃពិសេសខុសប្លែកពីគេ ការបន្ថែមមុខងារថ្មី និងបន្ថែមនូវអ្វីថ្មីៗ តាមដែលអ្នកអាចធ្វើបាន។

ទី3. ចាប់ផ្ដើមធ្វើអ្វីដែលអ្នកមានជំនាញស្រាប់

សំដៅលើ ការចាប់ផ្ដើមផ្ដល់សេវាកម្ម ការប្រឹក្សាយោបល់លើជំនាញណាមួយដែលអ្នកមានភាពស្ទាត់ជំនាញស្រាប់ ទៅកាន់អ្នកដែលគេខ្វះខាតនូវជំនាញនោះ ដើម្បីបង្កើតប្រភពចំណូលផ្ទាល់ខ្លួនជាមុនសិន ទើបជាការប្រសើរបំផុត។

ទី4. ធ្វើអ្វីដែលមាននៅក្នុងទីផ្សារស្រាប់ឱ្យល្អប្រសើរ

សំដៅលើ ការធ្វើឱ្យមានភាពប្រសើរឡើងនូវការផ្តល់ជូនផលិតផលដែលមានស្រាប់នៅក្នុងទីផ្សារដោយមានតម្លៃទាប គុណភាពល្អ និងមានតម្រូវការច្បាស់លាស់ដល់អតិថិជនគោលដៅរបស់អ្នក។

ដើម្បីធ្វើបែបនេះបាន អ្នកត្រូវ៖

បង្កើតបណ្ដាញជាមួយសហគ្រិនដទៃទៀត ដើម្បីជួយជ្រោមជ្រែងដល់អ្នក
ស្រាវជ្រាវពីតារាងប្រែប្រួលទិន្នន័យនៃការប្រើប្រាស់ផលិតផលនោះ
បង្កើតវេទិកាបំផុសគំនិត ពីសំណាក់សហគ្រិនដទែទៀត ដើម្បីពិភាក្សាគ្នាស្ដីពីការធ្វើឱ្យមានភាពប្រសើរឡើងលើការច្នៃផលិតផល អមជាមួយនឹងកម្រងសំណួរផ្សេងៗជាដើម។

ទី5. ស្គាល់អតិថិជនគោលដៅ

ត្រូវធ្វើឱ្យគំនិតចាប់ផ្ដើមអាជីវកម្មមានឥទ្ធិពលស្របជាមួយនឹងការស្រាវជ្រាវពីអតិថិជនគោលដៅ ដើម្បីបំពេញតម្រូវការឱ្យត្រូវនឹងអ្វីដែលពួកគេចង់បាន។

ទី6. ចាប់ផ្តើមជាមួយផលិតផលដែលអាចសម្រេចបានអប្បបរមា

សំដៅលើ ការចាប់ផ្ដើមនូវចំនួនផលិតតិចបំផុត ប៉ុន្តែមានគុណភាព ដោយអាចរក្សាការចំណាយរបស់អ្នកក្នុងការចាប់ផ្តើមទាប ប៉ុន្តែមានលទ្ធភាពរីកចម្រើន ដោយសារផលិតផលនៅតែបន្តធ្វើឱ្យមានសុពលភាព។

ទី7. បង្កើតផែនការអាជីវកម្ម

សំដៅលើ ការសរសេរលម្អិតពីគោលដៅអាជីវកម្ម និងដំណាក់កាលដើម្បីសម្រេចនូវគោលដៅនោះ ដោយបញ្ចូលនូវយុទ្ធសាស្រ្តទីផ្សារ កញ្ចប់ថវិកា និងព្យាករណ៍ពីហិរញ្ញវត្ថុ និងព្រឹត្តការណ៍សំខាន់ៗផ្សេងទៀតដែលពាក់ព័ន្ធ។ អ្វីដែលសំខាន់ គឺកំណត់នូវទស្សនវិស័យ បេសកកម្មរបស់ក្រុមហ៊ុន និងកំណត់គោលដៅរយៈពេលខ្លី និងរយៈពេលវែងឱ្យបានរួចរាល់។

ទី8. បន្តធ្វើឱ្យប្រសើរជាមួយនឹងកែលម្អ

សំដៅលើ ការពង្រីកទំហំនៃការផលិតជាបន្តបន្ទាប់ អមជាមួយនឹងការកែលម្អនូវចំនួនខ្វះខាត ដើម្បីធ្វើឱ្យអាជីវកម្មកាន់តែពង្រីកខ្លួនឱ្យមានភាពរីកចម្រើនជាបន្តបន្ទាប់។

ទី9. ស្វែងរកសហស្ថាបនិក

នៅពេលដែលអ្នកពង្រីកខ្លួនជាមួយនឹងការបង្កើតអាជីវកម្មថ្មី អ្នកត្រូវតែស្វែងរកសហសា្ថបនិកផ្សេងទៀត ដើម្បីធ្វើជាដៃគូសហការ។ ហើយការជ្រើសរើសសហស្ថាបនិកដំបូង អ្នកអាចជ្រើសរើសនរណាដែលអ្នកបានស្គាល់ស្រាប់ និងទុកចិត្តបាន។

ការមានសហស្ថាបនិក នឹងមានអត្ថប្រយោជន៍សំខាន់ 3 រួមមាន៖

ងាយទាក់ទាញការវិនិយោគពីវិនិយោគិនផ្សេងទៀត
កាត់បន្ថយស្រ្តេស ភាពខ្វល់ខ្វាយ និងមានភាពកក់ក្ដៅជាងពេលដែលមានតែស្ថាបនិកម្នាក់ឯង
អាចជួយបំពេញចំណុចខ្វះខាតគ្នា ដូចជាជំនាញ ចំណេះដឹង និងភាពពាក់ព័ន្ធផ្សេងទៀត

ពាណិជ្ជកម្ម

មេរៀនជាច្រើនដែលយើងអាចរៀនពីរឿង Squid Game មួយនេះបាន

Rin Hanavy

១. លុយអាចធ្វើឲ្យមនុស្សក្បត់មនសិការខ្លួនឯង

សព្វថ្ងៃនេះយើងម្នាក់ៗ ខិតខំប្រឹងប្រែងរៀនសូត្រ ខំប្រឹងប្រែងធ្វើការរកស៊ី ព្រលឹមចេញព្រលប់ចូល ហត់នឿយយ៉ាងណាក៏មិនហ៊ានឈប់សម្រាក គឺដើម្បីតែគោលបំណងតែមួយគត់គឺដើម្បីបានប្រាក់យកមកចិញ្ចឹមជីវិតឲ្យកាន់តែមានជីវភាពធូធារ និងអាចទិញនូវអ្វីដែលខ្លួនចង់បាន។ ប៉ុន្តែបើសិនជាយើងងប់ងល់នឹងលុយទាំងនោះខ្លាំងពេក ឬបណ្ដោយឲ្យលុយទាំងនោះមានឥទ្ធិពលខ្លាំងក្លាមកលើយើង រហូតដល់ភ្លេចក្រុមគ្រួសារ ភ្លេចបងប្អូន ក្បត់មិត្តភក្តិ ឬកាប់សម្លាប់គ្នាដើម្បីតែលុយ នោះចុងក្រោយអ្នកនឹងគ្មាននរណាម្នាក់នៅក្បែរយើងនោះទេ។

សម្រាប់អ្នកដែលបានមើលរឿង Squid Game នេះ អ្នកប្រាកដជាដឹងហើយថា តួអង្គម្នាក់ៗដោយសារតែប្រាក់ចំនួន 45.6 billion won ម្នាក់ៗដែលធ្លាប់តែជាមនុស្សស្មោះត្រង់នឹងគ្នា ជាមនុស្សដែលស្រលាញ់រាប់អាន ក៏ចាប់ផ្ដើមហ៊ានលើកដៃកាប់សម្លាប់គ្នា ហ៊ានក្បត់គ្នាដោយរិះរកមធ្យោបាយយ៉ាងណាឲ្យតែខ្លួនឯងបានរស់ និងអាចទទួលបានលុយដ៏ច្រើនមហាសាលនោះបានត្រឡប់ទៅវិញ។

និយាយរួមទៅ លុយពិតជាមិនអាចទិញសុភមង្គលពិតប្រាកដដូចដែរគេបាននិយាយនោះពិតមែន ប៉ុន្តែប្រសិនបើម្នាក់ៗគ្មានលុយនៅក្នុងខ្លួនទេ អ្វីក៏ពួកគេហ៊ានធ្វើដែរដើម្បីចម្អែតក្រពះ និងអ្វីដែលពួកគេចង់បាន។

២. កុំជឿជាក់នរណាម្នាក់ខ្លាំងពេក

មិនមែនមិនឲ្យអ្នកមិនជឿជាក់ទៅលើមនុស្សជុំវិញខ្លួនរបស់អ្នកនោះទេ ព្រោះមនុស្សយើងម្នាក់ៗមិនមែនសុទ្ធតែជាមនុស្សអាក្រក់ឬមានគំនិតមិនល្អដូចគ្នាទាំងអស់នោះទេ អ្នកខ្លះក៏ល្អ អ្នកខ្លះក៏ស្មោះត្រង់ ហើយអ្នកខ្លះទៀតក៏អាចជឿទុកចិត្ត អាចពឹងពាក់បាន ប៉ុន្តែពេលខ្លះអ្នកក៏មិនគួរផ្ដល់ការទុកចិត្តទៅកាន់នរណាម្នាក់ទាំងស្រុងនោះដែរព្រោះវានឹងធ្វើឲ្យអ្នកជួបបញ្ហា។

ប៉ុន្តែបើសួរថា ចុះធ្វើបែបណាទើបដឹងថាគេជាមនុស្សអាចទុកចិត្តបាន? ទុកចិត្តថាគេមិនក្បត់យើង?? ចំពោះគំនិតខ្ញុំផ្ទាល់ខ្ញុំគិតថា យើងអាចជឿជាក់ឬមិនជឿជាក់នរណាម្នាក់បាន គឺយើងត្រូវមើលទៅលើស្ថានភាពជាក់ស្ដែងដែលយើងកំពុងតែរស់នៅនោះ មើលថាតើកន្លែងដែលយើងកំពុងតែរស់នៅនោះកំពុងតែស្ថិតនៅក្នុងសង្វៀន(ប្រកួតប្រជែងគ្នា)ឬយ៉ាងណា? បើសិនជាកំពុងតែស្ថិតនៅក្នុងសង្វៀន នោះអ្នកត្រូវដឹងថា ពួកគេមកទីនេះដើម្បីតែឈ្នះ ដើម្បីបានពានរង្វាន់ទៅវិញ ដូចនេះពួកគេនឹងប្រើគ្រប់វិធីសាស្ត្រដើម្បីឲ្យអ្នកចាញ់។

ជាក់ស្ដែងអ្នកឃើញនៅក្នុងរឿង Squid Game នេះស្រាប់ហើយ តួអង្គ Ahli គឺជាមនុស្សម្នាក់ដែលស្មោះត្រង់ និងតែងតែជឿជាក់ទៅលើមនុស្សដែលធ្លាប់បានជួយខ្លួនពេលដែលខ្លួនខ្វះខាត បើទោះបីជាការជួយនោះមិនច្រើនក៏ដោយ ក៏ Ahli នៅតែនឹងរលឹកដល់គុណស្រ័យដែល Sang- woo បានជួយដែរ។ ប៉ុន្តែចុងក្រោយមនុស្សដែល Ahli ទុកចិត្ត(Sang- woo)និងជឿជាក់បំផុតថាមិនអាចកុហកខ្លួនដោយសារតែផលប្រយោជន៍ផ្ទាល់ខ្លួននោះ ក៏បានក្បត់ដោយសារតែលុយចំនួន45.6 billion won នោះឯង។

ដូចនេះនៅក្នុងរឿងមួយនេះ ចង់បង្ហាញអ្នកឲ្យឃើញថា អ្នកពុំគួរទុកចិត្តនរណាខ្លាំងពេកនោះទេ ព្រោះមិត្តអាចប្ដូរទៅជាសត្រូវបានគ្រប់ពេល។ ដោយហេតុនេះហើយ មុននឹងអ្នកជឿជាក់ទៅលើនរណាម្នាក់ អ្នកគប្បីមើលពីស្ថានភាព មើលពីគោលបំណងរបស់ពួកគេថាពួកគេមកចូលរួមលេងហ្គេមនេះដើម្បីអ្វី ហើយបើសិនជាគោលបំណងដូចគ្នាគឺពួកគេគ្មានថ្ងៃឲ្យអ្នកឈ្នះល្បែងនេះជាដាច់ខាត។

៣. គ្មានអ្វីដែលផ្ដល់ឲ្យយើងទទេៗនោះទេ

អ្នកត្រូវចាំថា នៅលើលោកនេះគ្មានអ្វីដែលផ្ដល់ឲ្យអ្នកទទេរៗដោយគ្មានសំណងនោះទេ បើទោះបីជាមានក៏របស់ទាំងនោះអាចធ្វើឲ្យអ្នកឈឺខ្លួនឬបាត់បង់របស់សំខាន់អ្វីមួយដែរ។

លុយចំនួន45.6 billion won គឺច្រើន ច្រើនខ្លាំងមែនទែន ប៉ុន្តែសួរថា តើដើម្បីបានលុយទាំងនោះមានមនុស្សប៉ុន្មានរយនាក់ដែលត្រូវបាត់បង់ជីវិត? ហើយមានមនុស្សប៉ុន្មានរយនាក់ដែលក្បត់ឧត្តមគតិខ្លួនឯងខ្លះ?

គោលបំណងដែលគេផ្ដល់យ៉ាងច្រើនបែបនេះដល់អ្នក ក៏ព្រោះតែគេចង់ពង្វក់ចិត្តគំនិតអ្នកឲ្យមានភាពលោភលន់ ស្អប់គ្នា និងកាប់សម្លាប់គ្នានេះឯង។

៤. ចេះសហការគ្នា

នៅក្នុងរឿងមួយនេះបាន បង្ហាញឲ្យយើងដឹងថា សាមគ្គីភាពគឺជាកម្លាំងមួយដ៏ធំមហិមាដែលអាចជួយឲ្យក្រុមរបស់អ្នកអាចយកឈ្នះដៃគូរប្រកួតប្រជែង ក៏ដូចជាអាចជួយឲ្យក្រុមខ្លួនអ្នកអាចមានជីវិតឡើងវិញបាន បើទោះបីជាក្រុមរបស់អ្នកមានសមាជិកតិចជាងគេក៏ដោយ ខ្សោយជាងគេក៏ដោយ ក៏អ្នកនៅតែអាចមានឪកាសឈ្នះបានដែរ។ អ្វីដែលសំខាន់គឺការរួបរួមគ្នានៅក្នុងក្រុម ការប្រើភាពវៃឆ្លាតរបស់អ្នកមកគិត គិតពីវិធីសាស្ត្រយ៉ាងណាដើម្បីយកឈ្នះឬផ្ដួលដៃគូរប្រកួតបាន។ តែប្រសិនបើសមាជិកក្រុមតិចហើយ គ្មានសាមគ្គីភាព គ្មានគោលជំហរច្បាស់លាស់ ឆាប់បាក់ស្មារតី (ឆាប់អស់សង្ឃឹម ឆាប់ស្លន់ស្លោរ ឆាប់ភ័យខ្លាច)និងគ្មានអ្នកដឹកនាំត្រឹមត្រូវ នោះអ្នកប្រាកដជាចាញ់ជាមិនខាន។

៥. ជម្រើសរបស់យើងថ្ងៃនេះនឹងធ្វើឲ្យយើងស្ដាយក្រោយ

ជីវិតរបស់អ្នកល្អឬអាក្រក់គឺអាស្រ័យទៅលើការសម្រេចចិត្តរបស់អ្នក បើអ្នកជ្រើសរើសផ្លូវខុស ជីវិតរបស់អ្នកនឹងជួបតែបញ្ហា ភាពឯកា ភាពអស់សង្ឃឹម ឬអាចនឹងបំផ្លាញជីវិតរបស់អ្នក តែបើអ្នកមានការគិតពិចារណាបានល្អិតល្អន់មុនពេលសម្រេចចិត្តធ្វើអ្វីមួយ នោះជីវិតរបស់អ្នកប្រាកដជាល្អតាមហ្នឹងដែរ ពោលគឺ មានលុយចាយគ្រប់គ្រាន់ មានសេចក្ដីសុខ មានសុភមង្គល មានអ្នកស្រលាញ់រាប់អានច្រើន។ល។

នៅក្នុងរឿង Squid Game នេះមនុស្សចំនួន៤៥៦នាក់ បានសម្រេចចិត្តចូលទៅលេងល្បែងដ៏គួរឲ្យខ្លាចមួយនេះ ទាំងមិនដឹងថាល្បែងមួយនេះគេតម្រូវឲ្យលេងអ្វី ឬគិតថាវាគឺជាល្បែងសាមញ្ញធម្មតា។ ប៉ុន្តែចុងក្រោយតើពួកគេទាំងនោះបានអ្វីមកវិញខ្លះ? គឺទទេ មិនបានលុយហើយថែមទាំងបាត់បង់ជីវិតទៀត។

ដូចនេះបើសិនជាអ្នកសម្រេចចិត្តដោយខ្វះការពិចារណា ខ្វះការពិនិត្យពិច្ច័យឲ្យបានល្អិតល្អន់ នោះជីវិតរបស់អ្នកនឹងប្រែពីពណ៌ដ៏ស្រស់សោភាទៅជាពណ៌ស្មៅអាប់អួរជាមិនខាន។

៦. អ្វីដែលអ្នកចង់បានបំផុត នឹងធ្វើឲ្យអ្នកសោកស្ដាយបន្ទាប់ពីទទួលបានវា

Seong Gi-hun គឺជាតួអង្គសំខាន់នៅក្នុងរឿង Squid Game។ គាត់គឺជាមនុស្សម្នាក់ដែលញៀននឹងការលេងល្បែង ហើយក៏កំពុងតែរស់នៅជាមួយនឹងម្ដាយចាស់ផងដែរ។ Seong Gi-hun សម្រេចចិត្តចូលលេងល្បែងនោះទាំងប្រថុយជីវិត ដោយគិតថាខ្លួនប្រាកដជាអាចឈ្នះលុយដ៏ច្រើនមហាសាលទាំងនោះបាន ដើម្បីយកមកឲ្យម្ដាយចាស់របស់គាត់ដើម្បីទៅពិនិត្យសុខភាព និងយកលុយទាំងនោះដើម្បីអាចមានសិទ្ធក្នុងការចិញ្ចឹមកូនស្រីរបស់ខ្លួនបាន។

ចុងក្រោយ Seong Gi-hun គឺជាអ្នកឈ្នះក្នុងការលេងល្បែងមរណៈមួយនេះដោយទទួលបានទឹកប្រាក់ចំនួន 45.6 billion won។ ប៉ុន្តែការឈ្នះមួយនេះមិនបានធ្វើឲ្យគាត់សប្បាយរីករាយនោះទេ តែបែរជាធ្វើឲ្យគាត់សោកស្ដាយ និងអស់សង្ឃឹមយ៉ាងខ្លាំងទៅវិញ ព្រោះពេលដែលគាត់ត្រឡប់មកផ្ទះវិញ អ្វីៗក៏គ្មានសល់(ម្ដាយក៏ស្លាប់ ហើយ មិត្តភក្តិជិតស្និទ្ធរបស់គាត់ក៏ស្លាប់)។ ហើយចំណែកឯលុយដែលគាត់ឈ្នះនោះ គឺគាត់មិនប៉ះពាល់ឡើយសូម្បីតែមួយកាក់មួយសេន ព្រោះដោយសារតែលុយនោះហើយបានធ្វើឲ្យគាត់បាត់បង់គ្រប់យ៉ាងបែបនេះ។

ពេលដែលយើងមានអ្វីដែលខ្លួនចង់បានហើយ តែបែរជាបាត់បង់មនុស្សជាទីស្រលាញ់ទៅវិញ តើលុយទាំងនោះនៅមានប្រយោជន៍អ្វីទៀត? ដូចនេះ អ្វីគ្រប់យ៉ាងដែលអ្នកចង់បានមិនប្រាកដថា ពេលដែលអ្នកបានហើយធ្វើឲ្យអ្នកសប្បាយរីករាយនោះទេ។

៧. ប្រើភាពវៃឆ្លាត

បើវិធីសាស្ត្រមួយនេះប្រើមិនកើតទេ យើងត្រូវរិះរកវិធីសាស្ត្រផ្សេងទៀត ដើម្បីកុំឲ្យខ្លួនយើងជួបបញ្ហាទាន់។ បើយើងក្រឡេកមកមើលតួអង្គ Seong Gi-hun វិញ គាត់បានជ្រើសរើសចំវិញ្ញាសាដែលពិបាកជាងគេក្នុងវគ្គល្បែងកូរស្ករ ដោយត្រូវគូសផ្ដាច់យ៉ាងណាឲ្យរូបឆ័ត្រនោះចេញជារូបរាងដោយគ្មានការបាក់បែក ព្រោះប្រសិនជារូបឆ័ត្របាក់គាត់ប្រាកដជាត្រូវគេបាញ់ស្លាប់ជាមិនខាន។ ប៉ុន្តែដោយសារតែភាពវៃឆ្លាតរបស់គាត់ គាត់ក៏ព្យាយាមលិតបន្ទះស្ករនោះ រហូតទាល់តែគាត់អាចយករូវឆ័ត្រចេញពីបន្ទះនោះបាន(ព្រោះស្ករនឹងឆាប់រលាយពេលដែលត្រូវទឹក) ហើយគាត់ក៏រួចផុតពីសេចក្ដីស្លាប់ម្ដងទៀត។

បញ្ជាក់៖ នេះគ្រាន់តែជាការយល់ឃើញរបស់ខ្ញុំបន្ទាប់ពីបានមើលរឿងនេះចប់! សូមអភ័យទោសផងដែរ ប្រសិនបើមានពាក្យពុំគប្បីត្រង់ចំណុចណាមួយ សូមអរគុណ!

ពាណិជ្ជកម្ម

ហេតុអ្វីមានយុទ្ធសាស្រ្តជាច្រើនត្រូវបរាជ័យ?

Sann Thaven

ការបរាជ័យដែលកើតឡើងជាញឹកញាប់ បណ្ដាលមកពីមូលហេតុ៖

យុទ្ធសាស្ត្រមិនមានលក្ខណៈទូលំទូលាយ
លង់នឹងភាពជោគជ័យដំបូងនៃគំរូអាជីវកម្មថ្មី ដោយធ្វេសប្រហែសក្នុងការវិនិយោគលើសមត្ថភាពដែលត្រូវការចាំបាច់ដើម្បីទ្រទ្រង់អត្ថប្រយោជន៍ការប្រកួតប្រជែងក្នុងរយៈពេលវែង។
មិនអើពើនូវសមាសធាតុចាំបាច់ដើម្បីធ្វើឱ្យយុទ្ធសាស្រ្តកាន់តែមានលក្ខណៈពេញលេញ ដូចជាបច្ចេកវិទ្យា គំរូអាជីវកម្មថ្មីៗ និងការកំណត់ទីតាំងទីផ្សារដោយសមស្របជាមួយនឹងតម្រូវការអតិថិជនតាមសម័យកាល។
គ្មានការបង្កើតគុណតម្លៃបន្ថែមសម្រាប់អតិថិជន
គ្មានការវិភាគឱ្យបានគ្រប់ជ្រុងជ្រោយលើការបង្កើតតម្លៃលើផលិតផលសេវាកម្ម

គន្លឹះដើម្បីបង្កើតយុទ្ធសាស្ត្រពេញលេញមួយបាន ត្រូវការ៖

ជម្រើសណាមួយដែលអាចសម្របសម្រួលដោយប្រុងប្រយ័ត្នអំពីគំរូអាជីវកម្មដែលមានសក្តានុពលខ្ពស់បំផុតក្នុងការបង្កើតគុណតម្លៃ និងការប្រកួតប្រជែង ដែលអាចចាប់យកគុណតម្លៃនោះ ដើម្បីអាចដំណើរការ ការអនុវត្ត ដោយសម្របខ្លួនជានិច្ចទៅនឹងបរិយាកាសផ្លាស់ប្តូរ
កសាងសមត្ថភាពចាំបាច់សំខាន់ៗ ដើម្បីដឹងពីតម្លៃក្នុងរយៈពេលវែង

ថ្នាក់ដឹកនាំទាំងអស់ត្រូវធ្វើសកម្មភាព ខាងក្រោមបន្ថែម ៖

ទី1. កំណត់ឱកាស

សំដៅលើការចេះកំណត់ឱកាស ដើម្បីអាចបង្កើតទម្រង់អាជីវកម្មថ្មី ឬបម្លែងអាជីវកម្មលើផ្នែកណាមួយឱ្យសមស្របនឹងតម្រូវការអតិថិជន ទោះបីជាពិភពលោកកំពុងមានស្ថានភាពបែបណាក៏ដោយ ដូចជាការរីកចម្រើននៃបច្ចេកវិទ្យា ប្រជាសាស្រ្ត វប្បធម៌ ភូមិសាស្ត្រ នយោបាយ ជំងឺរាតត្បាតដែលកើតឡើងដោយគ្មានការគ្រោងទុក(ជំងឺកូវីតជាដើម) និងអ្វីផ្សេងទៀតដែលជាព័ត៌មានដែលគេចាប់អារម្មណ៍ខ្លាំងនាពេលបច្ចុប្បន្ន។

ទី2. កំណត់វិធីល្អបំផុតដើម្បីចាប់យកឱកាស

សំដៅលើការចេះបម្លែងឱកាស ដើម្បីបញ្ចូលនៅក្នុងយុទ្ធសាស្រ្តធ្វើអាជីវកម្មរបស់អ្នក។

ហើយថ្នាក់ដឹកនាំ ត្រូវតែអភិវឌ្ឍន៍គំរូអាជីវកម្មដែលបង្កើនតម្លៃសក្តានុពលខ្លាំង។ គំរូអាជីវកម្មនេះ ត្រូវតែបញ្ចូល៖

ការបង្កើតផលិតផលសេវាកម្ម និងផ្ដោតលើទំហំទីផ្សារ ដើម្បីបំពេញតម្រូវការអតិថិជន
ការបញ្ជាក់ពីការកំណត់រចនាសម្ព័ន្ធនៃដើមទុន បច្ចេកវិទ្យា បណ្តាញចែកចាយ និងអ្វីៗផ្សេងទៀត ដែលត្រូវប្រើ ដើម្បីដំណើរការបាន
ដំណាក់កាលនៃតម្លៃដែលផ្ដល់ជូនអតិថិជន និងទិដ្ឋភាពសំខាន់ៗនៃយុទ្ធសាស្ត្រដែលអាចធ្វើបាន។

ទី3. កំណត់តម្លៃដើម្បីបង្កើតក្នុងរយៈពេលខ្លី

ថ្នាក់ដឹកនាំ ត្រូវវាយតម្លៃលើ រឿង 3 យ៉ាង

1/. ភាពទាក់ទាញរបស់ឧស្សាហកម្ម ដើម្បីទទួលបានប្រាក់ចំណេញសមរម្យ

2/. ទីតាំងប្រកួតប្រជែង ដោយបង្កើតតម្លៃពិសេសសម្រាប់អតិថិជន

3/. អន្តរកម្មប្រកួតប្រជែង

ទី4. ស្គាល់កាលៈទេសៈ

សំដៅលើ ការចេះបទបែនបានទាន់ពេលវេលា និងត្រូវជាមួយនឹងទីផ្សារគោលដៅ ដើម្បីរក្សាបាននូវគុណតម្លៃរបស់ក្រុមហ៊ុន ព្រមទាំងអាចសម្របខ្លួនជាមួយនឹងបរិបទថ្មី និងចេះអភិវឌ្ឍន៍នូវសមត្ថភាពថ្មីៗ។

ទី5. បង្កើតមូលដ្ឋានគ្រឹះសម្រាប់ជោគជ័យរយៈពេលវែង

សំដៅលើ

កំណត់ពីដំណើរការហិរញ្ញវត្ថុឱ្យជាក់លាក់
ពង្រីកជំនាញ និងធនធានដើម្បីត្រៀមការផ្លាស់ប្ដូរនាពេលអនាគត

ពាណិជ្ជកម្ម

1. ឈ្វេងយល់ថា តើអ្នកណែនាំគឺជាអ្វី?

2. ច្បាស់នឹងគោលដៅរបស់អ្នក

3. ជ្រើសរើសមនុស្សឱ្យត្រឹមត្រូវដើម្បីធ្វើជាអ្នកណែនាំដល់អ្នក

4. ត្រូវប្រាកដថា អ្នកណែនាំត្រូវតែមានទស្សនៈផ្សេងគ្នា

5. ចាប់ផ្ដើមបង្កើតទំនាក់ទំនងជាមួយអ្នកណែនាំ

6. ត្រូវជាក់លាក់អំពីអ្វីដែលអ្នកចង់បាន

7. ធ្វើឱ្យងាយស្រួលសម្រាប់ Mentor របស់អ្នក

8. ស្តាប់និងបង្ហាញពួកគេ ថាអ្នកបានឱ្យតម្លៃចំពោះមតិរបស់ពួកគេ

9. ដឹងថាអ្នកណែនាំ អាចនឹងផ្លាស់ប្តូរជាមួយអាជីពរបស់អ្នក

10. បង្ហាញការដឹងគុណ

ឈ្វេងយល់អំពី Content

គន្លឹះបង្កើត Content សម្រាប់ Facebook page សម្រាប់អាជីវកម្មរបស់អ្នក

1. Content ដែលផ្ដល់នូវគុណតម្លៃ

2. ត្រូវមានយុទ្ធសាស្ត្រអមជាមួយរូបភាព

3. ជៀសវាងការបង្ហោះវែងពេក

4. ផ្ដោតលើការចូលរួម (Focus on engagement)

5. ភ្ជាប់ទំនាក់ទំនងឱ្យដូចមិត្តភក្តិ មិនមែនជាការធ្វើអាជីវកម្ម

មនុស្សគ្មានភាពបត់បែន VS មនុស្សមានភាពបត់បែន

ហេតុអ្វីមនុស្សខ្លះមានភាពបត់បែន និងមនុស្សខ្វះទៀតគ្មានភាពបត់បែន?

សារៈសំខាន់ នៅពេលចេះបម្លែងខ្លួនឯងក្លាយជាមនុស្សបត់បែន

របៀបក្លាយជាមនុស្សមានភាពបត់បែនបានលឿន

1. ចាប់ផ្ដើមធ្វើអ្វីពីតូចសិន

2. ពង្រឹងសមត្ថភាពខួរក្បាលរបស់អ្នក

3. គិតឡើងវិញអំពីបញ្ជីការងារដែលអ្នកត្រូវធ្វើ

4. ត្រួតពិនិត្យនូវអាហារពេលព្រឹកនិងពេលយប់

5. ធ្វើលំហាត់ប្រាណ

6. អនុវត្តន៍សកម្មភាពបត់បែនឱ្យបានញឹកញាប់

ចំណេះដឹង និងលិខិតបញ្ជាក់ ដែលអ្នកត្រូវការដើម្បីក្លាយជា Copywriter

ជំនាញដែល Copywriter ចាំបាច់ត្រូវតែមាន

តួនាទីនិងទំនួលខុសត្រូវរបស់ Copywriter

តើ Copywriter សរសេរពីអ្វីខ្លះ?

តិចនិកបែងចែកការងារឱ្យក្រុមការងារដ៏ល្អ

1. បង្កើតផែនការ

2. បញ្ជាក់ពីតួនាទី

3. កំណត់ការរំពឹងទុក

4. បង្កើតទំនាក់ទំនងជាលក្ខណៈប្រព័ន្ធ

5. បទបែនលឿន

6. បង្កើតគោលការណ៍​សម្រាប់ក្រុម

ជំហានដំបូង

ចាប់ផ្ដើមប្រតិបត្តិការ

1. ចំណុចចាប់ផ្ដើម

2. ពិព័ណ៌នាអំពីអាជីវកម្មលម្អិត

អ្នកអាចសរសេរព័ណ៌នាអំពីអាជីវកម្មដ៏មានឥទ្ធិពល អ្នកអាចអនុវត្តតាមវិធីខាងក្រោម៖

ដើម្បីជាជំនួយក្នុងការសរសេរព័ណ៌នាអាជីវកម្មឱ្យកាន់តែល្អ អ្នកអាចឆ្លើយនិងរិះគិតអំពីសំណួរខាងក្រោមបន្ថែម៖

3. វិភាគទីផ្សារ និងគូប្រកួតប្រជែង

អនុវត្តការវិភាគ SWOT ដើម្បីស្វែងយល់ពីចំណុចខ្លាំង ចំណុចខ្សោយ ឱកាស និងការគំរាមកំហែងរបស់ពួកគេ

4. រៀបចំហេដ្ឋារចនាសម្ព័ន្ធប្រតិបត្តិការ

5. ប្រភពដើមទុន

6. វិភាគហិរញ្ញវត្ថុ

7. វិភាគពីហានិភ័យនានា

8. យុទ្ធសាស្រ្តទីផ្សារនិងការលក់

ដើម្បីធ្វើផែនការទីផ្សារ អ្នកត្រូវអនុវត្តន៍តាមវិធីសាស្រ្តខាងក្រោម៖

ដើម្បីធ្វើផែនការលក់ អ្នកត្រូវអនុវត្តន៍តាមវិធីសាស្រ្តខាងក្រោម៖

9. យុទ្ធសាស្រ្ត SWOT

អ្នកត្រូវតែប្រើយុទ្ធសាស្រ្តនេះដើម្បីវិភាគ SWOT លើអាជីវកម្មរបស់អ្នក។

T= Threats ៖ ភាពគំរាមគហែងដែលអាជីវកម្មនឹងទទួលរងគ្រោះ ដូចជាដៃគូប្រកួតប្រជែងធ្វើបានល្អជាងជាដើម។

10. ការគ្រប់គ្រងក្រុម

1. គោលដៅគ្មានភាពច្បាស់លាស់

2. គោលដៅដែលមិនអាចវាស់វែងបាន

3. មិនបានសរសេរគោលដៅដាក់ក្នុងក្រដាស

4. មិនកំណត់ពេលវេលាដើម្បីសម្រេចគោលដៅជាក់លាក់

5. មិនដឹងពីរបៀបដើម្បីសម្រេច

6. រស់នៅក្នុងបរិបទដែលមិនគាំទ្រលើគោលដៅរបស់អ្នក

7. មិនចេះរក្សាចំណង់ឆេះឆួល

8. ខ្វះគោលបំណងជាក់លាក់

9. ធ្វើអ្វីដោយគ្មានភ្ជាប់ពាក្យ ហេតុអ្វី? ដោយរបៀបណា?

10. ខ្វះការអនុវត្ត

11. ផ្ដោតខ្លាំងលើអ្វីដែលខ្លួនឯងគ្មាន

12. ខ្វះការផ្ដោត

13. ខ្វះមានជឿជាក់

14. មិនរៀនពីកំហុស ដើម្បីកែតម្រូវ

15. កំណត់គោលដៅដែលមិនទាក់ទងនឹងជីវិតផ្ទាល់ខ្លួន

16. មិនចាកចេញពី Comfort Zone

17. ឆាប់បោះបង់

18. មិនចេះបែងចែកជាគោលដៅតូចៗ

តើអ្វីជា Storytelling?

តើ Storytelling អាចជួយឱ្យអាជីវកម្មរីកចម្រើនដោយរបៀបណា?

បុព្វហេតុនៃការចាប់ផ្ដើមដំបូង

បញ្ហាចម្បងដែលបានកើតឡើង

សមិទ្ធផលរបស់ Zuckerberg

6. បង្កើតគោលការណ៍សម្រាប់ក្រុម