តើម្ចាស់អាជីវកម្ម និងការីម៉ាឃិធីងអាចប្រើប្រាស់ChatGPTធ្វើអ្វីខ្លះ?

-

ផែនទីបង្ហាញផ្លូវបច្ចេកវិទ្យាឌីជីថលគឺជាឯសារយុទ្ធសាស្រ្ដដែលបង្ហាញពីចក្ខុវិស័យ គោលដៅផលិតផលឬសេវាកម្មយុទ្ធសាស្រ្ដ និងបច្ចេកវិទ្យាគន្លឹះក្នុងការអភិវឌ្ឍបច្ចេកវិទ្យាឌីជីថលក្នុងប្រទេសកម្ពុជា។ ហើយនេះចក្ខុវិស័យ និងគោលដៅក្នុងការអភិវឌ្ឍផែនទីបង្ហាញផ្លូវបច្ចេកវិទ្យាឌីជីថលនៅកម្ពុជាដែលជាឯសារក្នុងឆ្នាំ 2023៖

ចក្ខុវិស័យ

ដើម្បីជំរុញដល់ការប្រើប្រាស់បច្ចេកវិទ្យាឌីជីថលក្នុងការបង្កើនផលិតភាព ប្រសិទ្ធភាព និងការនាំមកនូវនវានុវត្តន៍សម្រាប់ការអភិវឌ្ឍសេដ្ឋកិច្ច-សង្គម។

គោលដៅ

ក. ដើម្បីបង្កើនចំណេះដឹងផ្នែកឌីជីថល និងជំនាញព័ត៌មានវិទ្យា ដែលជាមូលដ្ឋានគ្រឹះសម្រាប់ការអភិវឌ្ឍធនធានមនុស្សក្នុងវិស័យឌីជីថល

ខ. ដើម្បីធ្វើពិពិធកម្មហេដ្ឋារចនាសម្ព័ន្ធឌីជីថលនៅក្នុងប្រព័ន្ធនវានុវត្តន៍ជាតិសម្រាប់វិស័យអាទិភាព

(មានន័យថា ដើម្បីធ្វើឲ្យហេដ្ធារចនាសម្ព័ន្ធឌីជីថលមានសកម្មភាពច្រើននៅក្នុងប្រព័ន្ធបច្ចេកវិទ្យា វិទ្យាសាស្ត្រឬ ព័ត៌មានវិទ្យា)

គ. ដើម្បីកសាងប្រព័ន្ធអេកូឡូស៊ីរស់រវើកតាមរយៈការតភ្ជាប់ឌីជីថល និងរូបវន្ដ។

ពាណិជ្ជកម្ម

គន្លឹះទីផ្សារប្រចាំសប្តាហ៍

By

-

យុទ្ធសាស្រ្តទីផ្សារវិវឌ្ឍន៍ទៅតាមជំនាន់នីមួយៗ ដោយឆ្លុះបញ្ចាំងពីតម្លៃ ចំណូលចិត្ត និងអាកប្បកិរិយាពីមួយជំនាន់ទៅមួយជំនាន់។ នេះគឺជាការប្រៀបធៀប Gen Z និង Millennial ដែលធ្វើទីផ្សារសម្រាប់វ៉ែនតាការពារកម្ដៅថ្ងៃ៖

1. Communication Channels

+ Gen Z

Social Media Platforms: មានកម្មវិធីដូចជា TikTok, Snapchat, Instagram គឺពេញនិយមសម្រាប់ Gen Z។ សម្រាប់ម៉ាកជាញឹកញាប់សហការជាមួយបុគ្គលល្បីៗ ឬបង្កើតអ្វីដែលថ្មីៗ ពេញនិយមដើម្បីទាក់ទាញពួកគេជាអតិថិន។
Augmented Reality (AR): AR ខំព្យាយាមបង្កើតមាតិកា និងការរចនាផ្សេងៗ ដើម្បីអំពាវនាវឲ្យ Gen Z ចាប់អារម្មណ៍ និងសាកប្រើប្រាស់វ៉ែនតាការពារកម្ដៅថ្ងៃ។

+ Millennials

Blogs and Reviews: ជារឿយៗចូលចិត្តការពិពណ៌នាយ៉ាងលំអិតហើយធ្វើជា blogs ដើម្បីផ្សព្វផ្សាយ ។
Facebook and Instagram: បណ្ដាញសង្គមទាំងពីរនេះក៏មានការពេញនិយមជាមួយ Gen Z ដែរហើយបណ្ដាញសង្គមពីរនេះក៏មានការចូលរួមច្រើនជាមួយ Millennials ។ ជាពិសេសផេកម៉ាកយីហោអាចផ្សព្វផ្សាយត្រូវគោលដៅ។

2. Brand Values

+ Gen Z

Authenticity: Gen Z វាយតម្លៃ និងភាពពិតប្រាកដ។ ពួកគេចូលចិត្តទំនិញពិតដូចរូបដែលបានឃើញ។
Social Responsibility: Gen Z ចូលចិត្តម៉ាកយីហោដែលគិតគូរពីបរិស្ថាន។

+ Millennials

Experience over Product: Millennials ឲ្យតម្លៃទៅលើផលិតផលដែលធ្លាប់មានបទពិសោធន៍ជាមួយការពិពណ៌នាពីម៉ាក ឬផលិតផលឲ្យបានក្បោះក្បាយគឺអាចទាក់ទាញពួកគេបាន។
Loyalty Programs: បង្កើតកម្មវិធី និងប្រព័ន្ធរង្វាន់ផ្សេងៗក្នុងការរក្សាអតិថិជន Millennial ។

3. Design and Customization

+ Gen Z

Individualism: Gen Z ចង់បានអ្វីដែលជាគំនិតខ្លួនឯង។ ការផ្តល់ជូននូវការរចនាដែលអាចប្ដូរតាមបំណងអតិថិជនបាន និង ការបោះពុម្ភមានកំណត់( limited-edition styles)។
Trend-driven: ពួកគេឆាប់ចាប់បាននូវអ្វីដែលល្បីថ្មីៗ។ ចឹងម៉ាកត្រូវតែរហ័សរហួន តាមទាន់នូវអ្វីដែលថ្មីៗ ល្បីចុងក្រោយគេបង្អស់។

+ Millennials

Classic with a Twist: ពួកគេពេញចិត្តចំពោះការរចនាបែបបុរាណ ភាពប្លែក ឬលក្ខណៈពិសេសអាចមានភាពទាក់ទាញសម្រាប់ពួលគេ។
Quality over Quantity: Millennials មានឆន្ទៈក្នុងការវិនិយោគលើផលិតផលដែលមានគុណភាពដែលប្រើប្រាស់បានយូរ។

4. Engagement Strategies

+ Gen Z

Interactive Content: ការស្ទង់មតិ សំណួរ និងវីដេអូសម្រាប់ Gen Z អាចមានប្រសិទ្ធភាព។
User-Generated Content: ការលើកទឹកចិត្តពួកគេឱ្យចែករំលែកមាតិកាផ្ទាល់ខ្លួនរបស់ពួកគេដោយពាក់វ៉ែនតាអាចជាយុទ្ធសាស្ត្រដ៏មានឥទ្ធិពល។

+ Millennials

Content Marketing: មាតិកាលម្អិតអំពីផលិតផល អត្ថប្រយោជន៍របស់វា និងរឿងរ៉ាវរបស់វាអាចមានឥទ្ធិពល។
Email Marketing: ការផ្ញើជា email ផ្ទាល់ខ្លួនជាមួយនឹងការផ្តល់ជូន និងព័ត៌មានមានប្រសិទ្ធភាពសម្រាប់ក្រុមនេះ។

5. Pricing and Offers

+ Gen Z

Affordability: Gen Z, ភាគច្រើនជានិស្សិត ឬទើបតែចាប់ផ្តើមអាជីពរបស់ពួកគេ ជារឿយៗស្វែងរកជម្រើសដែលមានតម្លៃសមរម្យ។
Flash Sales: កំណត់ពេលផ្ដល់ជូន ឬធ្វើការប្រម៉ូសិនអាចជំរុញការលក់បាន។

+ Millennials

Value for Money: សុខចិត្តចំណាយឲ្យតែផលិតផលមានគុណភាពសមនឹងតម្លៃ។
Bundling: ការផ្តល់វ៉ែនតាជាមួយផលិតផល ឬសេវាកម្មផ្សេងទៀតដែលជាចាំបាច់អាចទាក់ទាញបាន។

6. Feedback and Reviews

+ Gen Z

Instant Feedback: ពួកគេពេញចិត្តក្នុងការផ្តល់មតិត្រលប់យ៉ាងឆាប់រហ័ស មិនថាសម្រាប់សំណួរសេវាកម្មអតិថិជន ឬអំពីផលិតផលឡើយ។

+ Millennials

Detailed Reviews: ពួកគេភាគច្រើនតែងពឹងផ្អែកលើការពិនិត្យលម្អិតរបស់អ្នកប្រើប្រាស់ មុនពេលធ្វើការសម្រេចចិត្តទិញ។

ពាណិជ្ជកម្ម

តើយើងគួរចាយប៉ុន្មានសម្រាប់ម៉ាឃិធីង?

By

-

ម៉ាឃិធីងគឺជារឿងដែលអាជីវកម្មគ្រប់វិស័យមិនអាចខ្វះបានឡើយដើម្បីទទួលបានអតិថិជនថ្មីដែលពោរពេញដោយការប្រកួតប្រជែង និងរក្សាអតិថិជនចាស់ឲ្យបានល្អ។ ម្ចាស់អាជីវកម្មមិនតិចទេដែលមានចំណោទអំពីរឿងនេះ ថាតើពួកគាត់គួរតែចំណាយប៉ុន្មានដើម្បីកិច្ចទីផ្សារឲ្យបានសមស្រប។ ថ្ងៃនេះ ខ្ញុំនឹងធ្វើការចង្អុរបង្ហាញខ្លះៗអំពីមន្ទិលមួយនេះ។

ចំនួនទឹកប្រាក់ដែលក្រុមហ៊ុន ឬអាជីវកម្មមួយគួរតែចំណាយលើទីផ្សារប្រែប្រួលអាស្រ័យលើកត្តាជាច្រើន ដោយផ្អែកលើ វិស័យដែលអ្នកកំពុងតែរកស៊ី ទំហំរបស់ក្រុមហ៊ុន ដំណាក់កាលរីកចម្រើន និងគោលដៅជាក់លាក់របស់វា។ ខណៈពេលដែលមិនមានចម្លើយមួយទំហំដែលសមនឹងសំណួរទាំងអស់នោះ មានគោលការណ៍ណែនាំ និងរូបមន្តទូទៅមួយចំនួនដែលអាជីវកម្មប្រើដើម្បីកំណត់ថវិកាម៉ាឃិធីងរបស់ពួកគេ៖

ភាគរយនៃការលក់៖ នេះគឺជាវិធីសាស្រ្តមួយក្នុងចំណោមវិធីសាស្រ្តទូទៅបំផុត។ ក្រុមហ៊ុនបែងចែកភាគរយថេរនៃការលក់សរុបជាក់ស្តែង ឬតាមការព្យាករណ៍របស់ពួកគេចំពោះទីផ្សារ។ ភាគរយជាក់លាក់អាចប្រែប្រួលយ៉ាងផងដែរដែលសម្រាប់៖

ការចាប់ផ្តើមអាជីវកម្មដំបូង៖ ជាធម្មតាយើងត្រូវចំណាយរវាង 12-20% នៃប្រាក់ចំណូលសរុប។

អាជីវកម្មដែលមានគ្រឹះរឹងមាំ៖ ជាធម្មតាចន្លោះពី 6 ទៅ 12% នៃប្រាក់ចំណូលសរុប។

វិធីគណនាតាមគោលបំណង និងសកម្មភាព(Objective and Task Method): វិធីសាស្រ្តនេះពាក់ព័ន្ធនឹងការកំណត់គោលដៅទីផ្សាររបស់អ្នក កំណត់ភារកិច្ចដែលត្រូវការដើម្បីសម្រេចបាននូវគោលបំណងទាំងនេះ ហើយបន្ទាប់មកប៉ាន់ស្មានតម្លៃនៃកិច្ចការទាំងនោះ។ ការចំណាយសរុបគឺជាកញ្ចប់ថវិកាទីផ្សារ។

វិធីសាស្រ្តប្រៀបធៀបនៃការប្រកួតប្រជែង៖ ក្រុមហ៊ុនកំណត់ថវិកាទីផ្សាររបស់ពួកគេដោយផ្អែកលើអ្វីដែលគូប្រកួតប្រជែងរបស់ពួកគេកំពុងចំណាយ។ វិធីសាស្រ្តនេះសន្មត់ថាការចំណាយរបស់អ្នកប្រកួតប្រជែងគឺជាចំនួនត្រឹមត្រូវដែលត្រូវចំណាយ។

កញ្ចប់ថវិកាម៉ាឃិធីងដែលត្រឹមត្រូវសម្រាប់ក្រុមហ៊ុនអាស្រ័យលើកាលៈទេសៈជាក់លាក់ និងស្ថានភាពដែលជួបប្រទះ។

វិធីប្រើប្រាក់ចំណេញដែលមានទាំងអស់៖ វាគឺជាវិធីដែលកាច ហើយជារឿយៗត្រូវបានប្រើប្រាស់ដោយអ្នកចាប់ផ្តើមអាជីវកម្ម ឬក្រុមហ៊ុនដែលចូលទីផ្សារថ្មី។ ពួកគេចំណាយប្រាក់ចំណេញដែលមានទាំងអស់លើទីផ្សារក្នុងក្តីសង្ឃឹមថានឹងទទួលបានចំណែកទីផ្សារយ៉ាងឆាប់រហ័ស។

ចំនួនថេរក្នុងមួយឯកតា៖ ក្រុមហ៊ុនមួយចំនួនបែងចែកចំនួនប្រាក់ចំណាយថេរសម្រាប់ការធ្វើទីផ្សារដោយកំណត់ភាគរយថេរចេញពីការលក់ដែលទទួលបានយកមកចំណាយកិច្ចទីផ្សារ។

វិធីសាស្រ្តចំណាយតាមលទ្ធភាព ៖ វិធីសាស្រ្តនេះពាក់ព័ន្ធនឹងការកំណត់នូវអ្វីដែលក្រុមហ៊ុនមានអារម្មណ៍ថាអាចមានលទ្ធភាពចំណាយលើទីផ្សារបន្ទាប់ពីបានចំណាយលើអ្វីៗផ្សេងៗហើយ។

កំណត់ចំណាយយោងតាមវិស័យដែលអ្នកធ្វើ៖ វិស័យមួយចំនួនមានការកំណត់ទូទៅនៃចន្លោះកញ្ចប់ថវិកាទីផ្សារ។ ជាឧទាហរណ៍ ឧស្សាហកម្មលក់រាយអាចចំណាយភាគរយនៃប្រាក់ចំណូលរបស់ខ្លួនលើទីផ្សារខុសពី ឧស្សាហកម្មបច្ចេកវិទ្យា។

ចូរចាំថាទាំងនេះគ្រាន់តែជាការណែនាំទូទៅតែប៉ុណ្ណោះ។ កញ្ចប់ថវិកាម៉ាឃិធីងដែលត្រឹមត្រូវសម្រាប់ក្រុមហ៊ុនអាស្រ័យលើកាលៈទេសៈជាក់លាក់ និងស្ថានភាពដែលជួបប្រទះ។ ជាឧទាហរណ៍ ក្រុមហ៊ុនដែលចាប់ផ្តើមផលិតផលថ្មីអាចចំណាយប្រាក់ច្រើនលើទីផ្សារជាជាងផលិតផលមួយដែលបានបង្កើតឡើងជាយូរណាស់មកហើយ។

ពាណិជ្ជកម្ម

បដិវត្តAI៖ ឱកាស និងបញ្ហាប្រឈមនាពេលខាងមុខ

By

-

ពិភពនៃបញ្ញាសិប្បនិម្មិត (AI) កំពុងតែឈានទៅរកការផ្លាស់ប្តូរដ៏ធំធេងមួយ។ តាមការរយៈកិច្ចពិភាក្សថ្មីៗនៅសារព័ត៌មាន The Economist នេះដែលបានចែករំលែកដោយប្រវត្តិវិទូដ៏ល្បីល្បាញ និងជាអ្នកនិពន្ធសៀវភៅលក់ដាច់បំផុតមួយគឺសៀវភៅ Sapiens: A Brief History of Humankindគឺ លោក Yuval Noah Harari និង អ្នកជំនាញកំពូលផ្នែកAI លោក Mustafa Suleyman បានលើកឡើងថា យើងនឹងឃើញ សមត្ថភាពAI ដែលមានភាពជឿនលឿនជាងពេលបច្ចុប្បន្នរាប់ពាន់ដងក្នុងរយៈពេល5ឆ្នាំខាងមុខ។ វាមិនមែនគ្រាន់តែជាក្បួនដោះស្រាយដ៏ឆ្លាតវៃប៉ុណ្ណោះទេ វាជា AI ដែលអាចបង្កើតមាតិកា រៀបចំផែនការសកម្មភាពនិងអនុវត្ត ហើយអាចផ្លាស់ប្តូរវិស័យទាំងមូលផងដែរ។

ទោះយ៉ាងណាក៏ដោយ ជាមួយនឹងលទ្ធភាពផ្លាស់ប្តូរបែបនេះ វាក៏បានមកជាមួយបញ្ហាប្រឈមសំខាន់ៗផងដែរ។ កង្វល់ដ៏គួរឲ្យបារម្ភបំផុតមួយនោះគឺឥទ្ធិពលរបស់វាលើទីផ្សារការងារពិភពលោក។ ខណៈពេលដែលការលុបបំបាត់ចោលការងារទាំងស្រុងហាក់ដូចជាមិនអាចទៅរួចក៏ដោយ ដំណាក់កាលអន្តរកាលយើងអាចនឹងឃើញវិស័យ និងតំបន់មួយចំនួនប្រឈមមុខនឹងភាពមិនប្រាកដប្រជា។ Harari ចង្អុលបង្ហាញថាវាអាចនឹងជះឥទ្ធិពលដល់ភូមិសាស្ត្រនយោបាយដោយខណៈពេលដែលវិស័យបច្ចេកវិទ្យាមាភាពរីកចម្រើនលឿនស្លេវ យើងនឹងឃើញភាពបាត់បង់ការងារធ្វើ ដែលនាំឱ្យមានវិសមភាពសេដ្ឋកិច្ចសង្គមកាន់តែធំ។

បញ្ហាប្រឈមសំខាន់មួយទៀតគឺ ការទប់ស្កាត់ AI កុំឲ្យដើរហួសដែនកំណត់ ។ Suleyman ដែលជាមនុស្សម្នាក់មានសុទិដ្ឋិនិយមចំពោះអនាគតដែលយើងរស់ជាមួយនឹងAI បានសង្កត់លើ “បញ្ហាប្រឈមនេះ” ហើយជម្រុញឲ្យស្ថាប័នពាក់ព័ន្ធមានវិធានការគ្រប់គ្រង និងត្រួតពិនិត្យការកើនឡើងត្រដែតនៃសមត្ថភាពរបស់ AI ដើម្បីឲ្យសង្គមមានភាពល្អប្រសើរខណៈដែល Harari លើកឡើងក្តីបារម្ភអំពីការលុកលុយបែបដូចមនុស្សភពក្រៅពីសំណាក់AI ឬវាអាចវិវឌ្ឍខ្លួនដល់ចំណុចកំពូលរហូតដល់អាចបង្កើតភ្នាក់ងារដែលបង្កើតដោយAI ដែលធ្វើឲ្យយើងអាចទទួលរងនូវហានិភ័យដែលមិនអាចនឹកស្មានដល់។ អ្នកទាំង២សុទ្ធតែទទួលស្គាល់អត្ថប្រយោជន៍ខ្ពស់ដែលAIបានផ្តល់ និងអាចផ្តល់នាពេលខាងមុខ តែពួកគេបានលើកទឹកចិត្តឲ្យមានការគ្រប់គ្រងឲ្យបានល្អផងដែរ ។

ប្រវត្តិវិទូដ៏ល្បីល្បាញលោក Harari ជាមនុស្សដែលមានក្តីបារម្ភខ្លាំងបំផុត និងសង្ឃឹមថានឹងមានស្ថាប័ន្ធថ្មីមួយ ដែលគួរឱ្យទុកចិត្ត និងរហ័សរហួន ដែលមានសមត្ថភាពយល់ដឹងពីAIខ្ពស់ អាចគ្រប់គ្រង និងឆ្លើយតបទាន់ពេលវេលានៅពេលដែលចាំបាច់ ដើម្បីធានាថាការវិវឌ្ឍន៍គឺស្របទៅតាមតម្លៃ និងសីលធម៌របស់មនុស្ស។

អនាគតដ៏ទំនើបជាមួយនឹងបច្ចេកវិទ្យានឹងមកដល់ក្នុងពេលឆាប់ៗនេះ ដែលអាជីវកម្ម និងយើងគ្រប់គ្នាតិច ឬច្រើននឹងរស់នៅជាមួយនឹងបដិវដ្ឋ AI ។ AIនឹងធ្វើឲ្យមនុស្សជាតិមានការផ្លាស់ប្តូរយ៉ាងធំធេង ហើយនឹងធ្វើឲ្យក្រុមមនុស្សមួយចំនួនទទួលរងនឹងហានិភ័យផងដែរ។ ចង់មិនចង់ យើងមិនអាចគេចផុតពីវាបានឡើយ ព្រោះវាបានចាប់ផ្តើមចូលទៅក្នុងជីវិតរបស់យើង និងជាជំនួយការការងារយ៉ាងចំណានបណ្តើរៗទៅហើយ។ អ្នកដែលអាចរៀនរស់ជាមួយវា ប្រាកដជាមានភាពរីកចម្រើនលឿន ខណៈដែលអ្នកដែលពិបាកនឹងសម្រប នឹងក្លាយទៅជាជនរងគ្រោះនៃសម័យកាលថ្មីនេះ។

ពាណិជ្ជកម្ម

ថៃចំណាយលុយខ្ទង់លានដុល្លាដើម្បីធ្វើឲ្យមនុស្សជុំវិញពិភពលោកចូលចិត្តម្ហូបថៃ

By

-

កាលពី 20ឆ្នាំជាងមុននៅប្រទេសថៃគឺមានកម្មវិធី “Global Thai” ក្នុងឆ្នាំ 2002 ដែលគេបង្ហាត់បង្រៀនចុងភៅថៃជាច្រើននាក់ហើយបញ្ជូនទៅប្រទេសផ្សេងៗដើម្បីទៅបើកភោជនីយដ្ឋានម្ហូបថៃនៅទីនោះ។ ការចេញផ្សព្វផ្សាយម្ហូបនេះគឺពួកគេទៅទាំងក្ដីសង្ឃឹមថា នឹងទទួលបានជោគជ័យយកការចូលចិត្តពីមនុស្សជាច្រើនជុំវិញពិភពលោក។ ហើយរាជរដ្ឋាភិបាលថៃមានគម្រោងនឹងបើកភោជនីយដ្ឋានថៃឲ្យបាន 3000ហាងក្នុងសហរដ្ឋអាមេរិក និងកន្លែងផ្សេងៗទៀតដើម្បីលើកស្ទួយជាតិ ការធ្វើបែបនេះហៅថា Food diplomacy។

Food diplomacy គឺនៅពេលដែលប្រទេសមួយប្រើប្រាស់អាហាររបស់ខ្លួនដើម្បីជះឥទ្ធិពលលើការយល់ឃើញ ទំនាក់ទំនងនយោបាយ និងសេដ្ឋកិច្ចអន្តរជាតិ។

ហើយបាងកកក៏ជាទីក្រុងមួយដែលមានភ្ញៀវទេសចរណ៍ជុំវិញពិភពលោកទៅលេងច្រើនដងដែលក្នុងគោមបំណងទៅភ្លក់អាហារ ទិញទំនិញ និងដើរលេង។ ដូច្នេះវាជាការវិនិយោគរបស់ប្រទេសថៃដែលទទួលបានផលចំណេញ។ ចំណែកឯប្រទេសអាមេរិចក៍មាន Pad Thai ដែលជាអាហារថៃសម្ងួត ដាក់កញ្ចប់ហើយមានកាលបរិច្ចេទរយៈពេលយូរដែលមានលក់នៅអាមេរិចដូចជានៅ Wyoming។

ការខិតខំប្រឹងប្រែងរបស់ប្រទេសថៃជាមួយនឹងអាហារបាននាំឱ្យមានការកើនឡើងយ៉ាងខ្លាំងនៅក្នុងវិស័យទេសចរណ៍ និងបានបង្កើតរូបភាពវិជ្ជមាននៅក្នុងប្រទេសថៃដោយអាមេរិច។ តែមិនមែនមានតែអាមេរិកតែមួយទេគឺមានអូស្រ្ដាលី កូរ៉េ និងប្រទេសផ្សេងៗទៀត។

ពាណិជ្ជកម្ម

តើការប្រើយុទ្ធសាស្ត្រទីផ្សារInfluencerតែមួយមុខអាចឲ្យអាជីវកម្មជោគជ័យដែរឬទេ?

By

-

មួយរយៈចុងក្រោយនេះ ការប្រើប្រាស់យុទ្ធសាស្ត្រទីផ្សារInfluencerដោយអញ្ចើញអ្នកមានភាពល្បីល្បាញនៅលើបណ្តាញសង្គមមកជួយផ្សព្វផ្សាយ កំពុងតែមានការកើនឡើងយ៉ាងខ្លាំងពីសំណាក់ម្ចាស់អាជីវកម្មគ្រប់ប្រភេទ។ យុទ្ធសាស្ត្រនេះ ត្រូវបានធ្វើតាមគ្នា និងប្រជែងគ្នា ដែលរហូតដល់អ្នករកស៊ីជាច្រើន ចាប់ផ្តើមគិតថា បើកអាជីវកម្មរួច ហៅតារាមកផ្សាយ នឹងធ្វើឲ្យការលក់ផ្ទុះ ហើយធ្វើឲ្យអាជីវកម្មជោគជ័យ។ តើការប្រើប្រាស់យុទ្ធសាស្ត្រនេះតែមួយមុខ ពិតជាអាចជួយឲ្យអាជីវកម្មរបស់អ្នកជោគជ័យដែរឬទេ?

ចម្លើយនោះគឺថាអាជីវកម្មដែលប្រើតែយុទ្ធសាស្ត្រទីផ្សារInfluencerតែមួយមុខនឹងមិនមាននិរន្តរភាពក្នុងរយៈពេលវែងនោះទេ ហើយអ្នកត្រូវចាំថា មិនមែនឲ្យតែតារាល្បី អាចធ្វើឲ្យអាជីវកម្មអ្នកនឹងផ្ទុះផងដែរ ដោយម្ចាស់អាជីវកម្មត្រូវតែចេះជ្រើសរើសInfluencerណាដែលសក្តិសមនឹងអាជីវកម្មខ្លួនបំផុត។ យុទ្ធសាស្ត្រទីផ្សារ Influencer អាចជាមធ្យោបាយដ៏មានប្រសិទ្ធភាពមួយដើម្បីទៅដល់ទស្សនិកជនគោលដៅច្រើន និងជំរុញការលក់ ប៉ុន្តែវាមានសារៈសំខាន់ណាស់ក្នុងការមានយុទ្ធសាស្ត្រទីផ្សារចម្រុះ និងមានគម្រូយុទ្ធសាស្ត្រត្រឹមត្រូវ។ ខាងក្រោមនេះគឺជាហេតុផលមួយចំនួនដែលប្រើប្រាស់Influencerតែឯងមិនមាននិរន្តរភាព៖

ការប្រើប្រាស់ Influencer អាចមានតម្លៃថ្លៃ ជាពិសេសជាមួយអ្នកមានឥទ្ធិពលកំពូលៗនៅលើបណ្តាញសង្គម ហើយជារឿយៗអាជីវកម្មត្រូវតែផ្តល់ឱ្យពួកគេនូវផលិតផល ឬសេវាកម្មឥតគិតថ្លៃ និងលក្ខខណ្ឌមួយចំនួនទៀតផងដែរ។ ប្រសិនបើផលិតផលរបស់អ្នកមិនសូវសក្តិសមនឹងទីផ្សារ ឬមិនមានតម្រូវការខ្ពស់ ហើយស្ថិតនៅទ្រង់ទ្រាយតូចនៅឡើយ វាអាចធ្វើឲ្យអ្នកមិនរួចថ្លៃចំណាយផងក៏ថាបាន។

Influencers មិនប្រាកដថាសុវត្ថិភាពសម្រាប់អាជីវកម្មរបស់អ្នកនោះទេ។ ប្រសិនបើអ្នកមិនសំណាងរើសយកInfluencerខុស ហើយគាត់លេចធ្លាយរឿងអ្វីមិនល្អ អាជីវកម្មដែលផ្សារភ្ជាប់នឹងគាត់ក៏អាចនឹងភាពប្រឈមមុខផងដែរ។ មួយទៀតសោត ប្រសិនបើអ្នកចចារឲ្យពួកគាត់ផ្សព្វផ្សាយមួយរយៈពេលណាមួយក៏ដោយ ក៏អាចគង់នឹងប្រឈមមានដៃគូប្រកួតប្រជែងអ្នកទាក់ទងទៅផ្សាយបន្ត ដែលអាចឲ្យអាជីវកម្មរបស់អ្នកទទួលរងនូវឥទ្ធិពលផងដែរ។

ការប្រើប្រាស់ Influencer ដើម្បីជួយជម្រុញអាជីវកម្មអាចពិបាកក្នុងការតាមដាន។ វាអាចពិបាកក្នុងការវាស់វែង ROI (ផលត្រឡប់ដែលបានមកវិញបន្ទាប់ពីចំណាយ) នៃយុទ្ធនាការទីផ្សារដែលអ្នកប្រើប្រាស់ Influencer។ ជាធម្មតា មុននឹងសម្រេចប្រើប្រាស់យុទ្ធសាស្ត្រអ្វី ឬបន្តវា អ្នកត្រូវតែដឹងថា រាល់ការចាយកញ្ចប់ផ្សព្វផ្សាយក្នុងចំនួនជាក់លាក់មួយ តើអ្នកបានផលចំណេញពីវាបានប៉ុន្មាន។ ជាទូទៅ ម្ចាស់អាជីវកម្មមួយចំនួនមិនបានតាមដានតួរលេខនេះ ឬក៏តាមដានតួរលេខខុសដូចជាឃើញសន្ទុះ Like Comment Shareច្រើនពេលមានInfluencer ឬក៏Page របស់គាត់កើនចំនួនFollower យ៉ាងគំហុគ តែវាគ្រាន់តែជាតួរលេខប្រយោលមួយ ដែលមិនអាចវាស់ស្ទង់ភាពជោគជ័យអាជីវកម្មបាននោះទេ។ អ្នកត្រូវគិតថា តើ១០០០ ដុល្លារដែលអ្នកផ្សាយជាមួយនឹងInfluencer អ្នកទទួលបានផលចំណូលកើនប៉ុន្មាន? ហើយថាតើវារួចខ្លួន ឬចំណេញដែរឬទេ? ក្រៅពីនោះ អ្នកក៏អាចវាស់ស្ទង់តាមតួរលេខផ្សេងៗទៀតតាមភាពជាក់ស្តែងផងដែរ។ ខ្ញុំធ្លាប់ជួបម្ចាស់អាជីវកម្មមិនតិចទេដែលមានការរំពឹងខ្ពស់ពេកលើយុទ្ធសាស្ត្រនេះតែមួយមុខ តែលទ្ធផលទទួលមកវិញមិនបានដូចចិត្ត ឬក៏ខ្លះទៀត បានផលល្អនៅលើកទី១ តែក្រោយមកក៏លែងទទួលផលសោះពីការចំណាយនោះផងដែរ។

ដើម្បីឱ្យមាននិរន្តរភាព ម្ចាស់អាជីវកម្មត្រូវមានយុទ្ធសាស្រ្តទីផ្សារចម្រុះដែលរួមបញ្ចូលភាពសម្បូរបែបផ្សេងទៀតទៅតាមក្រុមអតិថិជនគោលដៅរបស់អ្នក ដូចជាការប្រើប្រាស់ប្រព័ន្ធផ្សព្វផ្សាយសង្គមប្រកបដោយយុទ្ធសាស្ត្រ និងភាពច្នៃប្រឌិតតាមរយៈមាតិកាប្លែកៗ និងចំគោលដៅ ការរៀបចំព្រឹត្តិការណ៍ ភាពច្នៃប្រឌិតផលិតផល ឬសេវាកម្ម និងវិធីសាស្ត្រផ្សេងៗទៀតទៅតាមបរិបទនៃអតិថិជនគោលដៅរបស់អ្នក។ វានឹងជួយឱ្យអាជីវកម្មឈានដល់ទស្សនិកជនកាន់តែទូលំទូលាយ និងសម្បូរបែបដែលជួយឲ្យដង្ហើមអាជីវកម្មរបស់អ្នកអាចដកបានច្រើនច្រកល្ហក ជាជាងពឹងលើប្រភពតែមួយ។

ចូរចាំថា ធ្វើអាជីវកម្មមិនត្រូវប្រើអារម្មណ៍ទាំងស្រុងនោះទេ អ្នកត្រូវប្រើគំនិត យុទ្ធសាស្ត្រ និងតួរលេខដើម្បីធ្វើការសម្រេចចិត្ត។

ពាណិជ្ជកម្ម

Microsoft បានបញ្ចូលAI នៅក្នុងWindow 11សេរីថ្មីរបស់ខ្លួន

By

-

Windows 11 ដំណើរការដោយ AI ថ្មីរបស់ Microsoft ដែលបច្ចុប្បន្នកំពុងស្ថិតក្នុងការបង្ហាញ នឹងចេញជាសាធារណៈនៅថ្ងៃទី 26 ខែកញ្ញា ឆ្នាំ 2023 រួមមានមុខងារមួយចំនួនដែលអាចមានប្រយោជន៍យ៉ាងខ្លាំងសម្រាប់ការងារដែលក្នុងនោះមាន៖

Windows Copilot៖ ជំនួយការដែលដំណើរការដោយ AI ថ្មីនេះ អាចជួយអ្នកក្នុងកិច្ចការដូចជា ការបើកកម្មវិធី ការស្វែងរកឯកសារ និងការឆ្លើយសំណួរ។ ឧទាហរណ៍ អ្នកអាចស្នើឱ្យ Copilot បើកកម្មវិធីជាក់លាក់មួយ ស្វែងរកឯកសារ ឬទទួលបានព័ត៌មានពីគេហទំព័រ។ Copilot ក៏អាចប្រើដើម្បីគ្រប់គ្រង Windows 11 ជាមួយនឹងសំឡេងរបស់អ្នកផងដែរ។

AI-powered Paint៖ កំណែថ្មីនៃកម្មវិធី Paint នេះរួមបញ្ចូលមុខងារដែលដំណើរការដោយ AI ដូចជាការបង្កើតអត្ថបទទៅរូបភាព និងឧបករណ៍កែរូបភាព។ លក្ខណៈពិសេសទាំងនេះអាចមានប្រយោជន៍សម្រាប់ការបង្កើតបទបង្ហាញ សម្ភារៈសម្រាប់ផ្សព្វផ្សាយ និងមាតិកាបែបច្នៃប្រឌិតផ្សេងទៀត។

AI Photo៖ កំណែថ្មីនៃកម្មវិធី Photos នេះរួមបញ្ចូលមុខងារដែលដំណើរការដោយ AI ដូចជាការកែលម្អរូបថត និងការដកវត្ថុចេញពីរូបភាព។ មុខងារទាំងនេះអាចមានប្រយោជន៍សម្រាប់ការកែលម្អគុណភាពនៃរូបថតរបស់អ្នក និងធ្វើឱ្យពួកវាមើលទៅមានស្តង់ដារខ្ពស់ជាងមុន។

Clipchamp ដែលដំណើរការដោយ AI៖ កំណែថ្មីនៃកម្មវិធីកាត់តវីដេអូ Clipchamp នេះរួមបញ្ចូលទាំងមុខងារដែលដំណើរការដោយ AI ដូចជាការចម្លងវីដេអូ និងការបកប្រែជាដើម។ មុខងារទាំងនេះអាចមានប្រយោជន៍សម្រាប់ការបង្កើតវីដេអូសម្រាប់អាជីវកម្ម ឬស្ថាប័នរបស់អ្នក។

បន្ថែមពីលើមុខងារជាក់លាក់ទាំងនេះ ក្រុមហ៊ុន Microsoft ក៏កំពុងប្រើប្រាស់ AI ផងដែរដើម្បីកែលម្អដំណើរការទូទៅ និងលទ្ធភាពប្រើប្រាស់របស់ Windows 11។ ឧទាហរណ៍ AI ត្រូវបានប្រើប្រាស់ដើម្បីកែលម្អម៉ឺនុយចាប់ផ្តើមឲ្យអ្នកមានភាពងាយស្រួលជាងមុន ការស្វែងរក និងអាយុកាលថ្ម។

សរុបមក កំណែដែលដំណើរការដោយ AI ថ្មីរបស់ Windows 11 គឺជាការអាប់ដេតដ៏សំខាន់ ដែលអាចធ្វើឱ្យការងាររបស់អ្នកកាន់តែមានប្រសិទ្ធភាព និងផលិតភាព។

ពាណិជ្ជកម្ម

Mark Zuckerberg និងភរិយាផ្តួចផ្តួមគំនិតលុបបំបាត់ជំងឺក្នុងឆ្នាំ២១០០

By

-

Mark Zuckerberg និង Priscilla Chan ក្រោមគម្រោងChan Zuckerberg Initiative (CZI) បានប្រកាសពីគំនិតផ្តួចផ្តើមថ្មីមួយដើម្បីជួយលុបបំបាត់ជំងឺរបស់មនុស្សនៅឆ្នាំ 2100។ គំនិតផ្តួចផ្តើមនេះនឹងផ្តោតលើការបង្កើតប្រព័ន្ធកុំព្យូទ័រ ដែលអ្នកស្រាវជ្រាវអាចប្រើជាមួយ AI ដើម្បីចាត់ក្រុមកោសិកា និងទស្សន៍ទាយពីរបៀបដែលពួកវាធ្វើសកម្មភាពនៅពេលដែលមានជម្ងឺ។

ទិន្នន័យដែលប្រមូលបានដោយប្រព័ន្ធនេះ អាចត្រូវបានប្រើដើម្បីបង្កើតរបកគំហើញថ្មី ដែលលុបបំបាត់ជំងឺរបស់មនុស្សទាំងស្រុង។ CZI គ្រោងនឹងមានប្រព័ន្ធកុំព្យូទ័រដំណើរការនៅឆ្នាំ 2024 និងធ្វើឱ្យវាប្រើប្រាស់បានជាសាធារណៈ ដើម្បីឱ្យអ្នកស្រាវជ្រាវអាចប្រើប្រាស់បែបបែបសហការគ្នា។

គំនិតផ្តួចផ្តើមនេះមានសក្តានុពលក្នុងការធ្វើបដិវត្តវិធីថ្មីដែលយើងធ្វើរោគវិនិច្ឆ័យ និងព្យាបាលជំងឺ។ ដោយប្រើ AI ដើម្បីវិភាគកោសិកា និងទស្សន៍ទាយពីរបៀបដែលពួកវាធ្វើសកម្មភាពនៅពេលមានជម្ងឺ អ្នកស្រាវជ្រាវអាចបង្កើតការធ្វើតេស្ត និងការព្យាបាលថ្មីដែលត្រឹមត្រូវ និងមានប្រសិទ្ធភាពជាងវិធីសាស្ត្របច្ចុប្បន្ន។

គំនិតផ្តួចផ្តើមនេះក៏អាចជាច្រកបើកចំហរមួយក្នុងការទទួលបានការថែទាំសុខភាពដោយផ្តល់ឱ្យអ្នកស្រាវជ្រាវមកពីទូទាំងពិភពលោកនូវឱកាសដើម្បីចូលរួមក្នុងការស្រាវជ្រាវដ៏ល្អឥតខ្ចោះនេះ។

ពាណិជ្ជកម្ម

តើយុទ្ធសាស្ត្រទីផ្សារឌីជីថលបែបណាខ្លះដែលពេញនិយមនៅថៃឆ្នាំ២០២៣នេះ?

By

-

ថៃគឺជាប្រទេសនៅអាស៊ានមួយដែលមានភាពទាន់សម័យ និងមានទំហំសេដ្ឋកិច្ចដ៏ធំជាងគេមួយនៅក្នុងតំបន់។ ប្រជាជនថៃគឺជាប្រជាជនស៊ីវីល័យ និងតាមទាន់ទំនោរនៃបច្ចេកវិទ្យា ហើយមានប្រពៃណីទំនៀមទម្លាប់ប្រហាក់ហ្រហែលនឹងយើងផងដែរ។ ដូចនេះ ថ្ងៃនេះខ្ញុំសូមលើកឡើងពីទំនោរនៃការផ្សព្វផ្សាយតាមប្រព័ន្ធឌីជីថលនៅប្រទេសថៃ សម្រាប់ម្ចាស់អាជីវកម្ម និងអ្នកទីផ្សារក្នុងការសិក្សាស្វែងយល់បន្ថែម។

វីដេអូខ្លីៗផ្សព្វផ្សាយខ្លីៗ៖ វេទិកាវីដេអូខ្លីៗដូចជា TikTok និង YouTube Shorts បានក្លាយជាការពេញនិយមយ៉ាងខ្លាំងនៅក្នុងប្រទេសថៃ ដោយអ្នកប្រើប្រាស់ចំណាយពេលកាន់តែច្រើនឡើងៗលើបណ្តាញសង្គមទាំងនេះ។ ហេតុនេះហើយនាំឱ្យមានការកើនឡើងនៃយុទ្ធនាការទីផ្សារវីដេអូខ្លីៗ។
យុទ្ធសាស្ត្រទីផ្សារInfluencer៖ អ្នកប្រើប្រាស់ថៃជឿជាក់លើអ្នកដែលល្បី និងមានឥទ្ធិពលនៅលើបណ្តាញសង្គម ហើយអាជីវកម្មជាច្រើនកំពុងប្រើប្រាស់យុទ្ធសាស្ត្រទីផ្សារInfluencer ដើម្បីទៅដល់ទស្សនិកជនគោលដៅរបស់ពួកគេ។ Influencers អាចត្រូវបានប្រើដើម្បីផ្សព្វផ្សាយផលិតផល សេវាកម្ម និងផ្សាយឲ្យគេស្គាល់ម៉ាកយីហោ។
ការផ្សាយបន្តផ្ទាល់តាមបណ្តាញសង្គម៖ ការផ្សាយបន្តផ្ទាល់គឺជានិន្នាការទីផ្សារឌីជីថលដ៏ពេញនិយមមួយផ្សេងទៀតនៅក្នុងប្រទេសថៃ។ អាជីវកម្មជាច្រើនកំពុងប្រើការផ្សាយបន្តផ្ទាល់ដើម្បីលក់ផលិតផល ទំនាក់ទំនងជាមួយអតិថិជន និងរៀបចំព្រឹត្តិការណ៍ផ្សេងៗនៅលើអនឡាញ។
លក់តាមបណ្តាញសង្គម（Social Commerce）៖ វាគឺជាការរួមបញ្ចូលបណ្តាញសង្គម និងការធ្វើពាណិជ្ជកម្មអេឡិចត្រូនិក។ អាជីវកម្មកំពុងប្រើប្រាស់ប្រព័ន្ធបណ្តាញសង្គមដូចជា Facebook TikTokនិង Instagram ដើម្បីលក់ផលិតផល និងសេវាកម្មដោយផ្ទាល់ដល់អ្នកប្រើប្រាស់។
ប្រើប្រាស់ChatBotសន្ទនា៖ អាជីវកម្មនៅប្រទេសថៃចាប់ផ្តើមការកសាងទំនាក់ទំនងជាមួយអតិថិជនតាមរយៈការសន្ទនាដោយប្រើប្រាស់ChatBot ភ្ជាប់ជាមួយនឹងបណ្តាញសង្គមនាន និងគេហទំព័រជាដើម។ ការធ្វើដូចនេះវាជួយឲ្យអាជីវកម្មទទួលភ្ញៀវបានច្រើន លឿនរហ័ស និងកាត់បន្ថយកម្លាំងពលកម្មមនុស្សនិងការចំណាយផងដែរ។
យុទ្ធសាស្ត្រជម្រុញឲ្យអតិថិជនបង្កើតមាតិកា៖ ម្ចាស់អាជីវកម្មអនុវត្តយុទ្ធសាស្ត្រដើម្បីឲ្យអតិថិជនរបស់ខ្លួនបង្កើតមាតិការផ្សព្វផ្សាយដែលពាក់ព័ន្ធនឹងផលិតផល និងសេវាកម្មដើម្បីបង្កើនទំនុកចិត្ត និងបង្កើនការលក់។

បន្ថែមពីលើនិន្នាការទូទៅទាំងនេះ ក៏មាននិន្នាការជាក់លាក់មួយចំនួនដែលពេញនិយមនៅក្នុងប្រទេសថៃផងដែរ។ ជាឧទាហរណ៍ អ្នកប្រើប្រាស់ថៃចាប់អារម្មណ៍យ៉ាងខ្លាំងលើសុខភាព និងសុខុមាលភាព។ ដូចនេះអាជីវកម្មដែលផ្សព្វផ្សាយពីផលិតផល និងសេវាកម្មដែលមានសុខភាពល្អគឺទទួលបានលទ្ធផលល្អផងដែរ។ អ្នកប្រើប្រាស់ថៃក៏មានការយល់ដឹងពីតម្លៃផងដែរ ដូច្នេះអាជីវកម្មដែលផ្តល់ការបញ្ចុះតម្លៃ និងការផ្សព្វផ្សាយច្រើនតែទទួលបានជោគជ័យ។

សរុបមក ទិដ្ឋភាពទីផ្សារឌីជីថលនៅក្នុងប្រទេសថៃកំពុងតែវិវត្តន៍ឥតឈប់ឈរ។ អាជីវកម្មដែលចង់ទទួលបានជោគជ័យត្រូវបន្តធ្វើឱ្យទាន់សម័យលើនិន្នាការ និងបច្ចេកវិទ្យាចុងក្រោយបំផុត។

ពាណិជ្ជកម្ម

តើសេដ្ឋកិច្ចចិននឹងអាចជាប់គាំងដែរឬទេ?

By

-

មួយរយៈកាលចុងក្រោយនេះ យើងបានឃើញព័ត៌មានមិនតិចទេពីបញ្ហាសេដ្ឋកិច្ចដែលប្រទេសចិនកំពុងតែជួបប្រទះ ជាពិសេសវិបត្តិជាប់គាំងនៅក្នុងវិស័យអចលនវត្ថុ និងបញ្ហាធ្លាក់ចុះការវិនិយោគពីបរទេស និងការរើរោងចក្រចេញពីមហាយក្សសេដ្ឋកិច្ចពិភពលោកមួយនេះទៅប្រទេសចិន។ បញ្ហាដែលគេមើលឃើញធំបំផុតនោះ គឺបញ្ហាអចលនវត្ថុ ដែលក្រុមហ៊ុនធំៗ២របស់ចិនបានទទួលរងនឹងព្យុះភ្លៀងខ្លាំង គឺក្រុមហ៊ុន Evergrande និងក្រុមហ៊ុន Country Garden ធ្វើឲ្យអ្នកវិភាគសេដ្ឋកិច្ចជាចម្រើនលើកឡើងថា សេដ្ឋកិច្ចចិនអាចនឹងមានបញ្ហាដោយសារតែវិបត្តិអចលនវត្ថុ។ តើវិបត្តិទាំងនេះអាចនឹងធ្លាក់ចូលនឹងសេណារីយូនេះដែរឬទេ?

វាអាចទៅរួចដែលថាសេដ្ឋកិច្ចរបស់ប្រទេសចិនអាចជាប់គាំងដោយសារតែវិបត្តិអចលនទ្រព្យនាពេលបច្ចុប្បន្នធ្លាក់ចុះ។ វិស័យអចលនទ្រព្យជាកត្តាជំរុញដ៏សំខាន់នៃសេដ្ឋកិច្ចចិនដែលមានចំនួនប្រហែល 25% នៃ GDP ។ ការធ្លាក់ចុះនេះបានជះឥទ្ធិពលយ៉ាងខ្លាំងដល់សេដ្ឋកិច្ច ហើយវាអាចជាទម្ងន់ទាញទម្លាក់លើកំណើនមួយរយៈ។

មានហេតុផលមួយចំនួនដែលការធ្លាក់ចុះអចលនទ្រព្យអាចអូសបន្លាយពេលយូរ។ ទីមួយ កត្តាមានការផ្គត់ផ្គង់លំនៅឋានច្រើនលើសលប់ក្នុងប្រទេសចិន ជាពិសេសនៅតាមទីក្រុងធំៗ។ នេះធ្វើឱ្យអ្នកអភិវឌ្ឍន៍ពិបាកលក់អាគារដែលសង់ថ្មី ហើយវាក៏កំពុងដាក់សម្ពាធធ្លាក់ចុះលើតម្លៃផងដែរ។

ទីពីរ រដ្ឋាភិបាលចិនបានចាត់វិធានការមួយចំនួនដើម្បីធ្វើឱ្យទីផ្សារអចលនទ្រព្យត្រជាក់ដូចជាការរឹតបន្តឹងការផ្តល់ប្រាក់កម្ចី និងការដំឡើងពន្ធលើការទិញអចលនទ្រព្យ។ វិធានការទាំងនេះបានធ្វើឱ្យប្រជាពលរដ្ឋកាន់តែពិបាកទិញផ្ទះ ហើយពួកគេក៏បានរួមចំណែកដល់ការធ្លាក់ចុះនៃតម្រូវការផងដែរ។ ទោះជារយៈពេលថ្មីៗនេះ រដ្ឋាភិបាលចាប់ផ្តើមបន្ធូរបន្ធយវិធានការ និងចូលរួមចំណែកដើម្បីជួយស្តារយ៉ាងណាក៏ដោយ ក៏វាត្រូវការពេលវេលាដើម្បីទាក់ទាញទំនុកចិត្ត និងតម្រូវការឲ្យកើនឡើងសារជាថ្មី។

ទីបី សេដ្ឋកិច្ចចិនកំពុងប្រឈមមុខនឹងបញ្ហាប្រឈមមួយចំនួនទៀត ដូចជាការធ្លាក់ចុះនៃការនាំចេញ និងបន្ទុកបំណុលកើនឡើង។ បញ្ហាប្រឈមទាំងនេះអាចបង្កការលំបាកដល់រដ្ឋាភិបាលក្នុងការចាត់វិធានការជំរុញទីផ្សារអចលនទ្រព្យ។

ទោះជាយ៉ាងណាក៏ដោយ វាក៏អាចទៅរួចផងដែរ ដែលថារដ្ឋាភិបាលចិននឹងអាចគ្រប់គ្រងដោយជោគជ័យនូវការធ្លាក់ចុះនៃអចលនទ្រព្យ និងការពារវាពីការមានផលប៉ះពាល់យូរអង្វែងដល់សេដ្ឋកិច្ច។ រដ្ឋាភិបាលចិនមានបទពិសោធន៍ច្រើនក្នុងការគ្រប់គ្រងសេដ្ឋកិច្ច ហើយកន្លងមក ប្រទេសនេះតែងតែមានវិធីសាស្ត្រជាច្រើនក្នុងការជំរុញកំណើនសេដ្ឋកិច្ច ដែលធ្វើឲ្យអ្នកជំនាញជុំវិញពិភពលោកតែងតែវិភាគខុសអំពីសេដ្ឋកិច្ច និងនយោបាយចិន។

សរុបមក វាឆាប់ពេកហើយក្នុងការនិយាយថាតើសេដ្ឋកិច្ចរបស់ប្រទេសចិននឹងជាប់គាំងដោយសារការធ្លាក់ថ្លៃអចលនទ្រព្យ និងភាពជាប់គាំងនាពេលបច្ចុប្បន្ននេះឬអត់។ រដ្ឋាភិបាលកំពុងចាត់វិធានការដើម្បីដោះស្រាយបញ្ហានេះ ដូចយើងបានឃើញមួយរយៈនេះអំពីការងើបឡើងវិញខ្លះៗនៃក្រុមហ៊ុនដែលកំពុងតែជួបបញ្ហាហិរញ្ញវត្ថុទាំង២ខាងលើ។ វិស័យសេដ្ឋកិច្ចសម្រាប់ប្រទេសចិនគឺពឹងផ្អែកលើរបៀបដែលរដ្ឋាភិបាលគ្រប់គ្រងវិស័យអចលនទ្រព្យ និងបញ្ហាប្រឈមផ្សេងទៀតដែលសេដ្ឋកិច្ចកំពុងប្រឈមមុខ ដែលនេះមានតែពេលវេលាប៉ុណ្ណោះទើបអាចផ្តល់ចម្លើយមួយជាក់លាក់បាន។

ពាណិជ្ជកម្ម

ជំនាញ Digital Marketing សម្រាប់ 2023-2024

By

-

យោងតាមវីដេអូរបស់លោក មាស សកល ដែលជាអ្នកជំនាញផ្នែក Digital Marketing។ លោកបានបង្ហាញថាសម្រាប់អ្នកដែលចង់រៀន ឬចង់ធ្វើការក្នុងវិស័យ Digital marketing គួរតែយល់ដឹងពីជំនាញទាំង 5នេះ៖

@sakaldigital

Digital Marketing Skills 2023-2024

♬ original sound – Sakal Digital – Sakal Digital

1. ជំនាញខាងសរសេរមាតិកា (Content writing)

ជំនាញសរសេរមាតិកា ឬបង្កើតមាតិកាមានច្រើនប្រភេទដូចជា មាតិកាជួយឲ្យគេស្គាល់ម៉ាកយីហោ មាតិកាផ្ដល់ចំណេះដឹង មាតិកាដើម្បីជំរុញការលក់…។ ហើយមាតិកាដែលគេនៅតែត្រូវការខ្លាំងគឺ មាតិកាដើម្បីជំរុញការលក់។

2. រចនាក្រាហ្វិច (Graphic design)

ជំនាញនេះនៅតែសំខាន់ និងគេត្រូវការច្រើនព្រោះសម័យឌីជីថលអាជីវកម្មប្រើប្រាស់បណ្ដាញសង្គមច្រើន។ ដូចច្នេះការរចនាក្រាហ្វិចសម្រាប់មាតិកានៅតែសំខាន់ដើម្បីឲ្យមាតិកាកាន់តែទាក់ទាញ។

3. ការបង្កើតវីដេអូខ្លី (Short video creation)

បណ្ដាញសង្គមបច្ចុប្បន្នចាប់តាំងពីមាន TikTok គឺគេនិយមបង្កើតវីដេអូខ្លីដើម្បីទាក់ទាញការចាប់អារម្មណ៍។ សម្រាប់ YouTube មាន shorts video រីឯ Instagram Facebook មាន reel video។

4. ជំនាញផ្សព្វផ្សាយ (Digital advertising or Media buying)

ជាជំនាញដែលយើងអាចចាយលុយក្នុងការផ្សព្វផ្សាយតាមប្រព័ន្ធឌីជីថលដើម្បីជំរុញឲ្យកាន់តែទៅដល់អតិថិជនគោលដៅ។

5. ការគ្រប់គ្រងការងារឲ្យទាន់ពេលវេលា និងត្រូវតាមថវិកាដែលមាន (Project management)

ការចេះគ្រប់គ្រង Project គឺជារឿងសំខាន់ដើម្បីឲ្យ Project ដែលទទួលបានជោគជ័យ និងលទ្ធផលល្អ។ ដូចជាការទំនាក់ទំនងជាមួយអតិថិជន រៀបចំផែនការ ការគិតចំណូលចំណាយចំណេញ និងធ្វើឲ្យទាន់ពេលដែលកំណត់។

ប្រភព: Sakal Digital

ពាណិជ្ជកម្ម

ថ្នាក់ដឹកនាំសមាគម CVEA រំពឹងថានឹងអាចពាំនាំបទពិសោធន៍អាស៊ានមកអភិវឌ្ឍស្តង់ដារនៅកម្ពុជា

By

-

ប្រតិភូដែលជាថ្នាក់នាំសមាគមន៍អ្នកវាយតម្លៃ និងភ្នាក់ងារអចលនវត្ថុកម្ពុជា (Cambodian Valuers And Estate Agents Association ហៅកាត់ថា CVEA ) ដឹកនាំដោយលោក សន សៀបដែលជាប្រធានសមាគមន៍ ធ្វើដំណើរទៅចូលរួមសមាជប្រចាំឆ្នាំរបស់សមាគមន៍អ្នកវាយតម្លៃអាស៊ាន (AVA) ដែលនឹងប្រារព្ធធ្វើនៅថ្ងៃទី 18 – 20 ខែកញ្ញា ឆ្នាំ 2023 នៅប្រទេសម៉ាឡេស៊ី។

សមាគមន៍អ្នកវាយតម្លៃអាស៊ានបានបង្កើតឡើងតាំងពីឆ្នាំ1981 ដែលមានគោលបំណងលើកកម្ពស់ និងពង្រឹងវិស័យហិរញ្ញវត្ថុតាមរយៈការវាយតម្លៃនៅបណ្តាប្រទេសអាស៊ានមានស្តង់ដារខ្ពស់។ លោក សន សៀបដែលជាប្រធានសមាគមបានលើកឡើងថា ការចូលរួមប្រជុំជាប្រចាំឆ្នាំនេះគឺដើម្បីផ្លាស់ប្តូរបទពិសោធន៍គ្នាទៅវិញទៅមករវាងសមាជិកអ្នកជំនាញនៅក្នុងវិស័យវាយតម្លៃនៃបណ្តាប្រទេសអាស៊ាន និងវិស័យអចលនវត្ថុ ក៏ដូចជាបណ្តាប្រទេសអភិវឌ្ឍផ្សេងៗទៀត និងពាំនាំនូវស្តង់ដារវាយតម្លៃអន្តរជាតិដើម្បីអភិវឌ្ឍវិស័យភ្នាក់ងារវាយតម្លៃឲ្យកាន់តែមានការប្រកួតប្រជែងខ្ពស់ជាលក្ខណៈអន្តរជាតិ ព្រមទាំងផ្សព្វផ្សាយឱកាសផ្សេងៗនៅក្នុងវិស័យអចលនវត្ថុ និងការវិនិយោគនៅកម្ពុជាផងដែរ។

លោក ឧកញ៉ា ចេង ខេង សមាជិកក្រុមប្រឹក្សាភិបាលនៃសមាគមន៍CVEA និងជាប្រធានក្រុមហ៊ុនវាយតម្លៃអចលនទ្រព្យ CPL បានលើកឡើងថា វាគឺជាមោទនភាពមួយដែលយើងក្នុងនាមតំណាងឲ្យកម្ពុជាធ្វើការរួបរួមជាមួយបណ្តាសមាគន៍នៅតំបន់អាស៊ានដើម្បីលើកកម្ពស់ស្តង់ដារវាយតម្លៃនៅកម្ពុជាឲ្យកាន់តែមានការប្រកួតប្រជែងខ្ពស់។ វាក៏ជាឱកាសសម្រាប់យើងសម្រាប់យើងរៀនសូត្រពីបទពិសោធន៍ថ្មីៗ និងល្អៗ ចំណុចខ្លាំងពីក្រៅប្រទេសរបស់បណ្តាប្រទេសទាំងនោះ ដើម្បីយកមកអភិវឌ្ឍវិស័យវាយតម្លៃ និងវិស័យអចលនវត្ថុនៅកម្ពុជា។ លោកក៏បានបន្តថា មានតែការរួបរួមទេដែលធ្វើឲ្យវិស័យអចលនវត្ថុនៅប្រទេសយើង និងក្នុងតំបន់អាស៊ានកាន់តែមានការប្រកួតប្រជែងទាំងក្នុងតំបន់ និងលើសកលលោក។

នៅក្នុងកិច្ចប្រជុំនេះ លោក សេង សុភ័ក្រ្ត អនុប្រធានប្រតិបត្តិនៃសមាគអ្នកវាយតម្លៃ និងភ្នាក់ងារអចលនវត្ថុកម្ពុជា និងធ្វើជាអ្នកតំណាងសមាគម និងកម្ពុជា នឹងធ្វើការចែករំលែកបទពិសោធន៍ពីឥទ្ធិពលនៃផលប៉ះពាល់របស់បរិស្ថានមកលើវិស័យវាយតម្លៃអចលនវត្ថុដោយសារតែពិភពលោកបច្ចុប្បន្នកំពុងតែយកចិត្តទុកដាក់ខ្ពស់ និងមានការព្រួយបារម្ភអំពីការប្រែប្រួលអាកាសធាតុ។

ជាមួយគ្នានេះដែរ លោក ស៊ា ឆៃលីន ដែលជាសមាជិកគណៈកម្មការសមាគមធរុកិច្ចនៃសមាគមCVEA ក៏នឹងធ្វើបទបង្ហាញស្តីអំពីស្ថានភាពសេដ្ឋកិច្ច និងទីផ្សារអចលនវត្ថុរបស់កម្ពុជានៅឆ្នាំ២០២៣នេះ និងលើកឡើងអំពីសក្តានុពលក្នុងការវិនិយោគក្នុងវិស័យអចលនវត្ថុនៅកម្ពុជាដើម្បីចែករំលែកនៅក្នុងកិច្ចប្រជុំប្រចាំឆ្នាំនេះផងដែរ។

ពាណិជ្ជកម្ម

កាហ្វេ Luckin បានផ្តួល Starbucks ដើម្បីក្លាយជាហាងកាហ្វេដ៏ធំបំផុតរបស់ប្រទេសចិន

By

-

នៅចុងត្រីមាសទី 2 ឆ្នាំ 2023 កាហ្វេយក្សរបស់ចិន Luckin Coffee បានយកឈ្នះ Starbucks ដែលជាខ្សែសង្វាក់កាហ្វេដ៏ធំបំផុតរបស់ពិភពលោក។ នៅក្នុងទីផ្សារប្រទេសចិន Luckin Coffee មានហាងចំនួន 10,829 នៅក្នុងប្រទេសចិននៅចុងខែមិថុនា ខណៈដែល Starbucks មាន 6,480 ហាងនៅក្នុងប្រទេសចិន។ សម្រាប់ Starbucks នៅប្រទេសចិនគឺជាទីផ្សារធំទីពីររបស់ Starbucks បន្ទាប់ពីសហរដ្ឋអាមេរិក។

Luckin Coffee ត្រូវបានបង្កើតឡើងក្នុងឆ្នាំ 2017 ហាងកាហ្វេនេះបានបន្តពង្រីកសាខារបស់ខ្លួនយ៉ាងស្វាហាប់ កើនឡើងដល់ 10,829 សាខានៅក្នុងប្រទេសចិន។ ហើយសាខារបស់ហាងកាហ្វេនេះមានទំហំតូចជាងបើធៀប នឹង ហាងកាហ្វេ Starbucks ។ វាអាចជាយុទ្ធសាស្រ្ដមួយដែលធ្វើឲ្យកាន់តែងាយស្រួលក្នុងការពង្រីកសាខារបស់ Luckin Coffee ព្រោះវាងាយស្រួលរកកន្លែងទំនេរ និងការវិនិយោគតិចជាងមុន។ ដែលធ្វើឱ្យ Luckin Coffee បង្កើតហាងសាខានៅជិតអតិថិជន ត្រូវគោលដៅអ្នកប្រើប្រាស់ច្រើនជាង Starbucks ដោយ Luckin Coffee មានហាងស្ទើរតែ គ្រប់ សង្កាត់ តំបន់។

លោក Jianggan Li ស្ថាបនិក និងជានាយកប្រតិបត្តិនៃក្រុមហ៊ុនស្រាវជ្រាវបច្ចេកវិទ្យា Momentum Works បាននិយាយថា “Luckin Coffee មានភាពខ្លាំងក្លាក្នុងការពង្រីកហាងរបស់ខ្លួន។ ដោយអ្នកប្រើប្រាស់អាចទិញភេសជ្ជៈ ពី Luckin Coffee ក្នុងតម្លៃ 2 ដុល្លារ ឬតិចជាងនេះ។ ហើយក៏ដោយសារតែមានការបញ្ចុះតម្លៃជាច្រើន ឡាក់គីនអាចពង្រីកអាជីវកម្មរបស់ខ្លួនបានយ៉ាងឆាប់រហ័ស។

សម្រាប់កាហ្វេឡាក់គីនក្នុងត្រីមាសគិតត្រឹមថ្ងៃទី 30 ខែមិថុនា កាហ្វេឡាក់គីនបានបើកហាងថ្មីចំនួន 1,485 ដែលជាមធ្យម 16.5 ហាងថ្មីក្នុងមួយថ្ងៃ។ ហើយក្នុងចំណោមហាងចំនួន 10,829 នៅក្នុងប្រទេសចិន មាន 7,181 ដំណើរការដោយខ្លួនឯង និង 3,648 ត្រូវបានដំណើរការដោយដៃគូ។ សម្រាប់ទីផ្សារបរទេស Luckin Coffee បានបើកហាងចំនួន 14 កន្លែងក្នុងប្រទេសសិង្ហបុរី។

ក្រុមហ៊ុនបានបញ្ជាក់ថា នៅត្រីមាសទីពីរនៃឆ្នាំ 2023 Luckin Cofee មានអតិថិជនប្រើប្រាស់សេវាកម្មលើសពី 170 លាននាក់ សម្រាប់ការលក់ប្រចាំខែមានចំនួន 43.07 លាន។

វិនិយោគិន Rahul Maheshwari បាននិយាយថា “Luckin Coffee ដំណើរការលើម៉ូដែល Grab-and-Go ដើម្បីឲ្យអតិថិជនបញ្ជាទិញពីកម្មវិធី។ កាហ្វេមួយកែវពី Luckin មានតម្លៃ 10 – 20 យ័ន ឬប្រហែល $1.40 – $2.75 ។ នោះដោយសារតែ Luckin ផ្តល់ការបញ្ចុះតម្លៃ និងការផ្តល់ជូនជាច្រើន។ ទន្ទឹមនឹង Starbucks កាហ្វេមួយកែវមានតម្លៃ 30 យន់ ($4.10) ឬច្រើនជាងនេះ។

សរុបមក ភាពជោគជ័យរបស់ Luckin Coffee គឺដោយសារតែយុទ្ធសាស្រ្តកំណត់តម្លៃដ៏មានប្រសិទ្ធភាព រសជាតិឆ្ងាញ់ និងការវិនិយោគជាយុទ្ធសាស្រ្ត ក្នុងការពង្រីកសាខា យុទ្ធសាស្រ្តសម្រាប់សេវាកម្មអតិថិជន។ ដែលធ្វើឲ្យ Luckin Coffee ឈានទៅដល់អតិថិជនគោលដៅនៅក្នុងសហគមន៍នីមួយៗ និងទទួលបានជោគជ័យ។ ហើយឥឡូវនេះ Luckin Coffee កំពុងវាយលុកទីផ្សារពិភពលោក។

ប្រភព CNBC

ពាណិជ្ជកម្ម

ស្វែងយល់ពីភាពជោគជ័យរយៈពេល 34 ឆ្នាំរបស់ Makro

By

-

ការចាប់ផ្តើមនៃ “Makro” ( ម៉ាក្រូ) ដែលបានចូលប្រទេសថៃក្នុងឆ្នាំ 1988 ជាមួយនឹងការចុះបញ្ជីក្រុមហ៊ុន “Siam Makro Company Limited” ត្រូវបានគេចាត់ទុកថាជាអាជីវកម្មលក់ដុំដំបូងគេ (Cash & Carry) នៅក្នុងប្រទេសថៃ ហើយមិនត្រឹមតែផ្តោតលើទីផ្សារប្រទេសថៃប៉ុណ្ណោះទេ។ Makro ក៏កំពុងស្វែងរកឱកាសពង្រីកខ្លួននៅក្នុងទីផ្សារអាស៊ីផងដែរ។ នៅឆ្នាំ 2017 គេបានបើកមជ្ឈមណ្ឌលចែកចាយផលិតផលប្រើប្រាស់យ៉ាងទូលំទូលាយដំបូងគេនៅក្នុងប្រព័ន្ធសមាជិកភាពក្នុងតំបន់អាស៊ានក្នុងរាជធានីភ្នំពេញប្រទេសកម្ពុជា។ រហូតមកដល់ពេលនេះ Makro មានសាខាជាង 155 នៅក្នុងប្រទេសថៃ និង 10 សាខានៅក្រៅប្រទេសក្នុង 4 ប្រទេស។

វិភាគ យុទ្ធសាស្ត្រ 5 យ៉ាងដើម្បីបង្កើតភាពជោគជ័យ៖ របស់ «ម៉ាក្រូ» ឈរឈ្មោះជាអ្នកដឹកនាំអាជីវកម្មលក់ដុំក្នុងប្រទេសថៃ

គន្លឹះដែលជំរុញឱ្យក្រុមហ៊ុន Makro បន្តជោគជ័យបានមកពី 5 ចំណុចក្នុងការធ្វើអាជីវកម្ម

យល់ពីអតិថិជន ការផ្តល់ “ផលិតផលចម្រុះ”

អ្វីដែលពង្រឹងភាពត្រឹមត្រូវនៃការក្លាយជាអ្នកលក់ដុំដែលសហគ្រិនអាចជឿទុកចិត្តបានគឺ ផលិតផលប្រើប្រាស់ និងផលិតផលស្រស់ៗជាច្រើនប្រភេទដែលគ្របដណ្តប់ចាប់ពីម៉ាកលំដាប់ពិភពលោក និងម៉ាកយីហោថៃ រហូតដល់ម៉ាកយីហោសហគ្រាសធុនតូច មធ្យម និងផលិតផលពីកសិករក្នុងស្រុក។ ផលិតផលមានគុណភាព និងស្តង់ដា ដើម្បីឱ្យអតិថិជនមក Makro ធានាថានឹងទទួលបានផលិតផលគុណភាពល្អ។

បន្ថែមពីនេះ Makro ក៏ផ្តល់ជូននូវ “តម្លៃល្អ” ដោយសង្កត់ធ្ងន់លើភាពខ្លាំងរបស់ខ្លួនក្នុងនាមជាអ្នកនាំមុខគេនៅក្នុងតម្លៃលក់ដុំ។ ដោយបន្តរៀបចំយុទ្ធនាការតម្លៃពិសេសដើម្បីជួយអតិថិជនកាត់បន្ថយការចំណាយ និងសន្សំប្រាក់។

យល់ពីតម្រូវការ

ជ្រើសរើសផលិតផលដែលមានគុណភាពពីក្រុមហ៊ុនផលិតផ្សេងៗគ្នា ធានាផលិតផលសុទ្ធ មិនងាយអស់ពីស្តុក!

ចំណុចខ្លាំងមួយទៀតរបស់ Makro គឺការស្វែងរក (Sourcing) ផលិតផលគុណភាពពីក្រុមហ៊ុនផលិត និងអ្នកផ្គត់ផ្គង់ជាច្រើន រួមទាំងផលិតផលពីកសិករក្នុងប្រទេសផងដែរ។ តាមយុទ្ធសាស្ត្រប្រភពផលិតផល Makro អាចគ្រប់គ្រងផលិតផលក្នុងស្តុកប្រកបដោយប្រសិទ្ធភាព។ ហើយមិនមានការខ្វះខាតក្នុងស្តុកឡើយ សហគ្រិន និងអ្នកប្រើប្រាស់ទូទៅអាចជឿជាក់បានថា ទាំងអាហារ និងគ្រឿងផ្សំនៅ Makro នឹងមានផ្តល់ជូនគ្រប់តម្រូវការរបស់អតិថិជន និងសហគ្រិនគ្រប់ពេលវេលា។

យល់ដើម្បីឈានដល់គោលដៅ

បន្តពង្រីក “សាខា” ដើម្បីទៅដល់គ្រប់តំបន់ទូទាំងប្រទេស

ការពង្រីកសាខាគឺជាបេះដូងនៃអាជីវកម្មលក់រាយ និងលក់ដុំ។ បន្ថែមពីលើការបើកសាខាថ្មី Makro បានគាំទ្រដល់អាជីវកម្មក្នុងស្រុក។ បង្កើតការងារ និងអាជីពក្នុងតំបន់ ដើម្បីបង្កើតប្រាក់ចំណូលជូនប្រជាពលរដ្ឋក្នុងមូលដ្ឋាន និងជួយសេដ្ឋកិច្ចនៃតំបន់នោះ។

គាំទ្រសហគ្រិនខ្នាតតូច

គាំទ្រ “ហាងលក់គ្រឿងទេស” ដើម្បីអភិវឌ្ឍន៍សក្តានុពលរបស់ខ្លួន – លើកកម្ពស់ស្តង់ដាហាងលក់រាយឱ្យមានលក្ខណៈទំនើប។

Makro ក្នុងនាមជាអ្នកដឹកនាំនៅក្នុងអាជីវកម្មលក់ដុំបានដែលដំណើរការនៅក្នុងប្រទេសថៃអស់រយៈពេល 34 ឆ្នាំមកហើយបានមើលឃើញពីបញ្ហាដែលកើតឡើងជាមួយសហគ្រិនខ្នាតតូច។ ដូច្នេះហើយគម្រោង True Friends of Shophuay ត្រូវបានបង្កើតឡើងដើម្បីអភិវឌ្ឍន៍ និងលើកកម្ពស់ស្តង់ដាហាងលក់រាយឱ្យមានភាពទំនើប។ Makro មានក្រុុមជួយ ប្រឹក្សា ផ្តល់ដំបូន្មាន នឹងធ្វើការយ៉ាងជិតស្និទ្ធជាមួយហាងលក់គ្រឿងទេសជាច្រើន។

ដើម្បីបំពេញតម្រូវការរបស់ម្ចាស់ហាងលក់គ្រឿងទេសទំនើប ដែលចង់លើកស្ដង់ដាហាងលក់រាយឱ្យមានភាពទំនើប ជួយបង្កើនប្រាក់ចំណូល និងបង្កើនប្រាក់ចំណេញសម្រាប់ហាង។

ស្វែងយល់ពីអាជីវកម្មក្នុងយុគសម័យឌីជីថល បុគ្គលិកត្រូវមានចំណេះដឹង និងការយល់ដឹងអំពីការផ្លាស់ប្តូរទីផ្សារ។ ដើម្បីឲ្យ Makro ភ្ជាប់ការលក់ផលិតផលយ៉ាងរលូន ( Omni-Channel) ព្រមទាំងផ្ដល់នូវសេវាកម្មដ៏មានប្រសិទ្ធភាព និងទូលំទូលាយ។

ការអភិវឌ្ឍនៃឧស្សាហកម្មលក់រាយ និងលក់ដុំសកលរួមទាំងប្រទេសថៃបានចូលដល់សម័យ ” Omni-Channel” ឬ ” O2O” ដោយសារការអភិវឌ្ឍន៍បច្ចេកវិទ្យា និងតម្រូវការរបស់អតិថិជន។ Makro បានវិនិយោគលើការអភិវឌ្ឍន៍កម្មវិធី “Makro PRO” ដែលជា app “បញ្ជាទិញទំនិញ លក់ទំនិញ តម្លៃល្អ នៅក្នុងកម្មវិធីតែមួយ” ដើម្បីបំពេញតម្រូវការ និងបង្ករភាពងាយស្រួលដល់អតិថិជន។

គេមើលឃើញថាក្នុងរយៈពេល 34 ឆ្នាំមកនេះក្រុមដែលនៅពីក្រោយភាពជោគជ័យនៃ “Makro” គឺមិនដែលឈប់អភិវឌ្ឍន៍សម្រាប់សហគ្រិនឡើយ។ ហើយវាគឺជាការប្តេជ្ញាចិត្ត ព្រមទាំងការមានជំនាញគ្រប់ក្រុមទាំងអស់ ដែលបានដឹកនាំអង្គការមួយនេះឲ្យឈរជើងក្នុងអាជីវកម្មលក់ដុំអស់រយៈពេលយ៉ាងយូរ។

ពាណិជ្ជកម្ម

បញ្ចុះតម្លៃ % ឬ បញ្ចុះតម្លៃជាលេខទឹកប្រាក់តើមួយណាល្អជាង?

By

-

– https://www.wondriumdaily.com/the-rule-of-100/

វាជារឿងធម្មតាទេក្នុងការធ្វើអាជីវកម្មត្រូវតែមានការបញ្ចុះតម្លៃដើម្បីពន្លឿនការលក់ ឬបញ្ចេញផលិតផលចាស់ឲ្យអស់។

តើអ្នកធ្លាប់ឆ្ងល់ទេ? ហេតុអ្វីបានជាម៉ាកយីហោមួយចំនួនចូលចិត្តដាក់ការបញ្ចុះតម្លៃជាភាគរយលើស្លាករបស់ពួកគេ?

ឧទាហរណ៍៖ បញ្ចុះតម្លៃ 25% 50%។

ប៉ុន្តែម៉ាកមួយចំនួនចូលចិត្តដាក់ការបញ្ចុះតម្លៃជាលេខ។

ឧទាហរណ៍៖ ទូរស័ព្ទតម្លៃ 1500$ បញ្ចុះតម្លៃ 300$ ។

យោងតាមគំនិត “Rule of 100” របស់លោក Jonah Berger សាស្ត្រាចារ្យផ្នែកទីផ្សារមកពីសាលា Wharton នៃសាកលវិទ្យាល័យ Pennsylvania ។ បាននិយាយថាការបញ្ចុះតម្លៃបែបណាក៏ដោយ គឺជាការទាក់ទាញការចាប់អារម្មណ៍របស់អ្នកប្រើប្រាស់ឲ្យកាន់តែច្រើន។

តើការបញ្ចុះតម្លៃជាភាគរយ ឬជាលេងគួរតែត្រូវបានប្រើនៅពេលណា?

សម្រាប់ផលិតផលដែលមានតម្លៃលើស 100$ អាចអ្វីការបញ្ចុះដាក់ជាលេខបាន។ វានឹងទាក់ទាញការចាប់អារម្មណ៍ពីអ្នកប្រើប្រាស់កាន់តែល្អ…

ឧទាហរណ៍៖ ឧបមាថាយើងជាម្ចាស់ហាងលក់កំព្យូទ័រមួយដែលមានកំព្យូទ័រមួយតម្លៃ 2000$ ហើយចង់ធ្វើការបញ្ចុះតម្លៃ ។

ជំនួសឱ្យការនិយាយថា “កំព្យូទ័រនេះតម្លៃ 2000$ បញ្ចុះតម្លៃ 25%”។

យើងគួរតែប្តូរទៅជា «កំព្យូទ័រនេះតម្លៃ 2000$ បញ្ចុះតម្លៃ 500$»។ គឺធ្វើឲ្យអ្នកទិញគេអាចនឹងមើលឃើញថាកំព្យូទ៍រនេះមានការបញ្ចុះតម្លៃ 500$ ចឹងកំព្យូទ័រនេះនៅសល់ 1500$។ ការនិយាយបញ្ចុះតម្លៃជាលេខជាទឹកប្រាក់។ វានឹងហាក់បីដូចជាមានប្រយោជន៍ជាងនៅក្នុងក្រសែភ្នែកអ្នកប្រើប្រាស់ ឬអ្នកទិញ។

ឥឡូវនេះសូមក្រឡេកមើលករណីនៃផលិតផលដែលមានតម្លៃទាបជាង 100$។

ឧទាហរណ៍៖ ឧបមាថាផលិតផលរបស់យើងមានតម្លៃ 20$ ហើយអ្នកចង់ធ្វើប្រូម៉ូសិនដើម្បីកាត់បន្ថយតម្លៃ។

ដើម្បីជំនួសឱ្យការនិយាយថា “ផលិតផលនេះតម្លៃ 20$ បញ្ចុះតម្លៃ 10$”

យើងគួរតែប្តូរទៅជា “ផលិតផលនេះបញ្ចុះតម្លៃ 50%” ដើម្បីឲ្យមើលទៅផលិតផលរបស់យើងកាន់តែមានតម្លៃ។

លោក Jonah Berger បាននិយាយថាគោលការណ៍នេះពិតជាល្អ នឹងជំរុញចំណាប់អារម្មណ៍របស់អ្នកប្រើប្រាស់។

ហើយវាក៏ជាមធ្យោបាយដើម្បីបង្កើនតម្រូវការផងដែរ។

យោង៖

ពាណិជ្ជកម្ម

Tesla សហការជាមួយ McDonald’s ក្នុងប្រទេសចិនដើម្បីបង្កើតការ៉េម McFlurry រចនាបថ Cybertruck

By

-

Tesla និង McDonald’s ហាក់ដូចជាកំពុងសហការគ្នានៅក្នុងប្រទេសចិនដើម្បីបង្កើតស្លាបព្រា McFlurry ដែលបំផុសគំនិតដោយ Cybertruck ។ ហើយរូបភាពផ្លូវការត្រូវបានគេរកឃើញនៅលើទំព័រប្រព័ន្ធផ្សព្វផ្សាយសង្គមចិនទាំង Tesla និង McDonald’s ។ ស្លាបព្រាដ៏រលោងឆ្លុះបញ្ចាំងពីការរចនាជ្រុងរបស់ Cybertruck ហើយ Tesla បានប្រើដែកធ្វើឲ្យនឹកឃើញដល់រថយន្ត Cybertruck ដែលមានបច្ចេកវិទ្យាទំនើបខ្ពស់។ ចំណុចទាក់ទាញរបស់ស្លាបព្រាគឺនៅខាងចុងមានសារថា “Don’t Panic” ដែលផ្គូផ្គងទៅត្រូវនឹងសារនៅលើផ្ទាំងគ្រប់គ្រងរបស់ Tesla Roadster ដែល Elon Musk បានបង្ហោះក្នុងឆ្នាំ 2018។

McDonald’s បានផ្សាយអំពីការបោះពុម្ពមានកំណត់ត្រឹមតែ 50,000 Cyber Spoons តែប៉ុណ្ណោះដែលនឹងមានតម្លៃប្រហែល $4.10 ហើយដើម្បីទិញគឺគេទិញតាមរយៈកម្មវិធី app ទិញទំនិញក្នុងប្រទេសចិន។ វាគឺជាយុទ្ធនាការទីផ្សារមួយទៀតដែលមើលទៅគួរឲ្យចាប់អារម្មណ៍ អាចឲ្យអតិថិជនសប្បាយក្នុងការបញ្ជាទិញ និងនិយាយតៗគ្នាដូចជាការលេងសើចមួយ។

ប្រភពព័ត៌មាន TAXI

ពាណិជ្ជកម្ម

ចំណាយត្រឹមតែ 2000៛ បានជិះរថភ្លើងដើរលេងក្នុងក្រុងភ្នំពេញ

By

-

Royal Railway Cambodia ជាស្ថានីយ៍រថភ្លើងក្នុងក្រុងភ្នំពេញដែលមានទីតាំងនៅទល់មុខអាគារ Vattanac ។ ពីមុនចង់ជិះរថភ្លើងទាល់តែទៅតាមខេត្តហើយចំណាយពេលយូរ ប៉ុន្តែឥឡូវអ្នកទាំងអស់គ្នាអាចជិះរថភ្លើងដើរលេងក្នុងក្រុងភ្នំពេញបាន ដោយចំណាយត្រឹមតែ 2000៛ តែប៉ុណ្ណោះ។

ប្រូម៉ូសិននេះសម្រាប់ភ្ញៀវដែលបានជាវភេស្ជជៈពីហាងកាហ្វេរថភ្លើងតែប៉ុណ្ណោះ ដោយអ្នកទាំងអស់គ្នាជាវភេសជ្ជៈណាមួយក៏បានពីហាងកាហ្វេរថភ្លើងនៅក្នុងស្ថានីយ៍ផ្ទាល់អ្នកទាំងអស់គ្នា និងទទួលបានសំបុត្ររថភ្លើងដែលមានតម្លៃត្រឹមតែ 2000៛ តែប៉ុណ្ណោះ។ ប្រសិនបើអ្នកទាំងអស់គ្នាមិនចង់ជាវភេសជ្ជៈនោះទេ អ្នកទាំងអស់គ្នាក៏អាចជាវសំបុត្របានដែរសម្រាប់ភ្ញៀវធម្មតាៈ តម្លៃសំបុត្រ 5000៛/មនុស្សធំ និង 2000៛/កូនក្មេង។

ក្នុងការជិះនេះគឺយើងជិះពីស្ថានីយរថភ្លើងភ្នំពេញ ទៅចំណតសំរោង (ពោធិ៍ចិនតុង) និងវិលត្រលប់មកចំណតភ្នំពេញវិញ។ ការជិះទៅហើយត្រលប់មកវិញនេះចំណាយពេលប្រហែល 1 ម៉ោង សម្រាប់អ្នកដែរមិនធ្លាប់ជិះអាចមកសាកល្បងទទួលបានបទពិសោធន៍ថ្មីតែម្ដងក្នុងការជិះរថភ្លើងក្នុងក្រុងភ្នំពេញ។ ហើយនៅទីនេះក៏មានហាងកាហ្វេផងដែលលក់ក្នុងរថភ្លើងមានកន្លែងអង្គុយខាងក្នុង និងខាងក្រៅយ៉ាងទាក់ទាញ។ សម្រាប់អ្នកចូលចិត្តថតរូបក៍អាចចូលមកថតលេងបានផងដែរ បើនិយាយប្លងស្អាតៗខ្លាំងជាមួយរថភ្លើង និងផ្លូវដែក។

ហើយការជិះរថភ្លើងក្នុងក្រុងភ្នំពេញនេះមានតែថ្ងៃ សៅរ៍ – អាទិត្យ ប៉ុណ្ណោះ។ រីឯម៉ោងចេញដំណើរអ្នកទាំងអស់គ្នាអាចឆែកក្នុងផេកផ្លូវការរបស់ Royal Railway Cambodia បាន។

ប្រភព: Royal Railway Cambodia

ពាណិជ្ជកម្ម

Maotai ចាប់ដៃគូជាមួយនឹងហាងកាហ្វេLuckinបង្កើតកាហ្វេឡាទេស្រាផ្ទុះពេញបណ្តាញសង្គម

By

-

ថ្មីៗនេះ ម៉ាកស្រាដ៏ល្បីឈ្មោះនៅប្រទេសចិន Maotai ដែលគេតែងស្គាល់ជាស្រាសល្អផ្តាច់គេមួយ និងមានតម្លៃថ្លៃ និងជាតិអាល់កុលខ្ពស់បានសហការជាមួយនឹងហាងកាហ្វេដែលកំពុងតែពេញនិយមនៅចិនគឺ Luckinបង្កើតភេសជ្ជៈថ្មីមួយគឺកាហ្វេឡាទេម៉ៅថាយ។ ភេសជ្ជៈថ្មីនេះនឹងធ្វើឲ្យលោកអ្នកស្វាងផងស្រវឹងផង បានកំពុងតែផ្ទុះពេញបណ្តាញសារព័ត៌មានគ្រប់ទិសទី។ តើហេតុអ្វីបានជាម៉ាកស្រាចាស់វស្សា និងល្បីល្បាញសហការជាមួយនឹងហាងកាហ្វេLuckinដែលជាហាងទើបតែបង្កើតនេះ?អាចមានហេតុផល៣ដែលនាំឲ្យការសហការគ្នានេះកើតឡើង។

១. Luckin ជាហាងកាហ្វេដែលមានអ្វីថ្មីជានិច្ច

ហាងកាហ្វេLuckin គឺជាហាងកាហ្វេដែលតែងតែបង្កើតផលិតថ្មីជានិច្ច គឺបង្កើតភេសជ្ជៈថ្មីមួយក្នុងរយៈពេល៣ថ្ងៃ ដែលហាងដទៃពិបាកនឹងសម្រេចបាន។ ទោះជាហាងកាហ្វេStarbucks និងហាងតែគុជធំៗទៀតមានការបង្កើតថ្មីដែរក៏ដោយ សន្ទុះនៃការបង្កើតថ្មីរបស់ហាងកាហ្វេLuckin ធ្វើឲ្យហាងផ្សេងពិបាកនឹងធ្វើដូច ដែលធ្វើឲ្យអតិថិជនចាប់អារម្មណ៍ និងគាំទ្រម៉ាកហាងកាហ្វេថ្មីនេះជាច្រើន!

២. Luckin ទាក់ទាញអតិថិជនក្មេងៗបានច្រើន

ការសហការគ្នានេះគឺជាយុទ្ធសាស្ត្រឈ្នះៗសម្រាប់ក្រុមហ៊ុនទាំងសងខាង។ សម្រាប់Luckin ការសហការជាមួយនឹងម៉ៅថាយគឺជាសម្រាប់បន្តបង្កើតនូវផលិតផលថ្មី និងភាពប្លែកអារម្មណ៍ដើម្បីទាក់ចិត្តអតិថិជន ហើយរីឯក្រុមហ៊ុនចាស់វស្សាស្រាម៉ៅថាយចង់ផ្សព្វផ្សាយស្រារបស់ខ្លួនដែលធ្លាប់តែល្បីល្បាញជាមួយនឹងអតិថិជនវ័យចាស់ មកចាប់ស្រទាប់យុវជនវ័យក្មេងឲ្យស្គាល់ និងចាំម៉ាកសញ្ញាស្រាមួយនេះ។

៣. Luckin មានសាខាច្រើន អតិថិជនច្រើន និងមានទិន្នន័យធំ

ថ្វីត្បិតតែហាងកាហ្វេនេះនៅក្នុងទីផ្សារមិនទាន់ចាស់វស្សាដូចហាងដទៃ តែហាងកាហ្វេម៉ាកនេះមានវត្តមាន ១ម៉ឺនហាង មានបុគ្គលិករាប់ម៉ឺននាក់ និងមានអតិថិជនចុះឈ្មោះជាសមាជិកជាង៤៣លាននាក់ និងមានប្រព័ន្ធគ្រប់គ្រងទិន្នន័យដើម្បីវិភាគពីចំណង់ចំណូលចិត្ត និងសកម្មភាពរបស់អតិថិជន ដែលអាចឲ្យពួកគេបង្កើតផលិតដែលត្រូវនឹងតម្រូវការ និងធ្វើការណែនាំទៅអតិថិជនដែលសក្តិសមនឹងផលិតផលបំផុត។

ពាណិជ្ជកម្ម

5 យុទ្ធសាស្រ្ត “Burger King” ដើម្បីបង្កើនអតិថិជនថ្មី និងបង្កើត Brand Love ដើម្បីយកឈ្នះបេះដូងប្រជាជនថៃ

By

-