សៀវភៅល្អបំផុត ដើម្បីបង្កើនចំណេះដឹងអាជីវកម្ម

សៀវភៅសម្រាប់បង្កើនចំណេះដឹងអាជីវកម្ម កំពុងមានការដាក់លក់ ក៏ដូចជាផ្ដល់ជូនដោយឥតគិតថ្លៃជាច្រើននៅលើប្រព័ន្ធអនឡាញ។ ទោះបីជាយ៉ាងនេះក្ដី ប្រសិនបើសៀវភៅណាមួយដែលអ្នកចង់ចំណាយពេលអានដើម្បីទទួលបានចំណេះដឹងផ្នែកអាជីវកម្ម ហើយវាត្រូវការចំណាយប្រាក់ នោះអ្នកក៏ត្រូវហ៊ានចំណាយផងដែរ។

ចំពោះខ្លឹមសារនៅខាងក្រោម នឹងបង្ហាញពីចំណងជើង និងការណែនាំខ្លីៗអំពីសៀវភៅនីមួយៗ ដែលអ្នកអាចជ្រើសរើសដើម្បីអានបង្កើនចំណេះដឹងអាជីវកម្មរបស់អ្នក។

1. សៀវភៅ The E Myth Revisited៖ ហេតុអ្វីបានជាអាជីវកម្មខ្នាតតូចភាគច្រើនមិនដំណើរការ និងអ្វីដែលត្រូវធ្វើអំពីវា (1995) និពន្ធដោយ Michael E. Gerber

នៅក្នុងសៀវភៅនេះ អ្នកនិពន្ធនឹងបង្ហាញអ្នកអំពីចំណេះដឹងពាក់ព័ន្ធនឹងការចាប់ផ្ដើមអាជីវកម្មផ្ទាល់ខ្លួន និងបង្ហាញពីរបៀបដែលអាចដំណើរការអាជីវកម្ម ព្រមទាំងណែនាំនៃអាជីវកម្មទាំងអស់ដែលទទួលបានជោគជ័យ និងបង្ហាញពីរបៀបអនុវត្តន៍មេរៀននៃការធ្វើអាជីវកម្ម Franchise ជាដើម។ បន្ថែមពីនេះ ក៏បង្ហាញអ្នកពីវិធីដែលអាចពង្រីកអាជីវកម្មរបស់អ្នកតាមរបៀបដែលអាចទស្សន៍ទាយបាន និងមានផលិតភាពល្អ។

2. សៀវភៅ Think and Grow Rich៖ ជាសៀវភៅដែលលក់ដាច់ជាងគេបំផុត ហើយឥឡូវនេះត្រូវបានកែសម្រួល និងធ្វើបច្ចុប្បន្នភាពសម្រាប់សតវត្សទី 21 និពន្ធដោយ Napolean Hill

នៅក្នុងសៀវភៅនេះ អ្នកនិពន្ធនឹងបង្ហាញពីច្បាប់នៃភាពជោគជ័យ និងបង្ហាញពីរឿងរ៉ាវជីវិតនៃការបង្កើតទ្រព្យសម្បត្តិរបស់ Andrew Carnegie, Thomas Edison, Henry Ford និងមហាសេដ្ឋីផ្សេងទៀតក្នុងជំនាន់របស់គាត់។

3. សៀវភៅ Rich Dad Poor Dad៖ ជាអ្វីដែលអ្នកមានបង្រៀនកូនៗអំពីលុយ ដែលអ្នកក្រ និងវណ្ណៈកណ្តាលធ្វើមិនបាន និពន្ធដោយ Robert Kiyosaki

នៅក្នុងសៀវភៅនេះ អ្នកនិពន្ធនឹងបង្ហាញពីរបៀបដែលឪពុកអ្នកមានបង្រៀនកូនឱ្យចេះរកប្រាក់ចំណូលឱ្យក្លាយជាអ្នកមាន និងចំណេះដឹងអំពីហិរញ្ញវត្ថុ។

4. សៀវភៅ Shoe Dog៖ អនុស្សាវរីយ៍របស់អ្នកបង្កើត Nike និពន្ធដោយ Phil Knight

នៅក្នុងសៀវភៅនេះ អ្នកនិពន្ធនឹងបង្ហាញពីអនុស្សាវរីយ៍ជាលើកដំបូងក្នុងការបង្កើតក្រុមហ៊ុន Nike ទាំងពីការចាប់ផ្តើមអាជីវកម្មដ៏រឹងមាំ និងការវិវត្តរបស់វាទៅជាម៉ាកយីហោដ៏ល្បីទូទាំងពិភពលោក និងអាចរកប្រាក់ចំណេញបានយ៉ាងច្រើន។

5. សៀវភៅ Zero to One៖ កំណត់ចំណាំលើការចាប់ផ្តើមអាជីវកម្ម ឬរបៀបកសាងអនាគត និពន្ធដោយ Peter Thiel

សៀវភៅនេះ អ្នកនិពន្ធនឹងបង្ហាញពីរបៀបបង្កើតក្រុមហ៊ុនដែលបង្កើតអ្វីៗថ្មី ដោយផ្ដើមពីចំណុចសូន្យ ទៅចំណុចលេខមួយ ព្រមទាំងមានការលើកទិដ្ឋភាពជាក់ស្ដែងនៃការចាប់ផ្ដើមអាជីវកម្មដំបូងរបស់សហគ្រិនជោគជ័យជាច្រើនរូប។

6. សៀវភៅ The $100 Startup៖ បង្កើតឡើងវិញនូវវិធីដែលអ្នកបង្កើតជីវិត ធ្វើអ្វីដែលអ្នកស្រលាញ់ និងបង្កើតអនាគតថ្មី និពន្ធដោយ Chris Guillebeau

នៅក្នុងសៀវភៅនេះ អ្នកនិពន្ធនឹងបង្ហាញពីរបៀបដឹកនាំជីវិតធ្វើដំណើរផ្សងព្រេង ជីវិតពោរពេញដោយអត្ថន័យ និងការមានគោលបំណង ព្រមទាំងអាចរកបាននូវការរស់នៅដ៏ល្អ។

7. សៀវភៅ The Creative Curve៖ របៀបបង្កើតគំនិត និងពេលវេលាដ៏ត្រឹមត្រូវ និពន្ធដោយ Allen Gannett

នៅក្នុងសៀវភៅនេះ អ្នកនិពន្ធនឹងបង្ហាញពីទិន្នន័យធំជុំវិញនៃភាពប៉ិនប្រសប់ដើម្បីច្នៃប្រឌិត និងបង្ហាញពីវិទ្យាសាស្ត្រនានា និងអាថ៌កំបាំងនៅពីក្រោយការសម្រេចបានជោគជ័យផ្នែកពាណិជ្ជកម្មនៅក្នុងវិស័យណាមួយ។

8. សៀវភៅ Start៖ កម្ចាត់ភាពភ័យខ្លាចនៅចំពោះមុខ គេចចេញពីផ្លូវមធ្យម ហើយធ្វើការដែលសំខាន់ វិញ និពន្ធដោយ Jon Acuff

នៅក្នុងសៀវភៅនេះ អ្នកនិពន្ធបង្ហាញពីជំហានឆ្ពោះទៅរកការមិនជាប់គាំង និងត្រលប់ទៅរកផ្លូវនៃភាពអស្ចារ្យវិញ។ បន្ថែមពីនេះ ក៏បង្ហាញនូវការយល់ដឹងអំពីផ្លូវពីរនៅក្នុងជីវិត គឺមធ្យម និងអស្ចារ្យ។ មធ្យម គឺជាផ្លូវមួយនៃការតស៊ូតិចបំផុត ប៉ុន្តែទទួលបានរង្វាន់តិចជាង។ ផ្លូវអស្ចារ្យ គឺជាការបន្តធ្វើសកម្មភាព ដើម្បីទទួលបានលទ្ធផលអស្ចារ្យ ក្នុងនោះ Acuff ក៏បានផ្តល់នូវផែនទីដើម្បីចាប់ផ្ដើមផងដែរ ដោយអាចរុញច្រានឱ្យផុតពីបញ្ហាដែលកើតឡើង ហើយទីបំផុតបង្កើតការងារដែលសំខាន់ដោយជោគជ័យ។

ពាណិជ្ជកម្ម

វីធី 3 ធ្វើឱ្យអ្នកជាមនុស្សទទួលបានលទ្ធផលល្អច្រើនជាប្រចាំថ្ងៃ

Sann Thaven

ផលិតភាព ជាអ្វីដែលមនុស្សចង់បាន ដោយក្នុងនោះពួកគេចង់ចំណាយពេលវេលារបស់ពួកគេធ្វើនូវអ្វីដែលទទួលបានលទ្ធផលល្អបានច្រើនជាប្រចាំថ្ងៃ ប៉ុន្តែអ្វីដែលជាបញ្ហាចោទនោះគឺថា ជាទូទៅកម្លាំងនៃភាពឆេះឆួលក្នុងការធ្វើអ្វីមួយ វាបានតែដំបូងប៉ុណ្ណោះ ដោយពេលខ្លះក៏មានអារម្មណ៍ហត់នឿយ ឬត្រូវការពេលវេលាឈប់សម្រាកជាដើម។ ហេតុដូចនេះហើយ ជាដំណោះស្រាយនៅក្នុងខ្លឹមសារអត្ថបទមួយនេះ នឹងបង្ហាញពីវិធីចំនួន 3 ដែលអ្នកអាចអនុវត្តន៍ ដើម្បីបង្កើនផលិតភាព និងទទួលបានលទ្ធផលល្អច្រើនជារៀងរាល់ថ្ងៃ ដោយមិនធ្វើឱ្យកត្តាផ្សេងៗមករារាំង ជាពិសេសថ្ងៃចុងសប្ដាហ៍ និងថ្ងៃឈប់សម្រាក។ ហើយខ្លឹមសារទាំងនេះ យើងបានដកស្រង់ចេញពីគេហទំព័ររបស់ Psychology Today។

វិធី 3 នោះ រួមមាន៖

1. ផ្នត់គំនិតនៃភាពទាក់ទាញឱ្យចង់ធ្វើ

នៅក្នុងឆ្នាំ2022 នេះ លោក Scott Dust នៃសាកលវិទ្យាល័យ Miami និងសហការី បានធ្វើការសិក្សាស្រាវជ្រាវអំពីចំណុចកំពូល និងទាបនៃភាពរីករាយប្រចាំសប្ដាហ៍ ក៏ដូចជាអាកប្បកិរិយារបស់មនុស្សចំពោះការងាររបស់ពួកគេ។

ការសិក្សាស្រាវជ្រាវនោះបង្ហាញថា មនុស្សធ្វើសកម្មភាពដែលអាចទទួលបានលទ្ធផលល្អច្រើន៖

តាមរយៈវដ្ដអាកប្បកិរិយា សំដៅលើការបំពេញកិច្ចការងារទាំងនៅកន្លែងការងារ ការរស់នៅ និងកន្លែងផ្សេងៗទៀតជាលក្ខណៈប្រព័ន្ធ ដោយមានលំនាំ និងបទដ្ឋានក្នុងការធ្វើជាដើម។ បន្ថែមពីនេះ អាចរៀបចំផែនការជីវិតជាក់លាក់មួយ ដើម្បីធ្វើតាមអ្វីដែលបានរៀបចំនោះ។ ហើយទាំងនេះ វាជាចំណុចមួយដែលអាចទាក់ទាញចិត្តមនុស្សឱ្យបំពេញកិច្ចការបានល្អ។
ការដឹងថាអ្វីជាការលើកទឹកចិត្តដ៏សំខាន់នៅក្នុងជីវិត ដោយគ្រាន់តែនឹកឃើញ និងធ្វើសកម្មភាពនោះ អ្នកនឹងមានកម្លាំងចិត្តដ៏ខ្លាំងក្លា។ ដូច្នេះត្រង់ចំណុចនេះ អ្នកត្រូវតែរកឱ្យឃើញនូវកត្តាលើកទឹកចិត្តរបស់អ្នកដែលសំខាន់ជាងគេ បន្ទាប់មកបង្កើតវដ្ដនៃលំនាំដែលអ្នកត្រូវធ្វើជាប្រចាំដើម្បីផ្ដល់ជាការជំរុញទឹកចិត្តរបស់អ្នក ទាំងនៅកន្លែងធ្វើការ ផ្ទះ និងកន្លែងផ្សេងៗ។
បង្កើតការនឹកស្រមៃអំពីការសម្រាកនៅចុងសប្ដាហ៍ ដើម្បីធ្វើឱ្យអារម្មណ៍អ្នកខិតខំធ្វើកិច្ចការងាទាំងឡាយឱ្យបានរួចរាល់មុនថ្ងៃដែលអ្នកត្រូវសម្រាក

2. ការគ្រប់គ្រងការលើកទឹកចិត្ត និងផ្លូវចិត្ត TGIF

ចំពោះការគ្រប់គ្រងការលើកទឹកចិត្តនេះ សំដៅលើការធ្វើឱ្យខ្លួនឯងរក្សាបាននូវកម្លាំងចិត្តបន្តធ្វើកិច្ចការនានារហូតបានសម្រេច ដោយមិនងាយបាត់បង់នូវអារម្មណ៍ផ្ដោត និងភាពឆេះឆួលរបស់អ្នក។ លើសពីនេះ វាជាផ្នែកមួយដែលអ្នកខ្លួនឯង ជាអ្នកជំរុញខ្លួនឯងឱ្យខិតខំធ្វើកិច្ចការទាំងឡាយ ដោយមិនរងចាំនរណាមកបញ្ជា ឬរងចាំកត្តាផ្សេងៗមកជំរុញឡើយ។

រីឯការគ្រប់គ្រងផ្លូវចិត្ត TGIF “Thank God It’s Friday” សំដៅលើការធ្វើឱ្យថ្ងៃសុក្រជាថ្ងៃពិសេសដ៏អស្ចារ្យដែលអ្នកទទឹងរងចាំ ដោយវាមិនមែនគ្រាន់ជាថ្ងៃចុងសប្ដាហ៍ដែលត្រូវសម្រាកប៉ុណ្ណោះឡើយ ប៉ុន្តែជាថ្ងៃដែលអ្នកបានបញ្ចប់ការងារបានយ៉ាងល្អនៅក្នុងសប្ដាហ៍នេះ ដោយអ្នកបានខិតខំធ្វើការពីដើមសប្ដាហ៍ ដើម្បីបញ្ចប់កិច្ចការងារយ៉ាងរលូន បន្ទាប់មកអបអរសាទរខ្លួនឯងសម្រាប់ថ្ងៃសុក្រនៃភាពជោគជ័យក្នុងសប្ដាហ៍នេះ ដើម្បីឈាននូវការធ្វើកិច្ចការថ្មីនៅសប្ដាហ៍បន្ទាប់។ ហើយវាក៏ជាផ្នែកនៃការជំរុញទឹកចិត្តអ្នកឱ្យខ្លាំងក្លាដើម្បីធ្វើការ។

ម្យ៉ាងវិញទៀត អ្នកក៏អាចវាយតម្លៃខ្លួនឯងជាប្រចាំសប្ដាហ៍ តាមវិធីសាស្រ្តខាងក្រោមផងដែរ៖

ពិនិត្យលើចរិតលក្ខណៈផ្ទាល់ខ្លួនដែលបានប្រព្រឹត្តខុស ឬធ្វើអ្វីមិនបានយកចិត្តទុកដាក់ តាមរយៈការដាក់ពិន្ទុឱ្យខ្លួនឯង
តម្រូវការនៃការបំពេញការងារឱ្យរួចរាល់ ដោយធ្វើការបានលឿន និងមិនពន្យាពេល
កម្រិតនៃការគ្រប់គ្រងការលើកទឹកចិត្តខ្លួនឯង ដោយត្រូវធានាថាគ្មានអ្វីមករារាំងអ្នកឱ្យធ្លាក់ទឹកចិត្តមិនចង់បំពេញការងារឡើយ
ការអនុវត្តន៍ការងារជាប្រចាំថ្ងៃ ដោយធានាថាខ្លួនឯងបានបញ្ចប់ការងារសំខាន់ៗរួចរាល់ និងទានពេលវេលា

3. ជៀសវាងការធ្វើជាមនុស្ស TGIF

នៅក្នុងចំណុចនេះ ចង់សំដៅថា ប្រសិនបើអ្នកធ្វើជាមនុស្ស TCIF នោះអ្នកនឹងមិនព្រមផ្ដោតលើការធ្វើការងារឱ្យបានរួចរាល់ឡើយ ដោយអ្នកគិតថាថ្ងៃនេះ ជាថ្ងៃសុក្រដែលជិតចុងនៃសប្ដាហ៍ ហើយវាក៏ពេលវេលាសម្រាក ដូច្នេះអ្នកនឹងបន្ថយល្បឿននៃការខិតខំធ្វើកិច្ចការងារនានាមិនខាន។ ប៉ុន្តែជាដំណោះស្រាយដើម្បីគេចចេញពីការធ្វើជាមនុស្សចូលចិត្តសម្រាកនៅថ្ងៃចុងសប្ដាហ៍ អ្នកអាចអនុវត្តន៍តាមវិធីខាងក្រោម៖

ព្យាយាមហ្វឹតហាត់ចិត្តរបស់អ្នក៖ តាមរយៈការបង្ហាញនូវហេតុផលសំខាន់នានា ដើម្បីធ្វើឱ្យចិត្តរបស់អ្នកនៅតែមានការយកចិត្តទុកដាក់ និងមានការផ្ដោតអារម្មណ៍ខ្ពស់ក្នុងការបំពេញការងារឱ្យបានរួចរាល់ ដើម្បីភាពជោគជ័យក្នុងសប្ដាហ៍នីមួយៗ ដោយមិនឱ្យមានការរំខាននៃការមកដល់នូវថ្ងៃចុងសប្ដាហ៍ ឬថ្ងៃឈប់សម្រាកឡើយ។
បង្កើតបញ្ហាប្រឈមបន្ថែមទៀតសម្រាប់ខ្លួនឯង៖ មានន័យថា ប្រសិនបើកិច្ចការងាររបស់មិនទាន់រួចរាល់ ឬមិនទាន់មានលទ្ធផលដ៏អស្ចារ្យស្របតាមអ្វីដែលអ្នកចង់បាននោះទេ ចូរបង្កើននៃការកំណត់នូវឆន្ទះ ឬបន្ថែមកម្រិតភាពលំបាកដល់ខ្លួនឯងលើចំណុចមួយចំនួន ដើម្បីធ្វើឱ្យខ្លួនឯងអាចទទួលបាននូវអ្វីដែលបានកំណត់នោះ។ ព្យាយាមឱ្យអស់លទ្ធភាពដែលអ្នកមាន។
កិច្ចការបន្ទាប់បន្សំដែលអាចរំខាននៃការសម្រេចអ្វីមួយដែលអ្នកកំពុងធ្វើ៖ មានន័យថា ប្រសិនបើអ្នកមានកិច្ចការងារសាលា កិច្ចការងារផ្ទះ ឬការណាត់ជួបផ្សេងៗ និងការងារប្រចាំថ្ងៃនៅក្នុងជីវិតរបស់អ្នកក្រៅពីការងារសំខាន់ដែលអ្នកត្រូវធ្វើនៅក្រុមហ៊ុន អ្នកត្រូវតែកំណត់ពេលវេលាជាក់លាក់ក្នុងការធ្វើរឿងនោះ ដើម្បីការពារកុំឱ្យវាប៉ះពាល់ដល់ផលិតភាពការងាររបស់អ្នកនៅក្រុមហ៊ុនជាដើម។

ពាណិជ្ជកម្ម

សារៈសំខាន់នៃការរស់នៅក្នុងជីវិតបច្ចុប្បន្ន

Sann Thaven

មនុស្សភាគច្រើន តែងតែធ្វើឱ្យជីវិតរស់នៅរបស់ខ្លួនឯងមានកង្វល់កើតទុក្ខ និងរស់នៅក្នុងសេចក្ដីព្រួយបារម្ភ ឬភ័យខ្លាចជាប្រចាំ តាមរយៈការរស់នៅក្នុងអតីតកាលដោយតែងតែរំលឹកនូវរឿងរ៉ាវដែលជាភាពឈឺចាប់ និងកំហុសឆ្គងទាំងឡាយដែលបានកើតឡើងកន្លងមក។ ម្យ៉ាងទៀត ពេលខ្លះក៏ធ្វើឱ្យជីវិតគ្មានសេចក្ដីសុខ ដោយសារតែគិតច្រើនអំពីអនាគតដែលនឹងកើតឡើងនាពេលពេលខាងមុខដែរ។

ហេតុដូច្នេះ តើត្រូវតែឈប់គិតរឿងរ៉ាវដែលកើតឡើងនៅអតីតកាល និងអនាគតកាលទាំងស្រុងឬយ៉ាងណា? ចម្លើយមិនមែននោះទេ ប៉ុន្តែអ្វីដែលអ្នកត្រូវធ្វើនោះគឺ៖

អតីតកាល៖ អ្នកត្រូវតែប្រមូលរឿងរ៉ាវល្អៗដែលបានកើតឡើងកន្លងមក ដើម្បីធ្វើជាបទពិសោធន៍ ជាមេរៀន ដើម្បីកែប្រែឱ្យកាន់តែល្អនាពេលបន្ទាប់ ព្រមទាំងអាចរំលឹករឿងទាំងនោះដើម្បីផ្ដល់ជាកម្លាំងចិត្ត ភាពសប្បាយរីករាយដល់អ្នកក្នុងពេលបច្ចុប្បន្ន។ ប៉ុន្តែអ្វីដែលអ្នកគួរតែបំភ្លេចចោលនោះគឺ អ្វីដែលបានកើតឡើងក្នុងពេលអតីតកាលដែលជារឿងឈឺចាប់ និងទុក្ខកង្វល់នានា ពីព្រោះវាបានកន្លងផុតហើយ។

អនាគតកាល៖ អ្នកអាចរៀបចំផែនការជីវិតដែលអ្នកចង់ទទួលបានឱ្យមានភាពច្បាស់លាស់ ដើម្បីកសាងជីវិតឱ្យសមស្របជាមួយនឹងអ្វីដែលអ្នកចង់ឃើញខ្លួនឯងនាពេលអនាគត ព្រមទាំងចៀសវាង ឬកែតម្រូវអ្វីដែលមិនល្អដែលបានកើតឡើងនៅក្នុងអតីតកាល។ ប៉ុន្តែសូមកុំធ្វើឱ្យខ្លួនឯងគ្មានសេចក្ដីសុខ ឬរស់នៅដោយវេទនានាពេលបច្ចុប្បន្ន ដើម្បីរងចាំថ្ងៃល្អនាពេលអនាគត។ ហេតុនេះ បើអ្នកចង់ឱ្យអនាគតរបស់អ្នកមានភាពល្អ លុះត្រាតែអ្នកធ្វើសកម្មភាពនាពេលបច្ចុប្បន្នឱ្យបានល្អជាមុនសិន។

ឆ្លុះបញ្ចាំងមកវិញ មានន័យថា ការរស់នៅក្នុងជីវិតបច្ចុប្បន្ន ជាការល្អបំផុត ពីព្រោះជីវិតបច្ចុប្បន្នជាពេលវេលាដែលអ្នកអាចបង្កើតសាច់រឿងថ្មីដែលកើតតែល្អសម្រាប់អ្នក មិនមែនជាសាច់រឿងដែលបានកើតឡើងក្នុងអតីតកាល ហើយក៏មិនមែនជាសាច់រឿងដែលអ្នកស្រមៃគិតនាពេលអនាគតឡើយ ប៉ុន្តែវាជាសាច់រឿងជីវិតពិតដែលកើតឡើងមកលើជីវិតរបស់អ្នក។

ដូច្នេះតើអ្វីជាសារៈសំខាន់បំផុតនៃការរស់នៅក្នុងជីវិតបច្ចុប្បន្ន?

សារៈសំខាន់ទាំងនោះរួមមាន៖

1. ស្គាល់អំពីខ្លួនឯងកាន់តែច្បាស់

ការរស់នៅក្នុងជីវិតបច្ចុប្បន្ន នឹងធ្វើឱ្យអ្នកដឹងថាខ្លួនឯងជានរណា និងចង់បង្កើតអ្វីឱ្យកើតឡើងនៅក្នុងជីវិតរបស់អ្នក ព្រមទាំងអ្នកនឹងរៀនទទួលស្គាល់ការពិតគ្រប់យ៉ាងអំពីខ្លួនឯង។ យោងតាមការពន្យល់អំពីអតីតកាល និងអនាគតកាលខាងលើ ក៏បានបញ្ជាក់ដែលថាមិនមែនឱ្យអ្នកមិនគិតអំពីអតីតកាល និងអនាគតទេ ប៉ុន្តែត្រូវមានវិធីគិតដែលរៀបរាប់ខាងលើ ដូច្នេះអ្នកអាចទាញប្រយោជន៍ពីគិតទាំងនេះ ដើម្បីធ្វើឱ្យអ្នកកាន់តែខ្លាំង និងកាន់តែមានជំនឿជាក់លើខ្លួនឯង ជាពិសេសដឹងថាខ្លួនឯងជានរណា។ រឿងរ៉ាវអតីតកាល ក៏ជាផ្នែកមួយជំរុញឱ្យអ្នកដឹងថា អ្នកចូលចិត្តអ្វី មានបុគ្គលិកលក្ខណៈបែបណា និងអាចនាំអ្នកគិតនៅក្នុងពេលបច្ចុប្បន្នថា អ្នកនឹងត្រូវធ្វើវាឥលូវនេះ ដើម្បីបង្កើតអ្វីមួយសម្រាប់ខ្លួនឯងឱ្យមានការកើតឡើងនាពេលខាងមុខ។

2. បង្កើតក្ដីសុខជីវិតខ្លួនឯងបានច្រើនជាងមុន

ជីវិតបច្ចុប្បន្ន ជាជីវិតពិត ដូច្នេះបើអ្នកចំណាយពេលក្នុងមួយជីវិតរបស់អ្នកកាន់តែច្រើនលើវា នោះជីវិតរបស់អ្នកកាន់តែស្រស់បំព្រងឡើង ពីព្រោះអ្នកនឹងយល់ថា អតីតកាលជាមេរៀនជីវិត ហើយអនាគតជាអ្វីដែលអាចកើតឡើងបាន លុះត្រាតែអ្នករៀបចំផែនការជីវិតដោយចាប់ផ្ដើមធ្វើសកម្មភាពនាពេលបច្ចុប្បន្ន។ បន្ថែមពីនេះ ការរស់នៅក្នុងជីវិតបច្ចុប្បន្ន នឹងធ្វើឱ្យអ្នកព្យាយាមចំណាយពេលវេលាច្រើន ដើម្បីធ្វើនូវអ្វីដែលអ្នកចង់ធ្វើ ដោយមិនរងចាំឱ្យខ្លួនឯងសោកស្ដាយនៅថ្ងៃអនាគតឡើយ ឧទាហរណ៍ ថ្ងៃនេះ អ្នកព្យាយាមធ្វើរឿងរ៉ាវជាច្រើនដែលអ្នកគិតថាសំខាន់ ហើយល្អ ដោយមិនរងចាំថ្ងៃស្អែកដើម្បីធ្វើឡើយ ពីព្រោះពេលវេលាថ្ងៃនេះ នឹងក្លាយជាអតីតកាល ពីព្រោះអនាគតដែលជាថ្ងៃស្អែកនឹងមកដល់ ដូច្នេះបើអ្នកមិនធ្វើឥលូវ តើនឹងមានអ្វីកើតឡើង។

ពាណិជ្ជកម្ម

តើនរណាជាកំពូលអ្នកមានលំដាប់លេខ 1 នៃប្រទេសថៃ?

Sann Thaven

កំពូលអ្នកមានជាងគេ តែងតែមានប្រចាំប្រទេសនីមួយៗ ហេតុដូចនេះ តើអ្នកមានដឹងទេថានៅប្រទេសថៃ តើនរណាជាកំពូលអ្នកមានជាងគេ?

បើយោងតាមទស្សនាវដ្ដី Forbes បានបង្ហាញឱ្យឃើញថា Chearavanont brothers ជាអ្នកមានបំផុតនៅក្នុងប្រទេសថៃប្រចាំឆ្នាំ 2021 ដែលជាឆ្នាំធ្វើបច្ចុប្បន្នភាពចុងក្រោយគេបំផុតរបស់ Forbes ដោយឡែកក្នុងឆ្នាំ 2022 គឺពុំទាន់មានការបង្ហាញពីការផ្លាស់ប្ដូរនៅឡើយនោះទេ។ ការធ្វើបច្ចុប្បន្នភាពចុងក្រោយថ្ងៃទី6 ខែកក្កដា ឆ្នាំ2021 Chearavanont brothers មានទ្រព្យសម្បត្តិសុទ្ធសរុបចំនួន 30.2 ពាន់លានដុល្លារ ដោយប្រភពចំណូលធំបំផុតគឺបានមកពីអាហារនៃក្រុមហ៊ុន C.P. គ្រុប។

ក្រុមហ៊ុន Charoen Pokphand Group Co., Ltd. ជាក្រុមហ៊ុនមេរបស់ C.P. គ្រុប ព្រមទាំងកាន់កាប់ភាគហ៊ុនរបស់ក្រុមហ៊ុនបុត្រសម្ព័ន្ធនៅក្នុងប្រទេសថៃ និងក្រៅប្រទេស ដែលត្រូវបានចាត់ថ្នាក់ជា 8 Business Lines គ្របដណ្តប់ 13 Business Groups។ បន្ថែមពីនេះ C.P. គ្រុបបានរីកធំធាត់ទៅជាអង្គការធុរកិច្ចពិភពលោកជាមួយនឹងការបណ្តាក់ទុននៅក្នុង 21 ប្រទេស។ អាជីវកម្មស្នូលបីរបស់ក្រុមហ៊ុន គឺផ្ដោតលើកសិឧស្សាហកម្ម អាហារ ការលក់រាយ និងចែកចាយ និងឧស្សាហកម្មប្រព័ន្ធផ្សព្វផ្សាយ និងទូរគមនាគមន៍។

នៅក្នុងខែមីនា ឆ្នាំ 2020 ក្រុមហ៊ុន CP Group បានធ្វើការដេញថ្លៃដោយជោគជ័យចំនួន $10.6 ពាន់លានដុល្លារ ដើម្បីទទួលបានប្រតិបត្តិការរបស់ក្រុមហ៊ុន Tesco នៅក្នុងប្រទេសថៃ និងម៉ាឡេស៊ី។

គួរបញ្ជាក់ផងដែរថា ក្រុមហ៊ុននេះទទួលបានជោគជ័យ ហើយ កាChearavanont brothers ក្លាយជាកំពូលអ្នកមានជាងគេនៅក្នុងប្រទេសថៃ មិនមែនជាការចាប់ផ្ដើមមនុស្សតែម្នាក់ឡើយ ប៉ុន្តែជារចាប់ជាមួយនឹងបងប្អូនដែលមាននាមត្រកូល Chearavanont ដែលជាឈ្មោះឪពុក ដូច្នេះហើយទើបទស្សនាវដ្ដី Forbes បានសរសេរថា Chearavanont brothers។ បងប្អូននៃត្រកូល Chearavanont រួមមាន 3 នាក់ ៖ Soopakij Chearavanont, Dhanin Chearavanont និង Suphachai Chearavanont។

ពាណិជ្ជកម្ម

ទម្លាប់ប្រចាំថ្ងៃដែលធ្វើឱ្យអ្នកឆ្លាតជាងមុន

Sann Thaven

ទម្លាប់បែបណា សកម្មភាពនឹងបែបនោះដែរ ដូច្នេះបើទម្លាប់របស់អ្នកល្អ អ្នកនឹងព្យាយាមធ្វើសកម្មភាពល្អ ហើយក៏ទទួលបាននូវលទ្ធផលល្អដូចគ្នា។ ម្យ៉ាងវិញទៀត ប្រសិនបើអ្នកចង់ធ្វើឱ្យខ្លួនឯងកាន់តែមានភាពវៃឆ្លាត លុះត្រាតែអ្នកកែទម្លាប់មិនល្អទាំងឡាយហើយព្យាយាមបង្កើតទម្លាប់ល្អៗ ដើម្បីហ្វឹកហាត់ខួរក្បាលរបស់អ្នក និងបង្កើនសមត្ថភាពឱ្យកាន់តែល្អ។

ហេតុដូចនេះ យើងក៏បានចម្រាញ់យកទម្រាំមួយចំនួនដែលអ្នកអាចអនុវត្តន៍បានជាប្រចាំ ដើម្បីបង្កើនទម្លាប់ល្អ និងបង្កើនភាពឆ្លាតវៃជាងមុន។

1. អានឱ្យបានច្រើនតាមដែលអាចធ្វើបាន

ការអាន មានសារៈសំខាន់ខ្លាំងណាស់ ដូចជាកាត់បន្ថយភាពស្រ្តេស បង្កើនជំនាញទំនាក់ទំនងកាន់តែល្អ ព្រមទាំងជួយអ្នកឱ្យមានចំណេះដឹងច្រើន និងមានព័ត៌មានកាន់តែទូលំទូលាយនៅក្នុងខួរក្បាល។ ចំណេះដឹងទាំងនេះ ក៏ជួយអ្នកឱ្យមានការរិះគិតបានល្អប្រសើរ និងមានការសម្រេចចិត្តបានលឿន ព្រមទាំងជួយអ្នកឱ្យរីកចម្រើននៅក្នុងជីវិតជាងមុន ជាពិសេសផ្នែករិះគិត និងការពង្រឹងអាជីពផ្ទាល់ខ្លួន។ បន្ថែមពីនេះ វាក៏ជាផ្នែកមួយដ៏សំខាន់ក្នុងការជួយអ្នកឱ្យមានភាពវៃឆ្លាត និងមានបត់បែនបានល្អផងដែរ។

2. ឧស្សាហ៍ចេញក្រៅជាមួយបុគ្គលដែលឆ្លាតជាងអ្នក

ពាក្យចាស់លោកពោលថា “សេពគប់ជាមួយនរណា អ្នកនឹងក្លាយជាបុគ្គលបែបនោះដែរ” ដូច្នេះនៅក្នុងចំណុចនេះ ចង់ឱ្យអ្នកសេពគប់ជាមួយបុគ្គលដែលមានភាពវ័យឆ្លាតជាងអ្នក និងឧស្សាហ៍ណាត់ជួបជាមួយពួកគេឱ្យបានច្រើន នោះអ្នកនឹងផ្លាស់ប្ដូរខ្លួនឯងទៅជាមនុស្សពូកែបន្ដិចម្ដងៗដោយមិនដឹងខ្លួន។ លើសពីនេះ អ្នកក៏ត្រូវចងចាំថា មនុស្សឆ្លាតៗភាគច្រើនចូលចិត្តនិយាយ ប៉ុន្តែនិយាយតែលើប្រធានបទណាដែលពួកគេមានជំនាញ និងចាប់អារម្មណ៍ខ្លាំងប៉ុណ្ណោះ មិនមែននិយាយរឿងគ្មានប្រយោជន៍ ឬនិយាយរឿងណាដែលគ្មានន័យឡើយ។

ម្យ៉ាងវិញទៀត នៅពេលអ្នកណាត់ជួបពួកគេចេញក្រៅបានកាន់តែច្រើន នោះអ្នកនឹងដឹងថាអ្នកស្ថិតនៅកម្រិតណា ហើយអភិវឌ្ឍន៍អ្វីខ្លះ។ អ្វីដែលសំខាន់ អ្នកអាចស្វែងរកបុគ្គលទាំងនោះនៅសាលា នៅសិក្ខាសាលា នៅក្រុមហ៊ុន និងកន្លែងនានាទៀត។

3. ជំរុញខ្លួនឯងឱ្យក្លាយជាមនុស្សមានផលិតភាព

មនុស្សឆ្លាត តែងតែព្យាយាមធ្វើកិច្ចការសំខាន់ៗឱ្យបានច្រើនតាមដែលអាចធ្វើបានសម្រាប់ថ្ងៃនេះ ដោយមិនរងចាំថ្ងៃស្អែក។ លើសពីនេះ អ្នកក៏ត្រូវដឹងថា នាពេលអនាគតដែលអ្នកចង់ឃើញខ្លួនឯង នោះគឺវាផ្ដើមចេញពីអ្វីដែលអ្នកធ្វើបច្ចុប្បន្ន។ ហេតុដូចនេះ ចូរកុំធ្វើជាមនុស្សដែលតែងតែរវល់ ហើយមិនសូវមានផលិតផលល្អ ប៉ុន្តែត្រូវតែធ្វើជាមនុស្សមានផលិតភាព ដោយដឹងពីអ្វីដែលខ្លួនឯងត្រូវធ្វើ និងចេះប្រើប្រាស់ពេលវេលាធ្វើកិច្ចការបានល្អជាងមុន។

4. ធ្វើឱ្យខ្លួនឯងទទួលបានគំនិតថ្មីៗជារៀងរាល់ថ្ងៃ

ចូរជំរុញខ្លួនអ្នកឱ្យមានភាពច្នៃប្រឌិត និងការគិតក្នុងវិធីថ្មីៗជាប្រចាំ ជាពិសេសស្រាវជ្រាវឱ្យបានច្រើន ដើម្បីទទួលបានគំនិតថ្មីៗជាប្រចាំ។ នៅពេលដែលអ្នកមានគំនិតថ្មីៗ នោះអ្នកនឹងព្យាយាមកែតម្រូវធ្វើឱ្យគំនិតនោះកាន់តែល្អ និងមានភាពឆ្លាតវៃ។

5. ចែករំលែកនូវអ្វីដែលអ្នកដឹង

ការចែករំលែក ក៏ជាផ្នែកមួយជំរុញឱ្យអារម្មណ៍របស់អ្នកស្រស់ស្រាយ និងកាន់តែមានគំនិតល្អៗថ្មីៗជាបន្តបន្ទាប់ទៀត។ ហេតុដូចនេះ ចូរព្យាយាមធ្វើជាមនុស្សចែករំលែកទៅកាន់មនុស្សជុំវិញ និងអាចតាមបណ្ដាញសង្គមនូវអ្វីដែលអ្នកចេះ និងបានដឹងជាដើម។ ការចែករំលែក នឹងជួយជំរុញឱ្យមានការពង្រីកចំណេះដឹងកាន់តែទូលំទូលាយ និងអាចនាំផ្លូវអ្នកឱ្យគិតឃើញនូវរឿងថ្មីៗផ្សេងទៀត តាមរយៈការរំលឹកខ្លួនឯងនូវចំណេះដឹងដែលអ្នកមាននោះ និងតាមរយៈការចោទសួរពីអ្នកដទៃ។

6. បន្តការសិក្សានូវចំណេះដឹងថ្មីៗ

បើអ្នកចង់ទទួលបានគំនិតថ្មីៗ ការរស់នៅតាមទាន់សម័យកាល និងមានភាពឆ្លាតវៃជាបន្តបន្ទាប់ទៀត គឺមានតែការសិក្សាគ្មានទីបញ្ចប់ទេដែលអាចជួយអ្នក ជាពិសេសការសិក្សាលើចំណេះដឹងថ្មីៗជានិច្ច។

7. រៀននូវភាសាថ្មីៗ

ភាសាជាផ្នែកមួយដែលផ្ដល់ឱកាសឱ្យអ្នកទទួលបានអ្វីថ្មីៗជាបន្តបន្ទាប់ ជាពិសេសអ្នកអាចទទួលបាននូវចំណេះដឹងគ្រប់ជាតិសាសន៍ដើម្បីគិតពិចារណាបានកាន់តែទូលំទូលាយជាងមុន។ អ្វីដែលកាន់តែសំខាន់ ការសិក្សាភាសាជាតិឱ្យបានច្បាស់ ភាសាអង់គ្លេស និងភាសាផ្សេងៗទៀតដែលជាប្រទេសអភិវឌ្ឍន៍។

8. ចេញក្រៅឱ្យច្រើន

ការចេញក្រៅ នឹងជួយឱ្យអ្នកកាន់តែអាចសិក្សាអំពីស្ថានភាពពិតនៅក្នុងសង្គម ហើយវាក៏ជាផ្នែកមួយដែលជួយអ្នកឱ្យមានគំនិតថ្មីៗ ឆ្លាតវៃ និងអាចមើលឃើញឱកាសផ្សេងៗ ដែលនៅក្នុងឯកសារនានាកម្រនឹងមាន។ ការចេញក្រៅនេះ អ្នកអាចចេញទាំងក្នុងស្រុក និងក្រៅស្រុក ហើយទៅរៀនសង្កេត ហើយសិក្សាបន្ថែមលើផ្នែកណាដែលធ្វើឱ្យអ្នកកាន់តែទទួលបានចំណេះដឹងល្អៗ និងអាចយកជាគំនិតក្នុងការធ្វើអ្វីមួយសម្រាប់ខ្លួនឯង។

9. កត់ត្រាទុកនូវអ្វីដែលអ្នកបានរៀន

ការរៀនសូត្រដែលអ្នកទទួលបាន វាមិនអាចស្ថិតនៅក្នុងការចងចាំរបស់អ្នករហូតឡើយ ដូច្នេះនៅពេលអ្នករៀនសូត្រអ្វីបាន អ្នកអាចកត់ត្រាទុកនូវចំណុចសំខាន់ៗ ដើម្បីរំលឹកនៅពេលអ្នកភ្លេច និងឆ្លុះបញ្ចាំងបន្ថែមសម្រាប់ខ្លួនឯង។

10. ធ្វើលំហាត់ប្រាណ

ការធ្វើលំហាត់ប្រាណនេះ អ្នកត្រូវធ្វើលំហាត់ប្រាណដើម្បីទទួលបានសុខភាពល្អទាំងរាងកាយ និងខួរក្បាល ព្រមទាំងធ្វើឱ្យខ្លួនឯងមានភាពសកម្ម និងរហ័សរហួន។ ការមានសុខភាពល្អទាំងរាងកាយ និងខួរក្បាល នោះវានឹងជំរុញឱ្យអ្នកធ្វើអ្វីក៏ល្អ និងឆាប់រៀនសូត្របានលឿនផងដែរ។

ពាណិជ្ជកម្ម

សម្រង់សម្ដី លោក Albert Einstein ដែលអ្នកអាចគិតពិចារណានៅក្នុងជីវិត

Sann Thaven

Albert Einstein គឺជារូបវិទូដ៏ល្បីល្បាញមួយរូបនៃសតវត្សទី 20 ហើយក៏កំពុងមានឥទ្ធិពលរហូតមកទល់សព្វថ្ងៃនេះផងដែរ។ ការស្រាវជ្រាវរបស់គាត់ បានព័ណ៌នាពីមេកានិចកង់ទិចទៅជាទ្រឹស្តីអំពីទំនាញផែនដី និងចលនា។ ហើយលទ្ធផលទាំងនេះ មិនមែនគាត់អង្គុយនឹកស្រមៃឃើញឡើយ ប៉ុន្តែEinstein បានធ្វើដំណើរជុំវិញពិភពលោក។ កាលពីឆ្នាំ 1921 គាត់បានឈ្នះរង្វាន់ណូបែលរូបវិទ្យា សម្រាប់ការរកឃើញរបស់គាត់អំពីឥទ្ធិពល photoelectric ។

បន្ថែមពីនេះ Einstein ក៏បានបង្កើតសមីការ E = mc2 ដែលចែងថាថាមពល និងម៉ាស (រូបធាតុ) គឺជាវត្ថុដូចគ្នា គ្រាន់តែនៅក្នុងទម្រង់ផ្សេងៗគ្នាប៉ុណ្ណោះ។ ប៉ុន្តែសូមបញ្ជាក់ផងដែរថា Albert Einstein ទទួលមរណភាពនៅថ្ងៃទី 18 ខែមេសាឆ្នាំ 1955 ។

ទោះបីជាបច្ចុប្បន្ននេះ Albert Einstein មិនមានជីវិតនៅលើផែនដីនេះទៀតក៏ដោយ ប៉ុន្តែស្នាដៃរបស់គាត់ និងសម្រង់សម្ដីនៃការណែនាំនៅតែបន្តមាន ហើយក៏ជាការបង្រៀនដ៏ល្អដល់អ្នកជំនាន់ក្រោយអាចរៀនសូត្របានផងដែរ។

នៅខាងក្រោមនេះ ជាការដកស្រង់នូវសម្រង់សម្ដីមួយចំនួនរបស់គាត់ដែលអ្នកអាចគិតពិចារណានៅក្នុងជីវិតផ្ទាល់ខ្លួនបាន។

មនុស្សដែលមិនធ្លាប់ធ្វើខុស សុទ្ធតែមិនដែលសាកល្បងធ្វើនូវអ្វីថ្មីៗនោះទេ។
ប្រសិនបើអ្នកចង់រស់នៅក្នុងជីវិតដ៏រីករាយ ចូរបញ្ចូលវាទៅជាគោលដៅរបស់អ្នក មិនមែនសំដៅលើមនុស្ស ឬវត្ថុអ្វីនោះទេ។
រៀនសូត្រនូវអ្វីដែលបានកើតឡើងកាលពីថ្ងៃម្សិលមិញ ហើយត្រូវប្រើជីវិតរស់នៅជាមួយថ្ងៃនេះ បន្ទាប់មកត្រូវមានក្ដីសង្ឃឹមសម្រាប់ថ្ងៃស្អែក។
អ្វីគ្រប់យ៉ាងគួរតែត្រូវបានធ្វើឱ្យសាមញ្ញតាមដែលអាចធ្វើទៅបាន ប៉ុន្តែមិនមែនព្យាយាមធ្វើជាអ្នកសាមញ្ញបំផុតនោះទេ។
មនុស្សឆ្លាតតែងតែព្យាយាមដោះស្រាយបញ្ហា រីឯបុគ្គលមានប្រាជ្ញាព្យាយាមចៀសវាង។
អ្វីដែលត្រឹមត្រូវ គឺតែងតែមិនភាពពេញនិយម ហើយអ្វីដែលពេញនិយមក៏មិនមែនជាអ្វីដែលត្រឹមត្រូវដែរ។
កុំបោះបង់នូវអ្វីដែលអ្នកពិតជាចង់ធ្វើ ព្រោះអ្នកដែលមានសុបិនធំ គឺមានឥទ្ធិពលខ្លាំងជាងមនុស្សដែលព្យាយាមរស់នៅតាមភាពពិតជាក់ស្ដែងទៀត។
កុំព្យាយាមគិតអំពីអនាគតពេក ពីព្រោះវានឹងមកដល់ឆាប់ៗ។
អ្នកមិនដែលបរាជ័យនោះទេ ដរាបណាអ្នកមិនទាន់ឈប់ព្យាយាម។
វិធីល្អបំផុតដើម្បីលើកទឹកចិត្តខ្លួនឯង គឺលើកទឹកចិត្តអ្នកដទៃ។

ពាណិជ្ជកម្ម

មហាសេដ្ឋី 3 រូប បានបាត់បង់ 115 ពាន់លានដុល្លារក្នុងរយៈពេល 5 ខែ

Sann Thaven

Elon Musk, Jeff Bezos និង Bill Gates បានទទួលរងនូវការខាតបង់ទឹកប្រាក់សរុបចំនួន 115 ពាន់លានដុល្លារនៃទ្រព្យសម្បត្តិសុទ្ធរបស់ពួកគេក្នុងរយៈពេល 5 ខែចុងក្រោយនេះ ខណៈពេលដែលទីផ្សារភាគហ៊ុនក៏កំពុងធ្លាក់ចុះដែរ។ បើយោងតាម Bloomberg Billionaires Index ទ្រព្យសម្បត្តិរបស់ Musk បានធ្លាក់ចុះ 46.4 ពាន់លានដុល្លារ Bezos ធ្លាក់ចុះ 53.2 ពាន់លានដុល្លារ ខណៈដែល Gates ធ្លាក់ចុះ 15.1 ពាន់លានដុល្លារ។

បន្ថែមពីនេះ បើគិតត្រឹមថ្ងៃសុក្រ ទី27 ខែឧសភា ឆ្នាំ2022នេះ Musk នៅសល់ទ្រព្យសម្បត្តិសុទ្ធសរុប 224 ពាន់លានដុល្លារ Bezos $139 ពាន់លានដុល្លារ និង Gates 123 ពាន់លានដុល្លារ។

ស្ថានភាពរបស់ Elon Musk

Musk មានភាគហ៊ុន 15.6% នៅក្នុងក្រុមហ៊ុន Tesla ដែលមានតម្លៃប្រហែល 122 ពាន់លានដុល្លារ បន្ទាប់ពីភាគហ៊ុននៅក្នុងក្រុមហ៊ុនផលិតរថយន្តអគ្គិសនីរបស់គាត់បានធ្លាក់ចុះជិត 37% នៅឆ្នាំនេះ។

បន្ថែមពីនេះ គាត់ក៏បានទិញភាគហ៊ុន 9.2% នៅក្នុង Twitter ក្នុងខែមេសា ដែលធ្វើឱ្យវិនិយោគិនចោទសួរពីការប្តេជ្ញាចិត្តរបស់គាត់ចំពោះ Tesla ព្រមទាំងធ្វើឱ្យវាធ្លាក់នូវគុណតម្លៃ។ Musk ក៏បានលក់ភាគហ៊ុន Tesla ដែលមានតម្លៃ 8.4 ពាន់លានដុល្លារដើម្បីផ្តល់មូលនិធិដល់ការដេញថ្លៃទិញយក $ 44 ពាន់លានដុល្លារជាបន្តបន្ទាប់របស់គាត់ផងដែរ។

ស្ថានភាពរបស់ Jeff Bezos

Bezos គឺជាស្ថាបនិកនៃក្រុមហ៊ុន Amazon ដែលបច្ចុប្បន្ននេះគាត់នៅតែកាន់កាប់ភាគហ៊ុនប្រហែល 50 លាននៅក្នុងក្រុមហ៊ុនដែលមានតម្លៃប្រហែល 115 ពាន់លានដុល្លារ។ ទោះបីជាបែបនេះក្ដី ភាគហ៊ុនរបស់គាត់ក៏ត្រូវបានធ្លាក់ចុះជិតមួយភាគបីនៅក្នុងឆ្នាំនេះ ប៉ុន្តែនៅតែមានតម្លៃជិត 1.2 ពាន់ពាន់លានដុល្លារ ដែលច្រើនជាងតម្លៃ 786 ពាន់លានដុល្លាររបស់ក្រុមហ៊ុន Tesla បន្ទាប់ពីការធ្លាក់ចុះជិត 37% ។

ស្ថានភាពរបស់ Bill Gates

Gates កំពុងមានផលប័ត្រចម្រុះជាងមុន នេះជាហេតុផលមួយដែលបានជួយគាត់ទប់ទល់នឹងការលក់ភាគហ៊ុន។ មូលនិធិ Bill and Melinda Gates ជាអង្គការសប្បុរសធម៌ ដែលគាត់បានបង្កើតជាមួយអតីតភរិយារបស់គាត់ ភាគច្រើនត្រូវបានវិនិយោគនៅក្នុង Berkshire Hathaway របស់ Warren Buffett ដែលបានកើនឡើងច្រើនជាង 5% នៅឆ្នាំនេះ។ ទោះបីជាយ៉ាងនេះក្ដី ការវិនិយោគផ្សេងទៀត រួមទាំងក្រុមហ៊ុន Cascade Investments របស់គាត់ដែលវិនិយោគនៅក្នុងក្រុមហ៊ុនបច្ចេកវិទ្យា ដូចជា Apple កំពុងទទួលរងនូវភាពគំរាមគំហែងយ៉ាងខ្លាំង ដោយភាគហ៊ុនបច្ចេកវិទ្យាបានទទួលរងនូវការកែតម្រូវយ៉ាងខ្លាំងក្នុងរយៈពេលប៉ុន្មានខែថ្មីៗនេះ ដែលប្រឈមមុខនឹងសម្ពាធអតិផរណា និងការធ្លាក់ចុះទំនុកចិត្តពីអ្នកប្រើប្រាស់។

ពាណិជ្ជកម្ម

ប្រធានធនាគារពិភពលោក៖ វាពិតជាពិបាកនឹងគេចផុតពីវិបត្តិសេដ្ឋកិច្ចពិភពលោក

ហាក់ គីមថុង

ប្រធានធនាគារពិភពលោកថ្មីៗនេះបានលើកឡើងនូវក្តីព្រួយបារម្ភអំពីការថយចុះកំណើតសេដ្ឋកិច្ចដោយការបន្តបិទខ្ទប់នូវទីក្រុងធំៗនៅប្រទេសចិនដោយសារការរីករាលដាលជម្ងឺកូវីដ១៩ ដែលរួមមានដូចជាទីក្រុងសៀងហៃ ដែលជាបណ្តុំមជ្ឍមណ្ឌលហិរញ្ញវត្ថុ រោងចក្រ និងកំពង់ផែអន្តរជាតិធំជាងគេនៅលើពិភពលោក ដែលបញ្ហានេះ កំពុងតែធ្វើឲ្យកំណើនសេដ្ឋកិច្ចពិភពលោកកំពុងតែថមថយ។

លោក Malpassនិយាយដោយមិនបានបញ្ជាក់តួរលេខជាក់លាក់ថា “បើយើងក្រឡេកទៅមើលGDPរបស់ពិភពលោក វាកំពុងតែរងសម្ពាធ ហើយវាពិតជាពិបាកនឹងចៀសផុតពីការដាំក្បាលចុះណាស់”!

នៅក្នុងឆ្នាំនេះ បញ្ហាកូវីដ១៩នៅប្រទេសចិនបានកម្រើកឡើងវិញ ដែលនាំឲ្យឈានទៅការបិទខ្ទប់ទីក្រុងធំៗដែលជាដង្ហើមសេដ្ឋកិច្ច។ ហើយនៅដើមឆ្នាំ២០២២នេះ បញ្ហាធ្លាក់ចុះនៃវិស័យអចលនវត្ថុនៅក្នុងប្រទេសនេះផងនោះ បានធ្វើឲ្យសេដ្ឋកិច្ចចិនកំពុងតែជួបការលំបាក ហើយបញ្ហានេះក៏បានជះឥទ្ធិពលមកលើការរីកចម្រើននៃសេដ្ឋកិច្ចពិភពលោក។

ក្រៅពីនេះ វិបត្តិសង្គ្រាមនៅអ៊ុយក្រែន ក៏កាន់តែបន្ថែមសម្ពាធដល់សេដ្ឋកិច្ចពិភពលោកផងដែរ ដោយសារតែប្រទេសជាច្រើននៅទ្វីបអ៊ឺរ៉ុបនៅតែពឹងផ្អែកខ្លាំងនឹងឧស្ម័ន និងប្រេងពីរុស្សី ដែលធ្វើឲ្យតម្លៃប្រេងអន្តរជាតិក្នុងពេលបច្ចុប្បន្ននេះកំពុងតែឡើងថ្លៃយ៉ាងខ្លាំង។ ជាក់ស្តែង ប្រទេសអាឡឺម៉ង់ ដែលជាប្រទេសមានសេដ្ឋកិច្ចធំជាងគេនៅអ៊ឺរ៉ុប និងធំលំដាប់ទី៤លើពិភពលោកកំពុងតែជួបបញ្ហាខ្លាំងដោយសារតែកំណើនតម្លៃប្រេង និងឧស្ម័ននេះ ហើយប្រទេសកំពុងអភិវឌ្ឍន៍វិញកំពុងតែមានវិបត្តិខ្វះខាតជីកសិកម្ម អាហារ និងប្រភពថាមពល។

ប្រភព៖ https://www.financial-world.org

ពាណិជ្ជកម្ម

របៀបស្វែងរក Passion របស់អ្នកនៅក្នុងជីវិត

Sann Thaven

Passion គឺសុទ្ធមានសម្រាប់មនុស្សទាំងអស់គ្នា គ្រាន់តែពេលខ្លះមានមនុស្សមួយចំនួនមិនទាន់ដឹងច្បាស់ថា ខ្លួនឯងមាន Passion អ្វីឱ្យពិតប្រាកដ។ ដូច្នេះហើយខាងក្រោមនេះ នឹងបង្ហាញពីតិចនិកមួយចំនួនដែលអ្នកអាចអនុវត្តន៍បាន ដើម្បីស្វែងរក Passion ផ្ទាល់ខ្លួនបាន ប៉ុន្តែមុននឹងអនុវត្តន៍តិចនិកខាងក្រោម អ្នកត្រូវតែធ្វើឱ្យប្រាកដខ្លួនឯងថា អ្នកមិនបានរស់នៅក្នុងតំបន់សុខស្រួលរបស់អ្នកឡើយ (get out of your comfort zone) ។

1. សង្កេតមើលអ្វីដែលអ្នកស្រឡាញ់

មនុស្សគ្រប់គ្នាតែងតែមានអ្វីដែលខ្លួនឯងស្រលាញ់រៀងៗខ្លួន គ្រាន់តែពេលខ្លះអ្នកមិនចាប់អារម្មណ៍ថាអ្នកស្រលាញ់អ្វីខ្លាំងជាងគេ ឬមួយណាឱ្យពិតប្រាកដប៉ុណ្ណោះ ដូច្នេះត្រង់ចំណុចនេះទាមទារឱ្យអ្នករៀនសង្កេតមើលខ្លួនឯងឱ្យបានច្រើន។ អ្នកត្រូវតែរៀនសង្កេតពីសកម្មភាព និងភាពពេញចិត្តនៅពេលអ្នកធ្វើអ្វីមួយ បន្ទាប់មកអ្នកសរសេរទុកនូវរាល់អ្វីដែលអ្នកគិតថាអ្នកស្រលាញ់ និងសប្បាយចិត្តខុសប្លែកនៅពេលអ្នកធ្វើវាបានល្អ។ បន្ថែមពីនេះ អ្នកអាចរៀនសង្កេតនៅពេលអ្នកមានអារម្មណ៍ស្រស់ស្រាយ និងអារម្មណ៍សប្បាយចិត្តខ្លាំង បន្ទាប់មកសរសេរនូវរាល់អ្វីដែលអ្នកចង់ធ្វើវា ហើយតែងតែនឹកឃើញវានៅពេលអ្នកសប្បាយចិត្ត។

ម្យ៉ាងទៀតអ្នកអាចគិតអំពីកាលវ័យកុមារ ថាតើកាលពីក្មេងអ្វីដែលអ្នកចូលចិត្តនឹងធ្វើជាងគេ? និងកំណត់រយៈពេល 30នាទី ហើយសួរសំណួរមកកាន់ខ្លួនឯង ដូចជាតើអ្នកជាមនុស្សបែបណា? តើអ្នកចង់ឃើញខ្លួនឯងបែបណានាពេលអនាគត? តើអ្វីដែលធ្វើឱ្យអ្នកតែងតែសប្បាយចិត្ត? តើសកម្មភាពអ្វីដែលអ្នកបានធ្វើឱ្យអ្នកដទៃមានមោទនភាពចំពោះអ្នក? ។ល។ អ្នកអាចបង្កើតសំណួរផ្សេងទៀត ដែលសួរអំពីខ្លួនឯង និងពាក់ព័ន្ធនឹងអ្វីដែលអ្នកអាចដឹងថាអ្នកស្រលាញ់អ្វី ហើយនឹកឃើញអ្វីជាងគេ។

2. កត់សម្គាល់ទីតាំងដែលអ្នកតែងតែចំណាយជាមួយនៅពេលអ្នកទំនេរ

នៅពេលអ្នកកាន់តែចង់ដឹងអំពី Passion របស់អ្នក នោះអ្នកច្បាស់ជាសង្កេតមើលទម្លាប់របស់អ្នកនៅពេលទំនេរមិនខាន ប៉ុន្តែអ្នកត្រូវចងចាំថា ទម្លាប់ដែលអ្នកចូលចិត្តធ្វើនៅពេលទំនេរ ពេលខ្លះវាមិនចាំបាច់ឱ្យដូចគ្នានឹង Passion ដែលអ្នកមានឡើយ។ ហេតុដូចនេះ អ្នកក៏ត្រូវរៀនកត់សម្គាល់ថា នៅពេលទំនេររបស់អ្នក តើអ្វីជាភាពលេចធ្លោដែលធ្វើឱ្យអ្នកធ្វើវា និងអ្នកមានអារម្មណ៍ល្អ? ឧទាហរណ៍ នៅពេលទំនេរអ្នកចូលចិត្តអានច្រើន នោះអ្នកអាចមាន Passion ផ្នែកនិពន្ធ ឬការបង្រៀនជាដើម ឬម្យ៉ាងទៀតអ្នកចំណាយពេលច្រើននៅពេលទំនេរក្នុងការស្រាវជ្រាវពាក់ព័ន្ធនឹងផ្នែកទីផ្សារ នោះអ្នកអាចមាន Passion ផ្នែកធ្វើទីផ្សារ និងគិតផ្ដោតក្នុងការធ្វើយុទ្ធសាស្ត្រទីផ្សារជាដើម។

ត្រង់ចំណុចនេះ អ្នកត្រូវដឹងថា នៅពេលទំនេររបស់អ្នក តើសកម្មភាពណាដែលអ្នកចំណាយពេលច្រើនជាមួយ និងមានអារម្មណ៍ល្អខ្លាំងដើម្បីធ្វើវា នោះហើយជា Passion របស់អ្នក។ បន្ទាប់មកអ្នកអាចច្នៃវា ឱ្យជាជំនាញ ឬទេពកោសល្យជាក់លាក់មួយ ដើម្បីធ្វើអ្វីដែលកាន់តែល្អសម្រាប់អ្នក។

3. គិតពិចារណាលើចំណុចខ្លាំងរបស់អ្នក

អ្នកត្រូវគិតពិចារណាលើសមត្ថភាព និងបុគ្គលិកលក្ខណៈរបស់អ្នកដែលមានភាពលេចធ្លោជាងគេ។ លើសពីនេះ ក៏ត្រូវកំណត់អត្តសញ្ញាណទាំងជំនាញទន់ និងជំនាញរឹងរបស់អ្នក ពីព្រោះវាអាចជួយកំណត់នូវអ្វីដែលលើសពីភាពពូកែរបស់អ្នក។ ចូរចងចាំថា អ្នកក៏អាចមានជំនាញធម្មជាតិដែលធ្វើឱ្យអ្នកមានអារម្មណ៍ជឿជាក់ និងលើកទឹកចិត្តនៅពេលបំពេញកិច្ចការមួយចំនួនរបស់អ្នកឱ្យមានភាពល្អប្រសើរ។ បន្ថែមពីនេះ អ្នកក៏ត្រូវសរសេរទុកចំណាំនូវរាល់សមត្ថភាព និងបុគ្គលិកលក្ខណៈដែលអ្នកមាននៅក្នុងកូនសៀវភៅផងដែរ ដើម្បីជាផ្នែកមួយជួយក្រើករំលឹកអ្នក។

ពាណិជ្ជកម្ម

ភាពលេចធ្លោនៃ Concept ការរចនាអាវថ្មីរបស់ក្រុមជម្រើសជាតិកម្ពុជា ឆ្នាំ2022

Sann Thaven

ការសម្ពោធអាវថ្មីរបស់ក្រុមជម្រើសជាតិកម្ពុជាក្នុងឆ្នាំ2022 នៅលើទំព័រផ្លូវការ“សហព័ន្ធកីឡាបាល់ទាត់កម្ពុជា” បានធ្វើឱ្យអ្នកគាំទ្រនៅក្នុងវិស័យបាល់ទាត់មានការពេញចិត្តជាច្រើន និងអាចធ្វើឱ្យការធ្វើទីផ្សារលើអាវមួយនេះ កាន់តែមានកំណើននៃអ្នកចង់បាន ដែលជាកត្តាមួយធ្វើឱ្យមានប្រាក់ចំណូលច្រើនជាងរាល់ឆ្នាំលើវិស័យកីឡា។

ភាពច្នៃប្រឌិតអាវនេះ គឺពឹងផ្អែកលើគោលគំនិត Concept Design អត្ថន័យនិងរូបភាពនៃទង់ជាតិខ្មែរ។ ជាពិសេសក្រាហ្វិកអាវក្នុងទឹកដី ត្រូវបានរចនាដោយដកស្រង់អត្ថន័យរបស់ពាក្យ”ប្រាសាទសីលាកំបាំងកណ្តាលព្រៃ” នៃបទនគររាជ ក្នុងការបង្កើតឡើងមកចំណែកផ្នែកនីមួយៗនៃអាវទាំងមូលដកស្រង់អត្ថន័យពីឃ្លាទីពីរនៃភ្លេងជាតិ។

បន្ថែមពីនេះ ពួកគេក៏មានសារខ្លីមួយ ដែលធ្វើឱ្យមនុស្សចាប់ផ្ដើមមានមោទនភាពលើវិស័យកីឡា និងធ្វើឱ្យអ្នកស្រលាញ់លើវិស័យមួយនេះ ជាពិសេសអ្នកគាំទ្រក្រុមជម្រើសជាតិកម្ពុជាចាប់ផ្ដើមចង់ចំណាយលុយក្នុងការទិញអាវទាំងនោះដោយភាពពេញចិត្ត។ សារនោះ បានសរសេរថា “ទាំងអស់គ្នាដើម្បីកម្ពុជា” ។

ជារួមមក ការរចនាបែប Concept ថ្មីលើអាវជម្រើសជាតិមួយនេះ បានសរបញ្ជាក់ឱ្យយើងឃើញថា កម្ពុជាចាប់ផ្ដើមមានចំណេះដឹងផ្នែកធ្វើយុទ្ធសាស្រ្តទីផ្សារ ដើម្បីទាញចំណាប់អារម្មណ៍មនុស្សដោយផ្ដោតលើគោលបំណងជាក់លាក់ និងកំពុងព្យាយាមដើរឱ្យទាន់សម័យកាលបច្ចុប្បន្នដែលមានភាពរីកចម្រើនលើវិស័យពាណិជ្ជកម្ម។ កត្តាទាំងនេះ នឹងធ្វើឱ្យវិស័យកីឡា កាន់តែមានកេរ្តិ៍ឈ្មោះល្អនៅលើទីផ្សារ និងអាចបង្កើនចំណូលបានច្រើនជាងមុន ព្រមទាំងកាន់តែមានអ្នកគាំទ្រក៏មានច្រើនជាងឆ្នាំមុនៗ។ លើសពីនេះ ក៏ជាកត្តាជំរុញឱ្យវិស័យផ្សេងៗទៀត អាចប្រើយុទ្ធសាស្រ្តទាំងនេះ ដើម្បីធ្វើការផ្សព្វផ្សាយឱ្យមានភាពរីកចម្រើនជាងមុនផងដែរ។

ពាណិជ្ជកម្ម

ប្រភេទអាជីវកម្ម ដែលជាតម្រូវការចាំបាច់របស់មនុស្ស

Sann Thaven

អាជីវកម្មមានច្រើនប្រភេទដែលអ្នកអាចចាប់ផ្ដើមបាន ដោយពឹងអាស្រ័យលើចំណង់ចំណូលចិត្ត ក្ដីស្រលាញ់ ជំនាញ និងកត្តាផ្សេងៗទៀត។ ទោះបីជាយ៉ាងនេះក្ដី អ្នកក៏អាចគិតពិចារណាលើប្រភេទអាជីវកម្មដែលជាតម្រូវការចាំបាច់របស់មនុស្សមួយចំនួននៅខាងក្រោម ដើម្បីស្វែងរកគំនិតអាជីវកម្មថ្មីសម្រាប់ខ្លួនឯងបន្ថែម។

1. កន្លែងស្នាក់នៅ

ការស្នាក់នៅ ជារឿងសំខាន់ដែលមនុស្សគ្រប់គ្នាតែងតែត្រូវការ មិនថាជាកន្លែងសា្នក់នៅផ្ទាល់ខ្លួន ឬការជួលស្នាក់នៅមួយរយៈប៉ុណ្ណោះទេ គឺវាជាតម្រូវការរបស់មនុស្ស ដូច្នេះហើយប្រសិនបើអ្នកចង់ចាប់ផ្ដើមអាជីវកម្ម អ្នកអាចចាប់ផ្ដើមជាការជួលកន្លែងស្នាក់នៅសម្រាប់សិស្សនិស្សិត អ្នកធ្វើការ ឬបង្កើតជាសណ្ឋាគារ ខុនដូរសម្រាប់អ្នកមានលុយទៅតាមការកំណត់របស់អ្នក។ ម្យ៉ាងទៀតអាចធ្វើជាលក្ខណៈផ្ដល់សេវាកម្មផ្នែកប្រឹក្សាយោបល់ជ្រើសរើសកន្លែងសា្នក់នៅល្អ និងជាអ្នកសាងសងលំនៅដ្ឋានជាដើម។

នាពេលបច្ចុប្បន្ននេះ ក៏មានអាជីវកម្មមួយចំនួនបានធ្វើអាជីវកម្មផ្នែកនេះបានជោគជ័យរួចហើយ ប៉ុន្តែទោះបីជាយ៉ាងនេះក្ដី វាក៏នៅតែមានចំណុចខ្វះខាត ឬមានកន្លែងដែលអ្នកអាចចាប់ជាឱកាសដើម្បីច្នៃថ្មីសម្រាប់ខ្លួនឯងក្នុងការចាប់ផ្ដើមអាជីវកម្មផ្ទាល់ខ្លួនផងដែរ។

2. សម្ភារៈសំអាត

ការសំអាត ក៏ជាផ្នែកដែលមនុស្សត្រូវការជាចាំបាច់ជាប្រចាំផងដែរ ដូចជាសម្ភារៈបោសសំអាតលំនៅដ្ឋាន ការសំអាតផ្ទះបាយ និងសាប៊ូសំអាតសម្លៀកបំពាក់ជាដើម។ ជារួមគឺអ្វីក៏ដោយដែលត្រូវសំអាត គឺយើងអាចច្នៃធ្វើជាអ្វីមួយដើម្បីជួយសំអាតដោយផ្ដោតលើអ្វីមួយ ដូចជាអាចផ្ដោតលើការសំអាតលើយានយន្ត គេហដ្ឋានតូចធំ និងផ្សេងៗទៀតជាច្រើនទៀត ដោយអាស្រ័យលើអ្នកអាចរៀនសង្កេតមើលកង្វះខាតនានាដែលអាជីវកម្មផ្សេងទៀតមិនទាន់មាន ឬមិនទាន់ល្អ។ លើសពីនេះ អ្នកក៏អាចគិតពិចារណាលើការបើកអាជីវកម្មដែលផ្ដល់សេវាកម្មជាកញ្ចប់ ដោយផ្ដោតលើការសំអាតលើអ្វីមួយទៅតាមការចង់បានរបស់អ្នកផងដែរ។

3. ឧបករណ៍ទំនាក់ទំនង

បច្ចុប្បន្ននេះ មនុស្សមានការយល់ដឹងផ្នែកបច្ចេកវិទ្យាយ៉ាងទូលំទូលាយជាងមុន ដូច្នេះហើយមនុស្សជាច្រើនក៏បានប្រើប្រាស់សម្ភារៈទំនើបៗបែបឆ្លាតវៃជាច្រើនក្នុងការប្រាស្រ័យទំនាក់ទំនងគ្នាជាមួយមនុស្សជាទីស្រលាញ់ សមាជិកគ្រួសារ មិត្តភក្តិ និងអ្នករួមការងារជាដើម។ ដូច្នេះហើយ ប្រសិនបើអ្នចាប់អាជីវកម្មលើផ្នែកនេះ អ្នកអាចគិតពិចារណាលើការបង្កើតអ្វីមួយដែលថ្មី ឬកែច្នៃពីអាជីវកម្មផ្សេងទៀតដែលមានស្រាប់ ដើម្បីបង្កើតឧបករណ៍ទំនាក់ទំនងឱ្យកាន់តែល្អជាងមុន (ប្រសិនបើអ្នកអាចធ្វើបាន នោះវាជារឿងមួយដ៏អស្ចារ្យ)។

4. អាហារ

អាហារជាផ្នែកមួយដែលជួយទ្រទ្រង់ជីវិតរបស់មនុស្ស និងជាផ្នែកមួយដែលមនុស្សត្រូវការជាប្រចាំនៅក្នុងជីវិត ដូច្នេះហើយបច្ចុប្បន្ននេះ ក៏មានទីកន្លែងជាច្រើនដែលបានបើកភោជនីដ្ឋាន និងការដាក់លក់អាហារជាច្រើនសម្រាប់មនុស្សចូលមកកាន់ហាងពួកគេ ដោយមានទាំងអាហារជាតិ និងអន្តរជាតិ ព្រមទាំងពេលខ្លះជាមុខម្ហូបថ្មីដែលបង្កើតរូបមន្តផ្ទាល់ខ្លួន។ ប្រសិនបើអ្នកមានចំណាប់អារម្មណ៍ចង់ចាប់ផ្ដើមអាជីវកម្មនេះ អ្នកអាចបង្កើតជាហាង ឬវគ្គបណ្ដុះបណ្ដាលផ្នែកម្ហូបជាដើម អាស្រ័យលើចំណង់ចណូលចិត្ត និងការមើលឃើញឱកាសផ្ទាល់ខ្លួនរបស់អ្នក។

5. ការលំអរខ្លួនប្រាណ

នៅពេលមនុស្សចាប់ផ្ដើមធំពេញវ័យ និងអាចរកចំណូលផ្ទាល់ខ្លួន ពួកគេគិតគូរការតុបតែងខ្លួនជាងមុនៗ ហើយក៏ហ៊ានចំណាយលុយលើសម្ភារៈទាំងនោះដែរ ទាំងសម្លៀកបំពាក់ គ្រឿងអលង្ការ និងជាច្រើនទៀតដែលពាក់ព័ន្ធនឹងការធ្វើឱ្យខ្លួនឯងស្រស់ស្អាត។ លើសពីនេះ ចំពោះគ្រប់វ័យរបស់មនុស្សផ្សេងទៀត ក៏ពួកគាត់ត្រូវការផងដែរ គ្រាន់តែយើងក៏ត្រូវដឹងថា កម្រិតប៉ុណ្ណាដែលពួកគាត់ហ៊ានចំណាយលើ។ ប្រសិនបើអ្នកចាប់អារម្មណ៍ផ្នែកនេះ គឺមិនខុសពីផ្នែកមុនៗឡើយ អ្នកអាចចាប់ផ្ដើមធ្វើអ្វីដែលអ្នកចង់បំពេញតម្រូវការកាន់តែល្អចំពោះផ្នែកនេះ ដែលអាជីវកម្មផ្សេងទៀតមិនទាន់ធ្វើ ឬធ្វើមិនទាន់ល្អ។

6. ការប្រឹក្សាយោបល់

មនុស្សតែងតែចង់បានសេវាកម្មមួយដែលអាចប្រឹក្សាយោបល់សម្រាប់ពួកគេដើម្បីអាចសម្រេចចិត្តបានល្អជាងមុនជាដើម ទៅតាមភាពត្រូវការរបស់បុគ្គលម្នាក់ៗ។ នៅក្នុងចំណុចនេះ ប្រសិនបើអ្នកមានជំនាញណាមួយ ដែលអ្នកអាចច្នៃវាដើម្បីបង្កើតសេវាកម្មប្រឹក្សាយោបល់ជូនមនុស្សបាន នោះកាន់តែល្អ។

ជាទូទៅមនុស្សតែងតែត្រូវការអ្នកប្រឹក្សានៅក្នុងជីវិតផ្ទាល់ខ្លួន និងផ្សេងៗទៀត ដូចជាចង់ប្រឹក្សាផ្នែកហិរញ្ញវត្ថុ ការចាប់ផ្ដើមអាជីវកម្ម សុខភាព ការជ្រើសរើសកន្លែងស្នាក់នៅ និងការកំណត់គោលដៅជីវិត។ល។

7. ការធ្វើដំណើរ

មនុស្សត្រូវការធ្វើដំណើរជាប្រចាំទាំងទីជិត និងទីឆ្ងាយ ដូច្នេះមនុស្សត្រូវការយានជំនិះផ្ទាល់ខ្លួនទៅតាមលទ្ធភាពដែលពួកគេហ៊ានចំណាយ ព្រមទាំងពេលខ្លះត្រូវការជួលដើម្បីធ្វើដំណើរទៅទីកន្លែងណារយៈពេលខ្លី។ ហេតុនេះហើយ អ្នកអាចគិតពិចារណាលើការបើកជាក្រុមហ៊ុនតាក់ស៊ី ក្រុមហ៊ុនដឹកអ្នកដំណើរ និងបើកក្រុមហ៊ុនលក់យានជំនិះជាដើម។

ពាណិជ្ជកម្ម

ពាក្យមួយឃ្លារបស់បិតាអ្នកបង្កើតអំពូលភ្លើងដំបូងគេ ដែលអ្នកត្រូវរៀនសូត្រ

Sann Thaven

លោក Thomas Edison គឺជាអ្នកច្នៃប្រឌិតជនជាតិអាមេរិក ដែលត្រូវបានគេចាត់ទុកថាជាអ្នកជំនួញឈានមុខគេ និងអ្នកបង្កើតថ្មីរបស់អាមេរិកផងដែរ ដោយលោកបានបង្កើតបច្ចេកវិទ្យាធំៗ ដូចជាអំពូលភ្លើង incandescent បង្កើត phonograph បង្កើតកាំមេរ៉ាភាពយន្ត និងម៉ាស៊ីនបញ្ចាំងដំបូងគេ ប៉ុន្តែទម្រាំលោកអាចបង្កើតវាបាន គឺឆ្លងកាត់ភាពបរាជ័យរាប់ពាន់ដងមកហើយ។

ឆ្លងតាមអនុវត្តន៍ជាក់ស្ដែង លោក Thomas បានផ្ដល់នូវអនុសាសន៍សម្រាប់អ្នកជំនាន់ក្រោយថា “ទេពកោសល្យរបស់អ្នក អាចបំផុសគំនិតឱ្យអ្នកចង់ធ្វើអ្វីមួយបានត្រឹមតែ 1% ប៉ុន្តែការខិតខំព្យាយាមដើម្បីសម្រេចនូវគំនិតនោះ គឺមានរហូតដល់ 99%” ។

នៅក្នុងខ្លឹមសារនៃឃ្លាមួយនេះ លោក Thomas ចង់មានន័យថា នៅពេលដែលអ្នកមានទេពកោសល្យលើផ្នែកអ្វីមួយដែលអ្នកស្រលាញ់ចង់ធ្វើអ្វីខ្លាំង បន្ទាប់អ្នកមានគំនិតចង់បង្កើតអ្វីមួយដោយផ្សាភា្ជប់នឹងចំណង់ចំណូលចិត្តដែលអ្នកមាន គឺវាមានត្រឹម 1% ប៉ុណ្ណោះ ពីព្រោះវាជាចំណុចចាប់ផ្ដើមនៃការគិតឃើញរបស់អ្នក ប៉ុន្តែប្រសិនបើអ្នកចង់ធ្វើឱ្យគោលគំនិតរបស់អ្នកក្លាយជាការពិត គឺវាព្យាយាមឱ្យអ្នកហ៊ានលះបង់ពេលវេលាមួយចំនួនដើម្បីផ្ដោតលើកិច្ចការនោះ ហើយព្យាយាមឱ្យអស់ពីសមត្ថភាព ដោយមានរហូតដល់ 99% នោះទើបវាអាចក្លាយជាការពិតបាន។

ជារួមមក អ្នកត្រូវតែដឹងថាខ្លួនឯងមានទេពកោសល្យធ្វើអ្វី ហើយគិតថានឹងយកទេពកោសល្យនោះធ្វើអ្វីឱ្យបានច្បាស់ បន្ទាប់មកត្រូវខិតខំព្យាយាមឱ្យបានខ្លាំងជាងការគិតរបស់អ្នក។

ចូរចងចាំថា ការគិតរបស់អ្នក មិនអាចធ្វើឱ្យអ្នកជោគជ័យបានទេ ប៉ុន្តែសកម្មភាពធ្វើរបស់អ្នកអាចកំណត់ថាអ្នកជោគជ័យ ឬមិនជោគជ័យបាន។

ពាណិជ្ជកម្ម

សូមប្រុងប្រយ័ត្នចំពោះ BEC ព្រោះអ្នកអាចបាត់សាច់ប្រាក់ តាមរយៈ Email

Sann Thaven

កាលពីថ្ងៃទី 23 ខែឧសភា ឆ្នាំ2022 ក្រសួងប្រៃសណីយ៍និងទូរគមនាគមន៍ បានសិក្សាឃើញថានៅកម្ពុជាកំពុងតែមានកំណើនកើនឡើងនៃការវាយប្រហារបោកបញ្ជោតប្រភេទ Business Email Compromise (BEC) ទៅលើវិស័យឯកជន ក្នុងគោលបំណងលួចសាច់ប្រាក់ តាមរូបភាពទាក់ទងផ្ញើព័ត៌មានតាមរយៈអ៊ីមែល សម្រាប់ប្រតិបត្តិការទូទាត់សាច់ប្រាក់ទៅក្រុមហ៊ុននៅក្រៅប្រទេស។ ការបោកបញ្ឆោតនេះកើតឡើងជាពិសេសទៅលើវិស័យឯកជន ដោយចោរព័ត៌មានវិទ្យាធ្វើការវាយប្រហារទៅកាន់អង្គភាពដែលជាគោលដៅ តាមរយៈការផ្ញើសារអ៊ីមែល ដែលសារនោះមើលទៅហាក់ដូចជាមកពីប្រភពដែលស្គាល់ និងត្រឹមត្រូវ។

លើសពីនេះ ចោរព័ត៌មានវិទ្យាបានធ្វើពុតជាក្រុមហ៊ុនផលិត ឬដៃគូអាជីវកម្ម ដែលធ្លាប់ទាក់ទងជាទៀងទាត់ ក្នុងរូបភាពជានាយកប្រតិបត្តិក្រុមហ៊ុន ឬនាយកផ្នែកហិរញ្ញវត្ថុ ឬជាជំនួយការនិងបុគ្គលិកជាន់ខ្ពស់ដែលទាក់ទងនឹងហិរញ្ញវត្ថុ ឬពាក់ព័ន្ធនឹងការផ្ទេរប្រាក់ទៅកាន់ដៃគូអាជីវកម្មនៅក្រៅប្រទេស ដើម្បីស្នើសុំឱ្យមានការទូរទាត់ថ្លៃទំនិញឬសេវាទៅកាន់គណនីធនាគារថ្មីមួយ ខុសពីគណនីសម្រាប់ទូទាត់កន្លងមក ដោយផ្ញើវិក្កយបត្រតាមរយៈអាសយដ្ឋានអ៊ីមែលរបស់ក្រុមហ៊ុនផលិត ឬដៃគូអាជីវកម្មនោះដែលត្រូវបានចោរព័ត៌មានវិទ្យាលួចចូលគ្រប់គ្រងប្រើប្រាស់ ឬអាសយដ្ឋានអ៊ីមែលមួយផ្សេងខុសពីអាសយដ្ឋានអ៊ីមែលដែលធ្លាប់ប្រើ ឬអាស័យដ្ឋានដែលមានលក្ខណៈប្រហាក់ប្រហែល។

ដើម្បីការពារខ្លួនពីបញ្ហានេះ អ្នកប្រើប្រាស់គួរមានការប្រុងប្រយ័ត្នជាមួយនឹងវិធានការ ដូចខាងក្រោម៖

ពិនិត្យនិងផ្ទៀងផ្ទាត់មើលឈ្មោះ និងអាសយដ្ឋានអ៊ីមែលដែលផ្ញើមកឱ្យបានច្បាស់ ឬអាចសាកសួរតាមទូរសព្ទបន្ថែមទៀតក្នុងករណីដែលមានការសង្ស័យ ទោះបីជាអ៊ីមែលនោះមកពីអ្នកដែលយើងស្គាល់ក៏ដោយ
ប្រុងប្រយ័ត្នខ្ពស់ចំពោះសារអ៊ីមែលស្នើសុំផ្លាស់ប្តូរព័ត៌មានគណនីសម្រាប់ការផ្ទេរប្រាក់
បញ្ជាក់និងផ្ទៀងផ្ទាត់ចំពោះការស្នើសុំផ្លាស់ប្តូរព័ត៌មានគណនី ដោយផ្ទាល់ទៅកាន់បុគ្គលឬដៃគូអាជីវកម្មតាមរយៈមធ្យោបាយផ្សេងក្រៅពីអ៊ីមែល (ឧទាហរណ៍ ការហៅទូរសព្ទ)
ទាក់ទងទៅកាន់ធនាគារជាបន្ទាន់ ប្រសិនជាអ្នកដឹងខ្លួនថា បានចាញ់បញ្ជោតនិងផ្ទេរសាច់ប្រាក់រួចរាល់
គួរដាក់ពាក្យបណ្តឹងទៅកាន់សមត្ថកិច្ចពាក់ព័ន្ធ ប្រសិនជាអ្នកចង់ធ្វើការស្វែងរកចោរព័ត៌មានវិទ្យាមកផ្តន្ទាទោស។

សម្រាប់ព័ត៌មានបច្ចេកទេសពាក់ព័ន្ធនឹងបញ្ហានេះ អ្នកប្រើប្រាស់អាចស្វែងយល់បន្ថែមក្នុងគេហទំព័ររបស់ “ការិយាល័យឆ្លើយតបបញ្ហាបន្ទាន់នៃកុំព្យូទ័រ (CamCERT)” នៃនាយកដ្ឋានសន្តិសុខបច្ចេកវិទ្យាគមនាគមន៍និងព័ត៌មាន របស់ក្រសួងប្រៃសណីយ៍និងទូរគមនាគមន៍ ដែលមានអាសយដ្ឋាន www.camcert.gov.kh ឬរាយការណ៍ ឬសុំជំនួយបច្ចេកទេសបន្ថែមលើករណីនេះតាមរយៈអ៊ីម៉ែល incident@camcert.gov.kh ឬទូរសព្ទលេខ 023 722 391 / 016 851 678។

ពាណិជ្ជកម្ម

សៀវភៅ “យុទ្ធសាស្ត្រអាជីវកម្ម” ដែលអ្នកអាចទាញយកដោយឥតគិតថ្លៃ

Sann Thaven

នាពេលបច្ចុប្បន្ននេះ មានសៀវភៅពាក់ព័ន្ធនឹងយុទ្ធសាស្រ្តអាជីវកម្មជាច្រើនក្បាល ទាំងជាតិ និងអន្តរជាតិ ប៉ុន្តែទោះបីជាយ៉ាងណាក្ដី ក៏មានការពិបាកក្នុងការជ្រើសរើសសៀវភៅសម្រាប់អានផងដែរ ដូច្នេះ យើងនឹងបង្ហាញសៀវភៅមួយចំនួនពាក់ព័ន្ធនឹងយុទ្ធសាស្រ្តអាជីវកម្ម ដែលអ្នកគួរតែជ្រើសរើសអាន។

1. The Competitive Advantage និពន្ធដោយ Michael E. Porter

សៀវភៅនេះ នឹងណែនាំវិធីថ្មីទាំងស្រុងនៃការយល់ដឹងពីអ្វីដែលក្រុមហ៊ុនធ្វើ។ លើសពីនេះ ក៏ផ្ដល់នូវឧបករណ៍ដើម្បីបែងចែកឧស្សាហកម្មជាយុទ្ធសាស្រ្ត និងវាយតម្លៃបែបតក្កវិជ្ជាប្រកួតប្រជែងនៃការធ្វើពិពិធកម្ម។

ចុចទីនេះដើម្បីទាញយក៖ The Competitive Advantage

2. Blue Ocean Strategy និពន្ធដោយ W. Chan Kim និង Renee Mauborgne

សៀវភៅនេះ នឹងបង្ហាញអំពីការចាប់ផ្ដើមអាជីវកម្មដែលប្រើយុទ្ធសាស្រ្តសមុទ្រខៀវ ចៀសវាងប្រើយុទ្ធសាស្រ្តសមុទ្រក្រហមដែលពោរពេញដោយមានការប្រកួតប្រជែងគ្នាខ្លាំង។ លើសពីនេះ ក៏មានការបង្ហាញពីវិធីសាស្រ្តជាប្រព័ន្ធក្នុងការធ្វើឱ្យការប្រកួតប្រជែងមិនពាក់ព័ន្ធ គូសបញ្ជាក់គោលការណ៍ និងឧបករណ៍ដែលក្រុមហ៊ុនអាចប្រើដើម្បីបង្កើត និងចាប់យកមហាសមុទ្រពណ៌ខៀវផ្ទាល់ខ្លួនរបស់ពួកគេ។

ចុចទីនេះដើម្បីទាញយក៖ Blue Ocean Strategy

3. The Art of Strategy និពន្ធដោយ Avinash K. Dixit និង Barry J. Nalebuff

សៀវភៅនេះ នឹងបង្ហាញពីយុទ្ធសាស្ត្រយ៉ាងម៉ត់ចត់ ដែលជាសិល្បៈក្នុងការដឹងអំពីសកម្មភាពរបស់ដៃគូប្រកួតប្រជែងរបស់អ្នក ដោយដឹងយ៉ាងច្បាស់ពីអ្វីដែលគូប្រជែងរបស់អ្នកព្យាយាមធ្វើដូចអ្នក។ លើសពីនេះ ក៏វាជួយក្នុងការគិតពិចារណាដើម្បីបង្កើតវិធីថ្មីៗ ព្រមទាំងបង្ហាញពីទ្រឹស្ដីជាច្រើន ដែលយើងអាចធ្វើឱ្យអ្នកកាន់តែជោគជ័យក្នុងអាជីវកម្ម និងក្នុងជីវិតផ្ទាល់ខ្លួន។

ចុចទីនេះដើម្បីទាញយក៖ The Art of Strategy

4. Hooked និពន្ធដោយ Nir Eyal

សៀវភៅនេះ នឹងបង្ហាញពីរបៀបបង្កើនចំណាប់អារម្មណ៍មនុស្សលើផលិតផលរបស់ខ្លួនឯងឱ្យបានកាន់តែប្រសើរដោយផ្អែកលើការស្រាវជ្រាវ កិច្ចសម្ភាសន៍ឬប្រឹក្សាយោបល់ និងបទពិសោធន៍ជាក់ស្តែងជាច្រើនឆ្នាំរបស់អ្នកនិពន្ធផ្ទាល់។ លើសពីនេះ ក៏បង្ហាញពីការយល់ដឹងជាក់ស្តែងដើម្បីបង្កើតទម្លាប់អ្នកប្រើប្រាស់ដែលជាប់ និងជំហានដែលអាចអនុវត្តបានសម្រាប់ការកសាងផលិតផលដែលមនុស្សចូលចិត្ត។

ចុចទីនេះដើម្បីទាញយក៖ Hooked

5. Your Strategy Needs a Strategy និពន្ធដោយ Martin Reeves, Knut Haanæs និងJanmejaya Sinha

សៀវភៅនេះ អ្នកនិពន្ធនឹងផ្តល់ជូននូវវិធីសាស្រ្តដែលបង្ហាញឱ្យឃើញដើម្បីកំណត់វិធីសាស្រ្ត ឬយុទ្ធសាស្រ្តដែលល្អបំផុតសម្រាប់ក្រុមហ៊ុនរបស់អ្នក តាមរយៈការជួយអ្នកវាយតម្លៃបរិយាកាសអាជីវកម្មរបស់អ្នក ថាតើវាមិនអាចទាយទុកជាមុនបានឬទេ? ថាតើអ្នកមានអំណាចប៉ុន្មានដើម្បីផ្លាស់ប្តូរវា និងថាតើវាលំបាកប៉ុណ្ណា និងមានធាតុផ្សំសំខាន់ៗផ្សេងទៀតនៃការទទួលបានយុទ្ធសាស្ត្រដ៏ត្រឹមត្រូវ។

ចុចទីនេះដើម្បីទាញយក៖ Your Strategy Needs a Strategy

6. The Ultimate Focus Strategy និពន្ធដោយ Martin Meadows

សៀវភៅនេះ អ្នកនិពន្ធនឹងបង្ហាញពីរបៀបកំណត់គោលដៅដ៏ត្រឹមត្រូវ ការអភិវឌ្ឍយុទ្ធសាស្រ្ត ការផ្តោតអារម្មណ៍ដ៏មានឥទ្ធិពល ការប្រកាន់ខ្ជាប់នូវដំណើរការ និងសម្រេចបានជោគជ័យនៅក្នុងអាជីវកម្ម។

ចុចទីនេះដើម្បីទាញយក៖ The Ultimate Focus Strategy

7. 500 social media marketing tips

សៀវភៅនេះ នឹងផ្ដល់នូវដំបូន្មានសំខាន់ៗពីការប្រើយុទ្ធសាស្ត្រសម្រាប់អាជីវកម្ម ដូចជា Facebook, Twitter, Instagram, Pinterest, LinkedIn, YouTube, Snapchat និងច្រើនទៀត! (ដោយបានធ្វើបច្ចុប្បន្នភាពខែឧសភា 2022!)។

ចុចទីនេះដើម្បីទាញយក៖ 500 social media marketing tips

8. Social Media និពន្ធដោយ Grant Kennedy

សៀវភៅនេះ អ្នកនិពន្ធនឹងធ្វើការណែនាំពីការដោះស្រាយបញ្ហានានានៃប្រព័ន្ធផ្សព្វផ្សាយសង្គម ព្រមទាំងអ្នកអាចយល់អំពីផ្នែកជាច្រើននៃឱកាសនៅក្នុងវិស័យប្រព័ន្ធផ្សព្វផ្សាយសង្គម ហើយជ្រើសរើសអ្វីដែលសាកសមនឹងអ្នកបំផុត។

ចុចទីនេះដើម្បីទាញយក៖ Social Media

9. The Strategy-Focused Organization និពន្ធដោយ Robert S. Kaplan និង David P. Norton

សៀវភៅនេះ រៀបរាប់ពីគោលការណ៍សំខាន់ៗចំនួនប្រាំដែលល្អសម្រាប់ការកសាងក្រុមហ៊ុនដោយផ្សាភ្ជាប់នឹងយុទ្ធសាស្រ្ត ព្រមទាំងបង្ហាញពីរបៀបប្រើប្រាស់ Balanced Scorecard ដោយណែនាំវិធីសាស្រ្តថ្មីដែលធ្វើឱ្យយុទ្ធសាស្ត្រក្លាយជាដំណើរការបន្តដោយគ្រប់គ្រងមិនត្រឹមតែដោយអ្នកគ្រប់គ្រងកំពូលប៉ុណ្ណោះទេ ប៉ុន្តែសម្រាប់មនុស្សគ្រប់គ្នា។

ចុចទីនេះដើម្បីទាញយក៖ The Strategy-Focused Organization

10. Real Business Plans & Marketing Tools និពន្ធដោយ Anne McKinney

សៀវភៅនេះ នឹងបង្ហាញគំរូមួយចំនួនដើម្បីជួយអ្នកដែលចង់រៀបចំឯកសារទាក់ទងនឹងការចាប់ផ្តើម ការរីកលូតលាស់ ការលក់ ឬទីផ្សារអាជីវកម្ម។

ចុចទីនេះដើម្បីទាញយក៖ Real Business Plans & Marketing Tools

11. Digital Business and E-Commerce Management និពន្ធដោយ Dave Chaffey

សៀវភៅនេះ នឹងផ្តល់នូវការណែនាំអំពីទ្រឹស្តី និងការអនុវត្តនៃការគ្រប់គ្រងពាណិជ្ជកម្មអេឡិចត្រូនិក និងពាណិជ្ជកម្មតាមប្រព័ន្ធអេឡិចត្រូនិក ព្រមទាំងបង្ហាញពីពាណិជ្ជសញ្ញារបស់អ្នកនិពន្ធផ្ទាល់អំពីសិទ្ធិអំណាច ភាពច្បាស់លាស់នៃការបញ្ចេញមតិ និងអ្នកជំនាញក្នុងការបង្រៀន ដើម្បីទទួលយកលើប្រធានបទដែលគាត់បានបង្រៀន និងពិគ្រោះយោបល់យ៉ាងសកម្ម។

ចុចទីនេះដើម្បីទាញយក៖ Digital Business and E-Commerce Management

ពាណិជ្ជកម្ម

តើធ្វើដូចម្ដេចទើបមាន “គំនិតអាជីវកម្មមួយ” ដ៏ត្រឹមត្រូវ?

Sann Thaven

ការចាប់ផ្ដើមអាជីវកម្មមួយបាន លុះត្រាតែអ្នកមានគំនិតអាជីវកម្មដ៏ត្រឹមត្រូវមួយក្នុងការចាប់ផ្ដើមជាមុនសិន ប៉ុន្តែអ្វីជាបញ្ហាចោទនោះគឺថា អ្នកមិនដឹងស្វែងរកគំនិតអាជីវកម្មបែបណា គួរជ្រើសរើសមួយណាបើមានគំនិតច្រើនជាដើម។ ហេតុនេះហើយ នៅក្នុងខ្លឹមសារអត្ថបទខាងក្រោមនេះ នឹងបង្ហាញពីតិចនិកមួយចំនួនដែលអ្នកអាចអនុវត្តន៍ក្នុងការស្វែងរកគំនិត និងជ្រើសរើសគំនិតក្នុងការធ្វើអាជីវកម្មផ្ទាល់ខ្លួនឱ្យបានល្អប្រសើរ។

1. ផ្តោតលើជំនាញ បទពិសោធន៍ និងចំណង់ចំណូលចិត្តរបស់អ្នក

មនុស្សគ្រប់គ្នាតែងតែមានជំនាញ បទពិសោធន៍ និងចំណង់ចំណូលចិត្តផ្សេងៗគ្នា ដោយអាស្រ័យលើស្ថានភាពរស់នៅ ការសេពគប់ និងទីតាំងដែលពួកគេចំណាយពេលវេលាច្រើននៅទីនោះ។ ត្រង់ចំណុចនេះ មិនទាមទារឱ្យអ្នកក្លាយជាអ្នកជំនាញខ្លាំងនោះទេ គ្រាន់តែជាជំនាញដែលអ្នកមានភាពលេចធ្លោជាងគេដែលអ្នកមានស្រាប់។ រីឯបទពិសោធន៍វិញ សំដៅលើបទពិសោធន៍ដែលអ្នកធ្លាប់ឆ្លងកាត់ និងធ្លាប់ធ្វើកន្លងមកទាំងនៅក្នុងជីវិត និងនៅកន្លែងធ្វើការជាដើម។ ហើយទាំងជំនាញ ទាំងបទពិសោធន៍ សុទ្ធតែអ្នកអាចគិតពិចារណា ដើម្បីយកមកប្រើជាគំនិតអាជីវកម្មដែលអ្នកចង់ចាប់ផ្ដើមវា ហើយអ្នកមានចំណង់ចំណូលចិត្ត និងមហ្ឆិចតាក្នុងការធ្វើវាខ្លាំង។

ឧទាហរណ៍

មានជំនាញសរសេរកូដ អាចធ្វើជាអ្នកធ្វើការឯករាជ្យដល់ក្រុមហ៊ុនណាមួយ
មានជំនាញទីផ្សារ អាចធ្វើជាអ្នកផ្ដល់ប្រឹក្សាយោបល់ដល់ម្ចាស់អាជីវកម្ម
មានជំនាញឆុងកាហ្វេ អាចបើកហាងកាហ្វេផ្ទាល់ខ្លួន
មានចំណង់ចំណូលចិត្តផ្នែកហាត់ប្រាណ អាចបើកខ្លឹបហាត់ប្រាណ
អ្នកមានបទពិសោធន៍ធ្វើការច្រើនលើផ្នែកណាមួយ ដូច្នេះអ្នកអាចចាប់ផ្ដើមលើផ្នែកនោះជាគំនិតអាជីវកម្មរបស់អ្នក ។ល។

2. គិតអំពីបញ្ហាដែលជួបចំពោះមុខ

អ្នកអាចគិតពិចារណានូវរឿងដែលអ្នកធ្លាប់ខកចិត្តពីក្រុមហ៊ុនណាមួយ ហើយអ្នកអាចលឺមិត្តភក្តិ ឬអ្នកជុំវិញជួបបញ្ហាដូចអ្នកដែរ ឬអាចជារឿងផ្សេង ហើយអ្នកអាចគិតថាវាជារឿងអាចទៅរួចប្រសិនបើអ្នកចាប់យកឱកាសនោះដើម្បីបង្កើតអ្វីដែលថ្មីក្នុងការបំពេញនូវចន្លោះខ្វះខាត ឬធ្វើឱ្យល្អប្រសើរជាងមុន។ លើសពីនេះ អ្នកក៏អាចធ្វើការស្ទង់មតិបន្ថែមពីអ្នកជុំវិញខ្លួន ជាពិសេសគ្រួសារ មិត្តរួមថ្នាក់ មិត្តរួមការងារ និងបងប្អូនជាដើម ដើម្បីសួរអំពីការខកចិត្ត ឬបញ្ហាដែលជួបប្រទះនានាដែលមិនមានដំណោះស្រាយ ហើយតែងតែកើតឡើងដដែល ព្រមទាំងគ្មានក្រុមហ៊ុនណាមិនទាន់ធ្វើអ្វីដើម្បីដោះស្រាយបញ្ហានោះជាដើម ដើម្បីផ្ដល់ជាគំនិតដល់អ្នកក្នុងការមានគំនិតអាជីវកម្ម។

3. គិតលើការបំពេញតម្រូវការរបស់មនុស្ស

មនុស្សនៅក្នុងតំបន់នីមួយៗ និងទូទាំងពិភពលោកសុទ្ធតែមានតម្រូវការជាច្រើនផ្នែក ហើយពេលខ្លះមានផ្នែកមួយចំនួនដែលអាចបំពេញតម្រូវការមនុស្សបានពេញមួយជីវិតដែលមនុស្សមិនអាចខ្វះបាន ឧទាហរណ៍ មនុស្សត្រូវការញុំា ដូច្នេះត្រូវតែមានអាហារ មនុស្សត្រូវការស្លៀកពាក់ ដូច្នេះត្រូវតែមានសម្លៀកបំពាក់ ហើយមនុស្សត្រូវការសម្អាត ដូច្នេះត្រូវតែមានសាប៊ូ ។ល។ ហើយផ្នែកទាំងនេះ ក៏មានក្រុមហ៊ុនជាច្រើនដែលកំពុងបង្កើតដើម្បីបំពេញតម្រូវការរបស់មនុស្ស។ ចំណែកអ្នកវិញ អ្នកអាចគិតពិចារណានៅក្នុងតំបន់ដែលអ្នកចង់ចាប់ផ្ដើមអាជីវកម្ម បន្ទាប់មកគិតលើតម្រូវការរបស់មនុស្សដែលមនុស្សចូលចិត្តប្រើប្រាស់ជាប្រចាំ អាចជាប្រចាំថ្ងៃ ប្រចាំខែ និងប្រចាំឆ្នាំជាដើម ហើយបង្កើតជាគំនិតអាជីវកម្មមួយដែលអាចបំពេញតម្រូវការរបស់ពួកគេ។

4. ជ្រើសរើសគំនិតអាជីវកម្មមួយ

ក្រោយពីឆ្លងកាត់ដំណាក់កាល 3 ខាងលើរួចហើយ អ្នកអាចសរសេរនូវគំនិតអាជីវកម្មដែលអ្នកមានយ៉ាងហោចចំនួន 10 បន្ទាប់មកចាប់ផ្ដើមចម្រាញ់យកគំនិតអាជីវកម្មមួយដែលអ្នកស្រលាញ់បំផុត ហើយមានជំនាញស្រាប់ ព្រមទាំងមានមហិ្ឆចតាចង់ធ្វើខ្លាំងជាងគេ និងអាចពង្រីកបានធំនាពេលអនាគត។ ហើយអ្នកអាចយកសំណួរសួរមួយចំនួន៖

តើអ្វីជាគំនិតអាជីវកម្មដ៏ល្អបំផុតមួយសម្រាប់អ្នក?
ហេតុអ្វីបានជាអ្នកជ្រើសរើសយកគំនិតអាជីវកម្មមួយនេះ? (បង្ហាញហេតុផលសំខាន់ 3)
តើកម្រិតនៃក្ដីស្រលាញ់លើគំនិតអាជីវកម្មនោះកម្រិតណា?
តើអ្នកច្បាស់ទេថាអ្នកមានជំនាញក្នុងគំនិតអាជីវកម្មនោះ?
តើគំនិតអាជីវកម្មនោះអាចពង្រីកបានធំកម្រិតណា?

5. តេស្តសាកល្បងនូវគំនិតដែលអ្នកជ្រើសរើស

បន្ទាប់ពីអ្នកបានជ្រើសរើសគំនិតអាជីវកម្មមួយដែលអ្នកបានជ្រើសរើសរួចហើយ អ្នកអាចចាប់ផ្ដើមប្រឡូកនៅក្នុងគំនិតអាជីវកម្មនោះឱ្យស៊ីជម្រៅដើម្បីធ្វើឱ្យកាន់តែប្រាកដថាអ្នកច្បាស់លាស់ក្នុងការធ្វើវា ហើយគំនិតអាជីវកម្មនោះអាចដំណើរការបាន។ អ្នកអាចចាប់ផ្ដើមសិក្សាអំពីទំហំទីផ្សារនូវគំនិតអាជីវកម្មរបស់អ្នក សិក្សាអំពីក្រុមអតិថិជនគោលដៅ ដៃគូប្រកួតប្រជែង សិក្សាពីចំណុចខ្លាំង ចំណុចខ្សោយ ភាពគំរាមគំហែង និងឱកាសនៃគំនិតអាជីវកម្មរបស់អ្នកជាដើម។

ពាណិជ្ជកម្ម

បើចង់រកស៊ី កុំស្ដាប់តាមតែពាក្យណែនាំរបស់គេ ប៉ុន្តែអ្នកត្រូវគិតលើរឿងនេះសិន

Sann Thaven

នាពេលបច្ចុប្បន្ននេះ ចំណេះដឹងពាក់ព័ន្ធនឹងការធ្វើអាជីវកម្មគឺមានច្រើនរាប់មិនអស់ទាំងអនឡាញ និងទាំងមិនអនឡាញ ដូចជាសៀវភៅ និងការចែករំលែកនៅក្នុងសិក្ខាសាលាជាដើម។ ជាពិសេសតាមរយៈការចែករំលែករបស់សហគ្រិនទាំងក្នុងស្រុក និងក្រៅស្រុកជាច្រើនរូបនៅក្នុងប្រព័ន្ធអនឡាញ។ ហើយការចែករំលែកទាំងនោះ សុទ្ធតែជាចំណេះដឹងល្អៗដែលកើតចេញពីបទពិសោធន៍ដែលពួកគាត់ធ្លាប់ឆ្លងកាត់ ដូច្នេះប្រសិនបើករណីថាអ្នកចូលចិត្តស្ដាប់ការចែករំលែករបស់បុគ្គលណា ឬមានឱកាសជួបជាមួយសហគ្រិនរូបណា អ្នកអាចស្ដាប់ការណែនាំរបស់ពួកគាត់បាន ចូរកុំស្ដាប់ហើយអនុវត្តន៍ទាំងស្រុង ប៉ុន្តែអ្នកអាចគិតពិចារណាបន្ថែមលើចំណុចមួយចំនួនសម្រាប់ខ្លួនឯង។

1. តើអ្វីជា “គំនិតអាជីវកម្មរបស់អ្នក”?

នៅក្នុងចំណុចនេះ អ្នកត្រូវដឹងខ្លួនឯងថា តើអ្វីជាគំនិតអាជីវកម្មដែលអ្នកមាន? ហើយអ្នកចង់ចាប់ផ្ដើមធ្វើវា? ព្រមទាំងអ្នកប្រាកដក្នុងចិត្តច្បាស់ក្នុងការចាប់ផ្ដើម។ ត្រូវចងចាំថា គំនិតអាជីវកម្មមានច្រើន ហើយអ្នកក៏អាចមានច្រើនដូចគ្នា ដូច្នេះអ្នកត្រូវដឹងថា តើគំនិតមួយណាដែលអ្នកពេញចិត្តខ្លាំង ព្រមទាំងជាអ្វីដែលអ្នកមានជំនាញស្រាប់ មានអ្នកជួយស្រាប់ និងជាប្រភេទអាជីវកម្មដែលមានគូប្រកួតប្រជែងក្នុងកម្រិតទាបដោយមានឱកាសពង្រីកកាន់តែធំជាដើម។

បញ្ជាក់៖ ហាមជ្រើសរើសគំនិតអាជីវកម្មតាមការណែនាំរបស់គេទាំងស្រុង ប៉ុន្តែត្រូវតែជាគំនិតអាជីវកម្មដែលអ្នកពេញចិត្តខ្លាំង អ្នកចង់ធ្វើវាខ្លាំង មានទស្សនវិស័យជាក់លាក់ និងមានជំនាញនៅក្នុងនោះស្រាប់។

2. តើគួរសរសេរផែនការអាជីវកម្មបែបណា?

ការចាប់ផ្ដើមធ្វើអាជីវកម្មមួយឱ្យដំណើរការបាន គឺវាទាមទារឱ្យមានកត្តាច្រើនក្នុងការចូលរួមចំណែក ជាពិសេសការសរសេរផែនការអាជីវកម្ម ពីព្រោះផ្នែកនេះនឹងធ្វើឱ្យអ្នកយល់ច្បាស់អំពីអាជីវកម្មរបស់អ្នក និងដឹងថានឹងត្រូវឆ្ពោះទៅណាឱ្យពិតប្រាកដ ព្រមទាំងជួយបង្ហាញផ្លូវអ្នកក្នុងការធ្វើសកម្មភាពនានា។ ហេតុនេះអ្នកត្រូវតែដឹងថា មុននឹងចាប់ផ្ដើមអាជីវកម្ម អ្នកត្រូវមានគំនិតអាជីវកម្មមួយជាក់លាក់ បន្ទាប់មកអ្នកនឹងត្រូវដឹងពីរបៀបសរសេរផែនការអាជីវកម្មរបស់អ្នក។

ឈ្វេងយល់អំពីចំណេះដឹងនៃការសរសេរផែនការអាជីវកម្ម

3. តើអ្នកយល់ច្បាស់ពីឧស្សាហកម្មដែលអ្នកចង់ធ្វើឬនៅ?

នៅក្នុងចំណុចនេះ ចង់ឱ្យអ្នកគិតឱ្យបានច្បាស់ថា បើអ្នកចង់ចាប់ផ្ដើមចង់ធ្វើអាជីវកម្មអ្វីមួយ តើអ្នកយល់ដឹងអំពីវាកម្រិតណា ឬគ្រាន់តែលឺគេនិយាយថាល្អ ហើយអាចជោគជ័យកម្រិតខ្ពស់ អ្នកក៏តាមគេឬយ៉ាងណា? ឧទាហរណ៍ គេនិយាយថា រកស៊ីផ្នែកអចលនទ្រព្យល្អ និងចំណេញលុយច្រើន អ្នកក៏តាមគេដែរ ទាំងដែលអ្នកមិនទាន់យល់អំពីការរកស៊ីលើផ្នែកនោះជាដើម ដែលជាហេតុធ្វើឱ្យអ្នកជួបនូវផលវិបាកនៅពេលចាប់ផ្ដើម។

កត្តានេះហើយ អ្នកត្រូវតែសិក្សាលើឧស្សាហកម្មដែលអ្នកចង់ចាប់ផ្ដើមធ្វើអាជីវកម្មនោះឱ្យបានច្បាស់ ទាំងទំហំទីផ្សារ និងភាពអាចទៅរួចដែលអ្នកអាចធ្វើបាន។ល។

4. តើអ្នកចាប់ផ្ដើមម្នាក់ឯង ឬត្រូវមានអ្នកជួយ?

នៅពេលចាប់ផ្ដើមតើអ្នករួចរាល់ក្នុងការចាប់ផ្ដើមម្នាក់ឯងឬទេ? ឬអ្នកត្រូវការអ្នកមកជួយបន្ថែម ដើម្បីសហការគ្នា?

ត្រង់ចំណុចនេះ ប្រសិនបើអ្នកមានគំនិតនេះតែម្នាក់ឯង អ្នកត្រូវតែរៀបចំធ្វើយ៉ាងណាដើម្បីធ្វើឱ្យខ្លួនឯងប្រាកដក្នុងចិត្តយ៉ាងច្បាស់ថា អ្នកនឹងធ្វើអ្វី ដើម្បីអ្វី និងឆ្ពោះទៅណា ដើម្បីយកគំនិតជាក់លាក់នេះបង្កើតជាក្រុមតាមក្រោយ ហើយអ្នកជាអ្នកដឹកនាំ។ ប៉ុន្តែប្រសិនបើអ្នកផ្សេងមានគំនិតដូច ហើយពួកគាត់មានជំនាញដែលអាចបំពេញឱ្យអ្នក ព្រមទាំងជាបុគ្គលដែលអាចរួមដំណើរជាមួយគ្នាបាន នោះអ្នកអាចចាប់ផ្ដើមជាមួយគ្នា ប៉ុន្តែសូមជ្រើសរើសមនុស្សឱ្យបានត្រឹមត្រូវ ដើម្បីរួមដំណើរជាមួយគ្នា ចៀសវាងមានបញ្ហានៅពេលក្រោយ។

5. តើអ្នកនឹងចាប់ផ្ដើមដោយរបៀបណា?

អាជីវកម្មមួយជោគជ័យបាន គឺសុទ្ធតែមានរបៀបរបស់វា គ្រាន់តែពេលខ្លះយើងមិនទាន់ដឹងអំពីរបៀបរបស់វា ដោយទាមទារឱ្យយើងសិក្សាស៊ីជម្រៅជាមួយនឹងវា។ល។ ទោះបីជាយ៉ាងនេះក្ដី អ្នកក៏ត្រូវរៀបចំផែនការ និងកំណត់សកម្មភាពដែលអ្នកត្រូវធ្វើ ព្រមទាំងស្វែងរកសហគ្រិនផ្សេងទៀតដែលមាននៅក្នុងឧស្សាហកម្មដូចអ្នក ដើម្បីជួយជាគំនិត និងមានការត្រៀមជាច្រើនទៀតអាស្រ័យលើទំហំ និងប្រភេទអាជីវកម្មរបស់អ្នក។ ជារួមមក អ្នកត្រូវតែប្រាកដក្នុងចិត្តថា អ្នកមានគំនិត មានផែនការ និងដឹងថាអ្នកធ្វើរបៀបណា ក្នុងការបង្កើតអាជីវកម្មនោះឱ្យចេញជារូបរាង ហើយអាចដំណើរការបាន។

6. តើអាជីវកម្មរបស់អ្នកអាចពង្រីកបានទេ?

ការធ្វើអាជីវកម្មមានច្រើន មានទាំងអាជីវកម្មបែបគ្រួសារ អាជីវកម្មខ្នាតតូច ខ្នាតមធ្យម និងបែបខ្នាតធំ ដោយអាជីវកម្មនីមួយៗមានកម្រិតនៃការរីកចម្រើនរបស់វា ដោយអាជីវកម្មខ្លះរក្សានូវទំហំអាជីវកម្មនៅថេរ និងអាជីវកម្មផ្សេងទៀតអាចពង្រីកកាន់តែធំបាន រហូតអាចឈានដល់កម្រិតថ្នាក់អន្តរជាតិក៏មានដែរ។ ដូច្នេះចំពោះគំនិតអាជីវកម្ម ដែលអ្នកកំពុងធ្វើវិញ តើវាអាចមានលទ្ធភាពរីកចម្រើន ឬពង្រីកបានកម្រិតណា? ហេតុនេះ អ្នកក៏ត្រូវគិតពិចារណាដែរ។

7. តើអ្នកគិតច្បាស់ឬនៅ?

អ្នកអាចពិនិត្យពីចំណុចទី1 រហូតដល់ចំណុចទី6 និងត្រូវសួរបញ្ជាក់ជាមួយខ្លួនឯង ដើម្បីធ្វើឱ្យប្រាកដថា អ្នកពិតជាសម្រេចចិត្តច្បាស់ និងត្រៀមខ្លួនរួចជាស្រេចក្នុងការចាប់ផ្ដើមអាជីវកម្មលើគំនិតអាជីវកម្មណាមួយដែលអ្នកបានជ្រើសរើស។

ពាណិជ្ជកម្ម

កំហុសដ៏ធំរបស់ម្ចាស់អាជីវកម្មនៅកម្ពុជា តែងតែប្រព្រឹត្តិ!

Sann Thaven

កំហុសដ៏ធំរបស់ម្ចាស់អាជីវកម្មនៅកម្ពុជា តែងតែមើលរំលង!

គ្មានអ្វីដែលល្អឥតខ្ចោះនោះឡើយ ប៉ុន្តែក៏មិនត្រូវបណ្ដែតបណ្ដោយដែរ ដូច្នេះហើយម្ចាស់អាជីវកម្មទាំងអស់ អាចពិនិត្យនូវកង្វះខាតដែលបានប្រព្រឹត្តិឡើងវិញ ដើម្បីធ្វើយ៉ាងណាឱ្យអាជីវកម្មផ្ទាល់ខ្លួនកាន់តែមានភាពលេចធ្លោនៅក្នុងទីផ្សារ។ ជាពិសេសអាជីវកម្មដែលបានប្រព្រឹត្តិនូវកំហុសចំនួន 4 ខាងក្រោម៖

1. សមត្ថភាពខ្លាំងតែម្នាក់ឯង

ម្ចាស់អាជីវកម្មមួយចំនួន បានមើលរំលងក្នុងការបណ្ដុះបណ្ដាលបុគ្គលិកនៅក្រោមបង្គាប់ទាំងអស់ឱ្យមានសមត្ថភាពខ្លាំង និងអាចប្រើប្រាស់សមត្ថភាពផ្ទាល់ខ្លួនឱ្យកាន់តែមានប្រយោជន៍ជាងមុន ដោយភាគច្រើនថ្នាក់ដឹកនាំ មានសមត្ថភាពខ្លាំងតែម្នាក់ឯង ដែលធ្វើឱ្យកិច្ចការមួយចំនួនដំណើរការមិនបានល្អ។ ដូច្នេះហើយ ត្រង់ចំណុចនេះ ម្ចាស់អាជីវកម្ម ឬថ្នាក់ដឹកនាំផ្សេងៗ គួរតែពិនិត្យលើចំណុចនេះម្ដងទៀត ព្រមទាំងចាប់ផ្ដើមរៀបចំប្រព័ន្ធក្នុងការបង្វឹកបុគ្គលិកទាំងអស់ឱ្យមានសមត្ថភាពកាន់តែខ្លាំង ដោយអាចមានសមត្ថភាពក្នុងការបំពេញការងារផ្សេងៗបានយ៉ាងល្អ ទោះបីជាថ្ងៃណាមួយអ្នកមិនបាននៅក្រុមហ៊ុនក៏ដោយ។

អ្នកអាចបណ្ដុះបណ្ដាលឱ្យបុគ្គលិកមានសមត្ថភាពដូចជា៖

ដឹកនាំក្រុម
ធ្វើការងារជាក្រុម
ភាពច្នៃប្រឌិត និងការបង្កើតថ្មី
ចេះប្រើប្រាស់សមត្ថភាព និងទេពកោសល្យផ្ទាល់ខ្លួន
ចេះដោះស្រាយបញ្ហាដោយខ្លួនឯង
ចេះជំនាញសិក្សាស្រាវជ្រាវ និងស្វ័យសិក្សា
យល់ដឹងអំពីរបៀបនៃប្រព័ន្ធធ្វើការឱ្យមានប្រសិទ្ធភាព
និងចំណេះជំនាញថ្មីៗជាច្រើនទៀតអាស្រ័យលើអ្នកផ្ដល់ឱ្យ។

2. ការផ្ដល់សេវាកម្មអតិថិជនមិនល្អ

ក្រុមហ៊ុន ឬហាងមួយចំនួននៅកម្ពុជា បានមើលរំលងនូវការបណ្ដុះបណ្ដាលបុគ្គលិកដែលមានភាពពាក់ព័ន្ធនឹងការផ្ដល់សេវាកម្មអតិថិជនឱ្យបានល្អ ដែលធ្វើឱ្យបាត់បង់អតិថិជនជាបន្តបន្ទាប់ដោយមិនដឹងខ្លួន។ សូមចងចាំថា ទោះបីជាក្រុមហ៊ុន ឬហាងរបស់អ្នកមានផលិតផលល្អយ៉ាងណា ក៏វាទាមទារឱ្យមានការផ្ដល់សេវាកម្មអតិថិជនល្អបន្ថែមទៀតដែរ។

ការផ្ដល់សេវាកម្មអតិថិជនល្អ នោះអតិថិជននឹងសប្បាយចិត្តជាមួយអ្នក ហើយនឹងជួយធ្វើទីផ្សារបន្តឱ្យអ្នកតាមរយៈការណែនាំបន្ត ព្រមទាំងពួកគេនឹងក្លាយជាអតិថិជនដ៏ស្មោះត្រង់សម្រាប់អ្នក។ ប៉ុន្តែជាក់ស្ដែង នៅកម្ពុជា ម្ចាស់អាជីវកម្មមួយចំនួនមិនបានផ្ដល់ចំណេះដឹងនេះដល់បុគ្គលិកឡើយ ដោយអ្នកខ្លះមិនដឹងថាអ្វីទៅជាការផ្ដល់សេវាកម្មល្អដល់អតិថិជន ហើយពួកគេធ្វើអ្វីតាមតែពួកគេចង់ធ្វើ ដោយពេលខ្លះធ្វើប៉ះពាល់ដោយប្រយោលដល់អតិថិជនជាដើម។

កំហុសនៃការផ្ដល់សេវាកម្មអតិថិជនមិនល្អនៅកម្ពុជា រួមមាន៖

ការមិនញញឹម និងរុសរាយរាក់ទាក់ទាំងអតិថិជនអញ្ជើញមក និងត្រឡប់ទៅវិញ
ការធ្វើកាយវិកាមិនសមរម្យជាមួយនឹងអតិថិជនដែលពួកគាត់តែងខ្លួនបែបសាមញ្ញ ដោយវាយតម្លៃតែសំបកក្រៅ
មិនចេះរក្សាអតិថិជនទាំងចាស់ និងថ្មី តាមរយៈការផ្ដល់សេវាកម្មអន់បំផុត
មិនចេះប្រឹក្សាយោបល់ជាមួយអតិថិជន ដើម្បីផ្ដល់នូវជម្រើសល្អៗផ្សេងៗទៀតដល់អតិថិជន ដោយភាគច្រើនចង់និយាយស្ដីឱ្យអតិថិជន ឬប្រើពាក្យមិនសមរម្យនៅពេលអតិថិជនគ្រាន់តែសួរហើយដើរចេញ ពីព្រោះគ្មានអ្វីដែលពួកគាត់ចង់បានជាដើម
និងជាច្រើនទៀត ដែលជាកត្តាធ្វើឱ្យអតិថិជនចងចាំហើយមិនចង់ត្រឡប់មកម្ដងទៀត។

3. បង្កើតអាជីវកម្មដោយចិត្តមួយឆាវ

ម្ចាស់អាជីវកម្មមួយចំនួន ចង់ចាប់ផ្ដើមអាជីវកម្មដោយតាមតែចិត្តចង់មួយឆាវ ដោយសារការណែនាំរបស់សហគ្រិននានា ការចង់ក្លាយជាបុគ្គលល្បី ការចង់ក្លាយជាអ្នកមាន និងជាច្រើនទៀតដោយមិនមែនជាកត្តាស្រលាញ់ពិតប្រាកដ ដែលនេះប្រឈមមុខនឹងការខាតបង់ ហើយឆាប់បោះបង់។ ចងចាំថា ការធ្វើអាជីវកម្ម វាត្រូវឆ្លងកាត់បញ្ហាច្រើន និងទាមទារឱ្យមានការយល់ដឹងក្នុងការធ្វើអាជីវកម្ម ជាពិសេសយល់ដឹងពីឧស្សាហកម្មដែលកំពុងចង់ធ្វើនោះ ដូច្នេះបើអ្នកធ្វើអាជីវកម្មដោយមិនកើតចេញពីការស្រលាញ់ និងទស្សនវិស័យជាក់លាក់ណាមួយនោះទេ នោះអាជីវកម្មនោះក៏កើតឡើងមិនបានយូរអង្វែងផងដែរ។

កត្តានេះហើយ ដែលយើងសង្កេតឃើញថា មានអាជីវកម្មមួយចំនួននៅកម្ពុជា ត្រូវបានបិទទ្វារអស់ជាច្រើន ទោះបីជាកាលពីចាប់ផ្ដើមដំបូងមានសំទុះនៃការគាំទ្រច្រើនក៏ដោយ។

4. ធ្វើអាជីវកម្មដើម្បីប្រជែងគ្នា

នៅក្នុងទីផ្សារនៅកម្ពុជា យើងសង្កេតឃើញថា ម្ចាស់អាជីវកម្មមួយចំនួនភាគច្រើនចូលចិត្តបង្កើតអ្វីដែលដូចៗគ្នា ព្រមទាំងពេលខ្លះបើកអាជីវកម្មស្រដៀងនឹងគេ ហើយចាប់ផ្ដើមប្រណាំងគ្នាដើម្បីដណ្ដើមចំណែកទីផ្សារគ្នាជាដើម ប៉ុន្តែជាលទ្ធផលចុងក្រោយអាចមានអ្នកឈ្នះ អ្នកចាញ់ ហើយជួនកាលដួលទាំងអស់គ្នាក៏មាន។ លើសពីនេះ ពួកគេព្យាយាមរកយុទ្ធសាស្រ្តមកប្រកួតគ្នា ហើយពេលខ្លះប្រើយុទ្ធសាស្រ្តដូចគ្នា ដើម្បីផលប្រយោជន៍រៀងខ្លួនក៏មានដែរ។ (បញ្ជាក់៖ នេះគ្រាន់តែជារូបភាពមួយផ្នែកតូចប៉ុណ្ណោះ)។

ការដែលធ្វើបែបនេះ នាំតែធ្វើឱ្យទីផ្សារកាន់តែតូចចង្អៀត ព្រមទាំងគ្មានពេលវេលាគ្រប់គ្រាន់ក្នុងការស្វែងរកគំនិតច្នៃប្រឌិតផ្សេងៗដើម្បីបញ្ចូលនៅក្នុងអាជីវកម្មឡើយ ដោយភាគច្រើននាំចូលពីបរទេសច្រើនជាងការនាំចេញជាដើម។

ហេតុដូចនេះហើយ ក្នុងចំណុចនេះ ចង់បង្ហាញឱ្យម្ចាស់អាជីវកម្មយកពេលវេលាដែលចង់តែឈ្នះដៃគូប្រកួតប្រជែង មកស្វែងរកអ្វីដែលថ្មី ដើម្បីបំពេញចន្លោះខ្វះខាតនៅក្នុងទីផ្សារក្នុងការបំពេញតម្រូវការអតិថិជន និងជួយជំរុញក្នុងការបង្កើតអ្វីដែលថ្មីៗឱ្យបានច្រើននៅក្នុងទីផ្សារ គឺវាជាការល្អបំផុត។

ពាណិជ្ជកម្ម

ហេតុអ្វី ម្ចាស់អាជីវកម្ម ចាំបាច់ត្រូវតែចេះ “ជំនាញនិយាយជាសាធារណៈ”?

Sann Thaven

ជំនាញនិយាយជាសារធាណៈ សំដៅលើជំនាញទន់ដែលបង្ហាញពីរបៀបដែលអ្នកមានសមត្ថភាពអាចនិយាយបានយ៉ាងល្អ និងទាក់ទាញចំណាប់អារម្មណ៍ពីអ្នកស្តាប់របស់អ្នក។ លើសពីនេះ ក៏មានសមត្ថភាពក្នុងការបញ្ចុះបញ្ចូល ផ្តល់ព័ត៌មាន និងអប់រំអ្នកដទៃ ព្រមទាំងអាចប្រាស្រ័យទាក់ទងប្រកបដោយប្រសិទ្ធភាពជាមួយមិត្តរួមការងារ វិនិយោគិន និយោជិត និងអតិថិជនជាដើម។ បន្ថែមពីនេះ ក៏មានឥទ្ធិពលយ៉ាងខ្លាំងទៅលើកំណើនអាជីព និងភាពជោគជ័យនៅក្នុងឧស្សាហកម្មផ្ទាល់ខ្លួន។

ប្រភេទសំខាន់ៗនៃការនិយាយជាសាធារណៈ

ការនិយាយទៅកាន់មនុស្សគ្រប់គ្នាដើម្បីផ្ដល់នូវព័ត៌មាន
ការនិយាយទៅកាន់មនុស្សគ្រប់គ្នាដើម្បីធ្វើការបញ្ចុះបញ្ចូល
ការនិយាយទៅកាន់មនុស្សគ្រប់គ្នាដើម្បីធ្វើឱ្យអ្នកស្ដាប់ធ្វើសកម្មភាព
ការនិយាយទៅកាន់មនុស្សគ្រប់គ្នាដើម្បីផ្ដល់ភាពកំសាន្ត

ហេតុផលសំខាន់ៗដែលម្ចាស់អាជីវកម្មចាំបាច់ត្រូវតែចេះជំនាញនេះ

ក្នុងនាមជាម្ចាស់អាជីវកម្ម ត្រូវតែហ៊ានជំនះនូវរាល់ភាពភ័យខ្លាចដែលបង្អាក់ខ្លួនឯងមិនឱ្យហ៊ាននិយាយជាសាធារណៈឱ្យសោះ ពីព្រោះវាជាកត្តាមួយខាតបង់ជាច្រើន។ ជំនាញមួយនេះ ពិតជាសំខាន់ណាស់សម្រាប់អ្នកក្នុងការប្រើប្រាស់ជាប្រយោជន៍នៅក្នុងអាជីវកម្ម ប៉ុន្តែកន្លងមកមានម្ចាស់អាជីវកម្មជាច្រើនរូបបានមើលរំលងនូវជំនាញមួយនេះផងដែរ។ ហេតុដូចនេះហើយ ខាងក្រោមនេះនឹងបង្ហាញនូវហេតុផលសំខាន់ៗមួយចំនួន ដែលម្ចាស់អាជីវកម្មគួរតែដឹងថា ការដែលមានជំនាញនិយាយជាសាធារណៈវាមានសារៈសំខាន់យ៉ាងដូចម្ដេចខ្លះ។

អាចបង្កើតទំនាក់ទំនងដ៏រឹងមាំជាមួយបុគ្គលពាក់ព័ន្ធនានា ដូចជាអ្នកអាចមានទំនាក់ទំនងយ៉ាងល្អជាមួយក្រុមការងារ វិនិយោគិន និងដៃគូសហការជាដើម។
អាចនិយាយបកស្រាយលើរឿងរ៉ាវជាច្រើនអំពីខ្លួនឯង និងអំពីអាជីវកម្មផ្ទាល់ខ្លួនបានយ៉ាងល្អ ដែលជាចំណុចទាក់ទាញដល់ក្រុមមនុស្សដែលអ្នកចង់បង្ហាញ ព្រមទាំងធ្វើពួកគេចាប់ផ្ដើមស្គាល់ពីអ្នក និងអាជីវកម្មរបស់អ្នកច្បាស់ជាងមុន។
បង្កើនភាពជឿជាក់ និងទំនុកចិត្តដល់ខ្លួនឯង នៅពេលនិយាយបង្ហាញលើអ្វីមួយបានយ៉ាងច្បាស់ល្អ ជាពិសេសអ្នកអាចនិយាយធ្វើឱ្យអ្នកស្ដាប់ជឿជាក់មកលើអ្វីដែលអ្នកបាននិយាយបង្ហាញនោះ។
ធ្វើឱ្យអ្នកងាយស្រួលក្នុងការនិយាយបង្ហាញអ្វីមួយដ៏សំខាន់ទៅកាន់ក្រុមការងារ និងអ្នកពាក់ព័ន្ធ ព្រមទាំងអាចនិយាយជំរុញចិត្តធ្វើគេឱ្យធ្វើសកម្មភាពបានយ៉ាងសកម្ម ស្របជាមួយនឹងគោលដៅដែលអ្នកចង់ទទួលបាន។
អ្នកអាចបញ្ចុះបញ្ចូលនរណាម្នាក់ ឬក្រុមមនុស្សដែលជាគោលដៅ ឱ្យយល់ស្របជាមួយនឹងតម្រូវការដែលអ្នកចង់បាន តាមរយៈការនិយាយរបស់អ្នក។
ការនិយាយជាសាធារណៈ នឹងបង្កើតឱកាសនានានៅក្នុងឧស្សាហកម្មដែលអ្នកកំពុងធ្វើ។
និងជាច្រើនទៀត។

ចូរចងចាំថា ការនិយាយពិតជាសំខាន់ ហើយការនិយាយជាសាធារណៈទៀត គឺកាន់តែសំខាន់សម្រាប់ក្នុងនាមជាម្ចាស់អាជីវកម្ម ដើម្បីធ្វើយ៉ាងណាបើកចំហរឱ្យមនុស្សបានស្គាល់ និងជឿជាក់បានលឿន។ ឧទាហរណ៍ជាក់ស្ដែង លោក Jack Ma ក៏មានជំនាញនិយាយសាធារណៈដែរ ដោយលោកតែងតែនិយាយអំពីរឿងរ៉ាវជីវិតផ្ទាល់ខ្លួន និងការតស៊ូរហូតទម្រាំអាចជោគជ័យរហូតមកទល់សព្វថ្ងៃ ជាពិសេសការនិយាយលើកទឹកចិត្តដល់មនុស្សជាច្រើនលើសកលលោក។ នេះជាកត្តាចម្បង ដែលធ្វើឱ្យមនុស្សចាប់ផ្ដើមជឿជាក់ ចាប់ផ្ដើមស្គាល់គាត់ និងស្គាល់អាជីវកម្មរបស់គាត់បានយ៉ាងល្អជាមុន តាមរយៈការវោហាស័ព្ទរបស់គាត់។

ពាណិជ្ជកម្ម

អគារ 10 ជាន់ ត្រូវបានគេសាងសង់ត្រឹមតែក្នុងមួយថ្ងៃប៉ុណ្ណោះ

Sann Thaven

ការសាងសង់អគារនៅកម្ពុជា ភាគច្រើនចំណាយពេលសាងសងអាចរាប់ខែ រាប់ឆ្នាំ ទើបរួចរាល់ ប៉ុន្តែចំពោះតិចនិកថ្មីនៃការសាងសងអគារ 10 ជាន់ នៅប្រទេសចិនវិញ ពួកគេចំណាយពេលត្រឹមតែមួយថ្ងៃប៉ុណ្ណោះ។ តើគេធ្វើរឿងនេះបានដោយរបៀបណា? ខាងក្រោមនេះ នឹងបង្ហាញនូវរឿងរ៉ាវមួយចំនួនអំពីការសាងសងនៃអគារមួយនេះ។

ការប្រើប្រាស់បច្ចេកវិទ្យានៃប្រព័ន្ធសំណង់ pre-fabricated ដែលគ្រប់អគារត្រូវបានសាងសង់ដោយមធ្យោបាយនៃការផ្គុំគ្រឿងម៉ូឌុលដោយខ្លួនឯងតូចៗ ដោយត្រូវបានសាងសង់ជាមុននៅក្នុងរោងចក្រ ដើម្បីបង្កើនភាពងាយស្រួលក្នុងការដឹកជញ្ជូន និងធ្វើការដំឡើង។ សូមបញ្ជាក់ផងដែរ អគារប្រភេទនោះ មានសភាពជាទំហំកុងតឺន័របែបស្ដង់ដារ ហើយគេបានឱ្យឈ្មោះថា “អគាររស់នៅ” ហើយវាត្រូវបានរចនាឡើងដោយក្រុមហ៊ុន Broad Group។
នៅពេលអគារត្រូវបានតំឡើងតភ្ជាប់គ្នារួចរាល់ក្លាយជាអគារដែលបានសាងសងពេញលេញ ជំហានបន្ទាប់គឺជាដំណាក់កាលតភ្ជាប់ថាមពល និងទឹកជាដើម។
លើសពីនេះ អគារនោះមានទម្ងន់ស្រាល និងខ្លាំងជាងសំណង់ធម្មតា 10 ដង ហើយវាធន់នឹងការរញ្ជួយដី និងខ្យល់ព្យុះទីហ្វុង។ ហើយវាក៏មានគុណភាពខ្ពស់ និងមានលក្ខណៈពិសេសដោយប្រើប្រាស់ថាមពលទាបបំផុត និងអត្រាបរាជ័យដែលធ្វើឱ្យប្រតិបត្តិការរបស់វាតិចជាងអគារធម្មតា 5 ដង។
ម៉ូឌុលស្តង់ដារនីមួយៗមានប្រវែង 12.19 ម៉ែត្រ (40 ហ្វីត) ទទឹង 2.44 ម (8 ហ្វីត) និងកម្ពស់ 3 ម (10 ហ្វីត) ។ វាមានប្រភេទអគារ និងប្រភេទបន្ទប់ផ្សេងៗគ្នាបំផុត ដោយស័ក្តិសមបំផុតសម្រាប់លំនៅដ្ឋានប្រណិត អគារខ្ពស់ៗ 200 ជាន់ ហើយក៏ល្អសម្រាប់អគារសាធារណៈ និងលំនៅដ្ឋានផងដែរ។

ទស្សនាវីដេអូនៃការសាងសងអគារ៖ https://www.facebook.com/watch/?v=1403127396808505

ពាណិជ្ជកម្ម

10 ជំនាញដែលមនុស្សយន្តមិនអាចជំនួសនៅកន្លែងធ្វើការបាន

Sann Thaven

នាពេលបច្ចុប្បន្ននេះ បច្ចេកវិទ្យាក៏កំពុងតែមានភាពជឿនលឿនយ៉ាងខ្លាំង ហើយក៏មានមនុស្សយន្តជាច្រើនដែលអាចជំនួសការងារឱ្យមនុស្សផងដែរ។ កត្តានេះហើយ ដែលបានធ្វើឱ្យមនុស្សមួយចំនួនត្រូវរៀនជំនាញថ្មី ដើម្បីការពារភាពគ្មានការងារធ្វើ ជាពិសេសវាក៏ផ្ដល់ជាជំនួយដល់ផលិតភាពការងារជាច្រើនឱ្យមានដំណើរការល្អ ហើយមានភាពលឿនផងដែរ និងមានការចំណេញច្រើន។

ទោះបីជាយ៉ាងនេះក្ដី ក៏មានជំនាញមួយចំនួនដែលមនុស្សយន្តមិនអាចធ្វើការជំនួសមនុស្សផងដែរ ដែលវាទាមទារជាចាំបាច់ឱ្យមនុស្សធ្វើកិច្ចការងារទាំងនោះ។ ខាងក្រោមនេះ យើងនឹងបង្ហាញជំនាញចំនួន 10 ដែលមនុស្សយន្តមិនទាន់អាចធ្វើការជំនួសមនុស្សបាន។

1. ការត្រិះរិះពិចារណា

នៅក្នុងពិភពលោកនេះ ពោរពេញទៅដោយព័ត៌មាន និងទិន្នន័យជាច្រើន ទាំងព័ត៌មានពិត ព័ត៌មានក្លែងក្លាយ ការឃោសនា និងជាច្រើនទៀត ដែលទាមទារឱ្យមនុស្សមានជំនាញត្រិះរិះគិតពិចារណាខ្លាំង ដោយអាចវិនិច្ឆ័យពីគុណភាពនៃប្រភពព័ត៌មានបានយ៉ាងត្រឹមត្រូវ ដើម្បីធ្វើយ៉ាងណាជ្រើសរើសព័ត៌មានត្រឹមត្រូវក្នុងការជំរុញភាពជោគជ័យនៅក្នុងក្រុមហ៊ុន។ ហើយបច្ចុប្បន្ននេះ មនុស្សយន្តមិនទាន់អាចធ្វើរឿងនេះបាន 100% នៅឡើយទេ គឺវានៅតែត្រូវការមនុស្សជាចាំបាច់ក្នុងការជួយ។

2. ការវិនិច្ឆ័យ និងការសម្រេចចិត្តដ៏ស្មុគស្មាញ

ម៉ាស៊ីនអាចវិភាគទិន្នន័យក្នុងល្បឿនលឿន និងជាក់លាក់ ប៉ុន្តែទោះជាយ៉ាងនេះក្ដី ក៏ការសម្រេចចិត្តទាក់ទងនឹងអ្វីដែលត្រូវធ្វើជាមួយព័ត៌មានដែលផ្តល់ដោយម៉ាស៊ីនក៏ត្រូវតែធ្វើឡើងដោយមនុស្សដែរ។

នៅក្នុងជំនាញនេះដែរ គឺសំដៅលើមនុស្សដែលមានសមត្ថភាពប្រមូលព័ត៌មានដែលទទួលបានដើម្បី វិនិច្ឆ័យហើយពិចារណាពីរបៀបដែលការសម្រេចចិត្តអាចមានឥទ្ធិពលដល់ក្រុមការងារ និងលទ្ធផលក្រុមហ៊ុនទាំងមូល។ ហើយគួរបញ្ជាក់ផងដែរថា ការសម្រេចចិត្តអាចមានការស្មុគស្មាញច្រើន មុននឹងទទួលបានភាពជោគជ័យស្របជាមួយនឹងគោលបំណងចង់បាន និងយល់ដឹងអំពីដំណើរការនៃភាពពាក់ព័ន្ធនីមួយៗ។

3. ភាពវៃឆ្លាតខាងអារម្មណ៍ (EQ) និងការយល់ចិត្ត

ម៉ាស៊ីន ទោះបីជាវាអាចជួយជំនួយលើការងារផ្សេងៗបានល្អយ៉ាងណា ក៏វាមិនអាចមានសមត្ថភាពផ្នែកវៃឆ្លាតខាងអារម្មណ៍ （EQ）ដូចមនុស្សបានឡើយ ពីព្រោះផ្នែកនេះមានសមត្ថភាពក្នុងការយល់ដឹង ការគ្រប់គ្រង ព្រមទាំងអាចបង្ហាញពីរបស់ខ្លួនឯង និងអារម្មណ៍របស់អ្នកដទៃ។ បន្ថែមពីនេះ ដោយសារតែបច្ចុប្បន្ននេះបច្ចេកវិទ្យាបានទាក់ទាញចំណាប់អារម្មណ៍មនុស្សជាច្រើនទាំងក្នុងសង្គម និងការប្រើប្រាស់ទូរស័ព្ទចល័តជាដើម ដែលជាហេតុធ្វើឱ្យមនុស្សបាត់បង់ផ្នែកប្រាស្រ័យទាក់ទងគ្នា និងការយល់ចិត្តគ្នាជាដើម។ កត្តានេះហើយ ប្រសិនបើមនុស្សមានជំនាញមួយនេះ គឺនឹងធ្វើឱ្យពួកគេមានភាពលេចធ្លោខ្លាំង ព្រមទាំងអាចជោគជ័យក្នុងអាជីពការងារ និងការធ្វើអាជីវកម្ម។

4. ការច្នៃប្រឌិត

ម៉ាស៊ីន ថ្លៃកម្រិតណា និងទំនើបយ៉ាងណា ក៏នៅតែមនុស្សមានភាពច្នៃប្រឌិតជាងផងដែរ។ លើសពីនេះ ក្រុមហ៊ុនជាច្រើនក៏កំពុងត្រូវការជ្រើសរើសបុគ្គលិកដែលមានគំនិតច្នៃប្រឌិត និងអាចស្រមើលស្រមៃនូវអ្វីថ្មីៗជាបន្តបន្ទាប់ផងដែរ។ ចំពោះអ្នកដែលមានជំនាញផ្នែកច្នៃប្រឌិត ក៏មានឱកាសជាច្រើនក្នុងការបង្កើតអ្វីថ្មីៗ និងប្រើប្រាស់ AI ឬឧបករណ៍ទំនើបៗជាច្រើនក្នុងការច្នៃបន្តទៀត ដើម្បីចូលរួមចំណែកក្នុងការជួយឱ្យក្រុមហ៊ុនកាន់តែមានភាពរីកចម្រើន និងទាន់សម័យ។

5. ការសហការ និងការងារជាក្រុម

នៅក្នុងបដិវត្តន៍ឧស្សាហកម្ម 4.0 ក្រុមហ៊ុនភាគច្រើនជ្រើសរើសបុគ្គលិកដែលមានទេពកោសល្យលើជំនាញសហការដ៏រឹងមាំ ហើយសមត្ថភាពនេះផងដែរ គឺមានតែមួយគត់សម្រាប់មនុស្សនាពេលបច្ចុប្បន្ន។ លើសពីនេះ ក្រុមហ៊ុននីមួយៗក៏ចង់បានបុគ្គលិកដែលអាចប្រាស្រ័យទាក់ទងបានល្អជាមួយអ្នកដទៃ ធ្វើការជាក្រុមបានល្អ និងជួយជំរុញក្រុមហ៊ុនឆ្ពោះទៅរកភាពរីកចម្រើនផងដែរ។

6. ជំនាញទំនាក់ទំនងអន្តរបុគ្គល

សមត្ថភាពក្នុងការប្រាស្រ័យទាក់ទងប្រកបដោយប្រសិទ្ធភាពដោយប្រើជំនាញអន្តរបុគ្គលយ៉ាងទូលំទូលាយនៅតែជាដែនរបស់មនុស្សតែមួយគត់។ បើយោងតាមក្រុមហ៊ុន Fast បានបង្ហាញថាជំនាញទំនាក់ទំនងអន្តរបុគ្គលចំនួន 7 ដែលអ្នកគួរតែសិក្សាដើម្បីជោគជ័យនៅកន្លែងធ្វើការ៖

ទី1. ការចេះបង្ហាញការគោរព

ទី2. ជំនាញក្នុងការស្តាប់

ទី3. ចេះប្រើប្រាស់នូវភាសាកាយវិការបែបវិជ្ជមាន

ទី4. ការចេះសួរសំណួរ

ទី5. ការយល់ដឹងអំពីទំនាក់ទំនងតាមអ៊ីនធឺណិត (ការផ្ញើសារ អ៊ីមែល។ល។)

ទី6. ការចេះបើកចិត្តឱ្យទូលាយ

ទី7. ចេះវិធីផ្តល់មតិកែលម្អដែលមានប្រយោជន៍

7. ជំនាញបត់បែន

គ្រប់យ៉ាងតែងតែមានការផ្លាស់ប្ដូរ ដោយរឿងខ្លះយើងអាចនឹកគិតដល់ ប៉ុន្តែរឿងខ្លះកើតឡើងដោយគ្មានការគ្រោងទុកបានឡើយ ដូច្នេះហើយទាមទារឱ្យអ្នកមានជំនាញក្នុងការបត់បែន ទើបអាចធ្វើឱ្យអ្នកកាន់តែមានសមត្ថភាពខ្លាំងជាបន្តបន្ទាប់ និងអាចទទួលយកនូវអ្វីៗដែលបានកើតឡើងបាន។

8. ភាពវៃឆ្លាតខាងវប្បធម៌ និងភាពចម្រុះ

ជាទូទៅនៅគ្រប់កន្លែងធ្វើការ និងការធ្វើអាជីវកម្ម តែងតែមានមនុស្សគ្រប់ជាតិសាសន៍ ព្រមទាំងអាចមានភាពសម្រុះនូវវប្បធម៌នានា ដូច្នេះហើយទើបមនុស្សត្រូវតែមានជំនាញមួយនេះ។ បន្ថែមពីនេះ បច្ចុប្បន្ននេះ ក្រុមហ៊ុនផ្សេងៗក៏កំពុងត្រូវការជ្រើសរើសបុគ្គលិកណាដែលមានភាពវៃឆ្លាតខាងវប្បធម៌ដ៏រឹងមាំ និងសមត្ថភាពក្នុងការសម្របខ្លួនក្នុងការធ្វើការជាមួយជាតិសាសន៍នានានៃមិត្តរួមការងារ។

9. ការយល់ដឹងអំពីសីលធម៌

ការផ្លាស់ប្តូរឌីជីថល និងបច្ចេកវិជ្ជានៃបដិវត្តន៍ឧស្សាហកម្មទី4 បានកើតឡើងជាមួយនឹងបញ្ហាសីលធម៌ និងបញ្ហាប្រឈមជាច្រើនដែលចាំបាច់ត្រូវគ្រប់គ្រងដោយជំនាញ។ ការគ្រប់គ្រងនោះ មិនមែនជាអ្វីដែលម៉ាស៊ីនអាចដោះស្រាយបាននាពេលបច្ចុប្បន្ននេះទេ ដោយមានតែមនុស្សទេដែលអាចប្រយុទ្ធជាមួយ និងដោះស្រាយបញ្ហាក្រមសីលធម៌ដែលកើតចេញពីបញ្ញាសិប្បនិម្មិត និងហ្សែនជាដើម។

10. ជំនាញភាពជាអ្នកដឹកនាំ

ជំនាញភាពជាអ្នកដឹកនាំដ៏រឹងមាំ មិនគ្រាន់តែសម្រាប់អ្នកដែលជាថ្នាក់ដឹកនាំ ឬម្ចាស់អាជីវកម្មឡើយ គឺសម្រាប់មនុស្សគ្រប់គ្នា ពីព្រោះវាមានសារៈសំខាន់ណាស់សម្រាប់អ្នកក្នុងការធ្វើការសម្រេចចិត្ត ឬដឹកនាំក្រុមគម្រោងនៅក្នុងកន្លែងធ្វើការឱ្យទទួលបានដំណើរការល្អ។

ពាណិជ្ជកម្ម

3. សៀវភៅ Rich Dad Poor Dad៖ ជាអ្វីដែលអ្នកមានបង្រៀនកូនៗអំពីលុយ ដែលអ្នកក្រ និងវណ្ណៈកណ្តាលធ្វើមិនបាន និពន្ធដោយ Robert Kiyosaki

4. សៀវភៅ Shoe Dog៖ អនុស្សាវរីយ៍របស់អ្នកបង្កើត Nike និពន្ធដោយ Phil Knight

5. សៀវភៅ Zero to One៖ កំណត់ចំណាំលើការចាប់ផ្តើមអាជីវកម្ម ឬរបៀបកសាងអនាគត និពន្ធដោយ Peter Thiel

7. សៀវភៅ The Creative Curve៖ របៀបបង្កើតគំនិត និងពេលវេលាដ៏ត្រឹមត្រូវ និពន្ធដោយ Allen Gannett

1. ផ្នត់គំនិតនៃភាពទាក់ទាញឱ្យចង់ធ្វើ

2. ការគ្រប់គ្រងការលើកទឹកចិត្ត និងផ្លូវចិត្ត TGIF

3. ជៀសវាងការធ្វើជាមនុស្ស TGIF

ដូច្នេះតើអ្វីជាសារៈសំខាន់បំផុតនៃការរស់នៅក្នុងជីវិតបច្ចុប្បន្ន?

1. ស្គាល់អំពីខ្លួនឯងកាន់តែច្បាស់

2. បង្កើតក្ដីសុខជីវិតខ្លួនឯងបានច្រើនជាងមុន

1. អានឱ្យបានច្រើនតាមដែលអាចធ្វើបាន

2. ឧស្សាហ៍ចេញក្រៅជាមួយបុគ្គលដែលឆ្លាតជាងអ្នក

3. ជំរុញខ្លួនឯងឱ្យក្លាយជាមនុស្សមានផលិតភាព

4. ធ្វើឱ្យខ្លួនឯងទទួលបានគំនិតថ្មីៗជារៀងរាល់ថ្ងៃ

5. ចែករំលែកនូវអ្វីដែលអ្នកដឹង

6. បន្តការសិក្សានូវចំណេះដឹងថ្មីៗ

7. រៀននូវភាសាថ្មីៗ

8. ចេញក្រៅឱ្យច្រើន

9. កត់ត្រាទុកនូវអ្វីដែលអ្នកបានរៀន

10. ធ្វើលំហាត់ប្រាណ

ស្ថានភាពរបស់ Elon Musk

ស្ថានភាពរបស់ Jeff Bezos

ស្ថានភាពរបស់ Bill Gates

1. សង្កេតមើល​អ្វី​ដែល​អ្នក​ស្រឡាញ់

2. កត់សម្គាល់ទីតាំងដែលអ្នកតែងតែចំណាយជាមួយនៅពេលអ្នកទំនេរ

3. គិតពិចារណាលើចំណុចខ្លាំងរបស់អ្នក

1. កន្លែងស្នាក់នៅ

2. សម្ភារៈសំអាត

3. ឧបករណ៍ទំនាក់ទំនង

4. អាហារ

5. ការលំអរខ្លួនប្រាណ

6. ការប្រឹក្សាយោបល់

7. ការធ្វើដំណើរ

1. The Competitive Advantage និពន្ធដោយ Michael E. Porter

2. Blue Ocean Strategy និពន្ធដោយ W. Chan Kim និង Renee Mauborgne

3. The Art of Strategy និពន្ធដោយ Avinash K. Dixit និង Barry J. Nalebuff

4. Hooked និពន្ធដោយ Nir Eyal

5. Your Strategy Needs a Strategy និពន្ធដោយ Martin Reeves, Knut Haanæs និងJanmejaya Sinha

6. The Ultimate Focus Strategy និពន្ធដោយ Martin Meadows

7. 500 social media marketing tips

8. Social Media និពន្ធដោយ Grant Kennedy

9. The Strategy-Focused Organization និពន្ធដោយ Robert S. Kaplan និង David P. Norton

10. Real Business Plans & Marketing Tools និពន្ធដោយ Anne McKinney

11. Digital Business and E-Commerce Management និពន្ធដោយ Dave Chaffey

1. ផ្តោតលើជំនាញ បទពិសោធន៍ និងចំណង់ចំណូលចិត្តរបស់អ្នក

2. ​គិតអំពីបញ្ហាដែលជួបចំពោះមុខ

3. គិតលើការបំពេញតម្រូវការរបស់មនុស្ស

4. ជ្រើសរើសគំនិតអាជីវកម្មមួយ

5. តេស្តសាកល្បងនូវគំនិតដែលអ្នកជ្រើសរើស

1. តើអ្វីជា “គំនិតអាជីវកម្មរបស់អ្នក”?

2. តើគួរសរសេរផែនការអាជីវកម្មបែបណា?

3. តើអ្នកយល់ច្បាស់ពីឧស្សាហកម្មដែលអ្នកចង់ធ្វើឬនៅ?

4. តើអ្នកចាប់ផ្ដើមម្នាក់ឯង ឬត្រូវមានអ្នកជួយ?

5. តើអ្នកនឹងចាប់ផ្ដើមដោយរបៀបណា?

6. តើអាជីវកម្មរបស់អ្នកអាចពង្រីកបានទេ?

7. តើអ្នកគិតច្បាស់ឬនៅ?

1. សមត្ថភាពខ្លាំងតែម្នាក់ឯង

2. ការផ្ដល់សេវាកម្មអតិថិជនមិនល្អ

3. បង្កើតអាជីវកម្មដោយចិត្តមួយឆាវ

4. ធ្វើអាជីវកម្មដើម្បីប្រជែងគ្នា

ប្រភេទសំខាន់ៗនៃការនិយាយជាសាធារណៈ

ហេតុផលសំខាន់ៗដែលម្ចាស់អាជីវកម្មចាំបាច់ត្រូវតែចេះជំនាញនេះ

1. ការ​ត្រិះរិះ​ពិចារណា

2. ការវិនិច្ឆ័យ និងការសម្រេចចិត្តដ៏ស្មុគស្មាញ

3. ភាពវៃឆ្លាតខាងអារម្មណ៍ (EQ) និងការយល់ចិត្ត

4. ការច្នៃប្រឌិត

5. ការសហការ និងការងារជាក្រុម

6. ជំនាញទំនាក់ទំនងអន្តរបុគ្គល

7. ជំនាញបត់បែន

8. ភាពវៃឆ្លាតខាងវប្បធម៌ និងភាពចម្រុះ

9. ការយល់ដឹងអំពីសីលធម៌

10. ជំនាញភាពជាអ្នកដឹកនាំ

1. សង្កេតមើលអ្វីដែលអ្នកស្រឡាញ់

2. គិតអំពីបញ្ហាដែលជួបចំពោះមុខ

1. ការត្រិះរិះពិចារណា